فوط+ كومنتار
بقات تخزر للسقف بشرود تام عقدت ملامحها بامتعاض زيرت ع الغطا بقوووة وحبيبات العرق ينزلو من جبينها تتنفس بصعوبة مدت يدها لكرشها تمسح عليها وهي تبكي
لميس : اششششش بالعقل حبيبي بالعقل على ماما تعييييش ماتديرهاش بيا ... ابقى ثما الله يسترك مزال باش تجي ... اهدى يا روح ماما مزال الحال مزااال لا الوقت ولا المكان مناسب .... اااااااااي
ناضت تكات على ظهر السرير بألم التقلصات رجعولها مرة اخرى بقاتت تتوجع وتتغوصر في بلاصتها السطر قاتلها وهي تعيط لربي لخلقها وتبكي
لميس : اااي. يييما كررررشي تتتقطططططع ااااااااه
غمضت عينيها بقوة وهي تزير ع الغطا بيديها ميش قادرة تتحمل هاذ. الالم كلو بدات تبكي بألم تشكي لخالقها ...دخلت ميرا لقاتها في ذيك الحالة قربت ليها بخطوات بطيئة ببرود ووقفت فوق راسها
ميرا : وشبيك !!؟؟
ماجاوبتهاش لميس بقات غار تتوجع وتبكي وساعات تضرب السرير بيدها ساعت تعض يدها من قوة الالم وهي تتلوى يمين يسار شي من التقلصات شي من ضربات البيبي اللي يركل داخلها بقووة حطت يدها للمرة الثانية على كرشها تربت عليها بلاك يهدا اللي داخلها
لميس : خلاص حبيبي خلاااص تعيش ارررركح مماك ميش قادرة تتحمل هاذ الوجع كلللللو تعييييش مزاال باش تجي مزااااالل اصبر شوي ااااااه يااااربي
بقات ميرا تخزرلها شافت في كرشها البارزة ركزت فيها تشوف في حركة البيبي عضت على شفتها بقوة
ميرا : رايحة تولدي!!؟؟!!
لميس ببكاء : ماتهدريش معاياااا اخطيييينني قتلتوني .. حطمتوني دمرتتووني يااااربي واديني لعندك مابقتيش نحمل اكثر من هكا. ياربي اديني لعندك وريحني من هاذ لعذاب
خرجت ميرا وخلاتها بعد مدة هدات تقلصاتها رجعت خفيفة برك بقات تمسح على كرشها بهدوء واادموع مزااهم عالقين في شفارتيها.. تخمم وش راح يصرا .؟؟! كيفاه راح تسلك من بين يديهم ؟!! وش راح يصرا كون تولد هنا !؟؟ وش راح يديرو لصغيرها !!! مزال ميش وقتو مره باش تولد هو مزال في كرشها قادرة تحميه منهم اما اذا جا راح تكون صعيبة باش تحميه وبززااااف صعيبة ... غمضت عينيها غفات من التعب اصلا ماترقدش مليح .....تحل الباب قدمت ميرا ليها لقاتها راقدة ... شافت في ملامحها الباهتة ... مدت يدها بلا شعور لكرشها تمسح عليها فاقت لميس مفزوعة بعدت عليها ضامة بطنها
لميس : وش تديييري!؟! وش تحوسي عند ولدي ... حسابك معايا ماشي معاه
ناضت ميرا من بلاصتها ورماتلها فاست
ميرا : البسي
شافت فيها لميس باستغراب
ميرا : هياااا البسي وش راكي قاعدة تتفرجي فيا
لميس : لاه نلبس وين راكي مديتني
ميرا : اذا حابة تقعدي هنا معليش كيما تحبي
لميس: لالالا . بصح وين نروحو
ميرا : هيا راح نخرجك منا
لميس بسخرية : من نيتك !؟ ندير فيك الثقة ؟؟! وش راح يضمنلي بلي ميش راح تقتليني
مسحت ميرا على شعرها بغضب
ميرا ماكيش في موقف تخممي فيه هيا حبيتي تخرجي منا هيا قبل مايرجع ايفان وبابا
لميس : على اساس الكلبة لوخرا راح تخلينا
ميرا : اوووووووف لميييس اوووووووف ميش وقت الاسئلة راهي راقدة عطيتلها منوم
شافت فيها بشك .... ميش مدايرة فيها كونفيونس بصح .. وش تدير ماهيش في موقف يسمحلها باش تخير... تروح معاها مبعد تهرب منها.... وحدة تقدرلها ماشي كيما 4
ناضت من بلاصتها بالسيييف رجليها ميش حاملينها لبست لافاست اللي عطاتهالها وخرجو من ثم .. شافت لميس في الحراس اللي كانوا طايحين ...
ميرا : منوم منوووم ماقتلتهمش هيا قبل مايرجع ايفان
خرجو من الدار ذيك وخذاو اتجاههم للغابة ولميس محضنة كرشها خايفة كشما تديرلها
ميرا : هيا خفي شوووي .... وليتي قد البقرة تقول هازة 70 واحد
لميس : وش وجعك نتي يخي انا اللي راني هازاتو ونتي وش دخلك
ميرا : مزال لسانك طويييل
لميس: لاه راكي تعاوني فيا !؟؟!
ميرا : يمكن مزال شعور الانسانية في قلبي ... ماقدرتش نشوفك ونتي تعاني هكاك ... وتتعذبي ماحملتش وانا نشوفك تتوجعي وتبكي بذيك الطريقة قلبي تقطع عليك
لميس : اووووهووووو سجل يا تاريخ ميرا كانغراس غضتها وتقطع قلبها عليا .. رجعت تحس واخيررا
حبست ميرا وشافت في لميس مضيقة عينيها
ميرا : بلعي فمك عليا لاضك نخليك هنا وسط الذيابة هوما يوكلوك
لميس : مزال الشر في قلبك
ميرا :: اممم مارسي كي قتيلي ... يا $#### هيااا اتحركي شوووي راح يلقاونا تمشي ع البيض ولا
شدتها من ذراعها باش يزربو شوي
لميس : وين نروحو !؟!!
ميرا : نوصلك لادم وين نروحو زعما !!
لميس : لالالا تعيييشي ماتدينيش لعندو والله يذبححني ويسلخني
ميرا : قوليلو خطفووني ... اصلا مام ويعاقبك راح ينسى مبعد ميش راح يقسى عليك هو ولا شر باباك وصحبتتتتك
حبستها لميس شدتها من ذراعها والدموع في عينيها
لميس : عيييشك مانروحوش لثم ... مانيش حابة نرجعلو ... مانيش حابة ولدي يعيش مع اب كيما ادم ... راح يرجعو كييفو ... نروح لبلاصة خلاف بلاك يتبدل ويحبس جنونو هاذا باش نرجع
ميرا : مكانش واحد يقدر يحميك اكثر من ادم
لميس : راح نروح عند امير تفاهمت مع يارا من قبل
ميرا : امير ميش خونا لميس .. بعد الشي اللي صرالك كامل مابقيتش ندير الثقة في حتى واحد
لميس بصدمة : كان علابالك !؟؟!
ميرا : سمعت كلشي قالولك هاذاك اللي يتسمى بابا ... هو اقذر انسان شفتو في حياتي ... كرهتو علابالك !؟؟!
لميس : ميش ڨدي
سمعو لصوات سيارات في الغابة شافو في بعضهم بخوووف سندت ميرا لميس باش يزربو شوي ... السيارات رجعت قريبة للمنطقة بداو دموع لميس يطيحو
لميس ببكاء : صاي.صاي ميرا ماقدرتش نجري ككثر
شافت فيها ميرا بفزع قعدت فوق حجرة ثما شدت كرشها بألللم وهي تعيط بكل قوتها لدرجة انو حنجرنها تجرحت ... شدت على يد ميرا اللي كانت تمسح على ظهرها .... وتحلل فيها تنقص شوي باش مايعرفوش بلاصتهم وألمها وبكاها قطعلها قلبها وهي تشوف فيها في ذيك الحالة وجهها رجع احممر وهي تتنفس بصعوووبة تنهج كأنوا روحها راح تخرج
حست بحاجة تسيل بين رجليها شهقت بقوة وهي تعض على يديها تحاول تخفف من عياطها والدموع يسيحو بلا حبسة على خدودها حلت ميرا عينيها بفزع من الدم اللي نزفاتو
لميس ببكاء : لالالا ... ابني .. ابني راح يمووت ... يااااربي ... لالا ..ولدددي ميراااا ولدي ماات مووش يتحرك اهئ اهئ والله ماهو يتحرك مبقيتش حاسة بيه
كانت تبكي بألم كبيير وهي تتحسس في كرشها تتأكد من حاية وليدها شافت فيها ميرا بألم من حالتها وهي تمسح على ظهرها
ميرا : مايصرالو والو ... مايصرالو والو ... بربي ان شاء الله ... هو ابنو ... وهاز جيناتو مراحش يطيح بسهووولة
لميس : ميرا اذا كشما صرالو منقدرش نعييش ماتققدرش نتنففسسسس وااله نلحقو راهو موش يتحررك
ميرا : اشششش هدي روووحك مايصرالو وااالو متخافيش
بقات لميس تبكي وهي تخزر لبين رجليها وروبتها اللي رجعت كلها دم... دم وليدها ... صغييرها .. حلو عينيهم بصدمة من الصوت اللي وراهم
" اهلا يا فتيات "
مجاو يدورو يعرفو شكون كان سبقهم خدر ميرا وضرب لميس لعنقها طاحو في زوج شد لميس اخر لحظة حل عينيه بفزع من الحالة اللي كانت فيها لي ساغن على عينيها ووجهها اصفر الكدمات في جسمها زروووقة وزيد الدم اللي يتسرب منهها هزها بين يديه وراح يجري بيها للطومبيل ورجع مرة ثانية. لميرا
" زدتي زينتي يا محااينك "
____________________________
بعد 4 ساعات
كان قاعد ع الفوتاي مقابلها ناشر ذرعيه يتفرج فيها هاذي هي حالتو من لي جابوهالو يشوف فيها متسطحة فوق السرير جثة بلا روح حالتها قسمتلو قلللبو .... تفكر كي جات في ذيك الحالة
Flash back
كان واقف في بوابة القصر يستنى في ادريان اللي خبرو بلي لقاها شاف طومبيلو اللي دخلت دقت قروع قلبو بقووووة كان خايف بزااف ماترجعلوش
خرج ادريان وراح يحل الباب الخلفي باش يهزها حبسو ادم
ادم : وين بيها !!! تمسها نڨسممممك ... ياك معطيتهاش مخدر
ادريان : لالا ضربتها بخفة لراسها برك
عض ادريان على شفتو بقوووة بقا واقف يستنى ردة فعلو كي يشوفها في ذيك الحالة .... دخل ادم بجزئو العلوي لف يدو تحت رجليها وراسها اللي سال منو الدم من الضربة اللي كلاتها خرجها حل عينيه بفزع من حالتها اللي كانت فيها جمد في بلاصتو كانت في حالة جسمها بكلو بقع زرقا نفسها اللي نهار خرجتلها عرف اللي هي ... فوتت ضغط كبيير شاف في روبتها اللي مليانة دم وحتى من يدو كانت تقول مجزرة ضمعا بقوووة لصدرو
ادم : $#$$# وش بيها ! ياك قتلك ماتضربهاش فووورصي
ادريان : مانيش اناوانا ضربتها لراسها انا كي لقيتها لقيتها هكا نظن تاع البيبي
قلب ادم رجع ينبض بقوووة قريب يخرج من بلاصتو من الخوووف عليها ... وخوف فقدان صغيرهم ... هو بلاك يقدر يفوتها بصح هي ميش راح تقدر تتجاوز فقدانو راح تتدمممر راح يجري بيها للغرفة تاعهم واتصل بالطبيية اللي كانت جات في غضون 10 دقايق
نحالها روبتها اللي مابقا منها مايصلح ولبسلها بيجامة خفيفة مد يدو اللي كانت ترجف وحطها على كرشها
ادم : ماتروووحش عيششكك
بدات الطبيبة تفحصها سترتها بغطا ووقفتلها النزيييف بعد مدة خلصت وشافت في ادم اللي كان واقف على اعصابو خايف من الشي اللي راح يسمعو بيسك الدم اللي فقداتو مكانش يبشر بالخير
الطبيبة : مسيو ... المداام سلكككككت من الاجهاض على شعرة .. تعرف شهنهي شععرة ... هي الكول تاعها محلول 2 دواا يعني كان قادر يطيح بسهولة مي عمرو مزال طويل ... الدم اللي نزفاتو ميش لصالحها وهي عندها فقر الدم الحاد راهي كلما تقرب للولادة تضعف اكثر احتمالية نجاتها ضئيلة
رماتلو كلامها عطاتلو لوردونوس وخرجت قاعد هو واقف بجهامتو فوق راسها الشي اللي فوتاتو ماشي قليل اليوم قريب فقدها وفقد ابنو قرب ليها وطبع قبلة خفيفة على شفافها وقعد مقابلها يحرص عليها
Back
مسح على وجهو بتععب هو خايف من ولادتها اكثر منها خايف يفقدها وتروح بلا رجوع ميش راح يعاتبها ولا يحاسبها على هروبها لأنو هاذ الشي راح يأثر عليها وعلى صحتها بزااف ماصا جبينو بتعب .. يخمم كون مالقاهاش وش كان صرالها .. كانت تتألم وتتوجع بعيد عليه وهو مكانش ...معاها
قاطع تفكيرو صوت التيليفون اللي صونا كان سراج هز عليه وخرج للبالكون وغلق الباب باش مايديرونجيهاش
ادم : سربي وش عندك
سراج : جبتلك امانتك ....ارواح للاسطبل
ادم : اتهلا فيهم اني جاي
سراج : وادريان !؟!
ادم : من وكتا يهمني انا قلب ادريان ... هوما داروها قد روسهم اليوم يخلصوها ... يلا كان راجل يجي يمنعني مانعذبهاش
كوبا عليه ومسح على وجهو بقوووةة يخمم ... لميس كانت بززاااف صعييبة .. صعيبة باش يركحها ويروضها كانت عنيدة بزااف ومانكرش انو ماقدرش على تمردها هاذا .. دخل شاف فيها نظرة اخيرة وخرج
.....يتبع 💜❤️💜
ارائكم !؟!
توقعاتكم ؟؟!
فوط + كومنتار
بون خرجت توقعات Mariasfr4 الوحيدة اللي قدرت تتوقعها ... نقولك يعطيك الصحة خيالك واسع .. وراني مزالني عند راايي حبيبتي اطلبي مني اللي تحبي 😍😍😍 مااارسي حبيبتي يعطيك الصحة