فوط + كومنتار
في صقيلة
كان امير متكي على الكابو تاع الطومبيل على اعصابو وبجنبو يارا توكل في ظفارها
امير : وش بيك بعقلك ضك تجي ؟؟!
شافت فيه يارا وبلعت ريقها بصعوبة تعض في شفافها
يارا : نقلك حاجة بصح ما تتقلقش
امير : وش كاااين !!؟!
يارا : لميس راح تهررب
امير بصدمة : انعععععععم !!!؟! تهرب ؟! علاه؟!
يارا : مقدرتش تصبر مع ادم وهي عرفت اللي يكون زعيم مافيا
امير : احسن ما عملت اصلا كون ماهربتش كون جبتها بالسيف عليها
يارا : مزعفتش !!؟؟
امير : لا لا انا اكثر واحد نعرف ادم
يارا باستغراب : منين تعرفو
امير : كان صاحبي من 8 سنين مبعد كي فقت بلي كان زعيم مافيا بعدت على جماعتو وقطعت العلاقة معااه وكرررهتو
يارا : امم .. بصح قلبي ميش مطمني عندها ساعتين ملي قاتلي قابلوني هنا ..... ماجاتش زعما يكون فاقلهاا ؟؟!
امير : ميش صعيبة عليه رانا في ايطاليا يلقاها في رمشة عين بصح راح نهربها نهربها اليوم ولا غدوة مستحيل نخليها تعيش مع وحش كيفو ... بصح نتي لاه راكي تعاوني فيها ضد خوك ؟!!
تنهدت بحزن وضمت يديها لصدرها من البرد نحا لافاست تاعو وغطاها
يارا : ادم ماشي خويا
امير بصدمة : شنههههههي ؟؟!؟ كيفاه هاذا ؟!؟؟
يارا : وي كيما سمعت انا عاونت لميس باش نعاقبو هو مايحبش الكذب وكون كنت انا اللي كذبت كان عاقبني اسوء عقاب .. وهكا راح ندير انا ثاني وحتى لميس ماتستاهلش هذيك المعيشة
امير : اصبري. .اصبري كيفاه ادم ميش خوك وملي بديت نعرف صلاحي وهو معاكم
يارا : وي هو ميش خويا ... سمعت يما وبابا يهدرو قالو اللي كون ميش هو كون راني متت .....واللي هو كان عندو خوه صغير مات ......
امير : وشنهي هاذ الصدمات ... ادم ماشي خوك وزيد عندو خوه صغير مات .... كيفاه مات
يارا : i don't know
امير : مفهمتش شنهي هاذ الخالوطة علابالك صدمتيني
يارا بحزن : ميش قد صدمتي انا .... ولميس كيفاش نديرو معندناش حتى باش نعيطولها ... خايفة كشما يصرالها
امير : راح نلقاو حل ان شاء الله
__________________________
بعد اسبوع
فاتت سمانة على خطف لميس كانت كي الموت بالنسبة ليها التشنجات تجيها بقووة تشوف الموت بين عينيها تعذبت نفسيا اكثر من جسديا لدرجة خرجواها البقع الزروقة في كل بلاصة من جسمها
كانت متسطحة فوق السرير تخزر للسقف بعينين خاليين من الحياة وجها شاحب وعينيها دايرين بيهم لي ساغن وشيانت بزاف تخمم في ادم وش ممكن يكون دار ... علاش مالڨاهاش ... كان ديما يجبدها منين ما كانت علاش هاذ المرة مالقاهاش ... علاه هاذ المرة تخلى عليها الحلم اللي حلماتو يتحقق بالدقيقة والثانية ... غدر صحبتها مستحيل تنساه خلاها تفقد الثقة في كل البشر .... دورت عينيها للباب اللي تحل دخل منو ايفان ووراه سامر .... غمضت عينيها بقوة وبلعت ريقها بقوة مشا وقف فوق راسها ويديه في جيابو عقد ملامحو كي لمح البقع الزرقا اللي على جسمها مطبوعة في كل بلاصة شد ذراعها بقوة يتمعن فيهم وهي تجبد في يدها منو
ايفان : ضرباتك !؟! قوولي ضرباتك !!!
تشكلو الدموع في عينيها ميش قادرة تخرج كلمة من حلقها هزتلو راسها بنفي
ايفان : وش بيك !!؟ شكون ضرببك!؟! قوليلي برك انا نخليه يتمنى الموت
لميس : بعععد بعععد عليااااا ... ماتمسنيش يا وحد ال$$$## اصبر برك يلقاك ادم وتشوف كيفاه يتفنن في عذابكم
ايفان بسخرية : وين راح يلقاك ادم في منحدر معزول مافيهش اشارة هو مشط ايطاليا زاوية بزااوية في بالو اللي هربتي ماشي تخطفتي
لميس : راح يعرف يعرف اللي تخطفت نتا اكثر واحد يعرف الشبح
ايفان : اقعدي شادة في ذاك الخيط نتي راح تولي ليا انا ونخبيك ع العالم كامل فراشتي الزرقا
لميس : ماتتععععععععيطليش هكااااا نعااااف رووووحي ونعاافك نتا دمرتني ودمرتلي حيااااتي وخلقتلي عقققدة في حياتي يا وحد الحيوان المتخلف
ايفان : ماتقلقيش روحك الزعاف ماشي مليح ليك و اللي في كرشك اذا بقيت بهاذ النفسية راح تأذيه
لميس : ماكان مادددخلك هاذا ابنو وجيناتو تمشي في عروقو وهو قوي كيفو خمم على روحك نتا
تبسم شطر تبسيمة وخرج مسحت على وجهها بقوة نفسيتها صح تاعبة بعدت يديها على عينيها كي لمحت وقوفو هزت عينيها ليه كان مربع يديه ضامهم لصدرو يخزرلها بخبث قعد على طرف السرير بعدت عليه شاف في كرشها المكعبرة
سامر : زعما يكون وريث ولا ورييثة
لميس : حاجة ماتخصكش بعد عليا عيشك راني حاسة روحي مخنوقة
سامر : اممم ايطاليا راهي مقلوووووبة علاجالك ......شفتي كيفاش راني نلعب بيكم كيما نحب !!! كيما الخاتم في صبعي !؟!
لميس : امممم اني نشوف فيك طيرتها لابليس بسلامتك
سامر بسخرية : شفتي راجلك وش دار ؟! تيماجيني قتل طفل صغير برك كي سرق !؟!
لمييس : مستحيل ادم مايديرهاش ... مهما بلغ السوء تاعو ماتوصلش بيه لدرجة يعذب طفل صغير جايع يحوس على لقمة عيش
سامر : امم وي عندك الحق ادم مايديرهاش ... بصح وش تقولي في دهاء باباك انا اللي شبكت الحالة في بعضاها ... انا اللي قتلت خوهم ولصقتها في ادم وكنت ننشر في سمي فيهم طول هاذ السنين
لميس : ما استغربتش من هاذ الشي علابالك !؟!!
قعد وحط رجل على رجل
سامر : نحبك كي تفهميني
لميس : تحبك حبة ان شاء الله ... ربي يعطيك ضربة ... و تموت اسوء موووتة ياااربي وزيد فرحان بعمرك
سامر : 😂😂😂😂😂 فخوور بزاااف بأعمالي ومزال باش تسمعي ....شفتي هاذ الشي اللي صرااا كاااااامل !؟؟ .... كان من تخطيطي انا ماشي هوما ... في بالهم راهم يلعبو بيا ... مي انا اللي راني نلعب بيهم كيما نحب ونسيرهم كيما نحب .... مي حبيت نقلك حاجة برك قبل مانروح ....
ادم ميش من ولد الياس 😂😂😂
انهى كلامو بضحكة وقهقة اما هي كانت في حالة صدمة وش راه يقول هذا !؟ كيفاش ميش ابن الياس ؟!!!
سامر : ما تتصدميش ماتتصدميش .... الشي اللي درتو فيه مايخطرش على بالك ... لعبت بحياتو من اللي كان صغيير وهو تحت قبضتي متحكم في حياتو كيما نحب ... شديتو من اليد اللي توجعو ( خوه ) باش ندخلو لعالم المافيا بيسك شفت فيه صفات الزعيم الحقيقي للمافيا كلشي فيه مميز الخزرة .. النبرة .. القوة .. التحدي ... البرود ... الحدة... كنت راح نستغلو باش نترأس المنظمة ونتحكم في كل المافيات ونولي الاقوى ويكون يدي الايمن تعلم القتل في عمر 12 سنة مي تمرد وخذا الزعامة منننني هو اللي ترأسها ... هو زعيم المنظظمة ورجع عدوي...... علابالك خوه وش صرالو !؟!
كانت لميس تخزرلو بحقد كبييير هاذا مستحيل يكون بشر هاذا شيطان على هيأة انسان ماخلى حتى واحد مالعبلوش بحيااتو ودمرهالو
لميس : نتا اللي قتلتو ياااك نتااااا ؟؟!
سامر بسخرية : 😂😂😂 انا اللي خطفت ذوك الاولاد وانا كنت صاحب السفينة ... كان راح يهرب هو وخوه الصغير ... مي مكملتش
لميس : نتااا مااكش انسان نتا ... نتا رخييس ... نتا حيوان ... نتا شيطان على هيأة انسان .تي الموت قليلة فيييك كيفاش تقتل طفل صغييير 6 سنين ومكافكش زدت قتلت طفل 10 سنين بربي قلي وشمن قلب عننندك
سامر ببرود : علابالك وش صرا لخوه !!!!!
لميس :ههه ادم خبرني اللي غرق بصح مستحيييل يكون غرق اكيد نتا ورااا موتو
سامر : لا...لا..لا. اوووف ماخرجتيش ذكية لباباك مفهمتش وش ديتي من جيناتي ... خو ادم مزالو حي
حلت عينيها بصدمة ميش مأمنة شنهي هاذااا؟؟؟!! كيفاه !؟! و ش صرا !؟
لميس بلهفة : وين راه ؟! وش درتلوووو قوووول ؟؟!!!!
سامر ببرود : أمير
لميس : وش بيه امير
سامر : امير خووه
بقات تشوف فيه بلا ما ترمممش ميش مأمنة الللي تسمع فيه شنهي هاذ الخالوطة .... كيفاه هاذ الشي.... باباها متلاعب بالعباد كامل... ماخلى حد يعيش حياتو طبيعية ... الصدمات اللي تلقاتهم اليوم كانو كباار بزااف اولهم ادم ماشي لود الياس ... ثانيهم .. خوه حي .. ثالثهم والاخيرة اللي قاتلهم اقعدو لهيه .. اكير هو خوه ... كيفاه هاذ الشي ...
لميس بتلعثم : ك...ك....ي.كييفاه ؟!!!. ا...امير ..امير ... خوياا؟!!!
سامر : موش خوك ... خوه هو
لميس : اك تتتمسخر ياااك !؟؟!! ك ككيفاه .. ادم مايعرفش خووه !؟!
سامر بسخرية : هههه اكيد مايعرفووش ... جبتو وربيتو على اساس ابني وفيروز تقبلاتو لأنو كنا بحاجة ولاد مزربناش جبنا الصغار ... مي معلابالهاش بلي خو ادم ...
تشكلت الدموع في عينيها وهي تبكي وتعيط بقووة
لميس : كيييفاه تدير هااااذ الشي هااااااااا كيفاش طاوعك قلبك تأذي كل هاذ العباد ماخليت حتى حد عاش حياتو نورمال دمرت حياتهم كلهم ماخليت لا الصغير لا الكبيير تي وشمن قبر يلمممك كيفاه قدرت تدمر حياة طفل صغير وتدخلو للمستنقع الاسود اللي كيما هاذا كيفاه قدرت ... تبعد الاخ على خوه .ههاااااا.. وتحرم الاخوة من خوهم الصغير وتغرقهم في بحر الدمومات
سامر : اوووف صدعتيلي راسي بكلامك علابالك .. برك حبيت نقلك بما انك ماكيش مطولة فهاذ الدنيا
لميس : ضك نقققلهم ... ضك نخبر مااايا بكللشي وادم ااذ سمع مايرحمكشششش
سامر : حتان يأمنوك ... وادم منا يلحقك حية ... وش رايك بذكااء باباك هااااا
لميس : نتا اققذذذذذذذر انسان شفتو في حياتتي ... نتا اسوووء بشر .... نتا شيطااان مسخ .. ابليس ..كلللب ماتستاهلش ذرة رحمة ...
مادارش من كلامها تبسم بشيطانية وخرج مخليها في عذاب مع افكارها والشي اللي سمعاتو من شوي مزال عقلها ماستوعبوش ولا قدر يحللو في حيااااااتها توقعت حاجة كيما هكاااااا كيما نتوم جامي توقعتوها 😂😂😂
حطت يديها على وجهها تبكي بقوووة
لميس : يااااا ربي .... امير خوووه اللي طول هاذ السنين متعذب كي يتفكرو ... يعني .. يعني ..امير هو .. هو ليث !!؟ ... هو الللي دمرنا كااااامل ... كيفاه قدر يدخل طفل صغير للمافيا وهاذ الحياة اللي مليانة دم وقتل وقذااارة .... ...
بقات تبكي من قلبها وعقلها كلاها بالتخمام مزالت لضك ميش مأمنة
___________________________
عند ادم
حتى هو حالتو مكانتش اقل من لميس فوت سمانة اسوووء من الموت بلا بيها سمانة مارقدش فيها كي العباد وهو يحوس عليها في كل بلاصة وكل شبر من ايطاليا مي واالو كإنوا الارض انشقت وبلعتها ... رجع هو شيطان على وجه الارض يقتل بلا سبب مقنع
... نشر الرعب في كامل ايطاليا ... مقدرش يبقى دقيقة بلا بيها ... وين راح تروح وهي حامل !!؟ وش تكون كلات !؟ شربت !؟ كيفاه حالتها ؟! خايف تولد قبل وقتها وهو مكانش ... خايف كشما يصرالها ... من نهار حملت وهو حاكم قلبو عليها ... علابالو بمخاطر ولادتهها ... نقدرو نقولو مبقاش يتنفس بلا بيها مكان حتى خيط خبر عليها
كان قاعد في البيرو تاعو عينيه حمورررة من قلة النوم شعرو طالع لحيتو كثيفة حالتو تررررعب شاد السيال في يدو ويخزر بحدة في نقطة معينة تصويرة لميس مبقاتش تروح من خيالو تضحك ..تتمهبل.. تبكي... تتدللل .... هو مهوووس بيها يعشق التراب اللي تمشي بيه كيفاش يقدر يعيش دقيقة وحدة بلا ما يشوفها ولا تكون بجنبو
دقدق الباب من شدة سهوو ماسمعوش تحل ودخل منو سراج وادريان لقاوه في ذيك الحالة خزرو في بعضاهم بحزن من حالتو لأول مرة يشوفوه في هاذ الحالة بعد لنيس عليه رجعو و وحششش على هيأة انسان ميحسب حساب لروح حد
سراج : ادم
ماريبونداش ادم شافو في بعضاهم بقلق
ادريان : ادددددددددددم
على صوت عياط ادريان عليه بلاما يخمم دقيقة هز سلاحو وصوبو عليه فاتت عليه الرصاصة على شعرة خدشت ذراعو
ادم : $#$$#$ براااااااااا عليااااااا منحتاج نشوف حتى وجه &$# فيكم
قرب ليه سراج بجدية
سراج : جبتلك اخبار ممكن تفيدك
ادم : انططق وش تستنا
سراج : مايا هنا في ايطاليا من 10 ايام
طلع فيه ادم حاجبو ببرود وخبط بعدها البيرو بقوة وناض ليه شدو من كول الشوميز
ادم : $#$$# وهاذا وين باش نسممممممع !؟! وين كنت لايح &$# راااسك هااااااا
سراج : كانت مختفية ع الانظار شفتها في كاميرات المراقبة تاع المطار كي كنا نحوسو على لميس بصح ....
زير عليه ادم في قبضتو
ادم : $#$# اننممطق شنهي بصصصصح
سراج : كانت ماشية على رجليها عادي
ادم : هاذي ماشي جديدة عليااا علابالي من اللول بلي تمثل
سراج : وحاجة اخرى كي بحثت عليها في السجلات تاع الطيران ... جات في طائرة خاصة ... ومكانش اسمها مايا ... اسمها لورا سالفادور
ادم : سلفادور !!!؟ ماتقوليش .......
سراج : ايه هي اختو
هنا حن جنون اااادم رجع مايعرفش صلااااحو قلب البييرو رجع كأنو دخل في حرب حبس ينهج وشاد شعرو بقوة وهو يعيط
ادم : $$$### كيفاااه تغفلو على حاجة كيما هاااااذي هاااا هي اختو ...
ادريان : وعرفنا لللي هو اللي كان راح يغتصب لميس
ادم : الڨاوووولي هاااذ ال $$##### بأسررررع وققققت تعاودو تفتشو ايطاليا بالسونتيمتر .. تحوسو في كل بيوت ايفان كل حاجة بلقب سالفادور تبحثو فييييها سامعييييين !!؟!! ساعة يكون كلش في يدي طييييرو وش راكم تتفرجو فيا هنا
ادريان : اختك وامير ثاني هنا في ايطاليا
قلب ادم عينيه بطريقة مرعبة شاف ادريان وسراج في بعضاهم بقلق كان كأنوا مختل عقلييي شافوه كي ركح فردو وفتح زر الامان
ادم : من وكتا انا يخفاو عليا امور كيما هاذو هاااااا !؟؟!
سراج : نننننن هوما جاو نهار الحفلة اكزاكت يعني النهار اللي تخطفت لميس وهاذ السمانة كاملة متهيين نحوسو عليها
ادريان : نجيبوهملك ؟!! بلاك لميس تكون عندهم ولا
ادم : لالا خلوهم جيبولي ايفان ومايا لعند رجليا نذوقهم طعم الموت لميس كون جات عند امير ويارا كون مبقاوش في ايطاليا وحاولو يخرجو منها ومنضنش عندهظ يد في اللي صرا بيسك يارا علابالها ماتتقلبش حجرة هنا بلا ما يكون في علمي
امرهم يخرجو شافو فيه نظرة اخيرة وماينكروش انهم خايفين عليه حالتو ماتبشرش بالخير اطلاااااقا كان يخمم كان في جوهرتو اذا لقى شعرة تمست منها راح يحرق العالم فوق روسهم
.......يتبع 💛💛💛
ارائكم !!؟
توقعاتكم !؟؟!
وش رايكم في المفاااجئة !؟!!! اسكو تفاجأتو ولا لا ؟! هاذي ماتوقعها حتى واحد
مزالت وحدة اخرى البارت الجاي تأهبو
كل وحدة تكوموننننتي
بالمناسبة راه مكانش بارت غدوة ماتستناوش بيسك راني معرسة 😂😂😂😂