✨✨إقتباس✨
وقف رضوان يتطلع للبحر عبر النافذة تاركاً جوري خلفه تبكي وهي تحاول تبرير ما فعلت...تبرر سرقتها للخاتم فقط.
أنهى سيجارة ثم قذفه في الهواء وألتف لها يردد:
-ششششش..مش عايز أسمع أي كلام فارغ تاني.
رفعت عيناها الباكية له برعب وقالت:
-صدقني أنا كان غصب عني أنا كنت عايشة عيشة الكلاب تقرف تعيشها و ..
قاطعها يسأل عن ما يهمه:
-مين إلي أسمه زياد ده وايه علاقتك بيه؟
-كان..كان بساعدني و...
قاطعها يردد ساخراً:
-و إيه...ههه ده اعترف عليكي من واحنا لسه على باب بيته قالنا وطوا صوتكوا عشان ماما ما تسمعش...ومين الدوكش ده كمان؟
-كان عايز..
-يتجوزك...بس أنتي هربتي منه.
-أيوة
-زي ما هربتي مني.
-هربت قبل ما تسجني... إنت إكيد ماكنتش هترحمني أول ما تعرف حقيقتي... خوفت منك.
-مني أنا؟ ده انا دخلتك بيتي وسط أهلي..قربت منك وما أهتمتش لأي حاجه.. فكرك إني مش عارف إنك على أدك و قوي كمان ولا فاكراني مغفل.. أنا ظابط شرطة.. فاهمه يعني إيه... أنتي أبسط الحاجات مش عارفاها..لا سواقة ولا انجليزي ولا أسامي مركات اللبس ولا حتى بتعرفي تتعاملي مع الموبيلات الحديثة ولا أسامي الاكلات ده حتى القراءة بتأتأي فيها.. تفتكري أنا مش كاشف كل ده و واخد بالي منه يا جوري.
كانت تستمع له وعينها ورأسها أرضاً بخزي ثم رددت من بين دموعها:
-على فكرة أنا مش أسمي جوري...أنا أسمي..
قاطعها يردد بإصرار وثبات:
-مش عايز أعرف.. أنا إلي قابلتها إسمها جوري.. أنا إلي سميتها بنفسي..وده بقا أسمك خلاص.
تطلعت له تسأل :
-يعني إيه؟
أخرج بعض الأوراق من جيبه وألقاها في وجهها .
أخذتهم بقلق وبدأت تفتحهم لتجد أنهم عبارة عن أوراق رسمية بصورتها مدونة بأسم جوري أيهم الطويل.
أخذت تردد الأسم بتعجب فقال:
-دي المفاجأة إلي كنت مكلمك عنها إني بحضرها لك .. أنا عارف إنك ساقطة قيد من بدري..وإسم أيهم الطويل إلي بعد أسمك ده يقى خالي وعايش طول عمره في كندا..شرحت له حكايتك واستأذنته فوافق...كنت مستني أعرفك وافرحك بس انتي كنتي محضرة لي مفاجأة أكبر من العيار التقيل.
نظرت له لا تعرف ماذا تقول من تعاقب الصدمات والمفاجأت لكنه أكمل يإمرها :
-قدامي.
انتفتضت تسأل بفزع:
-على فين؟
-تؤ تؤ...مالكيش إنك تسألي
-ما أسألش إزاي... أنت ممكن تعمل فيا حاجه.
هز كتفيه وقال ببرود:
-براحتي... أصل أنا نسيت أقولك أني مقيد سنك 18 سنه بس وخالي عيني واصي عليكي...شوفتي..كأن قلبي كان حاسس.
أبتسم بطريقة شيطانية و ردد:
-اللعبة لسه في أولها وشكلها هتحلو قوي يا جوري.........
رواية جوري وثلاث نجوم تقدروا دلوقتي تطلبوها وتوصلكوا في نفس اللحظة من خلال الرقم ده
01097485463