فوط + كومنتار ... راني كتبت اطول بارت في الكرونيك بون ماتستخسروش فيا فووط
قرب منها وهمس في وذنيها بحدة
ايفان : ضك نبداو في الخطة ... كوني حذرة
شافت فيها ميرا وتبسمت
ميرا : متخافش ميش راح نخليه يلاحظ غيابها بصح كيفاش راح تخطفها والقصر محنط بالحراس
لف يدو على خصرها وهمس في وذنها
ايفان : حاجة ماتخصكش نتي برك تكلفي بالشي اللي امرتك بيه والباقي عليا
شافت فيه بنظرة ثاقبة وهي تبعد في يدو عليها تبسم وهز من الكاس اللي متوالو يتبسم بسخرية
______________
" اوفففف وشمن لطافة راكم تهدرو عليها عيييشكم هي مرت الشبح ... الزعيم ادم لوينو.... ماتتمسخروش بينا مستحيل تمون مرت زعيم مافيا تكون بذيك البراءة
حطت لميس يدها على فمها مانعة شهقتها تخررج من الشي اللي سمعاتو ... بقاا قاعدة في بلاصتها ميش قادرة تتحرك الحقائق اللي عرفتها اليوم كافية باش تشللها ... قلبها كان يخببط بقوة ميش مأمنة الشي اللي سمعاتو
تكات وحدة على الحيط تلعب بخصلة من شعرها
" بصح هكذاك ماننكروش انو زوجها هو الدون ادم لو وصل خبثها للسما ميش راح يوصل لقسوتو واسوداد قلبو ... كون تدير كشما حاجة مايخسر عليها كان رصاصة "
" وي والله مفهمتش كيفاش تقدر توقف متوالو وتهدر معاه .... هيبتو وجبروتو تخلي اقوى الرجال ينحنو ليه انا نشوفو برك نفشششل
" وعلاه ماتنشليش بب ماتتمسخريش !! هو الشبح .. مخلاش للمافيات لخراين مجال لابراز قسوة اكبر من قسوتو ... ساعات نشك اللي هو انسان "
ضحكت وحدة بعهر " هههههههههخخخخ اسككتوا عيشكم ماشفتوهش كيفاش يعامل فيها بحنية !؟ ماشفتوش اهتمامو الشديد بيها وتملكو !!؟ خمموا على روحكم "
" ووووي والله ماشفتوش كيفاش يعاملها !؟ باين يعشقها بجنون كيما تقول الاشاعات ماغابتش على عينو ولو دقيقة ... كان يراقبها ... علاه ماشفتوش كيفاش راح يجري ليها كي كسرت الكاس مرعوب عليها !!؟
" عندك الحق ... بصح مانلوموش كي خباها على انظار الناس .. كانت اية في الجمممال ... يغيير عليها بزاف حتى انو ما شطحش معاها في الحفل ... معرفتش نحسدهم على زواجها منو ولا نشفق عليها
" اشفقي على روحك واحد مايحتاج للشفقة هنا من غيرك هي لباس عليها غارقة في عالم الحب عايشة معززة مكرمة في قصرو حاجة ماتممسها ونتي تتعنفي من طرف النسر لضك... سمعت من معارفي انو عشقو ليها فات الحدود يعاملها معاملة الملكات ومايرفضلها حتى طلب عيبو الوحيد انو يعاقبها بمحاسبة غيرها "
عضت على شفتها باحراج كلهم علابالهم انها تتعنف من طرف النسر نطقت بحقد وغيرة
" ههه بلاك هاذ الاهتمام غار باش تجيبلو وريث يورث زعامتو وامبراطوريتو وش نتوقعو من رجل عديم المشاعر كيفو "
" منظنش كون عينو هكاك كون بلا هاذ السيناريو والتمثيل يجيبو اصلا عايلتو خط احمممر مانظنش يقحم ابنو في هاذ العالم "
" وما تدري نتوقعو كلللش من الزعيم خطواتو ميش متوقعة "
معنديش كلمات نوصفلكمحالة لميس في هاذ اللحظة ... امرأة حامل تكتشف ماضيها المخيف وسر زووجها في يوم واحد ... شافت في كرشها والدموع في عينيها ضمتها بقوة خااايفة خااايفة من كلامهم بزاااف ميش بعيد يكون صح
بدات شفتيها ترجف وهي ميش قادرة تتحرك خددعها طول هاذ الوقت.. يكفي وش شافاتو من سوء منو بصح اكتشفت الاسوء ... حبو ليها وحبها ليه ميش راح يغفرلو هاذ المرة
كرهت ايفان والرجال بصح ماتصدمتش من هاذ الشي قدما تصدمت من حقيقة زوجها انو هو الشبح وهو زعيمهم.. طعنها وكسر ظهرها خيب ظنها واضعفها ..
هو الشبح هو ذاك الكابوس الاسود اللي اذى صحبتها وشللها وهو اللي خطف ذوك البنات ورايح يتاجر بيهم .. هو اللي بعثبها رسائل التهديد ... هو زعيم المافيا اللي شافاتو ذاك اليوم
هو ... هو .. زوجها .. حبيبها .. حصنها المنيع .. حاميها اللي وعدها مايجرحهاش ويحزنها ... هو اكثر من جرحها هو حبيبها اللي كسرها وقدم ليها عالم وردي فاجئها بالسواد اللي يحيط بيه
هو المجرم اللي كانت تحوس عليه .. هو الشبببح هو زوجها .. عليها كان يقتل بلا خوف ولا رهبة
عضت على شفتها بقهر كانت حاسبة اللي هي ديما السبب لجرائمو .. كانت حاسبة هي اللي خلاتو قاتل مجنون .. كانت ديما تلوم روحها بصح ....بصح مكانش هكذا ....
يدات ترمش عينيها بسرعة تحاول تمنع نفسها نفسها من البكا تخنقت .. تخنقت صح ... يدات دموعها طيح بصمت ... مسحت دموعها وهي عازمة تلم شتات نفسها وشخصيتها اللي تناثرت .. خذات انفاسها ببطء
لميس : مانبكييش والله مانبكي ماتزيد تنزل دمعة من هاذ العينين .... اااااااي
شهبت بخفوة بعد ماحست بكرشها توحع رجعتلها ذيك التشنجات همسو بغصة مايعرف الامها غار خالقها
لميس : عيييشك مييش وقتتك اللله يستتترك اركككح لمرة وحدة برك لمرة وحددة كون مع مماك وماتخذلنيش كيما باباك "
وقفت بصعوبة وهي تترنح حاسة بروحها قريب تطلع شحال واعرة تتلقى طعنة من ناس كنت حاسبهم جزء منك في يوم من الايام ... كسرها ادم ... كسر شخصيتها ... كيفاه راح تعيش يهاذ الضعف !! لوين راح تروح ؟!
حست بقلبها طالع وشعور بالغثيان استفرغت كل وش في كرشها
لميس : ياااااربي عااوني .. رايحة نموووت ااااي يا ربي خليني قوية ...
تشكلت حبيبات العرق على جبينها وهي تتنفس بصعوبة وتمسح على كرشها تهدي اللي بدا يركل داخلها
مسحت فمها وعدلت من روحها خذات نفس عميق وخرجت لقات البنات هاذوك مزالو ثم غسلت وجهها وبردت طرافها وخرجت مخليتهم مصدوومين اخر حاجة كانوا متوقعينها انها تكون ثم اكيد سمعت كلامهم عليها
توجهت باتجاه ادم اللي تبسملها بعد ماشافها تقدم ليها يتفحصها بقلق كانت ملامحها باهتة ووجهها اصفر حط يدو على خدها
ادم : اكي بخير !!!؟
لميس : والو برك التشنجات رجعتلي شوية
ادم : نروحو!!؟ نعيط للطبيب !؟؟
لميس : لالا اني لباس ماتتقلقش
مسح على وجهها باهتمام : ماكيش تباني لباس
لميس بهدوء : ادم اني لباس والله
سندها مدور يدو على خصرها واليد لخرا شادها بيها
رجعو لبلاصتهم نحا لافاست تاعو حطها فوق لاتابل بجنب بوشاتها و نزل لمستواها يهمس في وذنها
ادم : بعد الحفلة نديك لبلاصة علابالي تعجبببك بزااف باش تريحي شوي
هزتلو راسها بايه وعينيها خالية من المشاعر تبدلت نظرتها ليه كانت ديما تشك فيه .. كانت متأكدة بلي ميش ضابط شرطة وهو كثرمن هكاك لإنو مكانش بوليسي يقتلك هكذاك ببرودة اعصاب وبلاما يتحاسب .. كانت متيقنة انو مخبي عليها سر كبير
بدات تمعن النظر فيه اسكو هاذا هو اللي حباتو !!؟ كانت ديما تتأمل يتبدل .. كانت تعفو عليه وتتنازل على جنونو وتمدلو في الاسباب باش تقنع روحها قلبها يعارض قرارها وعقلها مصمم ... هذ المرة لا نفوذو ولا سلطتو تقدر تمنعها راح تخليه يندم على كذبو عليها كيما خلاها تندم على كذبها .. هاذ المرة راح تخليه يعرف لميس اللي اندثرت بسبتو مي ميش وحدها مع ابنو جزء منو .... املها في تغيرو مستحيل .. وهي ميش راح تسامحو على فعلتو وتعاقبو على كل غلطة غلطها كيما كان يعاقبها هو
لزت على كرشها بألم لأنو رجعتلها التشنجات بقات محافظة على ملامحهة باش يفيقش ادم ... شافت في ادريان اللي توجه ليهم وهمس لادم
( الكلام بالايطالية )
شاف فيه ادم بحدة
ادم : شكون هاذ $$#$# اللي يحاول يلعب معانا
ادريان بضحك : ميش رايح ينجح يدير حاجة ... بضح هيا نتأكدوا من الامر لازم نوخذو احتياطاتنا
ادم : لعبلي بشياطن راسي ... ضك نعتلو وش معنتها اللعب مع الشبح
ادريان : سراج راه يحوس ع اللي نوض هاذ الفوضى
شاف للميس اللي كانت شادة في روبتها بقووة وهمس في وذنها بصوت حنييين
ادم : مويا جينا نغيب دقايق ونرجع اذا حسيتي بالتعب اقعدي .. واذا رجعتلك ذيك التشنجات ابعثيلي واحد من الحرااس ماتخبببي عليا والو تفاهمنا !؟
هزتلو راسها بايه وبلعت ريقها شدت على يديه بقوة بيسك التشنجات قتلوها
لميس : اوكي
تبسملها بحب وشاف في رجالو باش يراقبوها وراح اما هي بقات تخزر لظهرو وهو رايح تنهدت وشافت ليديها وهي تفكر في طريقة للهرب ... القصر شديد الحراسة كونو يشمل كبار القتلة وزيد رجالو يراقبوها بشددة وهي امرأة حامل وش لازم تدير لازم تفكر بذكاء لازم تنسى عواطفها ومشاعرها وتروح
هي مع مجنون زعيم مافيا كلما بقات معاه زاد جنونو اكثر وابنها في خطر وقادر يولي كيفو
شافت حولها بتفحص نحات الصندال تاعها بلاما يفيق بيها حد .. خباتو برجليها تحت الطاولة شافت في رجال ادم اللي كانت حفظتهم لقاتنم منشغلين يهدرو ويشربو من كيسانهم .. قطبت حواجبها باستغراب بصح كانت ليها فرصة ذهبية وميش راح تضيعها
عضت على شفتها وهي تشد في فاست ادم اللي كانت فوق لاتابل خرجت منها مفاتح الطومبيل ومحفظتو وخلات تيليفونو ثما ... شدت المفاتح والمحفظة في يدها بطريقة عادية لأنو راجلها وواحد ماراح يشك فيها
توجهت للبوابة الرئيسية بسرعة باش مايلاحضوش رجال ادم حبسوها الحراس تاع الباب اللي كان عددهم لا يعد ولا يحصى مستفين كل واحد بعيد على خوه بنص ميترة محوطين كل القصر ملامحهم جاامدة يحرسو اكبر الناس نفوذا في العالم
رفعت مفاتح طومبيلو في وجههم بكل ثقة وشدت يدها على كرشها تدعي الالم
لميس : محتاجة نروح للطومبيل الدوا تاعي ثم
شافو فيها الرجال بشك
لميس : نظن الزعيم ميش راح يعجبو الحال .. لاني مرتو
صفارت وجوههم فتحولها الطريق خلاوها تروح بعد ما اعتذرو منها تبسمتلهم بالسيف وعينيها بدات تتمرد عليها بيسك حبست دموعها بزاااف
لميس : كلهم يخاافوه ... كلهم يهابوه ...هو الاسوء .. معلاباليش كيفاش يتعامل معايا بلطف
توجهت للطومبيل بسرعة تستغل الدقايق اللي مايلاحظش فيها هو ورجالو غيابها ... شمرت روبتها وركبت الطومبيل اللي كانت كبيرة بالنسبة لحجمها يا دوب يوصلو رجليها للفرانات عدلت كرسيها بسرعة قرباتو للفولون والدموع هنا لقاو مجراهم تبكي بصوت يقطع القلب
شغلت الطومبيل وانطلقت بسرعة خيالية حابة تبعد على بلااصتو قدر الامكان
لميس ببكاء : هو ك .كسررني ... خدعني .. مبقات حتى سبة باش نقعد معاه ... هوو كذب عليا ... ياااربي ميش قادرة نستوعب اللي صرا ضك لاااه حيااااتي هكذااا ... لاه هاذ الشي يصرا معايا غيير انا
كانت تمشي بسرعة 180 كلم كون فات حيوان او انسان في ذيك الغابة كانت محاتو وماتت هي معاه .. بصح عقلها ضك ماهو يفكر في حتى حتجة .. مبقاتش عندها القدرة تدير حاجة من غير البكا
••••••••••••••••••••••••
في هاذ الاثناء بعد ماراح ادم مع ادريان باش يتأكد من الخبر .... اجتمعو جميع الاعضاء تبعوه بسررعة كي سمعو باجتماع طارئ .... قعد الزعيم بشموخ في احد الغرف المنعزل. ونظراتو مليئة بالشرار
ادم : من تجرأ على مخالفة اوامري وتاجر بالرقيق !؟
شافو فيه كلهم بذهول بلعو ريقهم يستناو موت واحد بأبشع طريقة اليوم بيسك هاذ التجارة يقوم بيها غار واحد عندو سلطة اقشعرت ابدانهم كي سمعو كلامو للمرة الثانية
ادم : نظن انكم نسيتو معنى لقبي يخي !!؟ مكانش حاجة تخفى ع الشبح ... راح نخلي فرصة للفاعل باش ينطق اخر كلماتو .........
قاطعوكلامو طرق الباب دخل الحارس اللي كلفو يراقب لميس عقد حواجبو باستغراب
توجه ليه الحارس وهمس في وذنو كلمات كانت كافية باش تهز قلب الشبح شاف الحارس فيه بتوتر والخوف تمكن منو شد من عنقو وجرو وراه
ادم : وش راك تقوول !؟؟!
الحارس بخوف : سيدي بحثنا في كل بلاصة مالقينا ليها حتى اثر اختفات فج......
مكملش كلامو لقى روحو مطايش في الارض شكر ربي كي شاف ادم متوجه لبرا يزررب وماقتلوش .. كان يخزر في كل زاوية كشما يلمحها بين الحشد
كانوا كل اللي في القصر يهدرو على تعابير وجه الزعيم اللي ماشافو كيفها من قبل رغم غضبو كان الخوف والقلق بارزين على ملامحو جاه خبر من حراس البوابة بلي لميس خرجت قبيل بطومبيلو ظنا منهم انو هو اللي سمحلها
بدا يرجف من الغضب وعروقو بدات تبرز كأنوا انسان يتحول لوحش عيط على رجالو بقوة بعد ماسمع الخبر خذا تيليفونو وراح لاول طومبيل شافها
••••••••••••••••••••••••••••
ضرب ادم كل رجالو ومنهم ميرا اللي مرحمهاش هي ثاني بيسك فشلت كل خطتو ... متزقعش لميس تهرب في الوقت اللي جهز كلش باش يخطفها ... عيط على ميرا وهي يجرها من شعهرا
ايفان : ماشي قتلك لهيه لساعة وحدة برك .... ونتي وشنهي !؟ ماقدرتيش حتى تهدري معاه
حطت لميس يدها على يدو تحاول تسلك روحها من يديه
ميرا : وو نتا كيفاه غفلت على هروبها وانت كنت واثق بلي خطتد ماشية فور .. ماشي كانت خطتك تخطفها بعد ماتشتت انتباهم بخصوص صفقة بيع الرقيق !؟ خططتك فااشلة
ضربها بكف بقووة بعد ما استفزتو
ميرا : بلعيي $$$#$ مانيش محتاج لكلامك ال$#$
سكتت ميرا لولهلة وتبسمت بشر
ميرا : بالنسبة ليا صرا اللي كنت حاباتو لميس مبقاتش .......
قاطع كلامها صوت تيليفون ادريان يصوني شاف في المتصل تبسم ورد
•••••••••••••••••••
حبست الطونبيل بعد ماحست بلي قربت للافيل ... مبقاتش توثق فيه رجعت تشك في اي حاجة تخصو .. تشك في لبستها .. سباطها .... سيارتو بطاقاتو ... عليها كان يلقاها ديما بيسك كان يراقبها بكل الطرق المريضة
شافت في العقد تاعها اللي نهار هداهولها في المالديف غرغرو عينيها بالدمووع نحاتو وحطاتو ثم ميش بعيد يكون فيه جهاز تعقب ... شافت في خاتم زواجها جات راح تنحيه تراجعت اخر لحظة معلابالهاش علاه حبست
هزت المحفظة تاعو ماجات تحلها كانت طاحت تأففت ونزلت تحوس عليها بيديها وكرشها ماساعدتهاش على هاذ الشي جبدتها بصعوبة جبدت الاوراق النقدية بررك خباتهم حلت عينيها بصدمة من صوت السيارات اللي سمعتهم هزت راسها عينها مفتوحين ميش قادرة تستوعب
لميس بصدمة : ميش بهاذ السرررعة
••••يتبع ❤️❤️❤️
ارائكم !؟!
توقعاتكم ؟؟!