بين ًسًـــلاسل العادات

آلَبًآرتٌ 9

         بًسِمً آلَلَهّ آلَرحًمًنِ آلَرحًيَمً

بين سلاسل العادات_ وحكم القدر
بقلمي: kefeyah

جميلاتي لاتنسون المتابعة للحساب+التصويت +التعليق بين الفقرات +قراءة ممتعة 🌼🦋

گلبي إتلـــوع إتلـــوع بعـــد ميطيب !

لــ مظفر النوابٴ♡

          ♕__________________♕

كلنا انصدمنا بالحجي الصار معقولة حقيقة؟؟ رحيل التزوجت فارس عن حب راح تعوفة علمود  اطفال ، التفتت وجمدت اطرافي من شفت الدم تارس الگاع...

الگلاص مكسور بيدة والدم ماخذ مسراة بالگاع ماادري شوكت كاسرة، صاير نار عكس رحيل التمثل البرود لو  فعلا باردة تجاهة غمض عيونة يحاول يكتم غضبة وگال بعلو صوتة..

-شترررريدين؟؟

-ردت برود: طلگني

-انتي طالگ طالگ طالگ

نطقهن بنفس واحد بقينة مصدومين لا ناخذ ولا ننطي عاف الجو محترگ وطلع.. بيوم وليلة تخرب علاقة مثالية ومليانة بالحب ، صار البيت خبصة كل واحد يحجي بصفحة متأثرين كلش بموضوع الطلاگ مو شي هين  الكل تأثر وضاج الا رحيل الوضع عدها طبيعي ساعة  واجة اخوها اخذاها  وانتهى كلشي يخصها وصارت بالماضي ..

مر اسبوع محد بينة مستوعب الصار البيت صاير ماينطاق من جهة حجي عمامي ولومهم لفارس شلون تسرع وطلگ بهلسهولة  ومن ناحية امة (رضية) ضالة تلوب علية، من يومها بعد ما اجة للبيت حتى  موبايلة قافلة ..

-وين يروح هالولد

سجى:-شبيجن ترة  معارفة وصحبانة هواي لاتنسن هو اعلامي مفتوحة بوجهة

رغد:-احتمال يبات بفندق بس باليل وبالنهار بالقناة

سفانة:-الله يكون بعونة مايثتاهل ومن جهة امة خطية رضية شفتن شثاير بيها وين جانت مضمومتلها

رغد:-الله يساعدها حقها ابنها ماهو صح هو سالم مابية شي بس گلب والدة بعد

سجى:-ديلا مو زين افتك منها شلون رحيل تتنعوص علية تنعوص زين ومنة ومتحملها

رغد:-يااا شبيج انتي ويانة علينة

سجى:-انتن ضلن مثل العميان كلشي ماتشوفن اصلا هي ماتريدة ولا بحالة واخذت سالفة ماتخلف حجة حتى تتطلگ  ماتشوفنها ايدة تصب دم وهي ولا يمها

سفانة:: لا تحكمين  على هذا الموقف انتي ماتشوفين شلون يحبون بعض ومتفاهمين يمكن الحجي التسمعة من عمي ومن غيرة  خلاها تاخذ هيج قرار

سجى:-ديلا خل تحبة شعلية بيهم اريد اخذلي فرة بالبستان منو تجي وياي

رغد:-شعندج بالبستان كثرانة روحاتج اله هالايام ولج احنا بيا حال باجر عدنة امتحانات خل نخلص ولعبي بكيفج

سجى:-اووف ماطلعت دراسة هاي ساعة السودة السجلت بالمدرسة

رغد:-ام حلگ هو شيفيدج غير المدرسة اقرري

عفتهن يقرن ورحت اغسل ملابس نص خليتهن بالغسالة ونص بيدي اغسلهن قمصان ودشاديش وغتر عفت البيدي ونزلت اشوف امي تصيحلي..

-بساااعج بدلي وتعطري

-شكو

-رجلج اجة يشوفج

عبست ملامحي ولعبت روحي من سمعت بية جاي لا هلة ولا مرحبا شعندة جاي رحت يم البنات الدمعة بطرف عيني اباوعلهن مندمجات بدراستهن نزلن دموعي لو هسة مثلهن ادرس جا مارحت اتكشخ لفلان..

اجباري عن نفسي لبست ارتب ماعندي ورشيت عطر وترتبت ونزلت طالعة روحي، صرت گدام امي الفرحة غامرتها بجية بنسيبها الشفية افتريت  حول نفسي واحجي بگلب محروگ..

-شوفيني طلعت مرتبة ثوبي حلو طلعت حلو مو عطري طيب موو گوولي  ؟؟

لزمتني من ايدي وخلتني گدامها تمشي بية

-اي اي زينة بس اضحكي وسولفي مو تضلين معبسة
وتبزعين الزلمة منج ترة الزلم يحبون التضحك والتسولف مو المدلغمة مثلج افرديها شوية

مسحت دمعة نزلت من عيني رايحة ادمر نفسيتي فوك هذا الدمار، دخلت مدنكة راسي سلمت وكعدت اكو شي بداخلي رافضة رفض قطعي ما اريد حتى اباوع بوجههة ماحبيتة ولا طقتة لان مابية شي ينحب..

اجة كعد بصفي و بدا بسوالفة المقرفة اجيت اتقيء بحضنة بعد مني وصرت امسح بشفايفي بعنف ودموعي تنزل شكد رخيصات ومحد ثمناهن رخصوهم ورخصوني ..

-ترة هاي مو حالة بدال ما تندمجين وياي تنفرين مني شوفي سفانة بدلي اسلوبج من هسة

باوعتلة بحقد واشمئزاز مابية شي ينحب لاشكلة ولا اخلاقة ولا نظراتة ...

نترت بية :-هذا اسلوبي مايهمني يعجبك لو يعجب غيرك انت بدل اسلوبك ليش كلة اني ليش لازم اسوي كلشي اي ثح هاي مو حااالة

-گصري حسج ولا تعلين حسج ثاني مرة

-ليش لازم ما احجي وارفع ثوتي

-لانج مرة والمرة تطيع رجلها وشيكول تكول امرك تاج راسي مو تتسوفل علية طيعيني خوش هو انتن شغلتجن تنفذن كلامنة وبس

-اي ثح ثح كلامكم كلش ثح

-غصبا عليج صح شوفي من هسة اكلج طلگت مرتي الاولانية من ورة السانها ضبي السانج احسلج لا اعيد تربيتج

فتحت عيوني بصدمة متزوج اشتعلت نار وكبت بية جانت ناقصة نترت بوجهة:- جنت متتززوج لييش ماگلتلي

-ليش انتي ماتدرين ترة اهلج يدرون ماضام عليكم شي

لزمت راسي ماتحملت اكثر من الكلام السمعتة كمت من يمة وتوجهت للباب اطلع متاخذة قراري ما اتزوجة لو اعرف اموت..

انجريت من ضهري وانرگعت بصدرة دگات گلبي صارت ببلعومي حرگة، قهر، خوف، اشمئزاز، توتر كلهن انجمعن فتحت ايدة ونترت بية..

-شتررريد عوفني

دارني علية يعصر بفكي احسة تكسر نتر بية
-اجيت اكلج على العرس هذاالشهر و هسة احاجي ابوج وعمامج

حسيت روحي بدوامة اريد اطلع منها ما اكدر مستحيل اكدر اكمل حياتي وي شخص مامهتم بية
ولا بمشاعري اهم شي عندة الجسد اما الروح خل تحترگ تتحطم مايهمة، نترت ايدة منة ومشيت اريد اطلع راح اموت الهوى ضاع مني..

بعدني ما فاتحة الباب وحجة بصوت مسموع يبدس الدم بعروگي..

-انة ما اضلن متاني لدورة السنة  بهذا الشهر نعرس
ويو مارضو عمامج اخذج خو ما اضلن متاني شوكت تدور السنة من هسة اگلج خاف تكولين ماكتلج بعد انتي مرتي بالشرع

صحت بصوت عالي داخلي يغلي غليان..

-لو تموووت والله اكتل نفسي وما اخليك تلمسني لا هسة ولا بعدين

ضحك بصوت مسد على لحيتة وحجة بروود

-مو هي بكيفج اول وتالي اخذج برضاج يو مو برضاج انتي حرمتي محد الة يمي

حجيت بحركة وعيوني تصب دمع

-مااكوو بعدد حررمتتك رراح افصخخ ما ارريدك

طلعت ارجف ورجع صاح وراي:-اطش فوگاج جيس جكليت يو اهلج فصخو الخطوبة ههههههه لا تقلدين المسلسلات التركية تراها ماتفيدج هههههههه

طلعت مشتعلة نار امسح بعيوني تصب دم مو دمع  گلبي ملچوم، مكسور كل وجع الكون بية، انردمت بشخص ماگدرت اميزة بسبب دموعي تخزيت وتفشلت اي هو  عرفتة من عطرة كملت دربي اركض بدون ما اعاين بشكلة..

دخلت بالحمام وسديتة،تمر ببالي  نضراتة حركاتة قذررة وصخة صرت افرك وجهي بالصابون جلفتة جلف  صار احمر فزيت من صار دگ ؏ الباب..

-ولج اطلعععي اانة الج الييوم موتج على اييدي

ماكدرت افتح الباب اخاف منها من تلزمتي ماترحمني ابد جسمي لحد الان ازرگ من ضربها ومحسوب عندي ام، بقت ادگ بالباب وتغلط ماكدرت اصبر اكثر فتحتة اعرف شتريد مني شسويت هالمرة ..

هجمت علية ضرب وفشار وغلط على سبب اجهل معرفتة انسحبت منها سحب بيدين ضخمة خلاني ورة ضهرة وماحاميني منها ماعافتني الا من صاح بيها...

-فارس: تسووودنتي شمااالج وياااها

صرت اجر النفس جر مااگدر اشوف شي گدامي زين مني واكفة على طولي ضربتين على الراس توجع
احس الهوى ضاع انگط  نفسي من حجت كلام تمنيت ميتة ولا سامعتة..

-صخممتتت وجهههي عووفني امووتها وااادفن عاارهااا ويااها تلططمت وتصخمتتت سووت الدگة الناقصة بيه  گبببل الزفة ماا تحملتت المفلووگة ***
تصخمت بعددد..

ماتحملت قوة الكلام السمعتة وكعت مغمي علية  اقرب الناس الي  امي  تتهمني هيج اتهام جبير وياريت لو مباوعة بوجهها..

صارت علية نقطة سودة گدام فارس هسة اكيد مفكرني مو بت من اتذكر الموقف اموت قهر..

اتمنى اختفي من الوجود ولا اشوف اهاين امي المستمرة كل ماتشوفني تتفل بوجهي وتكفخني كرهت روحي واخطر مرحلة يوصل العا الانسان يكرة روحة..

حددو العرس  طلعت روحي من البجي كل البيبان انسدت بوجهي اخر امل الي ابوي بلكي  يفصخ الخطبة ويخلصني منة حاجيتة وجان ردة اقسة من امي .. لزمني من اذني شلعها شلع

-بت المسمووط شعندج كووولي بس لا عاااشگة موتج على ايدي يصيررر

-ما اريدة والله عندي شي بس ما اطيقة ترة اني هم بشر عندي احثاث(احساس) تلعب روحي ما اريدة

-انجبي واكلي نعل ماعدنة بنات تخالف راينة شنكول كولي تم تتعودين علية هي هيج بس بالبدايةو ديربالج تعيدين هالحجي وتسودين وجهي بين العربان يكولن بت فلان عاشگة وما تفعل تتزوج وساعتها اذبحج على الجبلة (القبلة)

عيوني ورمن من البجي ماكو اي حل والتجأت الى اغبة خطوة اتخذتها بحياتي..

الساعة بالوحدة باليل شغلت ضوة المطبخ وگمت اگلب بالسجاجين خفت وارتعبت ما اگدر ائذي نفسي بهالطريقة شمرتها من ايدي وگعدت اگلب بجسمي مزورک من كل مكان گلبي ورم حقد على غيض ذولة اهلي جا شلون بية هو الغريب شيسوي بية اكثر من اهلي..

شلت السجينة وغمضت عيوني اردد بين روحي

-ارحمي روحج مايرحمون محد يرحم كلها عليه

لزمت السجينة ومديت ايدي اكطع الشريان وماافكر بشي ثاني لحضة وحدة صارت حازمة.. فزيت بخوف ووگعت السجينة من ايدي من شفتة وراي..

-شتسووويين

**

-لج كوومي عيب صارلة شكد متانيج

-نوڤ: كليله نايمة مريضة اي شي

-شروق:دمشي نووڤ لا تتعايرين

-ما اريد اشوفة هي گوة

-اي گوة يلة گدامي لا اگل لامج

-لا لا لا عليج الله لتگلين لامي

-ليش ما اگلها انتي مو ماتريدينة گليلها والغي الخطبة وفضيها

-لا اريدة شبيج شروق منين تجيبين هذا الحجي اريدة

-يلا كومي كونج تريدينة

بلعت ريگي وگمت لا بدلت ولا عدلت طلعتلة بملابسي سلمت وكعدت مكتفة ادية..

-شبيج

-مابية شي

-كومي بدلي راح نطلع

-مگايلة لحياوي

-گتلة... يلا منتظرج

طلع يفر بالسويج وجهة جامد مابية روح رحت بدلت شلون ماجان وطلعت صعدت بالسيارة وشغل... حرف واحد مانطق مو من عوايدة يبقى ساكت...

-وين رايحين

-لجهنم الحمرة

-وين صايرة هاي

-هسة تعرفين

بلعت ريگ خايفة من جدية كلامة.. اخذنا من طرق جديدة اول مرة اشوفها بناء حديث ماكدرت اسكت اكثر وسالت ..

-وين رايحين شبيك

ولا كأني احجي وياة بقة على جمودة عيونة على الطريق ويسوق سريع..

-عود صدك شبيك عادل وين رايحين

وگف للسيارة ودار وجهة علية مقتحن فتح باب السيارة وعاط بصوت عالي...

-اااانزززززلي

رجف جسمي خوف نزلت اذني منطرشة من صوتة شغل السيارة وعافني بنص الطريق لحظه حسيتة مسوي بية مقلب، واكفة على الرصيف والسيارات تمر مني ضربت على راسي استوعب وين اني اي فعلا عافني وراح..

عيوني تابع السيارات وين راح هسة يرجع مستحيل يعوفني هنا واني ماعرف شي عن المكان والناس دموعي تنزل بغزارة مسحهتهن وگعدت على الرصيف
عيوني تفتر ورة السيارات لاعندي موبايل ولا حافضتلي رقم ماعرف شلون اتصرف حتى عنوانة ما اعرفة بالضبط ..

فزيت من حسيت شخص وراي  مسحت دموعي ونكتت ملابسي وابتعدت عنة مسافة ..

-شبيج عمو منو وياج

-محد

-گليلي حتى اساعدج ليش هنا وحدج اهلج وين

ابتعدت عنة ساكتة ماعرف نيتة شنو ولا اعرف نية عادل من ورة فعلة هذا..

-هسة ليش تبجين سولفي احد مأذيج وين بيتكم.. زين منو الجابج هنا

-ما اعرف والله ماعرف

خليت ادية على وجهي وانفجرت بجي شگلة المحسوب خطيبي جابني وذبني  حتى ميصدك راح يفكرة حبيبي..

-لا تبجين  كلشي ينحل هسة اوديج لاهلج

انطاني بطل مي شربت وغسلت وجهي باوعت بكل الاتجاهات على امل اشوفة بس ماكو اختفى ..

-منتظرة احد

-لا

-تعاي بالفي الشمس حارة عليج شوفي وجهج صار طماطة

سكتت منطيتة ضهري وعيونة مركزتهن بالطريق

-اوصلج

-تؤ

-لعد تبقين هنا

-ماعرف انتظر

-انتظري بس وخري من الشمس استويتي.. صدك تحبين الطماطة

-لا

-ليش الطماطة طيبة ترهم وي كلشي

طگت روحي اني بيا حال وهذا يحشش براسي درت وجهي اريد ارزلة وانجريت من ايدي بقوة احسها انخلعت صحت بالم ماهتملي دفعني بالسيارة وطبگ الباب وراة..

-ايدددددي شبيييك

شغل السيارة صاير نار طيرانة بالسما على كد السرعة

-راااح تگلبببها بييينة خفففففف راااح نموووت

-ادعييي ربببج تنگلببب بيج وتمووتين احسسن ما موتتج يصييررر على ايددي انييي اعلمج اله اطلعلج گلببب جديد

انضرب عقلي شسويت ذبني بنص الطريق وهسة راجع يرزل بية شنو فلمة هذا حرت بية، سديت اذني بيدي من گام يفشر ويغلط راسي انصدع من صوتة العالي، وكف السيارة فجاة راسي انضرب احس معدتي گلبت من القوة..

نزل وجرني من ايدي يسحل بية بقيت مثل الاطرش بالزفة ما مفتهمة شي اريد افلت ايدي منه مگدرت حسيت ايدة طابوگة مو دم ولحم.. انفريت فر حتى كلام مگدرت احجي وياة عيشني بحالة رعب اعجز عن شرحها  ..

دموعي تنزل وگلبي يخفق بجنون راح يوگف دخلني لعمارة يسحل بية صعدني الدرج وكعت كذا مرة روحي شاغت من الوجع ما اهتم لدموعي ولا لحالتي فتح باب الشقة وشمرني بيها تكومت على وجهي بالگاع صحت متألمة..

-ليييش هيييج شسسسويت اااالله ينتقمممم منننك كسرررتني حيييوان

صحت بصوت عالي من رفس بطني احس اعشائي تگطعت بقيت اتگلب من الالم انسحبت من شعري بقوة  تگطع بيدة، بعدني محاجية وانفجر بوجهي يصيح وشعري بيدة يعت بية  ..

-لييييش ليييش مااااتحببببيني اااادرري بييييج تحبيييين غيررري ادرري منننن زمااان بسس اااني چلبببب اگووول ماتفتتتتهم بهاااييي السسووالف

شعري احسه تگطع روحي طلعت ورجعت  وحش گدامي مگدرت اقاومة حتى مگدرت احجي شي من كل الاتجاهات تجيني رفسة تشوغ روحي مت جوة ايدة ماعندي طاقة خلصت بيدة..

غلط، افشار، ضرب، اهانة، تعنيف، حالات رعب فقدتني الوعي لدقائق من الوقت نزيت من انرش مي بارد علية..

گدامي انسان عديم المشاعر كتلة من الحقارة والخباثة ثنة رگبة بصفي مسح على خدي وحجة بهدوء..

-احجي ابوس ايدج احجي منو حبيبج

جسمي يرجف اسمع صوت اسناني يتضاربن مع بعض زحفت ليورة بس الحايط بضهري تمنيتة شخص وينقذني منة... حجيت بصوت يرجف كوة تجتمع الاحرف بحلكي..

-وءءءءالله  ماعندي والله العظيم

لف ايدة على ࢪگبتي تلمسها بهدوء وشدد قبضتة گطع نفسي بيدة صرت استنجي الهوى...

-ااادددري بيييج مااا تحبيييني تحبييين غييييري ادرري ادررري موو علييية هاااي السسواالف

گلبت عيونة مسلمتها باخر لحظة بين الحياة والموت ابتعد مني لزمت رگبتي بيدي وصرت اتنفس بهمجية بلعومي موتني من الوجع غير وجع جسمي رفعت عيوني طالع من الشقة ردت اگوم صحت متألمة مگدرت  مسحت عيوني حتى توضح عندي الروية زحفت للباب قريب مني نهضت على رجلية، ايدية ترجف الباب مقفول شلون اطلع..

وگعت على رگبي من صوفر وراي، وحش لا لا الوحش ارحم منة،، جان ممسيولي شي ارتعبت من نظراتة مو اليوم اشوفة بكل اخبالاتة وبس اني وياة اكيد اليوم فريستة ..

جكارتة بيدة وو جهة وشعرة ينگطن مي شرايينة بارزة بصورة تخوف تقرب مني رجعت لازگة روحي بالباب ضامة نفسي بيدي، سحبني من ايدي لزگني بالحايط ضهري انخسف، كلشي بية يرجف حتى الهوى يرجف..

وزع نضراتة القاسية بوجهي ونفخ الدخان كحيت بقوة وحجيت بصوت مبحوح..

-عوفني ليش تأذيني

قرب وجهة لوجهي وحجة راصة على اسنانة يدگ على صدرة بقوة..

-أذيتيني اذيتيني

-والله ممأذيتك

ضحك بصوت عالي ورجع لزم ايدي خلاها بيدة وشدد على ايدي رفعت راسي وصحت متألمة..

-عادل:ليييش اني شبية گليلي شبية

-مبيك شي عووفني عووفني حموت

-موتي ولا تحبين غيري كلبة حقيرررة ساا***
دوررين زززلم ورراي ماااعااجبج موو مو بعيننننج ااااني

عصر فكي بيدة كسر اسناني لا اگدر ادفعة ولا اگدر اقاومة بس احس اصرخ يعوفني، عديم الاحساس بدون عقل، عديم الرحمة والانسانية ثور هائج يخرب شكو شي گدامي عافني ورجع يكسر بالاثاث الموجود بالشقة..

لملمت روحي وخلتت بزاوية صغيرة سادة اذاناتي بيدي ابجي واصرخ بصوت عالي من اسمع صوت شي ينكسر ..انجريت من ايدي سمعت طگت العضم بذني صحت بصوت طالع من اعماق گلبي صوت سمعة كل الموجودين بالعمارة ايدي انكسرت اي انكسرت..

سكت هادء اخذت دورة اغلط واعيط من الوجع روحي طلعت من الوجع.. انگطع نفسي وفقدت الوعي..

ضربات خفيفة على وجهي فتحت عيوني بوجع رجال جبير بالعمر گاعد مقابيلي لابس لابكوت ابيض  ابتسمت بلطف وگال..

-شلونج بنيتي

ماجاوبتة وشتت نضري بالمكان عيادة طبية اي وهذا دكتور لزمت ايدي ابجي ميتة من الوجع..

-اريد ماما اخذني الها

-هسة باباتي بس اصب ايدج وروحيلها

سوالي اشاعة وصبها الي فرفحت روحي من البجي حتى دربي مشفتة من الوجع.. وجع يمشي بكل جسمي كل جزء اله وجع يختلف عن الاخر درت وجهي اشوف شيسوي، جرح جبير بگصتة ولاف ايدة استغربت وباوعتلة بحقد درت وجهي عنة من هذا اليوم لساني مايطخ السانة وانعل الساعة النطيت بيها موافقتي بس تنتهي احجي كل الصار
واخليهم يفصخون الخطبة منو اليقبل بيها اخواني لو امي سهلة باجر بلهواي يخلص كلشي..

-سوينة حادث بسيط غير هذا الحجي ماكو

ما رديت علية اسايسة لحد ما اوصل وبعدها لكل حادث حديث هزيت راسي بدون لا اباوعلة، جرني من ايدي الثانية علية.. وحجة كاز على اسنانة..

-من احجي وياج باوعيلي

-باوعتت

ترك ايدي وحرك السيارة..

-لا تصيرين لوتية نوڤ انتي تطيحين بيها صدگي لو فكرتي تحجين الصار تتأذين ضعف الصار بيج

سكتت عنة مافاهمة قصدة ولا على شنو يحجي ولا اعرف ليش سوة بية هيج لان اعرفة من زمان كل وقت الة شكل يرعب اكثر مو صاحي احلف علية
طول الطريق ادعي علية بگلبي..

گلبي مقبط كرة وحقد علية مايملك ذرة من الحب بداخلي...

واخيرا بعد عذاب والم ووجع وصلنا للمهجوم مثل ماتسمية اسراء رغم مامرتاحة بعيشتي يمهم بس تبقى احسن من وجودي وي عادل بالف مرة ردت انزل وگال..

-ارحمي روحج وگولي حادث بسيط لاتكبرينها من مصلحتج احجي

ماالتفتتله ولا رديت علية نزلت بسرعة ودخلت للبيت كالعادة شروق الوحيدة التتلگاني وتحب وجودي من شافتني زلغت خدودها ودگت على صدرها..

-سودة بوجهي ولج شصاير بيج صخام الصخمني شلوون حض عندج شبيييج شصاااير،

حضنتها ابجي اريد احجي بس من شفت نظرات التفات واسراء سكتت احسهن متشمتات بية وفرحانات كلش..

التفات:: ها حب شلونج

اسراء::انكسرت ايدج يبووو بس لا عادل كسرها الج هههههههه

التفات:-كلشي يصير خية عادل وما ادراك ما عادل هههههه كلش عاجبني هو وخبالة

اسراء:: شرس تحسينة

التفات:-قاسي اويليييي شكد ينحب القاسي بس اجة للشخص الغلط

بلعت القصة وسكت معقولة مبين عادل ضاربني لو هنا احساسهن مضبوط، مسحت دموعي ومشيت بروح رايحة.. اسمع لكلامهن الماصخ مثلهن..

التفات:-شدكولين ليش كتلها

اسراء:-اتوقع لاعبة بذيلها ههههههههه

شروق:-وسمممم شبييييجن

التفات:-سم السمج لج شكو شبيج تصيحين انتي ماتوبين شكم مرة گنالج معليج بينة لو الا تاكلينها منا

اسراء:-نوكلج بس مو هسة كلشي بوكتة يلا ولي من وجهي لا العب بخلقتج

دخلت وسديت الباب تمددت بفراشي وضميت وجهي بالمخدة بس دموعي تنزل حارات يجون خدي..

-توجعج

-شوية

-شبية وجهج احمر

-اريد امي وين حياوي

-مو هنا طالع

-اتصلي علية

-موبايلج مصفر ماشاحنتة باليل

-اخذيني لامي انتي

-صدك تحجين وي اندل اني غير يصير موتنة سوة هسة شني توجعج اسويلج شي شيايتين

-ما اريد شي بس انام

-خوش ومن ييصير بموبايلج شحن اتصل بحياوي

لفليت راسي ونمت بسرعة يمكن بسبب الابرة الضرباها الدكتور الي بالوريد..

**

-مو هيييج

-صوتج فضحتينا

-زعلت عليك روح حياوي

-اشتعل حياوي وين يگدرلج

-شقصدك اني وكحة لو سليطة

-لا منيلج لا وكحة ولا سليطة

-اي عبالي

-تعالي ابوسج

-بوسة وحدة كافي شنو هي شبع

-اي شبع لاتصيرين اقتصادية براسي بهاي السوالف طلعلي شطارتج بالبيت اقتصدي

-عفوا يا سولف ممكن تحدد

-سراوي فحطتيني اريد امشي وانتي شاردة لابكلمة حلوة ولا شي منا منا

برمت كذلتي حول اصبعي وحجيت بدلال..
-اممم منا ومنا وين حدد

-راح اگوم

راح يکوم وطفرت اضحك ومكممة حلكي بيدي خاف يسمعون طفر جرني مكعدني بحضنة لفيت ايدي حول رگبتة وباوعت بعيونة مليانات حب وحنان..

-ااايلافيوو

-تدرين جدي شجان يگل لحبوبتي

-شيگلها

-احبنج يخايبة

-ههههههه رومانسي جدك

-اي كلش جدتي تسولفنة علية دشوفيني ماخذ صفاتة

-واوووو ماشاء الله واضح عليك رومانسي

-احبنج يخايبة لا احسد روحي عليج

ضمني لحضنة الدافي يمسح على شعري بحنية بادلتة الحضن وحجة بفرح...

-سراوي فرجت جنت شايللها هم جبير

-يا الله شلون وشنو

-لكيت بيت للايجار بية غرفتين كبار وصحيات واستقبال وحتى حديقة بية

دفنت راسي برگبتة اضحك من كل كلبي يارب ديمها علينة..

-وصار عندي شغل ثابت مسالة اشهر ونتزوج

-ان شاءلله ههههههه

-اضحكي يلوگلج الضحك دوم اريدج تضحكين جنت اموت قهر من اشوفج ضايجة بس ما اكدر اكلج لان مالي صلة بيج

-وهسة صرت روحي

-اضمج بروحي واغطيج

عشاق وجمعهم الزمن ماكو احلى من هيج، متخيلت حياوي يحبني هالكثر ومتلهف لهذا اليوم مضت دقايق اجمل واحلى دقايق عشتهن يمة، ابتعدت عنة
امسد على لحيتة عيونة بيهن فرح وحزن..

-شبيك حياوي

-نوڤ كلش ضايجة مامرتاحة

-واضح عليها هالشي تغيرت نوڤ مو مثل قبل

-هواي متغيره ماتسولفلي شي وين جانت ماتخلي جبيرة وصغيرة الا تسولفها

-لاتهتم لو عدها شي تحجية ماتضمة علية

-ان شاءلله يطلع صدك ماضل شي واخذها لبيتي تاخذ راحتها

ابتسم وحجة بفرحة:-نوڤ تحب البزازين والحدايق سويتلها حديقة وبس اضبط اموري ازرعها ورد وشجر واخلي بيها مرجوحة هههههه حتى گصيبتها تضل تسحل وراها

-هههههه صدك والله

-وابنيلها بيت صغير تخلي بية بزازينها اكيد راح تفرح وتتغير نفسيتها

يحجي و ناسي نوڤ مخطوبة ومن نتزوج هم تزوج وتكعد يم اهلي ماردت اخرب واهسة وبقيت اسمعلة باهتمام..

-شگد تحبها

-نوڤ روحي تعرفين شنو يعني روحي

خلة ايدة على گلبة وذب حسرة عالية..

-گلبي يوجعني احس بيها شي بس ضامتة علية لج سراروي والله گلبي يوجعني من صدك

خليت ايدي على صدرة امسح علية گوة كضيت روحي ما ابجي وازيدها علية..

-اسم الله على گلبج حبيبي باجر اطلعها وياي واشوف شبيها

-خايف عليها وافكر بيها

-ليش هيج حياوي شجاك شبيها قابل

-اخواتي حياية ونوڤ فقيرة لو ما اني موجود جا شردنها بليلة ضلمة تخيلي لو اني ماموجود شيصير بيها

-شبيك حياوي گول يا الله وين تروح قابل تضل مرافقها دوم ولا تنسى مو بس انت اخوها

-اي صح بس محد يگدر يحميها لا سجاد ولاغيرة

-شلون

-عوفي السالفة

-لعيونك.. حلوات

-لاتصيرين فاسقة

-ابد وين فاسقة بس حلالنة اولة بية

-اه

-اشااقة اشااقة شبيك هيج

-لا مو هيج انتي كلتي حلالنة اولة بية الله حجاج

-هههههههههههه لا عيب

-انفضحنا

-سكتت

سديت حلگي مااتحمل يضحكني دك تليفونة عدل كعدتة وجاوب عبست ملامحة وطلع بوجهة عدلت روحي وطلعت وراة لگيته طالع قلقت علية اكيد صار شي مو زين اتصل عليه وما يجاوب..

***

سفانة"

ماخذة الممر رايحة راجعة شلون احاجية وابررلة الگالتة امي مو صحيح هسة حتى لو جان ما مصدك من ذاك اليوم الاسود تاكد من صحة الكلام عضيت على شفتي بقهر ورحت دگيت الباب ميتة قهر بعد دقايق اجة صوتة..

-تفضل

فتحت الباب وبقيت واكفة بالباب متصنمة شحجي وشكول لازم ابري روحي گدام المعتبرني صديقتة
طگطگت اصابيعي متوترة راد مني سبب لتصرفي الغبي شگلة يا ربي..

-دشي لاتضلين واكفة

بلعت ريك ودخلت العطر تارس الغرفة واكف گبال الميز يمشط شعرة، زي رسمي ساعة ذهبية خاتم جبير مزين ايدة كشاخ من يوم يومة ومجالة يتطلب  دنکت راسي وحجيت..

-الثمعتة من امي مو ثحيح بيش تريد احلفلك

ذب المشط من ايدة ودار بكامل جسمة..

-اقنعيني اريد سبب مقنع للسويتية

-كلشي ثار ثبب (سبب) يخليني اتخذ هيج خطوة

حجة بعصبية ممزوجة بحرگة..

-تريدين تنهين حياتج على شني، تكتلين روحج بيدج ياهو اليرضاها الله من فوك ما يرضاها هاي امانة عندج المفروض تحافضين عليها مو تنهينها بكيفج
مافكرتي بينة الناس شتحجي علينة وشدكول لو كاتلة روحج زين خل نولي مافكرتي شدكولين لله

نزلن دموعي مثل السيل حجيت بحرگة گلب

-كلة منكم عفتو خلگ الله كلها ورجعتو علي من ذاك اليوم لهذا اليوم شحثلت غير المهانة والكلام الجارح من الكل واولهم اهلي كله بثوب (صوب)
وزواجي بثوب ثاني كرهت روحي من وراة ما ارريد رروحي خل تحترگ تتفجر ما اريد اعيش المن عايشة كلشي يمشي عكس ما رايدتة ولامرة ثار شي اريدة

-هذا مو سبببب

-شتريد اكثر من هيج حبيت الرجلين ومحد حن علية انة شردت شردت.. ردت يعوفوني بحالي ماردت اتزوج انت ثرت بمكاني لاعع فكرت شحث من اكون وياة انت شفتة شي شفت كمية القذارة اليمتلكها هم لاعع بث انة اشوف واتعامل وي شخص قذر مايريدني يريد جثمي فقط شفت امي شلون تهيني محدد يشووف

سكتت منهارة بالبجي اول مرة احجي البداخلي ماعرف شلون حجيتلة كل هذا مسحت وجهي بطرف شالي ومشيت مسافة اطلع..

-وين رايحة ما خلصنة حجي

-عوفوني محد اله شي يمي

-ليش هيج سفانة من شوكت تحجين وياي بهاي الطريقه على اساس اصدقاء

-ما امتلك شخث بهاي الدنيا الجبيرة لا ثديق ولا ثديقة ولا ام ولا اب كلها طلعت من عيني والشي الثار ما اريد واحد يدري بية اطلب من عندك بثفة ثديقة مثل مامعتبرني

وصلت للباب ردت افتحة وصارت ايدة فوك اليدة درت وجهي علية اباوعله ببرود..

-شتريدين

-ادعيلي الله ياخذ امانتة

نتر بية بصوت عالي..

-ليييش هيج ولج گوليييي غيرها بيش تعمين على روحج

-امنية اطلب من الله يحققها باثرع وقت

-هذا كلة لان راح يزوجونج انة احجي وياهم واخليهم يفصخون بس لاتسوين هيج برويحتج

-اجيت بث اكلك حجي امي مو ثحيح والشفتة يضل بينة واكون ممنونة

-لا تسوووودنيني سفااانة

-ثوتك (صوتك) لا تعلية بعد ما اثوي شي بروحي هي هاي راح ارضة بحكم القدر المكتبولي والله وياي مايعوني وحيدي..

طلعت من يمة مكسور بية شي جبير غسلت وجهي وگعدت بحجرتي بس عيوني تفتر،جدامي  سجى ورغد يقرن وحدة تراجع للثانية..

رغد:-اقري ذني التعاليل مهمات كلش كل سنة يجيبونهن

سجى:: ماضل وكت بين مانبدل بين ماناكل يروح الوكت

رغد:-هم صدك ولج يمممة راح امووت ربي كملها على خير وياي هذا اخر امتحان كون معدلي يفول تفول لاتشمت المجسب بية

هدى:-صدك متحلف بيج بس ترسبين يبطلج

رغد:-مو هو بكيفة الثور كون ارفس ببطنة واطلع مصارينة وما ارتاح اخخخخخخ اكرررهاااا

سجى:-دخل يولي وكتة هسة

عفتهن يبدلن ونزلت جوة جدة حكمة ونوڤة كاعدات يشربن جاي لازم يتريكن ورة الاوذان مسيطرات على الوضع..

جدة نوڤة:-ها ولج خنسفانة شمالج هالايام خانسة لا الج حس لاخبر خو مابيج شي

-ثلامتكم

-ويهج مولح ودگلي مابية شي علية تمشينها ولج خنسفانة

حكمة:خو كونج خايفة من العرس ترة سالفتة جك بك مارادلها شي لا تفكرين بيها صيري سباعية

طلعت برة استنشق هوى كل مايجيبون طاري العرس اختنگ وتلعب روحي شلون يلمسني قذر احسة
غمضت عيوني نافضة البراسي درت وجهي وصار جدامي فارس جر نفس وهز راسة..

-مو بكيفهم يجبرونج محد اله حق يزوجج شخص ماتريدينة

-خلثني

-لاتخافين مادامج ماتريدينه هاهية مو بكيفكهم يزوجونج اله واذا مارضو اشتكي عليهم كلشي اسوي علمودج وعلي من ارجع اخربها... بس لاتضوجين وثقي بية ماخلية يلمسج بعد

گاع صبخة واجاها ماي احس روحي ارتوت بالكلام الگاله فرحة غزت روحي مسحت عيوني واضحك فرحانة..

-عمت عين اليبجيج خايب انتي الحنينة هيج يسون بيج والله لاسوي بيهم فلك

طلع لشغلة ورجعت للمطبخ عكس قبل ثواني رجع واهسي ان شاءلله يوگف وياي ويمنع زواجي..
سويت ريوگ  للبنات شوية وطبن لابسات صداريهن النيليات وقمصانهن البيض ابتسمت الهن  وخليت الصينية جدامهن..

جدة نوڤة:-ها ولج اشوفنج تضحجين مو مثل مساع

رضية:-شعندج وياه عوفيها تضحك مو زين

جدة نوڤة:-جا غير اعرف عليمن تكودر ويهها (وجهها) وترجع تمزمز

سجى:-شني حبوبة صايرة محقق عوزج

ضربتها بعوجيتها:-ولج ماتستحين شني محقق

سجى:-ترة ما گتلج سحارة كتلج محقق مثل ذولة اليطلعون بالمسلسلات حلوين وعدهم فلوس

-اي صگد انة حلوة بس الفلوس مامش راحت طيرها العياي (الرياح) وصفينة على الحديدة اهىء اهىء اهىء

حكمة:-بسج يخية ماتسوة الفلوس جدامج شتريدين بس كولي بلي

نوڤة:-اهىء اهىء ماتقصرين يخية بس مستحسفة على تعبهم ضيعاة ابو كرش

سجى:-حبوبة عوفي ال اهىء اهىء وانطيني سحر بحر اقراة حتى اجاوب

نوڤة:: مال الغسل اي والله شني انة اسوي سحورة شگالولج علية

رغد:-قصدها دعاء اية تقراها

نوڤة:-خايبة يو موش اية يو القرآن تاخذينه كلة وتختمينه من الجلاد للجلاد ماتنجحين وكولي نوڤة ماگالت

سجى:-كومي رغيدة كومي شلون تسوي واهس (طلعت جدام رغد بين ماتجيب بطل ماي وتجي  فاتت  مني سيارة درت وجهي بس التراب يذري وراة انترست ترس صحت بصوت عالي..

-مااال المررض اليمررضك اشتتتعلت ان شاءااالله
انت وسيارتك الاثووول حتى المطاية صارت عدها سيارات امدااني

رغد:-ولج شمالج تصيحين فضحتينة

-ناس لاتعرف ادب ولا احترام هسة اذا ابن.. ترسني ترراب البنات محمرة ومحفحفة وانة متربة جاية من الكبور جنت اشتغل دفانة

-اي والله هي مال كبور هسة ولج امشينا ورانة منكر ونكير

تمشي بسرعة ولازمه كتابها تراجع بصوت عالي اركض وراها وما ملحگة بيها على ما وصلنة طاحت رجلية لزمت ايدي متوترة وتقرا ايات..

-اقري سورة الكوثر اربعطعش مرة واهديها للسيدة نرجس عليها السلام تجاوبين بحيل الله

-ان شاءلله

-شمالج وجهج صوفر

-اجتني ام داوود

-هسة وكتها شلون بيج

-ما ادري

-دشي للامتحان هسة ومن تخلصين شوفيلج حانوت اشتري منة ولو ماكو ارجعي للبيت خوش

-خوش خوش

دخلنة للقاعات الامتحانية بطني موتتني سلمونة الاسئلة حليت شلون ماجان وطلعت بوجهي للحانوت
لگيتة معزل ماگدرت اضلن اتاني رغد رجعت للبيت لازمة بطني وكتها هسة صارت بصفي سيارة حمل درت وجهي عاگدة حاجبي ..

-هذا انت الحقير امداك اي والله ادري بيك سويتها ترابة عمدة لين انة موجوده تربتني الحقير

-رافد:ضبي لسان الدلالة وصعدي  بساعج

-فدوة لله اصعد وياة الخايس دمشي مني انت ياهو حتى اصعد وياك شني شاروخان انتتت

-بس تهذي الثولة اصعدي ولج لاتنفضحين. هناك ولد يسونج مضحكة اصعدي بساعج

جان يمشيها على كيف وكفها كبالي ياشرلي اصعد نترت بية طالعة روحي من الالم..

-شكووو صاااعدة وياك

-صدريتج من ورة

اشرلي وعض شفتة درت وجهي اشوف صدريتي كلها دم تمنيت الگاع تنشک وتبلعني من الخزي والفشلة حرارة تطلع من وجهي دار وجهة  علية وگال بنفاذ صبر..

-راح يوصلون ولج اصعددي

بلعت ريك متفشلة سمعت صوت ولد قريب غمضت عيوني لازم اصعد ماعندي غير حل صعدت وياة بالصدر ميتة بدمي ..

-صخاااام الصخمك

-عليمن ولج

-مووو عليييك على المايخاف من الله

-يعني تقصديني

-ليش انت ماتخاف من الله

-امممم

-سودة بوووجهك موو وكتتتك

-المايخاف من الله مو

-اي اييييييييي

-شبيج تصيحين بذني

-مااا صااايحة اخخخخ مووو عليييك

-وصلنة ماضل شي روحي اسبحي بماي دافي واشربي حباية وارتاحي تصيرين زينة

غطيت وجهي بدية ميتة مستحة شلون موقف خايس وهذا من عرف جملها علية سكتت اعض باصبعي من الالم والمستحة..

-تصير لاتفكرين بيها شغلة عادية مابيها عيب ولا مستحة...

مارديت علية عيني على الدرب شوكت نوصل راح اموت..

-زين وطلعتي تستحين اني عبالي فرد نوب ماعندج حية حضوري

-شفتني عيني ماعندي حية حضوري شو انت ماتستحي ولا تعرف تحجي

-هسة انتي التستحين تهي بهي

شوية وصلنة فتحت الباب ونزلت ردت اسدة ورجعت باوعت على مكاني شسويت بالكاع  يبوو راح امووت غمضت عيوني بقوة ماردت افتحهن من الخزي ..
.

-تنمسح لاتخافين روحي دشي جوة

رحت اركض للبيت لا واحد يشوفني بوجهي للحجرة اخذت غراضي ورحت سبحت كل ما اتذكر الموقف الخايس اموت حرگة مشطت شعري ورحت للمطبخ سفانة ورضية يطبخن الساعة راح تصير بثنعش ورغد ما راجعة تاخرت كلش مرت ربع ساعة كاعدة الگط خضرة وبالي يمهة مانشوف الا رغد مشمورة بنص المطبخ  ركضنا الها وجهها دمممم  والدموع مغركة وجهها ...

شهگت بصوت عالي ودخل جاسب مثل الاعصار فكيت حلگي وشهكت من..

يتبع...

       توقعاتكم عيناي تهمني
لاتنسوون تتفاعلون 😘 ولي يسالون القصة ماتطول كلها 35 اذا مو اكثر بشوية كلشي.. ولحد الان اعتقد كلشي وضح الكم.. شدكولون انشرلكم اشباة الابطال الاسبوع اليجي محضرتهن 😍

انتظروني بارت جديد واحداث جديدة ولاتنسون تدعولي اجاوب بالمد 🥺😣

دمتم بحفظ الله ♥