فوط + كومنتار
ادم : كشما تحتاجي حاجة خبريني
هزتلو راسها بايه وحطت بوشاتها فوق الطابلة وقفت بجنبو تشوف في الحاضرين وتسمع لهدرتهم بلغات عديدة تدل على انو الحضور من مختلف بلدان العالم... تقدمو منهم مجموعة رجال يهدرو مع ادم بالايطالية
تأففت بغيض بيسك معلابالهاش وش راهم يهدرو كانت كي الاطرش في الزفة حست بيد ادم تلتف على خصرها بتملك كأنو يعلن للعالم انها ملكو ليه وحددو تبسمت وعجبتها الجاست تاعو بزااف بعد ماشافت نظرات البنات ليه
اشتغلت الموسيقى الكلاسيكية بدا الجميع يرقص مع حبيبتو تحت الانغام بتناسق بقات تشوف فيهم باعجاب شافت في ادم اللي كان يخزر ببرود نغزاتو تحت الطابلة. شاف فيها دارتلو بعينيها ينزل ليها همستلو في وذنو
لميس : ادم نحوس نشطح
شاف فيها بحدة طيحت كل قوتها في الما كأنو يحوس يتأكد من الشي الل تقولو
لميس : شنهي !
ادم : تحوسي نقصلك رجليك ونقلع عيون كل الل يفي الحفل ياك!
عضت على شفتها بغيض
لميس : هيا برك يخي راح نرقص معاك كيما الغاشي يرقص مع حبيبتو واصلا كي نكون معاك واحد ما يتجرأ يهز عينو فيا واصلا هاذي حاجة عادية
ادم : هاذي حاجة عادية كون رقصتي في الدار وكنا وحدنا وديجا في الدار ومكانش راكي بالحمل ... خليني ضك الاز واترصي في بلاصتك قبل مانڨلب الحفل باللي فيه على راسك
قلبت عينيها غايضها الحال منو بزااف بقات شاردة تخمم مافطنت غار من اليد اللي تمدت تسلم عليها
"Ciao bellissima regina, è bello vederti con noi oggi "
توتر لميس شافت مباشرة في ادم رجعت حافظاتو ملييح متأكدة راح يقطع يدها اذا تجرأت ومدتها .... مسح ادم على حاجبو بغضب يحكي بحدة ايطالية خلات لوخر يرجع للخلف مرعوووب واللي حولهم يشوفو فيهم ... الاشاعات الللي سمعوها كانت صحيحة هو عاشق صح لمرتو
ادم : sei morto
كانت لميس متوترة بشددة من الضغط اللي تعرضتلو شي نهار تموت بجلطة من الرعبة منو
شاف فيها بتفحص يتحقق من صدرها وكتافها اللي أمرها تغطيهم هبط لمستواها يهمس بحنان
ادم : صحيتي جوهرتي رجعتي تفهميني وتسمعي كلامي
لميس : ادم عييت من الوقفة هنا
ادم : نجيبلك كرسي تريحي!؟
هزتلو راسها بلالا وهي تحاول تقنعو
لميس : نن منحوسش نقعد ضك نمشي قرب لابيسين برك حتان تخلص هدرتك مع الرجال
ادم : اترصي في بلاااصتك ... ضك نجيبلك كرسي تريحي ... وبعد الحفلة نديك لبلاصة تهبببل متأكد راح تعجبك
لميس : ادم انا مرا حامل اذا مادرتش اللي نحوس عليه نمرض
مد يدو يمسح على خدها بحنان تصدمو اللي ثم صدمة طوووويلة عريض لحظة تبقى مخلدة في التاريخ اول مرة يشوفو الزعيم يتعامل بحنان وهاذ الرومانسية
ادم : لميس بركاي ماتتبهللي في زوج نعرفو بلي مكانش منها هاذا ميش وحم تاع نلبس هاذي صينو ابنك يجي معاق ... نروح ندور ولا يمرض ابنك !!؟ اكذبي كذبة منطقية كي تأمنيها نتي تقدري تكذبيها عليا
عوجت فمها بضجر ملت في بلاصتها بزااف ... عض على خدو بقلة حيلة
ادم : ماعندك وين ترووحي خلي عيني عليك ماعندك وين تروحي .. الثانية اللي منلقاكش فيها راح نريب هاذ القصر على راسك
هزتلو راسها بايه ومشات نحو المسبح تتمشى بالشوي .. رفعت عينيها لمحت اختها ميرا بشحمها ولحمها عقدت حواجبها بعدم فهم وهي في حالة صدمة وش راه دير ميرا هنا .. علاش هي ثاني من المعازيم؟؟
هزت كتافها بعدم اهتمان وكملت مشيها ميش عاطية بال لاختها لأنو مبقاتش كانغراس تعنيلها شي ... لمحت الورد اللي كان في المسبح بطريقة جميلة بقات تخزرلهم بهيام
كان ادم يراقب فيها كل دقيقة رغم انشغالو تبسم بلا شعور على عفويتها وهي تخزر للورد ... كانت كي الطفلة الصغيرة وسط عالم مايناسبهاش ... عاام سيئ دخلها هو ليه لأنانيتو ورغبتو في وجودها معاه
بدات نار الغيرة تلهب في قلبو لاحظ انو كلهم يشوفو فيها حاول يتمالك نفسو باش مايحزنهاش .. لانها مكانتش مهتمة بيهم ولا ملاحظة نظراتهم ليها كانت ساعة على ساعة تضرب طلة على لافاست تاعها تتفقدها
فاقت لميس من سهوها وطلقت وذنيها تحاول تتنصت بعد ما سمعت كلام بالانجليزية شافت للمجموعة البنات اللي كانو يهدرو
"سمعتو بآخر اخبار تجارة الرقيق!؟
" القرار اللي قررو الزعيم !؟"
"وي الصراحة صدم جميع اعضاء الجريمة المنظمة كان قرار راح يفقد المافيا الايطالية بزااااف "
كانت لميس تسترق السمع لواش يقولو بلا ما ننساو انها كانت صحافي. رغم كلشي سماع الاخبار والتحليل من اختصاصها
عقدت حواجبها بعدم فهم مافهمت واالو من هدرتهم
لميس : شنهي تجارة الرقيق !؟؟
مشات تقرب منهم باش تسمع اكثر لشدة فضولها الفارة اللي داخلها ماتخليهاش ثابتة في بلاصتها بصح خطتها ماكملتش كي دارو ليها يسلمو عليها
عضت لميس على شفتها بغيض .. كي العادة
...حاجة ماتمسي كيما تحب هي تبسمت بدفء وكملت طريقها طالقة وذنيها كشما تسمع بالانجليزية ... وقفت بهلع بعد ماقطعت ميرا طريقها
ميرا بسخرية : وش هاذا سيدة لوينو !! نتي ريجينا وخفتيغار كي وقفت قداامك! مالاقتش عليك
تنهدت لميس وشافت فيها بحدة وضمت يديها لصدرها
لميس : مزالك في عادتك قاعدة غار تعسي فيا وحياتك قاعدة غا تمشي متبدل فيك والو في عوض ما عايشة حياتك عايشة في حياة الناس وتعسي فيهم وش دارو ووش ماداروش
ميرا : وشكون لاتي بيك نتي عيشك ؟!! نتي مامبا ماوصلتيش لأحلامك اللي صرعتينا بيها وخرجتي علاجالها من الدار
ضحكت لميس بجنب على كلامها كملت تحكي باستفزاز
لميس: هه ع الاقل تزوجت بأدم لوينو اللي مقدرتيش نتي توصلي ليه .. والحمد لله رانا فرحانين وقريب تكمل فرحتنا كي يشرفنا ولدنا
مسحت على كرشها بحنان تستفز في ميرا اللي وجهها حمار من القلقة
ميرا : ماتفرحيش بززاف الطير اللي يعلي بزااف يتقصو جنحيه ماتتغريش بروحك بزاف بيسك معلابالناش وش راح يصرا غدوة
لميس : مارسي ميرا كانغراس ع النصيحة طبقيها نتي واذا صدقتلك خبريني نطبقها انا ثاني
عقد ادم حواجبو وهو يشوف في لميس تهدر مع اختها اللي استغرب من وجودها هنا ... كلف ادريان يتحقق من هاذ الشي .. كان راح يتصرف بصح يعرف صرامة وصراحة لميس واحد مايهزمها في النقاش من غيرو هو
بدا يمعن النظر بملامحهة خاف كشما تعرف حاجة من ختها يضح استراح نسبيا بعد ماشافها تكمل طريقها وهي تتبسم بنصر ... كون تأخرت معاها دقيقة اخرى برررك كان راح يديها ترووح قبل ماتعرف وش مالزمش تعرف
بقات ميرا تشوف في اختها بغضب وهي تسب فيها شحااال متمنية تخلص عليها ... برودة دمها تقتلها ... عدم استجابتها لاهانتها يستفزها ... حتى انو عندها شك باش يكون عندها قلب او مشاعر ونفس الرأي كان عند لميس وهي تخمم في اختها
حبست تشرب كاش الما وهي تاخذ في انفاسها بدات تحس بالتعب ملت من هاذ الحفلة بزاف سمعت بعض الرحال يتكلمو بيناتهم بحرية بلغة انجليزية فصيحة
" مزال ماغيرتش عاداتك الثعلب !؟"
تبسم ايفان بسخرية وهو يتكيف بقوة
ايفان : متعة كيما هاذيك متعرفوش بيك انا العا...... ميش من طرازي
"هههه وشمن متعة تهدر عليها يرحم باباك !!وااله غار تقول وش المتعرة في اغتصاب بنات يقاوموك ويعييطط. !؟ حتى انك تدير ذاك الشي في الظلام
ايفان : كل واحد واسلوبو انا عاجبتني روحي
" خخههههه سمعت بلي تقتلهم كي تخلص منهم .. وش بااطش متخليلنمش حتى المجال يتنفسو"
ايفان بحدة : يضهرلي كثرو اسئلتك بزااف وش رايك نجربو مع حبيباااتك
" ههه كل السوووق ليك خير وش تحب شحال من ثعلب عندنا حنا "
قاطع كلامهم صوت انكسار كاس مع الانظر شافو كل اللي في الحفل لمصدر الصوت دار ايفان حل عينيه على وسعهم بيسك لميس كانت وراهم قدقد وقف بصدمة وهو يحاول يستوعب اللي صرا
راح ادم يجري لعند لميس شد وجهها بين يده بخووف ومانحكيلكمش على صدمة الغاشي موش مأمنين انو هاذ الزعيم اللي شاد في يديه المافيات والعصابات المنظمة
ادم : وش بيك !!؟ لميس كشما وجعععك ؟؟!! رجعلك المغص .!! قوولي
رجفو شفايفها بخوف حطت يدها على يدو تبعث فيه الطمأنينة
لميس : اني بخير بخير برك طاح كاس الما من يدي
تنهد ادم براحة وهمس في وذنها
ادم : هيا معايا راح تقعدي معايا وتحت عينيا ماتتحركيش دقيقة
شدت في يدو بقوة تحكي بكلام شبه مسموع
لميس : ادم نحوس نروح للسانتيار
خذا نفس عميق وشاف في واحد من رجالو باش يحرسها خذات ادراجها للحماام وقلبها يخبط بقوة تحاول تتمالك نفسها حتان توصل للسانتيار.... دخلت غلقت الباب وهي تشوف في الفراغ مصدومة دخلت للمرحاض وقعدت حاطة راسها بين يديها .... مكانتش حاجة ساهلة. .... هي من اكثر الناس اللي تعرف معاناة الاغتصاب
لميس : يحكيو على انتهاك اعراض البنات بكل بروود .. كأنوا حاجة عادية ... كأنوا عندهظ الحق يعذبو الارواح ويخليولهم عقد طول حياتهم وزيد من الفوق يهدرو بكل سخرية وحوش بشرية ... اناس نرضى ... اناس مجانين .. اناس حقيرين .. اناس قاتلين .. مغتصيين .. سفاحين
بقات تعض في ظفارها بتوتر وخوووف
لميس : عرفتها والله غار عرفتها كان هاذاك غريب الاطوار ... حسيت بلي انسان ميش نورمال ... عرفتها بلي نظراتو وملاحقتو ليا ميش طبيعية
جرت شعرها بقوة وهي تتنفس بصعوبة
لميس: زعماااا يكون هو اللي حاول يغتصبني من 5سنين فاتو عينيه زروقة !!الظلام !!القتل !! اسلوبو الشنيع كيفو
عينيها حمارو من كبحها لدموعها تعض على يديها بيأس تحاول مايسمعها حتى واحد
لميس بهستيرية : وش ندييير !!! وش ندييير!!
شدت راسها وهي تبكي تمنع في ذكراياتها تراودها زادت وتيرة ارتجافها والاصوات تتعاود في راسها
Flash back
" اطللللللقنننني ...... عيشك بعععععد علياااا... تعيييش مزلت صغيييرة الله يسترك لاللااااااا "
مد يدو يحاول ينحيلها قشها وهو يضحك في ذيك الضحكة بدات تضربو بقوة تحاول تمنعو
" خليييني ياوحد الحيوااان بعععععد عليااااااا
مي عياطها كان بلا فايدة كان في عالم اوخر متعتو في تعذيب الناس جبدت سكينصغير كانت ديما تخبيه في صباطهة ضرباتو بكل قوتها لقلبو في ذاك الضلام
عيط لوخر من الالام نحاه من يدها ودورها ليه جرح عنقهت من الخلف بقسوووة .... بظا يفقد توازنو وطاح في الارض .... شدت السكين نحاتولو من يدو وجرحاتو في يدو اليمنى ضرباتو بقوة قبل ماتهرب وهي تغطي في روحها بالملابس المقطعة ذيك
Back
رجعت من ذكرياتها السيئة كي سمعت صوت بنات دخلو للسانتيار حاولت تنظم انفاسها وتسيطر على روحها
بدات لميس تحاول تتحكم في ارتجافها ومسحت دموعها تهدي روحها بلاك تقدر تخدع ادم باش مايعرفش اللي عرفتو بصح زادت صدمة ورا صدمة ناضت مدت يدها تحل الباب .. حبست كي سمعت كلام كان من المفروض ماتسمعوش
" شفتو مرت الزعيم الشبح ....واخيرا شرفتنا بحضورها وقدرنا نشوفوها ... والله غار كانت اية في الجمال جات تهووووبل بصراحة والله غار خرجو على بعضاهم "
" اييي بصح شفتو لاغوب كيفاش جاتها ولااا ... كانت كي القنبلة الموقوتة وزيد حملللها حلاها كثر من مراهي حلوة تيماجيني ماقدرتش نبعد عيني عليها لدقيقة عندو الحق الزعيم كي طاح فيها "
بدات لميس ترجف بهستيرية كي سمعت اسم الشبح وهي تدعي مايكونش اللي في بالها بيسك هي الوحيدة الحامل في هاذ الحفلة ... قعدت مرة ثانية في الحمام وهي شادة في الحيط
جاوبتهم لوخرا وهي تعدل في الروج تاعها في المراية
" خهههه وشفتو كيفاش كانت لاصقة فيه كي الطفلة الصغيرة !؟ كأنو حصن ... ماتحركتش من توالو غار لدقايق يتحسبو ع الصباح والله غار عجبتني منكذبش عليكم تبان صغيرة وبريئة ... مانيش مأمنة بلي طفلة كيفاه مرت الشبح بشحمو ولحمو معلاباليش كيفاش قادرة تتأقلم معاه "
......يتبع💜💜💜
خليولي رااايكم
وش تتوقعو يصرا !؟
الكرونيك مبقاش وتخلاص ماتتقلقوش 😂😂😂