بين ًسًـــلاسل العادات

البارت 2

         بسم آلَلَهّ الرحمن الرحيم

"بين سلاسل العادات_ وحكم القدر
بقلمي:kefayah

لاتنسون التصويت +التعليق بين الفقرات +المتابعة للحساب+قراءة ممتعه ♥..

وَلما رأيتُ البدرَ في الليلِ ساطعًا
تذكّرته ، وَالشيء بِالشيء يُذكَرُ 🤎.

         ♕_________________♕

-لك عبود ءءءمنو ذولة

-يمكن عصااابة....

-مامااا يعني حننخطففف

-هههه اشاقة وياج وين اكو عصابة

الخوف سيطر علينة بس اني وياة طالعين بهليل اباوعلة وجهة صار ينطي الوان رفع شعرة وباوعلي يطمني بنظراتة، گلبي صار ديگ بقوة من الخوف  راد ينزل عبدالله جلبت بية ..

-عليك الله لاتنزل يمكن يطلعون عصاااابة سد الباب والجامة بسرررعة عبووود

بعدنة دنحجي واندگت الجامة بهتت ملامحي واطرافي ثلجت حسيت راح يغمى علية من الخوف ..

:-عبدالله افتح الجامة شبيك

فتح عبود الجامة ذبيت نفس بخوف احس کلبي يريد يطلع من مكانة، يمسد بشواربة وعينة علية  شكلة يخوووف يمكن بس اني اشوفة هيج او لان اخاف منة ..

عبدالله:: ها عويدل  رايد شي شعندك طالعنة صفح

: عادل-مارايد شي  يابة بس شعندك طالع فصعون ومطلع هاي الحليوة وياك

-خطيه ضايجة كلت افرفرهاا وانت شبيك خلستنة عبالنة عصابة.. طبگت سيارتك گدامنة ماخفت على مشاعري الرقيقة

-ههههههه هاي مو سيارتي مالت الربع هههه والله شكلكم يضحك شنو خفتو؟

-يعني اذا تريد الصراحه خفت الله لا ينطيك

-وانتي نوفة خفتي

جلبت بيد عبدالله خايفة  شنو فرقة عن العصابة ثنينهم يخوفون حاولت ماباوع لشكله  گوة طلع صوتي وگلت لا

-عادل: اي واضح ماخايفة بس شعدنة نخوفج ههههههه

بلعت ريگي  الله يستر منه اكيد ديقصد شي بكلامة جريت صفيرتي انتف باطرافها..

عبدالله:-نريد نمشي تحرك اخي

عادل:: اموت ؏ سوالفك عبيد  ههه اروح وياكم ما  اعوفكم دنيا ليل وانتم وحدكم كلشي يصير

نوڤ:-عبوود خل نرجع للبيت بطلت ماريد اطلع حباب ررررجعني

عادل:-ههههههه لاتخافين عيوني انتي صدك جذب اني موجود وتخافين.. مادام تريدين تتونسين هاهية نونسج شعدنة قابل

سبيت نفسي الف مرة المن طالعة امدة حضي هسة  لو وي حياوي مستحيل اخاف  بس اني غبية طافشة ؏ گولة امي شلون طلعت بدون مااگلهم،درت وجهي اله  اشر للسيارة الجان بيها راحت من گدامنة  فتح الباب صرت  ارعش خوف ؏ برد احس ثلجت رغم السيارة دافية..

عادل:-انطيني اني اسوق لاتروح تدعمها وحياوي يبتلي بيك

عبدالله:-اي والله يموتني هسه بس ارجع نصير بالنعل ههههه

عادل:-كلشي يهون لعيون نوڤة

صعد بمكان عبدالله يسوق يسولفون ويضحكون واني ميتة خوف نضرة وحده منة تخليني ارجف عود طلعت اتونس  طلعت من خشمي ساعة السودة الفكرت بيها اطلع..

عادل:-انزل عبود جيبلي جكاير اوسكار واشتري الك ولنوڤ

درت وجهي لگيت عبدالله نازل گلبي فز من مكانة شبسرعة نزل وعافاني وحدي وياه فتحت عيوني بخوف من حرك السيارة لزمت گلبي بيدي بس لايصير شي مو زين ..

-و... ين ماءءخذني حببااب وءءين

-هههههه شبيج هنا قررريببب

حرك السيارة  مسافة قليلة طبگها  گبال حايط بحيث ماشوف شي بس الحايط ولا واحد يشوفنة اكلت اضافري من الخوف السيارة ضلمة وبس عيونة يلصفن صفرر احس نفسي بفلم رعب شوكت يخلص  لزكت روحي بباب السيارة ارجف سحبني من ايدي علية شهگت بخوف..

-ههههههه شبيج ماراح اغتصبج بعد وكت گدامي

انفاسة بوجهي لوتقتلوني متلگون بية قطرة دم  جمدت بمكاني لزم شفتي بيدة مردها مرد جمدت اطرافي من الخوف احسة مو صاحي ابدد..

-راح يجي يوم وتصيرين كلج الي  ههههههه لا عبالج ماگدر اخذج  لا حبيبتي اگدر وهسه هم بس ماريد هيج اريد استمتع مو بسرعة اعوفج..

كل ذرة بجسمي ترجف احس گلبي راح يوگف نضراتة وحركاتة مغززة نزل ايدة يتلمس رگبتي مرارا وتكرار حجيت ارجف گوة يطلع الحجي مني..

-ءءءشترريد

-اريدج الج... بس اخطبج توافقين ماعرف صغيرة جذب جذب انتي مرة  عوفي هاي الكلاوات يضحكون عليج مسوينج زعطوطة شوفي بس هاي السنة الج السنة التجي اريدج تفتهمين..

حسيت روحي طلعت حتى نفسي انگطع بقربة المشمئز سحب گصيبتي قربها لخشمة يشم بيها ومغمض عيونة دموعي نزل راح امووت ..

-اخخخ شوففف العطررر اخخخ  اخخ  راح تخبليني وتالي ويااااج

دفعتة ابجي وارجف صلد يگول جبل ماينزاح

-حباب عووفني وخرر مني حباب

-تقرفين مني مو

لف گصيبتي ؏ ايدة وجرها احس شعري تگطع صحت بوجع" لا " رخة شعري ورجع يمسح بوجهها اول مرة نجتمع بمكان واحد بس اعرفة مو صاحي  نتر بصوت عالي خلاني ارعش..

-تلعب روحج مني مووو

هزيت راسي ب لا مثل المجنونة ودموعي تصب ابتعد عني رجع لمكانة ورجع  نتر بية..

-امسحي وجهج لا تضلين تهتزين مثل المخابيل والسانج اکصة اذا حجيتي شي موتج ؏ ايدي بس تحجين خاصة حياوي افتهمتتتي ..

مسحت وجهي واهز براسي موافقتة.

عبدالله:-تفضل مسيو هاي الجكاير هني ومري على رئتك بعد بيتي

عادل:-اروحك فدوه عبود الورد اخدمك بيوم عرسك ضلع

-متقصر حبيب گلبي

عادل:- وين تريدون اوديكم

عبدالله:-بكيف نوڤ هي ام الطلعة

-ها نوڤ وين تريدين تروحين، اوديج للالعاب لو نفتر شوية بشوراع بغداد الحبيبة

دايرة وجهي ؏ الجامة وامسح بدموعي المارضن يسكتن بس دخان الجكاير يوصلني  طلعت روحي بس اريد ارجع للبيت التوبة اذا تنعاد ..

-ماريد اريد ارجع للبيت

عبدالله:-هلو هلو هاي منو التريد ترجع للبيت لا خاف اني سمعت غلط

-مابية حيل رجعني للبيت الجو مو حلووو

عبدالله:-هسة صار مو حلو منو عاشق الاجواء الشتوية ابد موانتي

عادل:: شخبصتنه شبيك تطلع غير مرة هسة ترجع للبيت وتلف روحها زين وتنام

مصار نص ساعة من طلعنة بالنسبة الي الوقت متوقف بوجود عادل ونضراتة لحد الان شفتي توجعني حقير، السيارة انترست دخان فتحت الجامة وطلعت راسي استنشق هوى نضيف..

عادل:-دخلي رااااسج لاتتمرررضين

دخلت راسي وسد الجامة احسب باصابيعي يمتها نوصل للبيت واخلص من نضراتة المريضة طبگت السيارة گبال البيت احس ردت روحي فتحت الباب ونزلت اركض بوجهي لغرفتي ..

جسمي يتراجف كل ماتذكر لمساتة اتقزز كلماتة تتردد بذني مستحيل مستحيل  اتزوجة لو اعرف اموت  دخيلك ياربي خلصني منة ..

رحت لفلفت  روحي  كعدت الصبح ميمو فوك راسي يطفر شمرتة  كوشتة و نزلت جوة البيت هدوء الولد طالعين محد بالبيت بس عبود هم مثلي عندة عطلة..

-وين امي عبيد

-بجيبي وين يعني بالبيتتت

-استغفرالله شلون شكل

رحت ادور ؏ امي ملگيتها بالمطبخ دورتها بغرفتها ماكو صعدت فوگ ادورها اكيد  تنضف بالغرف سمعت  صوت انين طالع من غرفة حياوي فتحت الباب ؏ كيف..

جانت امي كاعدة ؏ السرير وبيدها صورة
تخاطبها ..

-سودة علية يسلوى ماشفتي شي من عمرج غير المرض حتى جهالج ماشفتيهم ولا حنيتي عليهم رحتي بساع بساع   سودة بوجههي رحتي شباب

مسحت وجهها بشالها واستمرت تخاطب الصورة كانها شخص گاعد مقابيلها..

-وصيتج بالحفظ والصون والله بعيوني  نامي رغد خية عمت عيني عليج

-ماما ليش تبچين؟ ومنو هاي سلوى!

التفتت علية متفاجأة بوجدي مسحت دموعها
وابتسمت  اشرتلي بيدها اجي يمها رحت گعدت بصفها حضنتي ولمت شعري الطاير ..

-صويحبتي واختي وحماتي سلمى

-بس ليش ماتسولفيلي عنها ليش ماعرفها!

-يمة مالازم تعرفين كلشي بالدنيا اعرفي بس الناس التفيدج والتتعاملين وياهم

-ليش هي متفيدني؟

- يمة المرة ميتة  ماتفيد روحها ادعيلها بالرحمة والمغفرة ماشافت من عمرها واخذاها المرض

-هاا هيج لعد خطيه الله يرحمها انشاء الله

-اي هيج يلة روحي بدلي مرت عمج مريضة مشينه نشوفها

-منو بس لاعمة وفاء (ام عادل)

-اي يمة  ماهي طيبة ماتستاهل كومي بدلي بسرعة

طفرت من مكاني متوترة   مستحيل اروح وابنها موجود اخاف منة من جنت صغيره جان يضربني اما هسة بس يخوزر بية  حتى بيت عمو ماروحلهم الا من يلتحق ..

-ماروح اريد ابقى هنا

-وين تبقين وحدج بالبيت

-لا هسة يرجع حياوي من دوامة  عادي روحي نبقى اني وعبود بالبيت

طلعت من الغرفة ورحت وراها امشي قافلة من الاخير..

-ماكو عبيد الله هسة يولي مايكعد  والولد يتاخرون يلا بدلي الج عشر دقايق

-مامااا

-منتظرررتج

كلعادة كلمتي بعرض الحايط راگعتها رحت لغرفتي طبگت الباب حايرة اخاف موجود بالبيت ضربت رجلي بالكاع ماروح ماروح وهاي كعدتي..

باوعت بالساعة بعدلي خمس دقايق هسة تجيني امي تلعب الغالي ؏ راسي رحت بدلت بسرررعه و نزلت اركض  لگيتها لابسة منتظرتني خزرتني من فوك ليجوة هزت راسها ماعاجبها ..

-ديلة امشي

مشيت وراها بدون ربع ساعة وصلنة بيتهم مو كلش بعيد عنة  دخلنة سلمنة  وگعدت يم امي ساكتة العب بضفيرتي بية سولة هاي الحركة ابد مااستغني عنها ابقى انتف بيها، طگت روحي شكد يسولفن واني مثل الاطرش بالزفه، نقذتني جية نهى من الكأبة الراح تصيبني اشرتلي اجي وياها باوعت لامي اشرلتي بيدها اروح..

-هلو شلونج نوڤ

-زينه انتي شلونج

-شلوني مخنوگة تعاي امشي وياي اسولفلج

جرتني من ايدي للمطبخ التفتت محد موجود لمت شعرها وگعدت  تسولف..

-تزاعلنة

-انتي ومنو؟

-إني ومحمد حبيبي شبيج

-عزا بعدج وياة لهسة

-اي

-لعد مو گلتي اعوفة شبيج ترة هذا يضحك عليج والله

-اووف اسكتي صوچي احجيلچ

-هو شنو صوچچ تحجين، شبيج انتي بلة عرف اخوج والله يموتج يعني هما ثاقين بيج وينطونج موبايل ليش تخربين الثقة وتجنين ؏ روحج

-اهووو صارت براسي مصلح اجتماعي هسة فوگ محجيلج اعتقد تنغارين مني

-هههههه انغارر ؏ شنو عيني

-لان معندج موبااايل وحبيب

عفتها وگعدت ؏ الكرسي العب بضفيرتي خزرتها بطرف عيني وهزيت بايدي..

-حبيبتي اني لو اريد جان اشتريت موبايل بس ممفكرة بية لان مراح احتاجة وحتى لو ردت العب بموبايل اخوتي نصيحة بطلي سالفة المراسلة هاي
وسوالف الحب بعدني صغيره عليهن كلشي بوقته حلو من اتوضف احب عود

-اي واضح هو انتي منو يحبج فاهية حتى حجي متعرفين تحجين شيحبون منج ههه

-فاهية على نفسي ماعرف احجي هم على نفسي وعليكم السلام

-احب ثقتج هواي حياوي خوش يشتغل عليج ههههه

-لاتروحين زاايد اني لو ماعندي ثقة بنفسي مثل متگولين رحت شفتي مهتلف يتغزل بية

عادل:-شكوووو شنوو سالفتچن

بلعنة العافيه نهى وجهها صار ينطي الوان واني صگيت بمكاني فاتحة حلگي وعيوني بنفس الوقت

عادل:-شبيچن انصگرتن شجنتن تحجن

يحجي وموجة نضراتة الي باوعتلي نهى وسبقتني بالحجي

نهى:-ءءءعليك نحجي

انصگعت بالزايد التفتت خازرتها  ثولة راح تورطني وياها

عادل:-وشبية  تحجن علية

نهى:-لا مو عليك ؏ شغلك نحجي

عادل:: ياالله خوش زين كملن لعد حديثجن مادام اني موجود

نهى:-اشوف امي خاف محتاجة شي

طلعت الغبية وعافتني في سبيل لاتوگع نفسها، گمت من مكاني ارچف جان واگف بنص المطبخ رحت امشي بصف الحايط وعيوني  ؏ الباب بس اريد اطلع هذا هدفي ..

شهگت من جرني من ايدي.. سد الباب دفعني ؏ الكاونتر وحاوطني صرت ارعش بمكاني عصرني من زندي بقوة صك سنونة بعصبية ونتر بية..

-ليييش ترعشييين ليييش

صرت ارجف  بالزايد عصر زندي اقوة  بجيت من الالم وعيوني منزلتهن بالگاع ماريد اشوف شكلة اليزيدني رعب لزمني من فكي رافع راسي ..

-اخخخ شبيك توو.. جعني

-تخافين من عندي گوولي

هزيت راسي لا ودموعي تنزل ماكدر اكلة اي اخاف من ردة فعلة..

-اذا ماتخافين ليش تبجين كولي لييش تبجين

لزمت ايدة واخرها من فكي:-تووجعني والله توجع

سكت  من كمت ابجي لزم كف ايدي خلاة بين ادية رجع رفعة خلاة ؏ وجههة كزبر جسمي شعور ابد محلو احس نفسي وصخة من يقرب علية  ..

-ليش ترجفين جاوبي

-ما.. ما ارججففف بس باردة

رجعت للكاونتر وين ارجع اكثر راح ادخل بية مشة اصابعة ؏ خدي غمضت عيوني قرفانة وجسمي يرجف..

-تتأثرين بحركاتي

خبل مريض يريد جواب مني شلون اشرحلة اقرف منك يمكن لو اگلة ؏ مشاعري يذبحني بيدة عصر شفتي فتحت عيوني ؏ وسعهن..

-ارحمي بية وفضيها نوڤ تدرين هاي شفتج اگدر اضوكها مايمنعني شي بس اذا ضگتها... راح ادمنها ولازم كل شوية ارجع اضوگها ومنين اجيبج يمي كل شوية، مااتقربلج حتى لاادمنج وانتي مو يمي..

دنگت راسي امسح بدموعي لازم الگة صورة حل لهل وضع بس ارجع احجي لحياوي علية قبل لايتطور الوضع اكثر..

-بس تكملين الرابع تصيرين الي راح تكبرين وتحلين بالزايد والف گوو* يحط عينة عليج

ابتعد عني شوية طلع السچينة وخلاها گدامي
شوية واگع من طولي وجودي وياة ارعب من الرعب..

-بس اخطبج وافقي واذا اخوانج وامج مارضت گولي احبة خوش كولي احبة خل نتزوج

يحجي ويخض بية من جتافي هزيت راسي مرارا وتكرارا اذا ابقى وياة يخبلني يسويني مثلة مجنوووونة..

-ماريد واحد يشوفج ولا يحبج لاتقتربين لاحد اتذكري زين انتي باسمي افتهمتي مو اي افتهمتي يلة حبابة روحي مني لا اسويلج شي اووف اووف شعلتيني بنار اشتعل ابوج الگو*

حتى مگدرت اکلة لاتغلط ؏ بابا رحت اركض فتحت الباب صارت بوجهي نهى..

-راح تبقون عندة للغدة امج تگول

عفتها ورحت صعدت الدرج اركض لغرفة سرى بيت عمي احسن من حالنة لان عمي مهندس بيتهم اكبر واحلى..

دخلت وسديت الباب گعدت بالگاع  اعصابي ترررجف خوف من الحاضر والمستقبل فكرة هو يصير زوجي يطير عقلي من راسي بقيت هادئة بس صوت نفسي بالغرفة عسى ولعل الله يخلصني منة لان مستحيل اوافق اتزوجة..

حقدت ؏ نهى وعلى موقفها الخايس مثل وجهها وسوالفها هدأت شوية واخذت نضرة بغرفة نهى عجبني اشوف شكو بيها رحت ابحوش بالجرارات طلعتلي صورة حياوي لو والله ذني صور مو صورة بقيت اگلب بيهن اكو قديمات كلشششش واكو جديدات بالجامعة رجعتهن لمكانهن وفكرة براسي معقولة سرى مثل اخوها هم تحب بخبال لو تأذي حياوي بحبها طفرت من مكاني وي دگة الباب..

رتبت ملابسي ومسحت وجهي ردت افتحة وخفت يطلع عادل..

-منووو

-اني سراوي افتحي الباب عمري

فتحت الباب فرحانة بشوفتها هستوها جاية من الدوام سلمت عليها دخلت وردت الباب شمرت روحها ؏ سريرها..

-بيج شي نوڤانة

-هههه صرتي مثل حياوي يصيحلي نوڤانة

بهتت ملامحها احسها ضايجة واكيد السبب واضح..

-ليش ضايجة

-لا مضايجة بس تعبانة من الدوام وهوستة

-انتي كل يوم تداومين وابتسامتج متفارگج بس هسة لا احس اكو شي

گامت نزعت سترتها وراحت تطلع ملابس.

سرى:-يتهيألج عمري

-تمام لعد اسئل حياوي اشوفة شيگول

التفتت الي خازرتني محذرة

-لا نوڤ لا ديربالج تگوليلة عفية نوڤ امانة اذا سأل عني اذااا والا هو ميسأل

رجعت للكنتور منطيتني ضهرها حجت والغصة خانكتها:-گليلة زينة كولش وحتى مسألتني عنك

عرفت صايرة فد مشكله بينهم والطرف المتأذي هي سرى اكيد عفتها مردت اضوجها اكثر من ماهي ضايجة.. تغدينة ومن بعدها اجة حياوي ياخذنا

عادل:-ليش متعب نفسك وجاي اني اوصلهم

احمد:-بعد اجيت عبالي طالع

سرى:: بقى حياوي شوية وطلع مطلعتلة ابد من لحظتها عرفت غلطي ولازم ابتعد عنة حتى قسمنا ماروح يمة بس بوقت المحاضرة واحاول ما اباوعلة بس وين هذا الحجي گلبي الغدار مشتعل نااار ؏ شوفت عيونة شلون حبيتة بهلطريقة ماعرف شلون بية لو شفتة وي غيري ماگول بس كلمة وحدة اذا مصرت الة ربي ياخذ امانتي ولا اشوفة وي وحدة ولااتزوج غيرة انشاء الله ..

گعدت انحب ؏حضي وعلى عشگي المحارب من كل الجهات مسحت دموعي ورحت نمت حتى مالي واهس ادرس گعدت ؏ صوت عالي جوة وصريخ وصوت تكسير ركضت مفزوعة بعدني بنومتي لگيتها صايرة مجزرة جوة عادل لازم نهى ومسگطها تسگط الدم تارس وجهها..

نزلت اركض اريد اطلعها منهة ضربني راچدي وصلني جوة الدرج من قوتة صارت الدنيا تفتر بية ماحس الا جارني من ايدي وسطرني براچدي نزلن دموعي  لزمت خدي نااار..

-شبييييك لييش تضررربني شمسووية

لزمني من شعري وعاط بصوت زرف طبلة اذني..

-حيوووااانات تحببببن وتتمعشگنننن وانننتن بعدددجن بطوول النعااال لانعلل ابوچننن يابوو المدااارس الطيحتت حضچنننن

فتحت عيوني مصدومة معقولة عرف بية احب حياوي لا مستحيل يذبحني بدم بااارد شلوون عرف شگاعد يصيرر رجع ؏ نهى  المايبين وجهها من الدم تخربطت امي الا عافها رحت النهى لامتها بحضني امسح بالدم وابجي وياها...

-والله اني والله بس احجي وياة والله ممسوين شي والله حتى صور مدازتلة ليش ميصدگني

بلعت ريگ ممستوعبة الكلام التحجية

-شنو سالفتج منو التراسلينة

عادل:-تراااااسل گو* وووضحك وسوااالف للصبببح گح* تحب وتتمعشك وهي بطول النعاااال بعدهااا بهذاا عمرهاا تحجي بالحببب من تكبررر شلووون شتسووي

رجع عليهة يضرب بوحشية اكلت وياها نصيب من الكتل  من شافها فقدت عافها وطلع من البيت نهضت روحي جبتلها مي اغسل وجهها سحلتها گوة لغرفة لماما صرت  امسح الدم وي كل حركة تشوغ روحها مسوي وجهها خارطة ماگول غير حسبي الله ونعم الوكيل عليك هي طفلة من عرفت تراسل بشخص افتهم منها عاقبها بس مو بهلطريقة الوحشية ..

سرى: -شصار فهميني؟

-جنت احجي وي محمد تعاركعنة سديت التليفون ورحت اشرب مي سمعتة يدگ رجعت اركض لگيتة عندة فاتح الخط..

-غبيييية ويننننج ووين الحببب راح تعمين ؏ سااابع جاار بسوالفج الرعنة اوفف ياربي عديها ؏ خير

-شراح يصير؟؟

-يطيح حضج وحضي ؏ الواهس اخخخ

-لتبقين تحجين حبابة اسكتي

-استغفرالله لج هذا اخوج مخبل ؏ کولت نوڤ جنت مفكرة لان تكرها تحجي علية بس هسة تأكدت هو مخبل مريض والله

-بابا وين يمتها يجي حبابة

-ماعرف والله قبل لايلتحق الغضب يرجع اكيد

-اووف الله ياخذني واخلص

-لاتحجين شي نامي

-جسمي يوجعني حيل

-اروح اجيبلج مسكن وارجع

شربتها مسكن  جسمي يون علية لعد هي شلون  عفتها نايمة وصعدت لغرفتي گعدت ممستوعبة الصار وحش مو بشر صورتة وهو يضرب باختي  مجاي تروح من بالي اكيد مراح تفض لهنا بنفس اللحظة اندفر الباب ودخل صار كتلة من الغضب ..

-وين تليفونج؟

نهضت من مكاني الدم جامد بطرافي عافني وراح سحبة من الشاحن..

-انعللل ااابووو اليخلي عدچننن تليفونااات وحتى دوام بعددد ماكو اكعدن وانچببن بس يجون خطاابة ترضن غصبن ؏ راسجن كلباات

طبگ الباب واني بعدني بصدمتي كلامة مدا يدخل بعقلي بس لايسويها صدك  منو راح يوگف بوجهة دخيلك ربي خلصنة من شرة ..
 
**

نوڤ:-خلصت عطلة نصف السنة وبدا الدوام اليوم استلام النتائج ومخلية ايدي ؏ گلبي  متاكدة راسبة بالرياضيات و الانگليزي..

گاعدة بالرحلتي  الاخيرة وانتف بضفيرتي اليگول بية حالة نفسية بس الحقيقه طبع انتبهت لزميلتي تطگطگ باصابعها طول الوقت ابتسمت وتاكدت كل شخص عندة عادة..

دخلت المدرسة تسلم النتائج خليت ايدي ؏ خدي شسوي واذا راسبة تنگلب الدنيا اووف امي تموتني والله خطيه شكد قرت بية اخذتني الصفنة اسمي اخر الدنيا وين الا يجي النون حسيت ؏  صديقتي تگرص بية ..

-شبيج ومرض ليش تگرصين

- ساااارحة وتفكر بالحب لو الله اعلم وتغلط على زميلتها فووگااها هااي

فتحت عيوني بصدمة ست نجلاء واگفة يم راسي هاي شجابها الي اني كاعدة بالاخير لا والنوب تغلط مدري شتحجي هاي شوية وتضربني شمرت النتيجة على الرحلة..

-هاج نتيجتج خلفلة ؏ القرارات نجحتج خيعون امج لاتفيدين طبخ ولاشوي حايرتلي بشعررها ست الحسن

والله يالله شبيها هاي تزگح علية  گبرر انشاءالله اخذت النتيجة فتحت عيوني فرحاانة  ناجحة بقرار باالرياضيات والانكلبيزي درجتي بالخمسين هو سهل اسويله قالة قيلو قتل الفيلو وانجح بية  الحمدلله يعني اليوم مانگتل..

-ها ولج ناجحة

-اي اي ناجحة ياااي

-صوتجنن لااطلعجن برااا

هاي المدرسه حاطة دوبها وي دوبي يمكن لان كاعده بالاخير وماشارك، شوية وطلعت..

- گلعة بلا رجعة

نوڤ: -اي والله  اكولج هاي شبيها ست صخماء

-حقها عيني اذا بالربع ساعه تصيح باسمج وانتي صافنة وتضحكين اكرص بيج اريد ماكو منفصلة عن العالم

-يااء هاي اني عود صدك

-لامجذبة عليج يلا ولي

بس لو اعرف ليش اصفن جان ارتاحيت المشكله حتى مافكر بشي وين ماروح تجيني الرزايل اووف رجعت للبيت اكلتلي رزالة من امي شي اكيد لان ناجحة بقرار ..

-مرحبا ياقوم ماذا تفعلون

سجاد:-بالنسبة الي افكر

عبدالله:-واني اكبل

-سجاوي حبي بشنو دتفكرر ؟ وانت تعال خليني اباوع وياك شتدحجون انت والكبل

سجاد:: والله يانوڤة افكر باخوج المايع  ماعرف شبية ولايشاركني بشي هالفترة كلها

-اي والله حتى اني ملاحظة علية متغيرر اوففف وسرى هم مدتجاوب على اتصالاتي مدري شصاير

شمرت روحي بصف عبدالله ومديت راسي بتليفونه
خلاة جوة المخدة ميخليني اشوف شي ..

-يااء خليني اشوف وياك لتصير خبيث

عبدالله:-امشي ولي اقري عوفي هاي السوالف ماتفيدج

-لعد انت هم عوفهن يلا لا اگول لماماا

عبدالله:-اريد من الله تكولين والله اكتل بزونج واشوية بالفرن اقدمة وجبة لچلاب المنطقة

شلت المخدة وشمرتها ؏ راسة

:: انجب حقير تريد تصير مجرررم عيدها وشوفف

عبدالله:-يلا ولي مني

سجاد:-عبيدددد انجببب واحجي عدللل تعاي نوڤ يمي

ضجت من كلام عبدالله  بس سجاد رزلة ارتاحيت رحت يمة حضنتة  واعيب على عبدالله وهو يعيب علية طلع سجاد عشر تالاف من جيبة..

سجاد:-هاج هاي مصرف الج وهديتج ماناسيها من اطلع اشتريلج

اخذت العشرة منة وبستة من خدة وطفرت

عبدالله:-هااا هاا شكوو تبوسينة

گام سجاد لعبداللة ضربة ؏ ضهرهة صار عصبي حجة بجدية عكس عادتة..

سجاد:-ززمااال اختتتي هاي  اشگ حلگك اذا تعيد هاي الكلمة

عبدالله:-اخ اخخ شبيك اتشاقة انت وين اخذتها وفسرتها بكيفك

بقيت اباوع عليهم واضحك شبيهم ذولة طلع سجاد ضايج واني رحت لعبدالله اضربة موتني تموت امداني لو ساكتة ومنچبة احسلي .. طلعت من الغرفة شعري منتوف رحت اقرا قريت نص التحاضير ونزلت جوعانة صحت لمهند يسولي شي اكلة ماعرف اسوي شي اصلا ماعرف اشعل الطباخ اخاف مرة طگت الجداحة بوجهي ومن ذاك اليوم لو اموت جوع مااشغل الطباخ واتقرب الة ..

مهند:-شتريدين اسويلج

-بكيفك

-راح اسويلج طماطة گلي

-اي عفية وكثر زيت وثووم

-ادللي

كعدت اباوعلة يطبخ طلعت من المطبخ على اثر صوت حياوي العااالي لگيتهم مجتمعين هو وسجاد وامي..

احمد:-سجاد حبيبي ليش ما تفتهمني

سجاد:-شفتتتهم رررحمة لرربك عوووفني طلعننني من السالفففة كلهااا

احمد:-سجااااد لاتخببببلني اننننهي عليهااا رااح يززوجونهااا ليييش لييش احسسسن تطلع للغريببب

سجاد:-وواني شكو روح انت واخطبها منهم شكو اني انهي عليها

احمد:-افتهمني حبيبي الخاطبها ابن خالها حتى لو خطبتها ماينطونياها وهو راح ينهي عليها شبيك سجاااد شبيك

سجاد:-اني شكو واذا انهي عليها شرااح يصير اروح اتزوجها انت خبل

احمد:-لاتتزوجها بس انهي عليها وعوفها فضت وانتهت

سجاد:-حياااوي شبيك انت اذا انهي عليها لازم اتزوجهاا

احمد:-ماتزوجها بس كعدها بين ماتكمل دراستها ولهناك ربك يحلها

سجاد:-هذا تفكيرك مايعبرك لراس الشارع ترة الخاطبها ابن خالها يعني مو غريب حتى انهي علية

احمد:-صح ابن خالها بس انت ابن عمها افتهممم

سجاد:-زين وهسه شسوي خلصني

احمد:-روح الهم انهي عليها وخلص واذا گلولك تتزوجها گلهم ورة متخلص جامعه ومصرفها كله علية يلة سجاد لاتكسر بخاطر اخوك انهي عليها

سجاد:-واذا كلولي لازم تعقدون شسوي

احمد:-اعقد

سجاد:-شنوووو تخبلتتتتت اعقدددد علييهااا يعني تصيررر مررتي بااااسمي لاتخبلنني

واكفة مثل الاطرش بالزفه سجاد صاير نااار وحياوي يهدء بية لزمة من قميصة ويتوسل بية..

احمد:: سرى خوش بنيه ماراح تلگة احسن منها صدگني ليش تزوج هذا الهمجي ويدمر مستقبلها وهي لاتحبه يخليها خدااامة تفتهممم سرررى تصيرر خداامة حررامات والله

سجاد:-صعبة صعبة حيل شلون اعقد على حبيبة  اخوي

فكيت عيوني بصدمة سجاد يتزووج سرررى شگاعد يصير شيحجون ذولة شبية حياوي تخبل يريد يزوجها لسجاد وهو يعرف بيها تحبه..

احمد:-اني ماحبها افتهم  وهي معجبة بية لا اكثر كل مافي الموضوع اعجاب فقططط  .. لحك لاتصير لهذا  الهمجي  اخوي ماعندي غيرك صارلها اسبوع البت مامداومة

سكت سجاد يمسح بوجهها باوع لحياوي مثل الاقتنع شوية وطلعو من البيت وامي ساكتة ولانطقت بحرف واحد يگول تمثال لاحركت ايد ولا رجل ..

مهند:-تعالي اكلي

-ماريد

-لاتضوجين شبيج  سوالف شباب  بينهم يحلونها والنهاية تكون مرضية اكيد تعالي ناكل يلة

-ما اشتهي

-انجبي اكلي وياي

كعدت صافنة افسر كلامهم  گعد مهند  ياكل واني صافنة..

-ماتاكلين وكت فهاوتج

-ليش مينطون سرى لحياوي شمعنة ينطونها لسجاد وحياوي لا..؟!!

-عوفي السالفة نوووڤ

-شبيك هسه اني شكلت غير اسئل يعني شبية حياوي اشو جمال واخلاق وين يلكون مثلة لسرى وخاصة سرى تحبة بعد شبيهم

-عوفي سوالف الكباار نوڤ

-بس سرى اكيد مراح تقبل بسجاد لان تحب حياوي من جان صغير

سوة لگمة جبيررة ودخلها بحلگي سكتني ابد ميحجون شي گدامي حتى لو اكو سالفة من ادخل يغيرون الموضوع  ومن اسئلهم يگولون سوالف كبار الف سؤال براسي ومحد يجاوب ؏ شي اعرف كل الزين مهند يعرف بالصار وحتى عبدالله بس ميقبلون يكولون الي..

للعصر كلش رجعو  الولد صايرين نااار وراهم بشوية دخل عادل وسجاد كوة لازمة حياوي راح تصير بالبوكسيات ختلت ورة الباب خايفة بس اسمع اصواتهم العالية..

عادل:-نهيت عليها تتزوجهاا غصبااا على شاررربك

سجاد:-زواج ماتزوج هسة منا لمن تتخرج

عادل:-اي مو هي هيتة تجي وتروح عااادي بدون عقد
وشيضملي تتزوجها من تتخرج لو بس تتونس 

سجاد:-معاملتتتي مارااح تتغيرر ويااها شلون جنت اعاملهااا سابقاا نفسسس الشي

عادل:-سجاد اسحب النهوة ادري بيك مارايدهاا خليها تروح بدربها الولد رايدها عوفهااا

سجاد::  مااسحب نهوتي  وبت عمي اني اولة بيها من ابن خالها والنهوة ماتطيح

عادل:-بسيطة هينة يسجاد راح اسكت عنك لخاطر ابوك الله يرحمه ولاعبالك اسكتلك راح انطيك مهلة لحد ماتخلص السنة يا تتزوجها ياتخلي ابن خالها يتزوجها

هدء البيت معناها عادل راح بقو الولد طالعة روحهم وامي تهدي بيهم  كلشي مدافتهم حتى ماعرف شنو نهوى بهذا اليوم البيت عالنين بية حداد عكس باقي الايام نضحك ونلعب..

ثاني يوم الصبح الساعة 7:44رحت للدوام وحدي اخواني كل واحد بدوامة وشغلة والمدرسة قريبة كلش قبل ثمانية اني واصلة امشي مطفية وراسي بالگاع جني خروف ؏ گولة عبدالله طبگت سيارة يمي التفتت مرعوبة..

-اصعددي

انخطف لوني فاتح الجامة  يأشرلي اصعد

-ءءشتريد عا.. دل عندي دوام

-عوفي الصخااام واصعدي لا انززلج

درت وجهي الشارع فارغ مستحيل اصعد وياة ماعرف نيتة شنو بلعت ريگ وانطلقت اهرول بالشارع ماحس الا شالني وصعدني بالسيارة
دموعي صارت تنزل صعد وحرگ صرت ارجف خوف..

-وين ماخذني عندي دوووام راااح اتأخررر

-بس اسكتي تمااااام

كل ذرة بجسمي ترجف احس روحي طايرة بالسما يمشي ؏ اسرع شي  راح نسوي حادث مامنها..

-رراح نموووت ؏ كييييفك، حببباب رراح نموووت خفففف شبييييك ررراح اموووت اخاااف والله اخااف يدفنوووني ويطمووني بالتراااب

-اسكتتتي مااا تمووتييين وووحدج سووى نموووت سووى

-مااماا تبقى تبچي علية واخواتي

-ههههههههههههههههه امج ماتبجي عليج المفروض انتي تبجين عليها امي واخوتي
هههههههههههههههه

انرعبتتتت بكل معنى الكلمة يصيح ويضحك  حتى صوتي اختفى دار السيارة بسرعة راسي انركع بالكشن احس الدنيا  تدور بيه جرني من ايدي رجلية ماحملتني من  الخوف وگعت بالگا؏  گعد گبالي ثاني رجلة..

-ماريد ائذيج بس تجاوبين ؏ سؤالي وترحين تمام

هزيت براسي اي ودموعي تجري خليت ادية ؏ وجههي ارجف المكان فاررغ مابية طير اليطيررر طفرت من مكاني من عاط بية..

-ليييش ترررجفييين ششششكم مررررة گااايلج لاترررجفين من تشوووفيني

جرني من زندي عاصرة بقوة عيونة يردن يطلعن من محجرهن..

-ليش جا.. يبني هناا ليش

-ماااا اخذذذج لاتخاااافين مو هسسسة اخذج

مسحت عيوني الغوشن من الدموع مفاهمة قصدة..

-وين تاخذيني بعد رجعني للمدرسة حبااااب

-اسكتتي واهدئي هسه ارجعج بس كليلي سجاد ليش نهى على سرى

-ماعرف والله ماعرف

-نووووڤ اسمعي سجاد يحب سرى؟؟

-لا والله ميحبها

-اعررف بس ليشش  اجة نهاي  عليها  رااح يخبلني شيفكررر

صار المكان هدوء مغطية وجهي ماريد اشوف شكلة احسة صار قريب عليه كلش انفاسة العالية بوجهي خفت اكثر دخيلك ياربي خلصني من شررة همس يم اذني ..

-حياوي يحب سرى

احس گلبي صار يرعد من جملتة ملازم يعرف يمكن يأذي واحد بيهم هزيت راسي بلا..

-حياوي ميحب والله ميحب

-لعد ليش نهى عليها سجاد

-يمكن يحبها

- خوش لعد من باجر ياخذها

ابتعد عني حتى الهوى گاطعتة صرت اتنفس بهمجية ابتعد مسافة يدخن نهضت روحي و نكتت صدريتي كلها تراب من ورة شهكت من لزمني من ايدي قبل شوية جان بعيد شوصلة بهل لحضات... فتحت عيوني ؏ وسعهن مستحيل اعبر عن الخوف الاعيشة وياة لزم خدي بلعت ريگ ورجعت ليورة لزمني من جتافي مثبتني

-تتزوجيني نوڤ مو تتزوجيني

مبدر مني اي ردة فعل مركزة بتصرفاتة واحسب ارقام  هزني بقوة يعيط بوجهي..

-ااااحجي تتزوجيييني مو

هزيت راسي الف مرة احس رگبتي انشنطت ماريد اموت ؏ ايدة حجة بصوت حنون عكس قبل شوية..

-راح اوفرلج كلشي واداريج وتجيبين الي جهال مثلج حلوين يمتهااااااا نتزوووج

صرت ارجف بكل دقيقة يزيد خوفي ونفري منه مستحيل هذا شخص سليم ابتعد مني يمسح بوجهة اشر الي اصعد بالسيارة صعدت روحي رايحة كلني ارجف ياربي خلصني منه ماريد شي بس يعوفني بحالي..

مرت دقائق وساعات واني ؏ كعدتي مخلية جنطتي بحضني من بعد مجانت بضهري متوني توجعني روحي توجعني من الجاي..

انفتح باب السيارة باوعلي بطرف عينة بقة دقائق يتأمل بوجهي درت وجهي خايفة منة صرت انتف بضفيرتي لازكة روحي بالباب محسيت غير السيارة تحركت..

-وين راح نروح

-لجهنم

-وءءين يعني

-لبيتكم وين راح تصير بثنعش

تطمنت شوية بس بعدني خايفة لا يغير رأية درت وجهي اله بخوف من حجة..

-ماتحجين لمخلوق على وجة الارض اني ماخذج من مدرستج ديربالج ماتدرين شسويلج اذا گلتي لاحد وكل الكلام البينة مايطلع لبشر مفهوووم

-مفهوم مفهوم

-ترة ماعدكم واجبات لان هستوة بادي الكورس

بلعت ريگ خايفة بس اريد اوصل واخلص منه
نزلني قريب على المدرسة بنفس الفرع هم جان فارغ نزلت اركض حتى مسمعته شحجة رجعت للبيت رجلية ترجف احس مسويتلي مكسورة شكبرها وصلت للبيت بعدني بالباب واسمع حياوي يعيط وامي تهدي بية   گلبي وگع بين رجلية من الخوف..

يتبع..

طبعاً اعرف كلش زين اخذتو فكرة عن الرواية وتوقعتو راح تكون بهذا الطابع بس احب اگلكم لا والف لا مراح تعرفون هسة وصدمة لتوقعاتكم
بالبارت السادس تتبين الكم 🌚..

             توقعاتكم عيوني
ولاتنسون تراووني تفاعلكم الحلو على البارت..

دمتم بحفظ الرحمن.