⭐+💬
كانت ترتب في ملابس صغيرها في الخزانة سمعت صوت عياط قاوي ينادي باسمها ... حطت من يدها وخرجت بسرعة من ذيك الغرفة حلت عينيها على وسعهم كي شافت اختها تطلع في الدروج بالزربة وهي تعيط وتسب فيها كانت حالتها كي المجنونة
لميس : ميراا. !! وش راكي تديري هنا؟!!
حكمتها ميرا من كتافها بقوة
ميرا : ديييتي مني كللش كللش ماخليتيلي حتى حاجة مليحة نعيش علاجالها تهنييتي ضك !! تهنيتي!! ... كنتي ديما بهلولة ومتهورة جامي درتي ولا قدمتي حاجة تصلح لاه تكوني نتي هنا .!! ها. ديتي مني كللشي
لميس : انا جامي ديت منك حااجة انتي اللي حرمتي نفسك من حياتك
قالت كلامها وهي تحاول تفلت منها ومن جنونها بصح ماقدرتش كانت تشوف في كمية البغض والحقد اللي في عينيها .. بدات ترجف من تصرفات ختها المريضة اللي خرجت سكين من صاكها حلت عينيها بفزعة وهي تعييط على ادم بكل قوتها وهي تبكي خااايفة تعيط باش يجي ينقذها كيما كل مرة بصح موش هنا !!!
عيطت بقوة بعد ماطعنتها اختها في كتفها الايسر حطت يدها على البلاصة السكينة مزالها لاصقة طاحو دموعها سخونين يحرقو في خدها قلبها يوجع فيها اكثر من الطعنة في حياتها توقعت يوصل كره اختها لدرجة انها تطعنها ... شدت لميس على يد ميرا بقوة وكأنها تعاتب فيها
شافت فيها لميس بألم وطاحت في الارض ولسانها تعقد بدات تزحف للخلف وهي تحاول تبعد ع اللي واقفة متوالها تشوف فيها نظرات شر حطت يدها على كرشها كأنها تخبي فيها عليها خايفة تأذي صغيرها وفمها مزالو يستغيث بحضنها المنيع منقذها وحبيبها تستغيث باسم اللي كانت تحوس تهرب منو
عضت على شفتها بقوة كي مالقات حتى استجابة كيما اعتادت على حمايتو وين راح !؟ جامي خلاها تبكي وحدها ولو لثانية .. جامي خلى سوء يلحقها ويدافع عليها ... بدات تحوس عليه بعينيها وهي تزحف للخلف تبعد على ميرا اللي رفعت سكينها مرة اخرى
غلقت عينيها بيأس وهي تستنى في مصيرها سمعت صوت ماسمعاتوش لمددة وشحااال توحشااتو .. صوت صحبتها اللي حبست اختها من صدمتها من الشي اللي شافاتو رجعت تضحك وسط بكاها والامها وهي تحاول توقف على رجليها بصعوبة .... وهي مزالها ميش مأمنة كأنها معجزة طاحت عليها من السما توجهت ليها بصعوبة ... قابلتها مايا بابتسامة لطيفة وهي تفتحلها ذرعيها
قربت منها لميس يد على جرحها اللي ينزف ويد مدتها لمايا حطتها على خدها تتأكد انها حقيقة ميش في حلم ضمتها بقووة وهي تبكي بحرقة من الشي اللي شافاتو هاهي واخيرا هي بخير.... واخيرا من بعد كل التضحيات اللي قدمتها علاجالها هاهي ضك واقفة قدامها بكاامل صحتها وشحااا تمنات هاذ اللحظة
ضمتها مايا بقوة وهمست في وذنها
مايا : وصل وققتك
شافت فيها لميس باستغراب بعدت عليها مايا ودفعتها من الدروج بلا رحمة طاحت من ذوك الدروج العاليين بقووة مغطية بدمها ودم صغيرها مخلفة منظر مرريع بقات ساكنة في بلاصتها لمدة مشلولة ميش قادرة تتحرك همست بكلماتها مزال عندها امل انها تشوفو قبل ماتروح
لميس : ااااااااااااااااااااااااااادددددددم
عيطت بكل قوتها وناضت برعب من حلمها ناض ادم مفزوع وجبد مسدسو من خلفو وتوجه ليها يفحص كامل وجهها وهو قريب يهببل خاف عليها بزززاف
ادم : لمييس جوهرتي وش صرا !؟؟ لاه راكي تعيطي ؟!!
ضرباتو لميس بكل قوتها وهي تبكي بشدة من الشي اللي كانت تحلم بيه كان كأنو حقيقة جراتو ليها وهي تمس في وجههو بهستيرية تتأكد اللي هو حقيقة
لميس ببكاء : ووين كننت ؟؟ قتلي بلي ماتخليكش ... وين كنت !! عيطتلك بزاااف بصح ماجيتش ... اهئ ااادم قتلو ولدنا
تنفس ادم براحة كي عرف اللي شافت كابوس لإنو بطبيعة عملو يتوقع الاسوء خبا مسدسو بسرعة قبل ماتلمحو وتزيد تذعر كثر ... مسح دموعها وهو يحاول يهديها ويهدي روحو حتى هو دا فززعة من عياطها
ادم بهدوء : ولاه انا نقدر نخليك ؛!! متخافيش اني هنا برك مجرد كابوس وهاهو ولدنا بخير
نفات براسها لالا وهي تجرو من قميصو بشدة
لميس : بصح عيطتلك لاه ماجيتش .... ياك خبرتتي بلي راح تحميني .. بصح ماجيتش طعنوني ودفعوني من الدروج وانتا ماجيتش باش تنقذنا وين كنت!!كنت تستمتع مع طفلة خيرمني وخليتني يخي!! لقيت اللي تقدملك كلشي على عكسي !!
تبسم باستهزاء وتنهد حاط جبهتو ضد جبهتها لضك مزالهة ماتعرفش مقدار حبو وهوسو بيها وواحد مايقدر يجي في بلاصتها .. يعشقها رغم تمردها ..والحرمان اللي عايشو بسبتها .... جامي كان في يوم من الايام الشخص اللي تسيطر عليه امرأة بصح ضك هاهو متوالها لاحول ولا قوة له
بلع ريقو وهو يحاول ينظم انفاسو لأنو اللي تديرو هاذ الصغيرة يفقدو صوابو
ادم : لميس حبيبتي وشمن طفلة راكي تحكي عليها هاذا مجرد حلم خبيث ميش راح يصرا ... متخافيش مويا جينا هاهو ولدنا مزالو في كرشك لباس عليه
عنقاتو لميس بقوة وهي تكمل سلسلة بكاهة غارسة وجهها في رقبتو كيما الاولاد الصغار
لميس : كنت خاايفة بزاااف هوما ...هوما قدرو يتمكنوا مني بلا بيك ...متخلينيش عيشك
ماقدرش ادم يتحمل وضعيتهم هاذي عض على كتفها بخفة حتى سمع انينهة الخافت هزها من كرسيها وهو يتوجه لغرفتهم المجهزة في الطيارة
نزلها ببطء على السرير واعتلاها وهو يتفحص كل انش من وجهها بعينيه الحادين جامي شاف براءة كيما شافها في لميس .. عض شفتو وهو يشوف فيها تتفادى النظر لعينه تبسم بخفة قبل ما يبدا سلسلة قبلاتو لشفافها اللي مايملش منهم غلقت عينيها مستسلمة رجعت ماتحسش باللي حزلها كانت حاسة بيه هو ولمساتو الحنينة كان خايف عليه تتأذى موش حابها تتفكر اللي صرالها في الماضي
بدات الامور تخرج على السيطرة حكم يديها اللي مانعينو بيد وحدة فوق راسها مبقاش يتحكم في روحو ولا الشي اللي ييديرو كان مخدر تماما استوعبت لميس اللي راه يصرا عض رقبتها بشغف طاحت دمعة على خدها
لميس : اددم حبس عيشك
بصح لا استجابة تذكر كان غارق في عالم اوخر ديما كانت حارماتو كيفاه يقدر ضك يسمعها وهو بدا يكتشف هاذ العالم
لميس بغصة : اااادم عييشك حببس
ماسمعهاش للمرة الثانية غمضت عينيها بقوة ودموعها بدات تهبط لقات مجراها على خدها
لميس : ادم وعدتني ماتلمسنيش بلا موافقتي
هاذي الجملة الوحيدة اللي نوضاتو ... لأنو هو مايخلفش وعد قطعو وميش راح يدير هاذ الشي اطلاقا ... شاف فيها وبلع ريقو بصعوبة
ادم : اكي تقتلي فيا بالعرق ا لميس
تنهد وطلق رسغها وهو يحاول يتحكم في روحو .. راح تقتلو شي نهار رغبتو بيها غير طبيعية
خلاها متسطحة فوق السرير توجه ديراكت للحمام حط روحو تحت الما البارد يحاول يهدي روحو من نار الشي اللي يحس بيه مسح على وجهو بقوة
ادم : رايح نهبل
بقات لميس تشوف في السقف بيأس وهي تفكر وش الشي اللي تديرو لأنو هاذي من حقوقو البسيطة كزوج وهي ماعندهاش حق تمنعو من هاذ الشي شحال من مرة تحرمو وتفكرو بوعدو ... ومن جيهة هي ماتقدرش تسلم نفسها ليه لأنو الشي الوحيد اللي متبقيلها وماقدرش هو يحصل عليه ... الشي الوحيد اللي اذا سلماتولو ميش رايح يبقى من حطامها وشخصيتها ما يتلم
سمعاتو يدخل للغرفة غمضت عينيها وهي تدعي النوم حست بيه كي هزها توجه بيها لكرسي الطيارة وربط حزام امانها عرفت اللي هوما قربو يوصلو الطيارة رايحة تنزل
شدت على يدو بقوة خايفة
لميس : اادددم عييشك ابققققى جنبي علابالك نخااال من الطيارة كي تعود راح تهبط
شاف فيها لمدة وقعد في الكرسي اللي مقابلها وهو يحاول يهديها
ادم : اللي يسمع قول الطيارة رايحة تطيح ماشي تهبط ... خلاص هدي روحك اني معاك
هزتلو راسها بخووف وهي تحاول تنظم انفاسها حاسة روحها ضالماتو بزااف هاذا وين بعداتو عليها وضك هاهو واقف كي الجبل معاها
حطت الطيارة في مدينة صقلية بعد ساعتين من الاقلاع تقريبا في مطار باليرمو شاف فيها ادم اشارلها تروح تبدل قشها لأنو الجو بارد في هاذ المنطقة وسيرتو في الليل هزتلو راسها بايه بلا عناد رجعت تعرف اللي كلامو مايتعاودش مرتين
مشاع لبست سالوبات جين مع مونطو خشين
بدلت بسرعة وتبعاتو بصعوبة بيسك ما بقاتش قادرة تمشي بسهولة وخفة كيما كانت سندها نزلت من دروج الطيارة لاف يدو على خصرها ويد ماسكة يدها بقوة استقبلوهم الرجال وفي يدهم مضلات يغطيو بيهم سيدهم من المطر
دخلو للمطار حلت فمها باعجاب من كبر حجمو ... كانت تبان كيما بنتو وهي متشبثة في يديه ميش عارفة شي من اللي يدور حولها لوهلة فكرت في اهميتو في حياتها لأنو كانت متكلف بكللشي ... وهاهم للمرة الثاتية يدورو بيهم الرجال من كل جيهة بنفس الهندام ....عرفت اهميتو ومكانتو الكبيرة في ايطاليا
قطع تفكيرها وشرودها صوتو الرجولي
ادم : روحي للطومبيل ضك دقايق ونجي
هزتلو راسها بإيه ... كانت مكملة طريقها للبوابة اللي ميش بعيد عليها غار ميترات برك حست بحاجتها للحمام دارت لواحد من الرجال اللي كانوا مرافقينها وهونا منزلين روسهم
لميس : نحوس نروح للحمام
بقا الحارس يخزرلها موش فاهم وش راهي تهدر رجعت تخدر معاه تحاول تفسرلو وتمثلو باش يفهمها
لميس : حمام ماتعرفوش !!!
بدات ترسملو في دوائر بيدها بصح مكان فايدة عضت على شفتها بغيض وهي تخاول تقولو بجميع اللغات اللي سمعتها
لميس : هواجانشيييي ..... سوسواااااا .... تواالييييت ....... توليييتاااااا ........ توفاااااااليت .... بااانيووووو
هزلها الراجل راسو بعد اخر كلمة قالتها اشارلها للموقع وتبعهت بقا واقف بعيد شوية باش مايحرجهاش دخلت للحمام حطت يدها على قلبها عصررت مخهة واخييرا فهمها
قضات حاجتها وجات راجعة صادفت طفل صغير يبكي ويلف في راسو يمين يسار كأنوا يحوس على حد ... مي واحد ما اهتم لامرو ولا اهتم بيه ... توجهت ليه ونزلت لمستواه بصعوبة من كرشها البارزة
لميس : لاه راك تبكي يا صغرون تبحرت !!؟؟
شاف فيها الصغير وهو يبكي ويتكلم بايطالية ركيكة
" Non so dov'è mia madre; Sono molto spaventato "
تنهدت لميس بيأس كيفاش راح تعاونو وهي ميش فاهمة وش راه يهدر
لميس : تقدر تفهم وش نقولك ضك!!؟
شاف فيها الصغير بعدم فهم حكمت لميس يدو الصغيرة وهي تحاول تتوجه بيه لمركز المطار باش تلقى امو بدات تقرا اللافتات اللي كانت مكتوبة بالانجليزية تبسمتلو بحنانة
لميس : متخافش ضك نديك لعند مماك
حبسها الصغير مانعها تروح شافت فيه باستفهام اشارلها نحو بوابة صغيرة تدي لبرا جرها معاه
لميس : مماك اي ثم !!!
هزلها راسو بسرعة وهو معلابالوش وش راهي تقول كل اللي يحوس عليه هو انو يديها لبرا
.....يتبع💜💜💜
ارائكم ؟؟
توقعاتكم ؟؟؟
راكم متحمسين!!؟