المتمردة وزعيم المافيا (باللهجة الجزائرية)

البارت 86

⭐+ 💬

في موسكو عاصمة روسيا

قاعد الياس وسيلفا في الجاردان يقصرو مع بعض

سيلفا  بحزن : مكانش علابالي بلي ادم استقر في ايطاليا جا البارح وماسمعناش سمعت اللي راح في النهار اللي روحت فيه يارا وماقتلنا واالو

الياس : حتى انا سمعت غار اليوم

سيلفا : ميش من صالحو يرجع لثما بيسك كل ذكريات طفولتو الحزينة ثما

كانت يارا داخلة باش تقعد معاهم حبست بعد ماسمعت اطراف حديثهم قطبت حواجبها باستغراب

الياس : حنا حاولنا ما نقصروش معاهوفرنالو كلشي بصح هو ديما كان يعتمد على روحو رجع راجل قبل وقتو

حطت سيلفا راسها على كتف الياس بحزن

سيلفا : بصح مزالني نشوف فيه عايش ذكرياتو الحزينة رغم كل هاذا ... متمنية من كل قلبي انو تنسيه مرتو وولدو شوية منها

الياس : سيلفا وااعرة باش ينسى اللي فات بيه ادم حنا مانعرفو  غار جزء من حياتو اكا اللي عاناه مايعرفو غار هو .. مايقدرش ينسى 12سنة من حياتو بسهوولة

سيلفا: عندك الحق ... بصح مالغري الشي اللي فات عليه مزالو حنين كون ميش هو كون مكانتش يارا حية لضك وكنا فقدنا بنتنا الوحيدة يا الياس

قالت جملتها ببكاء وغرست راسها في حضن الياس

الياس : ووي هو اللي رجعلنا البسمة لوجوهنا ربي مارزقناش بطفل عوضنا بأدم ماغلطناش كي درناه ابننا جامي هبط روسنا شي نهار

حطت يارا يدها على فمها منع الشهقة ودموعها تهبط تحرق على خدها ميش مأمنة الشي الللي سمعاتو وهي تنفي براسها مستحيييل مستحييل يكون الشي اللي قالوه والديها اادم خوووها .... وش يقصدو بكلامهم هاذا ... هي تتفكر بلي عندها خوها من نعومة اظافرها وهوما يقولو بلي ماشي خوها !!!!

رجعت لغرفتها بسررعة وهي تشهق من البكا قبل مايلمحوها والديها ... خبطت الباب بكل قوة وقعدت فوق سريىها حاطة يديها على عينيها تبكي بمرارة

يارا : مستحيييل لالا مستحييل ادم خويا يكذذبو والله غار سوور يكذبو لاه مخبرنيييش

بقات تبكي بهستيريا مزالت ما استوعبتش اللي سمعاتو وش يقصدو بلي هو نقذها !! وش القصة اللي مخبيينها عليها ..... تمنات كون جات تقدر تعيط للميس وتخبرها بلاك شي تخفف عليها بصح علابالها اللي لميس معندهاش تيلفون وخوها الكذااب منعها من كلشي ثما

يارا : الكذبة اللي كذبتها وعاقبتني عليهاااا ماتجيش نص الربع متوال الكذبة تاعك طول هاذ السنين كون جيت انا اللي درت هاذ الشي مارحمتنيش بصح استنى

حاولت توقف على رجليها  باش تجيب التيليفون  ماقدرتش طاحت في الارض ضربت رجليها بقوة لعجزها زحفت لتيليفونها بصعوبة وشكلت رقم امير

امير باستغراب : اهلا يارا ... وشمن حمار مات ان شاء الله حتان عيطتيلي

يارا بجدية : بركا من السماطة ضكاا وحل وذنيك ملييح عندي حاجة مهممة نڨلك عليها

••••••••••••••••••••••••••

بعيد على روسيا وبالضبط في امريكا لوس انجلوس وسط مصنع قديييم

ايفان : وش قصصصدك مالقيتهمش  لاه انشقت الارض وبلعتهم !!!!!

قال ايفان كلامو وهو يسدد لكمة لواحد من رجالو بقوة

" صدقني يا سيدي مالقينا اثر ليهم حوسنا عليهم بزاااف اختفاو فجأة والقصر اللي في هوليوود خالي تماما فيه غار الحراس

جرو ايفان من رقبتو بقوة خنقو

ايفان : ##$$## عاودوا حوووسوا في كل بلاصة يا لوكان تمسحو الارض كاااملة وهاذ المرة اخطفووها سااامع !!؟؟

هزلو الراجل راسو بايه وخرج بسرعة قبل ما يقتلو تزامنا مع دخول ميرا اللي توجهت ليه

ميرا : هههههه هاذ المرة المهمة صعبة الطفلة كرشها واصلة لنيفها

ايفان : وش قصدك !!؟؟

ميرا : لميس اونساانت

ايفان : ايييي ومبعد

ميرا : خهههه صعيبة باش تخطفها لأنو ادم فهاذ الفترة مايخيلهاش تخرج ... احذذف كل خططك السابقة واسمعني

قالت كلامها بكل ثقة وقفت مقابلاتو تهدر بجدية وخبث كبير  قصت عليه خطتها تبسم بشر وخك حاجبو

ايفان : مليييح ...... بصح ضك وين راهم

ميرا : منعرف جاو البارح للسبيطار بصح معلاباليش وين راهم مستقرين حاليااا

ايفان : ههه راني نشوف في الموضوع ما أثرش فيك البارح يماك حطيتوها تحت التراب وضك راكي تخططي توقعي اختك

ميرا : كيما قتلك هدفنا واحد

ايفان : هاذ المرة لازم تكون ليا نفذ صبري وكرهت عندي عام ونص ملي شفتها وانا على هاذ الحال

ميرا : اوووو تسما فات عام على زواججهم؟؟!! الوقت يجري  بصح مبقاش قد اللي فات

•••••••••••••••••••••••

تسريع الاحداث
فاتو ايام واسابيع على حال ابطالنا كي العادة بالعكس زادت سووء لميس رجعت ضعيفة بزااف بسبة حملها والضغوط اللي راهي فيها ومعاناة مع فقر الدم وحالات الاغماء اللي تصرالها كل دقيقة اما ادم كان يحاول قدر الامكان يتماسك عليها وسيرتو فهاذ المرحلة اللي تمر فيها وهو يشوف فيها كل يوم تذبال متوال عينيه ... بقدر حبو لييها بقدر مايخاف عليها من نسمة الهوا ... غلطو الوحيد هو انو مايعرفش يعبر على عشقو هاذا

قاعدة في البالكون ع الارجوحة لابسة شوميرز بلون طويلة بصح هي من حملها رجعت تبان قصيرة تشوف ببرود في الحديقة وجمال الورود والحيوانات اللي فيها مخرجتش من القصر هاذا من ذاك النهار اللي تهاوشو فيه تنهدت بتعب .. كانت تعشق الحرية رجعت ضك سجينة لقصر ما كان مخرج منو غار بأمرو

شحال راهي تعييسة ضكا مبقاتش ذيك الطفلة المرحة القوية الجريئة المتمردة رجعت كي الجسد اللي فقد روحو ... متوقعتش يصرا هاذ الشي كاامل كان كللش لباس حتان طاحت في حببو .... وضكا جربت طعم الحب وضريبتو

رجع ادم مرعب بالنسبة ليها شحال تمنات كون عاد بيها الزمان للخلف كانت صارحاتو في لوس انجلوس  قبل مايصرا هاذ الشي كاامل ... علابالها الغلطة بدات منها هي بصح هو بالغ في ردة فعلو وعقابو لهاذ الغلطة ميش لهاذ الدرجة كان مليح معاها في ملش حتان تببدل ضك رجع مايهتمش ليها لأنو كل همو هو انو تكون جنبو في كل دقيقة وماتفارقش عينو

قاطع تفكيرها كي قبلها بلطف على رقبتها من الخلف لزت على روبتها بقوووة...

ادم : لاه راكي قاعدة هنا الجو بااارد دخلت الشتا ضك تمرضي

قال جملتو وهو يلعب بخصلات شعرها الكستنائي اللي زاد طوولو

لميس : مليت من الڨعاد في الغرفة حبيت نشم شوية هوا

غرس راسو في شعرها بتخدر من ريحتها اللي تشل كل بددنو

ادم : كشما صرا معاك في غيابي !! ولا ديرونجاك كشما واحد !!

لميس بهدوء : لالا مكان برك هرمونات الحمل وتعبو

دور يدو على. كرشها البارزة بشدة بحب وحنان

ادم : مزال قدامك شهرين وتجيبي صغيرنا للدنيا وترتاحي من هاذ التقلبات اصبري شوية برك مبقاش قد اللي فات ... كشما تحتاجي حبيبي كشما نجيبلك .. وش تشهيتي نجيبولك ضك !؟؟

قال كلامو وهزها متجه بيها للغرفة جات راح تهدر وسكتت ميش قادرة تزيد تدخل في نقاش معاه علابالها هو الرابح فيه هزتلو راسها بهدوء ... حطها فوق السرير بلطف هز وجهها من ذقنها وهو يشوف في عينيها بحدة

ادم : وش سبب هدوئك هاذ اليامات لميس !!؟  كشما مخبية عليا ؟!!

بلعت ريقها بقووة وهي تشوف في جميع الاتجاهات غار عينيه

لميس : لا لا مكان ووال. برك عييت من مناقشاتك بيسك ديما تغلبني بطرقك

رفع حاجبو وتبسم بجانبية .. لأنو مبقاتش تعرف تكذب كيما كانت تدير

ادم : بالطبع خاطر علابالك وش قادر ندير كون تقلقيني

غطاها بحب وهجم يطبع قبلات عميقة على شفافها

ادم : صحيتي مويا جينا بثياتك هاذا ميش راح نضطرو نتناقشو يوميا وتبقى علاقتنا لباس

غمضت عينها بارتجاف وهي حاسة قلبها رايح يخرج من بلاصتو ... مشاعرها مضطربة وحملها زاد من حدة المشكلة ... حاسة روحها انها في طريق الموت الذاتي معلابالهاش وش تدير ولا كيفاه تدير باش تسترجع هاذيك الشخصية اللي هربت منها كي طاحت في حبو

شدت على يديه بقوة  كي حست بحاجتها للاكسجين طلقها وهو يتنفس بقوة حط جبينو على جبينها وهو مغمض عينيه

ادم :  كاش نهار تقتليني يا لميس ماقدرتش نصبر اكثثثر

شافت فيه بعينين دامعين دورت وجهها للجهة الاخرى

تنهد ادم بحزن

ادم : ميش راح نضغط عليك اكثر المهم اكي بجنبي اهم من اي حاجة

بدات تشهق بشهقات مكتومة تبكي بصمت وهي تسمع في كلامو .. مشاعرها كانت مضطرربة بصح ميش راح تسمح لقلبها يسيطر عليها ... ماقدرتش تنسى اللي عاشاتو من رعب بسبتو

خذا ادم نفس عمييق غير الموضوعوكي شاف حالتهة وهو يمسح على شعرها اللي وصل لنص ظهرها

ادم : اششش خلاص اسكتي ...  وجدي روحك لغدوا راح نسافرو لصقلية عندنا حفلة نحضروها

لميس باستغراب : صقلية !!!!

ادم : اييه ... ضك نطلبلك مصممة وخيري الروب اللي يعجبوك ولا كشما توصفيلها  في بالك

هز سبابتو في وجهها بتحذير

ادم : attention  لميييس تخيري روبة عريانة ولا ساعتها ماتلومي غار روحك

لميس  : لاه مديني معاك ماشي نتا اللي تضال تجاهد وتحارب قاتل روحك باش مايشوفني حتى واحد !!

ادم : هاذ المرة غير المرات جوهرتي ضك لازم يشوفوك بجنبي ويعرفوك بلي زوجتي وماكيش وحدك

ناض من بلاصتو وقف مقابل المراية يعدل في شعرو و الكوستيم تاعو  يخزرلها من المراية لتعابيرها الغاضبة

بعدت الغطا عليها ومشات بجيهتو

لميس : شكون هاذذو !؟؟ ولاهونروح معاك ؟؟!

ادم : اذا مكنتيش حابة تروحي معليش خوذي راحتك اولى من اي حاجة مويا جينا

لميس : منروحش

ادم : اوكي ضك ندي وحدة معايا ملي كنت نعرفهم من قبل متأكد راح يتقاتلو بيناتهم على شكون اللي تروح معايا

حلت عينيها بصدمة من ملامو

لميس : شنهييي !!؟؟ اك تخوون فيا ؟!! .... عندك عشيقة وانتا متزوووج بيا !!

ادم : ولاه راح نكتفي بيك نتي برك!؟؟

بدات ترجف كي الريشة وهي تبكي بقوة وتضرب فيه

لميس : ياااوحد الكللبب الرخييسس
.. خامج ماتحششمش الشي الللي درتو فيا ككاامل ومن الفوق تخون فيا ؟!!! لڨيت رايك كي عدت مانقدرش نمشي ونخرج  تسما هنا مخليني كي البقرة هازة ولدك ونتا مع الملهط برا !!؟؟ و.......

قاطعها وشد يديها بقوة يشوف في عينيها بعمق

ادم : امنتي !!؟؟ كيفاه نقدر نخونك وانا نعشق التراب اللي تمشي عليه ... كانل النسا ماتو في عينيا من النهار اللي شفتك فيه

لميس : امممم فاااقو احشيلي برك بالكلام المعسل مابقيتش نوثق فيك وليت نتوقع منك كللش

تنفس ادم بعمق وهو يحاول يتمالك اعصابو تنهد ومدلها الكرافات باش تربطهالو

ادم : راح نسافرو اليوم في نص الليل وجدي روحك بكري وارقدي .. انا اني نجي روطار ماتساناينيش اني نحي نهزك ونمشيو

وقفت متوالو بحجمها الصغير وربطتلو الكرافات بمهارة

لميس : اوكي

قبلها بقوة وخرجمن الغرفة رجعت لبلاصتها تسطحت بحزن معلابالهاش وش راهي تدير بالضبط هي لازم تعاقبو ع الشي اللي دارو فيها ومزالو يدير بصح بلا شعور تلقى روحها تنصاع ليه كي البهلولة غمضت عينيها بتعب حتان داها سلطان النوم

.....يتبع🤍🤍🤍

ارائكم ؟؟

تزقعاتكم؟؟

اذا عدتو تسهرو نزيد نكتبلكم بارت