فوط +كومنت
شافت فيه بحقد هدر معاها بحددة عكس البرود اللي كان بيه من شوي
ادم : اتحركي للطومبيل بيسك راني شاد روحي على شعرة عليك
عضت على شفتها بقوة ومشات مربوثة للطومبيل ركبت تستنا فيه وهي تشوف في ملامحو اللي ماتبشرش بالخير
بقات لميس ساكتة طووول الطريق بطريقة غريبة وداخلها يحترق بششدة لدرجة انو قلبها وجععها حطت يدها على قلبها وبعدها رقبتها حست بالخنقة ... مكانش حاجة اسوء من انك تكدس في قلبك كلام واجعك تحوس تعييط بيه بشدة
شدت على صدرها بألم بيسك ميش موالفة تخبي وش في قلبها جامي خافت تصرح بالشي اللي تحس بيه من حقد وغضب وكره
فاتو دقايق ما حست كان بروحها وهي تستفرغ كل وش في كرشها في الطومبيل حتى تجرحتها حنجرتها سال الدم من فمها بدات تبكي بلا توقف
تصدمزادم من الشي اللي يشوف فيه جامي شافها بهاذ الحالة من قبل حبس الطومبيل وخرج بسرعة راح لجيهتها فكلها لاسانتير حط يدو على وجهها يتحسسها ؛ نترت يدو من عليها بقوة
لميس : بعععد عليا ماتمسنيش
غمض عينيه بقوة بيسك موش حاب يعيط عليها
ادم : ماتهدريش معايا بهاذ لافاصون سامعة !!!
سكتت وبلعت ريقها بصعوبة وهي تحاول تتنفس بهدوء ٫ اللي حاسة بيها وجعها بزااف كأنو حاجة تضغطلها على قلبها ...... فتح ادم الدرج وجبد ربطة شعر حكملها شعرها ... جبد اللانجات مسحلها فمها . وخذا قرعة مسح على وجهها
نحا لافاست تاعو وغطاها .. كانت ترججف من البرد ؛ هبط كرسيها للخلف باش ترتاح كثر حتان يجيب الطبيبة كي يروحو للدار
وصلو للدار شاف في وجهها الشاحب وتعابيرها الباردة ...
فتحت الباب بهدوء وهبطت بلاما تحكي كلمة .. دخلت بلاما تسلم على الخدم وتتبسم معاهم كي العادة الشي اللي خلاهم قالقين على حالتها راحت ديراكت لذيك الغرفة الكئيبة وتوجهت للدريسينغ
جبت الفاليز وبدات ترمي في القش فيها بعشوائية وهي تبكي بصمت
دخل ادم للغرفة عقد حواجبو كي مالقاهاش توجه للدريسينغ كي سمع الحس منها هز حاجبو الايسر يخفة كي شافها وش قاعدة تدير
ادم : وش راكي تديري !!
شافت فيه بخزرة حادة وعينين حمورة شي من البكي وشي من الغضب وقفت متوالو ودزاتو وهي تبكي
لميس : نتاا وعدتني بلي تحميها ... قتلي غار باش ماتحزنيش ... ونتا ..نتا ..تحوس تقتلها .. علابالك بلي هي وش عندي .. هي اقرب وحدة ليا حتى من عايلتي ... كيفاه تقدر تتبسم في وجهي بعد الشي اللي درتو هااا؟؟ نتا كذااااب ووحش.. مجنون ..انت ماكش انسان
كانت تبكي وتهدر وهي تصرب فيه لصدرو بقوة بصح بالنسبة ليه كأنها مداعبة
ادم : هدي روحك لمييس
قال كلامو بهدوء تام يخفي بيه غضبو وهو مستسلن ليها تماما لأنو علابالو كل اللي تقولو هو قول بيسك في الاخير القرار ليه هو
بدات تبكي اكثر كي سمعت ردو البارد زادت من وتيرة اللي كانت تدير فيه وهي تضرب فيه بحنون
لميس : انت قاتل ... سفاااح مستحيل نزيد نعيش معاك بعد هاذ الشي كلما رايح يزيد جنونك اكثثر .. حررني عيشك .. انت ماكش طبيعي .. مانيش حابة ابني يعيش جنون كيما هاذا ... لاه راك تدير فينا هكذا !!وش الشي اللي تحوس توصل ليه ؟؟هاذا ميش حب .. هاذا مررض... انا ماني نحوس منك وااالو بررك خليني نروح
ادم وهو يلز على سنيه : لمييس حبسي ماراكي تديري هاذ الشي في روحك رايحة تأذي الصغيير بنفسيتك هاذي خلينا نهدرو بهدوووء
لميس بالعياط : ماااا تستفزنيش بكلامك هاذا ياو حد المتحجر ... وش درتلك حتات راك تدير فيا هكذا .. عطيتلك الحب اللي تحوس عليه .. عطيتك فررصة وتقبلت شروطك وبديتومعاك من الصفر بصح مازاد غار هبالك وجنونك وتملكك ... انا ... انا كرهت هاذ المعيشة .. حاولت نتأقلم معاك ومع الشي اللي راك ندير فيه بدافع الحب بصح.. بصح مانقدرش فوق هكا ... راح نروح انا وابني من هنا كلما كنت معاك يزيد جنونك هاذا حرررني عيييشك
قرب منها مسح على شعرها بهدوء
ادم : شوفي حبيبتي كالمي روحك رايحة تضري نفسك والصغير اللي في كرشك وخليني راني شاد روحي عليك على شعرة
نفضت يديها منو وبعدت عليه بهستيرية
لميس : هاذ المرة ميش كيما المرة اللي فاتت هاذ المرة ميش غار كلام راح نروح ونخليك .. تطلقني ونتزوج واحد ظريف بسيط مايأذيش الناس ومايقتلش أصدقائي .. شخص يقدرني ويخترم ارائي ... شخص يكون اب مليح لابني .. شخص مايشبهكش مره ويحبني حب خالص ماشي هاذ الجنون اللي راني عايشة فيه و.......
حكم رسغها بقوة وتبسم بسخرية
ادم بهدوء : نتي وشنهي؟؟
لميس: قتلك نتزوج وا.....
مخلاهاش تكمل كلامها حكم شعرها من الخلف وجرها ليه لين تخلطت انفاسهم الحارة
ادم : تحوسي مني نقتلك !! ولا ندفنك هنا ها!!
عضت على شفتها بألم وهي تبعد في يدو من رسغها
لميس : اخطيني بعد عليا بعدددد نتا ماكش نورمال خليني نروح بحالي ... راح يكون شخص طيب وعاقل ماشي مجنون كيفك.. راح يحضنني ويحميني و......
عض ادم على شفتو بقوة كلامها كان يحفز فيه يدير بزااااف حوايج شد على قبضتو بقوة موش حاب يمد يدو ليها ويعطب كاش عضلة فيها ٫ بعد عليها ومسح على وجههو بقوة يكاامي روحو من كلامو الاستفزازي
جرها من يدها وراه وهي تبكي كي الطفلة الصغيرة تحاول تتحرر من سجن يديه
ادم : تحوسي تخرجيني من حبال عقلي نتي يخي!!
تستفزي فيا !!
لميس : لاه نتا بشر حتان تستفز !!
شاف فيها وعينيه حمورة شاد يدو على شعرة موش حاب يتصرف معاها كيما موالف علابالو بلي عياانة واي تصرف مرعب منو يخليها على هاوية الهلاك
بدا يقرب منها ببطء وهي ترجع للخلف ورجليها مبقاوش حاملينها تبسم وسط غضبو
ادم : علابالك بلي ماعندك وين تروحي وانا هنا ... علابالك بلي الكلام اللي قلتيه كامل مايتنفذ غار كلامي أنا ... علابالك بلي ميش راح تخرجي من حيوط هاذ القصر غار باذني ومعايا انا ...مالا ماتضعطيش على نفسك بزااف مويا جينا بيسك صحتك ميش مليحة ومانيش حاب نتضارب معاك ضكا
لميس بالعياط : شكون نتا باش تدير فيا هاذ الشي ها!! ! شكون نتا باش تحرمني من صحاباتي ... شكوووون نتااا باش تتحكم في حياتي كي الدمية !!!انا نكرررهك نكرررهك يا وحد القاتل السفاح الكاذب خدعهتني .. وكسرتلي قلبي
شد يدها بلطف وهي يهدي فيها عكس النار اللي داخلو
ادم : شحال من مرة لازم نشرحلك باش تستوعبي اني ميش رايح نأذيك بحتة حاجة مهما صرا .. كيفاش نقدر نخليك تستوعبي حبي هاا!!!!
لميس : بصح راك ماشي غار أذيتني راك عذذبتني هكذاا هاذا ميش ححب هاذا جنون عيييشك خلينا نتطلقو
عيط فيها بقوة لدرجة سكرت وذنيها برعبة هي ناوية ونصرة تخرج الوحش اللي فيه قدما فهمها ماحبتش تفهم
ادم : ميش راح يصرا هاذ الشي ويالوماان على جثتتتي انتي ليااا وححدي مرتي وحبيبتي وجوهرتي وكلش ... لمييس بررربي خليني مانيش حاب نخووفك اكثثر راكي تستفزززي فيا وتخرجي الشياطين اللي في راسي
ضرب المزهرية اللي بجنبز بيدو بقوة قبل مايخرج .. قعدت لميس في الارض وهي تبكي الدم ع الشي اللي تمر فيه ماعلابالهاش وش تدير ولا وش لازم تدير في هاذ الحالة ... كل الللي تفكر فيه هو انو لازم تخرج من سجنو هاذا وتعيش حياة عادية هي واللي في كرشها وحدها بعيد على تملك وهوس ادم لأنو جنونو هاذا رايح يضر كل من حولها وهي ضك تحاول تقتل مشاعرها واحاسيسها تحاول تسترجع ولو جزء من ذاتها اللي دمرها
هي ماتنكرش انو هو الوحيد اللي حبها واهتم بيها من بين الجميع .. هو الوحيد اللي حضنها وسندها ...خلاها تعيش الحنان والعكف واحاسيس جامي جربتهم
رجعت تخاف منو بزاااف ماتقدر تدير حتى حاجة خوفا من جنونو واللي قالها هو انو رايح يقتل اعز انسانة على قلبها
بقات تشوف في الارض لمدة .. مدت يدها لكرشها البارزة تطبطب عليها بعد ماحست بالحركة المفرطة اللي في كرشها كان يضرب كأنو شاف اللي صرا
لميس : هششش حبيبي صاي صاي مصرا والو علابالك يماك قوووية مجرد نقاشات برك مع باباك ياغالي
مسحت دموعها بكف يديها وناضت للحمام غسلت وجهها بما بارد شافت في وجهها الشاحب في المراية بملل
بدلت قشها ومشات رايحة للبالكون لمحت تيلفون ادم المرمي فوق السرير
خذاتو بهدوء وراحت للباب غلقاتو بالفتاح شافت في التيلفون بتوتر
لميس : مادام هاذا تيلفونو مراحش يكون مراقب
خذات نفس عميق وشعلاتو لقات فيه كلمة سر تأففت بضجر وهي تجرب كل اللي يخطر على بالها باش تفتحو بصح والو ... رماتو ع السرير وشدت شعرها تخمم في احتمال لكلمة السر صفقت بيدها مرة وهزاتو جربت لانيفارسار تاعها تحل بانت صورتها في الخلفية
حلت فمها بدهشة حبو ليها خلاه يبصم وجودها بكل ممتلكاتو ... بلعت ريقها بخووف وشكلت رقم يارا
يارا : يااااا ادم خوويا واخيررا عيطتلي بعد شهرين ونص كاااملين
لميس : يارا هاذي انا
يارا : اعععع لمييس ياوحد ال$$$& جامي غلطتي عيطتيلي
لميس : سبي خوك ال$$$ناشي انا نحالي التيليفون
يارا : اهااااا تسما يعاقب فينا
لميس بحزن : سامحيني يارا ماهدرش معاك من هاذاك اليوم بسبتي
يارا بسخرية : منظنش راكي خيرمني ... يا ختي مايهدرش معايا خيرمن يضال كل يوم عڨابي وزيد نقابل فوڨيرتو الحادة هاذيك
لميس : تسما راكي تضحكي عليا
يارا : امممم هههههه
لميس بحزن وجدية : يارا رايحة نرحل منا منقدرش نڨعد مع ادم وليت نخااف منو بزاااف مكانش هكذا
يارا : لميس رددي بالك تديريها رايحة تزيدي من هبالو ماشي تحبسيه
لميس ببكاء : يارا انا ماقدرتش نتحمل كثرمن هكذا بزاااف عليا .... مبقاش ادم اللي كنت نعرفووو عيششك عاونيني بكاش طريقة
يارا : وشمن طريقة تهدري عليها يرحم باباك راكي في ايييطاليااا
لميس ببكاء: وش بييها ايطاليا!! يخي ميش مكتوبة باسمو
يارا : كثرمن هكذاك .. كلها تحت حكم ادم ماتقدريش تلقبي حجرة بالتخبية عليه عندو يد في كللش .. كون تختفي 10 دقايق برك تولي ايطاليا كلهااا تحوس علييك مزال ماتعرفيش نفوذو
لميس : بربي خبيريني شكون هو
يارا : منقدرش نقلك لازم تعرفي منو
بدات لميس تبكي بضعف تشوكات يارا من حالتها لأنو جامي شافتها بهاذ الضعف
يارا : لمييس عيييشك ماتبكيش .. تعيشي حبببي .. كون جا بيدي كون عاونتك بصح راكي تحكي على حاجة مستحييلة ثما حتى لو هربتي من القصر .. متقدريش حتى تروحي للمتجر تشري طرف خبز بلاما يعرف
..........يتبع💜💜💜
ارائكم ؟؟؟؟
توقعاتكم؟؟؟