فوط + كومنتار
لميس : اييي يهووووبل بصح لاه راه فرغان ؟ ولا المطعم ثاني زدت حجزتو كامل ؟ لاه؟
جرلها الكرسي وقعدها بحنان
ادم : حبيت نجدد حبنا مرة اخرى وترتاحي نتي شوي من الضغط اللي عشتيه هاذ الايام وزيد حاب نتعرف على ولدي في جو مناسب
انهى كلامو نزل لمستوى كرشها طبع بوسة عليها
ادم : كون ماجاش منك مكنتش حبيتو لهاذ الدرجة
لمييس : ههههه كون ماجيتش باباه كون ماصمدش للشي اللي عاشوا وهو في كرشي خذا منك كللش
ادم بحزن : زعما؟؟
لميس : ادم وشبيك ؟
ادم بابتسامة : وش جنس البيبي حسب رايك ؟
لميس بحماس : نتمنى يكون ولد يشبهك في جميع الملامح ب
ادم : تسما انا نعجبك
............لميس بحماس : امممم جميل ورجولي وراقي وقوي وعندك كاريزما وهالة تهووووبل
ادم : كأنك تعطيني في الاشارة الخضرا يالميس ماتديريش فيا هكذا خاطر مابقيتش نصبر
لميس : اممم بصح حاجة وحدة مايشبهككش غار في العقلية بيسك عقليتك زمر
هز ادم حاجبو الايسر يخزرلها تاع من نيتك دارتلو براسها شنهي
ادم : تسما يا نخليك تديري رايك ولا منيش مليح
حطت لميس يدها على خدها تخزرلو
لميس : خهههه وي .... ونتا ؟؟
حك ادم حاجبو بابهامو يخزرلها بحنان
ادم : انا حاب بزاااف تكون طفلة تشبهك في كلش غار التمرد
عوجت فمها وقلبت عينيها بملل
لميس : كون ميش هاذ التمرد والجرأة ماحبيتنيش هكذا
ادم بهدوء : حبيتك لعفويتك وبعدها حبيت كلشي فيك وحتى السيء فيك وكان التمرد جزء منو
!!!!!لميس بغيض : صار هكذا
ادم بهدوء : ها مالا اني نسمع فيك ضك ومكانش اللي يقاطعنا عندي بزاف اسئلة محتاج تصارحيني فيهم ..... لاه تهربي ؟؟ لاه خبيتي عليا حملك ؟؟ وش الشي اللي تحوسي توصلي ليه ؟ ووش قضية الندبة اللي في عنقك ... نحوس على اجوبة صريحة خالية من الكذب ولا نحوس وحدي وساعتها مايعجبكش الشي اللي نديرو
سكتت لمدة وهي تشوف فيه وبعدها نطقت
لميس : مالا لازم عليك نتا ثاني تخبرني شكون نتا ؟ ولاه تقتل الناس بكل سهولة ؟ وش خدمتك بالضبط ؟ وش السر اللي مخبيه عليا ؟ والماضي اللي يخليك تكره السباحة ؟
قالتها بهدوء وبرود تام بنفس النبرة اللي سئلها بيها ردتهالو بنفس الطريقة
ادم : مزال لسانك مستعد للكلام مالغري الشي اللي صرالك كاامل مزال ماتعلمتيش الدرس مليح
شبكت يديها فوق الطابلة بنفس طريقتو كأنها تردهالو
لميس بسخرية : ماقلت حتى حاجة تقلقك كل اللي نعرفو انو اذا واحد شال عليا همي من واجبي نشيل همو انا ثاني
ادم : لميس ماتستفزينيش وجاوبيني بلا لف ودوران
لميس : منقولش
ادم بحدة : لمييييييس
لميس : اني هنا ماتعيطش ولميس مرتك ماشي خدامتك
غمض عينيه بقوة عرف انو ميش راح يدي اجوبتو منها بهاذ الطريقة تنهد وشدلها يديها في زوج بلطف
ادم : اوكي كيما تحبي ضك نتبادلو المعلومات كيما الاطفال .... خبريني وش صرا معاك
هبطت راسها بحزن وهي تحاول تمنع دموعها ينزلو
لميس : مقدرتش
لز على يديها يواسي فيها
ادم : كاينة حاجة خايفة منها ؟؟؟
هزت راسها يمين ويسار بنفي
لميس : مانيش موالفة نشكي همي حاسة روحي ضعيفة من اني نقول
ادم : جامي كان البوح بالهم واللي يثقل القلب ضعف .. هاذي تتسمى انانية في حق الذات لازم على الانسان يشارك وش داخلو واحزانو باش يخف الحمل .. نتي كنتي ديما تشجعي صحاباتك ونتي شكون يشجعك ؟ لازم نكون انا ... هيا حبي ماتخافيش اني معاك
جبدت لميس يديها منو وحطت يديها على عينيها وطرطقت بالبكا ديما كانت محتاجة لواحد يفهمها هكذا .. ديما كانت محتاجة اللي يستقبل مشاكلها بقلب مفتوح ... كانت ديما تساعد الناس يحلو مشاكلهم وتشجعهم ع التفاؤل وحب الحياة بصح هي ملقاتش اللي يقوللها هكذا وملقاتش السند والكتف اللي تتكى عليه عايلتها تخلات عليها بسهولة
بدات تشكيلو بلا توقف حتى انو تصدم انها فتحتلو قلبها عرف اللي صح قلبها معمر
لميس : كنت طفلة عنيدة ومترمدة ملي كنت صغيرة مكنتش حابة نعيش كيما عايشة عايلتي ورفضت قيودهم هربت منهم تبرا مني بابا وكرهني كره اعمى من تصرفاتي ، عشت وحيدة طول هاذ السنين تعرفت غار على مايا وزاكي اللي كانو صحابي ايام الجامعة كنت نخدم ونقرا في نفس الوقت كنت متفوقة في قرايتي حتى اني كنت ماجور دو برومو العام الاول كان حلممي اني نولي صحافية ناجحة هي في الصح كان حلمي انا ومايا هي كانت تبذل مجهود اكثر مني باش تحقق حلمها اما انا فقدت شغف هاذ العمل وكل حاجة في هاذ الحياة
تنهدت بحزن وكملت
لميس : كنت نخدم ونريسكي بزااف ندير حوايج ومنهتمش للعواقب حتى انو قسم الشرطة حفظ اسمي هكذا كانت حياتي ماكنت نهتم لحتى حاجة من غير الاستمتاع حتان تقلبت حياتي بعد حادثة مايا خاطر فقدت سندي كي تأذات
خذات نفس عميق وكملت
مسحت الدمعة اللي طاحت من خدها سخونة
لميس : حللتها متروحش وكنت انا راح نروح في بلاصتها باش ماتخاطرش بحياتها خاطر علابالي ضعيفة ماتقدرش تهرب ولا تلقى راسها اذا حكموها بصح ماسمعتنيش حاولت بكل قوتي ننقذها بصح كانوا اقوى مني وتسببو في شللها حاولت نتكلف بيها بصح تكاليف علاجها كانت باااهضة وماقدرتش
كان يسمعلها بكل هدوء رغم انو علابالو بكل اللي قالاتو بصح حب يسمع القصة منها باش تفرغ قلبها وتستراح نفسيتها شوية
هبطت عينيها منو تخزر للطابلة بحزن
لميس : كانت الطريقة الوحيدة باش ننقذها هي اني نتزوج بيك تحت شروط بابا ومنها كان اني نجيبلو الملف الاسود ماقدرتش نرفض مالغري كنت راح نستغلك بصح صحبتي كانت اهم من كلشي
شافت في عينيه بخوف وكملت
لميس : رغم كل التغيرات الجميلة اللي صرات في حياتي بسبتك بصح مزلت نحوس نوصل لهاذيك المافيا اللي سببت ليها كل هاذا عليها كنت ديما نهرب لك ونتهور كنت حابة نكشف الحقيقة ويعرف الجميع شر ذيك المافيا وافعالها ... مافيا الشبح
تبسم ادم بغضب حك حاجبو بخفة في بالها هي تعرف كلش والصحيح انو كل معلوماتها غالطة لأنو كون ماكانش حاميها ماكانتش حية لضك
!!!!!ادم : مالا مرتي العزيزة حاطة انو وحدها وبكاميرتها الصغيرة تقدر تحكم مافيا كاملة
بلعت لميس ريقها خايفة تخلاص هاذ الليلة الجميلة بجنونو مرة اخرى
لميس : معليش نجرب ... المحاولة افضل من اني نتخلى على صحبتي
ضرب ادم الطابلة بيدو تنفضت لميس من عياطو
ادم بالعياط : المحاولة ؟؟ هبلتي؟؟ شحال مرة حاولتي ها ؟؟؟ ماكفاتكش محاولاتك ؟ ..... واللي في كرشك معليش يموت ؟؟ وحياتك ؟ مزلتي تلعبي بالنار ؟؟ ماكيش واعية بمسؤوليتك اللي راكي عليها ضك ؟؟
خذا نفس عميق وضرب ضربات صغيرة ع الطاولة
ادم : نتي ضك ماكيش وحححدك ... نتي ضك مرا متزوجة هازة في رحمك حياة اخرى ... حاملة ابني اللي مالازم تقيسو حتى ذرة سوء حتى لو كانت رايحة تموت صحبتك .... وزيد شنهي تخاطري بحياتك وحياة صغيرك على جال صديقة ماتعرفيش حتى نواياها!!!!!!ا
لميس : اك سامع وش راك تقول ؟ مااايا صحبتي وقفت معايا في الوقت اللي مكانتش عايلتي تخلات عليا ، متديرش حاجة تأذيني صداقتنا قوووية متهدرش عليها بهاذ الطريقة سمععت
ادم بسخرية : كون جات توثق فيك صح كون سمعت تحذيرك هاذاك اليوم وماراحتش ديري في حسابك الانسان اللي مايديرش فيك ثقة لازم نوخذو حذرنا منو بيسك يأذيك وكقانون من عندي خوك وماتوثقيش فيه العالم موش كيما حاسباتو نتي واحد مايمشي معاك بالنية
سكتت بعد كلامو مالقات وش تقول ولا تريبوندي غيرت نظرتها للتاقة اللي تطل على المدينة بأكملها ولذيك الاضواء اللي تبان كي النجوم في الارض ، بعد صمت طويل تكلم ادم بكلام خلاها تبلع ريقها مرتين
ادم : وش حكاية ذيك الندبة اللي تضالي مخبيتها ومسدلة شعرك عليها
شافت فيه بهلع وهي تتنفس بقوة من شدة ترددها ضغطة على يدها بأظافرها حتان تجرحت ناض من بلاصتو قدم ليها ادم حكم شعرها بقبضة يدو شاف للندبة بتفحص كانت اسفل عنقها من الخلف حتى انو جاني لمحها ولا شافها لمسها بخفة غمضت عينيها بقوة وصدرها يطلع ويهبط تتنفس بسرعة
ادم : هاذي ندبة لسكين حاااد !!!! شكون دارلك هكذا ؟؟؟
بدات تبكي بصمت دموعها يطيحو كي الشلال شاف فيها باستفهام قعد القرفصاء مقابلها وحكم يديها
ادم : وش كاين لاه هاذ الدموع ؟
قال كلامو ودمو يغلي هي تبكي ومزال مخبراتوش ما بالك بعد ماتخبرو
لميس بغصة : بسبة محاولة اغتصابي
بلع ادم ريقو بصعوبة مالغري علابالو بصح ماتوقعش تخبرو بموضوعها الحساس
ادم : اهدري ماتخافيش ... وش صرا ؟
قوات في وتيرة بكاها وهي ترجف شدت في يدو بقوة حتى غزرت ضفارها فيه بلا ما تحس وصوتها يتقطع بين كل جملة
لميس : هو ...هو ... حكمني بقوة ..... كان يحوس يدي مني الشي الوحيد اللي مزلت محتفظة بيه ...... كانوا عينيه زروقا ... ظهر بريقهم الازرق وسط الظلام ...وأنا ....انا .. حاولت
تقطع تنفسها هدأها وهو قلقان عليها حتى هو حالتو مكانتش اقل منها
لميس : ك ....ا.اكاان يخووف .... كانت البلاصة مظلمة ماشفت واالو من غير عينيه ..كان يحوس ينحيلي قشي .... بصح والله ماخليتو صدقني ... بصح كان اقوى .. مكانش عندي خيار غار ذاك السكين الصغير اللي كنت محتفظة بيه في صباطي
بدا يهدأها بسبة ارتجافها الهستيري حكمت يديه بقوة وهي تكمل بحرقة وهي تتخيل في ذاك الموقف
لميس : ماحسيتش غار كي ضربتو لقلبو بذاك السكين ..ب...بصح ماصرالو .ه.هو بقا صامد كي الوحش .. دا السكين من عندي دورني وجرحني لعنقي ..حاولت المقاومة .. بصح ماقدرتش ... بدا يفقد توازنو من الضربة وطاح ببطء استغليت الفرصة وهزيت السكينة مرة اخرى وجرحتو لراحة يدو اليمنى باش نتفكرو وضربتو بين رجليه باش مايلحقنيش ... وهربت ... اثر فيا هاذ الشي بزاافف نفسيااا حتى اني دخلت في اكتئاب لاني منعت منها على شعرة حاولت الانتحار شحال من مرة ومانجحتش .... شجعت نفسي وعزمت نولي الاقوى ... وهاني ضك قدامك بخير
قالت الجملة الاخيرة بابتسامة وسط دموعها وهي تتنفس بصعوبة اما ادم مسح على شعرها ببطء وعروق يدو قريب يتطرطقو
ادم : كشما تتفكري عليه حاجة اخرى غير هاذي ؟
.........يتبع ♥♥♥
ارائكم ؟
توقعاتكم ؟؟
فوط + كومنتار