فوط + كومنت
بدا المسؤول يمس في جيوبها يحوس عيطت بكل قوتها وهي تبكي
لميس : اااااااااددددددم
...........سمع عياطها ادم كوبا على ادريان فزع راح يجري للداخل
ضربها المسؤول كف اوخر باش تسكت والامن كانو حاكمينها في زوج باش متهربش جر يدها بقوة وهي تبكي وتحاول تبعدو تفرفط بين يديه ارتفع كم لافاست تاعها برزن اللاصقة اللي غطات رسغها الايمن بشكل ملفت
شهق المسؤول بخوف وركع على رجليه وهو يطلب منها تسامحو وهو يبكي بقات لميس تشوف فيه باستغراب سمعت صوت عياط ادم وراها واللي مازاد غار من خوفها
قرب منها بهدوء مرعب وكل اللي في المتحف يخزرو بصدمة الصمت كان سيد الموقف مجرد وقوفو ثم برك كهرب الجو ، دورها ليه بسرعة لمح اسوء حاجة يشوفها في حياتو وجه جوهرتو مليء بالكدمات واثار الصفعات بخدها وفمها مجروح بشدة هو ماتجرأ يدير هاذا فيها حط يدو على خدها يتحسسها بالشوي شافها كي غمضت عينيها من الوجع ، لمح الامن اللي مزالو حاكمها بقوة بلا رحمة
خرج مسدسو بسرعة من ورا ظهرو وبلا اي تردد او شفقة فرغو في جبهتهم في زوج ، عيطو اللي في المتحف كلهم بخوف من هول المنظر وكيفاه طاحو الرجال الزوج برصاصة وحدة دار ليهم يقول بصوت هز اركان المتحف كلو
ادم : اذا سمعت صراخ احدكم صغير كان او كبيرا اقسم ان اجعله يلحقهما دون رحمة
بعد ثانية مابقى يتسمع والو ولا حتى التمتمة ، راح لمحبوبتو اللي كانت تخزر في الجثث المرمية عند رجلها بصدمة ، ضم وجهها بين يديه وهو يتحسس شفتها المجروحة وخدها اللي مطبوع عليه اثار الصفعات اكتسى لون الحمرة
ادم : شكون دارلك هكذا ؟ متخافيش قوليلي والباقي عليا
بلعت ريقها بقوة ندمت بزاااف كي عيطت عليه هاهي للمرة الثالثة تشوفو يقتل الناس بسبتها ، كانت حابة تخبرو بكللش باش يدافع عليها بصح بعد مااشافاتو وش دار فضلت انها تسكت وتخلي كلشي يفوت بأقل الاضرار .... خذات قرار بلي ماتخبروش بيسك طرق الدفاع عليها تخووف في عوض ما يتضارب ويضرب يقتل مباشرة بكل بساطة كأنها ميش حياة انسان
تصرفاتو تخوفها .... حبو ليها يخوفها ....تملكو الشديد يرعبها ..لوهلة تسائلت لاه يحبها لهاذ الدرجة ؟ وش هو سبب تعلقو بيها بهاذ الطريقة المريضة ... هي ماتنكرش انها تحبو وبزااف ثاني بصح تخاف تخبرو بكلشي عايشاتو علابالها لشدة حبو ليها ينفي العالم كلو علاجالها ..علابالها حبو ليها يخيله يدير اي حاجة علاجالها وهاذا اللي زاد من خوفها هوسو بيها يرعبها وعلاجال هاذ الشي مافتحتلوش قلبها
لميس : هههه ماصرا والو ادم لاه كبرتها اللي ضربني هاك قتلتو
بدات تبكي وهي تتجنب النظر فيه لانو متأكدة ماصدقهاش زوج ماتو وهو متأكد مزال طرف ثالث في القصة
ادم : امممم مالا جوهرتي مويا جينا تحاول تكذب عليا وبكل جرأة هممممم
...............لميس : والله ماصرا والو اني قل
ادم بحدة : اتحركي للطومبيل ضك نجي
تخنزر فيها خزرة قاتلة وشاف فهاذاك اللي كان راكع على رجليه في الارض حلل بسرعة اللي صرا بلا ما يحتاج تخبرو ، حكمت لميس في يديه اللي كانو ديجا مقبوضين وعروقهم بارزين
........لميس : ادم هيا نروحو مع بعضانا عيييشك مانيش حاسة روحي مليحة بلييز ماتدير
ادم وهو يلز على كل كلمة : انا ...قلت ...روحي .. معنتها ..تروحي ... متخلينيش نغلط معاك .. اتحررركي
شافت فيه نظرة اخيرة وهي تبكي وخرجت ، شاف ادم لكل الموجودين وامر رجالو يخرجوهم كلهم خاطر حاب يفرغ شوية من غشو
رجع المكان خالي ومبقى فيه غار رجال ادم والجثتين وهاذاك المسؤول طرطق صباع يديه وتقدم ليه كان يبكي بمرارة وهو يترجى فيه يسامحو ..قرب منو ببطء وعطاه بكوتبي لوجهو بكل قوة حتان طاحو شوية من سنيه
ادم : تتجرأ ايها ال**** وتضع يدك على زوجتي
(العربية تعني الايطالية )
بدا لوخر يترجا فيه بصح ادم لا حياة لمن تنادي لأنو جامي كانت الرحمة في قاموسو ، خرج ادم سكين من جيب لافاست تاعو وشد وجه المسؤول مررو على خدو بكل برود وهو يرسم عليه التفاصيل الدقيقة كيما كانت في خد لميس بعد ما ضربها قطع جزء من شفتو سال دمو كيما سالت من شفاه جوهرتو ، شدلو يدو مستعد يقطعلو صباعو اللي تطبعو على وجه لميس وصوت عياطو مالي المتحف تفكرها بلي مزالها تستنا فيه في الطومبيل ، دموعها يكونو نشفو من البكا خذا نفس عميق وناض
ادم : مزلت ماخلصتش خدمتي ضك ادوه للمخزن راح نرجع ونضفوا هاذ الفوضى
شاف فيه ببرود وراح للسانتيار غسل يدو من الدم وخرج بعدها ..........ركب الطومبيل لقاها تخزرلو بصدمة وهول بعدت عليه لصقت في الباب وحطت يديها على فمها تمنع شهقاتها وهي مزالها تبكي شاف لوين راهي تخزر عض على شفتو بقوة لأنو مزال لابس الشوميز اللي كانت مصبوغة بالدم
غمضت عينيها وهي تمسح على كرشها تحاول تكالمي روحها وتهدي وتيرة تنفسها تنهد ونحى الشوميز تاعو
ادم : ارواحي
قال بهدوء وجرها لصدرو اما هي كانت تبعد فيه بهستيرية ميش مستوعبة برودة دمو كأنو ماقتلش زوج عباد هاذا وين
ادم : لميس اثبتي
حبست من التفرفيط واستسلمت لحضنو وانفاسها ميش منتظمة مسح على شعرها بحنان وهو يحاول يهديها مرر يدو يمسح على كرشها بخفة
ادم : كي نكون معاك معاك متخافي من حتى حاجة سمعتي ؟ واحد مايقدر يمسك ونتي بجنبي ... ماتحاوليش تكذبي عليا مرة اخرى متفاهمين ؟؟
طاحو دمعاتها سخونين على خدها وعلى صدرو
لميس : لاه .... لاه راك تدير هكذا ؟؟ ادم والله غار راك تخووف فيا ... هاذاك الراجل قتلتو ؟؟ مات ؟؟ صح ماكش تأذي فيا بتصرفاتك
ادم : لميس انا نأذيك ؟؟ نأذي روحي ومانمسش منك شعرة .... كل هاذا لمصلحتك لازم تقعدي معايا .. انا نحببك
حط جبينو ضد جبينها
ادم : راح تقعدي معانا ويكبر ولدنا بحبنا ونعيشو سعداء هممم؟؟
اكتفات بالصمت وهي تبكي غرست راسها في صدرو تخنقت من هوسو حابة تعرف شكون هو كيفاه عندو هاذ السلطة كااملة لدرجة يقتل متوال الناس ومايتعاقبش ... تأكدت اللي معندهاش مهرب الواضح عندو اسم منقوش على حجر يخليه يدير كلشي ... ملي جات لايطاليا وهي تشوف في جانبو المخيف شافت انسان اخر غير اللي تعرفو ... معلابالهاش وش تدير اسكو حبها هاذا رايح يخليها تتحمل هاذ الحياة الجديدة ولا راح تمل شي نهار وتروح بلا رجعة
ادم : يخلاص لميس ضكا كون تتجمع دموعك هاذي تغرقي العالم ... وش رايك نروحو نضربو طلة على الصغرون او دخل الشهر الخامس يضهرلي كثر من خمسة ولا جاي سمين زي مماه حتان برزت كرشك هكذا
قال كلامو وهو يمسح على كرشها بحنية بعد مامسحلها دموعها
لميس : الالاالا قتلك منروحش خليه يكبر براحتو ديجا نتا وش ضربك يخي ماكش نتا اللي راك هازو واخر مرة نسمعك تقول عليا سميييينة
ادم : هههه اوووكي .... خلينا نعرفو جنسو مقدرتش نصبر
لميس وهي تمسح في دموعها : قتلك لالا ... شوف والله مانسمحلك تعرف ولا تجيب كاش طبيبة كي نكون راقدة سمععت
ادم : سمعت سمعت خلي حتان يشرفنا ونعرفو
قبلها بخفة ورجعها لبلاصتها وربطلها لاسانتير حبس متوال محل الازهاار
عقدت لميس حواجبها باستغراب شافت فيه تحوس تستفسر منو فك لاسانتير وحل الباب خارج حكماتو من ذراعو
لميس : وين ..وين ا مسيو ؟؟ خارج هكذا ؟؟؟ البس كشما حاجة
ادم بخبث : غرتي؟؟؟
لميس : وش رايك انا ثاني نحي لافاست والتريكو ونخرج بالبيستي
حك حاجبو الايسر بضيق تعرف مليييح كيفاش تلعبلو باعصابو دا شوميز كانت في حقيبة مجهزة لحالات كيما هكذا لبسو وطلب منها تغلقلو الازرار مدت يدها تنفذلو طلبو وهي عاضة شفتها من شكلو المغري بلعت ريقها وشافت فيه
ادم : وش تحوسي ؟
لميس : والو
بعدت عليه بتوتر وخزرت لبرا دورلها راسها بيدو كان عارف تحوس على حاجة
ادم : لميس وش تحوسي ؟؟ قوليلي كشما نشريلك ؟
هزتلو راسها بلالا وهي منزلة عينيها رفعلها راسها ليه
ادم بحدة : لميييس علابالي تحوسي على حاجة قولي ونجيبها لحبيبتي يالوكان من اخر الدنيا
لميس : بصح ماتعيطش عليا
ادم : قولي برك مانعيطش
لميس بفرحة : اووكي
بعدتلو الشوميز جيهة كتفو وتكات عليه بعضة ليعاتو بعدت عليه وهي تضحك شد بلاصة العضة يمسح عليها وجعاتو صح حتى سال الدم
ادم : وشبيه *** كلبتييي ؟
لميس : ايي وجعتك ؟؟ سامحني ... والله غار من البارح وهي في قلبي ماقدرتش الله غالب كي يجي ابنك حاسبو
ادم : معليش برك كي تتشهاي قوليلي ماتعضيش على غففلة
لميس : اوك سامحني وجعتك
خرجو من الطومبيل شادين في يدين بعض دخلو للمحل حلت لميس عينيها من جمال المتجر واناقتو الطاغية تبسمت وهي تحاول تتناسى الشي اللي صرا من شوي رغم صعوبة الشي اللي صرا ماحبتش تعاندو بيسك علابالها بلي هي الخاسرة في اللخر واخرتها تتحبس
لميس بحماس : رايح تشريلي الورد ؟؟؟
ادم : نشريلك المحل اذا عجبك ... خيري اللي تحبي واللي طاحت عليه عينك
تبسمتلو بحب وهي تمشي وسط الورد تحوس على اللون اللي تحبو وقفت وهي عابسة تشكلت الدموع في عينيها كي مالقاتش ورد ازرق كيما تحب هي ... يبانلكم امر عادي مايستاهلش البكا بصح بحملها وهرموناتها والدلال اللي يدللها رجعت كون ماتلقاش الحاجة اللي تحوس عليه تلجأ للبكا وهاذ الشي ميش بارادتها كااامل حتى هي مستغربة من روحها
ادم : وش بيك ؟؟ كشما وجعك ؟؟ .... وش صرا ؟
لميس : مالقيتش ورد ازرق
ادم : يعني من بين هاذ الورد وهاذ الالوان كاامل تحوسي ع الازرق؟
هزتلو راسها بايه مسح على خدها بحنان
ادم : اششش خلاص بركاي ضك من البكا يضهرلي هاذا دلال ماشي حاجة اخرى
...........يتبع ♥♥♥
بنات حبيت ناخذ رايكم في حاجة اسكو تحبو ندخلو حكايات الشخصيات الثانوية ولالا بيسك ملي بديت الكرونيك وانا نهدر غار على ادم ولميس ودرت هاذ الشي عن قصد حسب رايي لأنو انا شخصيا كي تكون الكرونيك طويلة نقرا غار الجزء الخاص بالابطال يعني ضك نتوم وش تحبو انا بنيت الكرونيك على حسب رأيي
نتوم وش رايكم اذا تحبو ندخلو حكايات الشخصيات الثانوية مكانش مشكل