فوط + كومنتار
دخلت للدار تكمل بحثها على ادم وهي تفتح في كل الابواب لمحت غرفة في اخر الممر كان محلول شوية عقدت حواجبها باستغراب وراحت ليه حلت الباب بالشوي دارصوت مززعج استقبلتها ريحة نتنة ومن شدة الضلمة بزااف مقدرتش تشوف وش كاين الداخل سمعت صوت غريب حلت عينيها على وسعهم وغلقت الباب
لميس : يييي رغم هاذ النظافة كامل وكاين الفيران والصراصير اعععق بغيت نتقيا شنهي هاذ الريحة
غلقت نيفها وحطت يدها على كرشها ميش حابة تستفرغ كملت تمشي
لميس : وين راه
كملت مشات وهي تفركت عليه شافت غرفة مشقول بابها والضو خارج منها قرب منو بالشوي مدت يدها تدز الباب تراجعت اخر دقيقة كي سمعت صوت موش غريب عليها يحكي بانجليزية ركيكة
"خهههه قتلت حراس لوس انجلوس كيما راهم ؟ "
ادم وهو يشرب من الكاس اللي في يدو : اممم ماعندهمش اتقان في العمل رجال قد للباب تكلحهم طفلة ميجيش طولها ميترة ونص ومام عطيت درس ملييح للسفلة اللي حاولو يمسوها خليتهم يحسبو صباعهم المقطوعة
حطت يديها على فمها بصدمة ميش مأمنة اللي هاذاك اللي كانوا يهدرو عليه ادم
"ههه اللي يعرف وحشتيك مستحيل يصدق انو طفلة دخلت لقلبك وغلقتو بالمفتاح ثاني مالقري الشي اللي دارتو ماقتلتهاش "
ادم : اممم قدرت تدخل بسهوولة كانت مختلفة ومميزة مقدرتش مانخليهاش ملكي بصح ضك نفذ صبري
بحماس : هيا نقتلوها مالا***
شاف فيه ادم بنص عين وهو يلعب بالكاس في يدو
*****ادم : نتا اول واحد نفرغ فيه رصاص مسدسي في راسك يا وحد ال
"اففف كنت نتمسخر معاك برك القتل عندك كي اللعبة "
ادم : مانيش كيفك نضحك كي المهبول باش نخبي خطورتي
" مانيش حابة نولي الة مبرمجة كيفك كل واحد واسلوبو نتا من هيأتك وملامحك واضح وضوح الشمس وش تكون "
ماجاوبوش ادم تأفف بضجر وتكلم بحماس : اييي مالا رايح نولي عم
حطت لميس يدها على فمها تحكم شهقتها قربت من الباب كثر تحاول تعرف شكون اللي مع ادم لمحت وجههو زادت وتيرة بكاها بصمت كان أدريان الايطالي اللي تلاقات بيه في المالدديف
ادم : شكون قالك بلي نتا خويا
قال كلامو واتجه لدرج البيرو جبد المسدس تاعو وركحو
أدريان : عيب عليك تقولها في وجهي ونتا ........ وش راك تدير؟
قاطعو ادم بيديه سكتو وتوجه للباب ، فتح الباب بسرعة وصوب مسدسو لراس لميس تنهد بقوة ونزل سلاحو تفحص ملابسها بعينين حادين كي الصقر
ادم : وش راكي تديري هنا ؟؟
فزعت لميس من المسدس اللي وجهو نحوها على غفلة طلقت العنان لدموعها ماجاوباتوش ، خذا نفس عميق وهو يحاول يتحكم في روحو يكره كي يشوفها تبكي ولا نقولو بتعبير اصح يوجعو قلبو خاطر لميس ميش من النوع اللي يبكي بسهولة
أدريان بجدية : ادم وش كاين ؟
هز سلاحو وتوجه للباب عيط عليه ادم بحدة بيسك موش حابو يشوف لميس بذيك اللبسة وزيد مايقدرش يمنعها تلبسها بيسك راهي في الدار ضك
ادم : احكم بلاصتك صينو نكسرلك نخاعك الشوكي ياوحد الحيوان
هز ادريان سلاحو باستسلام وهو يضحك
ادريان : اوكي اوكي يضهرلي ريجينا ههههه
خذا نفس ودار للميس يكمل كلامو
ادم : وش كاين ؟؟
ماسمع غار صوت بكاها خافت مسكينة الاحداث جات على ضربة وحدة وزيد من شوي كانت تسمع في موضوع قتلها وانو هو الشخص اللي كانوا يهدرو عليه ذوك البنات مسكينة لسانها تقطع
راقب صمتها الغريب وشدها من كتفها بخوف
ادم : وشبيك ؟؟ مريضة ؟؟ .... نعيط للطبيبة ؟؟
ماجاوباتوش كانت ملامح الصدمة والخوف على وجهها رجعت خطوات للخلف وهي ترجف كي الريشة تتنفس بصعوبة وصدرها يطلع ويهبط من كمية الذعر
لميس : .ا.ا.اااااد..م ..ش....ش...ششكو..ن ن..نتا؟
مسح على وجهو بغضب على بكاها اذا كملت هكذا راح يغمى عليها قال ببرود عكس النار اللي داخلو
ادم : ماشي وقتو ضك هاذ السؤال ... راح تعرفي الاجابة مع مرور الوقت
كمل جملتو بالعياط : بركاااااي من البكا معيييتييش ؟؟ وش بيك ؟؟
لميس : وين راهي يارا ؟
جا راح يتكلم قاطعاتو
لميس : انا ماتسمعليش على روحك بصح لازم تسمعني على جال يارا هي مادااارت والو انا اللي جبرتها ماتخبركش هي ماعندو مادخلها بلي صرا ماتديرلها حتى حاجة عييشك
ادم : منيش مستني منك توضيح .. كلامك مبقاش يهمني اطلاقا وضك ولي لغرفتك وماتخلي حتى واحد يشوفك بهاذ اللبسة صينو يصرا وش مايعجبكش
عطاها ظهرو راجع للمكتب مرة اخرى قرصت لميس يدها تحاول تحكم في روحها بيسك راهي على وشك الانهيار جامي قدرت تدافع على روحها متوال الانسان اللي تحبو ومزالها ضك ماتقدرش طبقت شفافها على بعض وبدات تتنفس بصعوبة بدات تعيط وتبكي بهستيرية وهي تشهق وكلامها يتقطع في فمها قريب تتخنق لدرجة رعبت ادم اللي دار ليها بسرعة
لميس : ا..ا.ا.نا ماقصد.تش .انا ما ..نيش ك .كذابة قتلك ... ماخد..عتكش .. وماصدقتنيش ... قلت بلي .. تحبني .. واللي يحب يصدق ... الي يحب ما يخممش يقتل ... الانسان الللي .. يحبو ... الللي يحب يسمع ويسامح للانسان اللي يحبو
حضنت روحها وكملت كلامها : نتاا كذااب ... نتا برك . حبتني .. غار كي عدت .. مختلفة .. واعتبرتني تحدي ليك لازم تفوز بيه ..وبعدها ... بعدها ... بعدها اهئ اهئ حوست على سبب تحطمني خاطر كنت .. ديما العنصر الصعب .. الللي مايرخيش جناحو ... نتا ..نتا خليتني نحبك وبعدها خليتني .. انا ..انا نككررهك
حكمها ادم من كتافها بقوة وهو يهز فيها
ادم : اششششش صاي هدي رووحك ... وش راكي تقولي
حطت يديها على صدرو تدفع فيه بهستيريا خلاتو يندم على برودو معاها اللي وصلها لهاذ الحالة ، دفعاتو بقوة دات منو المسدس على غفلة حطتو على راسها
لميس : ماتمسنيش ... انت وانا .. ولا أنا ... انا ... انا معلاباليش شكون عندو الحق يعاتب خوه ... ضك نروح ونريحك منا .. اتفقنا ؟؟
تبسمت وسط كلامها بطريقة جميلة هبطت راسها شوية وهي ترجع للخلف والمسدس يرتعد في يدها
لميس : ماقعد حتى واحد يصدقني في هاذ الحياة لاه ؟؟ لاه انا منحوسة وحقيرة وسافلة ؟ اللي قالو امير صحيح يخي ؟ انا الاسوء
ركحت الفرد وعينيها قريب ينشفو من الدموع
ادم بخوف : لمييس ...
قرب منها ببطء وهو هاز يديه باش يهدئها شوي ماتتهورش اما قلبو كان قريب يخرج من بلاصتو
ادم : لميس حطي من يدك .. ماهوش لعبة
نفات براسها وبدات تضغط على الزناد بالشوي
ادم بهستيرية : لميس لالالالالا عييشك حبيبتي هبطي ال*** من يدك انت ماكيش هكذاك هبطي من يدك عيششك .. ضك نهدرو وععد ضك نسمعلك صدقيني برك حطي ال** من يدك
نزلت المسدس من يدها ورماتولو تبسمت وسط دموعها بنصر بيسك قلبت الموقف لصالحها ورجعتلو وش عطاها
لميس : ما عندي مانفسرلك خاطر ماحبيتش تسمعني من اللول ... قتلك ضك تطلب مني وميش راح نشرح
شاف فيها ادم نظرات قاتلة بيسك فريمون لعبت بمشاعرو قريب حبس قلبو من الخلعة والخوف عليها ، شافت فيه نظرة سخرية واستهزاء وطلعت حاجبها باستفزاز
لميس : نحذرك من ضك ماتستهزاش بيا علابالي بلي غلطت في حقك وحاولت نصحح غلطتي بصح نتا ماحبيتش ... حبيت برك نردلك ولو شوية ملي خليتني نحس بيه اليوم ونظن اني نجحت
تبسمت ابتسامة باهتة وعينيها ذابلين
لميس : تصبح على خير ، وبلغ سلامي لأدريان
دارت متوجهة لغرفتها حست بدوار شديد شافها ادم كي تمايلت زرب حكمها قبل ماتطيح شافت فيه وعينيها رايحن يتغمضو تبسمتلو قبل مايغمى عليها
ادم : حتى في اغمائك تستفزيني
هزها في حملتو وراح يجري بيها للغرفة عيط للطبيبة وهو قريب يهببل خايف تصرالها كشما حاجة بيسك علابالو اللي عاشاتو اليوم ماشي قليل كان حابها تندم بصح في النهاية هو اللي ندم
_____________________
طلت الشمس تعلن على يوم جديد واحداث جديدة بصح ادم مارقد وماشفر عليه من الكلام اللي سمعو من الطبيبة
"سيدي زوجتك مصابة بقر دم حاد بزاااف والحوامل المصابات بفقر الدم تكون احتمالية وفاتهم قبل او بعد الولادة بأيام قليلة اكثر من النساء اللي ميش مراض ، وحماية ليها لازم تداوي مرضها هاذا بصح بزااف صعيبة بيسك جسمها ضعيف مايقدرش يتحمل العلاج ولا تجهض الجنين بما انها مزالت في الشهر الثاني ومزال مافاتش الوقت مزالت احتمالية الاجهاض ممكنة وماشي صعيبة ضك
ادم : واذا مارتاحتش كليا كاين احتمال انها تموت ؟؟
" الاحتمال يحمل الايجابي والسلبي قادرة تكون هك ولا هك ، كاين اللي تعيش هي والطفل واحيانا الطفل واذا كان كاين مضاعفات قادرين يموتو في زوج ... بصح سيدي اذا كملت زوجتك باهمال صحتها هكذا منقدرش نضمن سلامة الجنين ولا حتى سلامتها ، بصح من الافضل تجهض وتحمل مرة اخرى بعد ماتتعالج كليا . وبالطبع هاذي تبقى احتمالات برك كاين اللي ميصرالهم والو بصح اذا كملت بحملها لازم تكون عملية قيصرية تكون بدقة عاالية "
امرها تخرج ومشا للميس اللي كانت راقدة وجهها شاحب وبقاتش بذيك الحيوية
حكملها يدها باس كفها مسح على شعرها وبعدها بطنها وهو يخاطب الللي في كرشها
ادم : سامحني
رجع من ذكرياتو مسح على شعرو بتعب ضرب مكتبو بقوووة قريب كسرو كسر كل حاجة قداامو يعيط على طولو وهو يفكر في واش يدير وقف وشد شعرو بقوة وصدرو يطلع ويهبط يتنفس بسررعة
ناض اتجه للغرفة حل الباب لقاها متكية على ظهر السرير تقرا في رواية ونحات السيروم اللي كان في ذراعها قبل مايخلاص فتح لز على قبضتو بقوة ، زاد يقينو بقرارو ، بيسك كيما قالت الطبيبة اهمالها يقتلها
هزت عينيها فيه شافت فيه ببرود تاام روجعت نظرها لروايتها
ادم بحدة : نوضي البسي قشك
لميس : خير وين رايحين ضك ، والله غار عييت من مفاجئاتك اللي ميخلاصوش
ادم بالعياط : قتتتلك نووووضي البسي قششك وهيا
........يتبع♥♥♥
بنات ديزولي مقدرتش نحطلكم اليوم كانوا عندي ظروف وزيد خلاصو لي بارت المكتوبين لازم نزيد نكتب ، البارت اللي نكتبو راح نحطو
ماتنساوش تخليولي رايكم في البارت هاذا ؟؟ وتوقعاتكم للي جاي ؟؟
فوط + كومنتار
قولولي اذا تحبو الكرونيك تكون طويلة ولا نزرب نخلصها