فوط + كومنتاار
ادم : رايح ننفجججر لمييس ... لميس رايحة تهببلني ... لميس قوليي شكون ....لميس ماتختابريش صبري اذا عرفت لوحدي ميش رايح يعجبك الشي اللي يصرا
لميس والدموع في عينيها : ادم والله ماصرات حاجة ساممحني والله غار كنت خايفة من ردة فعلك برك كي نروح
شاف فيها ببرود راح لادريسنغ ضرب في طريقو مزهرية جابها في الارض
ادم : راكي تفسدي في علاقتنا لميس ... افعالك هاذي رايحة تخليني ندير بزاااف حوايج ميش رايحين يعجبوك
لحقاتو بسرعة وهي تبكي كي شافت يدو اللي سالت بالدم من الضرب
نتر يدو من بين يديها ولبس لافاست تاعو متجاهلها
لميس : ادم وين رايح في هاذ الساعة !! يدك مجروحة .... ادم عيشك ساامحني
ادم بالعياط : مدام راكي مخشنة راسك ماتدخليش فيا
حكمت يدو مرة اخرى وهي تبكي وتحاول تركب جملة مفيدة
لميس : ا.ا.ا.ا.دم انا ...انا
سحب يدو بنترة خلاها تتراجع للخلف قريب طاحت كون ماحكمهاش
ادم : بعععدي عليا مانيش حاب نأذيك
وقفت في الباب عارضتلو الطريق بيديها
............لميس : ادم عيشك انا مادرت حتى حاجة ماشي ملي
ادم : لميييييس بعععدي من وجهي مانيش حاب نغلط معاك
ماحبتش تبعدلو من الطريق هزها وداها للحمام وغلق عليها بالمفتاح وخرج واصلة بيه للتتووب مد المفتاح للخدامة وأمرها تروح تحللها
بقات لميس تضرب في الباب وهي تبكي بيسك اللي صرا كلو غلطتها حاجة ما صرات كيما حابة بدات تبكي بشهقة حتان قريب تقطع نفسها راحت للدرج تاع الفوطات خرجت دوسي تاع حملها شافت الصورة تاع الجنين وضمت اصورة لصدرها بقوووة
لميس : مماك اسفة سااامحني ساامحني يا صغروني مخليتكش تترتاح ليوم ديما نغامر بروحي وبيك مماك ماشي انسانة مليحة مماك زوجة سيئة
مسحت دموعها كي سمعت الباب يتفتح وقفت بسرعة بعد ما كانت قاعدة في الارض رجعت التصويرة للملف بسرعة وماخباتوش بيسك راحت تجري لبرا تحاول تلحقو
---------------------------------
يسوق في الطومبيل بسرعة رايح للملاهي وفي يدو القارو الطروازيام وهو قريب ينفجر من الغضب اما يدو مزالها تنزف كيما كانت
دخل بجبروتو للملهى كل الانظار توجهت ليه راح قعد في الفوتاي اللي في الزاوية قعد كأنو مالك المكان ... واصلا هو هكذاك .. طلب من النادلين يجيبولو طلبو ..... بلاك شي يخفف عليه الام قلبو مسح على وجهو بغضب يمكن كون قعد معاها كون صرا اللي ميش حابو يصرا حكم روحو اخر لحظة
قربت منو مرا لابسة ربع ميترة قماش قعدت بجنبو وهي تهدر بميوعة
" ولات حاجة نادرة نشوفوك هنا بعد زواجك بسبة ريجينا "
(ملي بدات الكرونيك ونتوم تسمعو في كلمة ريجينا والواتباد تاعي مسمياتو اصلا هكذا )
ريجينا : كلمة لاتينية معناه الملكة وهو اللقب الذي أُطلق على زوجة الدون في العالم السفلي
شاف فيها ادم ببرود وهز كاسو شرب منو متجاهل اللي قاعدة متوالو مخليها تغلي في بلاصتها من الغيض والغيرة شافت يدو المجروحة
" ............كيفاه تتجرأ ذيك ال ***** تدير هاذ الشي لدون ال"
مكملتش كلامها عيطت بقوة بعد ماشد ادم بقوووة على شعرها قريب يقلعو ناض من بلاصتو ونوضها معاه وهي تبكي تحاول تفلت من يدو دزها طاحت ع الطاولة بقوة حتان سمع صوت تكسار عضامها
ادم : مزال مخلقش اللي يهين ريجينا ياوحد ال *** اللقيطة
هزتلو راسها بألم وهي تبكي بحرقة هز الكاس اللي كان يشرب منو بيدو المجروحة وكسرو حكم زجاجة منو وهبط لمستواها شدها من شعرها جذبها ليه حطو على رقبتها ويلز حتان سال دمها
ادم : اتولهي لكلامك ملييييح المرة الجاية ننحر الحنجرة اللي خرجت هاذ الكلام
هزتلو راسها بسرعة بإيه وهي قريب تتغاشى من الالم ناض بكل برود شاف في الانظاراللي كانت عليه حتى الغنا وحبسوه كلهم يتفرجو فيهم
ادم : مانيش نقدم في عرض هنا
هبطو كلهم انظارهم كل واحد كمل وش كان يدير ماهمش حابين يكونو هوما الضحية التالية خرج من الملهى ركب الطومبيل وديمارا بعد مدة صونا تليفونو
" دون عرفت وش صرا مع ريجينا "
ادم بحدة : انننطق
______________________
يارا : لاه راكي تديري هكذا لميس .. اتنازلي شوي
لميس : يارا راكي تطلبي مني نتخلى على صحبتي ؟؟ ولا وش قصدك
كانت لميس تهدر وترجف وهي مزالها تحت تأثير وش صرا
يارا بغضب : ضك نتي علاجال صحببتك هاذي تخاطري بكلش في حياتك علاجالها ؟؟؟؟؟؟
لميس بانفعال : ياااارا مايا صحبتي .. صحببتي ميش رايحة نخليها يا لوكان على جثتي
يارا بالعياط : وش مالا على ابنك هااا ؟؟ ماتخمميش فيه ؟ تقمري بحياتو عندك نورمال ؟ كون يطيح من تهوراتك هاذي .... وخويا اللي راكي رايحة تفقديه اعصابو
سكتت لميس بيسك اللي قالاتو يارا صحيح
لميس بهدوء : يارا معلابالكش كم التنازل اللي تنازلتو لخوك متهدريش على حاجة ماتعرفيهاش انت ماتعرفيش شخصيتي الحقيقية ... بيسك مانيش انا الطفلة اللي تقبل تقعد في الدار بلا خدمة وتسكت كيما راني نديرر ضك كنت قادرة نتضارب معاه على هاذ الموضوع حتان ندير رايي بصح مادرتش هاذ الشي علاجالو
يارا : لاه نتي علاباك بالتنازل اللي تنازلو خويا علاجالك ؟ نتي ماتعرفي والو لميس ادم يحاول قدر الامكان يكون مليح معاك
استغربت مايا من ملامح لميس اللي مقطبة حواجبها ثواني وناضت تجري للحمام يدها على فمها استفرغت كامل وش في كرشها حتان قريب تخنقت .. تجرحت حنجرتها حتى خرج الدم من فمها تبعتها يارا بخوف
يارا : لميس ..د.د.م
رمشت لميس بعينيها عدة مرات وهي تحاول تسترجع قوتها
لميس بتعب : برك تجرحت حنجرتي
عضت يارا على شفافها من حالة لميس اللي منين رايحة تتدهور اكيد ملاحظة استفراغها كل يوم والهالات اللي تحت عينيها ووجها الاصفر
يارا : لميس نروح نجيبلك تيزانة سخونة تشربيها ونجي
لميس بابتسامة : ماشي مليح ليا الاعشاب يارا يضروه
يارا : اا صح .... وش رايك بحليب شوكولا سخون
لميس : امممم ديري مزية
راحت يارا ولميس توجهت قعدت في الفوتاي بتعب وهي تمسح على جبهتها تحاول تمنع نفسها من البكا
لميس : كيفاش خلات هرومونات الحمل مني طفلة ضعيفة وبكاية انا ميش هكذا
قاطع تفكيرها تيليفونها يصوني كان رقم بلا اسم هزت
" نتي المدام لوينو لميس ؟ "
لميس : وي شكون معايا
" للاذاعة والتفزة KBS معاك رئيس شركة "
لميس بحماس : بهاذ السررعة ... انعم ايه اني نسمع فيك
" تم طرح الملف تاعك وصراحة مقدرتش نصبر لغدوة باش نعيطلك سبقك الصحافي كان فيه اخبار حصرية واحد ماقدمها بعد غدوة يقدموه في نشرة الاخبار بعد ما يعدلوه "
لميس : صح ؟؟ مارسي ليك معنتها تقبلت عندكم ؟
" هاذا كان السبق الاول اللي ميزك ضمن المرشحين في الدرجة الاولى وضك الشركة رايحة تعطيك موضوع تصوريه واللي لازم KBS يكون حصري بعدها مباشرة ضمن فريق
تبسمت لميس ابتسامة عرييضة فرحانة
لميس : وشنهي هو الخبر الحصري اللي تحوسو نصورو
"كاينة مافيا تقوم بأعمال مشبوهة وتتوزع في اماكن بزاف في لوس انجلوس نحوس على سبق صحفي لواش راهم يديرو"
عضت لميس على شفافها بقوة بيسك حاجة صعيبة حتى انها ماعندها حتى راس خيط ولا حتى منين تبدا
"وباش مانشوشكش ضك نلمحلك ع المكان اللي تجيبي منو السبق
راحت جابت ورقة وقلم تكتب وش يخبرها
لميس : اني نسمع فيك
" مع الساعة 4 فجر رايحة تقوم المافيا بصفقة في مخزن من المخازن القريبة لمنطقة هوليوود وبالضبط في الشارع روديو درايف صوري اعمالهم وذيك الصفقة والبضاعة ثاني"
بلعت لميس ريقها بخوف : بعدها تقبلوني مباشرة ؟
"هذا وش قلبت سيدة لوينو"
لميس : اوكي غدوة يكون عندك
" اني متكل عليك "
كوبا عليها وشاف في اللي واقف متوالو والمسدس موجه ليه
"هكذا ؟"
صحيت هكذا مانقتلكش يكفي موت هاذيك ال **** اللي صرا هنا يبقى هنا صينو مانضمنلكش حياتك : ***
فتحت الباب وخرجت تلاقات مع السكريتيرة اللي تبسمتلها : مرحبا انسة ميرا وش راكي؟؟
______________________
غلقت التيلفون وهي تشوف في الورقة اللي كانت تكتب فيها
لميس بحيرة : اليوم 4 تاع الصباح ... كون يعرف ادم ......... لالالا لميس هاذي هي فرصتك متلقايش كيفها مره الصحافة تتطلب الشجاعة
تبسمت على اخر جملة تفكرت ذكرياتها مع مايا وكيفاه كانت تشجعها
لميس : يااريتك كنتي هنا يا مايا توحششتك
سمعت لميس صوت طومبيل ادم اللي دخلت ناضت تجري للبالكون شافاتو داخل مشات بسرعة للسرير غمضت عينيها تدعي النوم تفكرت امر ملف حملها اللي خلاتو في الحمام راحت تجري قريب طاحت داتو وهي تحاول تخبية وتعض في ضفارها بتوووتر
لميس : ياييييي الورقة نسيتها فوق الطاولة راحت جابتها وهي ترجف من الخوف لا يلحق بيها ادم بقات تطوف في الغرفة تدير في الصفا والمروى وهي تغز في ضفارها
لميس : اععع وين ندييرهم ....في الدريسنيغ
جات رايحة رجعت : لالالا من زهري يخرجو وحدهم
لميس : تحت المخدة ..... ننونونونو علابالي نرقد كي الدب يطيحو ....... في الفاز
راحت تحطهم وحبست : يييي علابالي هنا كون يشوفو ادم يروحو يسلمو عليه من زهري
حلت عينيها على وسعهم كي سمعت صوت خطواتو من الخوف حطاتو فوق الطاولة وحطت فوقو الكتب راحت تجري للسرير وغطات راسها
لميس : اييييي كون يطيحو الكتابات ياااربي واستر
عضت على شفتها وهي تلوم في روحها على غبائها طالقة وذينيها تحاول تسمع كلام يارا وادم اللي ماسمعت منو غار التمتمة
________________
شهقت يارا كي شافت قميص ادم اللي يقططر بالدم لدرجة ما بقات حتى بقعة بيضا فيه
يارا : ادم وش صرا ؟؟
ادم : متخافيش ماهوش دمي ... هاذا دم تاع وحد 4 كلاب سلختهم مليييح وضك اتحركي لشمبرتك
يارا برعب : ادم وش درت ؟؟
ادم : يااارا ماتقلقينيش اتحركي لشمبرتك
هزتلو راسها بايه ومشات لغرفتها وهو دخل للغرفتو وماشعلش الضو توجه مباشرة للحمام اما لميس كانت تشقلب عينيها في الظلمة تحاول تشوف وش يدير
دخل للحمام غسل اللي عليه اما لميس تفكر في خطة محكمة باش تخرج قررت ماترقدش اليوم خاطر علابالها يلا رقدت ماتفطنش لل 4 تاع العشوا
خرج ادم من الحمام غلقت عينيها قب مايشعل الضو راح لدريسينغ لبس قشو كان رايح للسرير صونا تليفونو ريبوندا وخرج للبالكون وغلق البورت بالكو باش ماتسمعوش لميس خاطر علابالو بلي ميش راقدة ووش يفضحها هو طريقة نومها كيما الاميرات
سراج : ادم اليوم كاينة صفقة وعملية تسليم البضائع ع 4 تاع الصباح
ادم : اتكفل بيها نتا انا مانيش جاي
سراج : اوكي ماتحيرش روحك
ادم : اذا لقيت الفيران تتجسس عليك اقتلهم كي العادة
سراج : ولاه كاش نهار خلينا صحافي حي ؟
ادم : اني متكل عليك مالا مالزمش نخسرو هاذ الصفقة
سراج : كلشي راح يكون مريقل ماخسرناش 10 سوايع في لاس فيغاس باطل
..........يتبع♥♥♥
توقعاتكم ؟؟
افرحو البارت اللي مستنينو قرررررب طلعولي هاذ البارت نزيد نحطلكم