"ကွန်း ငါတို့ဘယ်နေ့ပြန်ကြမလဲ"ဟိန်းမြတ်ကမေးခြင်းဖြစ်သည်။
"ပြန်တော့မလို့လားကွ သုံး လေးရက်လောက်မနေတော့ဘူးလား"ရတုကပြန်မေးခြင်းဖြစ်သည်။
"အေးလေ သုံးလေးရက်ထိတော့မနေတော့ဘူးလေကွာအလုပ်တွေကရှိသေးတာကို တစ်ရက်နှစ်ရက်လောက်တော့နေဦးမှာပါ"
"အေးလေ ငါလဲအလုပ်လုပ်ရဦးမယ်"ကွန်းကလဲဝင်ထောက်သည်။သူတို့လဲနေချင်သေးပေမယ့်အလုပ်တွေကရှိနေသေးတယ်မလား
"အားရင်အားသလိုလာကြရအောင်လေမင်းကလဲ"ဟိန်းမြတ်ကဝင်ပြောသည်။
"အေးပါဟုတ်ပါတယ်အဲတာလဲ ငါဖြင့်လေဖြစ်နိုင်ရင်ဒီမှာပဲအခြေချနေလိုက်ချင်တော့တယ်ကွာ"ရတုကပြောလေသည်။တကယ်လဲဒီနေရာလေးကနေသူမပြန်ချင်သေးပါ
"အံမယ် မင်းကဒီစကားတွေဘာတွေတောင်ပြောလို့ပါ့ရော မင်းတောင်ရင့်ကျက်လာပြီ"ကွန်းကရတုကိုစလိုက်လေသည်။
"ငါကရင့်ကျက်ပြီးသားကွ မရင့်ကျက်ချင်ယောင်ဆောင်နေတာ"
"ဟုတ်ပါပြီကွာ"
"မင်းကဒီမှာအခြေချချင်တယ်ဆိုတော့မင်းမှန်မှန်ပြောစမ်း"
"ဘာလဲ"
"မင်းဒီကတစ်ယောက်ယောက်နဲ့တွေ့နေပြီမလား"ဟိန်းမြတ်ကစလိုက်လေသည်။
"အေးဟုတ်တယ်ကွ"ရတုကလဲအတည်ပေါက်ကြီးနဲ့ပြန်ဖြေသည်။
"ဒါဆိုဘယ်သူလဲပြောစမ်း မင်းကလျှိုထားတာငါတို့တောင်မပြောဘူး"
"ကိုသူခန့်လေ တအားချောတာကွညိုချောလေး ငါဖြင့်လေကိုသူခန့်ကိုမြင်ကထဲကချစ်မိသွားတာကွာ ကိုသူခန့်ကိုမြင်ရင်ကိုရင်ဘတ်ထဲကကောင်ကတအားခုန်လာတာကွ"
"တယ်....ဒီခွေးသူတောင်းစား!!"
ဟိန်းမြတ်ကဒေါသတကြီးထအော်သည်။အစကအဟုတ်မှတ်လို့နားထောင်နေတာဒီကောင်ကသူ့ချစ်သည်းကိုလာစနေတယ်။
"ငါတော့အဟုတ်မှတ်လို့ မင်းနောက်တစ်ခါထပ်ပြောရင်ကြိုက်တဲ့အခေါင်းရွေးထားလိုက်"
"ငါ့သားရယ်အဖေကသားမက်လေးကိုချစ်လို့စတာကို အဲလိုကြီးမနောက်ရဘူးလေဖေ့သားကြီးရဲ့"ရတုကစပ်ဖြဲဖြဲနဲ့ပြောလေသည်။
"အေးလေကွာမင်းကလဲဒီကောင်သက်သက်မဲ့စနေတာသိရဲ့သားနဲ့ဒေါသထွက်နေတယ်"ကွန်းကလဲဝင်ဖြန်ဖြေသည်။
"ဒီကောင်မလို့ပေါ့ကွ တခြားကောင်ဆိုရင်လဲမင်းလိုစကားပြောခွင့်တောင်ရနေမှာမဟုတ်ဘူး"
"ဟုတ်ပါပြီကွာ စတာကိုမင်းကလဲငါလဲကိုသူခန့်ကိုမကြိုက်ပါဘူး စတာ နောက်တာ ချစ်လို့စတာ ဟဲဟဲ"
"ဟွန့်"ဟိန်းမြတ်ကမျက်စောင်းထိုးသည်။
"ဒါဆိုငါတို့ပယင်းတို့ကိုလဲပြောသင့်တယ်မဟုတ်ဘူးလား"ကွန်းကမေးသည်။
"အေး ပြောမှာလေ နေပါဦး ကိုသွေးသစ်ကိုပယင်းလို့ခေါ်ရအောင်ဟိုကမင်းထက်အကြီးနော်"ဟိန်းမြတ်ကပြောလေသည်။
"အေးလေ ရွယ်တူကြလို့ပယင်းတဲ့ခေါ်တာများ"ရတုကလဲဝင်ထောက်ခံသည်။
"မကြီးပါဘူးသေးသေးလေး ငုံ့ကြည့်နေရတာ ပြီးတော့ငါ့ထက်အသက်ကြီးတယ်သာပြောတာပါကွာရုပ်ကကလေးရုပ်လေး"ထိုစကားပြောတော့ကွန်းမျက်နှာကပြုံးယောင်သန်းသွားလေသည်။
"အဟင်း အဟွန်း အဟမ်း ပျားရည်တွေရမယ် ကြံသကာတွေရမယ်ဗျို့"ရတုကရွှတ်နောက်နောက်နဲ့ဝင်ပြောသည်။
:ဘုတ်
အကျိုးဆက်ကတော့ခေါင်းအုံးနဲ့အပေါက်ခံလိုက်ကခြင်းဖြစ်သည်။
"ဟေ့ကောင် မနောက်နဲ့ မနောက်နဲ့"ကွန်းကပြောလေသည်။
"အဟင်း အေးပါကွာ"
_____________________________
:ဒေါက်
:ဒေါက်
"ကျွန်တော်တို့သွားရအောင်ရအောင်ဗျ"
"လာပြီဗျ"
"ဟေ့ကောင်ဘယ်သွားမလို့လဲ"ရတုကမေးလေသည်။
"ပြခန်း"
"ဟင် နေဒီလောက်ပူနေတာကိုညနေမှသွားကြပါလားကွာ ပူကပူနဲ့"
"ဟာ ဒီအချိန်ချိန်းထားလို့ကွာ သွားပြီဒါပဲ"
"အေးအေး ပြန်လာရင်မုန့်ဝယ်ခဲ့နော်"ရတုကခါတိုင်းလိုမှာသည်။
"အေးအေး"
"မင်းကလဲကလေးလား ပြန်လာရင်မုန့်ဝယ်ခဲ့မှာရအောင်"
"ကလေးပဲလေသူများတွေလိုလူပျိုစိတ်မှမဝင်သေးတာကလေးပဲပေါ့"
"ဟေ့ကောင် အဲတာပုံမှန်ပဲကွမင်းကမှပုံမှန်ဟုတ်မနေတာ"
"ဗက်ဟက်ဟက်"
"ဪ ပြီးပြီလားကွန်း"
"အွန်း ပြီးပြီ"
:ပြခန်းသို့ရောက်သော်
"ကွန်းကဒီဓာတ်ပံုတွေတအားကြိုက်တာထင်တယ်နေ့တိုင်းနီးပါးကိုကြည့်နေတာ"
"အင်း ဟုတ်တယ်အထူးသဖြင့်ခင်ဗျားဓာတ်ပံုတွေပိုသဘောကျတယ်"
"အယ် ဟုတ်လား ဒါဆိုအပြန်ကြကွန်းကိုကျွန်တော်မုန့်ဝယ်ကျွေးရမယ်ကျွန်တော့်ပုံတွေသဘောကျတယ်ဆိုလို့"
"ခင်ဗျားကကျွန်တော်မုန့်စားချင်လို့မြှောက်ပြောတယ်ထင်နေတာလား"
"အယ် အဲလိုမဟုတ်ရပါဘူးဗျာစိတ်မဆိုးလိုက်ပါနဲ့ကျွန်တော်ကဒီတိုင်းသဘောကျလို့စလိုက်တာပါဗျာ စိတ်တော့မဆိုးလိုက်ပါနဲ့ဗျာ"
"မဆိုးပါဘူးခင်ဗျားကအဲလိုထင်နေမှာစိုးလို့ပြောပြတာ"
"ဪ ဟုတ် ဟုတ်ကဲ့ပါ"
"ဒါဆို ကွန်းဓာတ်ပုံတွေကြည့်နေနှင့်လေကျွန်တော်ကိုစိုးနဲ့စကားပြောစရာရှိလို့ခနသွားလိုက်ဦးမယ်ဗျ"
"ဪ ကျွန်တော်နဲ့အတူမကြည့်ဘူးလား"
"မကြည့်တော့ဘူးဗျ ဒီပုံတွေကကျွန်တော်ပြခန်းလာတိုင်းမြင်နေကြဆိုတော့လေ"
"ဪ ကျွန်တော့်ကိုစိတ်ဆိုးသွားတာမဟုတ်ဘူးလား"
"ဗျာ"
"မဟုတ်ဘူးလား ခုနကကျွန်တော်ပြောလိုက်တဲ့ကိစ္စကိုစိတ်ဆိုးသွားတာလားလို့"
"အာ မဟုတ်ရပါဘူးဗျာကျွန်တော်ကတောင်ကွန်းကျွန်တော့်ကိုစိတ်ခုမှာစိုးနေတာကျွန်တော်ကကွန်းကိုစိတ်မခုပါဘူးဗျ"
"ဟုတ်ပါပြီဗျာ ဒါဆိုသွားလေကျွန်တော်ကြည့်ပြီးရင်လာခဲ့မယ်"
"ဟုတ် ကျွန်တော်ဟိုနားမှာပဲရှိနေမယ်ဗျ"
"ကောင်းပါပြီ"
___________________________
"ပယင်း"
"ဪကြည့်လို့ပြီးပြီလားကွန်း"
"ပြီးပြီဗျ"
"ဒါဆိုသွားရအောင်လေ ကိုစိုးကျွန်တော်တို့ကိုခွင့်ပြုပါဦးဗျ"
"ကောင်းပါပြီငါ့ညီရာ ဂရုစိုက်သွားနော်"
"ဟုတ်ကဲ့ဗျ"
"ကွန်း ဟိုတယ်တန်းပြန်တော့မှာလား"
"အင်းလေ သွားစရာမှမရှိတာပယင်းကဘယ်သွားမလို့လဲ"
"သွားစရာတော့မရှိပါဘူးကျွန်တော်ကွန်းကိုမုန့်ဝယ်ကျွေးချင်လို့"
"ဪ"
"စားမယ်မလားဟင်"
ကွန်း ပယင်းမျက်နှာကိုကြည့်လိုက်တော့မျက်နှာလေးကသနားစဖွယ်မျက်နှာလေးနဲ့ကွန်းမုန့်လိုက်စားမှာကိုမျှော်လင့်နေပုံပေါ်သည်မှာမျက်နှာမှာအထင်းသားပေါ်နေသည်။
"အင်း ကျွေးမယ့်သူကစားစေချင်နေတော့ကျွန်တော်ကစားရမှာပေါ့"
"ဟုတ် ဒါဆိုလိုက်ခဲ့နော်"ဆိုပြီးကွန်းလက်ကိုဆွဲခေါ်သွားလေသည်။
:ဒုတ်
:ဒုတ်
:ဒုတ်
ကွန်းရင်ဘတ်ထဲကကောင်ကတဒုတ်ဒုတ်ခုန်နေသည်ကိုတော့လျစ်လျူရှုထားလိုက်လေသည်။
"အဘွား ကျွန်တော်တို့ကိုမုန့်ပြားသလပ် ၄ချပ်ပေးပါဗျကြက်ဥနဲ့နော်"
"အေးအေးလူလေးအရှေ့မှာမှာထားတာတွေရှိတော့စောင့်ရဦးမယ်ကွဲ့"
"ဟုတ်ရတယ်အဘွား"
"ကွန်း ဗိုက်ဆာနေပြီလား"
"မဆာသေးပါဘူး"
"ဟုတ် ခနစောင့်ရဦးမယ်တဲ့ကွန်းမှဗိုက်အရမ်းဆာနေရင်တခြားဆိုင်ပြောင်းမလားလို့ပါ"
"ဪ ရပါတယ်စောင့်လိုက်ပါ့မယ်"
"ဟုတ်"
:ခနကြာသော်
"ကွန်း ဒီမှာနှစ်ချပ်ရပြီဗျ စားနည်းသိလား မသိရင်ကျွန်တော်ပြမယ်"
"အွန်း ကျွန်တော်မသိဘူးပြပါဦး"
"ဒီလိုလေးဖဲ့လိုက်ပြီးရင်ဒီမှာဆီခွက်တို့ပြီးရင်ဒီမှာအချဉ်ရည်အဲတာလေးနဲ့ထပ်တို့ပြီးစားရုံပဲ"
"ဒီလိုဖဲ့ရမှာလား အ!"
"ရလား လက်ပူသွားပြီထင်တယ် ဖယ် ဖယ်ကျွန်တော်လုပ်ပေးမယ်"
"ရော့ဒီမှာဖဲ့ပြီးပြီကွန်း"
"ကျေးဇူး"
"ကောင်းလားဗျ"
"အင်း ကောင်းသားပဲအချဉ်ရည်ကတော့တော်တော်စပ်တယ်နော် ဟူးးး"
"ဟုတ်တယ်ဗျ ကွန်းမစားနိုင်ရင်အရမ်းမစားနဲ့နော်ဗိုက်နာမယ်"
"ကောင်းပါပြီ ခင်ဗျားလဲအရမ်းမစားနဲ့ဦးစပ်တယ် ခင်ဗျားစားတာကြည့်ရတာတော်တော်လေးစပ်မယ့်ပုံပဲ"
"ဟဲဟဲ ဒါကျွန်တော်စားနေကြဗျကိစ္စမရှိဘူးဒီလောက်က"
"တော်တော်လဲအစပ်ကြိုက်တဲ့လူ"ဒါကတော့သွေးသစ်မကြားအောင်တိုးတိုးပြောလိုက်ခြင်းဖြစ်သည်။
:နောက်တစ်နေရာသို့ရောက်သော်
"ဒါကရောဘယ်ဆိုင်လဲ"
"မုန့်လက်ဆောင်ဆိုင်လေ ခုနကကွန်းအစပ်တွေစားထားတော့စပ်နေမှာစိုးလို့အစပ်ပြေကျွေးတာ"
"ဪ သူ့ဟာနဲ့သူတော့ဟုတ်နေတာပဲ"
"ဟုတ်တယ်ဗျဟီး အမကျွန်တော်တို့ကိုမုန့်လက်ဆောင်နှစ်ခွက်ပေးပါဗျ"
"ဟုတ်ပြီမောင်လေး"
"မင်းကလဲကွာငါ့သူငယ်ချင်းဖြစ်ပြီးညံ့လိုက်တာ ဒီကောင်မလေးတစ်ယောက်တောင်မချုပ်နိုင်ဘူးလား"
"အောင်မယ် မင်းကအဲလိုပြောရအောင်မင်းကြရောရည်းစားဘယ်နှယောက်ရှိလို့လဲ ခုထိရည်းစားတစ်ခါမှမထားဖူးတဲ့ကောင်ကများငါ့သာအကြံတွေပေးနေတာမင်းရည်းစားထားတာငါဖြင့်ခုထိမမြင်ဖူးသေးဘူး"
"ဟေ့ကောင် နည်းပြတွေကကိုယ်တိုင်မကန်ဘူးကွငတုံးရ"
:ခွီး
သွေးသစ်ဘေးနားကပြောနေတဲ့သူ့အရွယ်လူနှစ်ယောက်ကြောင့်ခပ်တိုးတိုးရယ်မိသည်။
"ပယင်း ဘာတွေရယ်နေတာလဲ"ကွန်းကကြားလိုက်၍မေးလိုက်လေသည်။
"သဘောကျလို့ ခွီးးး"
"ဘယ်သူ့ကိုလဲ"
"ဘေးကလူကို"
"ဟင် ခင်ဗျားကယောကျာ်းချင်းစိတ်ဝင်စားတာလား"
:ဖူးးးး
သောက်နေတဲ့သွေးသစ်ပါးစပ်ထဲကမုန့်လက်ဆောင်ဖက်တွေတောင်ပြန်ထွက်ကုန်သည်။ဘယ်လိုတွေတောင်မေးလိုက်တာလဲကွန်းအသင်္ချေရယ်။တော်သေးတာပေါ့ဟိုလူမကြားလိုက်လို့"
"မဟုတ်ရပါဘူးဗျာ ကျွန်တော်ကသူတို့ပြောတာကိုသဘောကျတယ်လို့ပြောတာပါသူ့ကိုသဘောကျတာမဟုတ်ပါဘူး"
"မသိဘူးလေခင်ဗျားကပွင့်ပွင့်လင်းလင်းမှမပြောတာ"
"ဟုတ် ကျွန်တော်မျိုးမှားတာပါဗျာ တောင်းပန်ပါတယ်မရှင်းလိုက်ရင်"
"မလိုပါဘူး"
_____________________________
"ကဲ ကျွေးချင်တာတွေလဲကျွေးပြီးပြီးဆိုတော့ကျွန်တော်ပြန်လိုက်ပို့ပါ့မယ်"
"ကျွန်တော်မောင်းမယ်"
"ဗျာ"
"ဆိုင်ကယ်ကျွန်တော်မောင်းမယ်လို့"
"ကွန်းကမောင်းတတ်လို့လား"
"အထင်သေးလိုက်တာခင်ဗျားရာဟိုမှာဆိုကျွန်တော် Yamahaနဲ့ပဲသွားလာနေတာ"
"ဪ ဆောရီးပါဗျာကျွန်တော်ကအဲလိုပြောတာမဟုတ်ပါဘူးဒီလမ်းတွေမောင်းတတ်လို့လားလို့မေးတာပါ"
"ခင်ဗျားကအနောက်ကလမ်းပြောလေ ကျွန်တော်ကရှေ့ကမောင်းမှာပေါ့"
"ဟုတ် ကောင်းပါပြီ"
"သေချာဖက်ထား ပြုတ်ကျနေမယ်"
"ဟုတ်"
"သွားတော့မယ်နော် သေချာဖက်ထားလား"
"ဟုတ် ဖက်ထားပါတယ်"
ဖက်ထားတယ်လို့သာပြောနေတာလက်ကသူ့အင်္ကျီစကိုသာမထိတထိကိုင်နေလေသည်။ထို့ကြောင့်လက်ကိုဆွဲယူပြီးခါးကိုသေချာဖက်ခိုင်းလိုက်သည်။ပြီးမှမောင်းတော့သည်။
'ဟာ လုပ်ပြီကိုယ့်အကြောင်းကိုသိလို့တမင်အင်္ကျီစပဲကိုင်ပါတယ်ဆိုအကုန်ပေါ်ကုန်မှဒုက္ခ။'ရင်တွေကအစမတန်တုန်နေသလိုပျော်လဲပျော်ရသည်။သူ့မောင်းတဲ့နောက်မှာသူ့ခါးကိုဖက်ပြီးရှုခင်းတွေကြည့်ရင်းညနေအလှကိုကြည့်ရတဲ့ခံစားချက်ကဘယ်လိုစကားနဲ့ဖော်ပြရမှန်းမသိအောင်ကိုကြည်နူးရသည်။
:ကျွီ
"ကဲ ရောက်ပြီဗျ"
"ဒါဆိုကွန်းကောင်းကောင်းအနားယူပါဗျ"
"နေဦး" နေဦးဆိုကာသူ့လက်ကိုဆွဲထားတဲ့သူ
"ဘာပြောမလို့လဲဗျ"
"ကျွန်တော်တို့နောက်နှစ်ရက်နေပြီးရင်ရန်ကုန်ကိုပြန်တော့မှာအဲတာပယင်းကိုအသိပေးချင်လို့"
"အာ ဟုတ်လား ဒါဆိုရန်ကုန်ကိုအပြီးပြန်တော့မှာပေါ့နော်"
"အင်း ဒါမဲ့အားရင်အားသလိုလာလည်မှာပါ"
"ဪ ဟုတ်ကဲ့လာခဲ့ပါဗျ"
"ကောင်းပါပြီ ဪ ပြီးတော့မေးစရာရှိသေးတယ်"
"ဘာများလဲဗျ"
"ခုနကကိစ္စလေ"
"ဘယ်ကိစ္စလဲဗျ"
"မုန့်လက်ဆောင်ဆိုင်ကကိစ္စလေ ခင်ဗျားယောကျာ်းလေးတွေကိုစိတ်ဝင်စားလား"
"ဗျာ"
"ဘာမှမဟုတ်တော့ဘူး ထားလိုက်တော့ကျွန်တော်သွားတော့မယ် ခင်ဗျားလဲပင်ပန်းလာတာကောင်းကောင်းအနားယူလိုက်ပါဦး"
"ဟုတ်ကဲ့ပါဗျ ဒါဆို gnနော်"
"အင်း gnမနက်ဖြန်ဖုန်းဆက်လိုက်မယ်"
"ကောင်းပါပြီဗျ"
#အပေါ်ကမုန့်လက်ဆောင်ဆိုင်ကလူနှစ်ယောက်ပြောတဲ့စကားလေးတွေမူရင်းပိုင်ရှင်ကို #crd
ပေးပါတယ်ယူသုံးထားတဲ့အတွက်ပါ