فوط + كومنتار
بدا يغلق في ازرار قميصو وهو يطل عليها مرة اخرى من البالكون شافها تهدر مع روحها وناضت هزت الماعن بقى يتمعن فيها وهو يهمس
ادم : مختلفييين مرره
وهاذ الشي صحيح لأنو لميس طيبة وحنينة بريئة وهو القسوة بحد ذاتو حاد الملامح غار معاها .... هي تتهلا في الكل حتى اللي ماتعرفوش تعاونو ... تخلي الناس تحبها ..... عكسها هي هو يقتلهم ... يجبرهم يحترموه كل حاجة فيهم متناقضة مع لوخر
دخلت للغرفة دار ليها قلبت عينيها بغضب مشات باتجاه السرير تهز الغطا اللي كانت متغطية بيه فززعت كي حست بيه يحضنها من الخلف فاجئها ببوسة على عنقها رعشتها
ادم : سامحيني
ماسمعش جوابها دورها ليه لمح ملامحها المعقودين فهم اللي مدية منو موقف
ادم : ماديتش نوم كافي وكنت عيااان بزااااف اثر على اعصابي ديزولي
قالها وهو يطبع في بوسة خلاف في عنقها بحب ماقدرتش تقاومو طلقت حلوقها للضحك على افعالو
لميس : خههههه سامحتك
ادم :ملييح
عطاها ربطة العنق تاعو باش تعدلهالو ضحك لحجمها الصغير نزل شوي لمستواها
لميس بحدة : ماتشربش وماتتكيفش واتهلللى في رووحك وررررررد بااااالك تشوف في البنات الجميلات ثما
رفعت شعرها بغرور : اصلا الجمال الروسي أفضل
ادم : غرتي ؟؟
لميس بتوتر : لا
سكتت شوية مبعد هدرت كي شافت ابتسامتو
لميس : لاه نغير عليك ؟؟
ادم : بلاك كي راني رايح لمدينة الخطيئة
لميس : ومبعد وانا وش دخلني
ادم بمكر : وش يصرا بفيغاس يبقي في فيغاس
جبداتو من ربطة العنق تاعو بقوة : جرب سعدك وتشوف لميس القد.........
قاطعها بقبلة قوية مابعدش عليها حتان حس بحاجتها للاكسجين
ادم : قبلة الذهاب
شاف فيها نظرة اخيرة يشبع بيها وخرج
♠عشقها بكل وش فيها من محاسن وعيوب قادر تبانلكم حاجة تافهة وحبو مبالغ فيه بصح ادم يعشق اي تصرف منها حتى لوكان ماشي مليح هو لضك موش مستعد يخبرها ولا بالاحرى موش رايح يخبرها اطلاقا بيسك ملازمش تعرف اي حاجة على خدمتو ولا جانبو بيسك اذا عرفت راح تتبدل بزااااااااااف اموور
♠ هي ماتعرف واالو بصح هاذ الشي مايعنيش انو واحد مايعرفها شكون هي ... زواجها من ادم كان صدمة كبييرة للناس اللي تعرف ادم وكتابة اسمها بجانب اسمو ونسبو رجع منقوش ع الحجر ... رجع كل العالم السفلي يعرفها كزوجة للدون وسيدة قصرو والخط الاحمر للشبح
..................................
لمحت طومبيلو تخرج من القصر قفزت بفرحة راحت تجري لغرفة يارا تجيب الكاميرات اللي كانت مخبيتهم عندها بدات تركب في كلشي وحطتهم في الساكودو تاعها ودات معاها كاميرا صغيرة وردي في حالة اذا ما صادفت حاجة عجبتها
هزت تيلفونها وتربعت فوق السرير تتصل بالشركة
" ألو شركة KBSشكون معايا ؟؟ "
لميس : سلام انا لميس كانغراس ... نن نن قصدي لميس لوينو دفعت الدوسي تاعي من قبل باش نسجل في شركتكم وكان شرط القبول اني نجيبلكم سبق صحافي حصري ... اسكو العرض مزال قائم؟
" وي مادموزال راح يتم قبولك مباشرة بعد ما تحضري السبق تاعك وهاذ العرض تخلاص الصلاحية تاعو حتان السمانة الجاية "
لميس : اوكي ... مارسي ضك نجيبو قبل مايخلاص
كوبات عليها وهي تهدر بغيض
لميس : لميس لوينو ؟؟ يععععع ماخرجش النسب على اسمي اطلاااقا
ناضت راحت للدريسنغ تجبد وش تلبس وهي حايرة هزت شوي لبسات وهي تتفرج فيهم
لميس : كون نروح بهاذي يذبحني ويسلخني ويشنقني حتى الموت قصار بزاف
جات رايحة ترجعهم مبعد قطبت حواجبها باستغراب
لميس : منين رايح يشوفني اصلا يخي لاس فيغاس بعيدة ............. ديجا من وكتا وليت نخاف منو انا ؟؟ بالاصل من وكتا كنت نهتم بطول لبستي ؟؟ حق ربي غار نلبس هاذي
سرحت شعرها ودارت سوغتات روج دارت شوي ماسكارا وغلوس شافت روحها في المراية
لميس : كون يطل عليا مسيو ادم يقطعها على لحمي
حكمت هبطت الجيب شوي هزت الساكودو تاعها والكارت بونكار اللي عطاهالها ادم خرجت من الغرفة بهدوء .... وهاهي ضك رجعت لميس لعاداتها القديمة
لميس : عندي وقت مهربتش لازم نوخذ حذري
غلقت باب غرفتها بالمفتاح باش توهم الخدم بلي مزالت الداخل نزلت الدرج بحذر وصلت لاخر درجة سمعت كلام بعض الخدم راحت تجري دخلت لغرفة غسيل الملابس باش تتخبا بصح لسوء حظها كي العادة الخدامات الزوج كانو متوجهين لنفس الغرفة تخبات ورا الريدوات وتكورت حول نفسها ورا الماشينا
تعبت وهي بذيك الوضعية والخدامات مزالو يهدرو جبدو السوجيات كاامل حتى جبدوها هي وادم في السوجي يمدحو فيها ويهدرو على تغير ادم
لميس بهمس : هووووف اخرجو يرحم باباكم عييت
فاتو دقايق سمعتهم خرجو خرجت هي ثاني من بلاصتها
لميس : اووو الحمممد لله
حطت يدها على كرشها تمسح عليها
لميس : كون ماجيتش هنا كون سوطيت من التاقة كيما اخر مرة خيرمن هاذ الشقوة
ربتت على كرشها بخفة : اسمحلي صغروني مماك مهبولة
حلت الباب وهي مزالت على نفس الانتباه كانت رايحة تزرب في مشيتها تخبطت في مزهرية كبييرة كانت راييحة تطيح حضنتها بقووة حتى جسمها ميتقارنش بذيك المزهرية
لميس : الله يسترك ماتطيحيش عييشك
رجعتها لبلاصتها بصعوبة
"شكون هنا ؟؟؟؟ "
تخبات ورا المزهرية وغطات فمها بيدها تدعي في ربي ماتجيش مشات الخدامة باتجهها قربت توصل عيطتلها صحبتها
" هيا لينا مزالت الخدمة لروسنا تستنا فينا "
تنهدت براحة كي راحت كانت تتسل كي السراق في دارها دخلت للصالون خرجت من البورت بالكون جات في الجاردان بدات تزرب في خطواتها تتجنب الجري تحاول تتجنب الحراس قدر الامكان سمعت نباح الكلاب بلعت ريقها بخوف وكملت تمشي بلا ما تشوف خلفها وصلت للبوابة الخلفية شافت 4 حراس ثما وزوج ماشين جيهة الكلاب
لميس : ااااربي ذاك الزهر
نحات الساكودو تاعها ورجعت للخلف تتخبى خلف الشجيرات
لميس : آآآآآآآآآي
تاوهت بألم من خدشات جذوع الشجيرات ذوك مخليين ذراعها مخدووش هزت الحجر من االارض ورماتو في الجهة المعاكسة تاع الحراس واكزاكت ع الكلاب اللي قوا صوت نباحهم راحو الحراس يجريو يتفقدو البلاصة علقت الصاكودو تاعها مرة اخرى وراحت تسرع في خطواتها وخرجت بسررعة وهي تنحي في ورق الشجر والجذوع تاعها من شعرها
لميس : واخيرا ......... واخيرا
______________________
تأفف أدم بغضب وهو يمسح على شعرو سقساه سراج اللي كان هو يسوق
سراج : خير وش كاين ؟
ادم : هربت لميس من القصر
سراج : شكون قالك ؟
ادم : مدايرها جهاز تعقب في تيليفونها
سراج : ههههه ماشوكاتنيش هاذي قدما شوكاتني ردة فعلك الهادئة مقارنة بردات فعلك اللي نعرفهم وسيرتو كي يكون الموضوع يخصها
ادم : مانيش حاب نضغط عليها لأنو هاذي هي شخصيتها المتمردة
سراج : هههه تسما نفهم منك انك ماتقلقتش من تصرفها
ادم : بالعكس اني رايح نكلاطي ضك بصح راني صابر عليها بزاااف مانيش حابها تعرفني كأدم اللي تعرفوه نتوم بيسك متأكد رايحة تكرههني
سراج : وضك وش رايح تدير .. مانيش نحرض فيك بصح اذا فوتهالها راح تحسب بلي صح ماعلابالكش وتتمادى كثر
ادم : علاابالي وش راني ندير مي ندير روحي معلاباليش ونشوفها وين توصل
سراج : ياااو العشق ... العشق
______________________________
قبل ماتروح لميس لوجهتها مشات لجينيكولوغ تتأكد من صحة جنينها ..... عطاتلها الطبيبة بعض الادوية وفيتامينات وطمنتها على ابنها وخبرتها اللي نموو مليح
لميس : ولاه ميكونش مليح عيشك خاطر ابنو
الطبيبة : عفوا ؟؟؟
لميس : هههه والو والو
شكرت الطبيبة بامتنان وخرجت شرات لاكرام في طريقها ومشات تحوس على اخبار حصرية باش يقبلوها .... لأنو اذا قبلوها تقدر تبحث في قضية مايا بأريحية ومأمن كي مالقات بيها وين راحت للمطعم وين كانت تخدم لأنو بلاصة مناسبة باش تستمد منها الاخبار الاغنياء والمشاهير يجيو لذاك المطعم دخلت لبست مريولها بلاما يشوفها المدير لأنو اصلا هي مطرودة خطفت شوي مشاهد وتصاور وخلصتها بمضاربة مع صاحب المطعم
لميس : ايييه كيفاش صاريلك دير شوي خير في حياتك تلقاه في قبرك غدوة قتلك لازم نصور باش ندخل لللخدمة ياك حاب تتهنى مني خليني نصور
ماجا يرد عليها كانت ديجا هي خرجت شافت في ساعتها بصدممة كي دارت الروطار رجعت بالسرعة للدار ماجات تدخل غرفتها حتان شابت رمات روحها فوق السرير ونشرت يديها ورجليها بتعب مغمضة عينيها قاطعها صوت التيليفون كي صونا هزاتو تشوف شكون
لميس : وييييليي اددددم يعيط وش ندير ضك ؟؟
ناضت تطوف في الغرفة دير في الصفا والمروة وهي تعض في ظفارها
لميس : ايي واقيلا عرف بلي هربت ياااربي واستر يااا ربي واجعلها بردا وسلاما يااربي وارحمني
...........يتبع ♥♥♥