افضل بارت عندي 😍😂😂
لميس وهي تبكي : بعد عليا بععععد نتا مستحيل تكون بابا روح ت **** بنتا بصورادك
ضحك سامر بحقد وهو يكمل في ضربو ليها
سامر : ماتوقعتش منك توقعي لادم ياوحد ال*** اللقيطة ضك يعلمك باباك معنى الاستهزاء بيه ملييح
عيط على رجالو دخلو حلت لميس عينيها بصدمة نزلت دموعها الغالية من عينيها كي الشلال بعد وش قالو هاذ الشخص اللي يتسما بااباها ميش مأمنة اللي أب يدير لبنتو هاذ الشي
سامر : ديرو بيها وش تحبو ماترحموهاش مايهمش تبقى حية ولا تموت
بدات لميس تهدر وهي تبكي بحرقة : وشمن اب نتا يا ** اني بنننتك من لحمك ودمك وش راك تقوول ؟ يلا ماكنتش اب ليا ع الاقل كون انسان ... تخلي بنتك بين يدين رجال حقيرين مايسواوش وتأمرهم يغتصبوني ؟ اسمع اذا كشما صرالي صدقني ادم ميرحمكش اذا نتا ما حميتنيش كاين اللي يحرق العالم علاجالي والله غار يخليك تذوق اسوأ من الموت نتا ورجالك المخنثين هاذو
ضحكو كل الموجودين على كلامها وحتى باباها ميت بالضحك
سامر : هههههههه في حياتي شفت واحد يدير في روحو كونفيونس لهاذ الدرجة هو مايقدرش يوصل ليا وثاني كيفاش ينتقم لحثالة كيفك ما يقدر يدير والو يعرف غار ينفذ اوامر والديه عكسك نتتتي
سكت لفترة وبعدها وجه كلامو لرجالو : شهية طيبة
لميس : لاااااااااااااااااااا
بدات لميس تبكي وتعيط بهسيتريا وذكريات الماضي كلات عقلها وهي تتخبط في هاذ الكرسي تحاول تتحرر منو
نوصفلكم حالة ادم ضك كسر كلللشي في الطيارة متوالو رايح يهبل من الشي اللي سمعو وهو يقسم اللي يكسر كل عظمة في سامر كرره المسافة اللي بين ايطاليا وامريكا وهاذ الطيارة اللي تقول تمشي ع البيض كون صاب طاار هو ضرب الطابلة تاع الزجاج اللي متوالو بيدو وهو يسمع في بكاها المرير اللي ديما كانت دمعة وحدة تسقطلو جبروتو مايقدر يدير والو متوال دموعها يحرقوه هو في بلاصة مايحرقو خدها سيرتو وهو علاابلو اللي ماتبكيش ودمعتها غالية عليها ادم عشق لميس لدرجة الجنون مايحبش نسمة الهوا تقيسها بأذى مابالك اذا ضربها واحد ومد يدو عليها وهو اللي جامي مس شعرة منها يجي واحد مايسواش يضربها ويزيد يبكيها صوت عياطها عذبو عذاااب
ادم : والله نقتلهم ونقطع صباعهم نخليهم يحسبوهم ويوكلوهم كون مانعذبهمش اسوء عذاب مانيش ادم لوينو
عيط لرجالو غسلهم على تأخرهم خايف يمسها واحد من هاذوك *** خايف تولي حالتها اسوء من ما راهي ضك هو يسايس فيها كي الشعرة موش حاب يفكرها يجي واحد مايسواش كيما بااباها يمد يدو عليها ويبكيها ومن الفوق يعذبها بكابوس حياتها حتى الموت خسارة فيه حس روحو عاجز ولاول مرة عاجز موش قادر يدير حاجة وهو يسمع في صوت عياط معشوقتو اللي عذب قلبو عذاااب مكانش حاجة اسوء من هاذي ممكن تقيسو
-------------------------------
صوت عياطها القاوي خلى صوتها ضعييف بزااف فكت يديها وناضت بصح حاصروها بين الحيط في زهرها وصلو رجال ادم في الوقت المناسب مايتسمع في البلاصة غار صوت الرصاص اما لميس غلقت وذنيها بيديها وهوات في الارض هبطت مع الحيط ببطء شفافها رجعو زروقة من البرد
شافت فيهم يتضاربو وهي تحاول تشجع في روحها ببعض الكلمات اللي ما زادت في ادم غار شعورو بالعجز
لميس : منيش خايفة مانيش خايفة ... ادم مايخلينيش ... ادم ميش رايح يعجبو ضعفي هاذا
قالت كلماتها المشجعة وناضت بصعوبة خاطر جسمها كلو يوجع فيها شي من البرد وشي من الضرب اللي داتو
هزت حديدة كانت متوالها ضربت بيها واحد كان رايح يصوب على راجل من رجال ادم
لميس بابتسامة هتفت بالروسية : انا لست سيئة
ماكملتش فرحتها تلقات رصاصة في رجلها طاحت في الارض متألمة راح يجري ليها واحد من الرجال واحد خلاف راح يجري يحكم اللي صاوبها
"مداام اكي بخير "
لميس : اني بخير بخير خدشتني برك ماقاستنيش
قالت كلماتها بلطف وهي تتنفس بصعوبة تحاول تتبسم وسنيها يتخبطو في بعضاهم من البرد حضنت روحها بلاك شي تدفى هزها بين يديه وراح يجري للطومبيل يهدر بهلع
" اكي باردة بزااف مدام ضك نروحو للسبيطار "
حطها في الطومبيل فتح عينيه بصدمة من الكدمات اللي في وجهها وروبتها البيضة اللي رجعت مصبوغة كامل بالدم من الطلقة بيسك ماشافتهاش في المستودع بسبة الظلام
" توجعتي بزااف ؟؟ "
لميس وهي تتلوى من الالم : اني لباس ازرب عيشك للسبيطار
توتر الراجل من حالتها راح سايق بسرعة وهو يلعن في حضو اللي حطو هنا بيسك اذا شاف سيدو حالتها هاذي يهبل عليها ويحرقهم عادي
عيط ادم عليهم عبر البلوتوث اللي في وذنهم
ادم : وش صرالها خبروووني اي بخير ؟؟ جاوبو *****
شافو الرجال في بعضاهم بخوف نطق واحد فيهم وهو ميت من الخلعة
"سيدي المدام لميس ميش بخير تأذات بزااف "
ادم : نعل **** لاه طولتو ؟؟ وش صرااا ؟؟ انطقوا صينو والله ماتسلكو من يدي
"سيدي لقيناها باردة بزااف بيسك رشو عليها ماء مثلج وضربوها بقوة ضربوها برصاصة"
مجاوبوش ادم خطر كسر تيلفونو من القلقة .... وصلت لميس للسبيطار جراو ليها الطبة لأنو جاهم خبر اللي راهي جاية مرت ادم لوينو
ضحكت لميس بألم متأكدة اللي ادم رعبهم وهددهم قبل ماتوصل استقبلتها طبيبة وهي تتبسم بلطف
" راح يكون كلشي بخير ان شاء الله ماتخافيش "
هزتلها لميس راسها بايه وهي قريب تتغاشا دموعها على خدها داتها الطبيبة للغرفة عاونتها نحاتلها روبتها ولبستها لباس المشفى دارت القفازات وبدات تفحص فيها قبل ماتدير اي حاجة
الطبيبة بصدمة : مدام اكي حامل ؟؟؟
حلت لميس عينيها الذابلين بصدمة : وش راكي تقولي .. لالا مانيش اونسانت
الطبيبة : سي اكي حامل
لميس وهي تبكي وتهز راسها يمين ويسار : لالالا مستحيل مانيش حامل باينة كشما غلطة هذا مستحيل عيييييشك
الطبيبة : تصدقي انو الجنين بقى حي رغم اللي مريتي بيه هاذا امر ناادر مانيش مأمنة بلي قدر يتحمل هاذ الشي كااامل
حطت لميس يديها في زوج على وجهها تبكي ميش مصدقة : لالاال ميش وقتو يااااربي .... عيشك قوليلي بلي اكي تكذذبي لاه نحمل من مرة وحدة برك ؟؟؟
الطبيبة : يا مدام استهداي بالله علاش نكذب هاه شوفي بعينك
وراتلها في الشاشة نعتتلها الجنين وين متمركز بقات تبكي بصمت سقساتها وهي متقلقة ومتحيرة رغم انها رافضة فكرة حملها اطلاقا
لميس : او بخير صح ؟؟
الطبيبة : انعم ايه بصح مالازمش عليك تجهدي نفسك بزااف سيرتو في هاذ الاشهر باش مايصرالكش اجهاض بيسك ضك اي حركة ميش صحيحة تقدر تقتلو
سكتت كي شافت ملامح لميس المتألمة اللي كابسة دموعها وتخزر غار في الشاشة
الطبيبة : مكنتيش تعرفي بالحمل تاعك ؟؟
لميس بغصة : لا.......... شحال في عمرو
الطبيبة : 3 اسابيع
جاوبتها وهي تمسحلها في جروحها وتضمدلها فيهم مسحت لميس على كرشها بحنانة هاذا وين فهمت لاه كانت تستفرغ بزاااف لعنت غبائها وزيد دورتها اللي مجاتهاش غمضت عينيها كي حست بالالم في جسمها
لميس : مزال صغير يخي؟
الطبيبة : اممممم مزال صغيييرون بزااااف
عضت لميس على شفتها تحاول تتحكم في روحها ماتبكيش
لميس : منقدرش نحتفظ بيه ولا نهتم بيه علابالي ميش رايحة نكون ام صالحة ليه ونأذيه ديما .... عيييشك نحوس ننزلو
.......♥♥♥يتبع
اراااائكم يا بنات يا فتيات وش تتوقعو يصرا
ماتبخلوش عليا بفوط وكومنتار باهي