دخلت لميس وهي تمتم بصوت عالي
لميس : كلبة ميش متربية متحشمش
شافاتو قاعد يضحك عليها زادت هبلت دورت ليه تعاتب فيه
لميس : هاذا كامل منك نتا كي خرجت ذيك الليلة بلا تريكو و
ضرباتو لكتفو بخفة وكملت : ونتا ثاني متحشمش كون تزيد تعاودها والله تشوف وش ندير
قاطعها كي جرها ليه من يدها قعدها على رجليه وهو يمسح على خدها بحنان
ادم : وش تديري ؟ ..... تقتليني ؟؟
لميس : نبعد عليك ماتزيدش تشوف وجهي
تصلب في بلاصتو من كلماتها اللي يبانو للبعض مجرد كلمات عادية بصح بالنسبة ليه هاجس حياتو يخاااف منو وجه نظرو ديراكت لعينيها
ادم : ماتديريهاش
شافت فيه بنظرات ثقة وقربت وجهها ليه
لميس بثقة : علابالك بيا مقودة ونديرها
ادم : ميش رايح نسمح لهاذ الشي يصرا
لميس : ج...........
قاطعها بقبلة قاسية كنوع من العقاب على كلامها اللي كان كي الموس يترشق في قلبو تعرف مليح كيفاش تلعب بوترو الحساس وتعرف كيفاش تلعب بأعصابو بمهارة كيما تحب فاهم مليح شخصيتها وتقلباتها قادرة تحب وتعععشق بصح اذا قاسها ذاك الانسان تدور ظهرها وتتخلى عليه بسهولة لشتا تحبو .... تعرف كيفاش تقتل تتحكم في قلبها وهاذا الشي اللي يخاف منو ادم
بعد عليها تبسمتلو بخفة كي عرفت اللي هي تمكنت منو دورت يديها في زوج على رقبتو
لميس : بصح هاذ الشي ميش رايح يصرا خاطر علابالي ميش رايح تأذيني ولا تجرحني مدايرة فيك ثقة عمية كثر من نفسي
تبسم على كلامها وهزها في حملتو : تعرفي ملييييح كيفاش تلعبي بيا وبمشاعري ياوحد الثعلوبة
خرج للبالكون مقعدها في حضنو يتأملو في السما والبحر سيرتو لميس تخزر فيهم بهيام
ادم : قوليلي لاه تحبي اللون الازرق ؟
لميس : الازرق أنيق صبغ بيه ربي سبحانو لون السماء ومسح بيه على جبين البحر يمد الامان وينشر الراحة انا نحبو بزاااف بيسك عندو اثر باهي على نفسيتي
كان يسمعلها بكل حب لأنو لميس رغم قساوتها وعنادها الا انها تبقى طفلة في كلامها وتصرفاتها العفوية دورت راسها ليه تسألو نفس السؤال
لميس : وش عليك نتا ؟ لاه تحب النوار ديما لابس النوار حتى سياراتك ككلشي نوار كون ما زيرتكش لبست اليوم الالوان كون وليت نعيطلك الخفاش
ضحكت في اخر كلامها ضحكاتو معاها حط ذقنو على كتفها
ادم : الاسود كاين في كل بلاصة وكل زاوية بصح نتي ماتشوفيهش بعينيك البريئة هاذي
هدر كلامو بغموض عقدت حواجبها بغباء بيسم مافهمتش كلامو
لميس : كيفاش مفهمت................
قاطعها تيلفون ادم كي صونا سكتت شافت اسم المتصل " سراج " ناض ادم من بلاصتو باش يهدر معاه
ادم : ضك نهدر معاه ونولي
هزتلو راسها بايه وتكات على الفوتاي حاطة يديها تحت راسها تشوف في النجوم
لحظات شوية وناضت تجري للحمام مرة اخرى بهدوء تحاول مايسمعهاش ادم .... استفرغت كل وش في معدتها قعدت في ارضية الحمام بتعب وحبيبات العرق تنزل من جبينها وهي تحاول تتنفس بانتظام ... كان هاذا روتينها طول هاذ اليامات معلاابلهاش لاه خايفة غار تكون مريضة بكاش مرض ميش حابة تخبر ادم تخلعو عليها علابالها تفسد شهر العسل وتروح تروح للدار
ناضت من الارض تحاول تتوازن خرجت كأنو ماصرا شي رجعت وين كانت قاعدة لقات ادم واقف متكي ع البالكون يتكيف مشات ليه نحاتولو من يدو ورماتو
لميس : يرحم باباك يخي قتلك ماتزيدش تتكيف
دور يدو على كتفها محضنها بجنب هزت راسها ليه تخزر لملامحو الحادة اللي تبدلت من ورا الاتصال
لميس : وش كاين ؟؟
ادم ببرود : والو عندي خدمة ايرجون ... تبانلي ماناش رايحين لماليزيا
لميس : معليش خدمتك أولى وماليزيا نروحو ليها مرة خلاف ان شاء الله... فوتنا يامات ملاح هنا
ماجاوبهاش هزت راسها ليه مرة اخرى موش عاجبها حالو اطلاقا مدت يدها تمسح على لحيتو بحنان
لميس : وش كاين ادم
دار ليها يتفحص ملامحها هز باس كف يدها الصغيرة بحب
ادم : قتلك والو ... برك مانقدرش نبعد عليك ونبعثك وحدك لأمريكا
لميس : البعد مليح يخلينا نتوحشو بعضانا يقولو الاشتياق مايزيد غار الحب .... شحال راح تقعد ؟؟
ادم : منعرف بلاك سمانة لازم نفري بزاف شغالات
لميس : اععع وانا اللي نحسب 6 اشهر ولا 7 مالا مانتوحشكش
جرها ليه من راسها بقوة : ياوحد ال.....
قاطعاتو بضحكتها الرنانة حضانتو بسرعة قبل مايكمل كلامو تهدر بتمثيل وهي تضحك بقوة
لميس : ههههه نتوحششششك بزاااف ماتطولش بزاف
لميس في نفسها : يسسسسسس ندير وش نحب
ادم : الصبر الصبر معاك وخلاص
طلق يدها ودخل قبل ما تفيض الكاس ويفرغ غشو فيها بيسك اللي سمعو ميش قليل ولازمو يسافر بسرعة
كان واقف في الشمبرة يخمم في اللي صرا سوطات عليه لميس لصقت في ظهرو مدورة رجليها على خصرو كيما الاولاد الصغار همست في وذنو
لميس : ييييي قلقت وحشي ؟؟؟
ادم : رايحة تزيدي تقلقية كون ماتهبطيش
لميس : سامحتني ؟؟
ادم : لا
قالها وهو يقاوم فيها يحوس ينزلها وهي لاصقة فيه كي القملة
همست في وذنو مرة اخرى
لميس : قول سامحتني ؟؟
ادم : هيه هيه اهبطي
قال كلامو بسرعة خايف يغلط معاها خاطر موش قادر يتحمل
لميس بعناد : وشنهي هييه ؟؟
ادم : لميس
لميس : شنهي؟؟
ادم : اهبطي
لميس : مهأ
ادم : لميس
لميس : وش بيك وجعك ظهرك ؟؟
ادم : ضك يوجعك قلبك كون ماتهبطيش
لميس : شنهي؟
قلبها من ظهرو ليديه بطريقة ماقدرتش هي تحللها او تفسرها حطها فوق السرير برفق هو يقرب منا وهي تبعد
لميس بذعر : اسمحلي .... اسمحلي
ادم : ماينفعش سماحك ضكا
لميس بذعر : ادم عييشك
ادم : وانا نحوس على حقي
لميس : لالا ادم لا لا عييشك اسمحلي والله مانعاودها
حضنت روحها بخوف بعد ما لقاتش وين تتحرك وهي تشوف في ادم يقرب ليها ببطء حتى حست بأنفاسو تضرب في وجهها غمضت عينيها بقوة خاااايفة وبدا جسمها يرجف لا ارادي سمعت صوت الضو يطفى بجيهتها حلت عينيها لقاتو جبد الغطا عليه تنفست براحة بعد ما بعد عليها مبقاتش تشوف في وجهو وسط الظلمة
لميس : ميش رايح .............
ماقدرتش تخرج الكلام من فمها جاوبها ببرود قاتل وهو مغمض عينيه
ادم : وشنهي ؟
لميس : قلت بلي تحوس على حقك
ادم : ميش رايح ندير حاجة ضك رغبتك وبلا رضايتك ماوصلتش حقارتي لذيك الدرجة
سكتت وتجمعت الدموع في عينيها من وكتا كان واحد يهتم لمشاعرها هكذا بدات تحوس على جسمو وسط الظلام حكمت في يدو وتسطحت بجنبو غارسة وجهها في ظهرو بيسك كان عاطيها بظهرو
لميس بغصة : اسمحليي
دار ليها مد يدو لشعرها يمسح عليه بحنان عكس البركان اللي داخلو علابالو اللي مزال ماتجاوزتش الشي اللي صرالها من قبل
ادم : صاي ماتضغطيش على روحك كل شي راح يكون لباس
بقاو على ذيك الحالة حتان داهم النوم في زوج
_____________________________
فاق ادم الصباح على اشعة الشمس اللي ضربت في وجهو ناض عيان بيسك الرقاد بجنب لميس تعب بحد ذاتو متحكم في غريزتو بصعوبة كانت بالنسبة ليه كيما تفاحة ادم عليه السلام متوالو بصح محرمة عليه
مشا دار روتينو وراح للكوزينة يوجد الفطور باش يرروحو للمطار بكري خلص تحضير الفطور طلع ينوض لميس بصح كانت في سبات الدببة كي العادة ووقف فوق راسها يعيط
ادم : لمييييس صرصور صرصووور فوق رجلك لمييييييس
رمالها كلماتو وقعد يتفرج فيها ميت بالضحك ناضت تسوطي وهي تسب وتهدر كيما اللي يتعطاو المخدرات
لميس : ااااا وين راه وين راه حتى الجزرة هاذي فيها عصاصيييير (قصدها جزيرة)
فاقت بروحها تحاول تستوعب هدرتها شافت في ادم
لميس : وش راني نقول عيشك
ادم : هههخخ بدلي قشك وارواحي تفطري
خرج مخليها تراجع في روحها بدات تهدر مع نفسها كي المهبولة خبطت راسها بعد ماسمعت نداء ادم
لميس : اني جاااااااااااااية
-----------------------------
خلصو الفطور لمت لميس حوايجهم في الفاليز بعدها تجولت في الدار تودعها وهي تتكلم معاها كأنها انسان
لميس : شهدتي على اجمل لحظات حياتي احتفظي بيها خاطر رايحة نتوحشك
قاطعها ادم : هيا لميس
شاف في ملابسها برضى هاذ الايام ولات تسمع هدرتو بدات تتعود على عقليتو ولا نقولو هاذا وش يظهرلو بيسك لميس تلبس على حساب مورالها كيما تنفحلها
ادم : خرج عليك شهر العسل سمنتي
شافت فيه بصدمة حالة عينيها
لميس بذعر : قول اقسم سمنت صح ؟؟
راحت تجري للمراية تشوف اسكو صح مست خدودها بتذمر شافاتو من المراية يضحك عليها ولات تفور
لميس : هاذا كلو منك نتا تضال حابسني في الدار حتان وليت قد البق..........
قطعت كلامها وضيقت عينيها في ملابسو وفي هيأتو كان بزاااااف شباب بلعت ريقها وهي تخزر فيه باعجااب كبييير ولا يحلى بزاف في عينيها رجعت كون تصيب تبقى غار تتفرج فيه الليل مع النهار بلا ملل فاقت بروحها بلي مرقتها شافت فيه بتحذير
لميس : رد بالك كشما تعجب وحدة بيك ماتنساااش راك متزوج
.......♥♥♥يتبع