كان ادم مدي حذرو بزاف من لميس وكل حاجة تتعلق بالتقرب منها مكانتش عندو الجرأة باش يدي خطوة باتجاهها بيسك يعرف شخصيتها مليح متقبلش اللي يغلط في حقها اذا قاسها واحد مستحيل تسامحو تروح وتخليه بلا تخمام او حتى تردد .... لميس ميش الطفلة اللي تسامح الناس بسهولة ولا تمد فرصة ثانية ... ميش الطفلة اللي تكسب ثقتها بسهولة او حتى تكسب قلبها بكلمات معسلين .... تفرض عليه شخصيتها بطريقة غير مباشرة .. وادم كان ومزال يعاملها كجوهرة مزالو يسايس فيها بيسك علابالو حتى اذا تملك قلبها مستحيل يقدر يسيطر على كبريائها
نحا ادم لا فاست تاعو حطها على كتافها بيسك الجو كان بارد في الليل
ادم : هيا نروحو للدار بردت الحالة هنا
ضمها من كتفها ومشا باتجاه الدار شافت فيها بانبهار طلقاتو وراحت تجري وتسوطي فرحانة دخلت للدار وهي هازة راسها تشوف فيها عجبتها بزااااف كانت متحمسة فوق الحق رجعت ليه حضناتو بكل قوتتها وشدتلو وجهو بين يديها الزوج
لميس : انننت برررفكت كيما هاذ الدار
تبسملها وهو يحل في قفايل الشوميز اللي في يديه ضحكت ومشات حتى هي بدلت قشها لبست بيجامة شورت وبيستي كي العادة اكيد ميش رايحة تحشم منو اولا راجلها وثانيا لميس وجهها ميش وجه حيا
مشات للفريجيدار لقات القاطو لاكراام كل حاجة تحبها موجودة في الفريجيدار بللت شفافها وهزت كورنيسكي شكولا ورجعت للغرفة حبست في بلاصتها مصدومة من منظرو ماشي وكأنها لاول مرة تشوفو مي كل مرة تتصدم اكثر من تفاصيل جسمو شافت في كتافو الاعراض وبعدها هبطت نظرها لعضلات بطنو السداسية ويديه اللي فيهم العروق بارزين مبينين قوتهم ركزت عينيها على الوشم اللي في صدرو حست برغبة كبيرة انها تمسو مفهمتش وش بيها ولا اللي راه يصرالها ميش عاجبتها روحها اطلاقا فاقت بروحها من لاكرام اللي ذاب على يدها كملت كلات منو تبسم ادم على خدودها اللي طلعو حمممورة من الحشمة
مشات بجيهة السرير ورجعت ليه بعد ماقدرت تشد روحها حاجة اقوى منها ولات تسيطر عليها هاذ اليامات اللخرين قربت منو بجرأة ومدت يدها للوشم اللي في صدرو تتحسس فيه بيديها الرقاق والصغار اما هو حس بنبضات قلبو تزيد كون يكمل ينبض بهاذ الطريقة تسمعهم لميس هزت عينيها ليه
لميس : يعني مالقيت ماتوشم توشم ذيب ؟؟؟ لاه خيرتو زعما من بين جميع الحيوانات ؟؟
دور يدو على خصرها خلاها ترتبك وهو يشوف في عينيها
ادم : علابالك شكون الذيب ؟؟
جاوباتو لميس بباسطة وهي توكل في القوفريط تاع الكورنيكسي بطفولية
لميس : حيوان متوحش ومفترس
مسح على فمها اللي طلساتو بلاكرام
ادم : ماشي قصدي وش يدير ... نحوس شخصيتو
بوزت شفافها وهزت كتافها تاع معلابليش وعينيها مزالو مسمرين في الوشم
لميس : معلاباليش ... تشبه لشخصيتك المتوحشة ؟؟؟؟
تبسم بسخرية وطلقها مشا للفاليز تاعو يحوس على حاجة
ادم : ماشي اكزاكت بصح يمثلني بشخصيتو وتأكدت من هاذ الشي بعد ماقابلتك
عقدت حواجبها بعدم فهم : ماشي قصد...............
قاطعها كي شدها من كتافها ودورها باش تعطيه ظهرها كمل كلامو يهدر وهو يحطلها في السنسلة على عنقها الابيض
ادم : ميش رايح نخبرك كلش بصح ابحثي وحدك بصح كمعلومة الذيب من سلالة الملوك وهو البار لعايلتو ووفي لامرأة وحدة فققط كيما انا وفي ليك مويا جينا
نحا يدو من عنقها حطت يدها على السنسلة وهي حالة فمها بانبهار
ادم : ردي بااااالك تنحيها من رقبتك
لميس : وااااااااااااو روووووعة اددددم
خزرتلو بعينين يدمعو من الفرحة وعنقاتو من قلبها
لميس : في حياتي شفت واحد هكذا سيرتو بهاذ اللون
مدت يدها للموتيف تخزرلو بالاعجاب سيرتو اللون الجذاب تاعو اول مرة تشوف حاجة هكذا
لميس : ادددم والله غار تقول منين جبتها ؟؟؟ تهوووووبل ....... اييي روووووعة
لميس : ادم هاذي حجرة وحدة ولا كيفاه ؟
ادم : حجرة وحدة
لميس : وحدة بهاذ اللون ؟؟ توووب مالغري كوبي بصح ففن
ادم : كوبي ؟؟؟
لميس بغيض : خخخخهههه ماتحشيليش مكانش حجر اصلي بهاذ اللون وزيد حتى اذا كاين قارون ومايقدرش يشريه
تبسم على تفكيرها وتفسيرها خلاها في نيتها قرب ليها باسلها كف يدها بحب
ادم : عجباتك ؟؟؟
لميس : اكيييد في حياتي شفت جوهرة كيما هاذي
لف يديه في زوج على خصرها وهي بدورها لفتهم على رقبتو والضحكة مالية وجهها بقا يخزر في عينيها تايه
ادم : مكانش اجمل جوهرة منك
خبطاتو لميس لصدرو : هههه ماتبالغش بزااف
ماجاوبهاش وغمس راسو في رقبتها يشم ريحتها هزها وحطها فوق السرير برفق
لميس : مكانتش فكرة البداية من الصفر فكرة سيئة بينتلي جانبك اللطيف هاذا ياوحد المتوحش
قرب وجهو ليها لين تخلطت انفاسهم بقا يخزر في عينيها
ادم : وانا ماكنتش نتوقع منك التأقلم والتنازل اطلاقا اصلا ماكنتش متوقع منك تتصرفي بهاذ اللطف في كاش يوم
كان الجو يبان رومنسي صح مع الاضواء الخافتة في الغرفة اللي راهم فيها ... قرب منها اكثر يحوس يقبلها مرة اخرى بصح طبعا لميس ميش رايحة تسمحلو بهاذ السهولة كيما دار هاذا وين شوي كيما تقول هي ديما كل حاجة في وقتها حلوة هي مزالت في الصفر ميش رايحة تقفز قفزة العمر
ضحكت بالصوت قبل مايقرب اكثر لشفايفها ناضت بقوة بعدت عليه
لميس : رايحة نرقد في الشمبرة لخرى ونتا خوذ راحتك في هاذ الشمبرة
ناضت هاربة منو حكمها من معصمها رجعها : ماعندك وين تهربي ترقدي هنا
شافت فيه بعينيين القطة وهو فهم عليها وش راه تخمم تبسم ابتسامة خفيفة وهو يلعب بخصلة من شعرها
ادم : علابالي مزلتي ميش مستعدة وانا ميش رايح نضغط عليك مويا جينا في الاول والاخر نقعد طول عمري نستناك
ضمها لصدرو بحنانة وهو يمسح على ظهرها وهي حطت يدها على الوشم
لميس : ادم
ادم وهو مغمض عينه : اممم
لميس : منين ليك هاذ المثالية كاااملة اني سوور بلي مخبي عليا حاجة
ادم : لميس ارقدي وخليني نرقد يرحم بااباك يلا ماعجباتكش هاذ المثالية نبدل العقلية مكانش اشكال بصح اني سوور بلي ميش رايحة تعجبك
لميس : اوووف ماقلت والو صاي سكتت
'''''''''''''''''''''''''''''''''''''''''''''''''''''''''
مقدرش يرقد من انفاسها اللي تحرق فيه في صدرو وحركتها الكثيرة بعد راسها من صدرو بلطف وزاد يديها اللي كانت مدورتهم على كرشو بهدوء باش ماتنوضش مالغري علابالو بلي من المستحيلات السبع تنوض حتى وكانت كاينة حرب ناض بهدوء من السرير ومشا للبالكون موش لابس تريكو مخلي نسمات الهوا الباردة تلعب بشعرو كيما تحب خرج قارو شعلو بعد ماغلق البورت بالكو باش ماتوصلش ريحتها للميس ..... وهو يفكر في بزاف حوايج حس راسو رايح ينفجر من المشاكل اللي يواجه فيها ... لازمو يسافر لايطاليا باش يحل الصفقات ومشاكل المافيا ولازمو يعتني بشركة باباه وبلاما ننساو خدمتو في لوس انجلوس خدمتو كمفتش باش يغطي على اعمالو واكبر مشاكلو مرتو اللي مايقدر يتوقع منها والو
كان الهدوء سيد المكان عكس الحرب اللي داخلو اخترق ذاك الهدوء صوت عياط قاوي وشهقات بكا تفزع ادم في بالو لميس دز الباب بقوة ودخل لقاها مزالت راقدة بأمان متأكد اللي مسمعتش هاذ العياط كامل من ثقل نومها
بقا العياط يعلا اكثر واكثر معرفش ادم الاتجاه تاعو بيسك كل المنازل عازلة للصوت خزر لبيت مقابلو اللي كان محلول وخرج منو راجل شاد مرا في يدو يكركر فيها من شعرها ويضرب فيها بقسوة وهي تبكي لا حول لها ولا قوة خرجو الجيران بعد ماسمعو العياط طبعا من غير لميس اللي كانت طايحة في سبات
بدات صوت الهمهمات تعلا يشكيو من هول الشي اللي يشوفو فيه وخاصة في بلاصة كيما هاذي يجيو ليها غار الاثرياء
راح ادم يجري بلا شعور جبد ذاك الراجل من كول الشوميز تاعو بقوة وتلاح عليه ببوكس طاح في الارض نزل لمستواه يضرب فيه بوكس ورا بوكس فرغ غشوو فيه اصلا كان محتاج يفرغ الطاقة السلبية
ادم : تضررب مرتتك يا وحد المخنث ؟؟؟
اما ذيك الطفلة تحاول تبعد ادم عليه خاطر كان قريب يقتلو وهي تبكي بحرقة
"خلاااص تعييش اك رايح تقتلو "
__________________
ناضت لميس تجري للحمام تستفرغ خرجت قلبها ..... خرجت من الحمام وهي قريب تتغاشا حاسة الحالة تدور بيها حطت يدها على الحيط تتكا عليه مفهمتش وش بيها حوست على ادم بعينيها بصح مالقاتوش حوست عليه في الدار كااملة بدا قلبها ينبض بقوة بيسك ميش موالف يخليها وحدها في الليل
شافت لبرا باستغراب من صوت العياط اللي وصل لمسامعها خرجت ببيجامتها شافت التجمع تاع الناس مشات مستغربة دخلت في وسطهم شافت ادم يضرب في لوخر بلا رحمة وكامل يشوفو فيه واحد ماقدر يبعدو بقات تشوف مصدومة مازالها ماستوعبتش وش راه صاري
!!!!!! لميس بصدمة: ادم
.........يتبع♥♥♥