الاسم الكامل : لميس كانغراس
تاريخ الازدياد :29/12/2003
العمر : 21 سنة
مكان الازدياد : موسكو - روسيا
مجال الدراسة : صحافة
الهوايات : السباحة - ركوب الدراجات النارية - الروايات
نقطة الضعف : الظلام - الصراصير
العادات : كثيرة الكلام - وقحة - عدائية -متهورة
الطول : 1.48
الوصف :
كانغراس لميس الابنة الصغرى لسامر كانغراس وفيروز خرجت من بيت والديها في عمر 17 سنة بسبة انها رفضت تخدم في مجال ادارة الاعمال وتوجهت للوس انجلوس باش تقرا الصحافة استقرت في هوليوود مع صحبتها يارا اللي تعرفت عليها في الجامعة بعد عام واجهت محاولة اغتصاب بصح نفذت منها وقدرت تهرب منها بطريقة مبهمة حاولت بعدها الانتحار من اعلى جبل هوليوود مبعد تراجعت خدمت في محلات مشبوهة وتعلمت الدفاع عن النفس بهدف تبعد المتحرشين عليها بعد عام اوخر توظفت في مطعم مشهور تراجعت دراستها بعد محاولة الاغتصاب ورجعت متهورة ومتمردة ماتهتم لحتى حاجة اما تكاليف علاج يارا متكفل بيها السيد سامر
ركب الطومبيل بسرعة وهو يفكر في اللي قراه بالتفصيل ضرب الفولون بقوة كيفاش معرففش بهاذ الشي هز تليفونو وشكل رقم
ادم : وجدولي طيارتي الخاصة في الليل وجهتنا للمالديف
مع فصل الخط وصلو ميساج بمبلغ مالي كبييير اتصرف الكترونيا رمى تيليفونو باهمال من لاور وهو يخمم في اللي صرا
_______________________
طرطقت صوابعها وهي تتبسم بفخر بالشي اللي داراتو بعد ماطلبت ماكياج من كل الماركات وشرات القش اللي تحبو وتستراحلو شرات من كل الانواع وكل نوع بليكولار تاعو ماخلات ماشرات الصاكات والصبابط روب المناسبات .........
لميس : هيهيهييي اللي ماشريتوش في حياتي نشريه اليوم كون مانهبلكش يا ادم لوينو مانتسماش
كملت هدرت مع شركة الصحافة واستفسرت منهم وش تدير وشرات كاميرا وادوات التصوير بيسك مزالت مانساتش انتقامها لصحبتها
حست بالجوع مشات للكوزينة لقات خدم وطباخين بزااف قد شعر راسها مع شافوها انحنوا باحترام ليها وهتفو صوت واحد خلاوها تتخلع من تصرفهم الغريب
" اهلا مدام "
لميس : خلعتوني خير؟
قربت ليها سيدة الخدم باحترام : ساميحينا مدام ماناش موالفين نشوفوك في الكوزينة
لميس بضجر : اسمي لميس
خدامة : بصح مسيو ادم ............
لميس وهي تهز في الفراز وتوكل : كي نكون مع ادم عيطيلي مدام تفاهمنا ؟؟
هزولها كامل راسهم بالايجاب ثمثم انسجمت معاهم وبدات تعاون فيهم وتسقسي كيفاش يطيبو ووش يديرو خاطر كيما علابلكم لميس مكسرة اليدين كيما حنا ههههه
لميس وهي تحاول تقشر الطماطم : علابالكم ؟؟ كنت نقول هاذ القصر كئئيب مفيهش الحيوية بصح ظهرت الكوزينة خيرمن الملاهي
" علابالك لميس كنا حاسبينك مغرورة ومتكبرة من معاملتك للمسيو ادم "
دارت ليها لميس حالة عينيها بصدمة وهي توجه المغرف اللي في يدها لوجهها ضيقت عينيها فيها
لميس بمزاح : متحشمييش ؟ تهدريها في وجهي ؟؟ صحا صحا معليش بصح انا ماش هكذاك انا برك مقودة في راسي شوييتح عندي وحد الدودة تزغد في راسي كي يقلي الواحد ماتديريش هاذيك الحاجة كي شغل قالي ديريها ونكر..................
شهقت وسط كلامها وحلت عينيها بصدمة بعد ماطيحت المغرف اللي كان في يدها كي حست بيدين دارو على كرشها وضمها بقوة حاط ذقنو على كتفها شافت انحناء وخوف الخدم عرافتو اللي هو وشكون اللي يقدر يحضنها من غيرو استنشق قدر كبيير من ريحتها
ماشافتش لميس عينين ادم ونظرتو الحادة اللي وجهها للخدم بيسك كان وراها وضهرها لاصق في صدرو دورت لميس وجهها تحوس تشوف فيه بصح ماقدرتش
لميس : وشبيك ادم خلععععتني لاه هكذا ؟؟؟
ادم بحدة : وش راكي تديري هنا ؟؟
لميس: نتعلم في الطبخ
ادم وهو يشوف في الخدم ونظرتو مزالت كيما راهي : هاذي ماشي خدمتك لميس
لميس : تتمسخر بيا ؟ لاه كشما خليتيلي حاجة نديرها نملي بيها وقتي ؟
شافت لميس في الخدم اللي كان مبين على ملامحهم رعب استغربت من خوفهم لهاذ الدرجة دورت وجهها تحوس تشوف فيه كبس عليها مانعها تدور ليه في رمشة عين كان هازها بين يديه وخارج بيها حمارو خدودها من الحشمة من الشي اللي دارو متوال الخدم
ادم : عندك انا مشروع عمل كافي ماكيش تشوفي فيا اني بحاجة للاهتمام ؟
غمزلها في اخر كلامو حلت عينيها بصدمة وخبطاتو لصدرو
لميس : من وكتا تعلمت تهدر برومنسية هكذا !!!!
ادم : كي نكون معاك يخرج الكلام تلقائيا من فمي
قرب ليها وشم ريحتها مرة اخرى يحاول ينسى اللي صرا واللي عرفو
ادم : لاه ريحتك مليييحة هكذا ؟؟ لاه انت فاتنة هكذا
لميس بملل : ماشي ريحتي هاذي ريحة الشامبوا اذا عجبك لهاذ الدرجة تقدر تستعملو في اي وقت راهو في الحمام h24 قال ريحة قال
ادم : حتى الكلمات الرومانسية ماشي مليح اللي يقولهالك ديما تخربي اللحظة
لميس وهي تقلب في عينيها : هبطني وعيش اللحظة تاعك وحدك خيرمن ما تضال تحاول تعيشها مع حيط كيفي
ماجا يرد عليها كان سوطات من حضنو ومشات للغرفة لحق وراها كان ماشي للحمام حبساتو لميس
لميس : لاه جيت بكري اليوم كشما نسيت ؟؟
غمض عينيه بقوة يكالمي روحو شافاتو دار ذيك الجاست فزعت في بالها على جال الشوبينغ
لميس بذعر : اقسم بالله مادرت حاجة هاذ المرة.........
مجات تكمل هدرتها دخلت يارا كي الثور الهايج متولهتش لادم اللي كان واقف متوال باب الحمام
يارا : لميس ماقتليش كيفاه قضيتو ليلتكم الحمرة البارح حطت ماما ال.............
قطعتها ثم كي لمحت ادم ثم بلعت ريقها ورجعت لاور
يارا : اسمحولي مكانش علابلي بلي ادم هنا قاطعتكم المرة الجاية نطبطب في الباب ديزوولي
لميس بصدمة : حبسي .... وش قصدك يارا
يارا وهي تشوف في ادم اللي ديجا حمارو عينيه من واش سمع
يارا بتوتر : انا ....ا....ا.اا.انا
ادم بحدة : انطططططقي
خبرتهم يارا بواش صرا واللي داراتو سيلفا باش يتمو زواجهم وكملت بسرعة تبرء نفسها
يارا : بصح والله مكان علابالي في ذيك السع
شكل ادم قبضتو وعروق رقبتو بانو صح كان حاب بصح ميش بهاذ الطريقة كان حابها تكون بموافقتها ورضايتها هي وسيرتو بعد ما عرف قصتها وخووفها موش حاب يزيد على جرحها ولا يحيي الماضي ليها شاف فيها ديراكت خايف من ردة فعلها كان يستنى فيها غار وكتا تعيط بقى يشوف فيها مصدومة حالة عينيها وفمها بقات هكذا فترة خلات ادم يخاف من ردة فعلها دارت لادم اللي كان وراها وهي حاطة يدها على فمها بدهشة
لميس :واااااااااو ادم مكانش علابالي اللي امك عندها افكار شبابية وشيطانية كيما هاذي مقارنة بالسن تاعها انا استسلم
قالتها وهي تضحك كي شافت صدمتهم في زوج محات ملامح المزح من وجهها تحاول تكون جدية
لميس : طبعا ميش رايحة نزيد نوكل ماكلة يماك مرة اخرى خاطر وليت نخااف منها
بقا ادم يبحلق فيها موش مأمن حتى شك اللي مسمعش مليح قرب ليها وحط يدو على جبينها يقيس حرارتها
ادم : لميس يخي لباس ؟ نعيط للطبيب ؟
خرجت يارا مخليتلهم المجال كزوج وزوجة بعدت لميس يدين ادم من عليها بلطف
لميس باستغراب : وش راك تخلط نتا ؟
حكم وجهها بين يديه بحنية وهو يخزر لرماد عينيها
ادم : ماكيش على عادتك اليوم لميس حاس اللي ميش لميس اللي نعرفها اللي راهي واقفة قدامي يخي ماكليتي والو
هزت حاجبها تحاول تستوعب كلامو مزالت مافهمتش وش حاب يوصللها
لميس : ادم روح ريح راسك شوي خاطر يظهرلي نتا اللي تحتاج طبيب ماشي انا وضك اني خارجة رايحة متوال يارا شوي
جات ماشية حكمها من يدها
ادم : لاه راك كالم هكذا ؟ مكيش رايحة تعيطي؟
لميس: لاه نعيط ؟ ملي داراتو يماك ؟؟ ههههه باينة نحوس نعيط ونكسر شوي بصح وش الفايدة صح مرة اللولة ماتقبلتهاش بصح ضك خلاص اللي صرا صرا وفي اللخر حنا متزوجين ماشي في الحرام
كلمة صدمة قليلة على ادم معرفش اسكو يسوطي من الفرحة ولا يديها لطبيب نفسي يعرف اللي بيها خاطر مستحيل تكون هاذي هدرة لميس
مد يدو اللي كانت ترجف لوجهها قادرة تكون جملة عادية لبعض الناس بصح بالنسبة ليه لا
ادم : عاودي وش قلتي ؟؟
لميس باستغراب : ادم وشبيك ؟؟ياك سافا تبانلي راك صافا با اليوم
كان رايح يرد عليها قاطعهم صوت اتصال تيلفون لميس وتليفون ادم ثاني وكي عادو التيليفونات متوال بعضاهم قدرت تشوف لميس اللي يعيطلها نفسو اللي يعطلو فهمت وش راه صاري دارت ليه تشوف فيه ميش مأمنة
لميس: تتجسس على مكالماتي ادم ؟؟
جا يجاوبها قاطعاتو تهدر بضعف
لميس بغصة : لااااه ؟؟ متديرش فيا كونفيونس ؟ حاسب اللي عشيقي هو اللي يعيط ؟ ولا حاطني رايحة نخونك ورا ظهرك قوووول
قربت ليه والدموع في عينيها تخزر لعينيه
لميس : كون جيت حابة نخونك وندير صاحب نديرها في وجهك عيني عينك ونتا انددب ولا اخبط راسك في الحيط
......♥♥♥ يتبع
بزااف منكم ماعجبتهمش شخصية لميس وتقلقو منها جاتهم مستفزة بزااف نقلكم انا هاذي هي شخصيتها بيسك تربات منبوذة من عايلتها تقدرو تقولو هي اللي ربات روحها بروحها بصح انا تعجبني شخصيتها جاية من النوع اللي ضارب الدنيا بكوتبي بصح نقلكم ماتغركمش تصرفاتها خاطر قلبها مسكينة مجروح هي اللي ماتبينش ... كامل مدو الحق لادم يضربها ضك نشوفو راح تبقاو تحبو ادم ولا تبدلو رايكم كملو الكرونيك للاخيير بيسك مزالو بزاف احداث واسرار ممتعة خيرت تكون هاذ الكرونيك طويلة باش تفوتو بيها الصيف مع هاذ الديقوطاج وهاذ السخانة
هيا نديرو تصويت نسحقكم كااامل تجاوبو
شكون يحب : لمييس ؟؟ ♥
شكون يحب : ادم ؟؟ ♥