سداد وبنت ألعرب
البارت الثالث والثلاثين
بقلم الكاتبة الزهيريه الزهيريه
يرون ان إنجاب الأنثى خيبه وانجاب الذكر آمل
رغم حلم كل رجل انثى وحلم كل أنثى رجل
الق/ يعني كل شي چنت متوقعه الا مال يصير عندي حمل هاي ما چانت في بالي أبد وألي يضحك بالموضوع يريد سردار يرجعني على عمي نزار هو اني وحدي عمي نزار ما يريدني أنوب ويايه طفل إذا يرجعوني يمه بس أولد يطلعني إني وأبني نگدي بالتقاطع ومن سألتني الدكتوره هذا أول حمل الچ
جاوبتها/ أي هذا أول حمل
الدكتوره / شوفي آول حمل يكون صعب وما نعرف شنو راح يواجهنه بي من مضاعفات لازم سوين تحاليل كامله وأهمها أنتي من زوجتي قبل ما تعقدون محكمه سويتوا تحاليل تطابق دم
الق/ بصراحة اني هيچ أشياء ما افهم بيها لهذا گلتها لا
الدكتوره / سوي تحاليل الدم مهمه وهاي كتبت الچ علاج أخذي من بره
الق/ بس ابتعدت من الدكتوره گبل سألت
اريا/ إنتي منين حبلتي اكيد من سداد الگواد أني اعلمكم
الق/ وعافتنه وراحت اريا وبقت يمي بس مومه وهاي مفتهمه السالفه كلها وأتصلت على سردار وبلغته انه أني حامل واريا عرفت وسردار طلب منها تاخذني وياها للبيت واني بس خلص المغذي طلعنه للبيت والطريق كله مومه دردم عليه على شنو ما فهمت
ودخلنه للبيت وچانت هلات توكل بنتها واني سلمت عليها بس هي اكتفت بس بكلمة هلو ومومه طلبت من هلات تصعدني لغرفه فوگ بالطابق الثاني
ومن صعدنه اني وياها ودخلتني لغرفه نفسها إلي سابقًا چنت بيها من چنت يمهم وبس خليت راسي على المخده حسيت روحي راح تطلع أريد أتقيأ گمت بس ما لحگت على نفسي واتقيأت بالغرفه أنوب لازم أنزل جوه واگللهم وهسه شيخلصني من مومه بس كان لابد منها نزلت لگيت بس هلات زوجة سردار بس أنتبهت عليها تبچي واجيت يمها وهي بس شافتني مسحت دموعها ردت أسألها شبيچ بس استحيت واني قبل أول ما شفت زوجة سردار هلات بالنسبه عني أشوفها بنيه غريبه وهي أنه اشوفها عبالك آليه
يعني لا تحچي ولا تناقش ابد والأغرب أبد ما أشوفها تضحك أبد وأبد ما أشوفها تغار على سردار يعني وجوده من عدمه عادي عدها
وسردار يطلع مقارب لعمر سداد يا يكون عمره 30 أو اكثر وسردار شكله كلش حلو إما هلات ملكه جمال من جسم وشكل ووجه وشعر عبالك لعابه وصغيره مو چبيره والي عرفته عمرها 23 سنه بس دائمآ أحسها حزينه وأحسها مجبوره على مومه سردار شنو سبب ما اعرف
وآني ظليت اباوع بوجهه وانوب خشمها صاير أحمر تخبل بقيت مثل الهبله اباوع بوجهه اخير شي هي كسرت حاجز الهبل مالتي وگالت
هلات/ نعم تردين شي
الق/ أريد شي أمسح بي الأرضية لإن تقيأت
وهي ما قصرت انطتني رول مال كلينس مطبخ وگالتلي مسحي بسرعه قبل ما خالتي مومه تعرف ترى هسه تگلب الدنيا لان هي من النوع كلش نظيفه الى حد الهوس
صعدت فوگ ومسحته وخليت الكلينس الي ستعملته بعلاگه ونزلته للحاويه إلي بالگراج ومن رجعت دخلت للمطبخ ظلت حسره بگلبي أريد أعرف هلات شبيها وهي واگفه تنظف بالمطبخ الي ما اعرف شنو ينظفون منه والله مطبخهم أنظف من وجهي گلت خلي أسألها أسئلة عامه وأخذ وانطي وياها بالحچي وبعدين اسألها شبيچ
الق/ انتوا أقارب انتي وسردار
هلات/ اي سردار آبن خالتي وسداد آبن خالتي
الق/ اكيد انتي وسردار زوجتوا عن حب
هلات / مو بالضروره ألي يزوج يكون مزوج عن حب
اكو زواج أقارب أكو زواج المصلحه آخر شي تفكر بي الناس هو الحب
الق/ وأنتي إي نوع زواجچ
هلات/ شگد أكو نساء مدفونات بالحياة تحت زواج فاشل وأنتي تگدرين تگولين زواجي مصلحة على زواج أقارب ومن هذا كله الزوجه هي الخسرانه
الق/ انتي شبيچ چنتي تبچين لكون سردار ما موجود
وهي عبالك تعجبت لكون ما فهمت عليها لإن رفعت حواجبها بعدها درت بلا مبالاة
هلات / لا اذا موجود واذا ما موجود مو مهم عندي
ألق/ وبعدني أريد احچي ودخلت مومه وطبعًا مومه عبالك شرطي بس تفتر وتراقب وتنطي أوامرها
مومه/ هلات أكثر من مره ماكو كلام مع الغرباء بشي يخص البيت
ألق/ وهلات اكتفت بس بالاعتذار ورجعت تكمل تنظيف ومومه رجعت عليه وطلبت مني أصعد للغرفه وما أنزل منها الا للضروره القصوى
صعدت وأني مشغول تفكيري اكثر بهلات وما يقارب المغرب سمعت صوت مومه وهي صيح عليه نزلت وچان اكو بيدها علاگه مرسوم عليها كأس وثعبان ومكتوب عليها اسم الصيدلية
مومه/ هذا العلاج إلي كتبته الدكتوره الچ بعد يبقى لما يجي سداد وهو يصرف
الق/ واجتي هلات وظلت تباوع على العلاگه الي بيدي
وسألت/ اذا هي مريضه شنو دخل سداد بيها
واني جاوبتها اني مو مريضه اني حامل
بس شنو من صدمه بينت على وجهه تخبلت وهاي أول مره أسمع صوت هلات عالي
هلات/ حامل شنو حامل منين لا تگولين
الق/ وبعدها هلات ما مكمله كلامها قاطعتها مومه بصوت عالي وحاسم هلات الموضوع ما يخصچ صعدي فوگ لغرفتچ
وهي ما حچت شي بس هزت راسها بالموافقه وصعدت فوگ وظلت مومه تعلم بيه شلون اخذ العلاج
گتلها/ خاله اني أعرف أقره وراح اعرف كم مره اخذه
مومه/ لا انتي حماره خاف يصير بيچ شي وابتلي انوب بدل ما سردار يحير بسداد يصير يحير بمومه وسداد
الق/ بعدها تعلم بيه على العلاج فزينه اثنينه من سمعنه صوت تكسر فوگ ومومه ما تحركت من مكانها أبد ولا حتى صعدت شافت شنو هذا التكسر والظاهر متعلمه على هيچ موقف
گتلها/ خاله أصعد أشوف شنو هذا التكسر
مومه/ لا صعدين وتعلمي من دخلين بيت لا تدخلين بأمور ما تعنيچ فهمتي من تدخل في ما لا يعنيه لقي ما لا يرضيه
الق/ سكتت مبدئيًا لان اني بيه طبيعه وهي الفضول وبعد ما إنتهت تعليمات مومه من الاخلاقيات والطبيه صعدت فوگ وأني أفكر بهلات شبيها اذا على الأطفال نگول إحتمال تغار لكون أني حامل ما معقوله لإنه عدها أطفال اثنين زين شنو ما تحب سردار زين شنو ربطها بيه وتعشيت واخذت علاج وهي أبد ما طلعت من تفكيري وهي بعد ما طلعت من غرفتها ونمت ذاك الليل من تفكيري بيها
وعلى ثاني يوم يله شفتها وچانت كالعادة تنظف كتلوني بهذا التنظيف والبيت نظيف بس وصلت لقناعه انه هلات تنظف هواي تلهي نفسها لا أكثر بس حتى من صبحت عليها يا دوب جاوب تحس الحشرجه بصوتها ومبينه من صوتها وعيونها آنه الليل كله چانت تبچي
وبقيت يمهم ما يقارب الأسبوع يعني مر أسبوعين من أخذوا سداد وبيومها چنت فوگ صاحت عليه مومه ومن نزلت چانت تحچي ويه سردار ومن وصلت يمها
مومه/ هاچ هذا سردار يريد يحچي وياچ
الق/ آخذت منها الموبايل وأول ما گلت الو اجاني
صوت سردار وهو يگول/ شوفي ألق خلي اگلچ الوضع مال سداد شلون صاير ولازم احنه نصرف من يمنه وخلي في بالچ ربي يشهد على كل كلمه اگولها اني ما عندي اخ بس لو عندي اخ سداد يصير اغلى من أخويه وسداد واگفلي وگفات والله لو أبويه عايش على وجه الدنيا ما يوگفلي مثل سداد
الق / احچي اذا اگدر اساعده والله ما أقصر
سردار/ انتي عشتي فتره ويه سداد وشفتي شلون حبيتي وتعلقتي بي هو هذا سداد گلبه طيب وكل اليعرفه يحبه ويحترمه لإنه ما عنده أذيه على بشر وما يستحق إلي يصير بي وخصوصًا على أيد وحده گح.... شوفي يا بنت الناس سداد انتي ان رحتي أو اجيتي سداد ما يعرف بوجودچ وحتى ان عرف صدگيني واخذيها من عندي ما راح يقبل بيچ يموت وما يقبل بيچ سداد نحس وأني أعرفه وحاليًا آريا رفعت عليه قضيه خيانه زوجيه يعني زنا واكيد راح يستدعوچ
الق/ ليش تگول زنا وأنت تعرف إنه آني زوجته خلي ترفع قضيه على راحتها
سردار/ هو مو موضوع زوجته لو لا لكن سداد مجرد ما تنرفع القضيه عليه هذا يسمى خدش سمعته وأكيد راح يتأثر بشغله أريد منچ انه تروحين ويه امي وتنزلون الحمل مالتچ وخلينه نخلص يا بنت الناس والطلاگ يتم بهدوء وحتى آريا بيوم المحكمه تكونين مو حامل وتسقط الدعوه كلها وكل شي متحصل
ألق/ صدگ تخبلت جاوبته / أنت تحچي صدگ لو اموت الحمل ما انزله اني ما صدگت على الله يصير عندي طفل يملي عليه حياتي ويربطني بسداد طول العمر تريدني انزله والله الا الله ياخذ روحي ويموت الطفل ويايه يله تخلصون من حملي
سردار / هذا اخر كلام عندچ بعيني يصير خير هسه اشوفچ شلون الطفل ما ينزل
سداد/ يعني مرات نرسم حجم المصيبه إلي احنه بيها بس مثل حجم إلي تكون أنت بيها والمصيبه انه تكون ما تدري بالكارثة إلي راح تواجهك هذا چان حالي من عرفت إنه ألق نفسها ورده هاي بالنسبه الي كارثه آما كارثة الكوارث هي آنه حامل مني أريد إضرب روحي طلقه وأخلص مرات يلومون الأنسان من يقتل وابد ما يعرفون شنو إلي خلا يصير قاتل الناس الها الظاهر اما ما خفي كان أعظم
يعني اني بوضعي اذا أقتل سردار الف مره ما يبرد گلبي هذا كل عقله مكربس براسي وحده اني على أيدي مطلعها من ملهى ولليوم أذكر شلون من طلعناهن من الملهى شلون اكو من أعضاء قوات البيشمركة شلون يتحسسون بأجسامهن واني حضرة جناب سردار الگواد مكربس وحده منهن براسي
وسردار في وقتها من گلي صرت كل شي ما أشوف گدامي حتى احس صوت سردار صار بعيد عني جريت طبله وضربت بيها سردار على راسه وشفت الدم ترس وجهه والموبايل يمي يدگ وچان موبايلي ومن رديت عليه واحد گال بنت سداد من الساعه 2 بالليل بالشارع وتبچي
سداد/ منو انت
جاوبني/ اني جيران سداد آبو بسام البنيه من البارحه ساعه 2 بالليل سمعت صوت الچلاب ينبحن وطفل يبچي ويعيط كفيلك الله طلعت أركض وخطيه الچلاب ملتمه عليها ويجرن بيها من ملابسها وطردت الچلاب منها ودخلتها بيتي ولهسه هي يمي منو يجي منكم يستلمها
سداد/ تخبلت على يبرق شنو سوي بهيچ ساعة بره البيت زين هي يم أمها يعني معقوله ما أنتبهت البنيه ماكو وذيچ الثانيه ورده ما اعرف ألق وين ولت عنها
احس نفسي مغيب ومن التفتت لگيت امي داخله وتعيط
وهي تگلي / ولك انتي مخبله شلون سويتي هيچ بسردار
وعلى عياطها إجى أبويه وسردار ساعده أبويه واخذه وطلعوا اما أني ما انتظرت گبل طلعت أركض واخذت سيارة أبويه وطلعت بيها لبغداد واني أتمنى لو عندي اجناحات وأطير بيهن لبغداد واخذت الطريق كله دماغي أشكال يخطر بي هاااا خاف يبرق من چانت بره بالليل وحدها أخاف آحد اغتصبها اخاف أحد ضربها أخاف احد سوه بيها شي وهذا وضعي والموبايل مالتي يدگ وكل شويه أشوف المتصل امي لو أبويه
آخرها من رديت على امي فهمت منها إنه سردار مخيطين راسه 7 خياطات وبالمستشفى مدعي انه وگعدت وهيچ صار بي وأمي تلوم بيه لكون ضربته
أنوب حسيت الطريق شطوله أخير شي وصلت بتفكيري أتصل على فرقد
وبس أتصلت على فرقد رد عليه / هلو كاكا سداد كفاره تنذكر وما تنعاد
سداد/ سيدي بداعة كل عزيز عندك بنتي عند الجوارين روح شوفها وين أخاف صاير بيها شي و علگ عندي الضغط بس أريد أوصل لبغداد
فرقد/ كاكا سداد امها المسعده وين ولا وان شاء الله راحت لا ردت
سداد/ ما أدري سيدي مروتك
فرقد/ هسه أشوف هاي مشعولة الصفحة وين نگبرت بستين گبر
سداد/ وغلقت الخط ويه فرقد وإني اباوع على السماء واگله ربي فدوه لعيونك لا تعابيني بخلفتي بناتي أمانه ووديعه عندك وانت خير من ترد الأمانات والودائع وبعد حدود نص ساعة أتصل بيه فرقد وبلغني انه يبرق كل شي ما بيها وإنه من خلال كاميرا آبو بسام آريا طالعه حدود ساعه 12 وعشره طالعه والى هسه بعدها ما راجعه وحتى التصوير يبرق شلون طالعه من البيت تبچي هم شايفه فرقد
وابو بسام ما يقبل ينطي يبرق ويگول هاي دى تلعب ويه أبني الصغير ويجي سداد يستلمها مني لهذا طالع فرقد بعد ما موصي آبو بسام على يبرق واني ما وصلت الا بطلعان الروح وبس وصلت للبيت ما دخلت گبل على بيت ابو بسام
ومن دگيت الباب طلعلعلي ابو بسام وهو يهلي ويرحب ومن دخلني لبيتهم آول ما شافتني يبرق اجتي تركض عليه حضنتها وظليت أبوس بيها واشم بيها واتفحص بيها خاف بيها شي وأخذتها وآني اشكر منه جزيل الشكر
وأخذت يبرق للبيت وآني تفحصت البيت كله ما بي آحد وبقيت وارتاحيت حدود ساعتين ورجعت أتصلت على فرقد وجاوبني
فرقد/ عيني سداد ترى انت مو مرتي كل شويه تتصل بيه
سداد/ آسف سيدي بس حبيت أسألك بموضوع يخصني وهو إذا زوجتي رفعت عليه قضية خيانه زوجيه وزنا شنو الإجراء
فرقد/ كاكا سداد راح إتصل على الداخليه وانصحهم يفتحون مركز بس آلك من گد القضايا الي عندك تقريبًا قضايا مالتك تعادل قضايا نص الشعب العراقي
سداد/ سيدي اني گاعد بمكاني والمصايب تجيني
فرقد/ شوف هاي اي وحده تريد تثبت ان زوجها خاين او چان يزني بوحده هاي تعتبر اغبى وحده بالعالم لان راح ينرفعون محكمه اذا ثبتت التهمه واذا ما ثبتت هي بالحالتين راح يزوجها يعني الغبيه إلي تبلغ هاي بس مجرد اجيب ضره لنفسها لا اكثر وخلي آريا تروح تبلغ
سداد/ شلون عرفت هذا هاي المشتكيه أريا
فرقد/ لان هاي النذاله ما تصدر غير بس من اريا وتخميني چان صحيح
سداد/ رجعت للبيت واني أفكر بكلام فرقد معقوله اذا ثبتت واذا ما ثبتت التهمه اني مستحيل أقبل بالق شبيه مخبل أزوج هيچ وحده شنو إني أبدل گح .... بگح.....حتى اذا نرفعت محكمه اذبها براس سردار وهو يحير بيها هو الجابها بس عندي شي واحد ما استفسرت منه من سردار وهو شلون زوجها ألي بوكاله وآني أصلًا ما منطي أي وكاله لسردار
يتبع/
تحية لكم من القلب الى القلب
دمتم في امان الله وحفظه
بقلم الكاتبة الزهيريه الزهيريه