وصل للجاميعة هبط من طومبيلو الفارهة برجولة وكاريزما الانظار كامل توجهت ليه يمشي بثقة وغرور تزامن دخولو مع خروج لورا وهي تجري في الممر وتضحك وقفت بخوف وتمحات ذيك الضحكة كي شافاتو بقا يشوف فيها بنظرات حادة يدقق في ملامحها المتوترة لمح لميس اللي كانت هاربة تجري على طولها وهي تجر في ايناس بعد ماشافاتو وشافت نظرتو الحادة مي كملت تجري وهي تتحمل في الام رجلها الملتوية اللي زادت هات غار تهرب منو
لميس : ايناس اعطيلي مفاتحك ازرربي
اعطاتها ايناس المفاتح وهي تلهث زربو دخلو للطومبيل ومشات لميس مخلية الريح وراها تسوق بسررعة
ايناس : لميس خيتي راجلك يخووف تقولو شيطان يا نمي يمشي ماشتيش تخنزيرتو اللي قحرهالك ؟ قادر حتى يقتلني بسبتك
لميس : مكانش حاجة تخوف انا اني نهرب خاطر مايخلينيش نخرج عليها لازم نزرب ندفع الدوسي لشركة الصحافة اليوم وزيد اكي معايا مايقدرش يقيسك علابالك منورطش صحاباتي في مشاكلي
زادت من وتيرة سرعة السيارة خايفة لا يلحق بيها
لميس : بلغي سلامي معاك للورا وقلها قاتلك لميس اسمحيلي بزاااااف خاطر غدرنا بيها وهربنا خليناها معاه
ايناس : هههههههههه وي مع هي ميش خوافة مع ذيك النظرة تتغاشى قبل ما يمسها
بادلتها لميس الضحكة وهي مركزة عينيها على الطريق
ايناس : لميس كيفاش حياتك مع ادم في الدار يعني البارح كيفاه كان معاك ؟ وش يبانلك ؟ انسان مليح ؟؟......
قطعت لميس الضحكة بعد ماتفكرت ليلة البارح والتصرف تاعو معاها تخمم في اللي يديرو اسكو يكسرها كيما كسر الطابلة البارح
لميس في نفسها : يلا كان هو ادم انا لميس مايقدر يديرلي والو اكيد ميش رايح يقتلني عيط عليا شوية ويكسر شوي حوايج ويحبسني في الدار وانا نقعد نهرب ونعاودها مرة ومرة والف مرة
فاقت من شرودها كي خبطتها ايناس
ايناس : لميس اكي تسمعي فيا ؟؟
لميس : بففف حياة عادية وخلاص وش رايح يكون تزوجنا غار البارح وطبعا شوي هواشات
ايناس : تزوجتي البارح تضاربتي معاه وزدتي هربتي ربي يصبر المخلوق وخلاص .. بصح عيشك ماتخافيش منو ؟ سمعت بلي ادم لوينو كي القنبلة الموقوتة واللي يغلط معاه يسلك
لميس : اني نشوف فيك تحققي معايا في امر راااجلي واقيلا تحوسي على موتك بيدي
ايناس : امممم ديزولي مدام لوينو
لميس : كانغ
ايناس : لوينو
لميس : كاااااانغ
ايناس : كانغرااااااس
لميس : ماشي كانغراس قتلك كاانغ ماتقلقيش جدي ضك لا نخلي عزرينك في الطريق ونروح
ايناس : كي تنحي الحروف الاخيرة من لقبك ميش رايحة تبدلي نسبك واصلك ونتي من عايلتهم
لميس بالعياط : اييييييناس
ركنت الطومابيل وخرجت منرفزة لحقتها ايناس وهي تضحك تعجبتها حالتها كي تكون مقلقة تشتي تلعبلها على اعصابها
ايناس: اصلا نتي ضك لوينو
شافت فيها لميس وقلببت عينيها بملل ومشات داخلة للمول وايناس وراها
ايناس : وزيد نقلك ؟ مدام لميس ادم لونيو هاذا هو النسب تاعك حديثاااااا
لميس : اوووووووووووووووووف
مشاو حوسو في المول تشري وش تلبس تبدل المهزلة اللي لابستها مكانش واحد فاتت عليه وماضحكش عليها خيرت جيب جين مع تيشرت بلون مبين خصرها وصرتها مع سبادري بلون ودخلت لبستهم
خرجت فرحانة بعد مانحات اللبسة اللي كانت لابسة
لميس : هوووووف هاذا وين حسيت روحي انثى
ايناس : ههههههه مفهمتش مايا كيفاش كانت مستحملاتك ومستحملة جنونك
تبسمت لميس بحزن كي تفكرت صحبتها اللي كانت بمثابة اختها كانت تدير كلش معاها وين تكون لميس تكون معاها مايا والعكس
خرجو من المول يمشيو ويقصرو واللي يجي عاقب يرميلهم كلمة يتغزل بيهم سيرتو لميس وهوما ولا على بالهم عيطت ايناس بخوف كي شافت ادم خرج من طومبيلو ماشي جيهتهم ورما الدخان من يدو عينيه حمورة من التنرفيز لاز على القبضة تاعو بقوة حتان بانو العروق بقات ترجف حايرة كيفاش عايشة لميس مع هاذ الوحش اللي المظهر تاعو يرعععب كي شافت لميس وين راهي تشوف ايناس بلعت ريقها بخوف
لميس : ربي يرحمني
دورت ايناس ليها تزرب تهدر معاها قبل مايوصل ليها
لميس : ايناس الدوسي تاعي في طومبيلك بليييز تديري مزية كون تقدميه للشركة من الشركات الصحافية او فيه كلش الاسم . اللقب .........
هزلتها راسها بايه وراحت تجري لطونبيلها هاربة اما لميس دارت ليه ضامة يديها لصدرها تستنى فيه وش يدير شاف فيها من الفوق للتحت لز على يدو حتان بياضت حط صباعو على عينيه وعلى جبينو يحاول يتحكم في اعصابو باش مايقتلهاش شاف حولو يشوف اللي يخزرلها واللي مايخزرلهاش
ادم بحدة : الطومبيل
مشات لجيهة الطومبيل بلاما تناقشو ولا تزيد معاه كلمة غلقت الباب وبقات تتفرج فيه من الكارو تستنا فيه وش يدير بقا برا باش يكالمي روحو شوي خاطر في هاذ الحالة قادر يقتلها ولا يذبحها عاااادي جبد باكي الدخان دخن زوج باش يهدي اعصابو بيسك موش حابها تعرف غضبو ويحاول قدر الامكان يكون انسان اخر معاها
حلت باب الطومبيل كي شافاتو رايح يشعل الثالثة وهي هاذا وش تكككره الدخان والشراااب ماتحملش تشوف واحد يفوت الحححد خرجت رايحة تركب في الطاكسي مجات تحل الباب تاع الطاكسي غلقها وجبدها ليه بقووة وهزها بين يديه بخشونة مديها للطومبيل
ادم بالعياط : ر** وين راااايحة ؟؟؟؟؟؟؟
سكر الباب اللي جيهتها وخبطو بقوووة قريب كسرو
لميس بالعياط : لبلاصة منشوفش فيها وجهك رايحة لبلاصة نستراح فيها ونكون حررررررة نخرج وقت مانحب ونروح لوين مانحب
ادم ببرود : مكانش وميش رايح يكون وماعندك وين تروحي بلاصتك معايا
لميس : حل الباب حللل منقعدش مع راجل مدمن ومنررفز وحدو بلا سبة مايمسع مايقدر هدرتي معندي ماندير بيه
ادم : لاه نتي اكي تسمعي لهدرتي؟؟؟؟ قوووووووولي
خبط الفولون بكل قوتو قريب كسرها
لميس : انت اللي تفرض عليا قيود وتحبسني كي الاسيرة عنننندك من اليوم الاول مالا بعد شهر وشهرين وش تدير؟
هدرت جملتها ببرود وهاذا اللي زاد من تنرفيزو تعرف كيفاش تلعب بأعصابو ملييح
ادم : عجبك الحال ولا معجبكش انا كنت معاك في قمة اللطافة تاعي بصح نتي تحبي المعاملة السيئة مالا متلومينيش نقسملك انو كل تصرف متهور وتمرد تديريه مايزيد غار من وحشيتي وميش راح يعجبك هاذا اطلااقا
شافت لميس في عينيه بتحدي وهزت صبعها في يدو بقا يخزرلها وهو مطلع حاجبو من جرأتها بيسك راهي تدير في حوايج بزاف اللي جامي دارهم واحد في وجهو اختو وباباه وماداروهاش يمكن هاذ الجرأة اللي خلاتو يطيح في شبكتها
: مالا اسمعني يا ادم لوينو ملييييح ميش انا الطفلة اللي تخليها ترجف من هاذ الهدرة وتسمع هدرتك سمعا وطاعة انا اللي بنيت شخصيتي هاذي بيدي وبصعوبة درت كلش باش نولي اقوى واسعد طفلة منسمحش للتملك تاعك ولا تصرفاتك تغيرني مهما كان
ادم : علابالي عزيزتي بصح كامل نعرفو الشيطان اخبث ن الملاك علاابالي بكاامل نقاط ضعفك وانا نحترمك كامرأة بكل حقوقك وقوتك نكسر يدي قبل ماتتمد عليه خاطر في الاخير تبقاي مالكة قلبي
قرب منها وهز خصلة من شعرها دورها على صبعو يلعب بيها بهدوء حس بنبضات قلبها تتزايد يمكن قدر حتى يسمعهم بعدت عليه
ادم : بصح عندي طرقي الخاصة مع اللي نحبهم بلاما نأذيهم متختبريش غضبي راكي ماتقدريش تيماجيني شحال راني شاد روحي ع الشععععررة
حست لميس بخوف من هدرتو طريقة كلامو تولد خوف عمييق داخلها بلاما تحس جامي خافت من حد بصح منو تخاف عندو هالة غريبة تخلي اللي قدامو يترعب يمكن هاذا الشي اكتسبو من خدمتو في سلك الشرطة بيسك اغلب المحققين يكونو يخوفو هاذي هي طبيعة العمل بصح طبيعة شخصيتها قوية متبينيش خوفها او ضعفها تلبس قناع القوة في جميع الاوقات
لميس بسخرية : اهاااااااا اكيييد نتا انسان لطيييف وبزاااف نتا ألطف انسان شفتو في حياتي كاملة بيسك انا توقعت غضب اكبر من غضب الامس بصح اللئيمين يبقاو لئيمين ديما مايهمنيش وش تدير ولا وش تنوي تدير خاطر في الاخير رايحة نطلق منك في اقرب وقت واقرب فررصة تجيني ونعيش حياة اخرى مع رجل اوخر نحبو ويحبني يحترمني ويوثق فيا مايفرضش قيود عليا مسألة وقت برك
♥♥♥......يتبع
فوت + كومنت فضلا وليس امرا
ارائكم ووش تتوقعو يصرااا ؟