" أنتِ أمانتي "
للكاتبه زهراء المياحي ✨
...........
مشهد مستقبلي "
اسيل؛ گعدت على الچربايه لأن طاقتي وصلت لنهايتها أريد أسند نفسي وأگوم أتحرگ ماگدرت وهو واگف گبالي يبررلي شكد يحبني يموت علي مامستعد يكمل حياته مامستعد يعيش وحده يريدني وبقوه هم وأني إم بيته وكل شيء بالنسبه اله وحيستعدل مثل كل مره يگول بيها اصير زين؛ وگعد يشرحلي انو قراري كلش غلط كلش وصار وقت ارجع لبيتي لأن الكل واكف ضد قراري الفاشل الي يصب كامل اهتمامه على مصلحتي!
_لتفتت للمرايه اباوع لنفسي لحظه تخيلت نفسي انسانه مستقله عايشه حياه مو مثل هاي الحياه إلي اريدها رجعت لتفتت اله اباوعله برود قرب مني لزم ايدي باس باطنهن ويشتم بيهن
...تعرفيني كلش زين ما يوم احب اي شخص كد ما احبج ؟
اسيل؛ ملامحي ماتغيرت بس ساكنه وبارده اخذ نفس يطمني كل شي حيكون بخير ونرجع لحياتنا وحتى نسافر ونتونس؛ هزيت راسي بنفي گام على حيله
...هاي هي؟! النهايه اسيل
اسيل؛ هزيت راسي؛ وبلعت الغصه إلي بلعومي عبالك بلعتلي جمره
...هههه تمام اختاريتي النهايه وحدج ؟
اسيل؛ سولف سولف برر بررر ضحك ضاج صاح بيه زمخ اخذ ايدي بوسهن رجع سئلني اختاريتي وحدچ ؟ وجوابي نفسه ماتغير ؛ اباوعله برود وعيوني تحجي عن شنو اختاريت
...قسماً ماتگدرين تعيشين يوم واحد بدوني قسماً وإذا وصدك تسويها ف نموت سويه
اسيل؛ طلع من الغرفه ؛ عگدت حواجبي شيقصد؟ دخل بيده دبه شفافه بيضه وسط بيها سائل لونه يميل للصفار فتح القبق وگب كل السائل داير مداير الغرفه؛ ضربتني ريحه البانزين وسعت عيوني بصدمه گمت على حيلي بعد ما استوعبت هذا ناوي على نهايتنا ؟ مانطاني مجال اكمل وكب البنزين علي صرخت ورجعت ليوره دنگت اشوف بنطروني ونص تشترتي صارو بيهن بانزين رفعت راسي مصدومه من الي ديسوي؟ وصدمني اكثر من كب باقي الكميه على نفسه مد ايده بجيب بنطرونه وقرب علي رجعت ليوره...
...اخيرج هل المره وانطيج كامل حريه الاختيار ؛ يا نعيش سويه يا نموت سويه ؟
..............
"عوده للماضي"
اسيل؛ نزلت للصاله بيدي صحن الكرزات حطيته على الصينيه وگعدت بصفه هو من شافني ابتسم قربت سندت نفسي على الحايط حط ايده وره ظهري يسندني اكرز حب واحط بحلگه يباوع للطوبه هو وحامد وبنين واني اباوعله انتبه الي كام يضحك رجع يباوع طوبه مغلس على نضراتي
_ اكرز حب واحط بحلگه عض اصبعي ضحكت ضحكه مكتومه ضربته ضربه خفيفه على صدره؛ لتفتت الهم مندمجين يباوعون للتلفزيون؛ استغليت الوضع وطبعت بوسه على شفايفه وسع عيونه وضحك بصوت عالي ضحكت بخجل ؛ لتفت النا حامد رجع دار وجها بنين تريد تباوعلنا حط حامد ايده على عيونها
بنين؛ هاي ليش اريد اباوع شبيهم يضحكون
سالم؛ عيب بنين سوالف متزوجين هاي اسيل مامحترمه لاتحتكين بيها تكوم تعلمج على العيب
اسيل؛ ضربته بايدي على بطنه ضحك
سالم؛ عود باجر كلولي منو يفوز رايح انام تصبحون على خير
اسيل؛ جرني من ايدي واني اضحك دخلنا للغرفه وهو يتواعد إلي ؛ تمدد على الچربايه وأني طفيت الضوه ورحت ارتميت بحضنه اباوع على عيونه غمزلي ضحكت
سالم؛ ليش متخلين الواحد يتنهى بالگعده؟ بس تتحارشين شنو اتفقنا ها؟
اسيل؛ ما اكدر ما اتحارش بيك احاول بس مو بيدي تعودت؛ إذا انت عمرك كله تتحارش بيه وين ماروح لوتكرص لوتعض لوشوف شتسوي طبعا اخذ هل الصفات منك
سالم؛ يوميه هاي؟
اسيل؛ اي والله يوميه چنت هيج تسوي هسه دورك تحمل ههههههه
سالم؛ تعالي هنا
اسيل؛ قربت نمت على ايده؛ سالم قصلي قصه
سالم؛ نور الثانيه واني مادري؟
اسيل؛ بكيفك اليوم تنام جوه؛ اشرتله بالگاع هو ضحك؛ قربت منه اكثر حضني ويهمس باذني ويضحك
سالم؛ اكو واحد جان متزوج وحده وعايشه وياهم خوش؟
اسيل؛ اي
سالم؛ فد يوم من الأيام اجتي مرته گلتله بنت عمك تحب اخوك خطيه كلششش تحبه متشوفها شحلاتها جمال نزاكه ترتيب اسلوب هدوء وكلشي متكامل تسمع الكلام ومطيعه
اسيل؛ حجيت بحماس؛ كمل
سالم؛ كعدت تقنع بي تكله بنت عمك جبيره واعيه مثقفه مؤدبه هاديه كلش تجنن حاول وي اخوك خلي يحبها وقنعه خلي يرغب بيها
اسيل؛ اي
سالم؛ المهم هو من ذاك اليوم لحد ما ماتت مرته كعد يراقب بنت عمه علمود يشوف صدك تناسب اخو اكيد تناسبه بس يشوف شلون يقنع اخو بيها وهو أخو مايريد يتزوج خاصه كرايب لحد ما كامت تربي بنته حس بشعور غريب يمكن غيره يمكن يحسد اخو على هيج انسسانه تحبه وشلون شالت مسؤليه جبيره
اسيل؛ ابتسمت؛ بسته بجفن عينه ؛ اي كمل
سالم؛ ف ماحس على نفسه وهو ينعجب بيها او لا عرف بنفسه بس ما تقبل الموضوع رادها لاخو مو اله وثاني شي شلون ينطوها تراها اولا صغيره وثاني فرق العمر وثالث شابه بنيه وهو ثلاثين يعني فرق كلش جبير بينهم؛ لحد ماتعب من التفكير ويوم عن يوم ديشوف بنته بيد امينه بس هل الايد مو اله شيسوي؟
_هنا ضعف ايمانه وراح بكل الطرق والسبل حتى ياخذها اله او يكرها باخو لحد ما نجحت خطته وحجزها بس كامت تكرها وهذا الشي زيد اصرار انو ياخذها ويغصبها على حبه لحد مابلشت تتقبله وهو مصدك ف مشت الأيام وعافته
_ كلش تعب من اختارت تعوفه لام نفسه وكره روحه لان شردت منه بس بيوم اجت واكلته اكل بعيونها عرف وكتها انو هي تحبه وهي مراحت بالعكس بقت تفكر بي يوم وره يوم خطبها وتزوجو ومرو بفترات صعبه رجع صار حقير وكام ياذيها وهي حب حياته
اسيل؛ كمل
سالم؛ واخيرا نايمه بحضنه
اسيل؛ حلوه القصه شنو صار بعدها؟
سالم؛ صار عدهم ولد
اسيل؛ اي؟
سالم؛ شنو اي هاي هي
اسيل؛ كمل اقصد شنو مشاعر البطل هسه؟
سالم؛ حيل متندم يكول ساعه السوده التزوجت وحبيت بيها
اسيل؛ عطت بي ؛ سسسسسالم
سالم؛ هاي شبيج شكايل هو البطل قابل هاي قصتنا
اسيل؛ واحنا قصتنا شنووووو؟
سالم؛ اني بخيالي مسوي قصه ثانيه
اسيل؛ حجيت بفضول شنو هي؟
سالم؛ البطل ما عانى بحياته وما اذه اعزاز گلبه
اسيل؛ اي؟ شلون
سالم؛ شافها وحبها وتزوجها وهي هم بدون صعاب ومشاكل وهسه هو هم متندم وساعه السوده على الزواج عمي لاتتزوجون اكعود واسكتو الزواج كله جذب بجذب
اسيل؛ اني هم هيج اكول؛ اريد انزل من الجربايه صاح بيه
سالم؛ وين بس لازعلتي هي قصه
اسيل؛ لا نصيحتك كلش حلوه لاتزوجون هاي اني رايحه بيت اهلي ؛ جرني من ايدي وحطهن فوك راسي قرب صار فوكاي يضحك بمكر
سالم؛ اكملج هذا البارت المحذوف من القصه ؟
اسيل؛ هزيت راسي اضحك اي؟
سالم؛ نكمله على الحقيقه
اسيل؛ ياله كمل شبيك ههههههههه
سالم؛ اني اعلمج
اسيل؛ ندك الباب كمت عدلت ملابسي وفتحته دخلت نور للغرفه تتثاوب
نور؛ كعد اخوي يبجي يريدج
اسيل؛ هياتني جايه
نور؛ بابا ليش كعد لحد هسه احنا شنو گلنا مومصير تسهر عيونك يصير بيهن شي
سالم؛ ردت انام بس ماما اسيل ماتقبل الا اسهر الا اسهر تعبتني واحس راح ابجي اذا ما نمت
اسيل؛ اخذت ايدها واخوزر بي وهو يضحك وصلت للغرفه يوسف يبجي رحت شلته ضميته لصدري هو يضحك من شافني؛ كعدت بالكاع طلعت صدري ارضعه قربت نور نامت على رجلي تحجي
نور؛ اسو ليش تعبين بابا
اسيل؛ يشاقه
نور؛ ههههه
اسيل؛ رجعي تمددي بجربايتج اخلص رضاعه واروح انام
نور؛ اريد شغله منج
اسيل؛ شنو؟
نور؛ نطرد مازن من الغرفه هو مو عنده بيت شكو ينام بغرفتنا
اسيل؛ يضوج هناك خطيه وين يروح وحده هناك
نور؛ امممم
اسيل؛ بيمن تفكرين
نور؛ حروح انام يم سلوم هذا بس يطلع صوت وهو نايم هفف ماتحمل
اسيل؛ نفجرت اضحك اخذت مخدتها وراحت الله هسه سالم يطنگر علي يگول هاي دازتها ؛ نص ساعه خلصت رضاعه ونام بجربايته وبسته يروحي افديك افديك دخل سالم كالب وجها شايل نور وهي نايمه ضحكت حجه بهمس
سالم؛ تتعمدين هيج تسوين دازه نور تنام يمنا ؟
اسيل راح مدد نور بجربايتها اني شردت منه دخلت للغرفه لزمني يدغدغ بيه واني اعيط لا حباب خلص خلص ماعيدها عضني بخدي عطت هو يضحك و...
_گعدت ثاني يوم طبيت سبحت ورتبت الغرفه بدلت تراگ بيت ونزلت مازن ونور وابن تقي وابن ريتاج وابن خالتي هيل كلهم كاعدين يعيطون بالحديقه ويكسرون شكو شي كدامهم عبالك قرده مو جهال؛ اسمع صوت يوسف يبچي رحتله كاعد يم خالتي سعاد وهو تحجي وياه وهو يبچي رحتله گام على حيله اجاني يركض شبگني اوي فدوه؛ شلته ابوس بي؛ تريد عميه يروح مامي
سعاد؛ شاف ابو طلع للشغل گام يبچي يريد يروح وره
اسيل؛ هسه هسه نروح لبابا سالم هسه؛ اخذته وصعدت فوگ رضعته وسبحته وبدلت ملابسه ونزلت تريگت اني وياه هو ياكل ويصيح كخه واني ميته على سوالفه تونس؛ دخلت نور لتفت اله شهگت من فوك ليجوه گلها طين ودموعها بعينها
نور؛ مممااااااااااااااااااااااازززززززززززززززززززن
اسيل؛ كمت بسرعه ركضت وره مازن هو من شافني شرد اركض وره واصرخ علي والجهال يضحكون
مازن؛ تدلع علي وكعدت بالطين تركضين وررررراي ليشششش
اسيل؛ لزمته من ملابسه قربته علي؛ نور ليش كلها ططططين مازن انعل يومك اليوم
مازن؛ هي وكعت اني شعلي كلشي صحتو مازن مازن
اسيل؛ هي صاحتت هييي
مازن؛ استغفر الله اني عمي اسبحها بس خلصوني
اسيل؛ شلته من ملابسه اجر بي ودخلته للبيت هي لتفت اله
نور؛ ليشششش هيج تسوه بيه
مازن؛ اني ابدلج ملابسج بس لاتبجين وتخبصين هو طين
اسيل؛ لحد يبجي لحد عندي فكره؛ اخذت نور بره وكفت مازن يم الطين اشرت لنور بتسمت شالت الطين بيها وتشمر علي وهو يريد يشرد منها كامت تشيل وتشمر بكل مكان نترست طين اني ومازن وهو يحاول بكل الطرق يدفعني ويشرد لحد ماغرقنا بالطين
نور؛ اخ ارتاحيت
اسيل؛ شبيك مازن ضايج؟ لاتبجي وتخبصنا هو گله طين ؛ عافنا وطب للبيت گالب وجها نور كامت تضحك ويوسف يصفگ ويضحك مافتهم شي بس حرب الطين
حسن"ابن ريتاج" خاله اسيل كخه بيج
اسيل؛ عود هاي توني سبحت؛ اريد ادخل نفتح الباب دخل سالم باوعلنا وكف مصدوم راح دخل للبيت جاب مازن وطلعه وصفه بصفنا واحنا مدنگين رجع صاح لخالتي سعاد هي طلعت
سالم؛ يمه بشرفج ارجع من الشغل اشوف مرتي كلها طين والجهال كلهم طين اني هسه شسوي بس فهميني اعاقب منو صغيرهم لو جبيرهم ؛ ماتشوفيلنا بنت الجيران خطبيلي اياها حتى مو بس ترجع عقلي لمكانه حتى تربي اسيل وتخليها تعقل
اسيل؛ اني مدنگه وهو يصيح ونور تريد تبجي لتفتت اشوف بنين واكفه باب المطبخ تضحك علينا خوزرتلها ضحكت بصوت عالي
بنين؛ سالم اختي مراهقه بس عقلها جبيره واعيه ماتسوي سوايه اسيل انت موافق؟
سالم؛ موافق موافق بس عقلوها لاسيل اول
اسيل؛ شوف مبدئياً اشتغلت حرب مابين مازن ونور وأني دخلت ف م...عاط بيه
سالم؛ اششش بلا صوت كلكم عقاب
اسيل؛ فتح الماطور وشگل الصونده ويرش علينا ماي نور كامت تبجي ومازن گالب وجها واني اضحك رش وجهي من ضحكت طب مي بخشمي ختنگ اضحك ؛خالتي سعاد وبنين ميتات من الضحك علينا ؛ رشنا بالمي لحد ماوگع كل الطين
سالم؛ ياله فوتو للبيت واني اعلمكم
اسيل؛ نور طبت تبجي مازن ضايج واني نشفت نص ملابسي وطبيت للغرفه اضحك؛ السبلت مفتوح واضحك طبيت للحمام نزعت ملابسي ؛ يااا صدك كلهن طين؛ نفتح الباب وكف باب الحمام يباوعلي ابتسمت؛ أريد احجي دخل للحمام يهدد
سالم؛ ليش ولج اريد ارجع بيوم من الأيام الگاج ثگيله وهاديه وتطبعين بوسه على خدي مستحيل لازم لو انتي مطينه لو داخله عركه بين مازن ونور بس فهميني يمته تعقلين ؟
اسيل؛ لتفت للجها الثانيه ضايجه؛ شسوي روحي مرحه وتفرفش وحلوه قرب شبكني
سالم؛ بالعكس من اشوفج ترد روحي فدوه لهل الفرفشه أحسن بالعكس فد اتونس على سوالفچ
اسيل؛ تاج راسك
سالم؛ شنو؟
اسيل؛ لا لا طلعت بوقت غلط بس فهمني عصر ايده على خصري صرخت اقصد تاج راسي انت انت والله اخخخ ههههههه
_بليل اجتمعنا كلنا امي وابوي وخالتي سعاد وريتاج وتقي وحتى الحيه ساره اجتي حاطه ابنها متقبل يتحرك بحضنها وتباوعلي وتگلب بعيونها هزيت ايدي بنين قربت مني شاورتني اهدي وماتعارك وياها مثل كل مره...
اخر مره تعاركت وياها طب علينا سالم للمطبخ لگانا اني وياها وحده لازمه شعر الثانيه وتجر بي بالگوه هدنا... هي طبعها استفزازي وأني ايدي تحگني اي شخص يستفزني اضربه حاولت اسيطر على نفسي ماتحمل
ساره؛ عاشت ايدج عمه الاكل مبين ريحته طيبه
اسيل؛ اني الي طبخت
ساره؛ بهمس؛ صدك تطبخين عبالي جايبيج مربيه لهذول الجهال" جليسه اطفال" تلعبين وتطفرين وياهم
اسيل؛ المتخرج شيريد يسوي خلي يسوي؛ اقلها مو مثلج اربع سنوات سادس ماتطلعين عجزتي ؟
لفتت الي تقي مبتسم؛ ابتسمت اله؛ يقصد كافي
ام اسيل؛ اسيل يوسف يبجي
اسيل؛ كمت من مكاني واباوع عليها هزيت ايدي ودخلت للغرفه گعدت بالگاع ارضعه لان اذا رضعته بغرفتي يتعود يريد ينام بيها ف اعوده على غرفته احسن رضعت يوسف واهز بي ينام دخل سالم يتثاوب تمدد بالگاع وحط راسه على رجلي ؛ يوسف انتبه ولتفت لابو يضحك يريد يلعب وياه حطيت يوسف بجها رجلي الثانيه وادگ على ظهره وسالم نايم على رجلي الثانيه ومغمض عيونه حجيت بهمس ؛ سالم
سالم؛ عيونه
اسيل؛ ليش نايم هنا ؟
سالم؛ نعسان واريد حضنج بس مشغوله كلت اجيج تصبيره
اسيل؛ تدري شغله ؟
سالم؛ شنو
اسيل؛ احبك اهوايه فوگ ماتتتصور غلاتك عندي عبرت الحدود
سالم؛ عبرت الحدود وين وصلت لتركيا ؟
اسيل؛ عود حشاش ؟ ماضحكت هههه
سالم؛ واني احب ولدي اكثر منج ؛ الأسبوع الجاي امي تخطبلي على كوله ساره انتي جليسه اطفال
اسيل؛ بس تذب عليه سمها وتطلع بس اريد افتهم ليش ماتحل عني وتخليني اعيش حياتي حاشره روحها بكلشي ساعات اتخيل نفسي اخنگها حد الموت وأرتاح
سالم؛ اني نازل
اسيل؛ عافني ونزل؛ ربع ساعه نام يوسف شلته على گيف رجعته لجربايته ونزلت صارت بوجهي ساره گالبه وجها حجت وهي تگلب بعيونها
ساره؛ ما اقصد جليسه اطفال ؛ بس شقه وانتي اصلا من يروح تقي للدوام واني اكعد ادرس تاخذين ابني يمج تديرين بالج علي ف اعتذر منج ست اسيل
اسيل؛ كتفت ايدي وهي تنتظر مني جواب ؛ هزيت راسي افكر عود؛ عافتني وراحت يم تقي قرب مني سالم همس باذني
سالم؛ ها شرايج بعد متندگ بيچ
اسيل؛ سالم بربك شلون هيج تسويها ؟ هو ضحك عافني وراح
بنين؛ ما سوه شي بس فشرله كلمتين وكللها اخت الطرگ منو لازم فرخج من صبح للعصر علمود تدرسين والله بعد ماندخله بيتنا إذا تگليلها جليسه اطفال ؛ نخليچ تفرين باذنج وين تودي وتدرسين
اسيل؛ الله رايحه ابوسه كدام الكل من الحب؛ هي لزمت ايدي تضحك
بنين؛ عزا عزا تسويها ينخاف منج
اسيل؛ صبينا عشه واني احول بعيوني لنور وابن ريتاج علمود يضحكون اجه مازن دفع ابن ريتاج وكعد يم نور
نور؛ هاي ليش عود؟
مازن؛ لازگه بالطفل فد لزگه شبيج ماشايفه جاهل
نور؛ بكيفي؛ باباااااا سلوم
مازن؛ اوي تدلع
نور؛ اني اعلمك
اسيل؛ لحد يندگ بيها بابا سلوم بظهرها
خلصت العزيمه كل واحد راح لبيته
_كعدت ثاني يوم البيت هدووء حامد بالشغل خالتي سعاد دوام عدها بنين اكيد نايمه والجهال نايمين يوم احد عطله سالم؛ بالعاده اذا دوام يكعد من وكت واذا عطله يتاخر ب11 ب12 الظهر يكعد خلصت كل شغلي نظفت البيت ثلاث مرات وسويت ريوك فتحت سوره البقره بخرت طلعت فديوا تعليمي على اليوتيوب اتبل بي الدجاج ؛ تبلت دجاجتين علمود بنين من تگعد تطبخهم ؛ تعرف تطبخ مو مثلي؛ طبيت على كيف للغرفه اخذت ملابسي وسبحت عطرت صارت تقريبا ساعه 10 ونص
_لبست ثوب رقص وقفلت الباب فتحت الاضويه صعدت على الجربايه علگت اغنيه خاله ويا خاله سالم فز اني كمت اركص على الجربايه جر مخدتي حطها على راسه يستغفر واني اركص...
_خاله وياه خاله
خاله وياه خاله
خاله شلون بيه مادريتي
ما لومج يا خاله شما حجيتي
شيصبره العاشك يا خااااله شيصبره العاشك ياخاله...
سالم؛ اسيل اذا ساعه عشره ابتلي بيج
اسيل؛ لا والله ساعه عشره ونص؛ صحت شيصبره العاشك ياخاله؛ وكمزت على الجربايه واهز خصري كام اني بعدت اجه يريد يجر رجلي ويوكعني نزلت بسرعه جرني من ثوبي
سالم؛ اول شي طفي الاغنيه؛ وهدئي لا اشك ثوبج
اسيل؛ والعباس ب40 الف وتوصيل من اربيل عليك الله هدني
سالم؛ طفي الاغنيه اسسسسسسيل
اسيل؛ طفيتها هو هد الثوب؛ اخخ ضحكت؛ رفع راسه ساد عين ومغمض عين
سالم؛ راح تهججيني
اسيل؛ مالومج يا خاله شما حجيتي
سالم؛ طفي الضوه بسرعه
اسيل؛ ما ؛ اكعد ضايجه؛ هو كام على حيله شردت حصرني يم الكنتور خدودي وردت؛ نعم ؟
سالم؛ اذا ضايجه اني شدخلني؟
اسيل؛ زوجي
سالم؛ تعالي اعلمج زوجج شراح يسوي بيج
اسيل؛ ضحكت علمني؛ اخذ ايدي وتمدد تمددت بصفه حط ايده على عيوني ويدگ الي حتى انام؛ هاي شنو اني مونور
سالم؛ اسيل هدئي
اسيل؛ الا اتصل بخوله وانشتغل بيك سحر اخليك محيبس بايدي بسيطه
سالم؛ ربي كفيني شر اسيل وخوله
اسيل؛ ماقبل نومته عزيزه؛ بقه يدك على ايدي لحد ما نام؛ عفته وبدلت ملابسي نزلت سويت ريوك لنور ويوسف كعدت بنين طبخت الغده كاعده داوكل بنور احس بانفاس وراي لتفت طبع بوسه سريعه على شفايفي
سالم؛ جعل محد يصبح عليج غيري
اسيل؛ لا صبحت بوجهه بنين
بنين؛ اني هنا كايز
سالم؛ منو مكلبج انتي ؟
اسيل؛ سويت نفسي خجلانه عيب بنين سوالف كبار دوري وجهج هي ضحكت؛ قرب جر الكرسي يمي حط حلگه يم اذني
سالم؛ اكعد الصبح الگاچ فوگي تركصين گلت يمكن حلم بس طلع حقيقه شسويلج اني شسويلج
اسيل؛ امممم سهله نخلف
سالم؛ شنسوي؟ بربج؟ ماعنده شغل وعمل
اسيل؛ صحت بي متشوف انتاجنا شلون حلو بربك توگف مصنع الكيك ليش ؟؟ دباع ليوسف؛ يوسف چان كاعده على مقعد الاطفال وياكل بصعوبه جريته من خدوده وعصرتهن هو نزعج كام يبجي يريدني اوخر عنه ضربني سالم على ايدي
سالم؛ الولد ياكل يا همجيه
اسيل؛ هذا الطفل عباره عن كيك؛ تريد نوكف مصنع الكيك ليششش؟
بنين؛ اني هنا
سالم؛ مودرينا مودرينا شعندج هنا ماتطلعين ؟
بنين؛ منو اليطبخلكم؟
اسيل؛ لاعفيه حبابه بنين بس غضي سمعج وبصرج
بنين؛ نسيت انتي اسيل مرت سالم المستحه عندج صفر
اسيل؛ غمزتلها كامت تضحك؛ گعد يگلب بالتلفون ويراويني البنات الحلوات ؛ اخر شي وگف على وحده اجنبيه شفايفها نفخ يخبلن وشعرها اشگر طويل بيضه بياض الثلچ وزنها متوسط ايه من الجمال حط الها قلب مديت ايدي وخرته ورجعت حطيت قلب
سالم؛ مافهمت ليش هيج سويتي؟
اسيل: اذا خنتني وي هاي اقبل متشوفها ملاك سبحان الخالق
سالم؛ ههههههههههههههه
اسيل؛ اصلا اني اخونك وياها
سالم؛ ههههههههههههههههههههه
بنين؛ عزا اسيل سالم؛ هاي شبيكم لحظه انتو لازم متنجمعون بمكان واحد ويمكم واحد جبير شهل الاخلاق يمه خايفه على رجلي لاتخربو
اسيل؛ وحق ربي شوفي شنو من جمال دباعي عبالك شارده من الجنه؛ اكلك سالم تابعها خنباوع
بنين؛ يمه يمه عزا
اسيل؛ لحظه خنشوف الله؛ شوف هاي بالبكيني
بنين؛ اذا طلعت حامل اخذ ابني واشرد قبل لاتتفسد اخلاقه
سالم؛ بنين منو مگلبچ؟
اسيل؛ هخخخخخ
_صار العصر بدلت ملابسي جينز وبدي؛ عفت يوسف نايم واذا كعد بنين يمه؛ نور تلعب وي مازن وخالتي سعاد؛ طلعنا أني وسالم نتعشه بره كل يوم احد بليل نطلع اني وياه وحدنا نتعشه بره
_تعشينا وفترينا بالمول اشترينا شعر بنات؛ ورحنا للسينما طلعنا وبنيه تباوع لسالم لتفتت اله هو مغلس عليها ومسوي روحه ثگيل ضحكت؛ سالم باوعلها بس لاتدور وجهك وتباوعلها
سالم؛ هسه شسوي بله؟ اباوع لو لا؟
اسيل؛ اكلتك اكل بعيونها راح تتعشه بيك
سالم؛ خلي تولي؛ فگسي عينها
اسيل؛ لا ماگدر
سالم؛ ليش؟
اسيل؛ حقهن يباوعن اني لو مكانهن جان اعتديت عليك؛ لتفت الي مصدوم كتمت ضحكتي؛ صعدنا للسياره اني اضحك هو يباوعلي فاتح حلگه
سالم؛ يا ادب سز
اسيل؛ الله انت حلو
سالم؛ صدك ادب سز
اسيل؛ عداد المستحه عندي عطل
سالم؛ يمه تعاليلي يمه لحگيني يمه
اسيل؛ اخخخ وهسه شنسوي؟
سالم؛ نشتري موطه وناكلها بالسياره
اسيل؛ مووووافقه؛ اشترالي بطعم الفانيلا وهو بالخوخ؛ اكلناها بالسياره لان مقبل اكل موطه بره بمطعم او مكان عام ميقبل؛ خلصت هو يمسح حلگي كل ساع الطخه؛ اشرت على موطته؛ خلي اذوكها طيبه؟
سالم؛ هاچ
اسيل؛ قربها مني دفعت ايده على موبهاي الطريقه اخذت الخاشوكه وكلته وقربت بسته بشفايفه؛ اممم طعمها طيب؛ دنگت مندمجه اكل بموطتي؛ اسمعه ضحك؛ ابتسمت
سالم؛ ياله نرجع للبيت لو بعد تردين تفرين بغداد؟
اسيل؛ مادري افكر؛ لا خاف كعد يوسف؛ خلي نرجع احسن لزمت ايده ابوس بيها؛ دنيا ليل واليوم احد نصها دوام محد يطلع تقريبا هيج وقت بغداد مابيها اي ازدحام؛ گتله يفتح الجامه فتحها طلعت راسي وشعري يتطاير من الهوه؛ ابتسمت؛ سندت راسي على باب السياره والهوه يضرب وجهي؛ سالم
سالم؛ عيونه
اسيل؛ كلش ممتنه لرب العالمين على حياتي
سالم؛ الحمد الله
اسيل؛ وفرحانه اهوايه لان انت بيها
سالم؛ الحمد الله
اسيل؛ طببت راسي ولتتفت اله؛ ماتخيل حياتي بدونك
سالم؛ واني هم
اسيل؛ لعد كمل فضلك واعلگلي اغنيه
سالم؛ هاي لحظه
اسيل؛ علگ اغنيه بالهوه طاير بالهوه طاير شعرك سواد ليل بالهوه طاير
يتبع.....