قاع الشياطين

الجزء الثاني .. البارت السابع

الجزءالثاني ،، بارت السابع

#قاع_الشياطين

#بقلم_أسماء_ديمير

بلعت ريك ليش تصرفت هيج والله سالفه واكفة ، بس ردت اضرب عصفورين بحجر هم اذي عدي وهاي هم تتادب ، بس ياادب هذول عرب غير يموتها خطيتها بركبتي ..

اكلت روحي اكل ، كرطت نص اظافري ، رحت انظف سويت نفسي نادره ردت الهي نفسي حتى التانيب يخف ، حتى هم من يجي ويسالني اكله جنت انظف منو اجه ؟؟؟

ماسمعت احد اجه ودك الباب اصلا ؟؟

كفيت رداني و شديت شعري كبه ، و خليت سطله ماي وكعدت اجلف بالارض بلا سبب ، وهيف وياي تبلل وصله ودنج تمسح  ، عفيه بالنادرة عفية ..

كملت البيت و مسحت الاخشاب وانكطع نفسي وهذا ماكووو ؟!!!!

ياستار يارب شكوو .. معقوله دمغو لهل الارعن ، خلي يتادب واكو اخد يخليله حد ، لعد اعراض العالم لعبه عباله كلها مثل ميرال ماعدها احد يسال عليها ..

ساعه اتشمت وساعه انقهر اكول سويت مكسورة وعيب هاي مو اخلاقي ، الله يعلم شصار للبنت هسه بالله هو جلب بس هاي مسكينه وهذول عرب ماعدهم لحيه مسرحه اديهم والقتل ..

لطمت على خدي شيفيد الندم يحظي شيفيد ..

هيف تعبت دخلت غسلت الها وغيرت ملابسها ، و كلتها كعدت انومها على رجلية , وبالي يفتر على الحجايه كلتها …

سمعت الباب دتنفتح مديت راسي اشوف ، شفت رجله رفعت راسي بسرعه درت وجهي انوم بهيف ..

صوته دخل يشحط برجله ..

وكف ، بلغت ريك وجهي خرط ، ماباوعت عليه لايبين على وجهي  ..

حجه هاا ينادرة منظفه شعجب ..

كحيت ، البيت يرادله تنظيف ..

اني ممقصر بس خوش تنظيف عاشت ايدج ، منا وهيج شدي ايدج وبلشي نظفي مالي شغل بعد ..

ترى نظفت اليوم لان ضايجه وهم بيه حيل ، مو كل يوم صحتي زينه ..

لا يااابة عرفت بيج حيل وصحتج فول من المكسورة مالتج السويتها ..

درت عليه فاتحه عيوني … شسووويت ؟؟؟

هااا ولج طلع بيج بلااا واني اكول فقيرة وثولة .

احترم نفسك عدي لاتتجاوز عيب ..

لا والله ثولة ، لو ماثولة ما تحجين هيج حجي كبال طفلة و تهيجين العالم عليناا ، هذول عرب يالمطفية تخلي كالو الي اتزوجها واستر عليها هااا شموقفج بالله وانتي بعدج عرووس ..

عوجت حلكي ماتزوجهااا ميته عليك على اساس شلون اثنين انتو واحد لايك لثاني والله ، شو تزوجها و هديه عرسكم علية ..

سكتت انتي صدك بلا احساس وغيرة ، وتصرفج تصرف وحده رعنه ..

نترت رعنه بس عدي اخلاق بقت للذكي وبلا اخلاق ..

والله لو مااطفله بحظنج الا اجي امردج مرد .

هذا شاطر بي تهدد ..

تردين فعل خانم ..

لافعل ولا ححي عدي جفيني شرك وتحمل نتيجه سوء افعالك ..

ياسوء ولج رعنه ، منافقه صايرة بنت يمها بكربها اني ترحين تكولين لاختها وتلفقين علينا ..

عدي ثوله ايي بس مو غبيه واعرف دروبك زين ..

يابه بالقران بعد عشر سنوات ماتعرفين دروبي ، ياول دخلتج بدرب واحد من دروبي خليتج ماتندلين راسج من رجليج ، عميتج عمي ، اكول نومي البنت واسكتي منافقه ..

يادرب هذا تكول عليه ..

اكتشفي بنفسج يالمطفية …

دخل للغرفه ضايج وطلع وره ثواني ، هاااا تبشررري محد عاركني علمود رويدااا نفاقج ماجاب نتيجه بس كلهم عرفو مره غيرانه على رجلها وتصرفت بقله عقل ..

هيج احسن الج .. رفع حاجبه يكلولي الله يعينك عليها ، هاي بعدكم اولها .. مع الاسف فشلتيني وياهم ..

سكتت بلعت ريك ، شكد عيب ياربي ، دخل للغرفه واني خنست ، شحجي بعد هو اني سويتها منا وتندمت منا ، مو حركاتي ابد بس شسوي ضامه وشايله عليه بكلبي كومه وطلعت هيج بلحظه غضب ولحظه شيطان ..

طلع مغير ملابسة ، ضلت حجايه ادك بكلبي درب واحد وفريتج فر يادرب يقصد ،ليش هو شخلى ماسواه الزمال بيه ، شعدد ياهو بيهن ،

كالعادة باليل صعد الدواشك والجرجف ، اخذت هيف وصعدت وراه .. كعد يفرش ، ويدردم مو حاله هاي بالله الكريم ..

سوي عدي ركب عدي افرش عدي لم عدي ، ليش ماسوين شي انتي بيدج بالله ..

درت وجهي عنه اغلس ..

مو وياااج هييي ..

طول عمري اكو من يخدمني هسه على تالي وكت اخدم واخدم منو اخدمك ؟؟؟!

شو بعد مالي شغل ميرال ولا اخلي ايدي بشي ، دشوف شلون تتصرفين وادبرين امرج .

بلعت ريك عزااا ،نترت اني شعرفني كوه تحملني مسؤليه مااكدر عليها بنتي،كوه قايمه بيها ..

دكومي الزمي جرجف وياي على الاقل ، مدشوفي اخلي منا يفلت مناا ..

جلبه بقرصات مال اهدوم ،

وكف ،طلع مخج يشتغل والله شلون فاتتني ..

دمشي جيبيلي قراصات ..

شدراني وين .

روحي دوري ..

ظهري يوجعني مابيه كل اشوي اصعد وانزل .

بزع حيل هو ونزل ينتر عجزهم قتلهم الفاهيه مابراسج خير …

الحق يقال اني مو ام بيت شاطرة ، بسرعه اتعب وجسمي ياذيني تعلمت على الكعدة والاريده يجيني اذا تعبت نفسي كلش فاتعب نفسي على هيف ، اما اكل شرب لبس هالسوالف تعلمت تكون جاهزه واني بس اخذها ، الله يذكرها بالخير ام ساري ،

قامت بيه بكلشي صح تعلمت وجنت ذكية بس مااعرف اعتمد على نفسي بالكامل ،عاد هذا يريدني ام بيت شاطرة هو اني  يالله كوه شايله نفسي ، وداربي بنتي ..

ماصار كم شهر بلشت اشوف ، وهم نسبة النظر عندي مو كاملة ، بس يصعد ضغطي عيوني تغوش ، وهذا يريدني هيج افر البيت فر ..

هو نظفت البيت توه ورجليه كامن يصلن عليه يوجعني ، عبالك راكضه ساعتين ، هاي بعدني بنت العشرين لو كبرت شلون عفيه صحه ابد مالها امان ..

، صعد وياه سيم حديد .. حجه ماكو قراصات باجر اجيب ذكريني لا انسى .. وكفت اساعده ، لزمت جرجف هو شده بالسيم ، رافعه ايده ميله جسمي شوي داسيطر على جرجف ، وشوي دشداشه انرفعت بانت رجليه ، كفاي بين  ..

هو مبتسم يباوع ، نزلت ادية وكتله كمل لوحدك ، على كيفج عيوني شصار يابه ..

ماصار عيوني جفيني شرك ..

يا شر عيوني سندس السانج هطول ينكط سم ...

والله ياعيوني الساني ولا افعالي ..

ليش عيوني شبيها فعالي ..

عيونك خليها الك ياعيوني ..

عمت عيوني لخاطرك ياروحي انته ..

ويييع شهل غزل الرديئ ..

شال المخده وشمرها علية حيل ، والله انتي مو وجهه غزل والقران ..

رفعت ايدي اصد المخده ..عابت اي والله ..  نصب الجراجف وبللهم ونمت جواهم وهيف بحظني ..

هو نزل جوه ، غفيت اني وياها ، هو ماكو عبالي التهه بالجهاز لو يسوي مكسورة ، فامنت ،..

ماكو نص اليل وحسيت على ايد انمدت على بطني بس ماكعدت عبالي حلمانه من صعدت اليد لصدري فتحت عيوني والتفتت ، توه احجي خله ايده على حلكي ..

خليت اديه على صدره ادفعه ذب ثكله فوكي مرد اديه ، صوتي وعياطي مكتوم .. حجه الطفله لاتكعد ..

وناس نايمه على السطوح لاتفضحينه عيب ..

فتحت عيوني حيل ، اريد احجي دنيا ليل وجرجف مغطي جربايه بس اكو ضوه خفيف بالسطح ، حركت جسمي دتبعده من فوكي ماكدرت ..

بايده الثانيه بس رفع دشداشتي من جوه .. عطت حيل من جوه ايده وبجيت ، برجلية ثبتني .. ماكدرت حتى ارفسه ثكيل بشكل ، اني يادوب حيلي على كدي ..

عين عليه وابجي وعين على هيف نايمه ، دقايق وخر ، لزمت بطني توجعني ، درت وجهي وزحت يم هيف ابجي بسكوت ماطلعت صوت ، غطيت حتى راسي بالغطا ..

نفسي تلعب ، عطره بعده بخشمي ، حاجاني ، لاتكلبيها مناحه ماصار شي غلط .  ترى مزوجين ، 

ماحاجيته ضليت اشهك وابجي جوه الغطى ..

مودحاجيج ، صار حلال ، بعدين انتي مرتي شكو بيها ..

كمت لحيلي والتفتت عليه .  الله لايوفقك شكد حقير مرتك شنو لو مازواجنه لخاطر الطفل عساه بموت وتلحكه انت هم ..

كمت بسرعه انزل جوه داغسل ، نفسي تلعب ، هو نزل وراي بسرعه ، ركضت حيل للحمام وسديت الباب ، بس دخلت للحمام فرغت معدتي كلها ، كعدت بالكاع على السراميك ، لعبانه نفسي حتى من ملابسي نزعتهن وشمرتهن بالكاع فتحت الدوش فوكي ، فركت حلكي وجهي حيل بالصابون ، ليفت بالليفه حيل وجهي واديه ورجليه وتحت بطني قرفانننه قرفااانه حيل .

اندكت باب الحمام ..

مارديت ..

افتحي داسبح ..

مافتحت ولاحجيت ..

ولج رجلج يالله شبيج ..

عطت بي حيل شجااك انت تحيونت بهل ليل شااارب موو ؟ مو كلت مااشرب بعد ..

وداعت هيف ماشارب ، ميرال تردين امشي بدرب الحرام ، ترضيها افعل الحرام وامارس الزنا ، مو مزوج اني ، ياهو افضل زوجتي لو بنت شوارع ،

لزمت الحايط ابجي ، الله ياخذك يااعدي ، مريضه يالظالم راح تموتني ناقصه عمر،

دفتحي الباب دحاجيج ، افتحي يله ..

ولي مناااا ..

كاعد هنا ماكوم ، دنفض سالفة ، ماطلتي هواي وياي  واني صبرت بما فية الكفاية  .. كافي خلص ..

ماحاجيته متت بجي ، لحد ما خشمي قفل وعيوني كامت تحركني طفيت الماي وكعدت بالحمام ، ساعه واكثر اني كاعده لحد مابردت وجسمي ثلج .. ملابس ماعندي طرك المنشفة .. جريتها ولفيت نفسي بيها  ..

ماجنت خايفة ، ولا ذرة خوف احس روحي تدبغت شيريد يسوي بعد ، درجه عدم الخوف والامبالاه وصلت اذا بيدي شي او حيل اقتله خلاص ..

فتحت الباب لكيته كاعد بالباب وكف لحيله من شافني ، توه يحجي تفلت بوجهه ..

غمض عيونه حيل ومسح وجهه ، همس امشيها هالمره بحكم مريضه و اول مر …  سكت …. رفع نظره عليه ..

وداعت هيف يااعدي لاردلك هذني سويتهن بيه ، بس خلي تجيني الفرصه ..مشيت للغرفه ، الغصه بصدري شلون نار وتسعر مشيت اطلع ملابس ، هو وراي يحجي لو جايب مره للبيت جان كلتي تسوي الحرام وماتخاف الله واطلعين السانج هالطول ..

بس من سويته ويه حلالي ومرتي كلبتيها علي،مناحه .

بس باوعت لبنت جيران وحاجيتها شوي ، سويتها فعلة شرف ورحتي حركتي اهلها عليه ، شايفه افعالج لو لااا ، لاترحمين ولاتخلين رحمه الله تنزل ، من بابه لاتباوع لبنات العالم بهل نظره حرام ، ومن بابه من رجال ياخذ حقه من مرتة حتى لايضطر على بنات شارع تسويها مناحه دك وبجي ..

التفتت وروحي شااطه ، طلعت شكو حركه بكلبي وعيطت بوجه حيل ، ابوو الحق راح تكلبها علي حقوق شرعيه مووو. .. قاطعني ،، لاصيحين صوتج دنيا ليل ..

رفعت اديه اانكت بيها واعيط بوجه ، يااادنيا ليل خلي العالم تسمع خلي احد يشووف ويسمع بالكت اكو ابن شريفه يوكفك عند حدك مصختها كللش ، شنو انت من بشر شيطان خما،شيطاان تضحك علي ، مو تزوجنا لخاطر العقد حتى طفل يسجل باسمك واسمي،  ولا ينكال عليه نغل ، ولك سنين وانت اعزب ماحجيت بالحرام وزنا من شفت ميرال صرت متدين ماتتقرب للحرام ..

صوتج ولج عرمه شجاااج سد باب الغرفة عود يستر على صوت ..

كااافي مليت ، طكت روحي تحجي الاخرس انت ، ولك مرمطتني موتتني شسوي بيه بعد تجيبني مناا وتوديني منااا دكاافي ،

اجه يريد يلزمني عود يسكتني ويهديني بعده توه وصلني همشه باضفري ملخته ..

يابنت نعاال لزم ركبته يشوف الدم .. رفع نظره عليه لااا انتي يرادلج دكه حتى تصيرين ادمية وتجرين عدل ، توه يرفع ايده ، رجعت ليوره علي الميز ، جلبت بالمنشفه حيل لاتوكع ..

تقدم ديضربني عطت حيل الحكونيي يااانااس .. صم حلكي وسممممم صوتج بنت الكلب ..

عضيته ، وخر ايده عن حلكي عاط ، يريد يلزمني تكامشت وياه ، عته وحده منه تكومت صرت جوه رجليه ، انحصرت بين الميز والحايط ، ورجلية ..

ماكدر اكوم بعد حيلي راح .. رفعت راسي ابجي فقدت حتى طاقتي ..

هو واكف فوكي مخصر هسه لو الزكج بدفره اسكطج هم واحد يلومني ولج جلب مجلوب انتي ، لو تعضين لو تخرمشين ، شجاج شسويت الج ، هاي اذا كل وحده رجلها نام وياها ، وبعدها تكتله وتخرمشه مثلج نبطل نزوج نسوان ، نحول على الحلوين والولد ولا شكولجن ..

ماحجيته ضليت ابجي دنجت راسي مابيه حتى اكوم ، لزمت منشفه لاتوكع مني ، كعد كبلي ساكت ، درت وجهي عنه ماريد المحه ..

اسف ،،،

مارديت ..

دميتيني ولج ، شوفي الدم  ..

مارديت ..

اظافرج تكصيها باجر ماقبل بعد تخرمشيني عيب من الناس شيكولون خرمشته مرته ..

مسحت دموعي وينزلن غيرهن ..

ترى ماصار شي حرام والله ، يمكن سويتها غصب عنج بس مو حرام ، اعرف طريقتي غلط بس لو طالب منج ماجان قبلتي ..

كمت لحيلي اريد البس ملابسي ، كام وياي خله ايده على ملابسي ميرااال كاافي ..

رفعت نظري عليه ، عدي عقلك مراح يفهم ولا راح تحس ابد ، اذكرلي اكثر مره تكرهها بالحياه بس تخيل هاي المره تمارس وياك غصب عنك شنو شعورك ..

سكتت مو نفس الشي لاتخربطين ..

واسوء عدي ،  والله شي ينكسر بداخلنا ماراح يصلح ويضل مشوه طول العمر ..

عبالك اتقبلك لو احبك بهل طريقه انته هدمت شكو ذره احسان ورحمه بكلبي اتجاهك … منا وهيج اعطف واحسن للحيوان اكثر منك ..

شسويلج بعد ماتكليلي شتردين بس كولي والله اسوي ، والله من حبي الج عجزت شتردين ..

عوفني بحالي ..

الا هاي ..

لعد ماتحبني ، تحب نفسك ..

سكت ، دنج راسه على اتفاقنه ميرال ، كملي حملج وروحي ..

جذاب ..

والله ، كملي الحمل وروحي ..

باوعت عليه مدنج راسه ويحجي ، اخذت ملابسي وطلعت من الغرفه صاح وراي ميرال ..

التفتت عليه شهكه بصدري ، رفع اصبعه صار اليوم حيتكرر بس رده فعلج هاي،مراح اقبل تتكرر ، اذا تكررت وعدي وياج  ينلغي ماكو روحه لاي مكان من دوني ..

بلعت ريك مختنكه من كلامه رجعت للحمام البس ملابسي ، لبست وطلعت امسح بدموعي ، هو دخل للحمام خله الباب مفتوح على حيلها  ،

صعدت البايات الدرج التفتت على جهه الحمام ،  لكيته مثل ماخلقني ربي بالحمام فتح الماي يباوعلي بعين صلفة ، درت وجهي عنه عافسة وجهي .. الله يااخذج شكد صلف وبلا تربية ..

مددت بصف هيف وغطيت جسمي ، جنت خايفة يصعد ،بس مااصعد ماعرف شعجب ، مانمت ضليت كاعده لحد مااذن الفجر ، متت نعاس وتعب وجسمي اصلا احسه مكسر ..

بس ماكدرت انام ، كشف الجو وشمس بلشت تطلع ،

نزلت ونزلت هيف وياي ، كاعد بالحديقه يشرب جاي ، نزلت هيف بالارض راحت تركض علية ..

اني دخلت للغرفه انام ، غفيت على جربايه بالغرفة ..

مرت يومين ماحجي وياة ، هو هم هادى ماحاجاني ولا غثني ، شافني يانايمه يا بالغرفه اتجنبة وباليل ماانام اضل كاعده ، هو كل شوي يصعد يشوفني نايمه اذا كاعده ينزل ويضل جوه مايصعد ..

بالنهار يطلع من صبح ويرجع العصر ، استغلها لو اشتغل لو التهي ويه هيف ، اميرة مااجت بعد ماشفتها لا هي ولا رويدا ..

هيف صايرة تركض ركض ، شلون المصرع ماتخلي ، تفتح جرارات  واطلع الخواشيك ، لو تفتح الكاونتر واطلع المواعين سولتها بالجداري والقباقه علمها ذاك الخبل ..

لو تلعب بالطين لو تكطع بالورد الي بالحديقه ، لو تركض وره الدجاجه وفروخها ..

اسمع بس الدجاجه تعيط ..

طلعت اشوفها ، لان هيف شايله نعال وتركض وره الكتاكيت وتضرب بيهن ، ودجاجه متخبلها على فريخاتها ..

عطت بيها لاااا ولج لاا ، لزمت واحد وفعصته اخذتها من ايدها كوه ، افك باصابعها صامتهن حيل والفريخ كثر ما طكت روحه ركبته صارت هطول وفاك حلكه يريد ينتفس خطيه .. و الدجاجه تعيط جوه رجلينه على ابنها ..

ولج يالظااالمه طلعتي روحه هددي ، ضربتها على ايدها حيل ويله فكتها وزعلت نوب ضلت تبجي ودفر بيه ، الدجاجه جوه رجلينه ..

نوب التفتت على الجاجه وركعتها جلاق ..

لا يااطايحه الحظ ولج ليييش خطيه حرام ماما شبيج .. رجعت ليوره تعيط معصبه واتفل .. عثرت بالثيل وكعت على ط ي ز ه ا واكو شي سوه ويصصصص جواها ..

ذبيت الفرخ بالارض وكام يركض بعوج يركض ويوكع .. فكيت حلكي عزاااااا ركضت عليها ودجاجه وراي ، عبالك كلبها حس فريخاتها اليوم يفطسن ..

رفعتها ولان كتكوت والله من شفته اخترعت ضليت اعيط .. يكرم الله منظره بعده بالي مصارينه طلعن من ط ي ز ه …

دكيت على خدي ، صخااام صخمك ، هيه تبجي واني اعيط ، نوب شلته دندل بيدي مايتحرك ،شفته هيج انفجرت ابجي ..

ولج عزااا هيف هذا يمكن مااات شسوي ..

هيه من شافته سكتت تباوعلي مصدومه ..

نوب منظره يخوف ، شفته رمش بعيونه .

هذا عاايش والله لج شسوي ، خرب يااايمه لاتموت عفية ، اخذته للمطبخ خليته على الكاونتر شسويلك يالله ، كابلته ابجي ، رشيت عليه مي مايكعد ..  هيف طلعت للحديقه عطت بيها ولج تعاااي هنااا وين موليه ..

شوي وانفتحت باب الطرمه .. دخل عدي وهي وراه حجه شكوو شبيجن ليش هيف تبجي. .

شافني ابجي انصدم شبيج انتي لخ شكوو …

ماكدرت احجي اشرت على الكتكوت على الكاونتر .. تقدم علية ، شافه وضحك وهمس استغفرالله هذا شبي ..

بجيت درت وجهي ابجي ماكدرت اتحمل وهذا نذل بلا احساس ..

غير افتهم شطلع هذني منا هههه ..

ترى مضحك الحيوان حيموت وخطيه امه باوعلها شلون تتكرضم عليها هاي جنها شاذي وكعت عليه مردته ..

باوع لهيف واكفه جوه رجله تكله صار بي اوووااا …

هز راسه اي والله اووا جبيرة شيدخلها لبطنه هاي حيموت هذا ..

كمت لحيلي لااااا حرام والله خطيه ترى مابي شي بس مصارينه طالعه ..

شسويله يعني  ، ذبي برة لا تطلع ريحته ..

صدك تحجي عدي خلي عندك انسانية شوي ، ترى خطيه هم كائن هذا الله يحاسبنه علية ، اخذه للبيطري ..

يابيطري ولج هذا موات ..

عدي بروح اعزازك لاتكول هيج ..

حك راسه شلون بلوه يااربي نوب عليه كتكوت ، طلع من المطبخ ورجع بيده عود مال كطن ، حجه تعاي الزمي بالله .

شنو هوو ..

نتر بجزع فززني .. هذااا شنو هوو دتعااي ..  كمت ركضت رحت عليه شلزم ..

رجليه دنرجع مصارينه لمكانهم ..

عددددي لاااا ..

ماكو غير هالحل البيطري هيج ايسوي ..

صدك تحجي ..

وداعتج يله بسرعه لايموت بسرعه .. لزمته كبل وغمضت عيوني ، اديه ترجع ياارب مايموت ، فتحت تك عين ، لزم عود الاذان ودحش مصارينه مره ثانيه اني ساحت روحي من منظر وكع الكتكوت من ايدي وكعت بالارض ..

لايالفاهيه على هالدكه ، دنج يشيلني من الارض اني صرت خركه والله نفسي كامت تلعب وحتى صار عندي الم بالمؤخره عبالك صار بالكتكوت صار بيه .. ماعرف ليش ..

كومني كعدني على كرسي بالمطبخ هو شاله وذبه بره وامه ضلت تفتر حوالينه .. يكول لهيف هاي عمرج بعده ماقبط سنتين وسويتي جريمه قتل لو كبرتي شسوين ..هاا يالمجرمة ..

سوالي لبن ونطانياا هااج ضغطج نزل ، ضل يضحك ،كلشي يااخذه ضحك ماعنده جد ابد ، اني لليل ورحي سايحه واديه ترجف ..

هو راح دفن الكتاكيت الاثنين هو وهيف ، ماتن هيج والله حرامات ، خطيتهن بركبتنا هم حيوان شله ذنب ياربي …

ثاني يوم كال رايح اجيب ثلاجه ، طلع من البيت ، ضليت بس اني وهيف ، مااحجي وياها على سوته ، هيه تحوص تريد تطلع عليهن ، ماخليتها ، ضلت تلعب بالمطبخ ، غفلت بس شوي عنها رحت اخلي ملابس بالغسالة

رجعت لكيتها طالعه فاتحه بوري الماي منكعه نفسها ماي وطين .. تعبتني بشكل ، حركه موت ، جريتها ماترضه تهامش نوب تعارك ..

كوه قنعتها اخذتها للحمام ، سبحتها  اذا شافت الليفه تعيط شيوكع الطين غير الليفه هو الماي لوحده شيسوي ولج اوكفييي ..

نكعتني من فوك ليجون يله كدرت عليها ..

نشفتها وطلعتها البسها ، لبستها و مشطت شعرها وشغلت الها تلفزيون ، درته على قناه كراميش ، وكفت تركص ةياهم ..

سديت باب المطبخ علمود متطلع للحديقة ، اخذت ملابس ودخلت اسبح ، كل شوي امد راسي اشوفها وين راحت جاي اسوي اخاف منها ، خليت شامبو على راسي بسرعه بسرعه داغسله وامد راسي نزل على عيوني سمعت صوت ..

هااا هيف ماما هياتني ..

صوتها طلع تضحك .. فركت شعري حيل .. اهيف جيت كملت دقايق لا ترحين للمطبخ امي…

صوت بالحمام .. مسحت الشامبو من عيوني ولج لاتدخلين هناا توه سبحتي .. اندارفزيت فززه .

يمااااااا .. انعل بليسك خرعتني اااطلع .

هههههه شكو فاتحه الباب هيج ..

اطلع دااكول دفعته بتك ايد والايد ثانيه لازمه جسمي اطلع داااكول ..

اندار سد باب الحمام ، والتفت عليه ..

وحق هو الله الم الجوارين عليك ..

نزع قميصه بسرعه حجه بكيفج بنتج هناا تخترع ترى ، هي تريد حجه حتى يصير بيها لجه دنج ينزع البنطرون ..
كبل بجيت بداعه بحر عدي اطلع ..ماحاجاني نزع ملابسه درت وجهي عنه ، فتحت الماي داغسل شعري بسرعه ، لزم ايدي حتى مافتح الماي ، حصت ودفعته بروح عزازك وخر عدي مو حاله هاي ..

شحجينه ميرال ..

وخر عدي لاتجبرني على شي كاافي .

مو حاله ترى بزعتيني والله فاض صبر وياج ….

دنجت اريد افتح الماي ، مد ايده هو فتحه دفعني جوه ودخل هو ، ماكدرت اعاند ولا كدرت اقاوم اصلا ، بجيت مافاد البجي ، دفعته مايتحرك من يلزمني يعني لزمني خلص ، اطول مني وجسمه اقوى من جسمي ، اني مريضه حتى لو بطوله هم مريضه ماكدر ..

نترت ورفعت صوتي يكلي بنتج بره بس تسمع عياطج تخترع ..

قلصت نفسي عناد ، جرني من شعري ، مد ايده كرصني من خصري ، عطت ااااخ ، خله رجله بين رجلية ،،  تالي استسلت ابجي ، يكلي تتعودين ، كرهته اضعاف كرهي قبل ،

تكرر الموضوع مرات مو مرة ، وصلت مرحلة ماكمت ابجي ، ولا اتوسل لان شفت مافدن ، حاولت اتفادها شكد مااكدر ..

بس هو سبحان الله مخلوق مكار وملعب لازم يلكاني بمكان لوحدي وعلى غفلة ، لو بالمطبخ ، لو بالسطح من افرش وياه ، يكرم الله حتى بالحديقه احسه مفجوع ماشايف مره …

ابتعدت عنه شكد مااكدر ، هو يختفي من كبالي وفجاءه احسه والكاه وراي واكف يباوعلي ، شلون الجن ماله صوت .. حتى سطح مانمت بي بعد ، ضليت انام بالغرفه بالحر اني وهيف حتى بس اكدر اسد الباب وانام بدون مافز كل شوي ..

مره من المرات دخل للغرفه مارضيت ، بزعت لعبت نفسي مرتين باليوم مرات والله ثلاث مرات بزعت ، حتى جسمي يحركني ،وياذيني ماتحمل جسمي طكع ، ضليت ابجي وكامشته ..

ادفع بي ، هو ماضاربني يعصب اي يهدد اي  بس مايضرب ، حاول يجر ملابسي كوه جلبت بيهن وعطت حيل ..

سرد الفالينه من فوك شوي صرخت ابجي حيووووان كااافي مريض انت شبيك مو بشر شجااك ماشايف .. كل شوي كل شوي دكاااافي بزعت شهل قرف الله يقرفك يالنكس ..

فك عينه وخر ايده عني، ابتعدت عنه ابجي ، لميت نفسي .. ابتعد هو عني خطوتين ..،

اني مااكدر بعد ميرال ..

رفعت نظري عليه قرفانه منه ومن سوالفه ..

هز راسه تعبتيني ، ماجاي اكدر اتفاهم وياج لو نوصل لحل وسط يرضينا اثنينه ..

هزيت راسي مااكدر كتلك مااكدر ،

هز راسه نزل عيونه عني ، باين داطلبه منج هواي ، وانتي كرهتني لدرجه  جاي تحسين بقرف ، اني هم ماشامر نفسي عليج ميت الف وحده تتمناني بس صابر عليج لان احبج ..

مارديت عليه .. عاف الغرفه وطلع ، ضليت كاعده بمكاني ابجي منهاره ، لعب طوبه بيه والله ، لعبها لروحي حتى مثانتي اذتني ويريدتي اتحمل ، هو يلح ، من جنت مزوجه بيبر مو هيج يلح بهل شغله ، خاصه من يشوفني مريضه يبتعد عني كلش ، ومن اتعارك وياه يعزل نفسه ويكضيها شغل لو بالمكتب مايكابلني ويغثني ،

الا هذا احسه يتقصد يقهرني ويكرك دمي ويمرضني ،  مثل الملهوك ماشايف مريض ، احس دماغه مليان قله ادب وحيونه ..

ماكو اي صفات بشريه داكله تعبت تاذيت كااافي لعبت نفسي ، امشي بالبيت واتفزز منه على ساعه يجفت علية ضليت بالغرفه تقريبا بالساعه .. مسحت دموعي وغيرت الفالينه وطلعت داشوف هيف ..

مالها صوت ، طلعت للصالة ، ماكو التلفزيون مشتغل وهيه ماكو ، بس العابها بالارض ،

هم راحت للحديقه على هذني مساكين ..

طلعت للحديقه فارغه ماكووو ، درت وجهي هو هم ماكو ، وين راح ولى هذا ..

هييف مامااا !! ماكو رد ..

دخلت للمطبخ ماكوو ، رحت للحمام ماكووو ، هيييف هيييبف ماما دحاجيج ..

ركضت للغرفه مشيت للصاله اصيح ماكو اثنينهم ماكو …

يتبع ..................

احب ادللكم اني شفتو ،🥰🥰🥰 عيدكم مبارك مقدما ، بروح اعزازجن بنات ادعولي ، وادعو لجميع امه محمد ، بالرحمة والمغفرة والهداية وبكل دعاء كولن لي ولجميع امه محمد ، خلي ندعي لبعض عسى ولعل واحد بينا قريب من رب العالمين لدرجه دعائه يستجاب من اول مره .. هو اقرب لنا من حبل الوريد بس يحب العبد الحوح ..
....................
البارت القادم وره العيد من باجر حيبلش الظييييم 😢😢😢 والخطار وطلعات وبوس وعايد خالك وعمك

حسابي الانستغرام الجديد تابعو حبيباتي ..