وصلو للدار شافت فيها لميس بنظرة تذمر ماعجبتهاش من اول نظرة والاسوأ انها في وسط الغابة
لميس : لاه دارك نوار؟؟؟ لاه نتا مافيا !!!!!
صدماتو بهدرتها مكانش متوقعها منها مرره تنهد براحة كي كملت هدرتها
لميس : تصميمو يشبه لرئيس عصابة ماشي مفتش شرطي وزيد جاي في نص الغابة يعني مالقيت حتى بلاصة تبني فيها غار هاذي
ادم : يلا ماعجبكش نبدلوه كريتو ليومين برك باش نبقاو وحدنا انا وانت برك اما الدار نشريوها على ذوقك نتي
بلعت ريقها وكسى الخوف ملاحها ميش مستراحة في هاذ الدار تذكرها بحاجة من الماضي
لميس بسخرية : وااااااو راجلي رومنسي بزااااااف ..... الناس يكريو في بلاصة هادية يخليوك تسترخي وتستراح ونتا برومنسيتك الرائعة هاذي تحوسي ترعبني وترهبني في دار في وسط الغابة
ادم : مكانش بلاصة للخوف ونتي معايا فهمتي ؟
لميس : لا
جاوباتو بكل بساطة واختصار في حرف تبسم شطر تبسيمة على عنادها هاذا اللي متأكد بلي ميخلاصش دخلت لهاذيك الدار ولا نقولو قصر وهو وراها كان كلش فيه بالنوار دارت ليه
لميس بتذمر وسخرية : افف يدير الاكتئاب ويجيب الغمة ضك هاذي دار ؟؟ ربي يهديك هاذا وش نقلك وفرحان بعملتك حاط روحك شما درت كون ع الاقل كريت في بلاصة تطل ع البحر جايبني وسط الكلاب والذيابة والحناش
لأول مرة في التاريخ يحكي معاه واحد بهاذ الطريقة ويتناقش معاه بهاذ لافاصون مفهمش روحو كيفاش قادر يتحملها ... لمحت لميس وحد الكولواغ فيه الشمع والورد مزين بالاحمر عقدت حواجبها باستغراب
لميس : واقيلا نتا...........
جات رايحة تدور ليه قطعت كلامها كي عاود رجعها مخلاهاش تدور ليه وحضنها من لاور بهدوء وحنية
ادم : راكي بين يديا ضك
حكمت في يدو اللي كان مدورها على خصرها ونترتها بقوة
لميس بالعياط : قتلك ماتمسنيييش وماتقربش مني
غمض عينيه بقوة يشد في اعصابو عليها
ادم : مالا لوكتا ؟؟ راكي مرتي ضك
لميس : شوف باش يكون في علمك متزوجتكش حبا ولا عشقا تزوجتك لمصلحة ونتا علابالك بلي ماعندي حتى مشاعر تجاهك
ادم : الحاجة اللي نعرفها ضك اني نحببك وهذا يكفي حاليا بما انك معايا قدامي وموضوع حبك نتي رح تحبيني مع الوقت
شافت فيه بصدمة شدت راسها بيديها : راك صحيح في مخك نتا!!!!! اصلا نتا من وكتا تحبني قوول حتى مهدرناش كي العباد يا ربي تلاقينا زوج مرات واسوء لقاء ديما نتلاقاو في مركز الشرطة من وكتا تحبني اه ؟؟؟
هزت صبعها في وجهو : مستحيل نسمحلك تمسني مدامني حية زواجنا ع الاوراق بررك وراح نستغل اي فرصة تجيني باش نتطلق منك ماكان لاه تحاول تخدعني وتوهمني بلي نحبك
حكمها من ذراعها بقوة وجبدها ليه حتان تخبطت في صدرو العريض حست بذارعها رايحة تطير شافت في عينيه كانو يخوفو تمكن منها الخوف حست برجليها فشلو شافت فرق الحجم والطول اللي بيناتهم كانت ياربي توصل لصدرو كانت كي القطة مقارنة بيه
ادم :نتي ملكي انا وتاعي وحدي وفكرة الطلاق انسايها وامحيها من راسك وباش يكون في علمك الخرجة من القصر بلا اذني ممنووعة بيسك من اليوم ورايح نسبة خروجك بلا بيا قريب معدومة ..... كمل بالعياط : سمععععتي؟؟؟
حكم وجهها بين يديه يهدر بصوت مرعب : لميس حبيبتي ماتختابريش صبري سمعتي ؟؟ انا نحبك من مدة ونراقب كل تحركات ماشي غار نحبك برك انا نعشققك سمعتي ؟ ومتحاوليش تختبري غضبي اطلاقا
بقات تحاول تتحرر من قبضتو بقوة مقدرتش شافت فيه بعينيها الرماديين لعينيه ديراكت ركز معاهم كانو مليانين تمرد وقوة وتهور وتحدي خزرتها كانت ثاقبة وواثقة
لميس : ام يسمعو وذنيك وش راه يخرج من فمك ؟؟ مهبول ولا تتمهبل ؟؟ انا طفلة حررة منحبش الانقياد للاوامر نحب ندير اللي نحبو واللي تخطرلي في بالي .... ديرها في راسك مليح منيش انا اللي نفذ اوامرك ونسمع الهدرة ومدام بحثت عليا علابالك بلي مقودة في رايي ومهبولة مالا نحيييي يدك الموسخة عليا
نترت يدها بقووة ومشات خارجة
___________________________
ركبت طومبيلها متقلقة من تصرف ادم مع لميس والجاست اللي دارها وسط الحفلة سمعت تقريبا كل المدعويين يهدرو على حبو ليها
ميرا : كان نوغمالمون انا اللي نكون في بلاصة هاذيك ال ****
ضربت الفولون بقوة وهي تعيط على طولها من كمية الحقد والغيض تنهدت بعمق كي تفكرت كلامو كي منعها تدز لميس من الدروج
flash back
ميرا بالعياط : وش راك تدير اطلقنييييي
حطت يدها على خدها من الكف اللي داتها من عندو شافت فيه بغيض
ايفان : حذرتك من قبل تحاولي تمسي منها شعرة نقتلك بدم بارد
ميرا : ونتا وش يهمك فيها ؟ نتوما هدفكم واحد بصح انا قتلكم هدفي هو ادددم
شافت فيه بصدمة بعد ما استوعبت : تحبها !!!!!!
حط يديه في جيابو يخزرلها ببرود
ميرا : جاايح جبان مالا كي عدت تحبها لاه خليتها تتزوج بيه
قرب ليها شدها من فكها يلز ليه حساتو رايح يطير
ايفان : ماتتجاوزيش حدودك انسة ميرا ولا ميش راح نهتم شكون نتي ولا وش تكوني ونخليك من اخوات كان
دزها بقوة يشوف فيها بنظرات غضب
ايفان : وباش يكون في علمك المرة اللولة فوتها المرة الثانية راني مانتساهلش معاك
ميرا : وش دارتلكم حتان اثرت فيكم وخلاتكم تحبوها هكذاااا ؟؟ علاه ديما هي المحظوظة بالاهتمام ديما هي محبوبة الجميع
ايفان بابتسامة جانبية : ضك انا نقلك شنهي السر اللي خلاها محبوبة الجميع .. كمل يحكي بهدوء : لميس مزالت فيها روح الطفولة بلاك كي عاد التمرد تاعها وطيشها بلاك ليي جاست تاعها معلاابليش كاينة حاجة فيها مميزة تخليك تخزر فيها ماتشبعش
طلع عينيه لميرا اللي كان وجهها احمر من الغضب والحقد كان مبين من عينيها
ميرا : ماذا بينا نزربو ننهيو كلش وكل واحد يدي اللي يحوس عليه انا مايهمني لا حبك ولا والو اللي يهمني انو ادم يكون ليا وضك بما انك تحب لميس فعندنا هدف مشترك نفرقوهم وانا ندي ادم ونتا لميس والباقي ربي يسهل عليه وش يحوس وماذا بيك كي نتا طلبت مانأذيش لميس نتا ثاني ماتحاولش تأذي ادم
ايفان : اوكي
تبسملها بجانبية ودور رايح حاط يديه في جيابو
back
ميرا : ضك تشوفي يا لميس كانغراس نوعدك تخلصي هاذ التهور والتمرد اللي يحبوه فيك كاامل يكون هو السبب في نهايتك والايام بيناتنا يا ختي العزيزة
كملت تسوق في طومبيلها وتخمامها كامل في ادم اللي سرقاتولها لميس على حد تفكيرها هي
.......يتبع♥♥♥