ချစ်လိပ်ပြာလေး တဝဲလည်လည်
အခန်း ၂၇
"တီ...တီ..တီ...တီ..."
"ဟင်..ဒယ်ဒီ..."
ဆေးရုံရဲ့လူနာကုတင်အပေါ်မှာ အိပ်မလို့ကြံခါရှိသေးတယ် ဖုန်းမြည်သံကြောင့် ဆိုဖီလန့်နိုးသွားလေသည်။ဖုန်းကိုကြည့်လိုက်ရာ ခေါ်နေတာက
ဒယ်ဒီ့ရဲ့နိုင်ငံခြားဖုန်းကောလ် ဖြစ်နေသည်။
📞"Hi...Dad..."
📞"ဆုနေခြည်!!!!...နင်အခုဘာတွေလျှောက်လုပ်နေတာလည်း...ဟမ်!!!!"
ဖုန်းကိုနားမှာ ကပ်လိုက်တာနဲ့ ကြားလိုက်ရတဲ့အသံကြောင့် ဆိုဖီသက်ပြင်းချလိုက်မိသည်။
ဒယ်ဒီကဆိုဖီ့ကိုဘယ်တော့မှာ နိုင်ငံခြားနာမည်ကို
မခေါ်ဘူး"သမီးဆု..."ဆု..စသဖြင့်ပဲခေါ်လေ့ရှိတယ်။
"ဆုနေခြည်"လို့ နာမည်အပြည့်အစုံခေါ်နေပြီဆိုရင်တော့ သေချာတယ်..ဒယ်ဒီသိပ်ဒေါသထွက်နေ
ပါပြီ။
📞"ဒယ်ဒီရယ်...ဆိုဖီက ဘာတွေများလုပ်နေလို့လည်း..."
📞"ဘာတွေလုပ်နေလို့လည်း ဟုတ်လား...ငါ့ကိုနင်ဘာမှတ်နေလည်း...ပြောစမ်း..ဂျိုးနဲ့ကွာရှင်းလိုက်ပြီလား..ဟုတ်လား..."
ဂျိုးရဲ့ နာမည်ကိုကြားတာနဲ့ ဆိုဖီ့ရဲ့ရင်ထဲ၊အသဲထဲကနေကို နာကျင်လာလေသည်။
အိမ်ထောင်ကျပြီးတည်းက ဒယ်ဒီနဲ့မနေပဲ ဂျိုးနဲ့လိုက်နေခဲ့မိတယ်။ယူပြီးကာစကတော့ ဂျိုးဟာဆိုဖီ့အပေါ်ကိုသိပ်ဂရုစိုက်ပေးသလို,သိပ်ချစ်ရှာတယ်။
ဆိုဖီလည်း ဂျိုးရဲ့အချစ်နွံထဲမှာနစ်ပြီး ဘာကိုမှသတိမထားမိခဲ့ဘူး။
စိတ်ချမ်းသာမှုကပဲကြာကြာမခံတာလား၊ဆိုဖီ့ကံကြမ္မာကိုက ဒီလိုဖြစ်ရမယ်လို့ ရေးထားပြီးသားမို့လားတော့မသိဘူး။
ဂျိုးရဲ့အပြုအမူတွေဟာ သိသာစွာပဲ မူပြက်လာခဲ့တယ်။
နောက်ဆုံးမှာ ဆိုဖီသိလိုက်ရတာက ဆိုဖီ့ယောက်ျားဟာ ဖောက်ပြန်နေပြီဆိုတာပါပဲ။
ရင်အနာရဆုံးကတော့ ဂျိုးနဲ့ဖောက်ပြန်နေတယ်ဆိုတဲ့မိန်းမက ဂျိုးသွားနေကြ ဘားကမိန်းမပျက်တစ်ယောက်နဲ့တဲ့။
ဆိုဖီ့လို သမိုင်းသုတေသနဌာနက ပါမောက္ခဖြစ်တဲ့အပြင် အငြိမ်းစားစိတ်ပညာဒေါက်တာတစ်ယောက်ရဲ့ သမီးကိုသစ္စာဖောက်ပြီး ပိုက်ဆံပေးရင်ယောက်ျားတိုင်းနဲ့ လိုက်အိပ်တတ်တဲ့ အကျင့်ပျက်မိန်းမတစ်ယောက်နဲ့ တွဲနေပါတယ်တဲ့။
ဆိုဖီအသဲနာတာထက် မခံချင်စိတ်ကပိုကြီးထွားလာခဲ့တာပါ။
📞"ဂျိုးနဲ့မကွာရှင်းရသေးဘူး ဒယ်ဒီ...
ဒါပေမဲ့...သူဖောက်ပြန်နေတယ်...သမီးကသတိပေးတော့ သူကပိုအရွဲ့တိုက်ပြတယ်လေ..."
📞"...အဲ့ဒါနဲ့ပဲ မြှားဦးက ဘုန်းမြတ်ဆီကိုချိန်ရွယ်လိုက်တယ်ပေါ့...ဟုတ်လား..."
📞"ဟင်...ဒယ်..ဒယ်ဒီကဘယ်လိုလုပ်ပြီး သိသွားတာလဲ....."
"ဟာ..သွားပြီ...
ဆိုဖီကိုယ့်နဖူးကိုယ်ပြန်ရိုက်မိတော့သည်။ဒယ်ဒီကစွတ်စွဲရင်တောင် ဇွတ်ငြင်းပစ်ရမဲ့ကိစ္စကို အခုတော့ အငိုက်မိပြီး ဖြေလိုက်မိပြီ။
📞"မနေ့ညကတင် ထွန်းဝေငါ့ဆီကို အီးမေးလ်ပို့တယ်...သူပြောပုံအရဆိုရင် ဘုန်းမြတ်တို့ချစ်သူနှစ်ဦးကို ကတုံးကတိုက်တွေလုပ်နေတယ်ဆိုတာ ငါခန့်မှန်းမိတယ်...နေပါဦး နင့်ရည်ရွယ်ချက်က
ဘာလဲ...ဘာလို့ဒယ်ဒီ့လူနာဟောင်းကို ထိခိုက်အောင်လုပ်နေရတာလဲ...မြန်မာနိုင်ငံအထိသွားပြီး ငါ့အရှက်ကို ရစရာမရှိအောင် သွားခွဲတာလား
ဟမ်..နင်ကငါ့သမီးမှဟုတ်ရဲ့လား..."
ဒယ့်ဒီ့ရဲ့ အသံကတဟုန်းဟုန်းတောက်လောင်နေတဲ့ မီးလိုပဲ ဆိုဖီ့နားထဲမှာ ပူလောင်လွန်းလှတယ်။
ကျဆင်းလာတဲ့ မျက်ရည်တွေကိုသုတ်ပစ်လိုက်ပြီး ဆိုဖီစကားပြောရန် ပြန်အားတင်းလိုက်သည်။
📞"သမီးလည်း ဘုန်းမြတ်အပေါ်မှာ မောင်လေးတစ်ယောက်လိုပဲ သဘောထားခဲ့တာပါ ဒါပေမဲ့ဂျိုးကအရွဲ့တိုက်လွန်းတော့ ပြန်ပြီးအရွဲ့တိုက်ဖို့ဆုံးဖြတ်ခဲ့မိတာပါ..."
📞"ဒီမှာ..မီးဆိုတာ ရေနဲ့ဖြန်းမှငြိမ်းနိုင်တာ...
ကိုယ်တိုင်ကမီးစာထက်ထည့်နေမှတော့ ဆုရယ်..
သမီးပဲပိုပူလောင်ရမှာပေါ့...ဒယ်ဒီတစ်ခုပဲအကြံပေးချင်တယ်...ဂျိုးကိုဆက်ပေါင်းချင်သေးလား...ဒါဆိုရင်သည်းခံ..သည်းမခံနိုင်ရင် ကွာရှင်းလိုက်တော့ဆု...ဒယ်ဒီလည်း ဒီကောင့်ကိုကောင်းကောင်းဆုံးမအုံးမယ်...ဒါနဲ့အခုဆေးရုံရောက်နေတယ်ဆို...
တကယ်ပဲ ဘုန်းမြတ်ရဲ့ကောင်မလေး တွန်းချလိုက်တာလား..."
📞"မဟုတ်ပါဘူး ဒယ်ဒီ...ကိုယ့်ဘာသာခြေချော်ပြီး ပြုတ်ကျသွားတာပါ...သုံးချက်တော့ချုပ်လိုက်ရတယ်..."
📞"ဟမနည်းပါလား...ဆေးရုံးကနေဆင်းတာနဲ့
ဘုန်းမြတ်တို့ကို တောင်းပန်ပြီး စင်္ကာပူကိုပြန်လာခဲ့တော့..ကြားလား..ငါခိုင်းတဲ့အတိုင်းမလုပ်လို့ကတော့ ငါ့ကိုဒယ်ဒီလို့တစ်သက်လုံးလာမခေါ်နဲ့...
ငါ့အိမ်ဘက်ကိုလည်း ခြေဦးတောင်လှည့်ဖို့
မစဉ်းစားနဲ့ ကြားလား.."
📞"ဟုတ်..ဟုတ်ကဲ့..ကြားပါတယ်..."
📞"အေး...အဲ့ဒါဆိုရင်...ဒါပဲ..."
"တူ...တူ..."
ဒယ်ဒီ့ဘက်ကနေ ဖုန်းချလိုက်တာနဲ့ ထိုးကိုက်လာတဲ့ခေါင်းကိုနှိပ်ရင်း ဆိုဖီသက်ပြင်းချနေမိတယ်။
"ဒုန်း!!!"
"ဟင်...ဘုန်းမြတ်..."
ဘုန်းမြတ်ဟာ VIPအခန်းတံခါးကိုဆောင့်တွန်းဖွင့်ပစ်လိုက်ပြီးနောက် ကြမ်းတမ်းလွန်းတဲ့ခြေလှမ်းကျဲကြီးတွေနှင့် ဆိုဖီ့ဆီသို့ လှမ်းလာလေသည်။
"ဘုန်းမြတ်.. မမကိုစိတ်ပူလို့ သတင်းလာမေးတာလား..."
မမဆုရဲ့စကားကြောင့် ဘုန်းမြတ်နှုတ်ခမ်းတွေကို မဲ့ပစ်လိုက်ပြီး မယုံကြည်နိုင်စွာ မျက်မှောင်တွေကြုံ့ပစ်လိုက်မိသည်။
"အဟင်း...အခုထိ ခင်ဗျားပါးစပ်ကနေ အရှက်မရှိပဲ ဒီလိုမေးရဲသေးတယ်နော်...ခုဏကခင်ဗျားအဖေနဲ့ပြောနေတာတွေကို ကျုပ်အကုန်ကြားပြီးပြီ..
တောက်!!!...
ဒီနေရာမှာ မိန်းမတစ်ယောက်ဖြစ်နေလို့ သက်သာသွားတယ်မှတ်ပါ...ယောက်ျားလေးတစ်ယောက်သာဆိုရင် ခင်ဗျားရဲ့မျက်နှာကို ရစရာမရှိအောင် ဆွဲထိုးပစ်လိုက်ပြီ..."
ဆိုဖီ့ကို ဒေါသတကြီးနဲ့ လက်ငြိုးထိုးပြီး ပြောနေတာကြောင့် ကုတင်ပေါ်ကနေ ထွက်ပြေးချင်လာတဲ့အထိ ကြောက်လန့်တုန်လှုပ်နေမိသည်။
ဘုန်းမြတ်ရဲ့ မျက်နှာအမူအရာဟာ သူ့စကားလုံးတွေနဲ့ ထပ်တူကျနေတာကြောင့် အင်မတန်ကြောက်စရာကောင်းနေသည်။
"တို့...တို့တောင်းပန်ပါတယ်နော်...တို့ကိုခွင့်လွှတ်ပေးပါ...တို့အနူးအညွှတ်တောင်းပန်ပါတယ်..."
"ဒီမှာ...ခင်များတောင်းပန်ရမှာက ကျုပ်ကိုမဟုတ်ဘူး...လိပ်ပြာကိုသိရဲ့လား...ခင်များဗျာ..
သာယာနေတဲ့ ကျုပ်တို့ချစ်သူနှစ်ဦးရဲ့ဘ၀ကို
အပ်ကွဲကြောင်းတွေဖြစ်အောင်ဘာလို့လုပ်ရက်
ရတာလည်း...ကျုပ်ကိုကညံ့တာပါ...ခင်များလို မိန်းမကိုမှ ကျေးဇူးရှင်အဖြစ် ဦးညွှတ်ခဲ့မိတဲ့ ကျုပ်ကိုကညံ့တာ..."
"တို့...တို့တောင်းပန်ပါ့မယ်...တို့လိပ်ပြာကို
အနူးအညွှတ်တောင်းပန်ပါ့မယ်...တို့ဖြေရှင်းပေးပါ့မယ်...ကျေနပ်တဲ့အထိ ဖြေရှင်းပေးပါ့မယ်နော်..."
ဒီလိုမှမပြောရင် ဘုန်းမြတ်ရဲ့ပုံစံက လူသတ်မဲ့အရိပ်အယောင်တွေ ထင်ဟပ်နေတာကြောင့် နောက်ထပ်ခေါင်းအကွဲခံရမှာကို ဆိုဖီသိပ်ကြောက်မိနေသည်။
"ဆရာကြီးရဲ့မျက်နှာကိုထောက်ပြီးကျုပ်ခွင့်လွှတ်လိုက်မယ်...နောက်တစ်ခါဒီလိုစိတ်ကူးမျိုးရှိလာခဲ့ရင်...ရောက်လေရာနေရာမှာ ကြွင်းတူးထားလိုက်.. အရှင်လတ်လတ်မြေမြှုပ်ပေးမယ်..ကြားလား.."
"ကြား...ကြား..ကြားပါတယ်..."
"ဒုန်း!!!!"
တံခါးကို တစ်အားဆောင့်ပိတ်သွားတဲ့ ဘုန်းမြတ်ရဲ့ကျောပြင်ကိုကြည့်ပြီး ဆိုဖီ့မှာကြောက်လွန်းလို့ သေးပါထွက်ချင်လာသည်အထိပင်။
ဒီနေ့တစ်နေ့ထဲမှာတင် ဒယ်ဒီကလာခြိမ်းခြောက်လိုက်၊ဘုန်းမြတ်ကလာခြိမ်းခြောက်လိုက်နဲ့ နှလုံးရောဂါအခံသာရှိရင် ခေါင်းကွဲဒဏ်ရာကြောင့်မဟုတ်ပဲ နှလုံးကွဲပြီးသေမှာကျိန်းသေတယ်။
ကိုယ့်ရဲ့ရင်ကွဲနာကို ကုစားဖို့အခြားသူတွေရဲ့ အချစ်ခရီးလမ်းမှာ ထောင်ချောက်တွေ၊
ဆူးညှောင့်ခလုတ်တွေ ထွင်ခဲ့မိတယ်။
လိပ်ပြာဖြူပြောတာက သိပ်ကိုမှန်ပါတယ်။
ဆိုဖီရှက်ရကောင်းမှန်း၊အားနာရကောင်းမှန်းမသိပဲ ကိုယ့်ရဲ့တစ်ခဏတာပျော်ရွှင်မှုလေးအတွက်
ကိုယ့်ဂုဏ်သိက္ခာတွေအားလုံး မြောင်းထဲကို လွှင့်ပစ်လိုက်မိသလို ဖြစ်သွားခဲ့တယ်။
ဘုန်းမြတ်ပေါက်ကွဲတာလည်း မမှားပါဘူး။
ကျေးဇူးတရားနဲ့ ချည်နှောင်ပြီး ဘုန်းမြတ်ကို
မြူဆွယ်တိုင်း လွယ်လွယ်ပါလာမယ်လို့ ထင်ခဲ့မိတာ သိပ်မှားသွားတယ်။
သူတို့ရဲ့အချစ်ကြိုးလေးကို ဆိုဖီဖြတ်တောက်ခဲ့မိတာက ကြီးမားတဲ့အမှားတစ်ခုဆိုတာ အသေအချာပါပဲ။
🦋🦋🦋🦋🦋🦋🦋🦋
"အန်တီမြရေ...အန်တီမြ..."
"ဟေ..."
အန်တီမြနှင့် ဦးလေးကြည်ကဧည့်ခန်းဘက်မှာ တီဗွီဖွင့်ပြီး လင်မယားနှစ်ယောက် မြန်မာကားထိုင်ကြည့်နေကြလေသည်။
"မိုးစက်လာလေ..ဒီမှာတီဗွီကနေ ကျော်ဟိန်းဇာတ်ကားလာနေလို့ ကြည့်နေကြတာကွဲ့..."
မိုးစက်မှာ လာရတဲ့ရည်ရွယ်ချက်ကိုက လိပ်ပြာလေးအတွက် ဖြစ်နေတာကြောင့် လိပ်ပြာကိုတွေ့လို တွေ့ငြား အိမ်ထဲသို့ ချောင်းကြည့်နေမိသည်။
"ဟဲ့..မိုးစက်...လာထိုင်လေ...အဲ့မှာဘာရပ်လုပ်နေတာတုံး..."
"ချောင်းနေတာ..."
"ဘာ!!!!..."
"အာ...မဟုတ်...မဟုတ်ပါဘူး အန်တီမြရယ်...
လိပ်ပြာများရှိလားလို့ ကြည့်ကြည့်တာပါ..."
"မရှိဘူးဟေ့...မရှိဘူး...အပြင်သွားတယ်"
အသံကုန်ဟေ့ပြီး အော်ပြောလိုက်သူက အလတ်ကောင် ကောင်းကျော်မင်းဖြစ်နေသည်။
မိုးစက်အဖို့ ဒီအိမ်တွင်အကြောက်ရဆုံးက အစ်ကိုလေးပါပဲ။
လိပ်ပြာဖြူရဲ့အစ်ကိုလို့မပြောရဘူး အသက်ကသာနှစ်ဆယ့်ခုနှစ် မျက်နှာက ကလေးမျက်နှာနဲ့လူပင်။သို့ပေမဲ့ ရုပ်တည်ကြီးနဲ့ နေတတ်တာကြောင့် မိုးစက်လည်းအစ်ကိုလေးဆိုရင် ငယ်ငယ်ထဲကကို ကြောက်တဲ့ငယ်ကြောက်ပါ။
ဘာမှအလုပ်မခံရဖူးလည်း ကြောက်တာပါပဲ။
"အစ်ကိုလေးလည်း အိမ်မှာရှိနေတာလား..."
"အောင်မာ...ငါ့အိမ်မှာ ငါရှိနေတာ မင်းအပူလား.."
ငယ်ငယ်ကတော့ ကလေးမို့ကြည့်လို့ရပေမဲ့ အခုကကိုယ့်ညီမကို လာပတ်သတ်ချင်နေတယ်ဆိုတဲ့အသိကြောင့် ထွက်သမျှစကားလုံးတိုင်းက ချိုမနေမှာတော့အမှန်ပဲ။
"ဟေ့ကောင်မိုးစက်...ဘာရပ်လုပ်နေတာလည်း..
ထိုင်လေ..."
"ဟုတ်..ဟုတ်ကဲ့ပါ..."
အစ်ကိုလေးက ထိုင်ခုံမှာ ခပ်မိန့်မိန့်ကြီး ၀င်ထိုင်နေပြီး အော်လိုက်တာကြောင့် မိုးစက်လည်းခပ်လန့်လန့်နဲ့ပဲ ၀င်ထိုင်လိုက်ရသည်။
"မင်းကိုငါမေးစရာရှိတယ်..."
"ဟုတ်...ဟုတ်ကဲ့ မေး..မေးပါ..."
"ဟ...ဘယ်လိုဖြစ်ပြီး စကားတွေထစ်ကုန်တာလဲ.."
"ကျော်ကျော်ရယ်...နင်နဲ့စကားပြောရင် မထစ်တာဆိုလို့ ဒီအိမ်ကလူတွေပဲရှိတယ်...နင့်ရုပ်ကိုက
တစ်တိုင်းပြည်လုံးကလူတွေအားလုံး နင့်ဆီမှာဈေးလာဝယ်နေရသလို ရုပ်မျိုးကိုဟဲ့...."
"ဟာ...အမေ..အသာနေစမ်းပါဗျာ...ကျွန်တော် ဒီမှာစကားကောင်းပြောမလို့..."
ဒေါ်မြဖြူမှာ အလတ်ကောင်ကိုမျက်စောင်းသာ ပိတ်ထိုးပစ်လိုက်သည်။
တကယ်ပါပဲ သူများကိုပြူးပြဲခြောက်ဖို့ဆိုရင် နှစ်ယောက်မရှိဘူး။
"အမေရေ...ကျွန်တော်ဒီမှာ အမေ့အတွက်
...ဟင်...မိုးစက်ရောက်နေတာလား..."
"ဟုတ်တယ်...အစ်ကိုကြီး...အစ်ကိုကြီးလည်း ခဏလာထိုင်အုံး ..."
"အေး..အေး..."
မိုးစက်ရဲ့စိတ်ထဲမှာတွေးနေမိတာကတော့..."သေပြီဆရာ..ညီအစ်ကိုနှစ်ယောက်စလုံး ငါ့ကိုချောင်ပိတ်ရိုက်ကြတော့မှာပါလား...အသက်တော့ရှင်နိုင်ဖွယ်ရာမရှိတော့ဘူး...."
ဧည့်ခန်းထဲမှာတော့ ရန်အောင်မင်းနဲ့ကောင်းကျော်မင်းတို့ ညီအစ်ကိုနှစ်ယောက်က ထိုင်ခုံတစ်ခုတည်းအပေါ်မှာ နှစ်ယောက်ထိုင်နေကြပြီး
မိုးစက်ကို ဆူးဆိုက်ကြည့်နေကြလေသည်။
ဒေါ်မြဖြူနဲ့ ဦးကြည်လွင်ကတော့ ကျော်ဟိန်းဇာတ်ကားကို ဟန်ပြကြည့်နေကြပြီး သူ့တို့သားတွေ ဘယ်လိုမွှေကြမလဲဆိုတာကို နားဆိုက်ထောင်နေကြလေသည်။
"ဟိုတစ်လောက မင်းအမေကနေတစ်ဆင့် လိပ်ပြာကို တောင်းရမ်းဖို့နားဖောက်ခိုင်းတယ်ဆို...
ဟုတ်လား.."
မေးလိုက်တဲ့လူက အစ်ကိုလေးရယ်ပါ။မိုးစက်မှာ အားခေါင်တွေခြောက်လာတာကြောင့် သထွေးတစ်ချက်မျိုချလိုက်ပြီး...
"ဟုတ်ပါတယ် အစ်ကိုလေး ကျွန်တော်လိပ်ပြာကို တကယ် လက်ထပ်ဖို့စိတ်ကူးထားလို့ပါ..."
"ဒီမှာ မိုးစက်...မင်းနဲ့ငါ့ညီမကို သဘောမတူဘူးဆိုရင်ရောကွာ..."
"ဟာ...ဘာ..ဘာဖြစ်လို့လဲ အစ်ကိုကြီးရာ..."
"ဘာဖြစ်လို့လည်းဆိုတော့ မင်းကအသက်အရမ်းငယ်တယ်...နောက်ပြီးငါတို့သတ်မှတ်ထားတဲ့ စံချိန်တွေနဲ့လည်း ကိုက်ညီမနေဘူး..."
"ဗျာ...ဘာ..ဘာစံချိန်တွေလဲ..."
"အသိရင်မှတ်ထား...ငါ့ညီမနဲ့ပေးစားမဲ့လူက နိုင်ငံခြားမှာ ဘွဲ့ရပြီးတဲ့လူဖြစ်ရမယ်...ရုပ်ရည်ကလည်းချောမောနေရမယ် ဒါမှညဘက်အိပ်နေရင်းနဲ့ တစ်ရေးနိုးသွားရင် ညီမလေးမလန့်မှာပေါ့..."
"မသိလို့မေးပါရစေ ယောက်ျားက အစ်ကိုတို့ ညီမယူမှာလား အစ်ကိုတို့ယူမှာလားဟင်..."
"ငါတို့ယူမှာပေါ့....ဟာ...ဟေ့ကောင် အကြီးကစကားကောင်းပြောနေတာကို ...ငါကယောက်ျားယူစရာလား..."
အစ်ကိုလေးက ပိတ်ဟောက်လိုက်တော့လည်း မိုးစက်မှာ ကိုယ့်ပါးစပ်ကိုယ် ပြန်စိလိုက်ရလေသည်။
"နောက်ထပ်လိုအပ်ချက်တွေကတော့ ကုမ္ပဏီတစ်ခုခုရဲ့ CEOဖြစ်မနေရင်တောင် လုပ်ငန်း၊ကိုင်ငန်း ကြီးကြီးမားမားကို ဦးစီးနေတဲ့ စီးပွားရေးလုပ်ငန်းရှင်တစ်ယောက် ဖြစ်ရမယ်...ဒါမှညီမလေးအတွက် စိတ်အေးနိုင်မယ်..."
"ဟာ...အစ်ကိုရယ်...အခုလည်းကျွန်တော်က စင်္ကာပူမှာအလုပ်ကြိုးစားနေတာပါပဲဗျာ..တစ်နေ့နေ့တော့ ကျွန်တော်လည်း လုပ်ငန်းရှင်တစ်ယောက် ဖြစ်အောင်ကြိုးစားမှာပေါ့..."
"အဲ့ဒါဆိုရင် မင်းရဲ့တစ်နေ့နေ့က ဘယ်နေ့ကိုပြောတာလဲ..."
"ဟို...နောက်ထပ်ကိုးနှစ်..ဆယ်နှစ်လောက်ကျရင်တော့ ဖြစ်နိုင်ပါတယ်..."
"ဟေ့ကောင်...နောက်ထပ်ဆယ်နှစ်ဆိုရင်ပဲ ငါ့ညီမက ကလေးတစ်ဒါဇင်လောက်မွေးပြီးလို့ အသက်ပဲသုံးဆယ်ကျော်နေပြီ...မင်းကလူလည်ကျပြီး
ငါ့ညီမလေးကို ယူမှာပဲ..."
"ဟာ...အဲ့လိုတော့မဟုတ်ရပါဘူးဗျာ..အစ်ကိုတို့မှ ကျွန်တော့်ကိုမချစ်နိုင်တာ...အစ်ကို့ညီမသာ
ချစ်ရင် စောင့်ပေးမှာပေါ့ အစ်ကိုတို့ရယ်..."
"ဟေ့ကောင် မင်းဘာသာမင်း...အဲ့မှာတိုင်နဲ့ခေါင်းနဲ့စောင့်ပြီးသေ...ဒီမှာအပြတ်ပဲပြောလိုက်တော့မယ်..
ငါ့ညီမနဲ့ မင်းကိုသဘောမတူနိုင်ဘူး....ကျန်တာတွေအတွက်တော့ အားနာချင်ပေမဲ့ ဒီလိုကိစ္စမျိုးမှာတော့ အားမနာနိုင်ဘူး...ဒီနေ့အတွက်တော့ မင်းအိမ်ကို ပြန်လို့ရပြီ..."
အလတ်ကောင်ရဲ့ နှင်ချသလို ရှိုင်းသွားတဲ့စကားအတွက် ဒေါ်မြဖြူလည်း မနေသာတော့ပဲ မိုးစက်ကိုကြည့်လိုက်မိသည်။ကလေးခမျာသနားပါတယ် ။ခေါင်းလေးငိုက်ဆိုက်ချပြီး ငိုတော့မဲ့ရုပ်နဲ့ဖြစ်နေသည်။
"အားနာလိုက်တာ သားရယ်...ဒီကောင်တွေကဒီလိုပဲကွဲ့...သူတို့ညီမနဲ့ပတ်သတ်ရင်
လူတစ်ဖက်သားကို အားနာရကောင်းမှန်းသိတာ မဟုတ်ဘူး...သားစိတ်မဆိုးပါနဲ့ကွယ်.. နော်..."
"ရပါတယ် အန်တီမြ...ကျွန်တော်သွားတော့မယ်..."
စိတ်မကောင်းစွာထွက်သွားတဲ့ မိုးစက်ရဲ့ကျောပြင်ကို ကြည့်ပြီး ဒေါ်မြဖြူ ခေါင်းကိုရမ်းမိလေသည်။
သားနှစ်ယောက်ဘက်ကိုကြည့်လိုက်တော့ တစ်ယောက်နဲ့တစ်ယောက် လက်ဝါးချင်းရိုက်ပြီး ကျေနပ်နေကြသည်။
"ရန်အောင်မင်း!!!ကောင်းကျော်မင်း!!!!နင်တို့ဘယ်လိုလုပ်လိုက်ကြတာလဲ..ဟမ်..မိုးစက်လေးသနားပါတယ်...ကြည့်စမ်း...သူ့ခမျာစိတ်ဓာတ်ကျသွားပုံရတယ်..."
"ယောက်ျားပဲအမေရယ် ညီမလေးကိုမရရင် နောက်တစ်ယောက်ထပ်ချိပ်လိမ့်မယ် မပူနဲ့..."
"သူကနောက်တစ်ယောက်နဲ့ ထပ်ချိပ်တော့
နင်တို့ညီမနဲ့လွဲပြီပေါ့...မိုးစက်ကအမေနဲ့ညီလေးကို လုပ်ကျွေးနေတဲ့ သားလိမ္မာလေးပါ
...စိတ်ထားကလည်း ကောင်းရှာတယ် ဒီလိုကလေးမျိုးက ရှားတယ်ဟဲ့..."
"အမေရယ်...အဲ့လောက်တောင်ဖြစ်နေရင်လည်း
အမေပဲယူလိုက်တော့ ပေးစားလိုက်ရမလား အဖေ..."
"အေးကွ..ကောင်းသားပဲ.."
"ကိုကြည်လွင်...တော်ကဘာကောင်းနေတာလဲ..."
"ဟမ်...ဘာ..ဘာမှမကောင်းပါဘူး..ငါ့ဘာသာဇာတ်ကားကို ပြောနေတာ..."
ဦးကြည်လွင်လည်း ကိုယ့်ပါးစပ်ကိုလက်နဲ့ပိတ်ရင်း အသာငြိမ်နေလိုက်ရသည်။
"နောက်ပြီး ငါပြောပါအုံးမယ်...ဘာတဲ့CEOတွေရော လုပ်ငန်းရှင်တွေရော ပြောလိုက်ရင်စကားလုံးကြီးတွေက မိုးထိုးနေတာပဲ နင်တို့ကရော စီးပွားရေးလုပ်ငန်းဘယ်နှစ်ခုများ ရှိနေကြလို့လဲ...ပြောကြစမ်းပါအုံး...အလကားဆန်မရှိစောက်စားကြီးနေကြတာ..."
"နေပါအုံး...အမေကရော ဘာဖြစ်လို့ဒီလောက်တောင်ဖြစ်ပျက်နေတာလဲ...မိုးစက်ကိုမှမယူရရင်
အမေ့သမီးက ဒီတစ်သက်လင်မရတော့ဘူးတဲ့လား...အချိန်တန်တော့လည်း စီစဉ်ပေးမှာပေါ့ဗျာ..
ညီမလေးကအဲ့လောက်မဟုတ်ဘူး..
အမေကိုက တစ်ကဲကဲနဲ့ ပြောပြီးသားနော်..
ယူချင်ရင်အမေ့ဘာသာယူ..."
"ဂွမ်!!!!..."
"ဟာ...အမေ့..."
ရေနွေးဓာတ်ဘူးတင်တဲ့ လင်ဗန်းနဲ့ပဲ အလတ်ကောင်ကိုပိတ်တီးပစ်လိုက်တော့သည်။မသိရင် ဒီလင်ဗန်းက သူ့အတွက်ဝယ်ထားရသလိုပဲ။
"နင်တို့တွေ ကြပ်ကြပ်သတိထားနေနော်..."
"အမေလည်းကြပ်ကြပ်သတိထားနေပါ..အဖေ့.."
"ဟေ..."
"အဖေလည်း ကိုယ့်မိန်းမကိုယ် နိုင်အောင်ထိန်း..
မဟုတ်ရင် သူများနောက်ပါသွားမယ်..."
"အေးပါကွာ..."
"ကိုကြည်လွင်!!!!!တော်ကြီးပါ လင်ဗန်းစာမိချင်လို့လား..."
လင်ဗန်းဆိုတာနဲ့ ရန်အောင်မင်းနဲ့ ကောင်းကျော်မင်းတို့နှစ်ယောက်စလုံး အိပ်ခန်းထဲသို့ပြေးဝင်သွားကြလေသည်။
ဒေါ်မြဖြူမှာတော့ စိတ်ညစ်စွာပဲ ထိုင်ခုံမှာထိုင်ချလိုက်ရတော့သည်။
"ဟင်း...ဒီညီအစ်ကိုနှစ်ယောက်နဲ့တော့ ခက်ပါတယ်.
သူတို့ကြောင့် ငါ့သမီးလေးတော့ အပျိုကြီးဘ၀နဲ့ပဲ အရိုးထုတ်ရမလားမသိဘူး...နားရက် လေးဆယ့်ငါးရက်ကုန်ပြီး စင်္ကာပူကိုမြန်မြန် ပြန်သွားကြတာပဲအေးတယ်...မဟုတ်ရင် ငါနဲ့လည်းတည့်မှာမဟုတ်ဘူး..."
🦋🦋🦋🦋🦋🦋🦋🦋🦋🦋
ရှင်မွှေးလွန်းစာအုပ်တိုက်ထဲကို ၀င်လိုက်တယ်ဆိုရင် ၀န်ထမ်းအချို့ကိုတွေ့လိုက်ရတာကြောင့် လိပ်ပြာဝမ်းသာသွားပြီး ထိုဝန်ထမ်းဆီသို့သွားလိုက်လေသည်။
"ဒီကအစ်ကို..တိုက်ပိုင်ရှင်...ကိုမိုးဇော်ရှိလားမသိဘူး.."
"ညီမက သူနဲ့တွေ့ဖို့ချိန်းထားတာလား..."
"ဟုတ်ကဲ့...သူကလာဖို့ ဖုန်းဆက်ထားလို့ပါ..."
"ဟုတ်ပြီလေ..ဒါဆိုရင်..ဟိုမှာတွေ့နေရတဲ့ရုံးခန်းထဲကို ၀င်သွားလိုက်ပါ...အခြေအနေကတော့သိပ်မကောင်းဘူးနော်...ခုဏလေးတင်စာရေးဆရာတစ်ယောက်နဲ့ စကားများထားတာ...ကြည့်ကြပ်လုပ် ကြုတ်ကြပ်လိပေါ့ဗျာ..."
"ဟုတ်ကဲ့ပါ..."
ဒီနေ့ နေ့လည်က လိပ်ပြာဆီကိုတိုက်ပိုင်ရှင်
ကိုမိုးဇော်က ဖုန်းဆက်လာလေသည်။
လိပ်ပြာရဲ့ "မြမေ"ဆိုတဲ့စာအုပ်က ရောင်းအားတက်နေလို့ နောက်ထပ်အုပ်သုံးယာလောက် ထပ်ထုတ်ချင်တာရယ် အဆက်မပြတ်အောင် ရေးပြီးသားစာမူတွေ လာပို့ပေးဖို့ တောင်းဆိုလာတာကြောင့် ရောက်လာရခြင်းပင်။
ထုတ်ဝေသူက စိတ်အခြေအနေမကောင်းဘူးဆိုတော့ လိပ်ပြာလည်း စိတ်ညစ်လာသည်။
စိတ်ကို ပြန်တင်းပြီး ရုံးခန်းဆီသို့သာ သွားလိုက်သည်။
"ဒေါက်...ဒေါက်...ဒေါက်..."
"၀င်ခဲ့ပါ..."
လိပ်ပြာတံခါးကိုတွန်းဖွင့်လိုက်တော့ လန့်တောင်လန့်သွားတယ်။ရုံးခန်းကလည်း စင်ဒရဲလားနေတဲ့ ထပ်ခိုးလောက်တောင် သန့်ရှင်းမနေဘူး။စာအုပ်တွေဆိုတာ ဟိုတစ်ပုံ ဒီတစ်ပုံနဲ့ဖြစ်နေပြီး ထိုင်စရာနေရာတောင် ခပ်ရှားရှားရယ်။
"ဟို..ဆရာမလိပ်ပြာဖြူမှတ်လား..."
"ဟုတ်ပါတယ်ရှင်..."
"ဟာ..ဒါဆိုရင် ကျွန်တော်ဖုန်းခဏ ဆက်လိုက်အုံးမယ်နော်..."
"ရှင်..."
လိပ်ပြာဖြူဆိုတာနဲ့ ပြာပြာသလဲဖြစ်သွားပြီး အတင်းဖုန်းကိုထုတ်ဆက်နေတဲ့ ကိုမိုးဇော်ရဲ့ ပုံစံကြောင့် လိပ်ပြာနားမလည်နိုင်ဖြစ်နေရသည်။
ပြီးတော့ "လာလို့ရပြီ"ဆိုတဲ့ စကားလေးတစ်ခွန်းပဲပြောပြီး ဖုန်းချလိုက်တာမို့ ပိုလို့တောင် အံ့ဩနေရတယ်။ဘယ်သူကများ ဖုန်းပြောရင် ဒီလောက်စကားနည်းနည်းလေး ပြောလို့လဲ။
"ဆရာမလိပ်ပြာ...အေးဆေးထိုင်ပါဗျာ...
ကျွန်တော်ကော်ဖီဖျော်ပေးဖို့ သွားပြောလိုက်အုံးမယ်...
"ဟုတ်ကဲ့..."
ကိုဇော်ထွန်းက ရုံးအခန်းအပြင်သို့ထွက်သွားတာကြောင့် လိပ်ပြာလည်းထိုင်စောင့်နေရင်းနှင့် ဟိုဒီဝေ့ဝဲကြည့်နေမိသည်။
အခန်းနံရံတစ်ခုမှာ ကပ်ထားတဲ့ပန်ချီကားတစ်ချပ်က လိပ်ပြာရဲ့စိတ်ကိုဆွဲဆောင်နေလေတော့ ထိုပန်းချီကားချပ်ဆီသို့ ထသွားလိုက်ပြီး လက်ပိုက်ကာ ကြည့်နေလိုက်သည်။ကလောင်ရှင်နာမည်ကို ကြည့်လိုက်တည်းကလိပ်ပြာသိလိုက်ပါပြီ။
ဒါ ကိုကိုဆွဲထားတဲ့ ပန်းချီဆိုတာကိုပေါ့။
"ဒေါက်...ဒေါက်..ဒေါက်..."
အခန်းထဲကိုဝင်လာတဲ့ဖိနပ်သံတစ်ခုကြောင့် လိပ်ပြာလှည့်ကြည့်မယ်ကြံလိုက်ရာ အနောက်မှသိုင်းဖက်ခြင်းခံလိုက်ရလေသည်။
လိပ်ပြာရဲ့ ကျောပြင်က ရင်ခွင်တစ်ခုနဲ့နီးစပ်သွားပြီး ထိူလူရဲ့လက်မောင်းတွေက လိပ်ပြာရဲ့ရင်ညွှန့်နားမှာ တင်းကြပ်စွာဖက်တွယ်ထားတာကြောင့် သူ့ရဲ့ကိုယ်သင်းရနံ့ကိုလည်း လိပ်ပြာရှူရှိုက်မိနေသည်။
"ကိုကို..."
"သိပ်လွမ်းတာပဲ လိပ်ပြာရယ်...ကိုယ်ဖုန်းခေါ်တာ ဘာလို့မကိုင်ရတာလဲကွာ"
လည်တိုင်ကို ခပ်နွေးနွေးထိကပ်လိုက်တဲ့ အနမ်းတစ်ပွင့်ကြောင့် လိပ်ပြာအတင်းရုန်းပြီး ကိုကို့ရင်ခွင်ထဲမှ ရုန်းထွက်ပစ်လိုက်သည်။
"ဒါဆို..ဒီနေရာကိုရောက်လာအောင် ရှင်..တမင်လုပ်လိုက်တာပေါ့...ဟုတ်လား..."
"ဟုတ်တယ်..ကိုကိုတမင်ဖန်တီးလိုက်တာ လိပ်ပြာဒီတိုက်ထဲကို ၀င်သွားတာကိုလည်း လမ်းဟိုဘက်က လက်ဖက်ရည်ဆိုင်ကနေ ကိုကို လှမ်းမြင်နေခဲ့တာ...လိပ်ပြာနဲ့တွေ့ခွင့်ရဖို့အတွက် ကိုယ်ကြိုတင်ကြံစည်လိုက်တာပဲ..."
ကိုကိုကစကားပြောနေရင်းနဲ့ လိပ်ပြာရဲ့အနားကိုတိုးကပ်လာပြီး လက်ကိုလာကိုင်လေသည်။
"လိပ်ပြာအပေါ်ကို ကိုယ်အထင်လွဲခဲ့တာတွေအတွက် ကိုယ်ဘယ်လိုတောင်းပန်ရမလဲ...
လိပ်ပြာပြောပါ...ကိုယ်လိပ်ပြာကိုတော့မစွန့်လွှတ်နိုင်ဘူး..."
လိပ်ပြာသူ့လက်တွေကို ဖယ်ပစ်လိုက်ပြီး သူ့ကိုခနဲ့တဲ့အပြုံးတစ်ခုအား ပြုံးပြလိုက်သည်။
"ရှင့်ရဲ့နှုတ်က အဲ့လိုစကားလေတွေနဲ့ လာလာအချိုသတ်ပြီး....ကျွန်မရဲ့စိတ်ကို..ရှင့်အပေါ်ပြန်ကိုင်းညွှတ်လာအောင် လုပ်နေတာတွေဟာ...
အသုံးမ၀င်တော့ဘူးရှင့်...ရှင့်ကိုကျွန်မအယုံအကြည်မဲ့သွားပြီ..သိရဲ့လား...ရှင်နဲ့လည်း ဘာစကားမှပြောစရာအကြောင်းမရှိတော့တဲ့အတွက်...ခွင့်ပြုပါအုံး..."
လိပ်ပြာမျက်နှာကို အစွမ်းကုန်တင်းထားလိုက်ပြီး ထိုင်ခုံပေါ်မှအိတ်ကို ယူကာစာအုပ်တိုက်အပြင်သို့ ခပ်မြန်မြန်ပဲ လှမ်းထွက်လာလိုက်သည်။
ကားလမ်းကူးမလို့ ကြည့်နေတုန်းမှာပဲ အနောက်မှလက်ကို လာကိုင်ဆွဲလိုက်တာကြောင့် လိပ်ပြာရဲ့ခန္ဓာကိုယ်ဟာ တစ်ပတ်လှည်ထွက်သွားပြီး သူနဲ့မျက်နှာချင်းဆိုင်ဖြစ်သွားရသည်။
"လိပ်ပြာ ကိုယ့်ကိုရိုက်ချင်ရိုက်၊ဆူချင်ဆူပါ
...လိပ်ပြာကိုယ့်အပေါ် ကြိုက်သလိုနှိပ်စက်နိုင်တယ်...ဒီလိုတော့ဥပက္ခာမပြုပါနဲ့ကွာ...ကိုယ်တောင်းပန်ပါတယ်..."
"ရှင်ဘယ်လိုဖြစ်နေတာလည်း တစ်ခြားသူတွေကြည့်နေတယ်လေ...ကျွန်မလက်ကိုအခုလွှတ်နော်...လွှတ်!!!!!"
"မလွှတ်နိုင်ဘူး...ကိုယ့်အချစ်ကိုမယုံကြည်သရွေ့...ကိုယ့်ကိုခွင့်မလွှတ်နိုင်သရွေ့ ကိုယ်မလွှတ်နိုင်ဘူး..."
ကားလမ်းမကြီးရဲ့ဘေးမှာဖြစ်နေတာကြောင့် လမ်းသွား၊လမ်းလာအချို့ကလည်း ကွက်ကြည့်၊ကွက်ကြည့်လုပ်သွားကြလေသည်။
လိပ်ပြာရှက်တာရော ဒေါသဖြစ်တာပါရောထွေးလာပြီး ကိုကို့ရင်ဘတ်ကို တွန်းထုတ်ပစ်လိုက်သည်။
"ရှင်ကသာကျွန်မရဲ့အချစ်ကိုမယုံကြည်တာမဟုတ်ဘူးလား...ကျွန်မရင်ထဲမှာ အချစ်ဆိုတာနားလည်မှု၊ယုံကြည်မှုတွေနဲ့ တည်ဆောက်ထားတာရှင်သိရဲ့လား...အခုလိုကိစ္စလေးမှာတောင် ရှင်ကျွန်မကို ယုံကြည်မပေးနိုင်ရင် ရှေ့ဆက်ရမဲ့နေ့ရက်တွေမှာ ဘယ်လိုနားလည်မှုတွေနဲ့ ရှေ့ဆက်ကြမှာလဲ...ဟမ်
...ကိုဘုန်းမြတ်...ရှင်နဲ့ကျွန်မရဲ့အချစ်ရေးကို ဘာလို့ဖုံးကွယ်ထားခိုင်းတာလဲ သိလား...ရှင်နဲ့ကျွန်မရဲ့ကြားမှာ ခြားနားမှုတွေကသိပ်များလွန်းလို့ပဲ...ရှင့်ရဲ့မနက်စာက ဘိုစာဆိုရင် ကျွန်မရဲ့မနက်စာက မုန့်ဟင်းခါး...အဲ့ဒီ့မှာတင် ကျွန်မတို့ရဲ့ခြားနားမှုကသိပ်ကြီးနေပြီ...
မတူညီတဲ့အရာတွေကို ကျွန်မငြှိမယူချင်တော့ဘူး...အဲ့တော့လမ်းခွဲလိုက်ကြတာပဲကောင်းပါတယ်
...ရှင်နဲ့ကျွန်မ လမ်းခွဲကြတာပေါ့..."
ဒီဆုံးဖြတ်ချက်က ရင်နာရပေမဲ့ မှန်ကန်တဲ့အဆုံးအဖြတ်လို့ပဲ လိပ်ပြာမှတ်ယူလိုက်တယ်။
ကိုကိုကလည်း လိပ်ပြာကိုမယုံနိုင်စွာကြောင်ကြည့်နေလေသည်။
လိပ်ပြာ ချင်ချင်းမျက်နှာလွှဲပစ်လိုက်ပြီး ကားလမ်းဟိုဘက်ကိုသာ ကူးလာလိုက်တယ်။
"ကျွီ!!!!!!...."
"ဟယ်.. ဟိုမှာကောင်လေးတစ်ယောက် လမ်းကူးလာရင်းနဲ့ ကားတိုက်ခံလိုက်ရပြီထင်တယ်..."
"နင်တွေ့လိုက်လို့လား..."
"အေး...လှမ်းတွေ့လိုက်တယ်...လာသွားကြည့်ကြမယ်...."
ဟိုဘက်ကားလမ်းကိုအရောက်မှာ ကားရပ်စောင့်နေတဲ့အဒေါ်ကြီးတွေရဲ့အပြောကြောင့် လိပ်ပြာတစ်ဖက်ကားလမ်းကိုကြည့်လိုက်မိတော့ ကိုကိုမရှိတော့ဘူး။ပြီးတော့ လူတွေဝိုင်းအုံကြည့်နေကြတာက ဘယ်သူ့ကိုလဲ။
လိပ်ပြာမျက်ရည်တွေဝိုင်းချင်လာပြီး ကားလမ်းကိုပြန်ကူးရပြန်သည်။
"ဖယ်ပေးပါ...ခဏဖယ်ပေးကြပါရှင်..."
လိပ်ပြာလူအုပ်ကြားမှ တိုးပြီးကြည့်လိုက်မိတော့...
"ကိုကို့!!!!!!!"
ကိုကိုဟာ ရင်ခွင်ထဲမှာခွေးညိုကလေးတစ်ကောင်ကို ပိုက်ထားပြီး ကုန်းထနေလေသည်။
လိပ်ပြာကိုကို့အနားကို သွားလိုက်ပြီး ထူပေးလိုက်သည်။
"ဘယ်လိုဖြစ်တာလဲ..."
"ဟို...ဒီခွေးလေးက လမ်းဖြတ်ကူးနေတဲ့အချိန်မှာ ဟိုကားက အကြမ်းပတမ်းမောင်းလာလို့ ကယ်ရင်းနဲ့ မတော်တဆဖြစ်သွားတာပါ..."
"ညီလေးရယ်...အစ်ကိုတောင်းပန်ပါတယ်...အစ်ကိုလည်းအလျှင်လိုနေတာနဲ့ ခွေးကိုမမြင်လိုက်မိဘူး..."
ကားသမားက ကားပေါ်မှဆင်းလာပြီးပြာပြာသလဲလာတောင်းပန်နေပေမဲ့ လိပ်ပြာကတော့ ကိုကို အနာတရဖြစ်သွားတာကြောင့်ဒေါသအရမ်းထွက်လာတာပဲသိတယ်။
"ဘာတောင်းပန်တာလဲ...လမ်းကိုအစောတည်းက သေချာကြည့်မောင်းပါ့လား...ဒါအသက်တစ်ချောင်းရှင့်...တစ်ခုခုဖြစ်သွားရင် ဘယ့်နှယ့်လုပ်မလဲ...."
"ဟုတ်တယ်...ဟုတ်တယ်.. အခုကဒီလောက်ပဲဖြစ်လို့တော်သေးတယ်"
သူ့အတွက်ကပ်ကပ်လန်အောင် ရန်တွေ့ပေးနေတဲ့ကောင်မလေးကြောင့် ဘုန်းမြတ်ရယ်ချင်ချင်ဖြစ်နေသည်။ ဘေးမှာ ရပ်ကြည့်နေတဲ့ လူတစ်ယောက်၊ နှစ်ယောက်ကလည်း ၀င်ပြောလာကြတာကြောင့် ကားသမားကြီးခမျာလည်း မျက်နှာတော်တော်ပျက်ယွင်းနေလေသည်။
"ဟို...ဒီကညီကို ကိုယ်ဘာလုပ်ပေးရမလဲ...ပြောပါအားမနာပါနဲ့..."
"ရပါတယ်...အစ်ကိုသွားစရာရှိတဲ့နေရာကိုသာ သွားပါ...ကျွန်တော်အဆင်ပြေပါတယ်..."
"အေး...အဲ့ဒါဆိုရင် အစ်ကိုသွားမယ်နော်...
ငါ့ညီ..."
"ဟုတ်ကဲ့..."
ကားသမားက ဘယ်တည်းကသွားချင်နေသလဲ
မသိပါဘူး ပြေးသွားလိုက်တာများ နောက်ကိုတစ်ချက်တောင် ပြန်လှည့်မကြည့်တော့တာပါ။
လိပ်ပြာလည်း သူ့ဘက်သို့ပြန်လှည့်ကြည့်လိုက်ပြီး သူ့ခန္ဓာကိုယ်ကို အစ၊အဆုံး တစ်ချက်ကြည့်လိုက်မိသည်။
"အင်း...ရှင်ဘာမှမဖြစ်ဘူးဆိုတော့ ကျွန်မလည်းသွားတော့မယ်..."
"ဟာ...လိပ်ပြာ ကိုယ်လိုက်ပို့ပေးမယ်လေ..."
လက်မောင်းကို လာကိုင်ပြီးပြောနေတဲ့ သူ့ကို လိပ်ပြာဘီလူးမျက်စောင်းထိုးပစ်လိုက်သည်။
"ရတယ်...ကျွန်မမှာ ပိုက်ဆံပါတာမို့
ကိုယ့်လမ်းစရိတ်နဲ့ ကိုယ်ပဲ ပြန်လိုက်ပါ့မယ်..ရှင်သာဆေးခန်းသွားပြီး စစ်ဆေးကြည့်လိုက်အုံး..."
"ကိုယ့်ကို စိုးရိမ်လို့လား..."
"စိုးရိမ်လို့မဟုတ်ဘူး မကောင်းတတ်လို့ပြောတာ
...သိရဲ့လား"
သူ့ကိုအရွဲ့တိုက်ကာ ပြောသွားပြီး ကားလမ်းကူးသွားတဲ့ ကောင်မလေးကိုကြည့်ကာ ဘုန်းမြတ်တစ်ချက်ပြုံးလိုက်မိသည်။
အပြင်ဘက်ကသာ ဟန်ဆောင်နေပေမဲ့ သူ့အပေါ်ကိုစိုးရိမ်သွားတဲ့ သူမရဲ့ပုံစံလေးကိုပဲ ထပ်ခါတလဲလဲ မြင်ယောင်နေမိတယ်။
တစ်ခုပဲ သူမစိတ်ဆိုးပြေအောင် သူဘယ်လိုလုပ်ရပါ့မလဲ။
🦋🦋🦋🦋🦋🦋🦋