أؤمنُ أنّ هناك أشياء تحدث رغم كلّ شيء،
رغم رفضنا لها،
وخوفنا منها،
ومحاولاتنا وحذرنا،
وابتعادنا عنها،
ولكن مع ذلك
يقع قدر الله
وقدر الله دومًا خير!
راحت مرت عمي حتى ترد الهم جواب انو اني موافقة
وبعد مارجعت كالتلي
ام اية:- الولد يريد يشوف صورتج بلاول
فاطمة:- شيسوي بالصورة يعني
ام اية:- هوة راح يدز صورته وانتي هم خل اطكلج صورة واندزهه الهه تمام
فاطمه:- ماشي تمام بس خل البس حجاب
لبست حجاب وخليت مكياج خفيف كلش
واخذتلي صورة مرت عمي بس بعدها مهتميت
ثاني يوم رحت للمدرسه وسولفت الصديقاتي
انو اني راح ازوج واخذت قراري
صديقاتي:- شوفي فاطمة انتي حياتج ممستقرة
ووضعج كله مو تمام واذا هذا الزواج زين فه ازوجي افضل واذا لا كملي دراستج وانتي بعد حرة بقرارج
فاطمه:- ايي بس اخذت قراري راح اترك الدراسه
واتزوج......... وهذا اكبر خطأ اسوي......
جانت مدرستي ام التاريخ كلش تحبني واحبه
وجانت مدرسة تجننن وجنت كلش احب التاريخ بسببهه
فه رحت وكتلها حتى اودعها......
فاطمه:- ست اريد اكلج على شي
ست ذكريات:- اي كولي شنو
فاطمه:- ست اني راح ازوج واترك الدراسه
ست ذكريات:- يااا ليش... هسه ماشي اتزوجي
بس لاتركين دراستج هذا مستقبلج وحياتج كلها
متوقفه اهنا انصحج لاتزوجين وكملي دراسه
فاطمه:- بس اني عندي ضروف ست
ست ذكريات:- مهما يكون عندج لاتتخلين عن دراستج
واذكري كلامي بيوم من الايام كملي دراسة وبعدين
اتزوجيي وانتي ما شاء الله شاطرة وزينه حراماات......
فاطمة:- شسوي ست والله حيرة
ست ذكريات:- فكري زين ولحد يلعب بعقلج....
........... رجعت البيت عمي واول ماوصلت للبيت
اية:- تعااااي الحكي ولججج
فاطمة:- شكووو خيررر
اية:- الولد شاف صورتج ويكول هيه هاي الي اريدهه
فاطمه:- انجبي لاتشاقين علساس اني ملكة جمال
العالم حتى هيج بسرعه يريدني
اية:- والله مااجذب اسئلي امي وحتى كال لازم نتشاوف
بالحقيقه....
فاطمه:- اوكي شوكت
اية:- ماعرف بلاول كال بالامام علي عليه السلام
ام اية:- اي حظري نفسج العصر انروح تتشاوفون
فاطمه:- اوكي
....... حظرت نفسي وبدلت ورحت وية مرت عمي
رحنه اندور عليه وماكووو بعدها دز خبر انو ميريد
نلتقي بالامام علي عليه السلام وماعرف السبب
فاطمة:- رجعنه للبيت بليل... اكلج شنو يضحك علينه
ام اية:- لا اكيد عنده شغل
فاطمة:- شغليش غير هية خطوبة اذا ميقبل
ماريده ولااريد التقي بي عشتو
ام اية:- شبيج اصبري هسه يخابرونه ونشوف
ورة ساعة بالضبط....
ام اية:- يله تعاي فاطمة راح يجي لبيت اخوي
وهناك تتشاوفون
فاطمه:- اوكي راح البس حجاب وعباية
ان اية:- ماشي ولاتخلين مكياج قوي كلش
يريد يشوفج على طبيعتج
فاطمه:- خايف يطلع مهند وماادري ههههههه
اية:- ههههههه يله بالتوفيق فاطمة
فاطمة:- والله اذا طلع موحلو اموتج انتي بلاول
اية:- هسه درووحي وسولفيلي كلشي من تجين
....... رحنه لبيت اخو مرت عمي
اول ماطبيت كالولي الزلم كاعدة بلاستقبال
فه اخذتني مرت عمي ام اية وطبينه سوة يمهم
....... اول مادخلت للاستقبال شفت زلم وهوة واخو مرت عمي ومرت عمي كبل سلمت ودنكت وكعدت بصف مرت عمي واني خايفة واحس اول مرة انحط بهيج
موقف صعب وحرج كلش....
فاطمة:- باوعت للولد لابس تراك اسود وكاعد على صفحة اباوعلة بسرعه وادنك واني هم اشوفه يباوعلي
صح مو كلش عجبني بس ماهتميت لكلشي..
ام اية:- شوفي ترة البنية لاتعرف تطبخ ولاتعرف تخبز كلشي متعرف تسوي
اخو الولد:- ترة هوة طباخ ويعرف يطبخ هوة يعلمها
... صار الكل يضحك...
سألوو يونس عليه وكالوله شنو موافق لا
فهوو بس هز راسه يعني اي
والكل كال اللهم صلِّ على محمد وآل محمد
فه انوب سألتني مرت عمي كدام الكل
هاا وانتي موافقة..... استحيت اكللهه اي
فه كتلها انطيني مهلة يومين وحجيت بصوت ناصي
......
فه طلعنه من الاستقبال واكلني الفضول وكتلها
المرت عمي ماسألونه شكد عمره فه من سألو
كال عمري 22 سنة
فه كلت اي زين مقارب العمري اكيد راح تطلع
افكارنه مشابهه ومنختلف بشي...
رجعنه للبيت.....
اية:- هاا ولج بشري
فاطمة:- اكلج هوة اليجي يخطب شنو لابس تراك غير يجي انيق ومرتب وضلينه نضحك...
ام اية:- دسكتي ام الانيق ترة الولد ستوة جاي من شغله واجه بسرعه لهنا حتى يشوفج
فاطمة:- اي صدك ههههههه... ضلينه اني واية
طول الليل نتنمر عليه ونضحك...
ثاني يوم سمعنه الباب تكسر...
اجت عمتي حنان واصيح........
عمتي حنان:-منو سمحلكم تزوجون فطومة بكيفكم
وبعدين شنو ماعدهه عماااام تخلوهم يتشاوفون بيت اخوج على اي اساس هوة اخوج غريب عنه شنو يشوفوها ابيتهم وتعرفون ذولة منوووو امهم اتبيع بالسوك وكاتلهه الوصخ وهوة يكولون يكتل بامه وحتى يشرب عرك اني فطومه ماانطيهه وحدة دارسة ومثقفه
تاخذ ذولة لا مستحييييييل الدنيا احركهه
فاطمة:- مهتميت الكلامها فه كتلها
عمه اني ادري تردين تنطيني لابن عمي
واني لو يبقه اخر واحد مااخذه واني موافقة
لحد يدخل بقراري
عمتي حنان:- ولججج والله مصلحتتتج احجي وماانطيج لابن عمج اجيبلج احسن واحد ذولة
مو من مستوااااج افهمييييي
فاطمة:- حجيت بكلبي انتن مارحمتن امي وابوي تردن ترحمني اكيد يكرهني ومايردني ازوج
كتلها عمه اني خلللص موافقةةةةة لحد يدخل
عمتي حنان:- ماشي سهله اخربهه لهذا الزواج اخربه
خلت وطلععت.....
ام اية:- لاتهتمين الكلامهه احنه ناس نعرفهم
وعايشين وياهم ولو ندري موزينين ماانطيج اياهم
ابد والله
فاطمة:- اي ادري دزيلهم خبر اني موافقة
بعد مالكل عرف راح اتزوج يونس اكو الي وكفو
وياي واكو لا ماقبلو اتزوج...
اتصلت بيه عمتي الثانية اسمهه غفران..
عمتي غفران:- هاا عمه شلونجج صدك راح تزوجين
هذا يونس
فاطمة:- اي عمه ليش
غفران:- فطومه والله نصيحة مني ارفضي
والله تتندمين
فاطمه:- ليش حتى اتندم اني موافقة وانطيت
كلمة وخلص ماراح اتراجع لو شما يصير
غفران:- لجج فطومة اذكرج بيوم من الايام
راح تجيني تبجين واتكليلي ياريت سمعت كلامج
فاطمة:-عمه اني جنت وية زوج امي ومااجيتج
وبجيت وشتكيت تردين انوب ازوج واجيكم
مستحييييل يصير هل شي
غفران:-براحتج بس نصحتج وعلمودج والله
............. ورة كم يوم سمعت احد من اقاربي
معارض على زواجي وكايللهم لاتنطوهه الغريب
اني ازوجهه على مرتيي وادللهه واعيشها احسن عيشه
فاطمه:- شننوووو هذا الحجي شنو اني بايرة
واخذ واحد متزوج عيب هاي السوالف
عمي ابو اية:- هاي السالفه اذا تكررت والله
متعرفون شسوي
فاطمه:- اي عمي ديربالك تقبل بهيج كلام
عمي ابو اية:-اني موجود يمج بوية ماعليج
بحجي فلان وعلان
......... بيوم من الايام اجتني هبه..
هبه:- فطومة شبييج معقولة انتي تعوفين مدرستج
وتزوجين منو ضاغط عليج بس كليلي والله اساعدج
فاطمة:- اهوووو شبيكم يابه يعني وحدة متزوج
اشو قبل اصيحون ليش متزوجين ومن صارت صدك الكل صار ضدي اي شكووو خيررر
هبه:- بكيفج بس غير نخاف عليج شخص غريب
ومنعرفه شنو ماشنوو بس اسأل عنه وافلسه تفلس
يله ننطيج مو بهل سهولة...
فاطمة:- بكيفكم
..... ورة ما الكل موافق ماعدا عماتي
راحت الزلم مشية لبيت عمي الجبير وهناك قرو الفاتحة
وكملوو كلشي.....
وراهه بيوم اتفقن يجن النسوان البيت عمي
اجت امي واختي هبه وعماتي واهل الولد
امه واخته وجناينهم اثنين واحنه كلنه موجودين
حتى الكل ينجمع ونحدد المهر....
لبست فستان ومكياج خفيف وحليت شعري
لان شعري طويل ورتبت نفسي بين مااجه الكل
طبيت سلمت على النسوان كلهم وكعدت
والكل يتناقش ويسولف
مرت عمي ام اية:- احنه انريد انصارحكم ترة سمعنه
حجي على ابنكم هواي يكولون يشرب وموزين
ويضرب امه وابوه وحتى كالو هوة الي كتل ابوه ومات
اخت يونس:- والله العظيم كله جذب مو لان اخوي
بس هوة مستحيل يسوي هيج شي وهسه جيبو قران
ونحلف ماعده هيج شي
مرت اخوهم:- شوفو يونس اكثر حماه اني احبه
وعزه وماشفت شي منه والله العظيم وحتى خطبناله هواي والكل رادته بس هوة رفض الكل لان ياهو الي يخطبهه ميرتاحلهه وبتكم الوحيدة وافق عليه
ومنريد نخسرهه لان هوة كلش رادهه....
الاء:- والله على عيني وراسي ونتشرف بيكم
بس بعد انريد نسأل عنكم
اخت الولد:- اسألو عنه بأي مكان واني متاكده مايطلع عنه شي موزين...
ام اية:- ايي ان شاء الله نسأل
ام اية:-زين احنه نعرف البيت مالتكم صغير وباسم امكم وامكم انطت حصة للكل فه لازم اسجل البيت باسم يونس حتى نضمن مستقبل بتنه
اخت الولد:- ان شاء الله اصلا البيت اله ومستحيل احد ياخذه ورة الزواج انسجلة باسمه ان شاء الله
الاء:- زين شكد المهر راح تنطوهه
ام الولد:- مليونين ونص
الاء:- لا والله قليل ترة خلوهه 4 ملايين
ام الولد:- لا هواي ترة وراه ابني هواي شغل
اخت الولد:- خل نتصل عليه وانشوف
....... وراهه اتصلو على يونس وكال شكد متخلي مهر
ميخالف ولحد يعارض....
فه الكل وافق وضلو يسولفون ويضحكون ومرت اخو يونس كالتلي ديربالج احد يغير رئيج خوش
فه ضحكت وكتلها ان شاء الله
........... يتبع