قاع الشياطين

برتوت عنون

رفعت راسي ارفع بشعري عن وجهي ابجي واغلط علية ، يالحقير بلا غيرة بلا شرف ، شفته جر حزامه ركضت  على هيف اخذها وانهزم .. بعدني ماواصله انجريت من شعري ورجعني عليه .. تعاي تعاااي …

عطت هدنييي ، هدني انعل ابوك ، سوده عليه هيف فغرت من العياط عيوني عليها واعيط وجها انكلب ازرك ، جرني من شعري ، الله لايوفقك يالنكس ،

ولج اسكتي ومرض خبلتي البنية، كمت داكامشه رفع ايده يريد يضربني بالحزام ، صرخت حيل كبل لايضربني ، مجرررم ، من هذا الله اخذ ابنك ديعاقبك ، الله يحرك كلبك بعد وبعد ..

وكف مصدوم فاتح عيونه علية ، رفعت اديه امسح بوجهي ، اشهك ، كلبي نار والله ، من قهري طلعت الي بداخلي كله من غل علية ، شلون جمر يمشي بدمي يحركني ..

شفرقك انت عن ام زياد وعن عواد ، بس عواد عرف شلون يربيك ويحرك كلبك ، يوم لاهلك وناسك ، عسى ذريتك تنقطع ، مالك بعد ذكر ..

يباوعلي مستغرب من رده فعلي ، دار ظهره وراح على هيف شالها  ماحاجاني ، كعدت بالكاع ابجي ، هو حظنها وراح للبلكونه  يسكت بيها، هيه شلون الي بيها لجه ، تصرخ وتعصر بنفسها ..

كمت لحيلي ركضت على باب لشقه ادك بيها حيل ، ياااناس الحكونه ياعااااالم ، الله يخليكم ساعدوناا مخطوفين والله ، ياااناس .

هو واكف بالبلكونه صافن .. ماحاجاني ، ولا اكو احد يرد علية عيطت وابجيت ودكيت كل قوتي ، حتى برجلي  جف ايدي ازرك من دك على الباب ،  .. لحد ماتعبت وكعدت بالارض  مهدود حيلي ، هو اخذ ممتها وراح للغرفة سد الباب وعافني بصاله ..

دخت من العياط ، لزمت راسي يوجعني ، وجهي احسه نار ، دنجت راسي لاارض اااخ ياايمه راسي ، حمووت من الالم ..

بطني توجعني تقلصات ، لزمتها امرد بيها ، انحنيت ليكدام ، راسي طخ بالارض ، الكرانيت بارد ، مددت بالارض على البروده ، رجعت ابجي من تذكرت سواه النكس ..

رفعت ايدي الاسواره بعدها شلعتها شلع حتى جف ايدي تملخ ، شمرتها حيل باتجاه الغرفة ، كلت لو اني لو هوو ، بس خلي تهدء هيف واني اله وربي مااسكت .

ضليت ممده على بروده لحد ماسمعت باب الغرافه انفتح ، درت وجهي بهدوء باتجاها طلع هو لوحده ،

سد الباب والتفت يدورني بعيونه ، مالكاني مشه بهدوء يشوف صالة ، ثواني دنج راسه لكاني مدده بالارض قريب من باب شقه عيني علية ..

ضل واكف ساكت ماحجه ، رفع جف ايده يمسح وجهه ولحيته .. تقدم كعد على تخم كبالي حنى ظهره ليكدم  ،

عض شفته دنج راسه ، عيني راحت على كزاز بالكاع ، اكو كزازه جبيرة كعب مال السراحيه ، درت عيني علية.. هز راسه حجه بطلي عاطفه بطلي تصيرين انفعالية ، بتصرفج هسه شنو استفاديتي .. هاا .. رفع نظره علية ..

ساكته ماحاجيته ..

نبره مالته عقلانية هادئه ، ولاكانو هو سبب بالي صار ..يحجي وكانو هو العاقل الي يريد حل بس اني راعيه مشاكل والمؤذيه ..

عيطتي وضربتي وخرعتي البنية وجوز طفله تصير بيها حاله وتضل تصرخ بلا سبب منج ..

شنو حصلتي ، هاا ، مارديت ..

باوعلي من فوك ليجوه حتى تصرفاتج مو مال وحده متوازنه وكد نفسها ، شوفي نومتج بالارض ، مايسويها بس جاهل المتمرد ..

سكتت ..

نصى صوته وحجه بهدوء .. ميرال شوفي يااعيني تعلمي لاتنطين للموضوع اكبر من حجمه ، وفكري قبل لاسوين شي هل تصرفج ورده فعلج مفيده لو مضره ، راح تقدملج شي سلبي لو ايجابي ، لاتتصرفين كبل بلا تفكير هالشي يسبب كوارث مثل ماخربلج حياتج قبل ولحد هسه انتي نفس الاسلوب ..

انتي مو لوحدج حاليا وياج طفله شنو ذنبها تتاذى بسبب طيش ردات فعلج وتسرعج ، اعرف زعلانه مني ، بس مصيرج تتعودين عليه ..

سكتت ..

لاسكتين احجي .. تردين ارجع لادهوك ..

سكتت ..

بس لوحدج ليش تكولين ..لو تبقين هناا وتتعودين على طبعي ، وتعيشين وياي بامان الله ، الي صار البارحه ترى بداية فقط ، بدايتج وياي ، تتقبلين خير على خير ماتتقبلين مستعد ارجعج منين مااخذتج . .

ماحجيت صفنت بوجهه .. احجي ميرال حتى اعرف شنو براسج ..

واحد منا بس والله يضل عايش للصبح عدي ..

رمش بعيونه ، هز راسه ميخالف  ، انتي عيشي واني الاموت ، اني اصلا ميت من زمان ..

كمت لحيلي داكوم .. حجه الطفله لاتخرعيها عوفيها نايمه .

ميراال داحاجيج .. كمت مشيت مارديت عليه .. انتبهي الكز….

شي انغرز برجلي الجعه مالته وصلت لكلبي ،  شهكت وكفت بمكاني ، غمضت عيوني حيل متألمه ، اديه ترجف .. كام بسرعه ..

مو كتلج .. ديمد ايده دفعته حيل ، رفعت رجليه ، كزاز طولها بال٢سم  مغروسه كلها دم ، رجلي تنكط ..

اريد اجرها مجلبه، اوكفي دشوفها دفعته وخررر لااحطها بكلبك ..

سكت يباوعلي ابتعد خطوتين. .. جريتها وشمرتها بالارض مشيت للغرفه ..

دخلت وسديت الباب ، هيف نايمه على جربايه خليت راسي يمها ، غمضت .. حيلي مهدود ..

جسمي منعنع .. والله مادري بنفسي ايام من الشوطه ، والقهره الي بالكلب مرضتني ..

بس اسمع هيف تبجي مااكدر اكوم عليها.  هو يسكت بيها ، لو يدخل للغرفه ماعرف شيسوي مااكدر اصلا افك عيوني ولا اشوف شي ولا اتحرك شلون عبالك فوكي جبال ..

وجسمي نار مشتعله بي نار ، حسيت مره دينزع ملابسي كبل فزيت بس مااشفته ، تعبانه عيوني مااكدر افتحها شلون جمر بيهن ..

بجيت كبل اديه مابيه ارفعهن همست .. لا الله عليك لااا ..

عركانه ميرال جسمج مرطب ..

نفسي تلعب حلكي مرر ، اسمع نوبات صوتهم بس مابيه اكوم ولا عيوني يساعدني اشوف ،

حسيت على الغطا انسحب بهدوء من فوك جسمي ، ونيت بالم .. هزيت راسي مدمعة لاااا ..

ماكو رد .. شي بارد تخلى على جف رجلي بحيث اهتزيت من الجعه مال بروده ..

ااشه ، شي بارد نزل على كصتي ، اااااه .. صوت هيف واديها على صدري مما .. وصوته يحجي ميرااال شلونج هسه ..

لاسوين هيج ، تموتين نفسج يعني ..

درت وجهي ابجي من الم جسمي  ، رجعت غفيت من التعب ..

كعدني صوت قوي ، رفعت راسي ، كانو ماعون وكع ماعرف جدر شي وكع بالاارض .. وصياح عدي لاااا لاتشمريها بابا  ..

كعدت على حيلي ، راسي هالكبر من الوجع ، دنجت ااااخ ياايمه ، عيوني مااشوف بيهم الم فضيع ، عدلت كعدتي ونزلت رجليه من جرباية ، طخت رجلي بالكاع شاغت روحي من الالم ، جرح الكزازه بعده ، دنجت اشوفه رجلي ملفوفه بشاش ابيض ، سندت جسمي بادية ، اريد اكوم مااكدر ماعندي طاقة ، 

لابسه دشداشه حمرة نص ردن كشمير عبالك ، خرب اي والله ..

كوه كمت ، تمشيت للباب اعرج ، مااكدر ادوس على رجلي ، الباب مفتوحه على حيلها ، طلعت بهدوء لازمه الحايط وكفت بالممر ، هيف بالكاع ، بطرك الشورت ،  مدري شنو بحظنها ، رمشت بعيوني وقلصتهن كوه، يله شفت شنو ..

جداري وياهن خواشيك يمكن خالهن بحظنها تركع بيهن ، تشيل وتهبد وتضحك وهو يرد ااااش كافي لج .. ماما نايمه ..

تردين خياره هاج ، دنج عليها  يريد يخليها بيدها ، هيف باوعتلي ، مااخذت منه الخيارة التهت تباوع عليه .. اندار يشوف وين دتباوع هيف ، شافني ، وكف لحيله متفاجئ ميرال ؟!

تقدم عليه رجعت ليوره لزمت الحايط حتى اسند نفسي ..

همس شلون صرتي ليش كمتي من فراشج ، بعدج مو زينه ..

ماحاجيته عيوني على هيف ..

تقدم عليه تحبي ، مشيت عليها دنجت اشيلها من الارض ، شلتها وحظنتها يااعمري ياامي ياروحي ..

خليت راسي بصدرها اشم بيها ياعين امج و فلذة كبدها ، جلبت بشعري تلعب وتعت بي ، كعدت وخليتها بحظني باوعت على عدي تاشر وتصيح بابا ..

فكيت عيوني مخترعه .. التفتت عليه بسرعه ..

واكف شايل الخياره خلاها بحلكه،  ابتسم ، من حقي صار ايام اشطف واحفظ وارضع اقل مايكون تكولي بابا ..

يتبع ...............................