سداد وبنت ألعرب
البارت السادس
بقلم الكاتبة الزهيريه الزهيريه
اصدق حب
عندما تحب إنسانًا
ولا تعرف لماذا احببته
ألق/ بداية المراهقة كل بنيه تحتاج امها وتكون الام هي تعلمها الصح من الغلط واني حمدلله ما عندي ام وحتى اذا چانت موجوده فهي خطيه من المنغوليين يعني هي تريد واحد يعلمها الصح من الغلط واني بداخلي چان اكو فراغ ولا چان عندي آحد احچي ويا ولا عندي احد يحبني لهذا اي كلمه معسولة تأثر بيه من أشوف بنيه وياها امها او أبوها اموت قهر حتى بالمدرسه أشوف البنات امهاتهن كاتلات روحهن ويجن يشوفن مستويات بناتهن الا اني ما عندي آحد يجي يسال عليه وهذا چان اكبر عقده نفسيه عندي
ومرات أحس نفسي منبوذه مثل أبويه وأخويه لان حتى صديقاتي بالمدرسة احسهن يبتعدن مني من ذوله جوارينه السكنوا جديد يصيرون مقابيل بيتنه ابنهم چان يطير طيور وبقى يباوع عليه واني بالبداية بصراحه عجبني كشكل لان بصراحة شكله صدگ حلو وبعدها صار تقريبًا يوميه يدگ علينه الباب بحجة هذا خبز امي خبزت ودزته الكم لو يجيب النه اكل بصينيه ويگول هذا من غدانه او دزته الكم يعني خصم الحچي يوميه يجي وحتى علاگه وبيها حلويات
آما كلامه كلش حلو وهواي يتغزل بيه وكل حچايه والثانيه ويگلي / أروح فدوه ونذر لهذا الوجه الحلو
لو يگلي / امي تريد چنه بالبيت صغيره وحلوه مثلچ
وهذا كلامه من أسمعه چنت مثل اي بنيه اطير من الفرح وخصوصًا هو چان يضرب على الوتر الحساس العندي وهو الحب والاهتمام واني حمدلله ما عندي أحد يعتني بيه ولگيت وآحد أهتم ينطبق مال شاف ما شاف شاف ..... واخترع لهذا صرت أتعمد اصير گدامه وحتى اذا يجي أتعمد أضحك ويا
وبعد شهرين من سكنوا بالبيت ومن ندگت الباب طلعت وهو شافني
هيثم/ شلونچ ألق هذا كليچه امي گالت هاي لالق
الق / انت شسمك
هيثم/ إسمي هيثم عمري 22 وصف خامس أبتدائي ومبطل ما احب أدرس
الق / اني هم اضوج من الدراسة
هيثم/ أحسن حچي سمعته منچ همه إلي درسوا شحصلوا حتى تحصلين أنتي شوفي باچر من تروحين للمدرسه اني اجي وراچ بس مو من الصبح خلي بالبداية أطير الطيور بالكت الزم طير ابيعه واعزمچ على لفه واذا ما لزمت طير أحتمال ابوگ طير من أخويه آلمهم عندي اعزمچ
ألق/ ضحكت واخذت منه الكليچه ودخلت للبيت وشافتني عمه نضال ولازم تخرب عليه فرحتي
نضال/ اگلچ الق شفتچ تحچين ويه هذا الولد النزلوا بهذا البيت المقابيلنه شو هذا يوميه يجيب آكل شكو
الق / امه مسويه كليچه شنو هاي كليچه مال سوگ هي خطيه وين تلحگ ما أدري تبيع ما أدري تستلم
الق / يعني شنو عمه
نضال/ حبيبتي انتي افتهمي وحدچ بس بكل علاقة تدخلين بيها حاولي تستفادين ماديًا حبيبتي لان اي رجال ما يستحق اي شي سوي علموده
ألق/ وعلى يوم الثاني رحت للمدرسه وظليت كل شوية أفوت قريب على باب المدرسه حتى أشوفه وبالفعل خلصت درسين وبالفرصه شفت هيثم واگف مقابل المدرسه واني رحت گبل اخذت جنطتي وشمرتها من فوگ سياج المدرسه ورحت على الحارس گتله المديره تريدك وهو بس أبتعد عن الباب اني گبل طلعت وهيثم شافني واني امشي وهو يمشي ورايه الى ما وصلت لمكان الجنطه أخذتها ومشينه اني ويا ومن ابتعدنه عن منطقتنه لزم أيدي وهاي المنطقه أكو متنزه بي مساطب والعاب مآل الأطفال وگعدنه على مسطبه وهو لازم أيدي ويفرك بيها
هيثم/ فداك الماعرف غلاك
ألق/ وشفت بيده علاگه سوده ومن سألته هاي شنو
هيثم/ اني مو گتلچ اعزمچ اليوم على لفه بس ما لزمت طير وما گدرت ابوگ طير من أخويه سويتلچ لفه من البيت
الق / طلع اللفه صمونه وما أعرف شنو بيها بس ريحتها تلعب النفس ومن شافني درت وجهي من قرب الصمونه
هيثم/ هاي اللفه عبالي اجيبها الچ من اول البارحه واليوم يله جبتها بس الظاهر خربت يله راح اذبها وعلى غير مره اعزمچ
الق / من أول البارحه سويتها ليش وين چنت مخليها وبعدين هاي الكليچه الجبتها مو مال بيت هاي مبينه مال سوگ شلون تگول أمي مسويتها
هيثم/ شوف هاي امي كل شي ما سوي ولا ادزلكم اني ابوگ من البيت واجيب الچ شوفي شگد عزيزه عندي بحيث ابوگ من اهلي واخونهم على مودچ
ألق/ في ذلك الوقت چنت صغيره يعني هذا الكلام چان يفرحني يعني على أساس دى يضحي على مودي وظل يسمعني احلى كلام الحب وهذا كلامه چان ياخذني بي لغير عالم وما رجعت للبيت غير لنهاية الدوام وانطاني 500 دينار ويگلي أشتري نستله وبعدها صارت علاقتي بهيثم كلش قويه وهو عنده موبايل بس اني ما عندي وبيوم بالليل دگ الباب من طلعت أله انطاني علاگه صغيره مال دعاية وراح بسرعه
دخلت للغرفة وشفته جايبلي موبايل هذا من جابه وهو ما يشتغل وبعده بيدي دگ وبس ضوه رديت عليه
هيثم/ هاااا حبيبتي ألق هذا جبتلچ موبايل حتى يوميه نتواصل أحسن ما آجي على بيتكم
ألق/ وانت منين جبته هم بگته من اهلك
هيثم/ لا يمعوده هذا اليوم صعدت بكيه وبگته من واحد كسرت السيم كارت وجبت الموبايل الچ احسن ما تبقين بدون جهاز
الق / خطيه هذا البگته منه أكيد مشتري
هيثم/ اني ابوگ الدنيا كلها على مودچ
ألق/ يعني في ذلك الوقت والله ما اعرف عقلي وين چان يعني هيچ بشر شنو الواحد يترجى منه وچنت احبه اموت عليه وبعدها صار هيثم يسأل على على وضعنه وحالتنه المادية وخصوصًا مركز على عمي نزار شنو شغله ووين يروح وذوله الزلم التجي شنو وضعهم والعجيبه من اگله ما أدري يتخبل ويزعل وما يحچي ويايه ويبقى أيام وبعدها ترجع علاقتنه
اما المدرسة رجعت رسبت وبكل الدروس والمديره بلغتني آنه راح أتحول مسائي ومن رجعت بلغت عمه نضال
نضال/ حبيبتي هو إنتي بالصباحي ما دبرتيها انوب مسائي كافي تعلمتي قرايه وكتابه كلش كافي عليچ
ألق/ وبصراحة اني ما أحب الدراسة لهذا شفت هذا القرار بصالحي وعجبني ومرت الأيام واني نفس وضعي وصرت عمري 15 سنه وسبحان الله الإنسان مرات يشوف آنه هذا الشي مناسب اله وحلال بس حتى الحلال طلع مبطن وإله غايات آخرى وصارحني هيثم انه بعد ما يگدر بدوني ويريدني حلاله واتصل عليه
هيثم/ ألق اني احبچ وما اگدر بدونچ اريدچ على سنة الله ورسوله وراح ادز امي عليكم تخطبچ إلي
وبيومها بدي أخلي جناحات وأطير حبيبي إجى وفى بوعده واجى خطبني واني ما حچيت لعمه نضال گلت هي من تجي ام هيثم وتبلغها وبذاك اليوم بالليل اجتي ام هيثم ساعه ب 11 بالليل تخطب وهاي چانت اول علامة استفهام عليهم وما معقولة يجي احد يخطب بنيه ساعة 11 بالليل
سداد/ طبعًا الأنسان من يوجعه عضو بجسمه يصير كل شي ما بعينه لا فلوس ولا اولاد ولا زوجة يطلب من الله بس صحته يعني اني رحت لدكتور حتى بس اشوف شنو سبب العجز العندي وانطاني علاج وبعد يومين وبثالث يوم گعدت من الصبح على وجع والله لو جبل على هذا الوجع ينهد هذا الوجع والورم البطني والخصيتين من الورم احسهن راح ينفجرن وآني أهلي بأربيل إتصلت على أثنين من أصدقائي خطيه ما قصروا ماكو نص ساعة هم يمي اوزجان وكوجر وصديقي يگول لزوجتي آريا
اوزجان / اختي بلا زحمه عليچ ملابسه حتى نساعده يبدل ملابسه وناخذه للمستشفى
سداد/ ما أريد اوزجان اخذني بذني الملابس لك راح أموت من الوجع وحتى گمت ابچي من الوجع
وتعاونوا عليه اصدقائي وگوموني وآني اصيح لله واستريح انوب وصلنه لسياره اوزجان والسياره من النوع العاليه
سداد/ أبوس ايدك اوزجان لك ما بيه أصعد هذا العلو كله
اوزجان / ولا يهمك طز بالسياره هسه ناخذ تكسي
سداد/ راح اوزجان وبقى يمي صديقي كوجر الى ما جاب اوزجان تكسي وگوه صعدت واخذوني للمستشفى بالخضراء ومن دخلوني أخذوني للطوارئ اول شي خلولي مغذي وبي مهدئ وبعدها الدكتور بدأ يفحص
الدكتور / هاي شنو ماخذ
سداد/ وحچيتله باختصار شنو بيه وشلون رحت لدكتور وشنو انطاني وحتى أسم الأدوية ذكرته اله
الدكتور / مستحيل هذا العلاج ما يسوي هيچ ورم وانتفاخ واوجاع راح احولك على السونار ونشوف و
وكتبتلك بورقة مجموعة مال تحاليل ادرار ودم ذني مطلوبات فورًا
سداد/ وأصدقائي اوزجان وكوجر أخذوني واني على السديه للسونار وللتحليل وبعد السونار والتحليل قرر الدكتور انه اكو تليف بالمثانه ولازم ينرفع هذا التليف حالًا وحولوني على صالة العمليات واني ماكو شي على لساني بس الدعاء لنفسي آنه اطلع سلامات من العمليات بس لخاطر زوجتي واطفالي وجهزوني اصدقائي للعملية وصيت كوجر انه بين ما يسويلي عملية يجيب زوجتي آريا واطفالي واجوي الممرضين دخلوني لصالة العمليات هذا المكان المخيف
آريا/ اني حبي ليسر عماني وعمى عقلي وكارثة حب يضيع العقل بي اني من انطاني القطرات يسر گلي انه هاي القطرات مضعف جنسي وأنه يغار وما يريد سداد يتقرب عليه لان ما يتحمل سداد يوصلني كزوجه لهذا صدگت وصحيح سداد من يتقرب عليه كل شي ما يگدر يسوي وسداد ما سكت صار يراجع دكتور وبلغت يسر انه سداد يراجع دكتور طمني يسر انه حتى اذا سداد يراجع دكتور كل شي تحت السيطره وانه غير 4 نقاط ما أخلي لهذا چنت خايفه انه سداد يتعالج لهذا ما التزمت بتعليمات صرت اخلي 6 نقاط او اكثر الى ما اتخربط سداد واجوي أخذوا اصدقائه وأتصلت بيسر
ومن رد عليه
آريا/ يسر مصيبه تعال هسه
وشگد حاول يعرف شنو صاير بس أني اصريت يجي ولكون الدنيا نهار لازم يجي بسيارة الدجاج حتى من اوگف احچي ويا بحجة اشتري دجاج منه وبعد حدود ساعة گضيتها اعصابي تلفانه الى ما إجى يسر وطلعت فتحت الباب وهو شافني واجى يمي على مسافة قريبه
آريا/ ولك يسر گلي هذا شنو النطيته إلي ولك سداد بالمستشفى دى يموت وشرحتله شلون چنت انطيها اله وهو تخبل
يسر / انتي خبله شلون تنطي هلگد الغلط من يمچ مو يمي
آريا/ بعدني دى احچي ويه يسر طبگت سيارة تكسي ونزل واحد من أصدقاء سداد وهو راح ويه سداد للمستشفى وظل يباوع عليه وعلى يسر بنظرة شك
وبعدها ركز نظره عليه وگال
كوجر / أختي بلا زحمه سداد دخلوا صالة العمليات وهو طلب حضورچ انتي والأطفال
آريا/ هسه نجهز نفسنه ويسر راح ودخلت على السريع جهزت نفسي وأطفالي وطلعت ويا وهو الطريق ما حچى أبد الى ما وصلنه للمستشفى ودخلنه وچان سداد بعده بصالة العمليات وبعد نص ساعة طلعوا من العمليات وبعده تحت تأثير المخدر وماكو على لسانه غير أسمي الى ما صحى من البنج وحولوا على غرفة خاصة بي واني اول وحده تحمدت اله بسلامه وبعدي اصدقائه واول واحد حچى
كوجر / سداد من دخلت لصالة طلعت نتيجة التحاليل ومثل ما گلك الدكتور العلاج مالتك الكتبه آلك الدكتور صحيح ما يسوي هذا الشي ابد بس أكو ماده ثانية داخله بجسمك هي السبب بهذا وضعك وهاي المادة هي مضعف جنسي كيميائي قوي يعني انت چنت تاخذ مضعف جنسي ومنشط وفيتامينات جنسيه بوقت واحد شلون زين العلاج صرفه الك دكتور العلاج الثاني منين جبته
آريا/ علامات الاندهاش بينت على وجه سداد لهذا ما صدگ ابد بس كوجر من چان يحچي يباوع عليه بنظرات غريبة واجى الدكتور يطمئن على سداد واني شفت كوجر واوزجان طلعوا وطلعت وراهم وهمه ما إنتبهوا عليه وسمعت
كوجر / اوزجان تدري اني من هسه اگلك وضع سداد كله سببه زوجته
اوزجان/ كوجر زوجته شعليها شنو هي نطته العلاج لو الدكتور كتبه
كوجر/ زوجته وره هاي المصيبة وبعدين صدگ كلامي والا اكو وحده ياخذون زوجها صاير جنازة للمستشفى وهي حايره تشتري دجاج تنعقل هيچ تصرفات
آريا/ وبعده ما مجاوب اوزجان طلع الدكتور وهمه انتبهوا على الدكتور واني عفتهم ودخلت للغرفة يم سداد
وهمه هم دخلوا
اوزجان / سداد آني إتصلت باخوك وبلغته واحنه هنا راح نبقى بره شنو تحتاج احنه بخدمتك
اريا/ لهذا گلت خلي اگله الحادثة الشافها كوجر خاف بعدين يسمعها من اصدقائه اني گلته اله بغير طريقة وهو آنه الأطفال يبچون يريدون دجاجة وطلعت أريد أشتري بس صاحبك اجىوخربها عليه وسداد ما اهتم ابد
وعلى ثاني يوم اجوي اهل سداد وكل واحد ينطي راي بحالته
وبهذا الوقت أتصل عليه يسر وچان يطمئن على ضرته سداد وانه هو يعرف سداد ما راح يصير بي شي وبعد للخطه بقية ومن سألته
يسر / هذا جزء من المخطط الجزء الثاني راح نسحب فلوس من سداد ونجمعهن واطلگ من سداد حتى ازوج يسر
وبعدها بيومين طلع سداد من المستشفى وأهله بقوا يمنه الى ما سداد رفع خيط العملية ونقاهة أسبوعين بعد العملية حتى العلاقه الحميمه ماكو لهذا أمنت وراح سداد رجع للدوام وتصل بيه
يسر / شوفي آريا اني اريد ازوجچ وأتقرب منچ بس بالحرام ما اريد ولازم اعقد عليچ حتى اگدر اتقرب منچ
آريا/ وشلون تعقد عليه واني مزوجه
يسر / عادي الزوجه إلي يكون زوجها عاجز جنسيآ إلها حق تزوج متعه واليوم اجي بالليل اعقد عليچ ونزوج
يتبع
بكم أكتمل
تحية لكم من القلب الى القلب
دمتم في امان الله وحفظه
أختكم الكاتبة الزهيريه الزهيريه