بسم الله الرحمن الرحيم
الاء:- صارو عندي 3 بنات هبه ونادية وفاطمة وجنت دوم احلم يصير عندي ولد ودوم ادعي من ربي يرزقني بولد ويرزق بناتي بأخ ويكون سند الهن بكبرتهن
واهم شي يكون يشبه فضل حنين وطيب وخلوق
فعلا الانسان ميتقيم بشكلة وانما بأخلاقه وطيبة كلبه
صار عمر بناتي هبه 9 ونادية 6 وفاطمة سنتين
........
نزل فضل من دوامه وكالعادة راح يركض البناته ويلعب وياهن وكلش مشتاقلهن
فضل:- والله العظيم تعبت ومليت يعني ليش هيج مجاي اشبع منكم ولااشوفكم زين اتمنه اترك هذا الشغل واكعد يمكم واشبع منكم
الاء:- والله احنه هم نشتاقلك كلش بس شسوي الله كريم
فضل:- الله كريم حبيبتي اهم شي اريدكم بخير
الاء:- وانته هم انريدك تكون بخير وتكون ويانه دوم
فضل:- اني وياكم للابد هسه شنو رايج انروح لبيت اهلج نسير شوي
الاء:- اي اكيد تعالو هباوي ندوشه
هباوي:- ها ماما
الاء:- يله يمه انريد انروح لبيبي وجدو
هباوي وندوش:- اييي بيبي وجدووو ياييييي يله ماما راح انبدل ونجي
الاء:- يله ماما بسرعه اني راح ابدل الفطومه
رحنه لبيت اهلي وجانو كلش فرحانين بينه واهلي كلش يحبون فضل ويحترمونه ويقدرونه لان فعلا هوة انسان معنى الكلمة مافد يوم سمعو عليه حجاية محلوة
ابوي:- هله وكل الهله بيكم تفضلووو
فضل:- وبيك اكثر عمي
ابوي:- والله يافضل انته ونعم النسيب من انطيتك بنتي ماغلطت لان انته اكثر واحد تستاهلهه
فضل:- والله اني الي الشرف اخذ منك لان انته انسان طيب الله يخليك النه عمي
ابوي:- بعد كلبي ويخليك المرتك والبنياتك ويرزقك بالولد الصالح يارب
فضل:- امين يارب
الاء:- كعدنه اني وامي نسولف والبنات مافاركن جدهن يموتن عليه وهوة هم يموت عليهن ضلينه ساعتين ورجعنه للبيت
والوكت يركض ركض وخلصت اجازت فضل ولازم باجر يروح للدوام ويضل شهر اهناك وهل شي كلش مضوجني
لان مدا اشوفه ولااشبع منه هوة كله اسبوع ويروح بس اكول عسى وان تفرج علينه ياارب
سنة 2001 شهر7 تحديدا
الاء:- احس بدوخه ياربي شنو هاي والدورة غايبتلي صار اسبوع معقولة حامل خل اروح احلل واجي
الاء:- ماما هبه رايحه للصيدلية شوي واجي عينج ع اخواتج
هبه:- صار ماما بس لاتتاخرين
الاء:- رحت جبت تحليل منزلي ورجعت بسرعه لان اخاف عالبنات وحدهن
رجعت للبيت ودخلت للحمام وسويت تحليل وفعلا طلعت حامل بس الصراحة كلش فرحت وممصدكه
وادعي يارربييي بجاهك يكون هذا الي بطني ولد
وانتظرت فضل ينزل من دوامه حتى اكله فعلا بعد يومين وينزل من دوامه ومنتظرته ع نار
الاء:- الحمدلله على سلامتك حبيبي
فضل:- الله يسلمج حبيبتي شلونهن بنوتاتي
الاء:- الحمدلله زينات ستوهن نامن
فضل:- ماشي خليهن يرتاحن بس اغسل علما اسويلي غده
الاء:- صار حبيبي بس عندي شغلة اريد اكلك اياهه
فضل:- اي كولي
الاء:- اني حامل
فضل:- صدكككك الف مبروك حبيبي
الاء:- الله يبارك بيك ان شاء الله يجينه ولد والفرحه اصير فرحتين
فضل:- كلشي يجي من الله خير وبركه وان شاءلله اذا الله راد يرزقنه بولد
الاء:- ان شاء الله واريده يشبهك بالضبط
فضل:- لا اريده مثلج حلوو ويخبل
الاء:- ههههههههه لا لا مثلك
فضل:- اهم شي اتمام الخلقة
الاء:- يله روح ارتاح بين مااصبلك غده
فضل:- تمام حبيبي
..........
الاء:- دخلت بشهر الرابع واني منتظرة على نار اروح اسوي سونار واشوف شنو جنس البيبي
الاء:- حبيبي مدام انته اهنا راح اخابر امي انروح للسونار
وديربالك على البنات
فضل:- ماشي روحي خابري امج وخل تجي وروحن سوة اني اهنا موجود
الاء:- ماشي حبيبي ادعيلي اجيبلك البشارة
فضل:- ان شاء الله
الاء:- خابرت امي والعصر اجتني ورحنه للسونار واني كلبي يدك ميت دكه والخوف يقرة الف عندي وميت اية قريت واستغفر الطريق كله
امي:- شبيج يمه كولي يالله كله رزق بيد الله
الاء:- متوترة شسوي
امي:- حقج والله بس الله كريم
دخلنه للسونار وصاحت اسمي وطبيت وميته خوف بسلا اتكلي بيج بنيه شسوي اكيد راح يعيروني اجيب بس بنات ربي رحمتك ترزقني بولد وارتاح
نمت عالسديه والدكتورة فحصتني
الدكتورة:- مبروك اجاج ولد
الاء:- شنووووو دكتورة صدك تحجين بربج اتأكدي
الدكتورة:- والله حبيبتي ولد وهذا امبين كلش
امي:- كلوووووش الف الحمدلله ياربي مبروك بنيتي
الاء:- كمت ابجي من الفرح شكرا ياربي مارديتني...
شكرا دكتورة ربي يفرحج اضعاف فرحتي بس اريد
منج صورة للسونار اريد اروح ابشر زوجي
الدكتورة:- صار ادللي وهاي صورة سونار للطفل ربي يكومج بالسلامه
الاء:- شكرا دكتورة الله يسلمج
طلعت من الدكتورة والفرحة امبينه عليه كلش
الاء:- يله يمه خل نرجع للبيت بسرعه اريد افرح فضل مثل ما اني فرحانه
امي:- يله تمام هسه بوجهنه البيتكم
الاء:- اول ماطبيت للبيت رحت كبل الفضل
فضل:- هاا بشري
الاء:- حبيبي سويت سونار
فضل:-اي وشنو دحجي مو موتيني
الاء:- ولددد فضل راح يجينه اخ للبنات
مااشوف غير فضل حظني حييييل وكام يبجي
فضل:- الاء تحجين صدك لو لا بربج لاتهبطيني
الاء:- والله شبيك هاي صورة السونار للطفل
فضل:- اخذت صورة السونار وخليتها بجيبي يله حبيبتي
رايح لاهلي ابشرهم
الاء:- روح حبيبي براحتك + فضل رجعت علاقتة باهله زينه ويروحلهم بين فترة وفترة بس اني ماروح ابد
فضل:- اول ماطبيت ع اهلي اصيح ولكم راح يجيني ولد واخيرا راح يجي من يشيل اسمي ويكبر بحظني ولكم ممصدك الحمدلله ياربببببب الف الحمدلله واخيرا راح يجيني ولد واخلي بحظني يااارب
الكل فرح الي وباركلي عالولد وبعدهه رجعت للبيت يم الاء وسولفتلها كلشي
فضل:- لجج فرحان كلش شوكت يجي بس لاعبالج اني مااحب بناتي والله اموت عليهن بس تعرفين فرحه اب بالولد بعد 3 بنات فرحة متنوصف
الاء:- حقك حبيبي مالومك الحمدلله راح يجي ونفرح بي ويكون سند النه بكبرتنه ياارب
فضل:- اي الحمدلله ماقصرت ياربي اكلج صدك مكتلج باجر اخواتي يزوجن اثنينهن
الاء:- صدك مبروووك الله يهنيهن
فضل:- بس ماترحين لازم اديرين بالج ع نفسج
الاء:- لاماروح مااكدر
فضل:- ماشي حبيبتي
الاء:- سمعت بحمواتي اتزوجن بس مهتميت عادي
لان شفت الضيم يمهن وربي يكول كما تدين تدان
............ سنة 2002 تحديدا شهر ال2
دخلت بشهر السابع وفضل جانت اجازته ستوه يعني ستوه نازل من دوامه وكاعد يلعب ويه البنات واني جاي احظر بالعشا.......
جان يدك تلفونه واسمعه بس يكول ها اوك ماشي
الاء:- ها حبيبي منو اتصل عليك
فضل:- يمعودة والله متت اني انتظر دقيقة دقيقة
حتى انزل من دوامي واشوفكم هسه خابروني باجر عدنه مناوبة ولازم ب1 بليل اطلع حظري غراضي وكعديني بالوحده بليل يجون عليه صدقاني
الاء:- مناوبة شنو سترك ربي مو ستوك نازل وحتى مشفناك زين
فضل:-جا شسوي حظي غير
الاء:- يله الله كريم اني ب1 اكعدك
كلش ضجت وانقهرت يعني ستوة نازل وانريد نشبع منه
بدت دموعي تنزل لان كلش جاي استفقده بس مابينت اله حتى ميضوج
.......... صار الليل والكل نايم وصارت ب1
الاء:- فضل يله كوم صارت بل1 كوم حظر نفسك قبل ليجون اصدقائك
فضل:- يوو بعدني مشبعان نوم يله انام بسيارة لان طريق طويل شوي
الاء:- اوك حبيبي تروح وترجعنه بالسلامه
شفته كبل راح للبنات بوسهن وهنه نايمات ويباوع عليهن بحسرة
فضل:- يله حبيبتي ديربالج على نفسج وعلى البنات وعلى ابني الي بعدني مشفته وميت على شوفته ان شاء الله مابقه شي واشوفه هذا كلبي جم يوم وراجعلكم
الاء:- باسني بكصتي وصاني على البنات واول مرة هوة هيج يوصيني بس اني جنت متخيلة مثل كل مرة يروح الدوامه ويرجع
بعدهه اجو اصدقائه وراح وياريت ماراح...........
الاء:- رجعت نمت ودعيتله من كل كلبي يروح ويرجعنه بالسلامة
كعدنه الصبح ب9 سويت ريوك للبنات وكعدن يتريكن
وجان اني بالمطبخ اسمع صوت اسعافات هواي والدنيا انكلبت
الاء:- يارب سترك شنو هل اسعافات شصاير
بعدين مهتميت عادي كعدت اتريك ويه البنات
صارت ب10 ونص الصبح لسه اذكر هذا اليوم
اندكت الباب ورحت فتحت الباب ولكيت اخواني اثنين
الاء:-شفت وجهم ميتفسر وامبينين متوترين حييل
اخوتي:- انطيني مستمسكات فضل بسرعه
الاء:- ليش شصاير خيرر خو مابي شي فضل
اخوتي:- لا ماكو شي بس هيج محتاجيهم
الاء:- تمام هسه اجيبهم
رحت جبتهم وانطيتهم اياهه وماهتميت للموضوع عبالي صدك ماكو شي
ورة نص ساعه اندك الباب واجتني امي ولابسه اسود وامبينه جانت تبجي
الاء:- هله يمه شبيج خيرج
امي:- ماكو شي يمه اجيت اخذكم لان وحدكم
الاء:- ماشي بس شبيج صاير شي وليش لابسه اسود
امي:- ماكو شي بس اكو فاتحة يمنه يله حظري نفسج وخل اخذكم
الاء:- ماشي
رحت وية امي الي امبين عليهه الحزن والتعب
وطبيت للبيت وشفت اخواتي كلهن موجودات واول ماطبيت الكل يباوع عليه والكل امبين مقهور
الاء:- شكو شبيجن بس فهموني اشصاير
اخواتي:- هاا لا ماكو شي
الاء:- جا امي وين راحت وليش لابسات اسود
اخواتي:- مو كنالج اكو فاتحة اهنا وراحت ليهه
الاء:- كلبي مارتاح ورحت ورة امي جانو بيت عيالي قريبين كلش واسمع صوت فاتحة وصريخ بيتهم
ولفت انتباهي صوت حمواتي يصيحن
حمواتي:- ولك ياخوية ليش هيج عفتنه ورحت يبوووووو اخذتك المقبرة هيج بهل سهولة ياخوية
الاء:- بسرعه عرفت شصاير انو فضل مات خلص بس محد كالي يخافون ع الطفل الي بطني بس اول ماعرفت
كبل وكعت وفقدت الوعي.............. يتبع.