اهلا قايزز💙
لا تنسون الفوت و الكومنتززز يا عسولات🫦
تأففت اديم من توبيخ لُدن لها الي ما وقف من ساعة:انتِ تبين تقضين على ساقك؟ناظرت لُدن لاديم وهي تكمل كلامها:عمي و عمتي لو شافوك وقتها ما تدرين وش كان بيصير فيهم! هزت اديم راسها بهدوء:لُدن اهدي ما صار شيء الأمور طيبة و رجاء قفلي على الموضوع لُدن تنهدت بِخفة وهي تقول:تمام بس لا عاد يصير ذا الشيء مرة ثانية ابتسمت اديم وهي ترفع اللحاف عليها:ان شاء الله والان تصبحين على خير بنام ضحكت لُدن:يعني تطرديني ما جاوبت اديم ابتسمت لُدن و قامت و سكرت الباب وراها تأففت اديم وهي موضوع آدم ما طلع من راسها و سبب طرد جده له وحتى هي لاحظت قساوته على اهله و من كلام ريان عن الموقف الي حصل بالمجلس يوم العزيمة اخذت جوالها وهي ترسل للريان:تعال ابيك ثواني و رد عليها ريان:جايك يا الفارسة المغوارة قفلت جوالها على دخلته:هلا وش صار بالدنيا الفارسة تبيني ابتسمت بِخفة:تعال سولف لي طفشانه تعجب ريان و رفع حاجبه:الله تبين تسولفين لي و وينها الأنسة لُدن؟ اجابته اديم بِنبرة حزينة:تخيل سحبت علي تقول بنام ابتسم ريان وجلس على طرف السرير:وش سويتو اليوم بالاسطبل عسى انبسطتوا تنحنحت اديم:مره وناسه ريان:طبعًا انتِ استانستي شفتي عذبة داري بك ضحكت اديم:والله الشوق لها مليون هي الي تفهمني و سكتت شوي:ريان إلا بسألك انت تدري وش سبب طرد فيصل لآدم! عقد حواجبه ريان:والله على حد علمي صارت مشكلة بينهم كبيرة لدرجة انه جده ما يطيقه و اشوف جدي يقول رجله ما كانت تفارق رجل آدم من قوة حبه له بس الله اعلم وش سبب الخلاف الكبير بينهم حتى طلع من بيتهم قبل ما يخلص دراسته عقدت اديم حواجبها:خالتي نورة واضح عليها الحزن والله حتى لؤلؤة مشتاقه لاخوها بس احسها تكابر ريان تنهد:حتى معن متضايق من جده واجد هزت راسها اديم:الله يهديهم و يصلح حالهم قال ريان:امين رن جوال ريان و قام من عند اديم و هو يشوف الرقم الغريب الي من اسبوع يتصل فيه يبكي و يسكر:انا بروح انام يا اديمي تصبحين على خير يا الفارسة المغوارة ضحكت اديم:وانت من اهله يا اخو الفارسة
قفل الباب وراه و هو يشوف الرقم مستمر بالاتصال دخل غرفته و رد:لا تبكين قولي من انتِ؟
ما وصله رد و المتصلة مازالت تبكي بِشدة عصب و قال:ترا بحظرك إذا ما رديتي توقف بكائها و سكتت لمدة دقيقة و كأنها سنة على ريان من شدة الغضب اجابته بِهمس:لا تحظرني انا بلحظاتي الأخيرة و رقمك يشبه رقم ولدي الي مات من 19سنة! ريان استغرب و حزن عليها بنفس الوقت:الله يرحمه يارب و الله يشفيك يا خالتي ابتسمت بِخفة:اللهم امين لو سمحت يا ولدي اذا انت بالرياض ابي اشوفك ريان حس بعدم الراحة وكيف تبي تشوفه وهي ما تعرفه ولا يعرفها تكلم بِهدوء:يا خالة انا مو بالرياض ولاني من سكانها اجابته و واضح الحزن بِنبرتها:الله يسير لك وين ما كنت بس معليه ادق عليك كل يوم الساعة 12 الليل اسمع صوتك ريان توهق ولا عرف يرد بس لسانه جاوب عنه تلقائيًا:ما فيه مشكلة ابتسمت و قفلت الخط بعد الجوال من اذنه وهو يناظره:يلعن ام الغرابة! ولا قدر ينام من موضوع المراة
كانو حولين طاولة الطعام جميعهم تكلم فيصل بِصوت جهوري:لينا فيه شخص متقدم لك و يبيك يا بنتي ولا بتلقين احسن منه لفو كلهم يناظرو لفيصل باستغراب و لينا عقدت حواجبها بعدم رضى:قوله يا جد اني رافضه عقد فيصل حواجبه بغضب و عيونه ما صارت تشوف لفت هياء للينا:ما تعرفينه عشان ترفضينه لفت لينا لامها:يعني تعرفينه انتِ تكلم فيصل بِحدة:معن ولد خالك سلطان يبيك و بتاخذينه غصبا عنك غص معن بلقمته و سلطان ناظر ابوه و معن قام فيصل و لحقه سلطان:يبه السموحه بس معن متى قال انه يبي لينا؟ تنهد فيصل بغضب:اسمعني سلطان اذا ما تبي معن يلحق آدم بتقنع معن بلينا انا و هياء تناقشنا بالموضوع ولا فيه شور بعد شوري و طلع من القصر متوجه لشركته سلطان بردت عظامه من طري آدم ولا كان فيه يعيش الألم مرتين الي فيه يكفيه نورة اشرت لسلطان بالحقني و طلعو غرفتهم:ابوك منجده شلون يبي يزوج معن للينا واضح لا معن يبي ولا لينا تبي تكلم سلطان بصرامة:ابوي كلمته ما تنكسر دام قال لينا لمعن ما باليد حيله استغربت نورة من سلطان:سلطان شفيك اقولك بيكون زواج مشاكل و كلنا عارفين وش نهايته لا تجبره سلطان ما حب يكثر كلام وقال:الي عندي وقلته و ابوي ادرى بمصلحتهم نورة عقدت حواجبها بغضب و حقد:يعني مصلحة آدم انه يكون بعيد عن عيوني و اشوف قساوته و كره لي بعيونه و اقول لمصلحته يبي يبعدني عن معن زي ما بعدني عن آدم
سلطان تكلم بِهدوء:لا تخافين معن ما راح يبعد عنا بالنهاية بيتزوج ما بيروح مكان بعيد قعدت نورة على سريرها بزعل
عند معن الي مو مقتنع بالفكرة و كيف جده دبسه بلينا و هو ما يشوفها إلا كاخت له و ضاق صدره و عارف ابوه ما راح يوقف معه لانه ما وقف مع آدم طلع من البيت بغضب و قرار يروح لشخص حتى لو ما راح يستقبله بحُب بس يرتاح جبنه و يفضفض له حتى لو ما يسمع له!
وقف سيارته عند البيت و نزل دق الباب بِخفة وجاه الرد من خلف الباب:جاي ثواني فتح آدم الباب وهو يشوف عيون معن حمراء و وجه ذبلان و مو على بعضه:فيكم شيء؟ معن تكلم بغضة:انا فهمت كرهك لجدي لانه متسلط و يبي الناس كلهم على امره انا كنت زعلان على خروجك من البيت بس الحين انا حاسدك يا آدم تنهد آدم و دخل و ترك الباب مفتوح دخل معن و سكر الباب خلفه كمل آدم عزفه الي كان يعزفه على البيانو و معن قعد على الكنبة بِخفة و غمض عيونه يسمع للموسيقى الي تنتجها أصابع آدم ما كان يبي يتكلم بالموضوع بس يبي يريح راسه
دخلت لؤلؤة على لينا:من ورانا هاه تأففت لينا:مو وقتك ابدا لؤلؤة
قعدت لؤلؤة جبنها:والله اسفة مو قصدي بس تعرفين جدي اذا حط شيء براسه مستحيل يغيره لفت لينا لها:انا ما اشوف معن إلا كولد خالي و اخوي الي دايم انا وياه نطقطق مو كشريك حياتي ابدا و لسى انا مو جاهزة للزواج ولا ابيه و دام امي صارت بالموضوع اعرفي انه ما فيه فكه لؤلؤة حضنت لينا بِخفة:ترا معن انسان كويس انا ما اتكلم عشانه اخوي بس صدق من بد اخواني كلهم ألطفهم معن والله و حنونه يعني تخيلي آدم الي ياخذك ضحكت لينا بِخفة:بموت انه يكفي الي فيني بيجيب لي الحالة النفسية زود
تنهدت لينا:بس واضح على معن انه مو راضي ولا انا راضيه رفعت لؤلؤة حواجبها:بس تذكري جدي زمت لينا شفايفها و رجعت نفسها لورا بتكفير و حيره و خوف من المستقبل:لؤلؤة تهقين امي تبي تزوجني هي و جدي لاجل تسكني و تبعدني عن طريقها لؤلؤة تكلمت بِخفة:بس حتى اعرفك ما بتسكتين رفعت لينا راسها لسقف غرفتها:انا اعرف ابوي ما كان زين مع امي بس كان زين معنا يمكن عشان كذا امي قتلته
سيف انصدم من زواج معن للينا:ياخوي انت من جدك تكلم فيصل بِهدوء:ايه و بعزم كل المملكة بعد
تنهد سيف:انت جابرهم ولا هم يبون بعض توجهت انظار فيصل لسيف بعدم رضى:انا ادى بمصلحتهم
سيف ما تكلم لان يعرف فيصل ما يثني كلمته و هو اكثر واحد عارف بتسلط فيصل على عياله و احفاده
عند آدم توه خرج من عملية و طمن اهل المريض بنجاح العملية و انه حالته مستقرة
توجه لمكتبة و هو يشوف ريان واقف ينتظره توجه له:السلام عليكم رد عليه ريان بابتسامة:وعليكم السلام تكلم آدم بتوتر:اختك فيها شيء هز ريان راسه بلا:الحمدلله ما فيها شيء بس انا جيتك لاني بغيت بموضوع فتح آدم باب مكتبه:حياك تفضل دخل ريان و اشر له آدم انه يقعد على الكرسي و قعد آدم قفل الباب وراه و جلس بكرسيه:امرني اجاب ريان بِهدوء:ما يمر عليك عدو بس بغيت اسالك فيه بمستشفاكم مريضة اسمها انهار فهد آل خالد رد آدم:انا ما عندي مريضة بذا الاسم بس اذا بغيت بسالك ابتسم ريان بِإمتنان:تسلم والله ابيك تسال لي لاني ادري الرسبشن ما راح يردون علي بيقولون خصوصية و انت عارف
ابتسم آدم:الله يسلمك و ابشر بسأل لك و اعطيك خبر اختك كيف ساقها ؟ اجابه ريان وهو واقف: بخير الله يسلمك دام كذا ما ازعجك يا دكتور و بالتوفيق استقام آدم:ما من ازعاج يا حبيبي و باي وقت انا احاضر خرج ريان و آدم رجع قعد وهو يقول:ابتسامته مو زي اخته! تنهد وهو يغني:
تبـسّــم يـا قـمـر للّـي عـنـالك
بسحـبٍ تمطـر ويطـرب رعدها
عند اديم اخذت العكاز و نزلت بِهدوء و استغربت من عدم وجود احد نادت المساعدة:وين جدتي و امي؟ اجابتها بالمساعده:ما اعرف مدام هزت اديم براسها و اخذت جوالها اتصلت على لُدن:اهلا وينك لولي؟ اجابتها لُدن:مع جدتي و امي و عمتي صابرين رايحين للمول اديم تكلمت و حست بغدر:يا خاينة وليه ما تقولين لي اجابتها لُدن:اسفة اديم و بعدين انتِ ما تقدرين تمشين لمسافات بعيده تعب عليك يا حياتي اديم مدت بوزها بزعل:طيب اريام وينها؟ اجابتها:معنا هي رايحين بسيارتها اديم صارخت:يا غدارات مالت عليكم بدق على لولو تجيني يلا انقلعي من وجهي وقفلت الخط و هي تدق على لؤلؤة:سلام لؤلؤة اجابتها لؤلؤة بِهدوء:وعليكم السلام اديمي كيفك اليوم؟ ردت اديم:الحمدلله والله انتِ كيفك؟ اجابتها لؤلؤة:بخير الله يسلمك تكملت اديم:اذا فاضية اليوم نتقابل بكوفي اذا تبين؟ ردت عليها:اسفة اديم والله انا اليوم ما اقدر اخرج من البيت اجابتها اديم بِنبرة حزينة:لا ما فيه مشكله حبيبتي لؤلؤة:لا تزعلين مني اديم والله اديم اجابتها بسرعة:ازعل من وش يا لولو عذرك معاك يا روحي وقفلت الخط:شكل اليوم قهوتي وحدانية و نادت المساعدة تجيب عبايتها و تكلم السواق يوديها كوفيها المعتاد نزلت من السيارة بِهدوء و هي تعتكز على العكاز دخلت الكوفي و كانت تبي تطلب شافت آدم قدامها تجاهلته و صفت بالاين هو ابتسم بِهدوء و على طول اخفاءها ارتحت عيونه من شوفتها و تطمن عليها
جلست قرب طاولته و هي تحط السماعات باذنها و تدندن على ما يجي طلبها
اخذ آدم قهوته و تقدم لها جلس بالكرسي المقابل لها هي شالت السماعة كم اذانها وعقدت حواجبها:ما توقعتك تتجاهلين دكتورك اجابته بِهدوء:قلت دكتوري مو حبيبي آدم ناظر فيها وقال:يعني لو كنت حبيبك ما راح تتجاهليني؟ اديم توترت و كانت تدعي انه الارض تنشق و تبلعها عاتبت عمرها داخليًا
اول ما وصلت قهوتها شربتها وحرقت فمها عقد آدم حواجبه:اشربي على مهلك حطت كوبها على الطاولة وهي تناظر بكل مكان إلا آدم دق جوال اديم و ردت:اديم حبيت اعلمك بنتعشى بالمول تأففت اديم:شكلي اليوم صدق وحدانية لُدن تستهبلين ردت لُدن:اديم والله مو بيدي لو علي ارجع قبلهم بس تدرين تكلمت اديم بِهدوء:معليك مافيه مشكلة ردت عليها لدُن:تبين شيء من المول؟ اجابتها اديم:لا مشكورة و قفلت الخط تكلم آدم بِخفة:شكلهم سحبو عليك اليوم! لفت اديم ناظرت فيه:ما يخصك
اجابها آدم:صح ما يخصني و قام و تركها رجعت ظهرها لاورا و اخذت جوالها تطقطق فيه لقت قفل:تستهبل معي و صارت تضغط فيه ولا فتح تأففت وهي تاخذ عكازها و راحت للبارستا:لو سمحت احصل عندك شاحن؟اجابها بِخفة:لا ما عندي والله
اديم:وانا الحين كيف اتواصل مع السواق ولا مع احد لفت وراها عساها تحصل آدم ولا حصلته خرجت من الكوفي وهو كان توه راكب سيارته:لو سمحت يا دكتور لف آدم بِهدوء:هلا قربت منه و قالت:جوالي مخلص شاحنه احصل عندك شاحن؟ رد آدم بسخرية:الي ما يخصه ما يبي يعطيك شاحن اديم استغربت:وش تقصد آدم صد عنها شوي وقال:مو مهم عندي شاحن بالسيارة اذا تبين هزت ايه براسها وعطته جوالها يشحنه:مشكور اجابها بهدوء:اذا تبين اركبي لا تقعدين واقفه برا مشت للطرف الثاني و ركبت بالمعقدة الي جبنه قفل آدم بابه و عدت ثلاث دقائق و الوضع صمت شغل آدم اغنية:بدال صمتنا ذا نسمع اغنية انتهت الاغنية الي حطها آدم و لفت اديم قالت ابي اشغل اغنية من اختياري آدم:تمام ايش هي تكلمت اديم بهدوء:احكي بهمسك آدم قفل المسجل و رد بِحدة:لا استغربت اديم من حدته بس ما تكلمت شحن جوالها عشرين بالمية فصلته و خرجت من السيارة قفلت الباب تنهد آدم و نزل راح لها:مو زين لك توقفين على ساقك لمدة طويلة اذا تبين بوصلك على طريقي تكلمت اديم:مو لازم معليك مني آدم ما يبي يعصب عليها او يجبرها:اركبي بوصلك بالمكان الي تبينه اديم تجاهلته شافت اديم جبر سيارة جبر جايه اشرت له لمحها جبر و وقف باقرب موقف نزل جبر وهو يسلم على آدم ولف على اديم:سحبو عليك يا الفارسة المغوارة كانه تأففت اديم:لا تذب علي لا اكفر فيك و مشت تركب السيارة ضحك جبر بهدوء:شكل نفسيتها مش اوكيه تكلم آدم:والله واضح من وجهها اجابه جبر:انا عازمك اليوم على مطعم لذيذ و حلفت عليك ما تقول لا وفرصة حلوة تنهد آدم:انت حتى ما خليتني اتكلم ضحك جبر:برسلك اللوكيشن هز آدم براسه وشغل السيارة و حرك رجع جبر لسيارته و شغل السيارة لف لاديم:دامك لحالك اليوم انا عازمك على مطعم لفت اديم:ياخي انت مو جبر بس إلا جبر خاطر والله
.
.
رايكم بالبارت؟
عسى ما طولت عليكم🫣
زواج معن و لينا!!
تقلبات مزاج آدم و تجاهل اديم لآدم😔
احبكمممم يوم جميل لكم💙💙💙