صباح الخير يا اهل الخير💙
لا تنسسسووووونن الفوت و الكومنتززز حبايبي🫦
كتبت لكم ثلاث الاف كلمة اطول بارتتت استمتو😋
صابرين و أمينة كانو واقفين مع منيرة يستقبلون آل جلوي:نورتونا وردت هيفاء عن جيمع العائلة:النور نوركم وصارو يسلمون على بعض و بعدهم جو خوال اديم و لُدن و صار المجلس ما ياخذ احد من زحمتهم:اديم بننزل وذلا كلهم تحت انا بس طليت من بعيد و حسيت بِرهاب اديم لفت تناظر للُدن الي تتحلطم:جدي فعلًا عزم اهل الرياض كلهم و تأففت و اكملت كلامها لُدن الحين الكعب ينفع مع الجبس كذا وقامت بِخفة توقف قدامها ناظرت لها لُدن نظرة عميقة:ايه ينفع دام ساقك انكسرت و كله من ذا اليوسف الله لا يوفقه اديم ضربتها بالعكاز الي بيدها:وش قلنا قضاء و قدر رفعت لُدن كتوفها:شكلك والله يموت تمزحين انتِ لو تلبسين خيشه تطلع عليك موتن حمر وبيني و بينك انتِ الي تحلين الثياب ابتسمت اديم:ادري يا حياتي بس ابيك تعترفين اني حلوة و منورتي ما تمدحني مجاملة اجابتها لُدن بِنبرة غيورة:حبيبة قلب منيرة و سيف وصل جوال لُدن اشعار اخذت جوالها تشوفه و كان من لؤلؤة تسال وينهم ضحكت لُدن:شكل لؤلؤة انكبت تسألت اديم:وليه؟ اجابتها لُدن:تقول وينكم انزلو احس اني بمكان مش مكاني ضحكت اديم: يا عمري عليها قومي ننزل لها و خرجو لُدن و اديم من الغرفة متوجهين للطابق الأسفل قابلو اريام بالدرج الي كانت تصعد للدور العلوي سحبت يدها لُدن:امشي انزلي معنا اجابتها اريام:برجع بس اصبري بروح اجيب وشاح لبنت خالة اديم لفت اديم على اريام:فجر هن؟ هزت براسها اريام بإيه و كملت تصعد ناظرت لُدن لاديم:لا تعطينها مجال هي و امها انهم يحطمونك و برضو نفس ما قلنا قضاء وقدر هزت اديم راسها بِهدوء و كملت تنزل بِهدوء دخلت عليهم وهي تعتكز بالعكاز قامت صابرين لبنتها وهي تبتسم وتدري باديم انها متوتره بس ما توضح سلمت عليهم بالنظر و جلست جنب لؤلؤة و لينا وشوق اما لُدن راحت تسلم عليهم لفت لؤلؤة لاديم:كيف امورك؟ كيف ساقك؟ ابتسمت اديم بِابتسامتها الي تطيح الطير من السما:بخير الحمدلله تعورني بس اموري طيبة
لينا تكلمت:الحمدلله على السلامة اديم اجابتها اديم:الله يسلمك يا.. ردت عليها لينا:لينا انا بنت عمة لؤلؤة و اشرت على شوق وذي اختي ردت اديم بِخفة:تشرفنا قعدت لُدن جنب البنات و تعرفت عليهم دقت لُدن لؤلؤة و لفت عليها:هلا اجابتها لُدن وهي تضحك:مجهزه لك مفاجاة اشرت لؤلؤة على نفسها و قالت:انا! هزت لُدن براسها و اخذت يدها و قامو وقفت اديم بسؤالها:على وين؟ اجابتها لُدن:رايحين و راجعين شوي و صعدو للطابق العلوي و لؤلؤة تسأل لُدن:وين بنروح؟ لُدن جاوبني؟ لفت لُدن للؤلؤة:غمض عيونك تعجبت لؤلؤة من قول لُدن و رفعت حاجبها:نعم! تأففت لُدن:يا حياتي تفكين سوي الي اقولك عليه غمضت لؤلؤة عيونها بلا حيله مسكت لُدن يدها:انا بمشيك لا تقلقين ومشت معها لؤلؤة وهي تضعط على يدها بِقوة:لُدن انا لابسه كعب تكفين يكفي اديم اجابتها لُدن بضحك:ما توثقين فيني اجابتها لؤلؤة بِنبرة مترددة:ألا فتحت لُدن باب غرفتها و دخلو و رجعت قفلته:لا تفتحين عيونك ركضت لُدن تفتح الباب الخشبي الي باخر غرفتها و رجعت مسكت يد لؤلؤة ومشت معها:فيه درجه وحده يا لولو هزت لؤلؤة براسها و تعدت الدرجه و كلمو لين دخلو الغرفة الي بعد الباب الخشبي ابتعدت لُدن عن لؤلؤة وقالت:افتحي عيونك فتحت لؤلؤة عيونها بِهدوء و قامت تناظر حولها وكانت الغرفة عبارة الوان و كان فيه لوحات كثيرة على الارضية و معلقة على جدران و زرعات بكل مكان و السقف قزاز انبهرت لؤلؤة:الله لُدن يجنن المكان ودي اعيش فيه مره الرسمات احسها حقيقة و صارت تتمشى و تناظر برسومات لُدن بنظرات مُبهرة استانست لُدن على ردت فعل لؤلؤة تكلمت لؤلؤة بتنهيدة:لو آدم شاف الرسمة بيعطيك الي تبينه مقابل الرسمة ردت لُدن بِصدمة:اوه الدكتور معجب بعبدالمجيد عبداللة هزت راسها لؤلؤة بإيه:ليه انصدمتي؟ اجابتها لُدن:لان اديم تموت بشي اسمه عبدالمجيد ولا درت اني رسمته ولا بتكون زارفه اللوحة من زمان ضحكت لؤلؤة:بس المكان رهيب مره تدرين عفست الغرفة ذكرني بغسان لما يطبخ عاد يوه لا تشوفين المطبخ بعد ما يطلع كله كريمة و دقيق و ملون طعام بس عليه كيك لذيذ ولا باحلام عيون لُدن صارت قلوب بطاري الكيك: انا اموت بشي اسمه كيك تكفين! اجابتها لؤلؤة:واضح من عيونك بس المشكله ما يسوي لاجل الناس يسوي لاجل نفسه لذلك صعب اني اطلبه مسكت يدها لُدن:تكفين لولو انتِ جبتي طاري الكيك قدامي تصرفي فكرت لؤلؤة شوي بعدين قالت:انا بعطيك رقمه و تصرفي معه انا مالي دخل بس ما يستقبل طلبات يعني لو يصكك بلوك انا مالي دخل هزت لُدن براسها بإيه:ما يصكني بلوك وانا لُدن بنت أحمد ضحكت لؤلؤة وارسلت لمعن(ابي رقم غسان ضروري ولا تسالني عن السبب ولا تقوله):باخده من معن و ارسل لك اجابتها لُدن:تمام بس باقي كل وصلنا للمفاجاة ناظرت لؤلؤة لُدن باستغراب:ايش المفاجاة؟ راحت لُدن تجيب اللوحة الي عليها وشاح اسود:شيلي الوشاح ابتسمت لؤلؤة وشالت اللوحة وحطت يدها على وجهها:يا بعد كل الرسامين لُدن احبك وحضنتها ضحكت لُدن:تحسبني نسيت ارسمك انا وعدتك و وفيت بوعدي كانت الرسمة بالكل التفاصيل لؤلؤة:كيف رسمتيني كذا؟ اجابتها لُدن:انا صورتك من جوالي و رسمتك ناظرت لؤلؤة باعجاب للرسمة:بعلقها بوسط غرفتي والله احلى هدية لُدن ببكي ضمتها لُدن بِقوة:لا لا لولو ما اتحمل دموعك خلينا ننزل لاديم لانها بتقتلني لو خليتها لحالها هزت لؤلؤة راسها و اخذت اللوحة معها ولما صارت بتطلع حطت اللوحة عند باب الغرفة:اذا صرت بروح بمر اخدها و نزلو تحت
