اهللللللااا بناتتتتيي💙💙
لاتنسون الفوت و الكومنتز بين الفقرات💕
اديم كانت منسدحة على سرير بِتعب و لُدن تتحلطم عند راسها
لُدن:اديم شوق ذي مو مرتاحة لها ابدا
اديم وهي مو مهتمة و بس تبي تنام:لا تحتكين فيها بسطية
لُدن لبست بجامتها و قربت من الطرف الثاني للسرير لاجل تنسدح:مو سالفة بحتك فيها لكن لؤلؤة مسكينة تقعد معها ليل الله و نهاره
ابتسمت اديم وهي تسحب اللحاف على لُدن:نامي يا حياتي تصبحين على خير
لُدن لفت للجهه الثانية بهدوء
بعد نص ساعة نامت لُدن ، بس اديم ما غير تتقلب على السرير و النوم جافيها
مسكت جوالها تضيع وقت فيه بنفس الوقت يغلبها النعاس
فتحت رسالة امها وهي تتحمد لها على السلامة و ردت عليها
ومن ثم لرسالة ابوها و جدها و اخوها ريان
ابتسمت بِخفة على رسايلهم التحفيزية لها و املهم فيها قوي ولا تبي تخيب ظنهم!
شافت الرسالة من الشخص المهووس و دخلت المحادثة حقته وهي ناوية تسفل فيه لكن نطت من سريرها بإرتباك من صور لها الفندق الي هي فيه و كانه شخص عايش معها بكل لحظاتها و كاتب تحتها ما :زانت امريكا إلا بحفيدة سيف
تحاولت تتجاهل شعور شكها بالي حول لها بشكل لكن ما قدرت من رسالته
لها:لاتحاولين بالدكتور يجيبني اذا ما تبين اجيب راسه!
كتبت له بكل حدة:انت انسان تافه اذا حسب بالك بتخوفني ترا ما هزيت مني شعره و اذا بتجيب راس الدكتور جيبه ما يهمني لا هو ولا انت عشان كذا وخر عني لا قسم بالله اوريك الهوس على اصوله
قعدت دقايق تنتظر منه رد لكنه ما رد عليها ، دق عليها ردت بكل ثقة و بِصوتها الجهوري:تبي اعيد لك الي قلته بِصوتي
رد عليها الطرف الثاني بِخفة:يا اديم بنت عبدالعزيز بقول لك الي عندي وبسكر انا شخص احبك من سنتين من لما شفتك صرت ما اشوف الدنيا إلا فيك صرتي كل حياتي ما صرت اشوف من بعدك اوادم
اديم حاولت تعرف صوته لكن كان غريب عليها عشان كذا اخذت جوال لُدن و دخلت الحمام
وشغلت سبيكر و قالت بهدوء:انت تعرفني من النادي؟
عيسى تكلم بهدوء:ايه و ابيك تاخذين الكأس و ترفعين راسي فيك
اديم تكلمت بصارمة:هذا اذا ما كسرت راسك فيه اشوفك باقي ترسل لي ولا تتعرض لي ما بيحصل لك خير يا متخلف
وقفلت الخط بوجهه ارسلت لها تسجيل الصوت و حذفته من عند لُدن
و ارسلت لآدم:شوفه شيك على الصوت اذا تعرفه ولا سامعه من قبل
و طلعت تنام
عند آل سيف
وهم على طاولة الطعام ياكلون الفطور بهدوء
سيف تكلم بشوق:اشتقت لهواشات اديم و لُدن على الفطور و الصجة الي يسوونها
ريان ضحك على جده وقال:جد توهم مسافرين ما قد لهم يوم
منيرة تكلمت بثقة:الشوق يكون حتى لو الشخص ذا قدامك و جنبك ولا يفارقك لكن باذن الله يجيبون الكأس معهم و نكون فخورين فيهم و تطمئن قلوبنا
سيف و الكل:امين
صابرين لفت لسيف بهدوء:إلا عمي نورة ما تشوف آدم ابدا تحزني والله الحزن على فارق ولدها بعيونها
سيف هز راسه بعدم رضى:ايه يا بنتي فيصل راسه يابس ولا احد يفرق و يكره حفيده باهله
عشان شيء ما يسوى ولاهي بغلطة آدم كثر ما هي غلطة فيصل
آدم كان شخص حيوي و حبوب وهمه امه و اهله و دراسته كان مدلع لؤلؤة بشكل محد بتصوره الحين ما يتقبلهم ولا يحب طاريهم ابدا تغير آدم صار شخص اناني ما يهمه غير نفسه لو قلب امه يشب ضوء عليه ما همه
عبدالعزيز قال بحنية:لا يبه والله يكابر آدم والله قلبه قلب طفل يبي يحصل الحنان و الامان من اي شخص
لكن من جده صار شخص صارم و طبعه شين
احمد اتفق مع كلام اخوه:صحيح يبه آدم بس يبي احد يطبطب عليه غير اهله
أمنية قالت بحزن:انا ماني متضايقة إلا على نورة الله لا يذوق احد ما ذاقته ولدها ما يطيقها بعيشة الله
