اهلا قايزززز💙
لا تنسونننن الفووت و الكومنتززز💙
بكيت وانا اكتب البارت لا تعلمون احد😔
بعد ما نورة هدت آدم الي مو راضي يهدا تنهدت
و قالت له:اسمعني يمه لا تقرب منه طلبتك
آدم قال لها بكل حدة بدون ما يناظر فيها:انا كفيت شري عنه لكن هو استخدم شره بشريان قلبي
يبي يقلب مبسمي علي يبي ياخد ابتسامتي بهالدنيا و تبيني اسكت يمه ما شفتي ملامح اديم لي ولا شفتي نظرة الخيبة بعيونها ما تحملت نظرتها لي ولا دموعها والله ما اسكت إلا بروحه دموع اديم و غصتها للحين ما تخطيتها عسى الله يهد حيل فيصل نزل دموعها هذي طعون صدري يمه
نورة صدت عنه بضيقة وهي تعرفه عنيد ولا بيسمع منها
قام آدم يعقد بالحديقة و يهوجس بالقمرة بكل قهر
اليوم الثاني
ما غفت عيون آدم من قهرها و دموعه و محاربته لقلبه قلبه يبي يتطمن على اديم و عقله يبي سلامه قلبه ولا ينجرح بالرد
قام من الكرسي و دخل بيتهم
استغرب سلطان من وجوده و قال له باستغرب:صباح النور آدم ما عندك دوام؟
آدم همس: صباح الخير عندي دوام يمه
سلطان قرب لولده:وشبه وجهك ذابل و عيونك حمر ما نمت البارحة!
آدم تنحنح و توجه للباب البيت:ما فيني شيء يبه انا بروح للدوام قل لامي
و خرج
سلطان تنهد بخفوت:عسى الله يهدي قلبك
عند اديم
صحت وهي تمسح وجهها من دمع عيونها و تنهدت بخفة و قامت تغسل و وجهها و صلت و فتحت جوالها و شيكت اخر اشعاراتها تبي تقر عيونها بكلمة من آدم لكن خاب املها ولا ارسل لها آدم عقدت حواجبها و قامت ترفع شعرها و رطبت وجهها و مشطت حواجبها و حطت قلوس لشفايفها و حطت مسكرة رموشها و بلشر و غيرت بجامتها لجمبسوت اصفر فاتح ماسك على جسمها و مفتوح من ظهرها و لبست حلقانها الفضية و خاتم و ساعتها و لبست كعب شفاف و تعطرت بعطر آدم و اخذت المبخرة تبخر نفسها و ناظرت بنفسها بالمرايا و ابتسمت بكل كبرياء:ما اصدق البارحة كيف سمحت لدموعي تنزل على ثور !
و كملت حكيها لنفسها:والله لا اذوقك القسى على اصوله!
و اخذت عبايتها
و نزلت لابوها دورته ولا حصلته
راحت لسيارتها وهي تكتب لابوها(يبه الموضوع الي قلت لي عنه انتظر عمي سلطان يحاكيك عنه و انا بستخير وقتها
و توجهت لبيت جبر
عند لؤلؤة
قامت على رسالة اديم لها تعلمها بجيتها قامت تعلم المساعدة بالتجهيزات وهي راحت تضبط نفسها وذي اول مرة بجيته اديم لها بالبيت
بعد ما تجهزت نزلت تشوف تجهيزات المساعدة و دقت اديم الجرس
شافت لؤلؤة من الكاميرا و فتحت لها الباب و راحت استقبلتها
اديم ابتسمت:يا صباح الخير سوري جيتك بوقت غلط
لؤلؤة هزت راسها بالنفي:صباح النور لا يا عمري و اساسا ذا وقت قومتي و كنت بطفش لحالي زين جيتي كيفك؟
اديم نزلت طرحتها عن شعرها:الحمدلله بشريني عنك
لؤلؤة:الحمدلله والله بخير خطت الدنيا برجوع خطاك يا اديم
اديم ضحكت:يا لولو حبيبة قلبي
لؤلؤة قامت تضيفها قهوة اخذتها اديم
و كملت حكيها بجدية:جايه اكلمك بموضوع
لؤلؤة عقدت حواجبها:عن وش؟
اديم:جدك تقولين من اول ما يطيق آدم بس هل ممكن يبتلي آدم بموضوع؟
لؤلؤة رفعت حواجبها:ممكن لان زي ما تعرفين جدي يكره آدم كره مو طبيعي و يشوفه عدوه مو حفيده لدرجة كره آدم فينا
اديم شربت من القهوة و قالت:طيب آدم تهاوش معاه بسبب مشاكل ما تدرين سببها؟
لؤلؤة هزت راسها بالنفي وقالت بصراحة:لا والله العايله كلها ما تعرف غيرها بس احس انتِ لو سالتيها بيقول لك كل شيء من حُب لك
اديم استغربت:وليه واثقة انه بيقول لي ممكن يكذب عليّ
لؤلؤة:مهبوله انتِ الولد ما يشوف غيرك ولا يكون بوعيه من ينجاب طاريك و ولو تلاحظين ساحب عليّ بفرسان و بس يحاكيك آدم و شلون يكذب عليك وهو ينخبص اذا شافك محتاج اديم حياته والله
اديم: يحتاج اول حياته ما دامه معلقنا كلنا بصراعه مع جده
اديم حطت فنجان القهوة و قامت:انا بروح مشغوله ولا شفت عذبة من شهور بروح اروي شوقي لها
لؤلؤة قامت معها:كان ودي تجلسين معاي لكن خيرها بغيرها
اديم ودعتها و ركبت سيارتها وهي تتواعد فيه
اتجهت لبيت سلطان
