အပိုင်း - ၂
ဝဋ်ကြွေးတွေသာပါလာရင်
ဘယ်လောက်ပဲရေစက်ဖြတ်ဖြတ်
သံသရာတစ်ကွေ့ကွေ့မှာ
ကျိန်းသေပြန်ဆုံတွေ့ရတက်တယ်လေ ။
*
*
*
*
*
*
*
*
" ဒုန်း! ! "
ကျယ်လောင်စွာမြည်ဟီးသွားတဲ့တံခါးဖွင့်သံကြောင့် အခန်းထဲရှိလူတွေအားလုံးလန့်သွားကြပြီး အသံကြားရဆီသို့
လှည့်ကြည့်လာကြသည်။ ဦးထက်အောင်နဲ့ဒေါ်နှင်းပန်းအိမ်တို့ရဲ့ကတော့ မကိုဋ်ကိုမြင်တာနဲ့မျက်နှာပျက်သွားရင်း
" ဒီအချိန်ကြီး ဘာလာလုပ်တာလဲ မကိုဋ်ထွဋ်ခေါင် "
မျက်နှာတည်တည်နဲ့မေးလာတဲ့ အဖေ့ရဲ့အမေးစကားကို
ပြန်မဖြေသေးပဲ အောက်စီဂျင်ပိုက်တန်းလန်းနဲ့ ကုတင်ဘောင်ပေါ် ကိုယ်တစ်ပိုင်းမှီပြီးထိုင်နေတဲ့သူဆီကိုသာ အရှိန်နဲ့ပြေးဝင်သွားလိုက်သည်။ အားအင်အပြည့်နဲ့လက်သီးက ထိုလူသားပေါ်မကျရောက်သေးခင်မှာပင် နောက်ကျောဆီကနေ
ကိုယ့်ကို သိမ်းကျုံးပွေ့ဖက်ထားတာကိုခံလိုက်ရပြီး
" မကိုဋ်ထွဋ်ခေါင်!! မင်း အခုဘာလာလုပ်တာလဲလို့
ငါမေးနေတယ်လေ "
ဒေါသကြောင့် ဘာစကားမှပြန်မပြောနိုင်သေးဘဲ အဖေ့လက်ထဲကနေသာ အားနဲ့ရုန်းထွက်နေမိ၏။ ဒေါ်နှင်းပန်းအိမ်က
တော့ ဘာဖြစ်နေမှန်းမသိတဲ့အခြေအနေတွင် သူ့သားကိုသာကာကွယ်ဖို့အသင့်ရှိနေသလိုမျိုး သူ့သားရဲ့ခန္ဓာကိုယ်ကို
သိမ်းကျုံးပွေ့ဖက်ထားလေ၏။ ကုတင်ပေါ်ကတစ်ယောက်က
တော့ ပြူးကျယ်ဝိုင်းစက်နေသောမျက်လုံးတွေနှင့် ကိုယ့်ကိုသာငေးကြည့်နေတာကို မုန်းတီးဖွယ်မြင်လိုက်ရလေသည်။
ကိုယ်က အဖေ့လက်ထဲကနေလွတ်အောင်ရုန်းကန်နေတဲ့အချိန် အားပြင်းပြင်းနဲ့ စောင့်တွန်းတာကိုခံလိုက်ရပြီး တမံသလင်းပေါ်ကို နောက်ပြန်လဲကျသွားရလေတော့သည်။
အဖေ့မျက်နှာက ဒေါသကြောင့်ရဲရဲနီနေလေပြီ။
" သက်ထက်ပန်က နေမကောင်းဘူး မကိုဋ်၊ မတော်တဆမှုဖြစ်ထားတာအခုထိလမ်းမလျှောက်နိုင်သေးဘူး ၊ အဲဒါကို
မင်းကပါ ဘာလာဖြစ်နေတာလဲ ၊ ဘာဖြစ်နေတာလဲလို့
အဖေဖြစ်သူကမေးရင် ကောင်းကောင်းဖြေလိုက်ပေါ့ ၊
ကလေးက မင်းကိုကြည့်ပြီးလန့်နေရှာပြီ "
" ဘာ!!! ကလေးဟုတ်လား ၊ ဘာကိုကလေးလဲ
ကျွန်တော့်ချစ်သူကိုသတ်တဲ့လူသတ်ကောင်က ကလေးတဲ့လား၊ သက်ထက်ပန်ဆိုတာ လူတစ်ယောက်ကိုသေအောင်သတ်ခဲ့တဲ့ လူသတ်ကောင်ပဲ ၊ သူကြောင့်သေသွားရတဲ့
ရှိန်းခေါင်ယံဆိုတာ ကျွန်တော့်ချစ်သူ ၊ ကျွန်တော်လက်ထပ်ဖို့
ရည်ရွယ်ထားတဲ့သူ ၊ အခုသူ့ကြောင့် ရှိန်းသေရတာ ၊
ရှိန်းကိုသေအောင်သတ်ရတာကိုတောင်အားမရလို့ ရှိန်းရဲ့
နှလုံးကိုသူ့အတွက်အစားထိုးပြီး သူ့ကိုအသက်ဆက်ရှင်ခိုင်း
ထားတယ်ပေါ့ ၊ အဲကောင်ကိုပြန်သတ်ရမှကျေနပ်မယ် ၊
ရှိန်းလိုလူရဲ့ ခန္ဓာကိုယ်အစိတ်အပိုင်းတွေကို ဒီလိုလူသတ် သမားရဲ့ခန္ဓာကိုယ်ထဲမှာမထားနိုင်ဘူး "
ကိုယ့်စကားကြောင့် အဖေကငိုင်ကနဲဖြစ်သွားချိန် ဒေါ်နှင်းပန်းအိမ်ကတော့ အသံကျယ်ကျယ်နဲ့ရှိုက်ငိုလာရင်းမှသည်
" မဟုတ်ဘူးသားရယ် သားငယ်လေးက ဘယ်သူ့ကိုမှမသတ်ရပါဘူး ၊ ဒီကလေး ဘယ်လောက်အနေအေးလဲ
သားလည်းသိနေတာပဲကွယ်၊ အတော်တဆမှုဖြစ်တဲ့အချိန်က
သားငယ်လေးနှလုံးကထိခိုက်မိသွားတာကို တဖက်လူနာက
သူမသေခင်လေးမှာ ဒီကလေးအသက်ကိုရအောင်ကယ်ပေးပါလို့မှာခဲ့လို့ နှလုံးအစားထိုးကုပေးထားကျတာပါ ၊ဒီကလေးရဲ့
အပြစ်တွေမဟုတ်ရပါဘူး "
ဒေါ်နှင်းပန်းအိမ်ကရဲ့ရှိုက်ငိုသံတွေကိုကြားရတာ မကိုဋ်အတွက်တော့ ရွံစရာပင်ကောင်းနေလေသည်။ မယားငယ်က
မျက်ရည်တွေနဲ့လာချော့နေတာပါလား ။
" လာငိုမပြနဲ့ ဒေါ်နှင်းပန်းအိမ် ၊ မယားငယ်တွေရဲ့မျက်ရည်က ကျုပ်အတွက်တော့ ရွံရှာစရာတွေလို့ပဲမြင်တယ်၊
မအေလုပ်သူက သူဌေးမယားငယ်ခံတယ်၊ သားဖြစ်တဲ့
အောက်တန်းစားအပျက်မလိုကောင်က လူသတ်တယ်၊
ခင်ဗျားတို့သားမိနှစ်ယောက်ကို ကျုပ်ကချီးထက်ရွံတယ်၊
ငါပြောတာကိုကြားလား သက်ထက်ပန် ၊ မင်းအမေက
သူဌေးဆီမှာမယားငယ်ခံတဲ့ အောက်တန်းစားမိန်းမ၊
မင်းကတော့ မွေးရာပါအပေါက်နှစ်ပေါက်နဲ့ ယောက်ျားပျက်၊
မင်းတို့သားမိနှစ်ယောက်ပေါင်းရင်း ဆောင်ကြာမြိုင်ဖွင့်စားလို့ရတယ်၊ ငါပြောတာကြားလား "
ဒေါသစိတ်နဲ့ ကုတင်ပေါ်မှာမျက်လုံးအဝိုင်းသားနဲ့ထိုင်နေသူကို လက်ညှိုးငေါက်ငေါက်ထိုးပြီးပြောလိုက်မိသည့်ခဏမှာပင်
ထိုကောင်လေးက တစ်ခုခုကိုပြောဖို့ကြားစားလိုက်သလို
ပုံစံဖြစ်လာပေမယ့် စကားလုံးတွေကထွက်မလာဘဲ မျက်ရည်
တွေသာစိ်ီးကျလာလေသည်။ထို့နောက်မှာတော့ ကုတင်ဘေးနားမှာရှိနေသည့်စက်ပစ္စည်းတွေထံမှာ ကျယ်လောင်သောအသံတွေထွက်လာကာ ထိုကောင်လေးလဲကုတင်ပေါ်မှာပင်
ခေါင်းငိုက်စိုက်ကျသွားရင်း သတိမေ့သွားလေတော့သည်။
"case in room 201 "
" သားရေ သားလေးရေ အကိုရေ သားကိုကယ်ပါဦး "
" သားငယ်ရေ သားရေ ကယ်ပါဦး ကျွန်တော့်သားလေးကိုကယ်ကျပါဦးဗျာ "
" သားရေလို့ မေမေ့သားလေးရေ သားလေးဘာမှဖြစ်လို့မရဘူးလေ ၊ မေမေတို့ ဘယ်လိုတောင်မွေးထားရတဲ့ကလေးလဲလို့ ၊ သားကအခုလိုဖြစ်လို့မရဘူးလေသားရယ်၊ မေမေ့ကို
ကြည့်ပါဦးသားရယ် ၊ သားရေ သက်ထက်ပန် မေမေ့သားလေးရယ်"
ဆေးရုံရဲ့အထူးခန်းအတွင်းချက်ချင်းဆိုသလို ငရဲကျကုန်သလိုမျိုးငိုသံတွေဆူညံသွားရတော့သည်။ မကိုဋ်ကတော့ ဒီမြင်ကွင်းကိုကျေနပ်သလိုမျိုး ပြုံးပြုံးကြီးရပ်ကြည့်နေလိုက်၏။
သေသွားစမ်း သက်ထက်ပန်။ချက်ချင်းသေသွားလိုက်စမ်း။
ဆရာဝန်ကြီးတွေကချက်ချင်းရောက်လာကာ သတိမေ့နေသူ၏ ဆေးရုံအင်္ကျီတွေကိုဆွဲခွဲလ်ိုက်ပြီး အရေးပေါ်အသက်ကယ်ဖို့
ပြင်ဆင်ကျလေတော့သည်။ တာဝန်ရှိသူတွေရဲ့ အမိန့်နဲ့
လူနာမဟုတ်သူတွေအကုန်လုံး အခန်းအပြင်ကိုထွက်ခွာလာရသည့်အခါ ။
" ခွပ်!! "
မကိုဋ်ရဲ့ပါးပြင်တစ်ဖက်ကပူကနဲဖြစ်သွားရကာ မျက်နှာလည်း
လည်ထွက်သွားရ၏။ သွေးညှီနံ့ကလည်းချက်ချင်းကိုနှာခေါင်းထဲအထိရောက်လာသည်။ အဖေကလက်သီးကိုကျစ်နေအောင်
ဆုပ်ထားရင် အသားတွေလည်းတဆက်ဆက်တုန်နေလေ၏။
မျက်ဝန်းတွေကနီရဲနေပြီး မျက်ရည်တွေကလည်းမျက်နှာပြင်တစ်ခုလုံးစိုရွှဲနေလေသည်။ ဒေါ်နှင်းပန်းအိမ်ကတော့ လူနာစောင့်တွေအတွက်ချထားပေးသည့်ခုံမှာပင်မထိုင်နိုင်တော့ပဲ
အုတ်နံရံကိုမှီထိုင်ကာ ရှိုက်ကြီးတငင်ငိုနေလေသည်။
" ငါ့ဘဝမှာ ဘာကိုနောင်တအရဆုံးလဲဆိုတာ မင်းသိလား
မကိုဋ်ထွဋ်ခေါင် "
အဖေ ဘာကိုရည်ရွယ်ပြီးမေးမှန်း မကိုဋ်တကယ်မသိတာကြောင့် ဒီတိုင်းပဲပြန်ကြည့်ပေးနေလိုက်သည်။
" ဘယ်လိုမိဘတွေကမွေးဖွားလာမှန်းမသိ လမ်းဘေးမှာပစ်ထားခံရလို့ မိဘမဲ့ကျောင်းကခေါ်မွေးခဲ့ရတဲ့အုတ်ကြားမြတ်ပေါက်လိုကောင်ကို ငါ့ဇနီးကချစ်လှပါချည်ရဲ့ဆိုပြီးမွေးစားဖို့ပြောခဲ့တာကို လက်ခံမိတာပဲ ၊ အခုတော့ အဲကောင်က ငါ့မိသားစုကိုဖြိုခွဲပြီးကျေးဇူးတွေဆပ်နေပြီလေ "
မထင်မှတ်ထားသောစကားကြောင့် မကိုဋ်ခဏတော့ငြိမ်သက်သွားပြီးမှ
" အဖေ အဖေပြောနေတာ ကျွန်တော့်ကိုလား "
" ဒီနေ့ကစပြီး ဘယ်တော့မှငါ့ကိုအဖေလို့ မင်းခေါ်စရာမလိုဘူး ၊ မင်းသိလား ကလေးမရနိုင်တဲ့ငါ့ဇနီးက မိဘမဲ့ကျောင်းမှာအလှူသွားလုပ်တဲ့အချိန် သုံးလသားကလေးတစ်ယောက်ကို
ချစ်လွန်းလို့မွေးစားကျရအောင်လို့ပြောလာတယ်၊ ငါ့ဇနီးစိတ်ချမ်းသာအောင်ငါခွင့်ပြုပေးခဲ့တာ ၊ မွေးစားခဲ့တဲ့စာချုပ်စာတမ်းတွေ မင်းကြည့်ချင်ရင်ငါပို့ပေးလို့ရပါတယ်၊ ငါ့သွေးသားမဟုတ်တဲ့ကလေးကို ငါအတက်နိုင်ဆုံးဖခင်တာဝန်ကျေပေးခဲ့တယ်၊
ငါ့ဘက်ကလိုအပ်ချက်မရှိအောင်နေပေးတယ်၊ ငါဇနီးဆုံးသွားလို့ ငါနောက်အိမ်ထောင်ပြုတဲ့အချိန်တုန်းက ငါ့အိမ်ထောင်ဘ
က်ကို မင်းရိုင်းစိုင်းခဲ့မျှငါသည်းခံခဲ့တယ်၊ ငါ့ရဲ့မျိုးဆက် ငါ့သွေးသားသက်ထက်ပန်လေးအပေါ်မှာ မင်းပြောဆိုခဲ့တဲ့မကြားဝံ့မနာသာစကားတွေကိုလည်း ငါလျစ်လျူရှုလို့ရသလောက်လစ်လျူရှူပေးခဲ့တယ်။ ဘာကြောင့်လို့မင်းထင်လဲ ၊ ငါ့ဇနီးက သိပ်ချစ်ပေးခဲ့တဲ့သားမို့လို့ပဲ၊ ဒီအကြောင်းတွေကို ငါသေတဲ့အထိ နှုတ်ပိတ်နေမယ်လို့တွေးထားပေမယ့် ဒီနေ့တော့ငါအကုန်ဖွင့်ပြောလိုက်ရပြီ၊ ရေစက်ဖြတ်ကျရအောင် မကိုဋ်ထွဋ်ခေါင်။ ငါ့သွေးသားကိုထိပါးလာတဲ့အထိ မင်းဘက်ကလုပ်လာခဲ့ပြိ်ီးမှတော့ ငါတို့ရေစက်အပြီးဖြတ်လိုက်ကျရအောင်ပါ ၊ မင်းမို့ငါ့သားလေးကို ကိုယ်ထိလက်ရောက်ကျူးလွန်ဖို့တွေးရက်တယ်၊ သက်ထက်ပန်ဆိုတဲ့ကလေးကလေ မင်းနဲ့သူဘာသွေးသားမှမတော်တာကိုသိထားတာတောင် ဘယ်တုန်းကမှ မင်းအပေါ်မေတ္တာမပြယ်တဲ့ကလေးပါ ၊ဖြစ်ပျက်ခဲ့တာတွေအားလုံးက
ဒီကလေးအပြစ်လို့ထင်နေရင် ငါတို့တရားဥပဒေအရရှင်းကျတာပေါ့ ၊ မင်းကြိုက်တဲ့ရုံးတော်ကနေဆင့်ခေါ်လိုက်ပါ ၊ ငါလိုက်ရှင်းပါ့မယ်၊ ငါ့သားတစ်ခုခုဖြစ်ခဲ့ရင်လည်း တူညီတဲ့ပေးဆက်မှုဆိုတာ မင်းဆီကိုလာပါ့မယ်၊ အခုတော့မင်းပြန်လိုက်ပါတော့ "
ခပ်ကျယ်ကျယ်ငိုရှိုက်သံရယ်၊ မနှစ်မျို့ချင်စရာကောင်းသည့်
ဆေးနံ့တွေရယ်။ နောက်ပြီး ဘဝမှာအတိအကျကိုတစ်ယောက်ထဲဖြစ်သွားရသည့် လူတစ်ယောက်ရယ်။ ကံကြမ္မာက
တစ်ခါတစ်ရံတော့ ထင်မှတ်မထားနိုင်လောက်အောင်
ဥာဏ်များလွန်းလေသည်။
*
*
*
*
*
*
*
*
အချိန်အားဖြင့် တစ်နှစ်ကျော်ကြာမြင့်ခဲ့လေပြီ။
လွန်ခဲ့တဲ့နှစ်က ဖြစ်ပျက်ခဲ့တဲ့အဖြစ်အပျက်တွေပြီးသည့်နောက်
ထိုအချိန်ထဲက မကိုဋ် ပြည်ပနိုင်ငံတစ်ခုကိုထွက်ခွာလာခဲ့ခြင်း
ဖြစ်သည်။ ချစ်ရသူမရှိတော့သည့်ဒီမြေပေါ်တွင် နေချင်စိတ်မရှိတာကြောင့် မွေးရပ်မြေကိုစွန့်ခွာခဲ့ခြင်းဖြစ်သည်။
အီတလီမှာနေခဲ့သည့်အချိန်ကာလတစ်လျှောက်လုံး မူလထဲကလုပ်နေသည့်စိ်ီးပွားရေးတွေကို ပိုပြီးအားစိုက်လုပ်ကိုင်ဖြစ်သည်။ ပြည်ပနှင့်ဆက်သွယ်ထားသည့် ကုမ္မဏီလုပ်ငန်းကအရှိန်
အဟုန်ဖြင့်တိုးတက်နေသလို လုပ်ငန်းသစ်တွေအများကြီးကို
ချဲ့ထွင်နိုင်ခဲ့သည်။ အရာအားလုံးနေသားတကျနှင့် စိတ်လေး
နည်းနည်းတည်ငြိမ်ယုံရှိသေးတဲ့အချိန်မှာပင် မြန်မာပြည်မှာထားခဲ့သည့်တာဝန်ခံလူယုံကဖုန်းဆက်လာ၏။
" ဆရာ! ဦးထက်အောင်နဲ့ဒေါ်နှင်းပန်းအိမ် အသက်ခံရတယ်" ဆိုတဲ့သတင်းကိုပေးလာ၏။ အဖေရင်းမဟုတ်သည့်တိုင်
ကိုယ့်ကိုကျွေးမွေးခဲ့တဲ့သူက သူများသတ်တာကိုခံရတယ်ဆိုတဲ့သတင်းကြောင့် နည်းနည်းတော့စိတ်ပူသွားမိသည်။
" သူတို့သားက ဆေးရုံတက်နေရတဲ့အချိန်ဆိုတော့ လွတ် သွားပုံပဲ ၊ နောက်ပြီး လူသတ်သမားတွေက သူတို့ဆီကနေသတင်းလိုချင်လို့ ညဘက်အိမ်ကိုဝင်စီးပြီးမေးတဲ့အချိန်မှာ
သိချင်တာမသိရလို့နှိပ်စက်ရင်း လက်လွန်သွားပုံရတယ်
ကံဆိုးတာက သူတို့သားဆီသွားဖို့ ပြင်နေတဲ့အချိန်
လင်မယားနှစ်ယောက်စလုံး အိမ်မှာရှိနေတဲ့အချိန်ဖြစ်နေတာပဲ
နောက်ပြီးတော့လေဆရာ လူဇော်တို့အဖွဲ့က ကျွန်တော့်ဆီ
ဓာတ်ပုံတွေပို့လာတယ် အခြားကိုအဲဓာတ်ပုံတွေပြပြီးတိုင်မယ်ဆိုရင် ကျန်နေခဲ့တဲ့သက်ထက်ပန်ရဲ့အသက်ကိုအာမမခံဘူးလို့ပြောလာတယ်"
" ဘာ မင်းဘာပြောတယ် လူဇော်တို့ဆီကဟုတ်လား "
" ဟုတ်တယ်ဆရာ ဦးထက်အောင်တို့ကိုသတ်သွားတာ
လူဇော်ဆိုတာသေချာတယ်၊ အဲကောင်ထောင်ကနေ
လွတ်ငြိမ်းနဲ့ပြန်ထွက်လာပြီဆိုတာ ရှေ့ရက်ထဲကကျွန်တော်
ကြားထားတယ် ၊ အခုသူကဆရာသတင်းကို သွားမေးပြီး
ဟိုက မသိဘူးငြင်းလို့သတ်လိုက်တာနေမယ်"
" တောက် ဒီခွေးသူတောင်းစားကောင်ကတော့ကွ ၊
ဒါနဲ့အခုသက်ထက်ပန်က ဘယ်မှာလဲ၊ သူကရောဘာလို့ဆေးရုံတက်နေရတာလဲ "
" ကောင်လေးကသူ့မိဘတွေနာရေးရှိလို့ အိမ်ပြန်ရောက်နေတယ် ၊ သူကအရင်တစ်ခါမတော်တဆမှုဖြစ်ပြီးထဲက အောက်ပိုင်းသိပ်မသန်တော့လို့ ဆေးရုံခဏခဏပြန်တက်နေရတာလေ"
" အခု သူဘယ်သူနဲ့နေနေလဲ ၊ နာရေးကရောပြီးပြီလား"
" မနက်ဖြန်ကို အသုဘချမယ်ဆရာ ၊ နာရေးပြီးရင်
သူတို့်အိမ်ကအလုပ်သမားတွေ အကုန်လုံးအလုပ်ထွက်တော့မယ်ကြားတယ်၊ လူသတ်မှုဖြစ်ထားတဲ့အိမ်မှာမနေရဲကျတာပေါ့"
" ငါပြန်လာခဲ့မယ်၊ သက်ထက်ပန်ကိုသေချာဂရုစိုက်ပြီး
စောင့်ကြည့်ထား၊ ဟိုခွေးသူတောင်းစားကယုံကြည်ရတာမဟုတ်ဘူး၊ ငါပြန်လာမယ်ဆိုပေမယ့် နောက်ထက်လေးငါးဆယ်ရက်လောက်ကြာမှပြန်လာလို့ရမှာ ၊ အဲတော့ သက်ထက်ပန် ရဲ့အိမ်ကို အပြင်ကနေစောင့်ကြည့်ပြီး နေ့ရောညပါသူ့လုံခြုံရေးကိုဂရုစိုက်ထား၊အိမ်ထဲကိုလည်းအချိန်ပြည့်နားစွံ့ပြီးနားထောင်နေ"
" ဟုတ်ကဲ့ဆရာ "
" ငါပြန်မလာမချင်း ဘာမှမလှုပ်ရှားနဲ့၊ လူဇော်ဆိုတဲ့ခွေးကို
ငါပြန်လာမှ ငါကိုယ်တိုင်မြေမြှုပ်ပေးမယ် "
ဖုန်းချပြီးတာနဲ့ အမိမြေကိုပြန်ဖို့အတွက်အစီအစဉ်တွေကို
အမြန်ဆုံးဆွဲလိုက်ရလေတော့သည်။ သက်ထက်ပန်ရေ
ငါမုန်းတဲ့မင်းနဲ့ ရေစက်ကအခုထိမပြတ်ပါလားကွာ ။
*
*
*
*
*
*
*
*
တိတ်ဆိတ်လွန်းနေသည့် အိမ်ကြီးထဲကအိပ်ခန်းလေးထဲတွင်
ညကနေ မနက်လင်းသည့်တိုင်အောင် တစ်ရေးမှမအိပ်ရသေးသည့် ကောင်လေးတစ်ယောက်ရှိနေလေသည်။ အလုပ်သမားတွေအားလုံးက အလုပ်ထွက်သွားတာမို့ သုံးထပ်ရှိနေသည့်
ဒီအိမ်ကြီးထဲမှာ သက်ပန်တစ်ယောက်သာရှိနေတော့သည်။
အပေါ်ထပ်တွေကိုမတက်နိုင်တော့တာကြောင့် အိမ်အောက်ထပ်ကအခန်းလေးတစ်ခုထဲမှာပဲပြောင်းနေရသည်။
နံရံပေါ်ကဖေဖေနဲ့မေမေ့ဓာတ်ပုံကိုကြည့်မိတော့ မျက်ရည်တွေက စီးကျလာရပြန်သည်။
" သက်ထက်ပန် ၊ အသက်ဆယ့်ရှစ်နှစ်၊ မိဘမဲ့၊ ဒုက္ခိတတဲ့
သားဘဝကိုဘယ်လိုရှေ့ဆက်ရမလဲ ဖေဖေနဲ့မေမေရယ် "
ရှိုက်ကြီးတငင်ငိုနေမိရင်းကနေ ကုတင်ဘေးနားကခုံပေါ်မှာ
မှန်ဘောင်သေးသေးလေးနဲ့ထည့်ထားသည့် ဖေဖေနဲ့မေမေရဲ့
ဓာတ်ပုံလေးကိုလှမ်းယူလိုက်မိသည်။ မမှီမကမ်းလေးဖြစ်နေတာမို့ ကုတင်နားမှာရှိနေသည့်ဝျီးချဲပေါ် လက်တစ်ဖက်ထောက်ကာအားပြုရင်းဓာတ်ပုံကို လက်လှမ်းယူမိသည့်အချိန်
ဝှီးချဲကဘီးလိမ့်သွားကာ ကိုယ်ပါဟန်ချက်ပျက်သွားပြီး
ကုတင်ပေါ်ကနေ ဇောတ်ထိုးပြုတ်ကျသွားရတော့၏။
" သက်ထက်ပန်!! ဘယ်လိုဖြစ်ပြီး ကုတင်ပေါ်ကနေပြုတ်ကျရပြန်တာလဲ ၊ မင်းက ကလေးသေးသေးလေးလား၊
မြင်လိုက်ရတိုင်း စိတ်ပျက်စရာကောင်းနေတော့တာပဲ "
သက်ထက်ပန်ကတော့ မျက်ရည်တွေကျနေရင်းကြားထဲကနေ
အသံကြားရာ အခန်းတံခါးဘက်ကိုလှည့်ကြည့်လိုက်မိ၏။
မထင်မှတ်ထားသောလူတစ်ယောက်က ကိုယ့်ရဲ့မြင်ကွင်းထဲဝင်လာလေသည်။ အိမ်မက်များလားထင်နေမိပေမယ့်
ဒါအိမ်မက်မဟုတ်မှန်းလဲသိနေပြန်သည်။ အားကိုးရသွားတဲ့ကလေးက ပိုငိုတက်သလားမသိပေမယ့် ကိုယ်ကတော့
ကလေးတစ်ယောက်လိုအော်ငိုမိတော့သည်။
"ကို.. ကိုကို.. သား.. သားတစ်ယောက်ထဲ... သားတစ်ယောက်ထဲကျန်နေခဲ့ပြီ ၊ ဖေဖေနဲ့မေမေကမရှ်ိတော့ဘူးရယ်၊
ကိုကို ...သား ... သားလေ "
အငိုတွေနှင့်ပြောနေရင်းစကားပင်မဆုံးခင် ထိုကောင်လေးက
ပျော့ခွေပြီးသတိလစ်သွားလေတော့သည်။ မကိုဋ်မှာတော့
ခန္ဓာကိုယ်သေးသေးလေးကို အပြေးတပိုင်းချီမလိုက်ရင်း
ကုတင်ပေါ်တင်ပေးလိုက်ရသည်။ မျက်ရည်တွေပေလူးနေသည့်မျက်နှာကိုစိတ်ရှုပ်စွာကြည့်လိုက်ရင်း
" ကျွတ်!!! ငါ့ကိုမြင်တိုင်း သတိသာလစ်နေလိုက်
သက်ထက်ပန်ရေ ၊ တကယ်စိတ်ပျက်စရာကောင်းလွန်းတယ် "
Eros_90
29.3.23 ( ည ၈ နာရီ ၅၀ မိနစ် )
1.4.23 ရက်နေ့ အပိုင်းသစ်Update ရှိပါမည်။