في نور عينيه

البـــــارت الأربعــــــــــون

مِشتاگَلك رُوحي
عليَّك مفرفحه
والشُوگَ يطحن بالگَلُب طَحن الرّحى

في نور عينيه
الكاتبة هُيام

__________

هلاوووووووووووووو لكم هلاوو

لكمممممممم يولووووووو ونبي مشتاقة شجاجن عمي لا وحده تجي
آدك الباب تسئل علية اني اعلمج اذكرني بفطور مو الا فطور كامل
عاد لبنة وتمرة يالنحسات

كولن هاي البت وين راحت وين ولت ماتت عاشت

لا جذب والله تفاجئت من كمية الرسائل
فدوة للخايفات علية ابوسجن. وحدة وحدة
يمة بعد بيتي فريخاتي الحنينات 😂😂♥️

النت خلص من الأربعاء الفات بليل وعساس نشترك
بس الصحن مال الراوتر من صاير هوى بالجو متخرب كلة

وغلسو علي اهلي يتعاجزون لأن لازم يجي ابو النت
وانه نكرت راسهم نكر

يكلولي
همزين خلص هذا رمضان
شنسوي بالنت ومكابلين التليفزيون وكاعدين
واني اسحن واطحن عليجن. 🤦‍♀️💔

تالي البارحة من ورة الفطور جنت نايمة وهم مشتركين
كعدت بالسحور اسمع فوني يسوي طن طن طنطن 😮
احس فراشات صارت بمعدتي 😂💓🦋
كملت السحور وسويت تعديلات ع ألبارت ونزلتة

عذرررررنييي بربجن لا تسون هجوم عليه
سون هجوم ع البارات 😂😁💕💕

_________

لا تنسن التصويت والتعليقات ع كل فقرة✨ احبجن بكد التمن، ✨

____________

lnstgram :- " hiy.am99"

حساب الانستا 👆

دخلت البيت احس روحي طالعه من حالتي علاكة الأدوية
قسم اخذ منها خلاهم يمه والقسم الثاني عندي ضميتهم بالجنطة
ماردت اهلي يشوفون الادويه ويدورن بية
اخاف احد يدري بيه مريضة ويعيرني ويرجعون يكلولي مخبله
صارت بيه خوفة من المرض صار عندي فوبيا من شي اسمه مرض وأدوية

وي اذان المغرب دخلت للبيت فتحت الباب
نزعت الحذاء بالطرمة وتمشيت احس مختنكة

لكيت امي تصلي
ردت اصعد صاحتلي شيماء

شيماء : مثل الحرامي طبت وكلشي مندري تعاي ولج..

واكفة ب اول درجة باوعتلها صفح وصعدت
فتحت باب الغرفه نزعت عباتي شمرتها ع الكرسي

والجنطة ع الميز

جاي انزع بالشال وكفت فوك راسي شيماء

شيماء : شنو شبيج ضايجة ..

نَســـــرة : مابية شي..

شيماء : شبسرعة إجيتو..

شمرت الشال ورحت ع الچرباية

نَســـــرة : مادري عنده شغل..

شيماء : شكلج ميطمن احجي شكَو..

نَســـــرة : ماكو شي لا تلحين..

شيماء : والنبي محمد اكو شي شنو تعلميني بيج..

نَســـــرة : يووووووه ترة اني مالي خلك..

كعدت يمي ع الچرباية وحجت بهدوء

شيماء : شبيج عمري شنو اتعاركتو انتي وضرغام..

درت وجهي ع الحايط وكمت ابجي
شيماء : يا يا ولج عليمن..

نَســـــرة : احس روحي الفرح ما يدوملي ..

شيماء : شبيج نوسة حبيبيتي..

نَســـــرة : تذكرين بيوم السولفلتلج ع عركت الحقيرة احلام..

شيماء : كبر طم اسمها وروحها اي شبيها..

نَســـــرة : اي ضرغام من ذاك اليوم لحد هذا اليوم هو ضايج
واليوم اخذني للدكتور..

شيماء : شنو ضايج وشنو أخذج للدكتور هو عليمن شكو..

مسحت دموعي وأخذت نفس
نَســـــرة : باعي مو اني بيومها سويت اشياء مو قانونية يعني
عقل انجن مدري شصار بيه وايدي موتتني ف اليوم
من طلعنه هيه اصلا جذب ميريد يطلعني راد ياخذني للدكتور
من كتله ليش جبتني يكلي اخاف عليج خاف بيج شي
ف بالبداية اني عادي ماعندي شي قبلت لأن ادري بروحي ما بيه شي وصرت زينه بس هو ضل بقلق من الوجع مال ايدي والرجفة ..

شيماء : اي..

نَســـــرة :بعدين من دخلنا للدكتور اول شي سوة اني ويا
بعدين دخل وحده ومن طلع كتله ها شنو
كلي كلشي مابيج حت كمت اضحك لأن ادري بنفسي
شو هذا طلعنا من الدكتور وكفنا يم الصيدلية..

جاي احجي وسحبت الجنطة حت اطلع العلاكة مال الأدوية
طلعتها وخليتها كبالها

نَســـــرة : تالي وكفنا يم الصيدليه وجابلي هاي الأدوية من غير الي
عنده ومن أكله شبيه يكلي كلشي مابيج..

وخرت علاكة الأدوية وحضنتني

شيماء : اي يا عيني وع هاي تبجين اصلا كون تفرحين من تصرفه وبعدين انتي مثل الورد صدكيني كلشي ما بيج ليش هيج خايفه والوجه اصفر عليمن..

كمت ابجي وامسح بدموعي
نَســـــرة : هواي سمعت كلمة مخبلة ومن احلام تكلياها او واحد ثاني
مدري شيصير بيه بودي انكلب وحش واكلهم وحت ضرغام....

شيماء : تروحلج فدوة احلام وغيرها وبعدين
شنو ضرغام مستحيل يكولها..

نَســـــرة :ادري هو ميكَولها بلسانه بس تصرفاته تثبت هذا الشي
عباله اني مخبله ويريد يداريني..

شيماء : لا يحبيبتي شنو هذا الحجي شنو مخبله ويداريج
ليش ما تحسبيها حب واهتمام او ليش ما تحسبيها خوف عليج
لان هو مو من هذا النوع..

نزلت دموعي بحيرة
نَســـــرة : ماعرف شو احس عقلي تخربط هواي بالي ما مرتاح
وتالي وي روحي اني شلون بيها وحق الله كلت ارتاحيت وراح
تعدي خطوبتنا ع خير بس مستحيل يمر شي حلو كامل ع رانسي
وع حضها المعثر..

شيماء : عوفي التفكير بس لو تخلصين روحج من هاي التفكير
السلبي جان انتي بخير ليروح بالج بعيد وتضلين ترسمين أمورج بعقلج
ما موجودة..

نَســـــرة : مدري بعد الله كريم..

شيماء : ونعم بالله ديلا بدلي وتعاي نزلي حت نتعشا وكافي دموع..

هزيت راسي ونزلت كدامي هي

لليل كلش اتصل عليه ضرغام خليتة صامت ونمت
حت ادويه ما أخذت لأن ما متقبله الوضع ع اخر حد

ثاني اليوم الصبح
اميرة: نوسة عيني كومي..

__ شو رانسي يلة كعدي..

نَســـــرة : ها..

اميرة : يا ها يا عيني كومي بدلي ضرغام جوة..

فتحت عيني باوعتلها

نَســـــرة : شكو..

اميرة: شنو شكو اكو دوام يلة كومي..

رجعت راسي ع المخدة ولفيت نفسي
نَســـــرة : كليلة متروح..

اميرة: راح اصعدلج ااحسان كومي وكافي كسل..

غلست وبقيت متلفلفه
حجت سحلتني ماكو خلت ونزلت ملت

ورة شوية شيماء صعدت كبل خل الموبايل ع اذني
اني ونايمة

اجاني صوتة

ضرغام : صباح العافية أبوية..

فزيت جنت مغمضه عيوني رفعت راسي لكيتها تضحك
باوعت تك عين

لزمت التليفون وفركت عيوني
بقيت ساكتة

ضرغام :تسمعيني نَســـــرة..

سويت روحي ما اسمع بعدني عود نايمة وهاي شيماء ادغ بيه
تكلي احجي واني ساكتة

ضرغام : بنتي لا تغلسين إذا كاعدة احجي..

كتمتة
وبسرعة حجيت

نَســـــرة :عليج النبي محمد اخذي ونزلي كليله نايمه متكعد..

بسرعة وخرت الكتم وشمرته الموبايل عليها
هي هم اخذته ودته واجتني عصبيه

شيماء : أكلج انتِ عليمن كالبة الوجه ع ضرغام شعلي هو..

لميت شعري وحجيت وياها
نَســـــرة : معليج شيماء هاي بعد قفلت ..

شيماء : اي بس مو منطقية سوالفج رجال أخذج للدكتور
قابل انكلبت الدنيا يعني بدل ما تشكري..

صحت بيها
نَســـــرة : عالشنو اشكرة عالشنو متكليلي
ع حضي الاغبر لو لان وداني للدكتور وهو يدري بية اتخبل من الدكاتره وفوكاهه من أكله شبيه يكلي كلشي ما بيج شنو طفله ويضحك عليه وهاي علاكة السم ألمن لجدي غير يكلي شبيه شكو ساكت يغلس.. .

دارت وجها وسدت الباب
شيماء : صوتج لا تصيحين اخوتج جوه بعدهم ما طالعين
ومادام هسه انتِ ضايجة هاهيه خليج براحتج بس لا اطوليها
علي لأن هو ماله علاقه بالسالفة كلها..

عافتني وراحت
كعدت ع التليفون ضايجة روحي طالعه انفخ
رجعت نمت كعدت ساعة ب١٠ الا ربع

لكيت جايتني رساله
__ ادريج چنتي كاعدة وما تردين تحجين اوياي عمداً..

نزلت غسلت لكيتهم كلهم مترييكين
حميت الچاي وسويت صينيه وكعدت اكل اجر باللكمة جر

ساعة ب١٢ الا ربع اندكت الباب

أميرة : رنوسة حبابه كومي فتحي الباب جاي اسوي بالدجاجة..

شلت الصينيه خليتها ع الكاونتر
وبعدني جاي الوچ باللكمة
صحت منو ماكو فتحت الباب ومديت راسي

مد رجله وفتح الباب أكثر حت تكبر المسافه
ويدخل تراجعت لورة فاتحة عيوني

ضرغام : هاي أنتِ كلما تندك الباب تركضيلو تفتحي؟..

باوعت إله مصدومة بلعت اللكمة
نَســـــرة : ها..

طابك حواجبة ويحجي
ضرغام : هيَ التفتح الباب غير تصير ورا وتكول منو
لو تمد رأسها والشعر طالع ولابستلي تيشرت طفرة ونص..

جريت التيشرت أكثر عدلته من يم صدري

نَســـــرة : مادري اول مرة أمد راسي هيج..

هز راسه ب أكثر من مره وهو يكول
ضرغام : خير ان شاء الله،

واردف وهو يباوعلي
ضرغام : ليش ما داومتي..

نَســـــرة : ليش أجيت..

ضرغام : لا تردين ع سؤالي بسؤال انطيني جواب..

نَســـــرة : راسي يوجعني مالي خلك..

بقة يباوعلي وساكت
نَســـــرة : شعندك أجيت..

تنهد وكال
ضرغام : امشي جيبيلي ماي..

طبيت للمطبخ لكيت الباب مردودة اكيد أميرة سدتها
لان تنشاف كبال الباب صايره استحت من ضرغام

أميرة : صدمني شجابة من دوامة ..

نَســـــرة :شمدريني حالي حالج وخري خل اغسل الكلاص..

وخرت اخذت دبة ماي الثلاجة وكلاص طلعت ورديت باب المطبخ وراي

صبيتلة كلاص وانطيتهيا
نَســـــرة : تعال طب للاستقبال..

ضرغام : اخوتج وين..

نَســـــرة : بالدوام..

ضرغام :چؤ خليني واكف هينة..

ارتشف شوية من الكلاص وطلع من جيبة ثنين اشرطه حبوب
وكيس بودرة

ضرغام : فتحي حلكج..

عوج الشريط وطك الحباية يريد يخليها كبل بحلكي

رجعت وجهي لورة

نَســـــرة : ماريد ابلع عوفهم..

ضرغام : لا تعاندين ابوية أنتِ..

نَســـــرة :مو اعاند بس ما متريكة بعدني عوفهن من اتغدة ابلع..

ضرغام : شفتج تلوچين باللكمة نَســـــرة لا تچذبين علي
مو كتلج طبع الچذب ممقوت عندي..

سكتت دنكت راسي
ضرغام : يلة شو دحكيلي..

مديتله ايدي
نَســـــرة : انطيني خليهن هنا اني ابلعهن..

ضرغام : مو زين الادوية تتنقل بالايادي كون من كاغدها للحلك..

فتحت حلكي خلاهن
وانطاني الكلاص البيدة بلعتهن غصب

مدري شتمتم بينه وبين نفسة
بس سمعت بنهاية

ضرغام : جعلني بين شفايفها دوة..

نَســـــرة : شنو. ؟

ضرغام : اكول صبيلي بعد كلاص للنص..

صبيتلة كال كافي كافي

فتح الجيس البيدة بودرة خلاه بالكلاص وخضه بطريقة دائرية
ضرغام : بساع شربي كمعة وحده لا تتكمعين بي طعمو مُر..

اخذته منه شربته كمعةوحده
ومن بلعته غمضت عيني وهزيت راسي من طعمة

مد اصبعه الابهام والسبابه مسح شفافي من رذاذ الماي
وباس اصابيعة

ضرغام : يلة يابة استودعتج آلله ..

نَســـــرة : راح تروح..

ضرغام : اي وراية محاضرة..

بحركة سريعة منة تقرب يم ركبتي شمها
ومد شفايفة برقة عليها وطلع
جسمي يكزبر من يسوي هاي حركاته

بقة الكلاص بيدي والدبة وصافنه ع الباب
سد الباب وراه وراح طلعت أميرة تضحك

أميرة : الله الله شون حركات حلوة..

باوعتلها وفركت وجهي
رحت المراية الكفشة متنوصف
والعيون مبطبطة الحلك منفوخ
من اكعد من النوم وجهي كلشي بي ينفخ

نَســـــرة : لو ادري بي هوة فلا افتح الباب
شجاني اول تالي افتح الباب..

أميرة : الكلوب سواجي..

خليت الماي ع الكاونتر وطبيت للصالة

أميرة : تعاي سولفيلنه ع هاي التطورات الحلوة يوم العلم
تصيحين لا يبوسني لا شي..

نَســـــرة : أميرة بروح النبي اسكتي مالي خلك والله...

نزلت شيماء ومسرة جانت يم امي

شيماء : ها شكو هم تناكرت وياج..

أميرة : لا ما تناكرت تعاي سمعي السوالف..

هن واكفات واميرة تسولفلهن
طفرت عليه مسرة لزمتني من كتفي

مسرة : عليج الكاظم يعني باسج..

خرعتها وصدمتها ضحكتني
دفعت اديها

نَســـــرة : هاي شبيج هديني..

مسرة : ماهدج والحسين كليلي باسج..

شيماء : فحطتيني مسرة ذكرتيني بهاي بت تبوني ع اليوتيوب
يا صديقة بااسج
ايده هاي الجنت احبها هم خلاها ع راسج ..

كفختها ع راسها
نَســـــرة : تحبين ايد منو لج..

شيماء : والحمزة معليه هاي بت تبوني اني شكو..

نَســـــرة : طيح الله حضج وحظ تبوني وياج..

شيماء : وبعدين انتي إذا ضايجة منه شعندج تغارين بطليهن..

مسرة : وج هسه بس كليلي باسج..

أميرة : اني شفتها أكلها باسها باسها..

نَســـــرة : والله تمخرطن انتن واني مالي خلك ..

مسرة : تحجين لو اخلي إحسان يلعب الصوندة ع ضهرج وتسولفيلة
هم اخوتج يسمعون وهم احنة نسمع ..

نَســـــرة : يمعودة شباسني بس شوية قرب شفته من ركبتي
وهاي الحركة دايما يسويها مو أكلجن..

مسرة: يا يعني من ركبتج عابتلكم اي والله..

نَســـــرة : ساعو اركعها بنعال لعد شتردين متكليلي ..

مسرة : نريد نفس خيانه صديقة بت تبوني لحبيبها ..

_________________

ياسيمين

فتحت الباب مال الغرفة لكيت نسرين مدنكة
ع الموبايل ومندمجة وتضحك

فتحت باب الكنتور واحجي وياها
ياسمين : راح اطلع نشتري كم شغلة ترحين ويانة..

درت وجهي عليها ماكو ساكتة
ياسمين : ولج مو تا الغي متحجين ..

حجت وعينها ع الموبايل

نسرين : ها ها..

ياسمين : ترحين ويانه..

نسرين : وين..

ياسمين : نتسوك نشتري چم شغيلة..

هزت رأسها ورجعت دنكت ع الموبايل
نسرين : لا ما اروح..

ياسمين : دكومي يول ع الواهس..

نسرين : لا والله مابية حيل..

غطت رأسها جوة اللحاف وعافتني

ياسمين : ول عيونج تاينعمن كثر ما حاطه وجهج بي..

بدلت ولبست عباتي ونزلت لحمزة

حمزة : ها بوية كملتي..

ياسمين : اي ماعندي شي..

حمزة : لو بايتة فوك شعندج نزلتي..

ياسمين : جنت احرمص لهاي الچلبة ما ترضه تروح..

حمزة : ول عثرج الله كون اريد اخذ راحتي انه وهي مچلبة بالوادم
تمشين لا اخلي راسج بالحايط..

دحكتلو صافنة بوجهو
ياسمين : شني تاخذ راحتك..

حمزة : اكصد مثلا نتناقش انه وياج نسولف هچي يعني..

ياسمين : ها عبالي شو شني..

حمزة :لا عمي شني شو شني ترة نيتي شريفة ..

دحكتلو بنظرات شكك

جرني وطلعنة صعدنة بالسيارة

ياسمين : شو بعد ما اطلع الأغنية..

حمزة :ههههههه ها يول حنيتي صار هساع اطلعها..

ضحكتلو وصدك طلعها وعلاها ويغني ويهز ب ايدو

حمزة :

اكل لروحي هنيالي
علة بكلبي ربالي
محد غيرة يحلالي ربيته بحناني

بين احضاني كبرته
عفت الدنيا ما عفتة

يأشر عليه ويغني ويا بكل واهس

يرمي شلون علمتة
أول ما رمانـــــي

من حجة ع الرمي شو هذا كرصني من فخذي.

ياسمين : اااايييي شبيك حمزة..

حمزة : وهاي كرصة ثانية بهذا الزر..

صدك رجع كرصني وانه اوخر ب ايدة

ياسمين : شبيك حمزة شجاك توك شحلاتك..

حمزة : تحمست بعد روحي عذريني..

ياسمين : ههههههه والله يا ربي..

يا كلبي يا مكرود
كله من ادية
وكت لو يكدر يعود
بس شيعودة ليه

كلشي أنت اتمنئ
خلة بكلبي الف ونه
كلي نعيش بالجنة
وبنارة چوانـــــي

باسني بخدي وانه اضحك خجلت بس ضاع خجلي
بين صوتو وضحكتو والاغاني

ياسمين : والله مندمج اندماج عالمي..

ضحك ودحكلي
حمزة : احبها هالاغنية لأن تذكرني بيج مو احبها لأن هيه حلوة ..

ياسمين : انه هم صرت احبها جنت ما احبو لعمار العلي..

حمزة : ول ابوس التحب سوالف رجلها..

حجيت بدون قصدك
ياسمين : منيلك رجلي بعدك ما صرت ..

مخلي ايدو ع الستيرن دار وجهو علي وغمزلي

حمزة : ترديني اصير هساع عادي هي حت بالسيارة تصير..

ياسمين : هي شني انه كتلك يعني بعدنه مخطوبين..

ضحك ودار وجهو

حمزة : يول أنتِ ليش ما تلزمين لسانج لا اكصو الج..

ياسمين : يااع هو أنه شسويت شبيك حمزاوي..

حمزة : ههههههههه. احترك بنار ونفط سابع جد من أصلو
يبوي لزميلي لسانج عام عليه شون بيه بهاي الخطوبة الما ترضة تخلص..

ضربت حلكي ب ايدي
ياسمين : ها اها سكتنه عمي تسوي من الحبة كبة
هسا انه شحجيت ما تكلي..

ضحك
حمزة : عندج محلات تردين ترحيلهن لو انه اوديج َ..

ياسمين : شني تندل محلات ..

حمزة : هساع اوديج ع محلات الا اخليج ادوخين..

ياسمين : يعني تندل..

حمزة : اي اكيد..

ياسمين : شمدليك بيهن شو ما مرتاحتلك..

غمز وحجك با ابتسامة خبيثة
حمزة :لا بشرفج ارتاحيلي اريح ..

ياسمين : ههههههه يووو راح يغير الموضوع احجي

حمزة : يول غير طالع وماشي شنق امشي مغمض بالشارع..

ياسمين : اي اقصد يعني شمدريك بالمحلات خصيصا للنسوان..

يأشر ع عيونو ويحجي

حمزة : يووول فاتح عيوني فاتحهن من اطلع وطب ترة مو مغمض فاتحهن فاتحهن ..

ياسمين :هااااااا..

حمزة : وعلاه وطاك ارحا..

ياسمين : اكلك شو انت قرب الزواج كمت تصيح عليه..

حمزة : ههههههه لا يا چبدي شحدي اصيح عليج بس هذا غزل من غير نوع لأن تعرفين الأصوات درجات ..

حجيت وانه ضامة الضحكة
ياسمين :هاااااا..

حمزة : ابوس الها مالتج..

ضحكت ع سوالفو بقينة نسولف بين ما وصلنه محلات
نزلنة الهن أخذنه شغلات وملابسس اثناء منمشي تعدينا
ع محل جام خان لملابس نسائية داخلية
كبل درت وجهي عنهن استحيت

سويت نفسي احجي ف شفت عينو راحت عليهن
حاولت إلهي واخلي ما ينتبه ف هو انتبه دحكلي بنظرة ماكرة

كتلو
ياسمين : شكو شبيك..

رفع حاجبو على المحل الوراي اشرلي
حمزة : تعاي اشتريلج ثوابة الستر والشرف والراحة والوناسة ..

انه نسيت عبالي صدك ثوابة درت وجهي ع السريع
طلع نفسو المحل

درت وجهي مصخنة من الخجل بقيت ادحك ع الارض
لزم ايدي ويعت بيه وانه اعت بروحي

حمزة : انفضحنا امشي نطب عبالهم صاحبتي خرب أبوج..

ياسمين : چفيني شرك حمزة وين مطببني..

حمزة : منتأخر بس چم واحد نشتري..

ياسمين : يااااع عمي ماريد امشي..

حمزة : لو اطبين لو اطلكج..

ياسمين : طلكني ولا تخزيني..

حمزة : ول صخم الله ويهج اخزيج شني مطببج لمهلى انه..

ياسمين : اي ماريد ماشتري منهن..

حمزة : هنيال ابوي عجل شني شتلبسيلي بتالي الليل
إذا ما تشترين منهن أن شاء الله ناوية تجيني مكبعة حجابج براسج
چنج علاكة سودة..

ياسمين : حمزة فضحتني البنية صافنه علينة..

حمزة : اي طبي يلة..

عصر ايدي حيل دفعني ع المحل طبيت وانه مستسلمة
جبرني غمضت عيوني من الفشله

شو هذا طب وراي درت وجهي على رفعتلو حاجبي
ياسمين : شني وين شعندك طاب وياي ؟؟؟

همس بصوت ناصي
حمزة : اختارلج لبا* احمر..

احس حلكي وكع بالكاع من حجايتو
ضحك ويرفع بحاجبو
درت وجهي ع البنيه الي بالمحل مستحيه اريد اشوفها.
سمعت لو لا جانت تصفط بالملابس لأن توهن طلعن زبائن منها

ياسمين : حمزة والحسين راح ابجي امشي اطلع..

حمزة : ما اطلع وعلي..

ردت اطلع جراني..

طببني قبلو

حمزة : السلام عليكم

__ اهلآ عيني تفضلو..

دحكت للبنيه ابتتسمت الها بتصنع
بقيت واكفة چني صنم لا بيه اختار لا بيه احجي وياها

هو يفتر وانه صافنه ضل يشوف الى. إن
أشر ع واحد سيت مال نوم جان فاضح إلى آخر درجة
البنيه راحت نزلتو وانة صافنة

تقربت يمو وحجيت بهمس

ياسمين : شتاتسوي حمزاوي..

حمزة : اختار ملابس لمرتي..

ياسمين : مرتك حظها طاح من الفشلة اكعد حمزة
انفضحت..

نزلتو البنيه انطتنيا
صفنت علي شو بس خيوط بقيت اكلب بي
شني وين راسو وين رجولو

بعدها راح ع ملابس داخلية قطعتين بيهن شراشيب
فتحت حلكي من الاختيار ماكدرت بعد احس الفشله
خنكتني

كرصتو حيل
هو يضحك فحطان بس حابس الضحكة
دار وجهو علي كلي

حمزة : شوني بشرفج مو زوج صالح..

دحكتلو صفح ودرت وجهي ع الملابس لا مو الملابس
اقصد الفضايح الاختارلهن الشراشيب

رجعت البنيه المكانها وحمزة واكف يمي
كلي

حمزة : بعد يا لون لبا* تردين..

ياسمين : اريد حظي الاغبر يكعد بس امشي خل نطلع
راح ابجي...

حمزة : لبسيلة لبا* أحمر هو يكعد..

ياسمين : حمزة راح املخ روحي َ..

حمزة :ليش حبيبتي..

ياسمين : راح الطم امشي خل نطلع..

حمزة : اي بس نشتري بعد چم لبا* وس**** حت بليل بعد يوم تلبسيهن..

ياسمين : إذا تزوجتك اتفل بوجهي..

حجت البنيه
__ هسة شنو عيني احسبلكم هذول الملابس..

حمزة : دقيقة..

دار وجهو علي وانه الدمعة بعيني من الفشلة
حمزة : اختاري بعد كبل لا تحاسب..

بقيت صافنه ما حجيت

حمزة : صفن ابو صابر..

حرك ايدو كبال وجهي

حمزة : هاااو..

ياسمين : ها حمزة..

حمزة :اختاري بعد يلة لو ارجع اختار ع ذوقي..

ياسمين : امشي اطلع برة وأختار..

حمزة :عجل بس اختار بعد قطعتين واخليج براحتج..

اشرلها ع ثنين ملابس مال نوم ستن قماشه ناعمة
وانه بس ادحكلو ما احجي

بعدها صدك طلع وهو يضحك وكفلي اباب المحل

تقربت يم البنيه الأشياء المعروضه يمها
ابتسمتلي وحجت

__ زوجج الأخ؟؟

ياسمين : لا عمري خطيبي..

ضحكت وكالت ٠
__ مبين من خجلج ..

ضحكتلها وبقيت اختار ملابس داخليه عاديه مو نفس
ملأت حمزة المشرشبات

صحتلو حاسب البنية اخذه العلاليك وطلع
حمزة : كون داريتيني بيهن؟؟..

ياسمين :امشي للسيارة لا آدك والطم من الفضايح..

حمزة : شدعواج يابه شني انتن ما تلبسن لبسا* قابل..

ياسمين : يبو يبو يبو ع حضي شطلعني وياك..

ضحك بصوت عالي
وصلنه للسيارة فتح الباب الورة خله بيها العلاليك
انه هم فتحت الباب وصعدت

بين ما خلاهن فتح الباب ونهض روحة وصعد كال
حمزة : يا عَـــــلـــي ..

دحكلي وهو يعدل المراية الكبالو
حمزة : ها مرتي..

ياسمين :ها..

حمزة : شبي الحلو ينتر..

ياسمين :حمزة والله فشلتني..

حمزة : دخيل الكعبة لطشت فشلتني ما فشلتني شسويتلج يابة شسويتلج
هن ثوابة مال ناس عفيفة شريفة اشتريتهن الج تلبسيهن الي تالي الليل..

رفعت ايدي اهدد بي
ياسمين : اخر طلعة اطلعها وياك ع هاي العملة اخر طلعة...

حمزة : ههههههههه بكيفج أنتِ الخسرانة.
وين اكو واحد يشتري لبسا* لمرتو..

ياسمين : اي لأن يستحون يدخلون بهيج سوالف
الا أنت..

عدل روحو وضحك ولبس حزام الأمان
حمزة :اي وعلي اكيف عليهن..

ورة شوية متحركين بالسيارة كلي
حمزة : وين ترحين بعد..

ياسمين :بكيفك..

حمزة : ترحين للمطعم..

هزيت راسي وصلنه للمطعم اكلنة
بعدها طلعنه أخذنه عصاير..

::::::::::::

كاعدة اراسل بجابر
وياسمين اتنك براسي ترحين ما ترحين
خلت وراحت
ورة ساعة اندكت باب الغرفة بس انه ما منتبه
كلت

نسرين : تعاي منو..

انفتحت الباب وانه مدنكةع الموبايل عبالي وفاء او واحد
من الجهال

هشام : شتاتسوين؟؟..

طفرت من مكاني احس لوني انخرط كبل قفلت الموبايل
وشمرتو وجريت الشال من چتفي خليتو ع راسي..

نسرين : غير آدك الباب عجل كبل تجفت..

هشام : وين چان بالج.؟

نسرين :شني وين بالي..

هشام : الباب دكيتها وشبي وجهج اصفر عبالك مسوية مكسورة..

احس نفسي صدك ارتبكت
نسرين :احم لاا ترة لأن ما لابستو لحجابي ارتبكت قابل شعندي..

هشام : اها. تعاي صبيلي اكل ياسمينة ماهية..

نسرين :اي نازلة..

نزل كدامي وانه اخذت الموبايل ارجف كتلو

__ جابر بعدين احاجيك يصيحولي..

ضميتو ونزلت

لكيتو كاعد ع القنفة رافع رجل ومنزل وحده وبيدو الموبايل
من نزلت رفع عينو عليه

هشام : بدون حميان جيبي هيج جوعان..

هزيت راسي ورحت للمطبخ صبيتلو وأنطيتو الاكل
بقيت كاعدة يمهم جوة

عدة الوقت تأخرو ياله اجو حمزاوي وياسمينة
طبو ثنينهم محملين علاليك ضحكت ع المنظر

هشام : ها صادوك وأنت النچر..

حمزة :يا نچر يا دنيا خَلت بيها نچر اختك
فلس احمر ما ضل بجيبي..

ياسمين : ترة بس قطعتين اشتريت..

حمزة : اي يبوي هذن العلاليك لجدي..

رحتلها وانه اضحك عليهم اخذت وياها علاليك وصعدنة لفوك
تانشوف بالملابس وصلت لچم علاكة جرتهم مني
هيه تجر وانه اجر

نسرين : لجج شبيييج..

ياسمين : هدددييييي..

نسرين : يااا هاي شبيها تخبلت..

ياسمين :هدي جبتلج هدية الج اريد اسويها مفاجئة..

نسرين:لا والحمزة مو سوالفج هذن مال الهدايا عوفيها خل اشوف شبيها..

تعاركنه صرنه ماطل من الروس كمت شكيت العلاكة

وكعن ملابس نوم الله لا يچذبني مو ملابس
اقصد خيوط نوم مشرشبات وبس خيوط
يعني يفضحن ما يسترن

رفعتهن كبالها فحطت من الضحك وهيه مخليه
إيدها ع خدها وصافنه

ياسمين : مو انه ادري كلت هسه تستلمني نسرين..

نسرين : يمممة بطنننني ولج هذن وين تخليهن بيا مكان..

ياسمين : روحي سئلي حمزة شمدريني..

حاطتهن وأكلب بيهن وفحطانه من الضحك
نسرين : حت ع ط*** طفل ما يرهمن شون جابهن الج..

ركعتني حيل ع ضهري وانه بس اضحك

نسرين : راح اشوفهن لهشام..

خمشتهن منها ردت شويه اضحك عليها
سويت روحي طفرت وهي طفري عليه تتعارك
تريد تاخذهن مني وانه اصيح كامت وكفت يم الباب
حت تمنعني ما تريدني اطلع

نسرين : هششششاممم..

سدت حلكي وتحجي
ياسمين : خرررربببب لج اسكتي بروح النبي انفضحت
يبووووو عليك حمزة..

دفعت إيدها حيل وانة اضحك
نسرين : هههههههههههه يمة فحطت ولج هذن وين تخليهن بس فهميني..

ياسمين : راح اخلي النعال بحلكج جيبي..

خمشتهن مني وتضمضم بيهن وادردم ع حمزاوي
شوية وتطلع روحي من الضحك عليها منظرها يفحط

ياسمين : ناس ما تستحي والله..

نسرين : ههههههههه اي والله يخيتي لو يستحون ما اشترو هيج فضايح..

ياسمين : لزكت الهاشة بعد لزكت..

نسرين : هشششششاممم...

ياسمين :هاااو جذب جذب الحلوة الحلوة يمعودة الحلوة..

نسرين :ها عبالي تكولين الهاشة..

كعدت كلسا اتذكرها وافحط وحدي
عدة الوقت كمنا نسوي عشا واكفين بالمطبخ

وفاء تكلي الاكل وبقية البنوات يحضرن
وانه اكشر بتيته

وفاء : كملي البتيتة ولگطي الخضرة وياج نسرين..

هزيت راسي درت وجهي ع ياسمين.

نسرين : لگطي الخضرة أنتِ عليج الله ياسمين..

ياسمين : امداني صارلي ساعة احضر وياجن..

نسرين : عليج الله حبابه..

ياسمين : ولا اعليه..

نسرين :مو اروح افضحج..

دحكتلي ابلاهه
ياسمين : شني تفضحيني..

نسرين : احم احم..

فتحت عيونها وركعتني بالخاشوكة
ياسمين : والحسين إذا ما تنسين السالفة العب بيج جولة
انچلبتي خوما انچلبتي شبيج لزكتي..

نسرين :ههههههههه هسه ترحين لو لا..

نطت وفاء من يمها
وفاء : يسخرون الچلب والچلب يسخر ذويلَو..

نسرين : هاك استلم حجت ام لسان البي حظ ََ..

عضتلي شفتها نوال عود اسكت عنها
وياسمين هم غمزتلي حت ما تصير عركة بينه

وكفت يمي ياسمينه وهي تجر السچينة مني
ياسمين : جيبي نسرين اكمل البتيتة وأنتِ كومي لگطي الخظرة..

نسرين : عجل أنتِ غبيه الخضرة أسهل..

ياسمين : أضوج منها ونص العوادين ابقيهن بيها وجدتي تحجي علي..

انطيتها السچين ورحت اطلع الخضرة واسوي بيها
كملتها ونكعتها بالنجانة مال ماي

::::::::::

بليل الوقت كلش متأخر
چنت كاعدة ع الموبايل سهرانة
اجاني إشعار شفت الاسم

دخلت ع الرسالة مكتوب

__ول يابة إذا أنتِ عندج كلب للزعل انه مو كدو..

- مو زعلانة..

___ دنزلي فتحي الباب..

اجاني صقيع من حجايتة

- شنو افتح الباب.؟

__ باب الحوش انه جوة..

- شجابك ضرغام ارجع ما افتح الباب..

__ أبوية أنتِ مرة وحدة بس اسمعيلي حجاية بلاية عناد ..

كمت من چربايتي افتر واكل ب اضفري
هذا صدك يحجي عود اجه

__ نزلي فتحي الباب مصلوب بالشارع انه عود بعدين اتصفني..

- ما افتح اخوتي موجودين أخاف..

__ بعدين خافي نزلي فتحيها..

- ما انزل..

__ نزلي..

- مانزل روح..

__ نَســـــرة ليش تخليني اسوي سوالف هتلية و اعبر واصعدلج ..

- اخوتي نايمين موجودين بالبيت ترة ما عايشة وحدي اني..

__ وذاك اليوم شني چانو طايرين...؟

-لا هم بالبيت

اتصل عليه رفضتة
رجع اتصل هم رفضته

__ وج نَســـــرة..

- ها..

__ شيبتي كلبي انزلي فتحي الباب ابوية أنتِ
شني مخليتني هيچي واكف بالباب چني واحد سربوت..

بعد ما كدرت اعاند احس صار أعصاب كتبتله

- نازلة..

شافها ومارد علية لميت شعري لأن من انام افتحة
خليت القراصة براسي ونزلت
وكفت يم الباب متردده مدري افتح مدري لا
من عرفني موجوده لأن صار حركة من فتحت باب المطبخ

طرقها بشكل خفيف كلش

وكفت ورة الباب وفتحتها دخل وسد الباب ع كيفه
وبسرعة جرني لحضنة

مثبت راسي ب ادينة ع صدره
دنك باسني براسي

ضرغام : عليش هيچي شالعة باب گلبي..

دفعت نفسي عنة وعدلت شعري
تلمس خدي وهو مبتسم دنك ع خدودي
باسني احس لحيتة چكچتني

نَســـــرة :لتبوس خدودي..

ضرغام : ول يابة غير أراضيهن ..

حجاها وهو يبوس بخدي واني ادير بوجهي وهو يضحك

نَســـــرة : وخر ضرغام..

ضرغام : يبعدو يبعد اسمو ونضر عينو..

نَســـــرة : شعندك أجيت..

ضرغام : ما يهون علي اعوفج متكدرة مني وكلبي
إجالج يركض گبلي ..

كتفت اديه ودرت وجهي ع المغسله صافنة عليها
ضرغام : شو دحكيلي اميرتي ليش زعلانه علي شسويتلج..

نَســـــرة : ما زعلانة..

ضرغام : عجل شبيهن عويناتج الاحبهن ليش ضايجات..

من كلي هيج هي چانت الدمعة معلكة بطرف رمشي
بجيت دنك راسة لراسي وهو يحجي

ضرغام : له له ضَنـــــه گلبي ليش تبچيهن ..

يمسح دموعي واني اوخر ب ايده وامسح وجهي حيل

ضرغام : شجاريلج بنيتي عليش مهضومة..

نَســـــرة : ما احبك..

ضحك وهو يبوس الدمعة التنزل من عيوني

ضرغام : ليش الحلو ما يحبني..

نَســـــرة : مادري بس ماحبك امشي روح ..

ضرغام : وين أروح وأنتِ ولايتي الحنينة..

مديت ايدي ردت افتح الباب
لزمها وخلاها ع ركبتة كبل نزلتها

ضرغام :شلون اراضيج..

نَســـــرة : أكله مو زعلانة يكلي شون اراضيج ..

ضرغام : ادري ما زعلانة
وأدري تاتدللين علي چيف تدرين بمعزتج عندي بس كليلي
شسوي وارضيج ..

نَســـــرة : مو ادلل عليك ولا زعلانة منك وهاهيه روح
اريد انام نعست..

رفع ايده لشعري يريد يوخر القراصة
لزمت ايدة ما خليته يفتحها

ضرغام : نزليها لا...

نَســـــرة : لا شنو كمل؟..

ضرغام : نزليها لا ابوسها..

كَوة ضميت الضحكة عبالي جاي يهدد بيه من كلي نزليها لا
فتح القراصة وفرد شعري ع متوني

ضرغام :

يَواهس تضحك الدنيا علىٰ شَفافكّ
يَـــبو اللَيـــل الحلو اليلعب علىٰ چتافك..

كاله ودنك لركبتي يبوس بيها
حرَورة انفاسة بكل مرة يسويها يخربط احوالي

خليت ايدي ع صدرة عود اريد ادفعة
وخر راسة باوع لايدي وابتسم تك خد

ورجع راسه ع الجهه الثانيه وهو يخلي شفايفه
ع ركبتي احس لحيته اذتني

تمللت وحجيت
نَســـــرة : لحيتك اذتني..

رفع وجهه وهو عيونة يلمعن

ضرغام : عَطر نحرج مالو مثيل عندي
شما اشمو احس ريتي تريد أكثر..

احس الخجل ملة تفاصيل وجهي
دنكت العب بمقدمة اصبعي

نَســـــرة : كافي روح..

ضرغام : أخذج وياي؟؟..

رفعتلة حاجبي وسويت حركتة
نَســـــرة : چؤ..

ابتسم

ضرغام : اعشك سوالفج..

نَســـــرة : وأني اكره سوالفك..

ضرغام : ليش ابوية انتِ..

نَســـــرة : توديني ع دكتور وأدوية ومدري شنو..

ضرغام : عجل غير اخاف اعله عافيتج شمخلي بجيبي انه؟ ..

نَســـــرة : ماتحمل هيج ترة مو مريضة والدكاترة بعد
ما اخطى عيادتهم لو مدري شيصير طلعت روحي كافي..

ضرغام : يول اسم الله اعله طولج من المرض منهو الكال أنتِ مريضة..

نَســـــرة :لعد والأدوية شنو تضحك عليه طفله كبالك اني؟؟..

ضرغام : يعني شنو ماكو بشر ياخذ فيتامينات؟
يعني كل الاخذهن هو مريض؟ ..

نَســـــرة : شعلية بالياخذوهم المهم اني بعد ماريد
واذا بعد سويتها واخذتني لدكتور حلم تشوفني ..

ضرغام : ههههههه اويلي ع الكاعدة تهدد برجلها..

نَســـــرة : ما اهدد حذرتك اني بعد..

رفع حاجبة مبتسم لف شعري ع اصابعة وهو يكول
ضرغام : والله وكدرتيلي ..

نَســـــرة : غير سميتوني نَســـــرة ..

ضرغام : هههههه ونعم يابة ونعم كفو من عيونج الجابني ..

ابتسمت وباوعت بعيونة كتلة
نَســـــرة : بعد لا تجي هواي جاي تجي بليل واخوتي موجودين..

ضرغام : عجل غير أنتِ ضَنـــــه گلبي واذا بليل اجي قابل شكو؟..

نَســـــرة : يعني اذا هسة كعدو اخوتي وشافو حالنة شتكلهم..

ضرغام : اكلهم بتكم ما تخاف الله بية
وهالتشوفون وانه رجال ع كد حالي وهيه عيني عينك تهدد بية
بشوفة محبوب كلبي ترضونها؟ ..

ضحكت
نَســـــرة : مكرود اصلآ واني ظالمتك ها؟..

ضرغام : كلش ظالمتني..

نَســـــرة : اي ضالمتك وبعد طلعن السوالف طلعهن شعندك..

رفع ثنين ادينه يضحك وهو يكول
ضرغام : شعندي بطرك هالرََوح وأنتِ سابيتهه ..

نَســـــرة : اخذ روحك وروح يلة الوقت تأخر ..

ضرغام : يعني انه ما عشت هاي السوالف بالعشرين
تالي تجي نَســـــرة بتالي العمر مخليتني اتختل وياها بتالي الليل..

ضحكت
نَســـــرة : هههههه ترة ما عاتبة عليك تجي..

ضرغام : غير مرتي زعلانه واجيت راضيتها..

نَســـــرة : وين راضيتني شراضيت..

غمزلي وهو ويضحك
ضرغام :ها تردين بعد.. ؟

نَســـــرة : شريد..؟

ثبت ادينه براسي من ورة وقرب جسمي ع جسمة
وخلة راسة يم ركبتي وباسني حيل احس جسمي اختض

غمضت عيوني ومسبلة ادية اريد اوقفة ماكدر
استجمعت قوتي ودفعتة حيل
احس حيلة صار ضعيف كوة واكف كبالي
وخر عني وهو عيونة ذبلن حت رموشة بين طولهن

ضرغام : مو كتلج الزعلانين نراضيهم بوس..

صفن بعيوني نزلت راسي خجلانه
اريد اشرد كلي

ضرغام : اريد اخصمها شوكت نتزوج
ترة هذا كل صبري اوياج هاهي بَعد صار سنين..

الارتباك والخجل لسا بيه كوة طلعت من الحجاية

نَســـــرة : مو هسة..

ضرغام :شني تردين نجدد بعد چم سنة فوك المرن .. ؟

نَســـــرة : لا مو هيج اقصد..

ضرغام : عجل شتكصدين أنتِ ما تلاحظين؟ شاتل روحي ابابكم
كل ليلة انه هينة! .

نَســـــرة : يعني شنو.. ؟

ضرغام : يعني كافي خل نفضها ونتزوج وحتى
هساع إذا أخذج واشرد محد يحجي لأن مرتي
شرعا وقانونا فنو اليفك حلكو بس غير انه مخليج اعله مايج..

________

وللحكاية البقية ♥️✨

شنو رأيكم بالبارت..؟

وشنو توقعاتكم للبارت القادم َ.؟

علقن يالحياية 😂 مو تغلسن و تقرن ع الصامت
صايرات عاقلات حت خبالاتجن ماهيه بتعليقات..

✨أختكم هُـــــيام✨