Plot : Akshara in an emotional moment told to Abhi that Abhir is his son. At that time Manjari was also present there. At first she never believed that this can be truth. So decided to go with a DNA test because right now according to Akshara itself she is married to Abhinav and this means that Abhir can be Abhinav's child also. Akshara was not at all ready she started saying that it was a mistake in her part to say so. But like always when Manjari Devi is present there Abhi can never listen to Akshara. He gave deaf ears to her and opted for DNA. When DNA report came it was proved that the father to Akshara's child is Abhimanyu only. And as we all know that how much manipulative Manjari can be she manipulated Abhi to keep Abhir with her. Just like she manipulated Aarohi to keep Roohi with her. Now the mother in her wants her Abhi's son also. She took Abhimanyu with her to Goenka House to confront Akshara who was all set to leave for Kasauli. As she knew when DNA reports will come it will be proved that Abhir is Abhimanyu's son. So just to save her son from the toxic environment she wanted to flee away with him.
Now the story :
Man : Ek baar phir bhaagne ki taiyyari me ho Akshara. Last baar hume to bataya bhi nahi ki ek bachha jinda hai. Chup chap jaake Abhinav ko uska baap bana diya. Mere Abhimanyu ka kya? Usko uske bete ke baare me pata bhi nahi hai. Aur na hi uske bete ko pata hai ki uska DOCMAN hi uska baap hai. Kya kya chheenogi humse. Jab bhi humari jindagi me aayi kuch na kuch chheena hai humse. Abhi bhi chheen ke jaa rahi ho.
Ab : Maa aap please shaant ho jaaiye. Aaram se baith ke baat karte hai. Kuch solution nikal jaayega sayad.
Man : Solution to tab niklega na jab ye ladki chahegi. Isko to har baar bhagna hota hai.
Ak : Grrrrrrrrrrr................
Man : 🙄🙄🙄🙄
Ak : Ho Gaya aapka gyaan aur bhashan. Ya kuch aur bacha hai. Aur kuch ilzaam lagane hai. Ya ab finally aapka ho gaya.
Ab : Akshu ye kaise baatein kar rahi ho Maa se.
Ak : First it's Akshara. Second ye aapki maa hai meri koi nahi. To agar ye mujhpe ilzaam lagayengi to main bolungi, apni baat rakhungi aur agar ye meri respect nahi kar sakti to main bhi inhe respect nahi de paaungi. Aur third aap Doctor Birla mujhe majboor nahi kar paayenge. Mujhe apne pyaar ka vasta dekar majboor karne ka haq aap usi din kho chuke hai jis din aapne mujhse apne rishte ko toda tha. Rishta aapne toda maine uski cheeta jala di. Ab jo ye Akshara aap sab ke saamne khadi hai na wo us cheeta ki aag se nikali hai naya janm lekar. Ispar ab agar koi ungali uthayega na to use muh tod jawaab milega. Lekin filhaal main aap sab ke liye answerable nahi hu. To please excuse me.
Man : Tum is baar bhaag nahi sakti Akshara.
Ak : Excuse me. Aapka tape recorder ek hi jagah atak jaata hai kya? Bhaag nahi sakti main? Kisne kaha bhaag Rahi hu. Kasauli jaa rahi hu apne ghar. Waha jaha meri duniya hai. Ab kya apni duniya me jaane ke liye bhi mujhe aapki izazat ki jarurat padegi. Kis haq se aap mujhe verdict suna rahi hai? Kya lagti hai aap meri? Agar mere Bade Papa ne , Badi Mumma ne , Mimi ne , Kairav Bhaiya ne yaha tak ki Aarohi ne bhi roka hota na to samajh me aata kyu ki unka rishta hai mujhse aaj bhi. Aap hoti kaun hai mujhse sawaal jawaab karne wali? Aur har baar bhaag jaati hu se kya matlab hai aapka? Last time main bhaagi thi ? Ya mujhe faisla sunaya gaya tha? Chali jaa tu yaha se. Jaha bhi tum hoti ho waha sab se kuch na kuch chheen jaata hai. Mera is rishte ko second chance Dena ek galti tha. Bell ring kara ya kuch aur yaad dilana hoga. Kamaal hai na baat na maano to problem hai baat maan lo to bhi problem hai. Are mujhse hi problem hai to sabse badi problem ko hi to door kar diya khush rahiye na. Ya ab bhi chain nahi aapko. Meri khushi dekh kar jalan ho rahi hai ki main khush kaise reh sakti hu.
Man : Haa to galat kya kaha tha maine aur mere bete ne. Maine Teri wajah se apna bachha kho diya. Mere bete ne apne bachhe ko kho diya. Aur ab ek baar phir Teri wajah se apna pota bhi nahi kho sakti isiliye aayi hu tujhse sawaal karne. Aur tujhe mera jawaab dena hoga. Kis haq se tune mere bete ko uske bachhe se alag rakha? Kis haq se kisi aur ko uska baap bana diya?
Ak : Okay to aapko jawaab chahiye. Chaliye phir . Start karte hai court ki hearing. Abhinav ji. Aap uper jaaiye aur dhyaan rakhiye ki Abhir neeche na aa jaaye. Main nahi chahti ki mere bachhe ke nazar me kisi ke liye bhi nafrat ho. Wo bahut respect karta hai apni GWG aur DOCMAN ki. Itne chhote se bachhe ke man me nafrat ka beej nahi daalna chahti main.
Abhinav: Ji Akshara ji. Main jaata hu.
Man : Please Akshara. Ab humare saamne ek achhi maa hone ka dhong mat kar. Agar itni hi achhi Maa hoti to use uski khushiyon se door nahi rakhti. Mera pota ek bhare poore pariwar ke hote huye akele pala hai. Use har ek cheez ke liye tadapna padta hai kyu ki tum dono apne income se uski jaruratein puri nahi kar sakte.
Ak : Ohhhhh......... Ek min Mrs Manjari. Jarurat aur jidd me ek bahut hi thin line hoti hai. Lekin use differentiate karna bahut jaruri hota hai. Just because wo mera beta hai main uski har ek jidd puri nahi kar sakti. Lekin iska matlab ye bilkul bhi nahi hai ki uski jarurat Puri nahi karti. Lekin kise samjha rahi hu main aur kyun . Aapka to har ek cheez ke liye najariya hi alag hai. To aapka najariya change karne me na hi mujhe interest hai aur nahi mere paas utna waqt hai ki main aapke peeche jaaya karu use. So Excuse me. Meri flight hai.
Man : Puri baat khatam kiye bina yaha se kaise jaa sakti ho Akshara tum? Mere bete ko uske bachhe se door kyun rakha tumne? Hai koi jawaab.
Ak : Us bachhe se jiske is duniya me aane se pehle hi uske baap ne reject kar diya.
Ab : Kya bol rahi ho tum Akshu. Maine kab reject kiya usko.
Ak (smiling sarcastically) : As expected. Sab kuch karke bhul jaana Birla's ki purani habbit hai. Apni galti Maan lenge to Birla's thodi kehlayenge. Galat to har waqt bas Akshara hoti hai. How can I forget this. Mere yaha se nikalne ke baad aapko lagatar ek week tak call kiya maine. Maximum times call reject hua. Aur jab uthaya bhi gaya to meri baat sunne ki jarurat mehsoos nahi ki aapne. Bas apna faisla suna diya ki aapko na hi mujhme interest hai na hi meri kisi baat me. Are humare rishte ka gala to aapne pehle hi ghont diya tha. To itni bhi respect less to nahi hu na ki jise nakar diya gaya ho us rishte ke liye aapke aage gidgidati. Jis din phone kar rahi thi us din mujhe ye pata chala tha ki humare dono babies me se ek baby jinda hai. Twins me se ek baby bach gaya tha. Aur itna sab kuch hone ke baad bhi. Jaise hi mujhe ye news mili. Jo sabse pehla naam meri jubaan se nikla wo pata hai kiska tha. Abhi. Ye good news sabse pehle tumhe dena chahti thi. Ek baar nahi baar baar kai baar phone kiya. Yaha tak ki Abhinav ji jo aapko jaante tak nahi the main behosh thi tab unhone bhi try kiya to unse saaf saaf keh diya gaya. Ki Doctor Birla ko na hi mujhse koi matlab hai na hi mere bachhe se.
Ab : Akshu koi confusion hai. Abhinav ne mujhe baby ke baare me kuch nahi bataya. Usne bas itna kaha ki agar baat baby se related ho to bhi nahi sununga main. Abhi just hi apne babies ko khoya tha maine. Baby ki baat sunte hi gussa trigger kar gaya aur maine puri baat nahi suni. Is baat ki saja to nahi de sakti na.
Ak : Wow. (Clapping ) Nahi bilkul nahi aapko saja dene ka haq kaha hai mere paas. Saja to sirf Birla's de sakte hai. Insaaf to sirf aap hi kar sakte hai right. Aur Mrs Manjari ne abhi mujhse pucha na ki main Abhinav ji ko Abhir ka baap kaise bana sakti hu to aapko bata doon. Mere banane se pehle hi Abhir se Abhinav ji ka rishta jud gaya tha. Aaj jis pote pe haq jatane aayi hai na aap. Wo is duniya me hota hi nahi agar Abhinav ji ne aage aake support nahi kiya hota. Complicated pregnancy thi na meri. Aise me ek ladki akeli thi. Na kaam ka koi bharosa na rehne ki koi jagah. Kisne help ki meri. Wahi driver ne jise aap abhi kos rahe ho. Unhone ek behosh padi ladki ko bus se nikal kar hospital pahuchaya. Use arrest hone se bachaya jab use kothe wali (sex worker) samajh ke police wale lekar gaye the. Kaam dhundhne me madad ki. Lekin jab workplace me molest karne ki koshish ki gayi to us insaan ka muh bhi toda. Lekin haa ye sab to unhone mere liye kiya usse aap logo ko kya. Lekin ye kabhi socha hai agar ye nahi hote to aapke bete ke bachhe ki maa ke saath kya hota. Bus se nikal ke kahi raste me fenk dete. Police wale arrest kar lete tab aapka pota jail me paida hota. Uske baad pata hai ek baar bhi kuch bhi kaam nahi karne diya. Meri har jarurat ko chahe wo fruits ho ya meri medicines har ek cheez ko manage Kiya. 7ve mahine me paida hua mera Abhir. Us waqt apni parwah na karke mujhe hospital pahunchaya. Aur jab main lagatar char din tak behosh rahi delivery ke baad to Abhir ka khayal rakha. To is insaan ne mere liye itna sab kuch kiya haa diya use maine haq apne bachhe ka baap kehlane ka. Aur apne us bachhe jise uske paida hone ke pehle hi mara hua maan liya gaya tha uski maa hone ke naate main uski jindagi ka faisla kar sakti hu. Wo sirf mera beta hai. (Looking towards Abhimanyu) Aur kisi ka nahi. Ab agar explanations ka kaam ho gaya to kya main jaa sakti hu.
Man : Tum mere bete se uska haq nahi chheen sakti Akshara. Us bachhe pe uska bhi haq hai. Uske saath mere bete ke rishte ne mere bete ko uspe haq bhi diya hai.
Ak : Karma Mrs. Manjari. Karma. The karma hits harder than anything else.
Man : Kya matlab hai tera.
Ak : Abhimanyu ka pita hone ke naate Sir ka bhi Abhimanyu pe haq tha. Lekin victim card play kar kar ke aapne apne bete ke man me uske hi pita ke khilaf itna zehar bhar diya ki aapke bete ne unse baap kehlane ka haq chheen liya. Sir bulata hai apne baap ko. Kya pata ye jo situation aaj khadi huyi hai aapke karmo ka phal ho. Galati aapne kari saja aapke bete ko mil rahi hai. Atleast maine ab bhi apne bete ke dil me aapke bete ke liye nafrat nahi bhari hai. Sochiye agar Abhinav ji uske pita nahi hote aur school me jab usse uske baap ke naam par chidhate bachhe aur wo mujhse puchta ki Mumma mere Papa kaun hai? Aarohi ki shaadi Abhimanyu se bhi aap isi wajah se karwa rahi hai na ki Roohi ko uske baap ka naam mil sake. Kyu ki uske pita is duniya me nahi hai. To aap mujhe bataihe tab main use kya batati. Ye batati ki uske pita is duniya me nahi hai. Jeete ji maar deti use. Ya phir ye kehti ki uske pita ne uski Maa ko uske paida hone se pehle hi chhod diya. In dono situation me ek me to aapke bete ke baare me jaan hi nahi pata aur dusre situation me apne baap se nafrat karta. Aap bataiye kaun sa situation manjoor hai aapko. Kyu ki jab mujhe saaf sabdon me keh diya gaya tha ki tum wapas laut ke kabhi mat aana to main itni giri huyi to nahi hu ki wapas se aap logo ki jindagi me aaun. Aur abhi bhi main aap logo ke yaha laut ke nahi aayi hu. Apne ghar aayi hu. Lekin wo kya hai na kuch logo ko duniya me har ek cheez se dikkat hai. Are aapka bas chale to aapko mere saans lene se bhi dikkat hogi. Lekin you know what for a change. Jis jagah aap dono khade hote ho us jagah mujhe saans lene me problem hoti hai. Aap log ka is ghar me aana to nahi rok sakti main kyu ki kisi na kisi tarah is ghar se connected ho hi aap log. To isliye main khud hi yaha se jaa rahi hu. Taaki aap dono ka chehra na dekhna pade. Us hawa me saans na lena pade jaha aap dono saans lete ho. (Shouting) Abhinav ji , Abhir chaliye flight ka time ho raha hai. (To Manjari) ummeed hai ab aapko koi jawaab nahi chahiye mujhse. Aur chahiye bhi to apne sawaal apne paas rakhiyega. Aapko aapke haq se jyada jawaab de chuki hu main. Ab isse jyada ka expect mujhse mat kijiyega. Chalti hu. Is baar bas yahi ummeed hai ki jindagi me phir kabhi aap se Saamna na ho.
And with this Akshu left Manjari and Abhi. One with no emotions at all (you know who) and one with guilt because he knows that this time he was wrong.
This OS is my version. And includes completely my thoughts. I am not supporting Akshara for her decision of making Achha Aadmi the father of her baby. She could be a single mother to her child. Kyu ki ek ladki ko apne bachhe ko palne ke liye kisi mard ki jarurat nahi padti hai. But still if this is the case in the show. There have to be some explanation aur logic to this 😂😂😂😂😂.
Please don't bash me for this. Do hit like and also comment of you think that my logic is reasonable.