[Unicode]
အပိုင်း ၄၃၁ ဖောက်ထွင်းမြင်နိုင်မှု
'ဘာလို့ စောစောက မပြောတာလဲ!'
ယွီရှောင်ချောင်းက သူမ၏စိတ်ထဲတွင် မျက်လုံးလိမ့်လိုက်ပြီး အဝေးတွင် ရပ်နေသော မိန်းမစိုးအား ရေသန့်တစ်အိုးကို ယူလာဖို့ ထပ်အမိန့်ပေးလိုက်သည်။ သူမက လက်ကောက်ဝတ်မှ အံ့ဖွယ်ကျောက်တုံးကို ချွတ်ကာ ရီရှင်းရွှံ့လက်ဖက်ရည်အိုးအား ရေစုပ်ယူနိုင်ရန် ရေထဲတွင် တစ်ခဏကြာ စိမ်ထားလိုက်ပြီးနောက် မြေစေးမီးဖိုငယ်ပေါ် တင်လိုက်သည်။
[ရီရှင်းရွှံ့လက်ဖက်ရည်အိုး - ရှီရှင်းရွှံ့စေး (ခရမ်းရောင်သဲ)ဖြင့် ပြုလုပ်ထားသည့် လက်ဖက်ရည်အိုး]
“မင်းရဲ့ကျောက်တုံးက သန့်ရော သန့်ရဲ့လား? အဲ့ရေသောက်လိုက်လို့ ဒီကိုယ်တော် ဗိုက်နာသွားနိုင်လား?”
ကျူးကျွင်းဖန်က ဘာမှမဟုတ်ဘဲ ရေးကြီးခွင်ကျယ် လုပ်နေသည်။ သူက ရှောင်ချောင်း၏ လှုပ်ရှားမှုများကို ကြည့်လိုက်ပြီး အံ့ဖွယ်ကျောက်တုံးက ဝိညာဉ်စွမ်းအားထုတ်နိုင်ရန် ရေထဲတွင် ထည့်ထားဖို့လိုအပ်သည်ဟု သဘာဝကျကျ ယူဆလိုက်သည်။
ရှောင်ချောင်းက ပြန်ချေပဖို့ သူမပါးစပ်ကို မဖွင့်ခင်မှာ အံ့ဖွယ်ကျောက်တုံးလေးထဲက ရွှေရောင်အလင်းတန်းတစ်ခု ထွက်လာသည်။ ၎င်းက လူတစ်ယောက်၏ လက်ဖဝါးလောက်ရှိတဲ့ ရွှေဝါရောင်ကြောင်လေး တစ်ကောင်အဖြစ် ပုံပြောင်းလိုက်ပြီး စားပွဲပေါ်တွင် ရပ်နေသည်။ အံ့ဖွယ်ကျောက်တုံးလေးက ဝတုတ်တုတ် ကလေးလေး ပုံသဏ္ဍာန်ထက် ဒီကြောင်ပုံသဏ္ဍာန်ကို ပိုသဘောကျပုံရသည်။
"တုံးအလိုက်တဲ့ လူသားတွေ! ဒီအံ့ဖွယ်ကျောက်တုံးလေးရဲ့ ချိုးရေက မင်းတို့ခန္ဓာကိုယ်အပေါ် အမြဲ ကောင်းမွန်တဲ့ အကျိုးသက်ရောက်မှုပဲ ရှိတယ်... ဘယ်လိုလုပ် ဝမ်းလျှောတာက အဆုံးသတ်ဖြစ်နိုင်မှာလဲ? မင်း မသောက်ချင်ရင်တောင် မင်းအစား ဝင်သောက်ဖို့ တန်းစီနေတဲ့လူတွေမှ တစ်ပုံကြီးပဲ!”
ရွှေဝါရောင်ကြောင်လေးက ပျင်းရိစွာ ရှေ့သို့ထွက်လိုက်ပြီး ပါးစပ်ကို ဖွင့်ပိတ်လုပ်လိုက်သည်။ ထိုစကားသံကို ရှောင်ချောင်းနဲ့ ကျူးကျွင်းဖန်တို့ကသာ ကြားရသည်။
ကျူးကျွင်းဖန်က မြေစေးမီးဖိုပေါ်မှ ပူနွေးလာသော ရီရှင်းရွှံ့လက်ဖက်ရည်အိုးကို ကြည့်လိုက်သည်။ ခွေးကန်ထဲရော က်သည့်နှယ် သူ့မျက်နှာပေါ်ရှိ အမူအရာမှာ ရွံ့ရှာမှုတို့ ရှိနေသည်။
“ဘာ? ဒါ မင်းရဲ့ချိုးရေတွေလို့ ပြောလိုက်တာလား? အဲ့ဒါက နည်းနည်းတော့ ရွံစရာဖြစ်မနေဘူးလား? မင်း နောက်ဆုံး ရေချိုးဖြစ်တာ ဘယ်လောက်ကြာခဲ့ပြီလဲ?"
“ငါလို အံ့ဖွယ်ကျောက်တုံးက မင်းလို ညစ်ပတ်တဲ့ လူသားတွေလိုများ ထင်နေတာလား? ဘာ? ကျန်းမာရေးနဲ့ မညီညွတ်ဘူး ဟုတ်လား? ဟမ့်! ဒီအံ့ဖွယ်ကျောက်တုံးက နေ့တိုင်း ရေချိုးတယ်… တစ်နေ့တည်းတင် အကြိမ်ပေါင်းများစွာ ချိုးဖြစ်တဲ့နေ့တွေတောင် ရှိသေးတယ်!”
အံ့ဖွယ်ကျောက်တုံးလေးက နဂိုကတည်းက ရေကြိုက်ပြီး အနီးနားရှိ ရေရင်းမြစ်များ သို့မဟုတ် ရေတွင်းများသို့ မကြာခဏ ရေစိမ်ဖို့ အပြေးသွားလေ့ရှိသည်။ လက်ရှိတွင် သူက သူ၏ဝိညာဉ်စွမ်းအင်ကို ကောင်းစွာ ထိန်းချုပ်ထားနိုင်ပြီ ဖြစ်လို့ သူ့စွမ်းအင်အား အမှတ်မထင် ထုတ်လွှတ်မိတာမျိုး မဖြစ်တော့။ သူ့သခင်၏ အမိန့်မရမချင်း သူသည်လည်း မည်သည့်စွမ်းအင်ကိုမှ ထုတ်မလွှတ်ပေ။
သို့သော်ငြား ကျူးကျွင်းဖန်မှာ ထိုရှင်းပြချက်ကို ကွဲပြားသည့် ပုံစံတစ်မျိုးဖြင့် နားလည်သွားသည်။ သူ့စိတ်ထဲတွင် ရှောင်ချောင်းမှာက ကောက်ပဲသီးနှံတွေ ကောင်းစွာကြီးထွားစေရန် နေ့စဉ်တိုင်း အံ့ဖွယ်ရေကိုဖန်တီးဖို့ အံ့ဖွယ်ကျောက်တုံးလေးရှိသည်။ ဒီကျောက်တုံးသေးသေးလေးက အံ့ဖွယ်ကျောက်ရေကို လုံလုံလောက်လောက် ရဖို့အတွက် အရမ်းကြိုးစားနေရတဲ့ ပုံပဲ။ ကြည့်ရတာ ဒီအံ့ဖွယ်ကျောက်တုံးက အတိုင်းအဆမဲ့ အစွမ်းအစမျိုးတော့ မရှိပုံရသည်။ အံ့ဖွယ်ကျောက်တုံးလေး၏ စွမ်းရည်များက သူထင်ထားသည်နှင့် အလှမ်းဝေးနေသောကြောင့် သဘာဝကျကျပင် ထိုရတနာကို သူကိုယ်တိုင် သိမ်းထားလိုသောဆန္ဒမှာ ပျောက်ဆုံးသွားတော့သည်။
သူ အတွေးထဲ မျောနေစဉ်မှာ လက်ဖက်ရည်အိုးထဲကရေက နောက်ဆုံးတော့ ပွက်ပွက်ဆူလာသည်။ ရေအေးအောင် စောင့်ပြီးနောက် လက်ဖက်ရည်နှပ်သည့် လုပ်ငန်း စတင်တော့သည်။ လက်ဖက်ရည်ကို မမြည်းစမ်းနိုင်ခင်မှာပင် နူးညံ့ပြီး စွဲဆောင်မှုရှိသည့် ရနံ့တစ်ခုက လေထဲ ပျံ့နှံ့လာသည်။
အသုံးပြုထားသော လက်ဖက်ရွက်တို့မှာ အရည်အသွေးအမြင့်မားဆုံး အူလုံနှင့် တဟုန်ဖောင်တို့ ဖြစ်သည်။ ထိုလက်ဖက်အရွက်များကို မြင့်မားသော ချောက်ကမ်းပါးပေါ်တွင် ပေါက်ရောက်နေသည့် နှစ်တစ်ထောင်ကျော် သက်တမ်းရှိသော နှစ်ချို့လက်ဖက်ပင်မှ ကောက်ယူထားသည်ဟု ဆိုကြသည်။ ထိုလက်ဖက်ရွက်များကို လှော်ပြီး ဓာတ်ပေါင်းဖို့ ရှုပ်ထွေးသောလုပ်ငန်းစဉ်များ ဆောင်ရွက်ပြီးနောက်မှ သူတို့က တစ်နှစ်လျှင် လက်ဖက်ခြောက် အချောထည် နှစ်ကျင်းခန့်သာ ရရှိတာဖြစ်သည်။
ဒုတိယအကြိမ်နှပ်ထားသည့် တဟုန်ဖောင်မှာ ပိုနူးညံ့လာပြီး အရသာ ပိုကြွယ်လာပုံရကာ ၄င်း၏ အနံ့မှာလည်း အနည်းငယ်ပိုသင်းလာသည်။ ကျူးကျွင်းဖန်က ဒီလက်ဖက်ရည်အတွက် အသုံးပြုသော ရေမှာ နည်းစနစ်ကျကျ အံ့ဖွယ်ကျောက်တုံးလေး၏ ချိုးရေဖြစ်သည်ဟူသောအချက်ကို လုံးလုံးမေ့လျော့နေလေပြီ။ သူက လက်ဖက်ရည်၏ ရနံ့ကို ခပ်ဖြည်းဖြည်း ရှူသွင်းလိုက်ပြီး တစ်ကျိုက်မြည်းစမ်းလိုက်သည်။ လက်ဖက်ရည်၏ စင်ကြယ်သည့် အရသာမှာ လူတစ်ယောက်အား မရပ်တန့်စေဘဲ ဆက်သောက်ဖို့ ပြောနေသလိုပင်။
"အင်း… ဒီ အရသာပဲ!”
ထိုလက်ဖက်ရည်တစ်ခွက် သောက်ပြီးတာနဲ့ ကျူးကျွင်းဖန်က ကိုယ်တိုင်ကိုယ်ကျပဲ ဒုတိယတစ်ခွက် ထပ်ထည့်လိုက်သည်။ တတိယအကြိမ် နှပ်ထားသည့် လက်ဖက်ရွက်မှ ဖျော်စပ်ထားသော လက်ဖက်ရည်မှာ ဒုတိယခွက်ထက် လုံး၀ကို အနံ့အရသာပိုပြေပြစ်ပုံရတယ်။
ဧကရာဇ်က လက်ဖက်ရည်သောက်တဲ့ထဲ စျာန်ဝင်သွားကာ သူ့အမိန့်ကိုစောင့်ဖို့ ဘေးတွင်ရှိနေဆဲဖြစ်သည့် ရှောင်ချောင်းကို မေ့သွားပုံရသည်။ ဧကရာဇ် တတိယမြောက် လက်ဖက်ရည်ခွက်အား သောက်ပြီးကြောင်း အတည်ပြုပြီးနောက်မှ ရှောင်ချောင်းက သူမပါးစပ်အား ဖွင့်ဟလာသည်။
"ဧကရာဇ်မင်းမြတ်, ဒီအရာရှိကို ဆင့်ခေါ်လိုက်ရတဲ့ ရည်ရွယ်ချက်က ဒီလက်ဖက်ရည်အိုးကို ဖျော်စပ်ဖို့ တစ်ခုတည်းအတွက်တော့ မဟုတ်ဘူးမလား?”
"သေချာတာပေါ့… ဘယ်ဟုတ်ပါ့မလဲ!”
နောက်ဆုံး ကြွေခွက်ကို တုံ့ဆိုင်းစွာ မချလိုက်မီ နောက်တစ်ခွက်ကို သူသောက်လိုက်ပြီး ဆိုလိုက်၏။
"ကျွင်းယန် ပို့လိုက်တဲ့ သဝဏ်လွှာတွေကို ငါကိုယ်တော်ဖတ်ပြီးပြီ... အဲ့ဒါတွေကို ပို့လိုက်ဖို့ တောင်းဆိုခဲ့တာ မင်းမလား?"
“ဟီးဟီး… တော်ဝင်စိုက်ခင်းတွေရဲ့ အနီးတစ်ဝိုက်က တောင်တွေမှာ ဘာမှမစိုက်ပျိုးထားဘဲ ဒီအတိုင်း တောင်လွတ်ကြီးတွေဖြစ်နေတာကို ကျွန်မမြင်လိုက်ရတယ်… အဲ့ဒါက အရင်းအမြစ်တွေ ဖြုန်းတီးရာ ရောက်တယ်လို့ တွေးမိလိုက်ပြီး ကျွန်မက အကျိုးရှိတာတစ်ခုခု လုပ်ချင်လို့ပါ! အဲ့ဒီတောင်တွေပေါ်မှာ စိုက်တဲ့ သီးနှံတွေသာ ဖြစ်ထွန်းခဲ့ရင် ကျွန်မက အရှင့်ကို ဝေစုထပ်ပေးမှာပေါ့!”
ယွီရှောင်ချောင်းက သူမမျက်နှာပေါ်မှ မြှောက်ပင့်လိုသည့်အပြုံးဖြင့် နားချလိုက်သည်။
ကျူးကျွင်းဖန်က ထိုအကြောင်းကို များများစားစား မတွေးလိုပုံရကာ ခေါင်းညိတ်ပြလိုက်ပြီး
“ဒီကမ္ဘာမှာက အသီးအနှံမျိုးစုံ လုံလုံလောက်လောက်မရှိသလို အရသာလည်း သိပ်မကောင်းဘူး... ယန်ထိုက်စီရင်စုက ပေးပို့တဲ့ ပန်းသီးတွေက ငါ အရင်ဘဝတုန်းက စားခဲ့တဲ့ ဖူဂျီပန်းသီးတွေလောက် မကြီးသလို အရသာလည်း မရှိဘူး… နောက်ပြီး ဒီကသစ်တော်သီးတွေကလည်း အသားကြမ်းပြီး အရည်လည်း လုံလုံလောက်လောက် မရွှမ်းဘူး... ချိုလည်း မချိုဘူး... စပျစ်သီးတွေက ချိုဖို့နေနေသာသာ ချဉ်စူးနေလို့ပဲ... ပြီးတော့ ဖရဲသီးတွေ..."
“သူတို့က ချိုပေမယ့် ဖရဲသီးအသားက တစ်ခုခုလွဲ နေသေးတယ်… မင်း စိုက်တဲ့ ဖရဲသီးတွေကပဲ ငါတို့အရင်ဘဝက အသီးတွေနဲ့တူတာ… အဲ့ဒါက အရွယ်အစားလည်းကြီး… ဖရဲသီးအသားကလည်း နီရွှဲလို့… အရသာဆိုရင်လည်း အရည်ရွှမ်းပြီး ချိုနေတာပဲ! ဆိုလိုတာက မင်းက အသီးအနှံတွေ စိုက်ပျိုးတဲ့နေရာမှာ အရည်အချင်းရှိတယ်... ကောင်းပြီ… တော်ဝင်စိုက်ခင်းအနီးက တောင်ကုန်းတွေအားလုံးကို သီးပင်စားပင်တွေစိုက်ပျိုးဖို့ မင်းအပိုင် အပ်နှင်းတယ်... ဒါပေမယ့် နောင်မှာ နန်းတော်အတွက် အသီးအနှံတွေအားလုံးကို မင်းက အလကား ထောက်ပံ့ပေးရမယ်!”
"နန်းတော်အတွက် အသီးအနှံတွေပဲဆိုတော့... အဲ့ဒါက သာမန်မိန်းမစိုးတွေနဲ့ နန်းတော်အစေခံတွေ မပါဘူးပေါ့နော်?"
ယွီရှောင်ချောင်းက မျက်မှောင်ကြုတ်လျက် ထိုအခြေအနေအား ဈေးဆစ်တော့သည်။
ကျူးကျွင်းဖန်က သူမကို လက်ညိုးထိုးပြပြီး ရယ်မောဒေါသထွက်ကာ ဆိုလာ၏။
"တော်ဝင်စိုက်ခင်းအနီးက တောင်ကုန်းအားလုံးမှာ အသီးပင်တွေ စိုက်ထားရင် နန်းတော်တစ်ခုတည်း မပြောနဲ့ မြို့တော်တစ်ခုလုံးကို ထောက်ပံ့ဖို့တောင် အသီးအနှံတွေက လုံလောက်တာထက် အများကြီး ပိုနေလိမ့်မယ်… မင်းက ဘယ်လောက်ထိတောင် တွန့်တိုနေလိုက်လဲ? နည်းနည်းလေးကိုတောင်မှ အဆုံးရှုံးမခံချင်ဘူးလား?"
“မိန်းမစိုးတွေနဲ့ နန်းတွင်းအစေခံတွေ အားလုံးပေါင်းလိုက်ရင် တစ်ထောင်မဟုတ်ရင်တောင် အနည်းဆုံးတော့ ရာဂဏန်းတော့ရှိမှာပဲ... ကျွန်မသာ နန်းတော်ထဲက လူအယောက်စေ့ကို အသီးအနှံတွေ ထောက်ပံ့ရရင် ဘယ်လောက်တောင် ကုန်ကျသွားမလဲ? ကျွန်မက အသေးစားစီးပွားရေးကိုပဲ ကိုင်တွယ်နေရတော့ ဒီလောက် အများကြီးကျ အလကား မပေးနိုင်ဘူး!”
ယွီရှောင်ချောင်း၏ ခြိုးခြံချွေတာမှုမှာ ဂိတ်ဆုံးသို့ပင်ရောက်နေပြီ။
"ကောင်းပြီလေ! ဒါဆိုလည်း မင်းက သခင်တွေနဲ့ အဆင့်မြင့် မိန်းမစိုးရယ် အစေခံတွေစားဖို့ရယ်ပဲ တာဝန်ယူတော့... စုစုပေါင်းဆို လူသုံးဆယ်ကနေ လေးဆယ်ထက် မပိုဘူး... ဒါဆိုရင်ရော အဆင်ပြေရဲ့လား? မင်းအတွက် အရှုံးမရှိဘူးမလား?"
ကျူးကျွင်းဖန်မှာ အင်တင်တင်နှင့် အလျော့ပေးလိုက်ရသည်။
ရုတ်တရက် သူ တခြားအကြောင်းအရာတစ်ခုကို စဉ်းစားမိပြီး ထိုအကြောင်းအရာကို ထုတ်ပြောလိုက်သည်။
"အသီးအရွက်တွေ စိုက်ပျိုးဖို့ ဖန်လုံအိမ်အတွက်ကို ဖန်တွေချည်းသုံးမယ်ဆိုရင် အကုန်အကျများလိမ့်မယ်… အဲ့လိုဆိုရင် အတိုင်းအတာ အများကြီးထိ လုပ်နိုင်မှာမဟုတ်ဘူး... လွန်ခဲ့တဲ့ နှစ်အနည်းငယ်က ရော်ဘာတာယာတွေ ထုတ်လုပ်နည်းကို ငါ ရှာတွေ့ခဲ့တုန်းက ပလတ်တစ် အလွှာထူထူတွေ ပြုလုပ်ဖို့ နည်းလမ်းတစ်ခုကိုလည်း ထွင်ခဲ့ဖူးတယ်… ဒါပေမယ့်လည်း အဲ့ဒီပလတ်စတစ်ရဲ့ခိုင်ခံ့မှု… ပျော့ပြောင်းမှုနဲ့ ဖောက်ထွင်းမြင်နိုင်မှုတို့က သာမန်လောက်ပဲ”
“အဲ့တုန်းကတော့ အဲ့ဒါကို အရေးကြီးပစ္စည်းလို့ မယူဆထားဘူး… ပြီးတော့ ပတ်ဝန်းကျင်ကိုလည်း ညစ်ညမ်းစေတာမို့ နောက်ထပ် ထပ်မလေ့လာခဲ့ဘူး… တကယ်လို့ မင်းက ဖန်လုံအိမ်တွေမှာ အသီးအရွက်ကို ပမာဏများများ စိုက်ပျိုးဖို့ စီစဉ်ထားတယ်ဆိုရင် အလုပ်သမားဝန်ကြီးဌာနမှာရှိတဲ့ လူအချို့ကို အချိန်ပိုဆင်းခိုင်းပြီး မင်းကို ကူညီဖို့ တော်ဝင်အမိန့်ကို ငါ ပေးလို့ရတယ်... အဲ့ဒါက အလုပ်ဖြစ်လောက်မလား?"
ယွီရှောင်ချောင်းက မျှော်လင့်ထားသည်ထက် ပို၍ပင် ကျေနပ်သွားသည်။ သူမက ကြက်သွန်ဖြူ ထောင်းသလို ခေါင်းကို တဆတ်ဆတ် ညိတ်လိုက်ပြီး အသက်မရှူနိုင်ခင် ပြောလိုက်သည်။
“ပလတ်စတစ်အလွှာတွေ ရနိုင်ရင် ပိုကောင်းတယ်! အခုက နွေရာသီအစပဲ ရှိသေးတော့ ကျွန်မတို့ အလျင်မလိုသေးဘူး.. အရင်ဆုံး အရှင်မင်းမြတ်က အလုပ်သမားဝန်ကြီးဌာနမှာ လူတွေကို လက်တွေ့စမ်းသပ်မှု နည်းနည်းလောက် လုပ်ခိုင်းပြီး ပလတ်စတစ်အလွှာတွေရဲ့ ဖောက်ထွင်းကြည်လင်မှု ပိုတိုးလာအောင် လုပ်ပေးနိုင်မလားကို စောင့်ကြည့်ရင်ရော ဘယ်လိုလဲ?"
"ဟုတ်ပြီ! အားလုံးက ဒီကိုယ်တော့် စကားတစ်ခွန်းနဲ့တင် ပြီးတယ်… ဒီရှေးလူတွေကို အထင်မသေးနဲ့... တစ်ခါတလေဆိုရင် ငါက သူတို့ကို ဟိုဟို ဒီဒီ အကြံဥာဏ်လေး ပေးရုံနဲ့ ရလဒ်တွေ အများကြီးရတယ်... ဉာဏ်ကြီးရှင်တွေက ခေတ်တိုင်း ရှိပုံရတယ်!”
ကျူးကျွင်းဖန်က ဤကိစ္စအပေါ် နှစ်ထောင်းအားရစွာ ညည်းညူးလေ့ရှိသည်။ သူမှာ သူ့အတိတ်ဘဝက အင်ဂျင်နီယာ နောက်ခံရှိထားတာကြောင့် ဒီနယ်ပယ်များတွင် အရည်အချင်းရှိ တီထွင်သူများနဲ့ လုပ်သားများကို အရေးတယူ စောင့်ကြည့်ခဲ့သည်။ ထို့ကြောင့်ပင် သူ၏အုပ်ချုပ်မှုအောက်၌ အလုပ်သမားဝန်ကြီးဌာနသည်လည်း တဖြည်းဖြည်း ကျယ်ပြန့်လာပြီး အရည်အချင်းရှိသူများကို စုဆောင်းလာနိုင်ခဲ့သည်။
"ဟီး ဟီး! ဒီကနေ ကြီးမားတဲ့ ဖန်လုံအိမ်တွေကို ဆောက်နိုင်ခဲ့ရင် နန်းတော်အတွက် အသီးအရွက်တွေအားလုံးကို ကျွန်မက အခမဲ့ပေးမယ်!”
ယွီရှောင်ချောင်းက သူမ၏ ရင်ဘတ်ကို ပုတ်ကာ ပျော်ရွှင်စွာ ကတိပေးလိုက်သည်။
ကျူးကျွင်းဖန်က သူမကို စိုက်ကြည့်ပြီး အပြစ်တင် မောင်းမဲလိုက်သည်။
“မင်းက ဒီနန်းတော်ကို အသီးအရွက်တွေပဲ အလကားပေးမှာလား? မင်းဘက်က အကျိုးအမြတ်များများ ယူနေသလို မဖြစ်ဘူးလား? မင်းကို ဖန်လုံအိမ်တွေမှာ အသီးအရွက်တွေ စိုက်ပျိုးနိုင်အောင် တော်ဝင်စိုက်ခင်းက လယ်မူနှစ်ရာကို ပေးထားတယ်လေ... ဒါကြောင့် ငါတို့တွေ ဝင်ငွေကို ၄၀-၆၀ ခွဲသင့်တယ်... မင်းက ၆၀ ရာခိုင်နှုန်းယူ ငါကိုယ်တော်က ၄၀ ရာခိုင်နှုန်းယူမယ်!”
ယွီရှောင်ချောင်းက ကန့်ကွက်ခါနီးတွင် သူက ကြားဖြတ်နှောင့်ယှက်လာသည်။
“ငါ့ကို မအော်နဲ့ဦး! ငါ မင်းကို အကျဉ်းချုပ် တွက်ပြမယ်! လယ်မြေတွေ၊ ပလတ်စတစ်အကာတွေနဲ့ အလုပ်သမားတွေကို တရားရုံးက မင်းကို အခမဲ့ပေးတာ... မင်းက ကျွမ်းကျင်မှုတွေပဲ ထောက်ပံ့ပေးရုံလေ… အဲ့တာကို အမြတ်တွေအားလုံး ရတဲ့သူက မင်းတစ်ယောက်ထဲ ဘယ်လိုဖြစ်သွားရတာလဲ?"
ယွီရှောင်ချောင်းက အနည်းငယ် တွေးတောဖို့ စိတ်တည်ငြိမ်စေလိုက်သည်။ ဧကရာဇ်ပြောတာ မှန်သည်။ ဖန်လုံအိမ်မှာ ဟင်းရွက်စိုက်ပျိုးရသည့် ဗဟုသုတနဲ့ အံ့ဖွယ်ကျောက်ရေကလွဲလို့ သူမ ကြိုးပမ်းအားထုတ်ရသည်မှာ သိပ်မရှိပေ။ သို့သော်လည်း ဝင်ငွေ၏ လေးဆယ်ရာခိုင်နှုန်းကို ပေးလိုက်ရမည် ဆိုသည့်အချက်က သူမကို အနည်းငယ် မပျော်မရွှင်ဖြစ်စေသည်။
“လယ်မြေတွေက အရှင်မင်းမြတ်ရဲ့ပိုင်ဆိုင်မှု လက်အောက်မှာရှိပြီး အလုပ်သမားတွေလည်း ရှိနေပြီးသား... အရှင်မင်းမြတ်က ပလတ်စတစ်အလွှာတွေကိုပဲ ထောက်ပံ့ပေးရတာဖြစ်ပေမယ့် ဝင်ငွေလေးဆယ်ရာခိုင်နှုန်းတောင် ရချင်နေတယ်... နည်းနည်းများလွန်နေပြီ မဟုတ်လား? ဟူး..."
“ပလတ်စတစ်အလွှာနည်းပညာသာမရှိရင် ဖန်နဲ့တည်ဆောက်ထားတဲ့ ဖန်လုံအိမ်တွေကို သုံးရလိမ့်မယ်… အဲ့လိုသာဆိုရင် မင်း အရင်းပါ ပြုတ်သွားနိုင်တယ်… ဒါတောင် မင်းက အသီးအရွက်တွေ ဘယ်လောက် စိုက်ပျိုးနိုင်မှာမို့လဲ? အဲ့အတိုင်းသာသွားရင် ဝင်ငွေက ဘယ်ကဘယ်လို ဖြစ်လာတော့မှာလဲ? ဒါတွေအားလုံးကို တွက်ကြည့်ပြီးပြီလား? လောလောဆယ် မင်းကို စိုက်ခင်းထဲက လယ်မူနှစ်ရာ ပေးထားတယ်… ဒါက ပထမဦးဆုံးနှစ်ပဲ ရှိသေးတာ… ဒါသာ အောင်မြင်ခဲ့ရင် ငါတို့ ဒီထက်ပိုပြီး ချဲ့ထွင်နိုင်တယ်... တွေးရုံပဲတွေးကြည့်! တစ်နှစ်မှာ ဖန်အစား ပလတ်စတစ်ကို အသုံးပြုလိုက်ရင် ဘယ်လောက်ကွာခြားသွားမလဲဆိုတာ? ကဲ.. ဆိုပါဦး ငွေရှာစက်လေး! ဘာကပိုယုတ္တိတန်သလဲ? "
ဒီဝင်ငွေရဲ့ လေးဆယ်ရာခိုင်နှုန်းက သူ့ပိုင်ငွေအိတ်ထဲကို ရောက်သွားသော်လည်း သူက ထီးနန်းတက်ကတည်းက ငွေအမြောက်အများ သုံးပေးခဲ့တာဖြစ်သည်။ သူကိုယ်တိုင်သုံးခဲ့တဲ့ငွေက တိုင်းပြည် ပြန်ကောင်းလာဖို့နဲ့ တိုင်းပြည်စီးပွားရေး တည်ငြိမ်အောင် ကူညီဖို့ပင်။ ပထမဆုံးနှစ်နှစ်အတွင်း ကောက်ခံထားသည့် အခွန်မှ ရရှိသည့်ဝင်ငွေမှာ တိုင်းပြည်၏ အသုံးစရိတ်အားလုံးကို ကာမိရန် မလုံလောက်ခဲ့ပေ။ စီးပွားရေး အခွင့်အလမ်းတွေ ချဲ့ထွင်ဖို့ နှစ်နှစ်ကြာ ကြိုးစားခဲ့ပြီးမှသာ ဖိအားတွေ တဖြည်းဖြည်း လျော့ပါးလာခဲ့တာ ဖြစ်သည်။ ပင်လယ် ခရီးထွက်ဖို့ ပြင်ဆင်ခဲ့စဉ် သူ ရှာခဲ့သော ငွေများမှာ တော်ဝင်ဘဏ္ဍာတိုက်ကို ထောက်ပံ့ဖို့အတွက် တဖြည်းဖြည်း လျော့နည်းလာခဲ့သည်။ သူသာ ထိုဘဏ္ဍာငွေတွေကို ပြန်မစုခဲ့ရင် နောင်မှာ သူ့သားစဉ်မြေးဆက်တွေ အမွေဆက်ခံစရာ အခွံချည်းပဲ ကျန်လိမ့်မယ်!
ယွီရှောင်ချောင်းက သူမစိတ်ထဲမှာ အရာအားလုံးကို တွက်ချက်ထားပြီးသား ဖြစ်သည်။ အကယ်၍ သူမသာ ဒီဖန်လုံအိမ်များကို တည်ဆောက်ဖို့ ဖန်ကိုပဲ အသုံးပြုနိုင်ခဲ့မယ်ဆို တစ်နှစ်အတွင်း ဟင်းသီးဟင်းရွက် တစ်ထောင်ကျင်းပင် သိမ်းနိုင်လိုက်မှာမဟုတ်ပေ။ ဈေးကောင်းသော်လည်း ဝင်ငွေမှာ ထောင်ဂဏန်းမျှသာ ရှိသေးသည်။ ယခု သူမက ထိုဖန်လုံအိမ်ကြီးများကို တည်ဆောက်ဖို့ ပလတ်စတစ်အလွှာကို အစားထိုး အသုံးပြုမယ်ဆိုရင် တစ်နှစ်အတွင်း အသီးအရွက် ကျင်းတစ်သိန်းခန့် သိမ်းနိုင်လာမည်ဖြစ်သည်။ ငွေပိုရှာဖို့ ဒီအခွင့်အရေးကို မယူခဲ့ရင် သူမက မိုက်မဲတာပဲ။ ထို့ကြောင့် ယွီရှောင်ချောင်းက ဧကရာဇ်မင်းမြတ်၏ တောင်းဆိုချက်ကို အဆင့်သင့်စွာ သဘောတူလိုက်တော့သည်။
သူမ ထွက်မသွားခင် ကျူးကျွင်းဖန်က သူမကို တော်ဝင်စားဖိုဆောင်သို့သွားခိုင်းပြီး စားဖိုဆောင်အတွင်းရှိ တွင်းရေများကို ပြောင်းလဲဖို့ အံ့ဖွယ်ကျောက်တုံးလေးကို အသုံးပြုခိုင်းသည်။ ထိုမိန်းကလေးငယ် စားဖိုဆောင်မှ နောက်ဆုံးအကြိမ် ထွက်သွားစဉ်က အစားအသောက်များက သူမ ထွက်သွားပြီး နည်းနည်းကြာတော့ အရသာ ပိုကောင်းလာသည်။ မူလက တော်ဝင်စားဖိုမှူးများက ထိုမိန်းကငယ်လေး၏ ညွှန်ကြားချက်အောက်တွင် သူတို့၏ အရည်အချင်းကို မြှင့်တင်ခဲ့တာဟု သူ ထင်နေခဲ့သည်။ သို့သော်လည်း အချိန်ကာလကြာ လာပြီးနောက်တွင် တော်ဝင်စားဖိုမှူးများ ပြုလုပ်သော အစားအစာများက သူတို့၏ အရသာဟောင်းသို့ ပြန်လည်ရောက်ရှိသွားကာ ထိုမိန်းကလေးငယ်ရှိစဉ်ကလို အရသာ မကောင်းတော့ပေ။
ယခုတော့ ခြားနားချက်၏ အကြောင်းရင်းကို သူ နားလည်သွားပြီဖြစ်သည်။ အဲ့ဒါက တော်ဝင်စားဖိုမှူးတွေ အရည်အချင်း ညံ့တာကြောင့် မဟုတ်ဘူး။ ထိုအစား ရေအရည်အသွေး ကွာခြားခြင်းကြောင့် ဖြစ်သည်။ အစောပိုင်းက လက်ဖက်ရည်အိုးနဲ့ အလားတူပင်။ မိန်းကလေးငယ်က တွင်းရေအား တိတ်တဆိတ် အံ့ဖွယ်ကျောက်ရေအဖြစ် ပြောင်းလဲစေခဲ့ပြီး ရေရဲ့အရည်အသွေးအပြင် အစားအစာရဲ့အရည်အသွေးကိုပါ ပြောင်းနိုင်ခဲ့သလိုဖြစ်သည်။
ဘာပဲဖြစ်ဖြစ် သူမက တော်ဝင်စားဖိုဆောင်ထဲ ရောက်နေပြီဆိုတော့ ယွီရှောင်ချောင်းက ထိုနေရာတွင် ဟင်းပွဲ စချက်တော့သည်။ ဒီတစ်ခါတော့ သူမ ကျွမ်းကျင်သည့် အချိုပွဲနှစ်ပွဲ ပြင်လိုက်သည်။ တစ်မျိုးက ပျားရည်ကိတ်မုန့် ဖြစ်ပြီး နောက်တစ်ခုကတော့ ကြက်ဥအလွှာမုန့်ဖြစ်သည်။ နှစ်မျိုးစလုံးမှာ ကလေးလေးတွေ သဘောကျတဲ့ အချိုပွဲတွေ ဖြစ်သည်။ သူမ တော်ဝင်ဥယျာဉ်ထဲ ရောက်တုန်းက အိမ်ရှေ့စံမင်းသားငယ်လေးနှင့်တွေ့ခဲ့ပြီး အခွင့်အရေးရှိပါက အထူးသဖြင့် သူ့အတွက် တစ်ခုခုလုပ်ပေးမည်ဟု ကတိပြုခဲ့သည်။ အခုလည်း သူမစကားအတိုင်း ကောင်းကောင်းလုပ်ရတော့မည်ပင်။
သူမက ထိုမုန့်နှစ်မျိုးရဲ့ ပြုလုပ်နည်းကို တော်ဝင်စားဖိုမှူးများအား ကိုယ်တိုင်ကိုယ်ကျ သင်ပေးနေစဉ်တွင် ဧကရာဇ်မင်းမြတ်၏ ယုံကြည်ရသည့် မိန်းမစိုးက အံ့ဖွယ်ကျောက်တုံးကို ရေတွင်းထဲသို့ လျှို့ဝှက်စွာ ထည့်ထားလိုက်သည်။ သူမ ထွက်ခွာတော့မယ့်အချိန်မှာလည်း သူမကိုပြန်ပေးဖို့ သတိတရရှိသည်။ တကယ်တော့ သူမ အံ့ဖွယ်ကျောက်တုံးကို ပြန်ယူဖို့ မေ့သွားရင်တောင် ပြဿနာမရှိဘူး။ အံ့ဖွယ်ကျောက်တုံးလေးက သူ့ရဲ့ ကျောက်တုံးကိုယ်ထည်ကို သူမဆီ အလိုလို ပြန်ယူလာလိမ့်မည်ဖြစ်သည်။
ယွီရှောင်ချောင်းက နေ့လယ်စာ စားပြီးမှာသာ တော်ဝင်နန်းတော်မှ ထွက်ခွာလာခဲ့သည်။ စားဖိုဆောင်မှာ အလုပ်လုပ်တဲ့ တော်ဝင်စားဖိုမှူးတွေက အတော်လေး အရည်အချင်းရှိကြသည်။ အံ့ဖွယ်ရေ ထည့်လိုက်သည်နှင့် သူတို့ပြုလုပ်ထားသော အစားအစာများက ယခင်ကထက် အလိုအလျောက် ပိုမိုကောင်းမွန်လာသည်။ ယွီရှောင်ချောင်းက နန်းတော်မှ မထွက်ခွာမီ သားနားပြီး အရသာရှိသည့် အစားအစာများကို အားပါးတရ စားခဲ့သည်။
ထိုနန်းတော်၏ သခင်တွေကတောင် ဒီနေ့လယ်စာကို အလွန်ပင် စိတ်ကျေနပ်သွာကြပြီး စားဖိုဆောင်အား ဆုလာဘ်တွေ အများအပြား ပေးပို့စေလိုက်သည်။ တော်ဝင်မင်းသားလေးနဲ့ မင်းသမီးလေးတို့ကလည်း ဒီနေ့ အချိုပွဲကို အလွန်အမင်းပင် ကျေနပ်အားရနေကြသည်။ အထူးသဖြင့် သူတို့က ကြက်ဥအလွှာမုန့်ကို ကြိုက်ကြပြီး စားတာကိုပင် မရပ်တန့်ချင်ကြပေ။ မနက်ဖြန်မှာလည်း သူတို့က ဒီမုန့်ထပ်စားချင်တဲ့အကြောင်း သတင်းပါးဖို့ မိန်းမစိုးတစ်ယောက်ကိုတောင် စေလွှတ်လာသည်။
တော်ဝင်မင်းသားငယ်လေးက ဒီနေ့ မုန့်များကို ယွီရှောင်ချောင်း ကိုယ်တိုင်ပြုလုပ်တာ ဟုတ်၊ မဟုတ် ဧကရီနှင့်ပင် အလောင်းအစားလုပ်ခဲ့သည်။
သူတို့ စုံစမ်းကြည့်ပြီးနောက်တွင် သူက သူ့မယ်တော်ရဲ့ အရှုံးကို ဝမ်းမြောက်စွာ ခံယူလိုက်ကာ နောင်တွင် ယွီရှောင်ချောင်းကို တော်ဝင်နန်းတော်သို့ မကြာခဏ ခေါ်ဆောင်ဖို့ သူ့မယ်တော်အား အသနားခံ တောင်းဆိုလာသည်။ အကြောင်းပြချက်ကတော့ သိသာပါသည်...
***
[Zawgyi]
အပိုင္း ၄၃၁ ေဖာက္ထြင္းျမင္ႏိုင္မႈ
'ဘာလို႔ ေစာေစာက မေျပာတာလဲ!'
ယြီေရွာင္ေခ်ာင္းက သူမ၏စိတ္ထဲတြင္ မ်က္လုံးလိမ့္လိုက္ၿပီး အေဝးတြင္ ရပ္ေနေသာ မိန္းမစိုးအား ေရသန္႔တစ္အိုးကို ယူလာဖို႔ ထပ္အမိန႔္ေပးလိုက္သည္။ သူမက လက္ေကာက္ဝတ္မွ အံ့ဖြယ္ေက်ာက္တုံးကို ခြၽတ္ကာ ရီရွင္း႐ႊံ႕လက္ဖက္ရည္အိုးအား ေရစုပ္ယူႏိုင္ရန္ ေရထဲတြင္ တစ္ခဏၾကာ စိမ္ထားလိုက္ၿပီးေနာက္ ေျမေစးမီးဖိုငယ္ေပၚ တင္လိုက္သည္။
[ရီရွင္း႐ႊံ႕လက္ဖက္ရည္အိုး - ရွီရွင္း႐ႊံ႕ေစး (ခရမ္းေရာင္သဲ)ျဖင့္ ျပဳလုပ္ထားသည့္ လက္ဖက္ရည္အိုး]
“မင္းရဲ႕ေက်ာက္တုံးက သန႔္ေရာ သန္႔ရဲ႕လား? အဲ့ေရေသာက္လိုက္လို႔ ဒီကိုယ္ေတာ္ ဗိုက္နာသြားႏိုင္လား?”
က်ဴးကြၽင္းဖန္က ဘာမွမဟုတ္ဘဲ ေရးႀကီးခြင္က်ယ္ လုပ္ေနသည္။ သူက ေရွာင္ေခ်ာင္း၏ လႈပ္ရွားမႈမ်ားကို ၾကည့္လိုက္ၿပီး အံ့ဖြယ္ေက်ာက္တုံးက ဝိညာဥ္စြမ္းအားထုတ္ႏိုင္ရန္ ေရထဲတြင္ ထည့္ထားဖို႔လိုအပ္သည္ဟု သဘာဝက်က် ယူဆလိုက္သည္။
ေရွာင္ေခ်ာင္းက ျပန္ေခ်ပဖို႔ သူမပါးစပ္ကို မဖြင့္ခင္မွာ အံ့ဖြယ္ေက်ာက္တုံးေလးထဲက ေ႐ႊေရာင္အလင္းတန္းတစ္ခု ထြက္လာသည္။ ၎က လူတစ္ေယာက္၏ လက္ဖဝါးေလာက္ရွိတဲ့ ေ႐ႊဝါေရာင္ေၾကာင္ေလး တစ္ေကာင္အျဖစ္ ပုံေျပာင္းလိုက္ၿပီး စားပြဲေပၚတြင္ ရပ္ေနသည္။ အံ့ဖြယ္ေက်ာက္တုံးေလးက ဝတုတ္တုတ္ ကေလးေလး ပုံသ႑ာန္ထက္ ဒီေၾကာင္ပုံသ႑ာန္ကို ပိုသေဘာက်ပုံရသည္။
"တုံးအလိုက္တဲ့ လူသားေတြ! ဒီအံ့ဖြယ္ေက်ာက္တုံးေလးရဲ႕ ခ်ိဳးေရက မင္းတို႔ခႏၶာကိုယ္အေပၚ အၿမဲ ေကာင္းမြန္တဲ့ အက်ိဳးသက္ေရာက္မႈပဲ ရွိတယ္... ဘယ္လိုလုပ္ ဝမ္းေလွ်ာတာက အဆုံးသတ္ျဖစ္ႏိုင္မွာလဲ? မင္း မေသာက္ခ်င္ရင္ေတာင္ မင္းအစား ဝင္ေသာက္ဖို႔ တန္းစီေနတဲ့လူေတြမွ တစ္ပုံႀကီးပဲ!”
ေ႐ႊဝါေရာင္ေၾကာင္ေလးက ပ်င္းရိစြာ ေရွ႕သို႔ထြက္လိုက္ၿပီး ပါးစပ္ကို ဖြင့္ပိတ္လုပ္လိုက္သည္။ ထိုစကားသံကို ေရွာင္ေခ်ာင္းနဲ႔ က်ဴးကြၽင္းဖန္တို႔ကသာ ၾကားရသည္။
က်ဴးကြၽင္းဖန္က ေျမေစးမီးဖိုေပၚမွ ပူေႏြးလာေသာ ရီရွင္း႐ႊံ႕လက္ဖက္ရည္အိုးကို ၾကည့္လိုက္သည္။ ေခြးကန္ထဲေရာ က္သည့္ႏွယ္ သူ႔မ်က္ႏွာေပၚရွိ အမူအရာမွာ ႐ြံ႕ရွာမႈတို႔ ရွိေနသည္။
“ဘာ? ဒါ မင္းရဲ႕ခ်ိဳးေရေတြလို႔ ေျပာလိုက္တာလား? အဲ့ဒါက နည္းနည္းေတာ့ ႐ြံစရာျဖစ္မေနဘူးလား? မင္း ေနာက္ဆုံး ေရခ်ိဳးျဖစ္တာ ဘယ္ေလာက္ၾကာခဲ့ၿပီလဲ?"
“ငါလို အံ့ဖြယ္ေက်ာက္တုံးက မင္းလို ညစ္ပတ္တဲ့ လူသားေတြလိုမ်ား ထင္ေနတာလား? ဘာ? က်န္းမာေရးနဲ႔ မညီၫြတ္ဘူး ဟုတ္လား? ဟမ့္! ဒီအံ့ဖြယ္ေက်ာက္တုံးက ေန႔တိုင္း ေရခ်ိဳးတယ္… တစ္ေန႔တည္းတင္ အႀကိမ္ေပါင္းမ်ားစြာ ခ်ိဳးျဖစ္တဲ့ေန႔ေတြေတာင္ ရွိေသးတယ္!”
အံ့ဖြယ္ေက်ာက္တုံးေလးက နဂိုကတည္းက ေရႀကိဳက္ၿပီး အနီးနားရွိ ေရရင္းျမစ္မ်ား သို႔မဟုတ္ ေရတြင္းမ်ားသို႔ မၾကာခဏ ေရစိမ္ဖို႔ အေျပးသြားေလ့ရွိသည္။ လက္ရွိတြင္ သူက သူ၏ဝိညာဥ္စြမ္းအင္ကို ေကာင္းစြာ ထိန္းခ်ဳပ္ထားႏိုင္ၿပီ ျဖစ္လို႔ သူ႔စြမ္းအင္အား အမွတ္မထင္ ထုတ္လႊတ္မိတာမ်ိဳး မျဖစ္ေတာ့။ သူ႔သခင္၏ အမိန႔္မရမခ်င္း သူသည္လည္း မည္သည့္စြမ္းအင္ကိုမွ ထုတ္မလႊတ္ေပ။
သို႔ေသာ္ျငား က်ဴးကြၽင္းဖန္မွာ ထိုရွင္းျပခ်က္ကို ကြဲျပားသည့္ ပုံစံတစ္မ်ိဳးျဖင့္ နားလည္သြားသည္။ သူ႔စိတ္ထဲတြင္ ေရွာင္ေခ်ာင္းမွာက ေကာက္ပဲသီးႏွံေတြ ေကာင္းစြာႀကီးထြားေစရန္ ေန႔စဥ္တိုင္း အံ့ဖြယ္ေရကိုဖန္တီးဖို႔ အံ့ဖြယ္ေက်ာက္တုံးေလးရွိသည္။ ဒီေက်ာက္တုံးေသးေသးေလးက အံ့ဖြယ္ေက်ာက္ေရကို လုံလုံေလာက္ေလာက္ ရဖို႔အတြက္ အရမ္းႀကိဳးစားေနရတဲ့ ပုံပဲ။ ၾကည့္ရတာ ဒီအံ့ဖြယ္ေက်ာက္တုံးက အတိုင္းအဆမဲ့ အစြမ္းအစမ်ိဳးေတာ့ မရွိပုံရသည္။ အံ့ဖြယ္ေက်ာက္တုံးေလး၏ စြမ္းရည္မ်ားက သူထင္ထားသည္ႏွင့္ အလွမ္းေဝးေနေသာေၾကာင့္ သဘာဝက်က်ပင္ ထိုရတနာကို သူကိုယ္တိုင္ သိမ္းထားလိုေသာဆႏၵမွာ ေပ်ာက္ဆုံးသြားေတာ့သည္။
သူ အေတြးထဲ ေမ်ာေနစဥ္မွာ လက္ဖက္ရည္အိုးထဲကေရက ေနာက္ဆုံးေတာ့ ပြက္ပြက္ဆူလာသည္။ ေရေအးေအာင္ ေစာင့္ၿပီးေနာက္ လက္ဖက္ရည္ႏွပ္သည့္ လုပ္ငန္း စတင္ေတာ့သည္။ လက္ဖက္ရည္ကို မျမည္းစမ္းႏိုင္ခင္မွာပင္ ႏူးညံ့ၿပီး စြဲေဆာင္မႈရွိသည့္ ရနံ႔တစ္ခုက ေလထဲ ပ်ံ႕ႏွံ႔လာသည္။
အသုံးျပဳထားေသာ လက္ဖက္႐ြက္တို႔မွာ အရည္အေသြးအျမင့္မားဆုံး အူလုံႏွင့္ တဟုန္ေဖာင္တို႔ ျဖစ္သည္။ ထိုလက္ဖက္အ႐ြက္မ်ားကို ျမင့္မားေသာ ေခ်ာက္ကမ္းပါးေပၚတြင္ ေပါက္ေရာက္ေနသည့္ ႏွစ္တစ္ေထာင္ေက်ာ္ သက္တမ္းရွိေသာ ႏွစ္ခ်ိဳ႕လက္ဖက္ပင္မွ ေကာက္ယူထားသည္ဟု ဆိုၾကသည္။ ထိုလက္ဖက္႐ြက္မ်ားကို ေလွာ္ၿပီး ဓာတ္ေပါင္းဖို႔ ရႈပ္ေထြးေသာလုပ္ငန္းစဥ္မ်ား ေဆာင္႐ြက္ၿပီးေနာက္မွ သူတို႔က တစ္ႏွစ္လွ်င္ လက္ဖက္ေျခာက္ အေခ်ာထည္ ႏွစ္က်င္းခန႔္သာ ရရွိတာျဖစ္သည္။
ဒုတိယအႀကိမ္ႏွပ္ထားသည့္ တဟုန္ေဖာင္မွာ ပိုႏူးညံ့လာၿပီး အရသာ ပိုႂကြယ္လာပုံရကာ ၄င္း၏ အနံ႔မွာလည္း အနည္းငယ္ပိုသင္းလာသည္။ က်ဴးကြၽင္းဖန္က ဒီလက္ဖက္ရည္အတြက္ အသုံးျပဳေသာ ေရမွာ နည္းစနစ္က်က် အံ့ဖြယ္ေက်ာက္တုံးေလး၏ ခ်ိဳးေရျဖစ္သည္ဟူေသာအခ်က္ကို လုံးလုံးေမ့ေလ်ာ့ေနေလၿပီ။ သူက လက္ဖက္ရည္၏ ရနံ႔ကို ခပ္ျဖည္းျဖည္း ရႉသြင္းလိုက္ၿပီး တစ္က်ိဳက္ျမည္းစမ္းလိုက္သည္။ လက္ဖက္ရည္၏ စင္ၾကယ္သည့္ အရသာမွာ လူတစ္ေယာက္အား မရပ္တန္႔ေစဘဲ ဆက္ေသာက္ဖို႔ ေျပာေနသလိုပင္။
"အင္း… ဒီ အရသာပဲ!”
ထိုလက္ဖက္ရည္တစ္ခြက္ ေသာက္ၿပီးတာနဲ႔ က်ဴးကြၽင္းဖန္က ကိုယ္တိုင္ကိုယ္က်ပဲ ဒုတိယတစ္ခြက္ ထပ္ထည့္လိုက္သည္။ တတိယအႀကိမ္ ႏွပ္ထားသည့္ လက္ဖက္႐ြက္မွ ေဖ်ာ္စပ္ထားေသာ လက္ဖက္ရည္မွာ ဒုတိယခြက္ထက္ လုံး၀ကို အနံ႔အရသာပိုေျပျပစ္ပုံရတယ္။
ဧကရာဇ္က လက္ဖက္ရည္ေသာက္တဲ့ထဲ စ်ာန္ဝင္သြားကာ သူ႔အမိန႔္ကိုေစာင့္ဖို႔ ေဘးတြင္ရွိေနဆဲျဖစ္သည့္ ေရွာင္ေခ်ာင္းကို ေမ့သြားပုံရသည္။ ဧကရာဇ္ တတိယေျမာက္ လက္ဖက္ရည္ခြက္အား ေသာက္ၿပီးေၾကာင္း အတည္ျပဳၿပီးေနာက္မွ ေရွာင္ေခ်ာင္းက သူမပါးစပ္အား ဖြင့္ဟလာသည္။
"ဧကရာဇ္မင္းျမတ္, ဒီအရာရွိကို ဆင့္ေခၚလိုက္ရတဲ့ ရည္႐ြယ္ခ်က္က ဒီလက္ဖက္ရည္အိုးကို ေဖ်ာ္စပ္ဖို႔ တစ္ခုတည္းအတြက္ေတာ့ မဟုတ္ဘူးမလား?”
"ေသခ်ာတာေပါ့… ဘယ္ဟုတ္ပါ့မလဲ!”
ေနာက္ဆုံး ေႂကြခြက္ကို တုံ႔ဆိုင္းစြာ မခ်လိုက္မီ ေနာက္တစ္ခြက္ကို သူေသာက္လိုက္ၿပီး ဆိုလိုက္၏။
"ကြၽင္းယန္ ပို႔လိုက္တဲ့ သဝဏ္လႊာေတြကို ငါကိုယ္ေတာ္ဖတ္ၿပီးၿပီ... အဲ့ဒါေတြကို ပို႔လိုက္ဖို႔ ေတာင္းဆိုခဲ့တာ မင္းမလား?"
“ဟီးဟီး… ေတာ္ဝင္စိုက္ခင္းေတြရဲ႕ အနီးတစ္ဝိုက္က ေတာင္ေတြမွာ ဘာမွမစိုက္ပ်ိဳးထားဘဲ ဒီအတိုင္း ေတာင္လြတ္ႀကီးေတြျဖစ္ေနတာကို ကြၽန္မျမင္လိုက္ရတယ္… အဲ့ဒါက အရင္းအျမစ္ေတြ ျဖဳန္းတီးရာ ေရာက္တယ္လို႔ ေတြးမိလိုက္ၿပီး ကြၽန္မက အက်ိဳးရွိတာတစ္ခုခု လုပ္ခ်င္လို႔ပါ! အဲ့ဒီေတာင္ေတြေပၚမွာ စိုက္တဲ့ သီးႏွံေတြသာ ျဖစ္ထြန္းခဲ့ရင္ ကြၽန္မက အရွင့္ကို ေဝစုထပ္ေပးမွာေပါ့!”
ယြီေရွာင္ေခ်ာင္းက သူမမ်က္ႏွာေပၚမွ ေျမႇာက္ပင့္လိုသည့္အၿပဳံးျဖင့္ နားခ်လိုက္သည္။
က်ဴးကြၽင္းဖန္က ထိုအေၾကာင္းကို မ်ားမ်ားစားစား မေတြးလိုပုံရကာ ေခါင္းညိတ္ျပလိုက္ၿပီး
“ဒီကမာၻမွာက အသီးအႏွံမ်ိဳးစုံ လုံလုံေလာက္ေလာက္မရွိသလို အရသာလည္း သိပ္မေကာင္းဘူး... ယန္ထိုက္စီရင္စုက ေပးပို႔တဲ့ ပန္းသီးေတြက ငါ အရင္ဘဝတုန္းက စားခဲ့တဲ့ ဖူဂ်ီပန္းသီးေတြေလာက္ မႀကီးသလို အရသာလည္း မရွိဘူး… ေနာက္ၿပီး ဒီကသစ္ေတာ္သီးေတြကလည္း အသားၾကမ္းၿပီး အရည္လည္း လုံလုံေလာက္ေလာက္ မ႐ႊမ္းဘူး... ခ်ိဳလည္း မခ်ိဳဘူး... စပ်စ္သီးေတြက ခ်ိဳဖို႔ေနေနသာသာ ခ်ဥ္စူးေနလို႔ပဲ... ၿပီးေတာ့ ဖရဲသီးေတြ..."
“သူတို႔က ခ်ိဳေပမယ့္ ဖရဲသီးအသားက တစ္ခုခုလြဲ ေနေသးတယ္… မင္း စိုက္တဲ့ ဖရဲသီးေတြကပဲ ငါတို႔အရင္ဘဝက အသီးေတြနဲ႔တူတာ… အဲ့ဒါက အ႐ြယ္အစားလည္းႀကီး… ဖရဲသီးအသားကလည္း နီ႐ႊဲလို႔… အရသာဆိုရင္လည္း အရည္႐ႊမ္းၿပီး ခ်ိဳေနတာပဲ! ဆိုလိုတာက မင္းက အသီးအႏွံေတြ စိုက္ပ်ိဳးတဲ့ေနရာမွာ အရည္အခ်င္းရွိတယ္... ေကာင္းၿပီ… ေတာ္ဝင္စိုက္ခင္းအနီးက ေတာင္ကုန္းေတြအားလုံးကို သီးပင္စားပင္ေတြစိုက္ပ်ိဳးဖို႔ မင္းအပိုင္ အပ္ႏွင္းတယ္... ဒါေပမယ့္ ေနာင္မွာ နန္းေတာ္အတြက္ အသီးအႏွံေတြအားလုံးကို မင္းက အလကား ေထာက္ပံ့ေပးရမယ္!”
"နန္းေတာ္အတြက္ အသီးအႏွံေတြပဲဆိုေတာ့... အဲ့ဒါက သာမန္မိန္းမစိုးေတြနဲ႔ နန္းေတာ္အေစခံေတြ မပါဘူးေပါ့ေနာ္?"
ယြီေရွာင္ေခ်ာင္းက မ်က္ေမွာင္ၾကဳတ္လ်က္ ထိုအေျခအေနအား ေဈးဆစ္ေတာ့သည္။
က်ဴးကြၽင္းဖန္က သူမကို လက္ညိဳးထိုးျပၿပီး ရယ္ေမာေဒါသထြက္ကာ ဆိုလာ၏။
"ေတာ္ဝင္စိုက္ခင္းအနီးက ေတာင္ကုန္းအားလုံးမွာ အသီးပင္ေတြ စိုက္ထားရင္ နန္းေတာ္တစ္ခုတည္း မေျပာနဲ႔ ၿမိဳ႕ေတာ္တစ္ခုလုံးကို ေထာက္ပံ့ဖို႔ေတာင္ အသီးအႏွံေတြက လုံေလာက္တာထက္ အမ်ားႀကီး ပိုေနလိမ့္မယ္… မင္းက ဘယ္ေလာက္ထိေတာင္ တြန္႔တိုေနလိုက္လဲ? နည္းနည္းေလးကိုေတာင္မွ အဆုံးရႈံးမခံခ်င္ဘူးလား?"
“မိန္းမစိုးေတြနဲ႔ နန္းတြင္းအေစခံေတြ အားလုံးေပါင္းလိုက္ရင္ တစ္ေထာင္မဟုတ္ရင္ေတာင္ အနည္းဆုံးေတာ့ ရာဂဏန္းေတာ့ရွိမွာပဲ... ကြၽန္မသာ နန္းေတာ္ထဲက လူအေယာက္ေစ့ကို အသီးအႏွံေတြ ေထာက္ပံ့ရရင္ ဘယ္ေလာက္ေတာင္ ကုန္က်သြားမလဲ? ကြၽန္မက အေသးစားစီးပြားေရးကိုပဲ ကိုင္တြယ္ေနရေတာ့ ဒီေလာက္ အမ်ားႀကီးက် အလကား မေပးႏိုင္ဘူး!”
ယြီေရွာင္ေခ်ာင္း၏ ၿခိဳးၿခံေခြၽတာမႈမွာ ဂိတ္ဆုံးသို႔ပင္ေရာက္ေနၿပီ။
"ေကာင္းၿပီေလ! ဒါဆိုလည္း မင္းက သခင္ေတြနဲ႔ အဆင့္ျမင့္ မိန္းမစိုးရယ္ အေစခံေတြစားဖို႔ရယ္ပဲ တာဝန္ယူေတာ့... စုစုေပါင္းဆို လူသုံးဆယ္ကေန ေလးဆယ္ထက္ မပိုဘူး... ဒါဆိုရင္ေရာ အဆင္ေျပရဲ႕လား? မင္းအတြက္ အရႈံးမရွိဘူးမလား?"
က်ဴးကြၽင္းဖန္မွာ အင္တင္တင္ႏွင့္ အေလ်ာ့ေပးလိုက္ရသည္။
႐ုတ္တရက္ သူ တျခားအေၾကာင္းအရာတစ္ခုကို စဥ္းစားမိၿပီး ထိုအေၾကာင္းအရာကို ထုတ္ေျပာလိုက္သည္။
"အသီးအ႐ြက္ေတြ စိုက္ပ်ိဳးဖို႔ ဖန္လုံအိမ္အတြက္ကို ဖန္ေတြခ်ည္းသုံးမယ္ဆိုရင္ အကုန္အက်မ်ားလိမ့္မယ္… အဲ့လိုဆိုရင္ အတိုင္းအတာ အမ်ားႀကီးထိ လုပ္ႏိုင္မွာမဟုတ္ဘူး... လြန္ခဲ့တဲ့ ႏွစ္အနည္းငယ္က ေရာ္ဘာတာယာေတြ ထုတ္လုပ္နည္းကို ငါ ရွာေတြ႕ခဲ့တုန္းက ပလတ္တစ္ အလႊာထူထူေတြ ျပဳလုပ္ဖို႔ နည္းလမ္းတစ္ခုကိုလည္း ထြင္ခဲ့ဖူးတယ္… ဒါေပမယ့္လည္း အဲ့ဒီပလတ္စတစ္ရဲ႕ခိုင္ခံ့မႈ… ေပ်ာ့ေျပာင္းမႈနဲ႔ ေဖာက္ထြင္းျမင္ႏိုင္မႈတို႔က သာမန္ေလာက္ပဲ”
“အဲ့တုန္းကေတာ့ အဲ့ဒါကို အေရးႀကီးပစၥည္းလို႔ မယူဆထားဘူး… ၿပီးေတာ့ ပတ္ဝန္းက်င္ကိုလည္း ညစ္ညမ္းေစတာမို႔ ေနာက္ထပ္ ထပ္မေလ့လာခဲ့ဘူး… တကယ္လို႔ မင္းက ဖန္လုံအိမ္ေတြမွာ အသီးအ႐ြက္ကို ပမာဏမ်ားမ်ား စိုက္ပ်ိဳးဖို႔ စီစဥ္ထားတယ္ဆိုရင္ အလုပ္သမားဝန္ႀကီးဌာနမွာရွိတဲ့ လူအခ်ိဳ႕ကို အခ်ိန္ပိုဆင္းခိုင္းၿပီး မင္းကို ကူညီဖို႔ ေတာ္ဝင္အမိန႔္ကို ငါ ေပးလို႔ရတယ္... အဲ့ဒါက အလုပ္ျဖစ္ေလာက္မလား?"
ယြီေရွာင္ေခ်ာင္းက ေမွ်ာ္လင့္ထားသည္ထက္ ပို၍ပင္ ေက်နပ္သြားသည္။ သူမက ၾကက္သြန္ျဖဴ ေထာင္းသလို ေခါင္းကို တဆတ္ဆတ္ ညိတ္လိုက္ၿပီး အသက္မရႉႏိုင္ခင္ ေျပာလိုက္သည္။
“ပလတ္စတစ္အလႊာေတြ ရႏိုင္ရင္ ပိုေကာင္းတယ္! အခုက ေႏြရာသီအစပဲ ရွိေသးေတာ့ ကြၽန္မတို႔ အလ်င္မလိုေသးဘူး.. အရင္ဆုံး အရွင္မင္းျမတ္က အလုပ္သမားဝန္ႀကီးဌာနမွာ လူေတြကို လက္ေတြ႕စမ္းသပ္မႈ နည္းနည္းေလာက္ လုပ္ခိုင္းၿပီး ပလတ္စတစ္အလႊာေတြရဲ႕ ေဖာက္ထြင္းၾကည္လင္မႈ ပိုတိုးလာေအာင္ လုပ္ေပးႏိုင္မလားကို ေစာင့္ၾကည့္ရင္ေရာ ဘယ္လိုလဲ?"
"ဟုတ္ၿပီ! အားလုံးက ဒီကိုယ္ေတာ့္ စကားတစ္ခြန္းနဲ႔တင္ ၿပီးတယ္… ဒီေရွးလူေတြကို အထင္မေသးနဲ႔... တစ္ခါတေလဆိုရင္ ငါက သူတို႔ကို ဟိုဟို ဒီဒီ အႀကံဥာဏ္ေလး ေပး႐ုံနဲ႔ ရလဒ္ေတြ အမ်ားႀကီးရတယ္... ဉာဏ္ႀကီးရွင္ေတြက ေခတ္တိုင္း ရွိပုံရတယ္!”
က်ဴးကြၽင္းဖန္က ဤကိစၥအေပၚ ႏွစ္ေထာင္းအားရစြာ ညည္းညဴးေလ့ရွိသည္။ သူမွာ သူ႔အတိတ္ဘဝက အင္ဂ်င္နီယာ ေနာက္ခံရွိထားတာေၾကာင့္ ဒီနယ္ပယ္မ်ားတြင္ အရည္အခ်င္းရွိ တီထြင္သူမ်ားနဲ႔ လုပ္သားမ်ားကို အေရးတယူ ေစာင့္ၾကည့္ခဲ့သည္။ ထို႔ေၾကာင့္ပင္ သူ၏အုပ္ခ်ဳပ္မႈေအာက္၌ အလုပ္သမားဝန္ႀကီးဌာနသည္လည္း တျဖည္းျဖည္း က်ယ္ျပန႔္လာၿပီး အရည္အခ်င္းရွိသူမ်ားကို စုေဆာင္းလာႏိုင္ခဲ့သည္။
"ဟီး ဟီး! ဒီကေန ႀကီးမားတဲ့ ဖန္လုံအိမ္ေတြကို ေဆာက္ႏိုင္ခဲ့ရင္ နန္းေတာ္အတြက္ အသီးအ႐ြက္ေတြအားလုံးကို ကြၽန္မက အခမဲ့ေပးမယ္!”
ယြီေရွာင္ေခ်ာင္းက သူမ၏ ရင္ဘတ္ကို ပုတ္ကာ ေပ်ာ္႐ႊင္စြာ ကတိေပးလိုက္သည္။
က်ဴးကြၽင္းဖန္က သူမကို စိုက္ၾကည့္ၿပီး အျပစ္တင္ ေမာင္းမဲလိုက္သည္။
“မင္းက ဒီနန္းေတာ္ကို အသီးအ႐ြက္ေတြပဲ အလကားေပးမွာလား? မင္းဘက္က အက်ိဳးအျမတ္မ်ားမ်ား ယူေနသလို မျဖစ္ဘူးလား? မင္းကို ဖန္လုံအိမ္ေတြမွာ အသီးအ႐ြက္ေတြ စိုက္ပ်ိဳးႏိုင္ေအာင္ ေတာ္ဝင္စိုက္ခင္းက လယ္မူႏွစ္ရာကို ေပးထားတယ္ေလ... ဒါေၾကာင့္ ငါတို႔ေတြ ဝင္ေငြကို ၄၀-၆၀ ခြဲသင့္တယ္... မင္းက ၆၀ ရာခိုင္ႏႈန္းယူ ငါကိုယ္ေတာ္က ၄၀ ရာခိုင္ႏႈန္းယူမယ္!”
ယြီေရွာင္ေခ်ာင္းက ကန႔္ကြက္ခါနီးတြင္ သူက ၾကားျဖတ္ေႏွာင့္ယွက္လာသည္။
“ငါ့ကို မေအာ္နဲ႔ဦး! ငါ မင္းကို အက်ဥ္းခ်ဳပ္ တြက္ျပမယ္! လယ္ေျမေတြ၊ ပလတ္စတစ္အကာေတြနဲ႔ အလုပ္သမားေတြကို တရား႐ုံးက မင္းကို အခမဲ့ေပးတာ... မင္းက ကြၽမ္းက်င္မႈေတြပဲ ေထာက္ပံ့ေပး႐ုံေလ… အဲ့တာကို အျမတ္ေတြအားလုံး ရတဲ့သူက မင္းတစ္ေယာက္ထဲ ဘယ္လိုျဖစ္သြားရတာလဲ?"
ယြီေရွာင္ေခ်ာင္းက အနည္းငယ္ ေတြးေတာဖို႔ စိတ္တည္ၿငိမ္ေစလိုက္သည္။ ဧကရာဇ္ေျပာတာ မွန္သည္။ ဖန္လုံအိမ္မွာ ဟင္း႐ြက္စိုက္ပ်ိဳးရသည့္ ဗဟုသုတနဲ႔ အံ့ဖြယ္ေက်ာက္ေရကလြဲလို႔ သူမ ႀကိဳးပမ္းအားထုတ္ရသည္မွာ သိပ္မရွိေပ။ သို႔ေသာ္လည္း ဝင္ေငြ၏ ေလးဆယ္ရာခိုင္ႏႈန္းကို ေပးလိုက္ရမည္ ဆိုသည့္အခ်က္က သူမကို အနည္းငယ္ မေပ်ာ္မ႐ႊင္ျဖစ္ေစသည္။
“လယ္ေျမေတြက အရွင္မင္းျမတ္ရဲ႕ပိုင္ဆိုင္မႈ လက္ေအာက္မွာရွိၿပီး အလုပ္သမားေတြလည္း ရွိေနၿပီးသား... အရွင္မင္းျမတ္က ပလတ္စတစ္အလႊာေတြကိုပဲ ေထာက္ပံ့ေပးရတာျဖစ္ေပမယ့္ ဝင္ေငြေလးဆယ္ရာခိုင္ႏႈန္းေတာင္ ရခ်င္ေနတယ္... နည္းနည္းမ်ားလြန္ေနၿပီ မဟုတ္လား? ဟူး..."
“ပလတ္စတစ္အလႊာနည္းပညာသာမရွိရင္ ဖန္နဲ႔တည္ေဆာက္ထားတဲ့ ဖန္လုံအိမ္ေတြကို သုံးရလိမ့္မယ္… အဲ့လိုသာဆိုရင္ မင္း အရင္းပါ ျပဳတ္သြားႏိုင္တယ္… ဒါေတာင္ မင္းက အသီးအ႐ြက္ေတြ ဘယ္ေလာက္ စိုက္ပ်ိဳးႏိုင္မွာမို႔လဲ? အဲ့အတိုင္းသာသြားရင္ ဝင္ေငြက ဘယ္ကဘယ္လို ျဖစ္လာေတာ့မွာလဲ? ဒါေတြအားလုံးကို တြက္ၾကည့္ၿပီးၿပီလား? ေလာေလာဆယ္ မင္းကို စိုက္ခင္းထဲက လယ္မူႏွစ္ရာ ေပးထားတယ္… ဒါက ပထမဦးဆုံးႏွစ္ပဲ ရွိေသးတာ… ဒါသာ ေအာင္ျမင္ခဲ့ရင္ ငါတို႔ ဒီထက္ပိုၿပီး ခ်ဲ႕ထြင္ႏိုင္တယ္... ေတြး႐ုံပဲေတြးၾကည့္! တစ္ႏွစ္မွာ ဖန္အစား ပလတ္စတစ္ကို အသုံးျပဳလိုက္ရင္ ဘယ္ေလာက္ကြာျခားသြားမလဲဆိုတာ? ကဲ.. ဆိုပါဦး ေငြရွာစက္ေလး! ဘာကပိုယုတၱိတန္သလဲ? "
ဒီဝင္ေငြရဲ႕ ေလးဆယ္ရာခိုင္ႏႈန္းက သူ႔ပိုင္ေငြအိတ္ထဲကို ေရာက္သြားေသာ္လည္း သူက ထီးနန္းတက္ကတည္းက ေငြအေျမာက္အမ်ား သုံးေပးခဲ့တာျဖစ္သည္။ သူကိုယ္တိုင္သုံးခဲ့တဲ့ေငြက တိုင္းျပည္ ျပန္ေကာင္းလာဖို႔နဲ႔ တိုင္းျပည္စီးပြားေရး တည္ၿငိမ္ေအာင္ ကူညီဖို႔ပင္။ ပထမဆုံးႏွစ္ႏွစ္အတြင္း ေကာက္ခံထားသည့္ အခြန္မွ ရရွိသည့္ဝင္ေငြမွာ တိုင္းျပည္၏ အသုံးစရိတ္အားလုံးကို ကာမိရန္ မလုံေလာက္ခဲ့ေပ။ စီးပြားေရး အခြင့္အလမ္းေတြ ခ်ဲ႕ထြင္ဖို႔ ႏွစ္ႏွစ္ၾကာ ႀကိဳးစားခဲ့ၿပီးမွသာ ဖိအားေတြ တျဖည္းျဖည္း ေလ်ာ့ပါးလာခဲ့တာ ျဖစ္သည္။ ပင္လယ္ ခရီးထြက္ဖို႔ ျပင္ဆင္ခဲ့စဥ္ သူ ရွာခဲ့ေသာ ေငြမ်ားမွာ ေတာ္ဝင္ဘ႑ာတိုက္ကို ေထာက္ပံ့ဖို႔အတြက္ တျဖည္းျဖည္း ေလ်ာ့နည္းလာခဲ့သည္။ သူသာ ထိုဘ႑ာေငြေတြကို ျပန္မစုခဲ့ရင္ ေနာင္မွာ သူ႔သားစဥ္ေျမးဆက္ေတြ အေမြဆက္ခံစရာ အခြံခ်ည္းပဲ က်န္လိမ့္မယ္!
ယြီေရွာင္ေခ်ာင္းက သူမစိတ္ထဲမွာ အရာအားလုံးကို တြက္ခ်က္ထားၿပီးသား ျဖစ္သည္။ အကယ္၍ သူမသာ ဒီဖန္လုံအိမ္မ်ားကို တည္ေဆာက္ဖို႔ ဖန္ကိုပဲ အသုံးျပဳႏိုင္ခဲ့မယ္ဆို တစ္ႏွစ္အတြင္း ဟင္းသီးဟင္း႐ြက္ တစ္ေထာင္က်င္းပင္ သိမ္းႏိုင္လိုက္မွာမဟုတ္ေပ။ ေဈးေကာင္းေသာ္လည္း ဝင္ေငြမွာ ေထာင္ဂဏန္းမွ်သာ ရွိေသးသည္။ ယခု သူမက ထိုဖန္လုံအိမ္ႀကီးမ်ားကို တည္ေဆာက္ဖို႔ ပလတ္စတစ္အလႊာကို အစားထိုး အသုံးျပဳမယ္ဆိုရင္ တစ္ႏွစ္အတြင္း အသီးအ႐ြက္ က်င္းတစ္သိန္းခန႔္ သိမ္းႏိုင္လာမည္ျဖစ္သည္။ ေငြပိုရွာဖို႔ ဒီအခြင့္အေရးကို မယူခဲ့ရင္ သူမက မိုက္မဲတာပဲ။ ထို႔ေၾကာင့္ ယြီေရွာင္ေခ်ာင္းက ဧကရာဇ္မင္းျမတ္၏ ေတာင္းဆိုခ်က္ကို အဆင့္သင့္စြာ သေဘာတူလိုက္ေတာ့သည္။
သူမ ထြက္မသြားခင္ က်ဴးကြၽင္းဖန္က သူမကို ေတာ္ဝင္စားဖိုေဆာင္သို႔သြားခိုင္းၿပီး စားဖိုေဆာင္အတြင္းရွိ တြင္းေရမ်ားကို ေျပာင္းလဲဖို႔ အံ့ဖြယ္ေက်ာက္တုံးေလးကို အသုံးျပဳခိုင္းသည္။ ထိုမိန္းကေလးငယ္ စားဖိုေဆာင္မွ ေနာက္ဆုံးအႀကိမ္ ထြက္သြားစဥ္က အစားအေသာက္မ်ားက သူမ ထြက္သြားၿပီး နည္းနည္းၾကာေတာ့ အရသာ ပိုေကာင္းလာသည္။ မူလက ေတာ္ဝင္စားဖိုမႉးမ်ားက ထိုမိန္းကငယ္ေလး၏ ၫႊန္ၾကားခ်က္ေအာက္တြင္ သူတို႔၏ အရည္အခ်င္းကို ျမႇင့္တင္ခဲ့တာဟု သူ ထင္ေနခဲ့သည္။ သို႔ေသာ္လည္း အခ်ိန္ကာလၾကာ လာၿပီးေနာက္တြင္ ေတာ္ဝင္စားဖိုမႉးမ်ား ျပဳလုပ္ေသာ အစားအစာမ်ားက သူတို႔၏ အရသာေဟာင္းသို႔ ျပန္လည္ေရာက္ရွိသြားကာ ထိုမိန္းကေလးငယ္ရွိစဥ္ကလို အရသာ မေကာင္းေတာ့ေပ။
ယခုေတာ့ ျခားနားခ်က္၏ အေၾကာင္းရင္းကို သူ နားလည္သြားၿပီျဖစ္သည္။ အဲ့ဒါက ေတာ္ဝင္စားဖိုမႉးေတြ အရည္အခ်င္း ညံ့တာေၾကာင့္ မဟုတ္ဘူး။ ထိုအစား ေရအရည္အေသြး ကြာျခားျခင္းေၾကာင့္ ျဖစ္သည္။ အေစာပိုင္းက လက္ဖက္ရည္အိုးနဲ႔ အလားတူပင္။ မိန္းကေလးငယ္က တြင္းေရအား တိတ္တဆိတ္ အံ့ဖြယ္ေက်ာက္ေရအျဖစ္ ေျပာင္းလဲေစခဲ့ၿပီး ေရရဲ႕အရည္အေသြးအျပင္ အစားအစာရဲ႕အရည္အေသြးကိုပါ ေျပာင္းႏိုင္ခဲ့သလိုျဖစ္သည္။
ဘာပဲျဖစ္ျဖစ္ သူမက ေတာ္ဝင္စားဖိုေဆာင္ထဲ ေရာက္ေနၿပီဆိုေတာ့ ယြီေရွာင္ေခ်ာင္းက ထိုေနရာတြင္ ဟင္းပြဲ စခ်က္ေတာ့သည္။ ဒီတစ္ခါေတာ့ သူမ ကြၽမ္းက်င္သည့္ အခ်ိဳပြဲႏွစ္ပြဲ ျပင္လိုက္သည္။ တစ္မ်ိဳးက ပ်ားရည္ကိတ္မုန႔္ ျဖစ္ၿပီး ေနာက္တစ္ခုကေတာ့ ၾကက္ဥအလႊာမုန႔္ျဖစ္သည္။ ႏွစ္မ်ိဳးစလုံးမွာ ကေလးေလးေတြ သေဘာက်တဲ့ အခ်ိဳပြဲေတြ ျဖစ္သည္။ သူမ ေတာ္ဝင္ဥယ်ာဥ္ထဲ ေရာက္တုန္းက အိမ္ေရွ႕စံမင္းသားငယ္ေလးႏွင့္ေတြ႕ခဲ့ၿပီး အခြင့္အေရးရွိပါက အထူးသျဖင့္ သူ႔အတြက္ တစ္ခုခုလုပ္ေပးမည္ဟု ကတိျပဳခဲ့သည္။ အခုလည္း သူမစကားအတိုင္း ေကာင္းေကာင္းလုပ္ရေတာ့မည္ပင္။
သူမက ထိုမုန႔္ႏွစ္မ်ိဳးရဲ႕ ျပဳလုပ္နည္းကို ေတာ္ဝင္စားဖိုမႉးမ်ားအား ကိုယ္တိုင္ကိုယ္က် သင္ေပးေနစဥ္တြင္ ဧကရာဇ္မင္းျမတ္၏ ယုံၾကည္ရသည့္ မိန္းမစိုးက အံ့ဖြယ္ေက်ာက္တုံးကို ေရတြင္းထဲသို႔ လွ်ိဳ႕ဝွက္စြာ ထည့္ထားလိုက္သည္။ သူမ ထြက္ခြာေတာ့မယ့္အခ်ိန္မွာလည္း သူမကိုျပန္ေပးဖို႔ သတိတရရွိသည္။ တကယ္ေတာ့ သူမ အံ့ဖြယ္ေက်ာက္တုံးကို ျပန္ယူဖို႔ ေမ့သြားရင္ေတာင္ ျပႆနာမရွိဘူး။ အံ့ဖြယ္ေက်ာက္တုံးေလးက သူ႔ရဲ႕ ေက်ာက္တုံးကိုယ္ထည္ကို သူမဆီ အလိုလို ျပန္ယူလာလိမ့္မည္ျဖစ္သည္။
ယြီေရွာင္ေခ်ာင္းက ေန႔လယ္စာ စားၿပီးမွာသာ ေတာ္ဝင္နန္းေတာ္မွ ထြက္ခြာလာခဲ့သည္။ စားဖိုေဆာင္မွာ အလုပ္လုပ္တဲ့ ေတာ္ဝင္စားဖိုမႉးေတြက အေတာ္ေလး အရည္အခ်င္းရွိၾကသည္။ အံ့ဖြယ္ေရ ထည့္လိုက္သည္ႏွင့္ သူတို႔ျပဳလုပ္ထားေသာ အစားအစာမ်ားက ယခင္ကထက္ အလိုအေလ်ာက္ ပိုမိုေကာင္းမြန္လာသည္။ ယြီေရွာင္ေခ်ာင္းက နန္းေတာ္မွ မထြက္ခြာမီ သားနားၿပီး အရသာရွိသည့္ အစားအစာမ်ားကို အားပါးတရ စားခဲ့သည္။
ထိုနန္းေတာ္၏ သခင္ေတြကေတာင္ ဒီေန႔လယ္စာကို အလြန္ပင္ စိတ္ေက်နပ္သြာၾကၿပီး စားဖိုေဆာင္အား ဆုလာဘ္ေတြ အမ်ားအျပား ေပးပို႔ေစလိုက္သည္။ ေတာ္ဝင္မင္းသားေလးနဲ႔ မင္းသမီးေလးတို႔ကလည္း ဒီေန႔ အခ်ိဳပြဲကို အလြန္အမင္းပင္ ေက်နပ္အားရေနၾကသည္။ အထူးသျဖင့္ သူတို႔က ၾကက္ဥအလႊာမုန္႔ကို ႀကိဳက္ၾကၿပီး စားတာကိုပင္ မရပ္တန႔္ခ်င္ၾကေပ။ မနက္ျဖန္မွာလည္း သူတို႔က ဒီမုန႔္ထပ္စားခ်င္တဲ့အေၾကာင္း သတင္းပါးဖို႔ မိန္းမစိုးတစ္ေယာက္ကိုေတာင္ ေစလႊတ္လာသည္။
ေတာ္ဝင္မင္းသားငယ္ေလးက ဒီေန႔ မုန႔္မ်ားကို ယြီေရွာင္ေခ်ာင္း ကိုယ္တိုင္ျပဳလုပ္တာ ဟုတ္၊ မဟုတ္ ဧကရီႏွင့္ပင္ အေလာင္းအစားလုပ္ခဲ့သည္။
သူတို႔ စုံစမ္းၾကည့္ၿပီးေနာက္တြင္ သူက သူ႔မယ္ေတာ္ရဲ႕ အရႈံးကို ဝမ္းေျမာက္စြာ ခံယူလိုက္ကာ ေနာင္တြင္ ယြီေရွာင္ေခ်ာင္းကို ေတာ္ဝင္နန္းေတာ္သို႔ မၾကာခဏ ေခၚေဆာင္ဖို႔ သူ႔မယ္ေတာ္အား အသနားခံ ေတာင္းဆိုလာသည္။ အေၾကာင္းျပခ်က္ကေတာ့ သိသာပါသည္...
***