~بالمزرعه~
دخلو اديم وغُند المزرعه وبدو يشتغلون بالتنظيف
غُند: اجيها كل يوم ومع ذلك مغبره
اديم: تراك بصحراء يعني مفروض تعودتي على الوضع
غُند: كملي الشغل هنا وانا بروح افتح الغرف الخارجيه عشان تنام فيها خالتك وعيالها
اديم: ما اتوقع بيقدرون ينامون هنا
غُند: عاد يتحملون لان جدتي بتجلس هنا وبتغصبهم لان وكالعاده امي جواهر جايه ومستحيل ندخل بيتنا
اديم: للان مانسته؟
غُند: ولا بتنسى المنظر مو سهل اي احد ينساه خلاص اسكتي وكملي شغلك
اديم: عاد يلا هاه اشتغلي بذمه وضمير مين قدك سعد بيجي
غُند: مايمسي الليل الا هو هنا واعلمه عنك وعن اخوك
~بالسيارة~
طول الوقت وفالح وسند ساكتين وهادين اخذو اغراضهم وطلعو راجعين وهم للان ساكتين وهنا دق جوال سند وكسر الصمت المهيب: احم هلا راشد
راشد: صوتك متغير فيك شي؟
سند: لا بس كنت ساكت طول الوقت والحين يوم تكلمت تغير صوتي
راشد: قابلتو ابوي؟
سند: لا
راشد: طيب لاجيتو تعالو المزرعه لان بنجلس فيها
سند: تامر بشي قبل اقفل
راشد: لا الله يحفظكم
وطال الصمت بينهم كل واحد ماقفل من عنده
راشد: سند صاير لك شي ما اعرفه؟
سند: مدري ياراشد مدري
راشد: وش فيه سند راشد ضايع؟
سند: سند ماهو بخير ياراشد سند تعبان ويعاني
راشد: وش تشكي منه؟
~بالمزرعه~
قفل راشد من سند: يمه سند تعبان
مشاعل: ايش فيه؟
راشد: مدري عنه بس خلاص دقايق و بيجون
مشاعل: الله يستر
ماهي الا دقايق ودخلو وقامت مشاعل لعيالها: سند يمه وش تشكي منه؟
سند: دايخ
مشاعل: بسم لله عليك تعال ارتاح شوي
انسدح سند على رجول امه: يمه اقري علي
بدت مشاعل تقرا عليه لما شافته نام وعدلت راسه وطلعت لو غُند قبالها
غُند: سويت له شي ياكله يمكن انه ما اكل عدل
مشاعل: الله يجزاك خير بس انه نام الحين واذ قام سخنت له الاكل مره ثانيه
وراحت غُند وقلبها موجوع عليه شعور غريب يعتريها وتشتت راحت تمشي بالمزرعه ماتبي تفكر فيه اكثر وتدخل بدوامت الضياع بدون ادنى سبب شافت نفسها عند شجرة الليمون اللي باخر المزرعه كل ذكرياتها الحلوه هنا وكل ما ضاقت تجي هنا وبليله بعثه سعد حفرت حرفها هي وسعد هنا طلعت وجلست عليها المنظر كان قمه بالاستكنان والراحه انقطع استكنانها لما سمعت صوت العيال جايين
~اديم~
ماكانت مرتاحه من اختفى غُند
اديم: جده جاء الليل وعمتي جواهر ماجت
الجده: دقي عليها كلميها ولا شوفي غُند وينها وخليها تكلم سعد وطمنيني
كملت الجده سالفتها بدون ماتعبر اديم القلقانه ماقدرت اديم تتحمل اكثر وقامت لبست عباتها احتياط وطلعت تدور غُند
~تميم~
لمح تميم طرف غُند وهي تزحف شوي عشان ما تكون باينه لهم ويكتشفها ناصر
تميم بخبث: اقول نويصر
ناصر: ايش بغيت
تميم: عندكم قرود هنا؟
راشد: بسم لله عليك شكل اللي تعبان انت مو سند
ناصر: ياولد عليك حراره؟ وبعدين صاحي انت قرود بالمكان المقطوع ذا
تميم: لا ابد مافيني شي بس غريبه اول مره بحياتي اشوف قرود بشجرة ليمون
فالح عرف نية تميم وهو اصلا شاف غُند: تميم عن الاستهبال الماسخ الرجال قال لك مافيه قرود هنا
راشد: مو طبعيين اخواني من جينا هنا وكل واحد استخف بعقله المكان هذا فيه بلاء
ناصر: لا والله البلاء بروس اخوانك
فالح لاحظ ان غُند بدت تبان وقام يصرف: يلا ياعيال لاتفوتنا الصلاه
وراحو عشان يصلون
تميم بصوت خفيف يكلم نفسه بس واضح للشباب: انا متأكد اني شايف قرد لا بعد كبير تشوفون والله لاطلعه لكم وقتها نشوف مين اللي عليه حراره ياناصر
~غُند~
راحو العيال وارتاحت من تصريف فالح لهم ولا كان راحت فيها جت بتنزل بس تفاجأت بفالح راجع لها: ما هان علي اني اخليك تتشرشحين من ناصر ولا هان علي اخليك عشان كذا روحي مع اي طريق غير اللي احنا راجعين منه اذ تبين تضمنين نفسك
غُند بهمس: شكر لك
فالح ابتسم: العفو ماسويت شي هذا واجبي
وظل فالح واقف يطالع اخر الغروب وغُند جالسه مكانها تنتظره يروح عشان تنزل بس انه باقي ماتحرك
فالح: ماتعودت اتصرف بعشوائيه كان دايم تصرفاتي محكومه لكن لما تنذل لك تميم حسيت انو لازم احمكِ
غُند: هذا المكان الوحيد اللي اجلس فيه اذ كنت متضايقه هنا حفرت كل ذكرياتي الحلوه
جثى فالح على ركبه: بحياتي ما حسيت مثل هذا الشعور احسه ضياع ما اعرف اوصفه بشكل اكبر من انه تشتت وضياع
غُند: ايامي الحلوه كانت معدوده على الاصابع والباقي كلها معناه
وسكتت انصدمت من نفسها هي ليش قاعده تتكلم معه وغير كذا ليش تفضفض له اما من ناحيه فالح حتى هو كان بحالة صدمه من نفسه انه تكلم مع وحده غريبه واخيرا استوعبت غُند الوضع: يافالح رح عني
~اديم~
مشت بالمزرعه لما شافت العيال وراحت مسرعه لناصر
اديم: ناصر ماشفت غُند؟
ناصر: لا اخر شي بالبيت
اديم: مختفيه من يوم جينا هنا
وسكتو شوي
شهقت اديم: شجرة الليمون نسيتها
ناصر: بس تونا كنا هنا…
وبتر كلامه لما تذكر كلام تميم الحين عرف ايش يقصد تميم بس انتبه ان فالح مو هنا
وراح لمكان الشجره بس ما لقى الا فالح وكأنه يدور شي
ناصر: فالح! مو تقول ان الصلاه بتفوتنا وراك واقف هنا؟
فالح: ضيعت ساعتي مدري وينها ولف معطيهم ظهره ويطالع المكان اللي راحت منه غُند وفك الساعه بدون ينتبهون
ناصر: الساعه بدالها الف ويلا تعال
فالح: لا انا مابي غيرها
وقف ناصر ونظره كله على الشجره من فوق ويتفحصها بس ما شاف شي ورجع لاديم: مافيه احد عند الشجره غير فالح يدور ساعته
اديم: طيب وين بتروح
ناصر: مدري ماراح تضيع هي تعرف المكان اكثر مني ومنك
راحت اديم وجلست عند الهام وهي خايفه على غُند
~سعد~
جواهر:يعني انت متاكد ياسعد؟
سعد: افا تشكين فيني يمه؟
جواهر: لا بس انصدمت
نط فارس بالوسط: بس جدتي بتطرده ماراح تتقبله
سعد: والله اللي ماراح تتقبله جدتي هي كشتك
لمس فارس شعره: بالعكس حلو مره واهم شي عاجبني
سعد: ايهه اجل تحمل اللي بيجيك منها
فارس: الله واكبر عاد ماراح تسوي لي شي
~غُند~
فالح ولا حتى كلف على نفسه يروح وانجبرت تنزل بسرعه وراحت باتجاه المعاكس لهم تم فالح يطالع المكان اللي راحت منه غُند ولف بيرجع بس انتبه لناصر جاي له وتظاهر انه ضيع ساعته
~بوابة المزرعه~
دق سعد هرن بشكل مزعج والكل عرف ان جواهر جت فتحت اديم البوابه ودخلت سيارة سعد وفارس مطلع جسمه من السياره ويصارخ بكلمات مو مفهومه من الازعاج وقف الازعاج اللي سببوه عيال جواهر عصا الجده لما حذفتها عليهم: بس الله يصج روسكم انت وياه
بعد سعد يده عن الهرن بس علق وابتسم بوهقه لامه
جواهر: مالي دخل من دفاشتك والله
جاء ناصر وطالعه لو انه متوهق وابتسم له بلعانه ورفع يده اليمين وهو مازال ضاغط على زر الهرن
سعد: بلا لعانه ناصر وابعد يدك
هز راسه ناصر بالرفض
سعد: طـ ماكمل كلامه لان الجده سحبته من السياره: لا لا لا ياجده تراه ناصر شوفيه معه الاسبير حق سيارتي
الجده: من الله كنت ابيها ياناصر واخذت عصها بتضربه بس هو شرد ولفت الجده عليهم: جيبوه لي واربطوه بس خلوها على غفله والحين الحقوني للمجلس
اعجبتهم الفكره دخلو المجلس معها وجلست الجده وقرب سعد وباس راسها: ياجده وين غُند؟
الجده: مدري عنها
وبعدها قرب فارس يسلم عليها
الجده: ما اخبر ان جواهر جايبه بنت ولفت على العيال صد انت وياه بسرعه ولفت على فارس وانتي يابنت تغطي
فارس: جدهه
الجده: اعوذ بالله منك ومن صوتك
فارس: جده هذا انا فارس
الجده: وعلام شعرك كذا
حرك فارس شعره يمين ويسار: ستايل جديد
الجده: هاه لفت لراشد وش يقول ذا
فارس: ياجده كل اخوياي هناك كذا ماوقفت علي
الجده: ايهه قم ياسعد ورح غرفتي وافتح الدرج الاول وجب اللي فيه
فارس: ايش اللي بيجيبه
الجده: اصبر
جاب سعد المقص والمشط واعطاهم الجده بس فارس ماشاف غير المشط
الجده: تعال يافارس واجلس قدامي بمشط شعرك
جلس فارس بكل ثقه و شــــك (صوت المقص) قصت الجده شعره: عاد اني بغيته صفر بس ماعندي الا حقت الغنم
فارس ما استوعب كل شي جاء بسرعه: ليششش قصيتيه
تميم: كذا شكلك ولد صدق احسن من قبل شوي
فارس: محد طلب رايك
وطلع من عندهم على دخلت غُند: بسم لله هذا ليه معصب كذا؟
سعد: سلمي اول
(لَأّ تٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّـــلَأّةّ)