عدت شهور ولا عدا الشعور

3

~1998~

كان جواد وحاتم بالمزرعه يشتغلون بالنخل
جواد: عطني تفسير واحد يخليك تكذب وتاخذ زوجة محمد
حاتم: هو كان يعرف اني ابيها بس انه اخذها
جواد: شف اي حركه خطا منك بتكلم
حاتم: ايش بتقول؟ بتقول حاتم يكذب عليكم؟ قل بحريقه بس اعرف بعدها ان مالك نصيب بالمكان ذا ولا حتى بالشركه وبالغي شراكتك معي
جواد: طيب وكيفك مع عياله؟
حاتم وهو يصد: مثل عيالي
فز جواد وهو يلف حاتم له: حاتم لايكون انت؟
حاتم: تشك فيني ياجواد؟
جواد: بس وجهه سند واضح انه ضرب مو حادث مثل ماتقول
حاتم: انا مستحيل امد يدي على احد عاد كيف على بزر
جواد: ودينا؟
حاتم: ماتت لان اغلب الضربه عليها هي ومشاعل
جواد: ياويلك ياحاتم لو انت معذبهم وقتها بدل ماتقلب علي انا اللي بقلب عليك واطلع اشياء ثانيه متخبيه
حاتم: قلت لك ماسويت شي فكني ياشيخ
جواد: الله يستر من تواليها

~الهام~
الهام: غُند ليه ماتكملين دراستك يعني معدلك مره مرتفع وبالنهايه تجلسين بالبيت
غُند: وين تبين اكمله؟ صار لي اربع سنين متخرجه او اكثر وتاقلمت مع الوضع
الهام: عادي فيه سكن بالجامعه
غُند: واترك جدتي لحالها لا لا
اديم: تجي عندنا
الهام: حتى انتي يااديم كملي دراسه معها
اديم: من تخرجت وناصر يقنعني اكمل بس انا من غير غُند ماراح اكمل
غُند: ياغث ناصر بس
اديم: مسوي لك شي قبل شوي؟
غُند وهي تعدل جلستها: لا مو هو واحد ماعرفته
الهام وهي تعطيها كاسه الشاهي انتبهت على الشامه اللي بيدها: نفس شامت اخواني التوأم وبنفس المكان بعد
غُند: ماكنت احبها وانا صغيره لان البنات اللي بالمدرسه كانو يقولون ان جدتي تعنفني وهذا حرق منها بس بعدين كبرت وحبيتها مره احسها تميزني
اديم: خلاص الهام سكب بعرف ايش صار معها
غُند: اول شي جيتك قبل تجي خالتك وطردني ناصر …وكملت كلامها لما وصلت عند سند لما شافها: مدري يابنات احسني اعرفه احسه يعني لي مو عارفه احدد شعوري بالضبط
الهام: من وصفك هو واحد من اخواني التوأم بس مين مو عارفه بس الكاب اللي لابسها بالمقلوب؟
غُند: ايه
الهام: هذا سند اجل شكله طاح ومحد سمى عليه
غُند: وجعع
اديم: هذي الحب حق ناصر لايدري بس انه شافها وخليه يطلعها من باله
غُند: ناصر يدري اني كنت برا بس مايدري انه شافني

~راشد~
كانو يسولفون ويضحكون بس فيه شي خرب عليهم
راشد: ابوي يتصل
ناصر: رد عادي
تميم: يوووهه ماقلنا له والله يجلدنا جلد
فالح: ماصدقت افتك منه لا ترد ياراشد خله يحتر
سند: لا رد وخله سبيكر بنسمع
راشد وهو يرد: هلا يبه
حاتم: وينكم فيه دخلت البيت ومالقيت احد
سند: والله عاد اللي يترك البيت فتره ويرجع يسال بعدين احب اقول لك مالك دخل
حاتم: قطع يقطع حسك كاني ماعرفت اربيكم اللحين تقول وينكم بسرعه
سند: هد تونا مالعبنا صح
حاتم: سنددددد تكلم
سند: بمكان يحبه قلبك وتشتاق له روحك
حاتم: كلامي مو معك راشد وينكم
سند: نجهز قبرك بقريه ام جلاجل
حاتم: نعممممم ايش موديكم هناك كم مره قلت لكم المكان ذا محد يتب له
سند: انا ابي افهم ليه تعصب لاجبنا طاريها مع انها قريه عاديه مافيه شي الا اذ كنت خابر لك بلاء عاد هنا الكلام
حاتم: والله لو تجلسون بمكانكم دقيقه وحده لاذبحكم واحد واحد ولا يرف لي جفن
سند: طلعه من هنا ماراح نطلع وكانك مصر مره تراي ادل رقم عمي جواد هو اللي يقدر يتفاهم مع الحجر اللي براسك
حاتم: طيب اجلسو ثلاث ايام والقاكم قبالي
سند: شهر وغيره ماراح نرجع
حاتم: نعععممم احمد ربك على الثلاث ايام بس
سند: هاه ترا بتصل على عمي جواد
حاتم: اجلسو قد ماتبون وانا ايش علي منكم وقفل بوجيههم
ناصر: وتقول انك تعاني منه بعد
سند: لاتزعلون مني بس هذا عشان امي والله
راشد قام يبوس راسه: ماراح نزعل الا تسلم والله
سند: فالح يالله قم معي بنروح للبيت نجيب اغراضنا ودق على الهام تجي وعلم امي اننا بنطول الجلسه المره ذي انتضرك بالسياره لاتتاخرون
فالح وهو يتحلطم: كل شي فالح فالح حط وفالح جيب
سند وهو يطلع مع الباب: اقول روح بدون ماتفتح فمك بكلمه

~بالسياره~
الهام: اقول ســنــد
سند: سمي ياخت سند
الهام وهي تجي بالنص وتطالع وجهه: وانت جاي ماشفت احد؟
سند: لا ليه؟
الهام: اجل انت يافالح وانت جاي شفت وحده بالحوش
فالح: لا مو انا سند اللي شافها
سند: وحسيت فيها شي غريب مدري كذا حسيت انها تعني لي
الهام: حتى هي بعد حست كذا
سند: حاكيني عنها اكثر ابي اعرف ادق تفاصيلها
الهام: لايكون حبيتها
فالح: عشان يعلقه ناصر بالمجزره
الهام: حلو ان ناصر حط عندك خبر بس ترا ماعرف عنها كثير كل اللي اعرفه انها ماتدرس ومتخرجه من الثانوي بنسبه عاليه وتسكن مع جدتها من كانت صغيره
سند: وهذا اللي انا ابيه امها وابوها وينهم؟
الهام: اذكر ان اديم قالت لي ان ابوها كان متزوج اجنبيه اللي هي ام غُند وعاشت معهم بس بعد ما مات ابوها هي راحت بس الجده رفضت انها تخذها
سند: وابوها كيف مات؟
الهام: محترق
فالح: كيف؟
الهام: مدري صراحه بس اديم تقول ان محد يدري كيف احترق اختفى ثلاث ايام ويوم قامو شافو جثته بالحوش والى الان يدورون عن اللي حرقه
فالح: اعوذ بالله خلاص اسكتي لاتكملين
سند: مالك دخل وكيف جدتها معها؟
الهام: مدري عنهم بس واضح انها تحبها وتغليها
سند: ايوه؟
ضربته الهام على راسه ورجعت على ورا: بس خلاص حللت البنت كامل
مد سند يده بيسحبها عشان ترجع له بس الهام صرخت: تذكرتتت اهم شي عندها مثل شامتك انت وفالح
رجع سند يده بهدو وعينه مثبته بعين فالح

~اديم~
اديم: غُند نامي عندنا اليوم بنسهر مع الهام
قامت غُند تلبس عباتها:مدري اشوف
اديم:وين طالعه؟
غُند: للمزرعه 
اديم: بجي معك
وهم طالعين شافو العيال جالسين بالحوش
ناصر: على وين انتي وهي
غُند: مالك دخل
ناصر: اقول ادخلن ولا اشوف وحده طالعه
غُند: كلمتك ماتمشي علينا امشي يا اديم
ناصر: نعممم داخل ولايكثر
غُند: بعد بنطلع
ناصر: ياغُند طالبك لا تعقدينها اكثر وادخلي وبعدين كم مره اقول لك غطي عيونك
غُند: طيب بس وخر
ناصر: وين طالعين طيب؟
اديم: للمزرعه
ناصر: ماشاء لله وكيف بتروحون لها
غُند: مثل دايم
ناصر: ايهه لكن الحين لا اختلف الوضع انا اللي بوديكم
غُند: شي منك ما ابيه وبكيف اديم بغت تجي معي او لا انا رايحه مشي ومو محتاجتك
وطلعت بدون تسمع لناصر شي
ناصر: ماقدر اقول غير الحقيها ياديم واحنا نلحقكم
طلعت اديم بسرعه لغُند: ليش تسوين كذا فيه كل ماتقرب لك خطوه بعدتي عنه الف
غُند: اديم اسكتي
اديم: لا ياغُند سكتت كثير والحين ماراح اسكت ترا اخر شي بيتعب ويتركك ووقتها لاتجين عندي تبكين
غُند: ايش تبيني اسوي؟ اجلس مقابله له واخذ واعطي معه انا ما ارضى كذا وقبل ماارضى انا ربي مايرضيه هذا الشي
اديم: خلاص عاد وانا ايش لي فيكم
غُند: خليك ساكته لما نصل

~بالحوش~
راشد: بسم لله هذي كيف متحملها انت
ناصر: عاد قلبي ايش اسوي فيه
تميم: بس حلوه وهي عليها عبايه عاد كيف بدونها
اخذ ناصر سلك الشاحن من على الفرشه: حلوه اجل هاه
قام تميم بسرعه: ناصر ياولد خالتي اللطيف ايش فيك على طول قلبت تراها مزحه
ناصر: اييه حتى السلك الحين بيمزح معك
دخل تميم يركض بسرعه للبيت ووراه ناصر وراح عند الجده: بوجههك ياجده تكفين
الجده: وش مهبب به يالردي؟
تميم: مو انا ناصر يقول
قاطعه ناصر: لا لا تميم تعال معي فوق بوريك شي بغرفتي
تميم: يلا بس مو جاي معك تحسب اني وغد عندك
ناصر: تميم تعال ولا تطولها وهي قصيره
تميم: بجي بس تراي بوجه جدتي
الجده: نعنبوك انت وهو كبار وداخلين تقلبون روسكم بدون سلام وبعدين انت يا الأعوب كملي ماشفتك وداخل بدون تسلم
قام تميم يبوس راسها وناصر بعد: معليش ياجده بس كله من ناصر
الجده: اكيد انك مسوي له شي نويصر واعرفه مو اي شي يضرب عليه الا انه كايد
تميم: ياجده يبي يضربني عشان
طارت عيون ناصر بس الحين بتروح هيبته كمل تميم: عشان بس شفت البنات طالعين للمزرعه وقلت ابي نروح لها وهو يقول لا بعدين تكشف على محارمنا
ناصر: اطلع ياتميم ماراح اسوي شي لك وابشر بالمزرعه خلاص
الجده: والله اني داريه ان العلم ماهو مزرعه بس خذونا كلنا لها
وطلعو العيال: ياناصر تراك قلت لك لي المزرعه وانت عارف قصدي وانا قبلت فيها
ناصر: لا بالله هذا اللي يبيني اذبحه اليوم

(لَأّتٌـجّـعٌلَوٌ مًؤلَفُـتٌـيِّ تٌـلَهّـيِّکْمً عٌنِ أّلَصّـــلَأّةّ)