هلاووو بقلاواتنا صباحكم حلو و أن شاء الله بخير
تعالو واخيرا جبتلكم الاشباااه 😂🥺💚 باعو تأخرت بيهن لأن چانت الصور مكاملة عندي بس لكم بطل بس حاليا كملتهن وعدلنه ع الصور حت يطلعن نفس الاشباه الحقيقه مثل العيون وهيج شي
عليكم الله إذا بدة هذا الكلام مال(( جذب؛ وخيال، وما معقولة كل الابطال حلوين،)) 😩😤 عوفوووووووو
عوفو ع صفحة لأن رب العالمين مبدع بخلقة وماكو انسان مو حلو وحرفيا أبطالي كلهم رب العالمين منطيهم جمال وقبول بالوجه🥺❤️ وبالنهاية اني مجاي اتسابق ع جمالهم واكلكم لا أبطالي الا حلوين لأن جمال قصتهم طاغي عليهم استمتعو بقصتهم أكثر من ما تركزون ع جمالهم ✨👍🏻
نبدي بعمنا ضرغام 😂♥️ اي نعم هو جبير ف احترمو عمرة وها نهائيا ميحب الدلع مال ضروغومي ومدري شنو لحد يكولهم 😂😁😭
باعو شكلة نفس الملامح وتفاصيل الصوره عدا اللحية من يم ذقنة تصير أخف واكو شيب طفيف يتخلل لحيتة زايدته هيبة ع عمره وشكلة
* عمرة اكبر من الصورة بهواية
نجي لحمزاوي ما شاء الله عليه اريد احجي بس اخاف من ياسمينة تجي هداده علينه وسلاحها بس دموع لأن هيه البت فقيرة 😂🤦♀️
المهم من شفت صورة الحقيقية بينهم شبه مؤ طبيعي والصورة صدفة داكلب وشفتها چنه حايرين منين نجيب شبيه إله عيونة لونهم سبحان الخالق إبداع والله العضيم
ملاحظة جدتهم نعيمة عيونها خضر وهي سمرة
والشيخ عمران عيونة هم بيهن لون بس مو اخضر ينطن ع زراك
ف بعض احفادهم طالعين عليهم
نجي لهشام 🌚🖤✨
نفس الملامح والبياض وعيونة بنيات او جوزي مو نفس الصورة حاولت اغير من لون العيون بصوره غيرت شي خفيف
وها من يضحك عندة غمازة بخدة وبذقنة تفاحة ماعرف شنو اسمها
دزولي صورتة بيها مزين لحيتة مخففها كلش وشفتهن إله دور بالقصة بالأحداث الجاية ان شاء الله حفضوا شكلة 😂🥺✨
إحسان
الشبه بينهم يقرة الف و ملامحة الكبيرة وخاصتا دورة الوجه كلشي يشبله بس شعره يكون اخف بهواي يعني مو هيج كثافه شعره
يلة خلصنة منهم نجي لبنواتنه
نبدي بـــــ نَســـــرة الشالعة كلبي اوف منها واذا احجي عليها تتعارك وياي 😂😂 خلوني ساكتة اي المهم باعو نسرة باختصار الشبه ماعرف شون اوصفه الكم بس هيه بيها مكس بين صورتين بس لون العين بالصوره رصاصية هيه عيونها مو رصاصي
هيج لون عيونها نفس الصوره الثانيه ويتغير دائماً هي
من صاحبة العيون الي يتأثرن ب ألوان اللبس او المكياج او الشال
وبهاي الصورة هم تشبهه فلذالك كتلكم هيه مكس بين صورتين يعني مزيج من هاي الصوره وهاي الصوره مكدرت ما اخليها الكم لأن تبقه بنفسي منين ما اباوع الصورتين اشوفها تشبهن
وهنا البنيه عدها غمازه بخدها خليت قلب ع خدها لأن نسرة ما عدها غمازه من تضحك
نجي لياسيمينة 😂🥺❤️ كلش تنطيها شبه يعني من شفت صورتها
ملامحها طفولية إلى أبعد حد 😩 هنا عيون البنيه جانت ملونات
حولناها الفوتوشوب سوينهن سود صار الشبه كلش واضح بينهن
وملامحها جدا نازكة
ونختمها بنسرين 🌚❤️❤️❤️ ملامحها حادة كلشي وعدها فك محدد عبالك مسوية تكساس بالحقيقه بس هي جماله رباني تفاصيل هاي البنيه شبيه كلش لنسرين ونفس الحدة البيها عيونها هيج مسحوبات بس حواجبها شمرتهم تختلف
يلة كافي شفتو الصور وخلصتو
تعالن بقلاوات خل نسولف نشوف المدى الواسع بالخيال العدجن
احجلي شون جنتن متخيلات كل بطل وشون شفتو الصور😍❤️
ومن أكثر واحد حبيتو بس ها لا تسون حزازيات 🌚🙃
((حزازيات لو سرخسيات)) 😂😩 اسكتي هُـــــيام ليش تصيرين تافهه مو عيب منا الواتباديات يلا عمي اطربوني بسوالفكم البيوتفل عوفكم مني 😁😂❤️❤️