وقعت أسير عينيها العسلية

بارت 54

:نووف؟؟

:ايه نوف ،بصراحه هي اول شخص خطر على بالي واكثر وحده تناسبك

تافف راكان :بصراحه انا مو موافق عليها ،انا اصلا جربت حظي مع بنات عمامي و

قاطعته صبا :بس نوف غييير ،غير تماما ،انا اعرفها كثييير ،كلها اخلاق وادب ،وجمال بعد ،وانت بالنهاية تعرف عمي ابو نواف وعياله اكثر مني ،مستحيل الشي الي ساوته زي

راكان:صبااا  ،ما قلت لك لا تعيدي سالفتها

صبا :اي خلص خلص بالغلط اسفه ،بس قولي لي الحين وش رايك هاا ،ما بتلقى احسن منها ،وعلى ذمتي بعد

.
وقف راكان  وبهدوء:طيب يصير خير ،خليني افكر اول

صبا بابتسامه واسعه:فكرررر فكر براحتك،بس لا تروح من يدك

طلع راكان بدون يجاوبها

صبا:ههههه ،اتخيل ردت نوف لو قلت لها راكان بيتزوجك ،ععهههههه اتوقع بتنجلط ،اصلا هي تخافه كثييير ،(هزت كتوفها بلا مبالاه ) بس تعيش معه بتعرف انه طيب وحنون ومو عصبي ،الا شوي هههه

.

.

.

.

.

.

.

.

.

.
نطق بعد صامت طال عدت دقائق ،:يبه

ابو زايد ولي كان رامي بجسده على مقعده بتعب:سعود
انا عارف تماما ليش سويت هالشي ،ويمكن أي شخص ورجال بمكانك بيسوي نفس الشي الي سويته ،،لان مافي رجال بيسمح لاي احد يتطاول على عرضه وعلى اخواته او عيلته(تنهد وبعدها اكمل)بس انت غلطت يوم انك رحت بدون لا تخبرنا ،واغلقت جوالك ،ليش ما علمتنا بلي صار هااا ،ليش رحت من شورك

سعود:ما فكرت مرتين قبل اتخذت هالقرار،وانا اعترف اني بهالشي غلطان

ابو زايد:احنا قلقنا عليك وخفنا يصير لك شي ،بتعرف لو صار لك شي وش بيصير فينا ،امك ذي المسكينه وش بيصير فيها ،اخوانك ،وما فكرت فيني انا ،

اقترب من ابوه وجلس عند رجوله:تكفى سامحني يبه ،انا بس ما تحملت الشي الي صار  ،ما كان قصدي اني اقلقكم علي ما توقعت هالشي يصير

وضع يده على راس ولده:فكر ثاني مرة قبل تصرف ،لاني ما اتحمل اني افقدك لا انت ولا احد من اخوانك

اومأ له سعود :امرك يبه

ربت على كتفه بهدوء:يالله روح ارتاح ،جاي من سفر انت

قام من مكانه وقبل راس ابوه وطلع

.

.

.

.

.

.
.
.
طلع من الحمام وهو لاف المنشفه حول جذعه السفلي ،مشى ببطئ ناحية المرايه ،استند بيديه على التسريحه وهو يفكر بكلامها(نوف ،،،اول شخص خطر ببالي،،،،،،،،نوف غير ،،،،،اخلاق وادب وجمال)

تنهد بتعب ورفع راسه للمرايه ،،،غمض عيونه ،،واول شي ظهر في عقله هو طيفها ،،ابتسم بخفه ،بس بعدها تذكر صبا :بس صبا غيير

فتح عيونه بسرعه:استغفر الله العظيم ،،راكان وش بك ،انت تبغا تتزوج  لاجل تبعد عن صبا ايييه

نفض راسه من الافكار الي بدت تتزاحم براسه ،واتجه لخزانة ملابسه

.

.

.

.

.

.

.

.

.

فتح باب الغرفة ودخل:زينه؟

ناظرته زينه بهدوء وبلا ملامح:هلا

تقدم لها وجلس قبالها على السرير:بتضلين جالسه هنا ؟حابسه نفسك بهالغرفه،ما تبين تطلعين ،امي جالسه تحت و

قاطعته زينه:ما انا جالسه هنا لاجل ما اشوفها يا رائد

عقد حواجبه باستنكار:وش هالكلام  يا زينه،ما تبين تجلسين مع امي يعني؟بعده هذا اول يوم لنا

زينه بنبره باكيه:مو كذا لا تفهمني غلط ،،انا امك اعتبرها بمقام امي ،،،،واكيد نفسي اجلس معها ،بس بس

رائد:بس شوو

زينه:شفت اول ما جيت كيف صارت تكلمني ،وتهينني،انا وش سويت ،والله انا ما عندي مشكله لو سكنت معك بخيمه وامك احطها بعيوني ،بس هي ليه تكرهني لييه ،مو يعني اذا اهلي زوجوني بلا عرس ولا لبست فستان يعني اني بلا كر

وضع يده على فمها :وش تقولين انتِ،مستحيل اسمح لاحد يقول هالكلام عنك

رفعت يده وهي تبكي :الا الكل صار يحكي عني لان ابوي رفض يعمل لي عرس ،،وش ذنبي انا هاا ،انا والله اني شر

ضمها بسرعه وهو يهديها:خلاص يا عمري ،لا تقولين هالكلام   ،،انتي اجمل واطهر انسانه شفتها بحياتي ،،ولي بيحكي عليكِ بيكون اخر يوم بعمره

بعد عنها ورفع يده يمسح دموعها:اسف لانك عشتي هالشي بأول يوم لك

زينه:لا ،انت مالك دخل بكل شي

رائد:الا لي لي ،وبالنسبه لامي انا ولدها الوحيد ،وهي بعدها ما اعتادت وجودك اتحمليها شوي لاجل خاطري وهي اكيد بعدين رح تعرفك اكثر وتحبك صدقيني

اومأت له بهدوء

رائد:يالله قومي غسلي وجهك ،وخلينا ننزل نجلس عند امي ما نبغا نخليها لحالها

زينه :طيب

.

.

.

.

.

.

.

.

.

في صباح اليوم التالي ،على طاولة الافطار

قطع هالصمت المهيب صوت حمحمه،

:احم ،اذا سمحت عندي شي تسمحلي اقوله يبه

ابو زايد:قول

راكان:امم ما بطول بالكلام وبختصر ،،،انا قررت اتزوج

ناظروه كلهم بصدمه

ام زايد:وش قلت

راكان بهدوء:بتزوج يمه ،اذا مافي مانع

ام زايد:لالا يمه وش المانع ،والله احلا خبر سمعته

زايد:غريب ،كيف كذا اقتنعت

ناظر راكان لصبا

سعود ابتسم:اوووه ،كنت متوقع انه هالقرار من وراكِ انتِ

صبا:خيييير شقصدك

سعود نزل راسه لصحنه :هههه ولا شي

سلطان:ومن هي تعي ،اقصد سعيده الحظ

تنهد راكان وبعدها اكمل:بنت عمي ابو نواف

اتسعت ابتسامه صبا وبهمس:يسسسس

سعود قرب لها وهمس:وانتِ الي اخترتي العروس بعد ؟؟

قرصت فخذه بقوة:اسكت انت

سعود:ااخ ههههه

ابو زايد:والله هذي الساعه المباركه

سلطان بضحك:ما لقيت الا هالنوف المسكينه ههههههههههه

راكان:وش قصدك

سلطان:ذي اكثر وحده بالعيله تخافك ههههههه

راكان باستغراب:ليش

نجوى :لانك عصبي شوي يمكن؟

زايد بهمس:كثير مو شوي

راكان:خيير مو لذي الدرجه انا بخوف ،صح؟؟

نزلو روسهم متجاهلين سؤاله

راكان بصدمه:وشبكم

سعود بهمس لصبا:لا تعرف نوف انك انتِ الي ورطتيها هالورطه بتذبحك

ام زايد: ما عليك يمه لا تسمع لهم ،والله هالنوف بنت اصيله وخلوقه ،وبتسعدك ،،انا الليله بكلم امها

راكان قاطعها:لا يمه لا ،ما ابغاك تكلمينها  ،انا بروح مع ابوي الليله ونطلبها بشكل رسمي

ام زايد:بس ما بصير لازم نعرف رأي البنت

راكان:هذا الي عندي ،بنروح الليله ،وافقت وافقت ما وافقت حره

ابو زايد:مثل ما تبغا بيصير

راكان:ويكون بعلمكم ،بعد بكره الملكه ،وفي الاجازة ابغا العرس

نجوى:مو كأنك مستعجل شوي

ام زايد:ما بصير يمه كذا نضغط حالنا ونضغطهم

زايد:مو كل شي بيصير بالعجله

سعود بمزاح:متحمس الاخ ما يقدر يصبر هه

ناظره راكان بنضره خلته يبلع ضحكته :انا الي عندي قلته ،تبغون تبغون ما تبغون اجل انا عاجبني وضعي كذا

ابو زايد:خلاص الي يقوله راكان يصير

قام راكان:بالعافيه

وغادر بسرعه متجه لشركته

.

.

.

.
تسريع الاحداث
في المساء خصوصا بيت ابو نواف

نواف وهو يمد فنجان القهوة:نورتنا يا عم

ابو زايد:النور نوركم

ابو نواف:عسى ما شر يا ابو زايد

ابو زايد:ليش اذا زرتك يعني فيه شي

ابو نواف:لا هههه مو كذا بس اقصد قبل كم ساعه بس كنا مع بعض بالشركه ما حلالك تشتاق

ابو زايد:خير ان شاء الله خير

نواف بهمس لزايد:وش فيه

زايد:مثل ما قال الوالد،خير

ابو زايد ناظر براكان وابتسم:بعد اذنك يا ابو نواف ،وعلى سنه الله ورسوله ،احنا طالبين يد بنتك

ابو نواف :حياكم حياكم والله هذي الساعه المباركه ،

نايف باستغراب :لسعود

شرق سعود بالقهوة: هاااا كح كح كح

نايف قام وعطاه مويه بسرعه وهو يضحك

زايد وهو يكتم ضحكته على شكل سعود:لا راكان

انصدم نواف:راكان!!

ابو زايد:ايه راكان ،اذا ما كان عندكم ما

قاطعه ابو نواف:وش هالكلام يا ابو زايد،راكان ونعم منه رجال والكل يتمنا يناسبهم

نواف ناظر براكان بنضرات ،فهم راكان وش المقصد منها

ابو زايد:يعني موافق

ابو نواف:اكيد ،البنت بنتكم

ابو زايد:وشي ثاني ،ترانا مستعجلين شوي ،يعني الملكه بعد بكره نبيها  والعرس بالاجازة هذي

نايف :مو كانه مستعجلين شوي

ابو نواف:نايف ،انت لا تدخل

سعود بهمس:ابلع ههههههههه

ابو نواف:مرة ثانيه بقول ،البنت بنتكم ،ولو تبونها الليله خذوها

ابو زايد:اجل اتفقنا ،ومبارك علينا وعليكم

نواف قام:راكان ابغاك شوي ،،،بعد اذنكم

راكان:طيب

لحقه راكان للحديقه

راكان وهو واقف ورا نواف: نواف انا

لف عليه نواف ومسكه من ياقته:وش تخطط له انت هااا

راكان ببرود ناظر بيدين نواف:اول شي شيل يديك هاذي ،لا تفكر تمد يدك علي تفهمممم

مسك يدين نواف وازاحهم بقوة:بعد

نواف بغضب:وش تبغا من اختي انت هااا ،ولا ومستعجل بعد ليييش

راكان:انا كذا ابغا ،عرسي وانا حر فييه

نواف:لا موو حررر ،انا ما اسمح لك انك تأذي اختي،حتى لو بكلمه ،اختي ارق من انها تتحمل بركان مثلك

راكان :وش بسوي يعني بهاا ها ،وش تقصد بكلامك

نواف:لانه انا ضربتك وحذرتك تقرب من صبا ف

ضربه راكان على صدره وبغضب:وش تقول انت وش تقول ،مفكرني حقير ولا نذل ولا وش لاجل افكر بهالشكل،،انت تعرفني اني مستحيل اسوي هالشي

نواف:طيب لي

راكان:صبا ،صبا هي الي اقترحت علي نوف

نواف:صبا؟؟

راكان:ايه  انا طلبت منها تختار لي ووقع الاختيار على اختك مع اني كنت رافض بالبدايه بس هي اصرت علي

نواف بتفهم:اهاا اجل كذا،،،لا تأخذنا يالنسيب واستر ما شفت مننا

راكان:هههه ولا يهمك

.

.

.

.

.

.

.

.

.
:مو كذا قلت لك،،ما يصير تحطين الملح الحين ،

زينه :اا اسفه ما انتبهت

ام رائد: الله ليش بلاني بكنه مثلك ،طبخ ما تعرف ،طبعا طول عمرهم الخدم هم يطبخون لكم

زينه فضلت السكوت ومنعت دموعها من السقوط بالقوة

رائد دخل بعد ما سمع كل الكلام:يمه تكفين يكفي ،هي ما صار لها يومين هنا ،وبعدين شوي شوي رح تتعلم مو من اول مره

ام رائد: اييه خلك وراها انت وشد على يدها

رائد بنفاذ صبر:يمه تكفين

ام رائد:خلص خلص،انا بطبخ العشا الليله ،بس من الصبح بتصحين لاجل توقفي معي بالمطبخ

زينه:طط طيب

.

.

.

.

.

.

.

وقفت بصدمه:اييش

:مثل ما سمعتي ،ولد عمك راكان طلب يدك

نوف ببكاء:بس يبه الله يخليك انا ما ابيه

ابو نواف:بس ليش ما تبيه ،رجال وما ينعاب ويشتغل وما يعرف لزله درب،ويتقي الله

نوف:بس كذا يبه انا ما ابيه الله يخليك

ابو نواف:بس يا يبه انا اعطيتهم كلهم ،وبعد بكرة ملكتك

نوف نفت براسها:لالالا ،ما ابيه تكفى يبه ،يمه احكيلك كلمه

ام نواف:والله وانا ما عندي مشكله  فيه انتي ليش رافضته عطينا سبب

نوف:يمه اهئ تكفين قلت ما ابيه

نواف:يبه اسمحلي انا بكلمها

مسك يدين نوف:تعالي معي

اخذها للحديقه:اجلسي يا نوف

نوف جلست وهي تبكي:نواف انت اكثر واحد تفهمني قل لهم ما ابيه

نواف:نوف تكفين  ،لا تتسرعين ،،وبعدين عطيني سبب يخليك تكرهين راكان  وانا وعد اني ارفضه لك

نوف:انا بخاف منه ،لانه مره عصبي

نواف باستغراب:بسس

نوف:ايه بس

نواف:بس هذا مو سبب يخليك ترفضيه

نوف:الا ،اخاف يعصب علي ويضربني او

نواف:ههههه بس راكان مو من هالنوع ،مستحيل يمد يده على بنت بحياته ،وبعدين حتى لو عصبي ،هو يعصب على الغلط بس ،وانتي مستحيل تغلطين صح

نوف:ايه بس

نواف:نوف،راكان ابصم لك بالعشره انه مستحيل يفكر يأذيك حتى لو بكلمه ،هذا اولا ،وثانيا مستحيل تلاقين مثله وباخلاقه 

نوف:يعني انت موافق عليه بعد

نواف:للامانه ايه وبشده

قامت نوف

نواف:وين

نوف:رايحه لغرفتي  ،استعد للملكه ما دامكم كلكم موافقين من زمان ،بتاخذون شوري ليه

ضحك بخفه بس شافها تمشي بعصبيه:هههه

.

.

.

.

.

.

.

.

.

.

.
تسريع الاحداث

مجتمعات في غرفه نوف ،(مشاعل وهنوف وسلمى وسمر وصبا وزينه )

نوف وهي تبكي:تكفوون ما ابغاه

سمر:يا نوف يكفي كم مرة بتخربين مكياجك

الهنوف:ما يصير هالكلام بعد شوي بيصير زوجك

نوف:ما ابيه ما ابيه

صبا :بس ليش وش فيه راكان

نوف:عصبي عصبي بخاف منه ما احبه

صبا:بس هو ما يعصب الا عند الغلط ،وصدقيني بتحبينه بعد الزواج لانه مرة طيب وحنون والله

ام نواف دخلت:يالله يا بنا،،اهئ  نوف وش فيك

الهنوف:نفس السبب يمه

ام نواف:نوف يكفي خلص ،مافي تراجع الحين،والحين لازم تنزلين لانه بتوقعين العقد،عدلو شكلها وانزلو ،ولا تخليني اضطر اقول لنواف هاا

طلعت ام نواف وتركتهم

وبعد ما عدلو مكياجها نزلو بعد

ناظرت حولها،،،الكل سعيد وفرحان  (ما احد حاس فيني ،ما ابيه ما احبه اعني ياربي اهئ)

صحيت على صوت سمر:يا نووف

نوف:ها

مدت لها ام نواف العقد: وقعي يمه الله يسعدك

اخذت القلم بايدين مرتجفه ،،وقعت بهدوء على شهادة موتها على قولتها (لييش يا نوف لييش ،راكان طيوب ☹❤)

صبا :الف مبارك مرت اخووي

ناظرتها نوف بهدوء،وصدت عنها

ام زايد تقدمت لهم: الف مباارك يا بنتي تتهنون

نوف:يبارك فيكِ يا عمه

ام نواف:العريس بيدخل

تغطو البنات ،،

رفعت راسها بتوتر له دخل بخطوات هاديه متجاهل كل شي حوله ،انيق وهيبه ورزانه كان رايها له ،بس ملامحه حادة وباردة ،
اول ما التقت عينها بعينه ازاحت وجهها بخوف ،،

جلس بجانبها ،بدون ولا كلمه ،،

ام زايد:الف مبارك يمه

راكان ببرود:الله يبارك فيكِ  بس خلينا نخلص بسرعه

انصدمت من كلامه وببالها(كأنه هو المغصوب علي مو انا) تاففت بصوت مسموع

راكان :وش بك

نوف:ها  لل لالا ولا شي

تجاهلها راكان تماما    ،،وبدا يلبسها الذهب وعلى عجله وكل الي بباله انه يطلع هالمكان الي كتمه   ،،،

صبا وهي تضحك:شوي شوي يا راكان ،هههههه ليه مستعجل

ناظرها راكان وابتسم بدون وعي على ضحكتها ،وللحظه تخيل الي امامه مو نوف ،صبا (غمض عيونه واستغفر ربه )

وبعدها وقف وطلع بسرعه

.

.
.
.

.
.
..
.
.

ام نواف:وش

نواف:مثل ما سمعتي يمه ،راكان طلع له شغل

ام نواف:يعني ما بيجلس مع

نواف:لا يمه ،خلص انتي تقولي لنوف ،اصلا هي رح تفرح بالخبر

ام نواف:طيب

راحت عند البنات المتجمعات عند نوف

سمر:يالله يا نوف صار الوقت

ام نواف:لا مافي داعي

الهنوف:ليش يمه

ام نواف:راكان عنده شغل وراح

سلمى:كييف يرووح قبل يشوف نوف

ام نواف:هذا الي صار وخلص

صبا بس سمعت كلامهم طلعت ،،،

فتحت جوالها(ما بسمح له يسوي كذا ،حرام كذا يكسر خاطرها):الو راكان

راكان :اهلين صبا ،وش فيه

صبا:صحيح الي سمعته؟

راكان:وش سمعتي

صبا:انك ما تبي تشوف نوف

راكان تنهد:صبا انا عندي شغل و

قاطعته صبا:لا مو صحيح انا عارفه انك ما تبي هالزواج من اصله كل الي تبيه انك تنسا زينب ،بس لو عرفت هالشي من قبل ما خليتك تتزوج نوف

راكان:صبا وش تقولين وبعدين ليش معصبه

صبا:الان بترجع وبتجلس مع نوف

راكان:مشغول مع السلامه

وقبل يقفل:راكان اذا ما بترجع بتنسا اني اختك تماما ولا تحلم اكلمك مره ثانيه

راكان:وش تق

ناظر بجواله لما قطعت الاتصال:وش فيها ذي

تنهد بغضب وضرب الدركسون بقوة:اااخ بسسسس

.
.

.

.

.

.

.

.
.

فتحت الباب ودخلت،وتعلقت انظارها بنوف(افف اتمنى راكان ما يسوي شي غلط مع نوف لانه وقتها انا الي بكون السبب ،انا الي اقنعته يتزوجها)

تقدمت ناحيتها:نوف

ناظرتها نوف :ايه صبا

صبا:بخصوص را

نوف:لا تاكلين هم مو زعلانه ،وبعدين عاذرته مشغول ،واصلا احسن شي تعرفيني من البدايه ما كنت ابغا هالزواج

ضربتها الهنوف  بخفه:نووف

صبا:هههه ايه صح ،بس متأكده بعدين بتتغير وجهة نظرك لانك بتحبيه

نوف:يمه يخووووف مستحيل ،بتخيل اني بفطر وبتعشا ضرب كل يوم

صبا:ههههههههههههههه مو لذي الدرجه راكان بحياته ما ضرب احد،خصوصا اذا كان بنت

نوف:وزينب

صبا:لا تقارني نفسك بزينب  ،زينب غلطت غلط كبييير

سلمى:صبا عايشه مع راكان بنفس البيت تشوفه كل يوم وهي عارفته ،يعني اذا قالت لك ما بيضرب يعني ما بيضرب

الهنوف بهمس:يمكن كم كف بس،،،هاا امزح هههه

جتهم ام زايد بسرعه والابتسامه شاقه وجهها

صبا:وش فيه يمه

.

.
.

.
.

.

.
.
.
.

:ادخلي

مشت ببطئ لداخل وهي تلعن حظها ،،،لان راكان رجع وطلب يشوفها

نواف:بترككم

لفت له بصدمه ومسكت يده:لا تخليني

ضحك بخفه:لا تخافين انا هنا برا المجلس

راكان بسخريه :ترا ما اكل بشر

اخفضت رأسها بتوتر واتجهت لداخل ،وجلست في كنبه  بعيده عنه ،،،وهو تجاهل الموضوع بالكامل

عم الصمت بينهم الاثنين وولا واحد يناظر الثاني ،

نوف ببالها( مو اول ما دخلت وهو ما كلمني ولا كلمه ،مو مهم المهم ما يعصب علي ،بس ليش هو كذا كانه ما يبيني اجل ليش تزوجني )

راكان(وش فيك يا راكان ،هي مالها ذنب بشي ،اذا كنت بتعاملها كذا من البدايه اجل ليش تزوجتها ،حرام عليك ،بس ما قدرت انسا صبا للان ما قدرررت ،،،بس لازم تحاول ،لان حتى تفكيرك فيها حرام حرام  )

تنحنح لاجل يلفت انتباهها: نوف

رجفت اوصالها بس سمعت صوته الحاده:هه هها

راكان:اول شي مافي داعي تخافين ،لان انا بالنهايه ما اخوف ،ولا اعصب الا عالغلط ،لاني ما اتحمل الغلط ابداا ،،وصدقيني اذا ضليتي معي صادقه وملتزمه باخلاقك وما تدلين الغلط فأنا مستحيل اعصب عليك او حتى امد يدي ،ورح اكون لك خير زوج واحطك بعيوني  ،شفتي زينب وش صار فيها بسبب الغلط الي سوته

نوف:ووش سوت هي
راكان بحده:لا تدخلين واوعي يوم تسأليني عنها تفهمين

نوف بخوف:ااا اسفه

قامت بسرعه :اا اابغا ارووح

اوما لها راكان:روحي

بس أبى القدر الا يضعها بالاحراج وو،وتعثرت بكعبها،وسقطت بقوة امامه

قام بسرعه ناحيتها:نوف ،صار لك شي

نوف بألم:ااء رجلي تألمني

مسك رجلها ،،وقشعريره صابتها بسبب لمسته،،وضعيتهم بحيث وجهه مقابل وجهها ويده لافها خلف ظهرها وواضعها على كتفها،

:مافي شي

نوف:اا انا ما اعرف امشي بالكعب بس

راكان بحده:اجل وش الي حادك تلبسينه هااا ،الشي الي ما ترتاحي فيه لا تلبسينه

نوف:وو والله ما كنت ابغا بس البنات

راكان تنهد :طيب طيب ،بس ثاني مرة ما تلبسينه ولا تسمعي لهم

:احم احم

ناظرو ناحية الباب ،بحيث كان نواف واقف عند الباب ومكتف يدينه ،وابتسامه خبيثه :وش تسوون

راكان:لا يروح فكرك لبعيد انا بسس

نواف:ههههه فهمت فهمت

راكان بغضب:وش الي فهمته،هي بس تعثرت بكعبها ،الي مدري وش حادها تلبسه

نواف تقدم لهم:اوه ،نوف انتي بخير

نوف  ودمعتها بعينها:اييه  بس رجلي تألمني

مسك يدها وساعدها تقوم:شوي شوي (التفت لراكان وغمز له) سلام يالصهر

تأفف راكان بغيض

.

.

.

.كانت تدندن بالمطبخ وبيدها كاسه عصير تشرب منها

جلست على الكرسي واتكت بيدها على الطاوله :همم وهي نوف تزوجت بعد وصبا وسمر والهنوف ،وما بقى الا انا ههههههههه،احلا شي اصلا ببقى كذا احسن وش حدني زوج وغثا هههههههه اصلا بكرة بضحك عليهم وانا اشوفهم كل وحده بهمها وغثاها ايه

:لهالدرجه تكرهين الزواج؟هههههههه

التفت ناحية باب المطبخ:اهئ بسم الله ،خوفتني كل مرة تطلع بوجهي

نايف:بيت ابوي وانا اطلع من وين ما ابغا

سلمى:لا والله ،بيت خالي وانا حرة بعد
نايف جلس قبالها:ايه ما قلتي لي ،ليش ما تبين تتزوجين

سلمى:كذا يععع اكره الزواج

نايف:بس يمكن تتتغير فكرتك عن الزواج اذا تزوجتي

سلمى:ومن تقترح علي اتزوج ،ترا ما اقبل الا بواحد مثل الاتراك هيك اشقر وعيونه زرق وعنده شركاات وحلوووو

نايف كشر:يععع اتراك؟مو حلوين

سلمى بسخريه:هه اجل من الي حلو انت؟؟(وهي تأشر عليه باصبعها)

نايف بغرور:اه انا ،حلوو ووسيييم ،وعندي شركات بعد البنات يتمنون نظره مني بسس

سلمى :هههههههاااااي ،اي اي من كذب عليك بس

نايف قام:براحتك لا تصدقين ،بس اذا تزوجنا بعدين بتشوفين كيف بتغارين علي

اخذ كاسه العصير من يدها وشربها

سلمى بصدمه:هاااااي كاستي     ،،وبعدين انت اخر واحد افكر اتزوجك يععععع

نايف غمز لها:صحلك

طلع وهو يضحك ،،وهي تسب عليه

.
.
.

.

.
.

.

.

.

.

.

.

.
.

اول يوم بالاختبارت النصفيه

تجمعو البنات بالساحه ،ولي تدرس ولي مو هامها ،ولي تصيح

صبا :اففففف ياربيي ،اكره الرياضيااات صععب

الهنوف:من جددددد ياخي ما اعرف كيف ادرس عليه

سلمى:انتي لو درستي بدل المكالمات الي للفجر مع حبيب القلب عموري

مشاعل :ايييه والله ،ولا فهد ياخي مافي الا صوته للصبح وهو يضحك

وطقت يدها بيدها سلمى
صبا  بصدمه:كذاابه والله العظيييم ما حكيييييت معه من يومين

مشاعل  :هههههههههههههههههههه امزح والله امزح

صبا :ثقيلات دممم

سلمى:وانتي زينه

زينه بتوتر:هاا

سلمى:كيف الوضع معك ؟؟

زينه بخجل:عع عادي

الهنوف:جد زينه كيف يتعامل معك  يحبك؟ولا يصار

زينه:لالالا والله ما يصارخ علي رائد يح

وسكتت بس شافت نظرات البنات

:ههههههههههههههههههههه

الهنوف:خلص بنات حرام عليكم،هههه

سلمى:ونوف

ناظرو لنوف الي ما كانت معهم ،

صبا:وش فيك نوف انتي بخير  ،ليش وجهك كذا،،،

نوف:ما درست

سلمى:لا تخافي ،هذي بس الامتحانات النصفيه ،،والمعلمات بينجحونا وو

صبا:نوف

نوف:انا خايفه

زينه:من شو

نوف :بنات تكفون ما ابغا راكان ،والله انا اخاف منه اهئ

الهنوف:نوووف وبعدين معك ما يصير هالكلام

نوف مسكت يدين صبا وبعيون دامعه:صبا تكفين قولي له اني ما ابغاه ما احبه ،الله يخليك

صبا :تكفين نوف والله ما اقدر اسوي شي انا  انتي خلاص صرتي زوجته ،وبعد اسبوعين زواجك ،فأنتِ لازم تتقبلين هالشي ،وبرجع بعيد لك راكان ما بيأذيكِ ،راكان طيب وحنون ،وصدقيني انه بعد الزواج رح تتاكدين من هالشي ،ورح تحبينه

نوف:بس

سلمى:نووف  تعرفي لو خالي ابو نواف يسمع هالكلام منك او حتى نواف وش بيسوون ،والله بيقيمو القيامه

الهنوف:وراكان ،لو يسمع انك ما تبيه بيروح فكره لشي ثاني والا يعصب كثير وما بيتركك الا وانتي جثه

نوف بصدمه:وش تقصدين

سلمى:بيفكرك تحبين شخص ثاني لاجل كذا رافضته

نوف:بس انا

الهنوف:ايه بس الرجال كذا تفكيرهم فا انتي بتقرري يا اما تتزوجينه يا اما بتموتين

نوف:لالالا ،نتزوج خلااص ،امرنا لله ،اففففف

صبا:نو

نوف:انا رايحه للفصل

ناظرو البنات ببعض وبعدها راحو لقاعات امتحاناتهم

.

.

.
.

.

.

.

.

.

.

.

.

.

.

.

.
.

.
.

.

انتهى البارت

٣٠٠٠ كلمه ☹💗

رأيكم سريييييييع

فووت وتعلييق

احبكم 🤧❤❤❤❤❤