Continued from last part :
It's been three days. Three freaking days that Akshu vanished into thin air without a single trace of her. Kaha hai , kaisi hai kisi ko nahi pata.
Ab : Teen din , Akshu teen din ho chuke hai yaar. Kaha nahi dhundha tumhe. Taras gaya hu tumhe dekhne ke liye. Ek baar bas ek baar khud tak pahuchne ka rasta de do na. Ek aakhiri baar chance maang raha hu tumse. Apne Abhi par ek aakhiri baar ehsaan kar do.
Manjari who was passing from there started spitting venom against Akshara once again.
Man : Mujhe ye samajh nahi aa raha hai Abhi. Jab tune use is ghar se nikal kar is ghar ko uske saaye se door kiya hai to wapas laake wapas se is ghar me jung ki shuruaat kyun kar raha hai? Beta wo door hai to theek hai na. Is ghar me jab se aayi hai hum sab se kuch na kuch chheena hi hai. Dekh na jaate jaate Neil ko aur mere grand children ko mujhse chheen ke gayi.
Ab (now having enough ) : Ab bas maa. Bas bhi kijiye. Us din aap sadme me thi. Jo bhi kaha bardaasht kiya maine. Sach kahu to aapka rona hi nahi sehan kar paaya aur apna gussa Akshu pe nikaal diya. Aapke diye gaye ilzaam mere sar par is tarah haawi ho gaye ki maine bhi Akshu ko blame kar diya.
Man : Abhi gusse me tune jo kuch bhi kiya tu uska blame mujh par kyu laga raha hai. Uske saath agar kuch galat hua hai to na hi tu jimmedar hai na hi hum sab. Situation aisi thi ki ho gaya jo hona tha.
Ab : Khud pe baat aayi to situation aisi thi. Really maa. Aap par baat aayi to aapne situation par thop diya. Lekin jab baat Akshu ki hoti hai to situation nahi Akshu hi galat hoti hai. Kyu kyuki humara defence mechanism hai. Ye kis tarah ka defence hai. Hum dusro pe ilzaam laga lete hai to kya apne apno ko khone ka jo dard hota hai wo kam ho jaata hai. Police ne saaf kiya na sabke saamne ki Akshu aur Neil ne badi bahaduri dikhayi. Un bachhiyo ko bachane ke liye. Neil ki death unfortunate thi. Mera bhi Bhai tha wo aur usse kiye waade se ab bhi bandha hu main. Aur aapki kahi gayi baat sun kar maine bhi sanak me Akshu ko bura bhala keh diya. Kya ho gaya usse? Mera to dard kam nahi pada. Aap kaise kar leti hai ye sab. Ab aap theek hai na , bimar bhi nahi lag rahi . Saari problem bas Akshu ke yaha hone se thi aapko. Kyun?
Man : Abhi wo is ghar ke liye theek nahi thi. Ye baat jitni jaldi maan le achha rahega tere liye.
Aarohi also came there till then hearing the chaos.
Ar : Manjari Maa bilkul sahi keh rahi hai. Akshu ne mujhse bachpan se sab kuch cheena hai.
Ab : Really Aarohi. Ek baat batao. Agar Neil ki death ke liye Akshu ko blame kar diya tumne to kya Neil ko khone ka jo dard hai wo kam ho gaya tumhara. Mera to kam nahi hua isiliye puch raha hu tumse. Blame to maine bhi laga diya haa kisi ke influence me aake lagaya wo dusri baat hai lekin labz to mere hi the isiliye mera gunaah kam nahi ho jaata. Isi tarah sirat maa ki death ke liye blame kar diya to kya dard kam ho gaya tha apni Maa ko khone ka. Aur rahi baat to tumse kab kya chheena hai. Chheena to har baar Akshu se hi hai na. Chhoti si umar me apne ghar se door rehna pada. Wo ladki jo family ke liye jaan deti hai use family se door hona pada. Humesha dard me rehna pada. Bachpan se ilzaam ke saaye me rehna pada. Abhi bhi jab finally uski life me pyaar aaya tha yaha bhi tapak padi tum. Neil ko influence kar kar ke usse shaadi kari. Aur Akshara ki life me musibat badhati rahi. Neil bechara to Mohra ban gaya tumhari saajish me. Aaj uski maut ka bhi sauda kar diya tum sab ne. Uska bhi istemaal kar liya Akshu ko yaha se bhi door karne me. Uski life se problem kya hai tumhe. Kyun uski khushiyon ke peeche padi ho tum.
Man : Aarohi ki kya galti hai in sab me. Akshu leke gayi thi Neil ko. Aarohi ke bacche se paida hone se pehle hi uska baap chheen gaya. Lekin ab bhi tumhe Akshu hi sahi lag rahi hai.
Ab : Aap Aarohi ko support kar rahi hai na maa. Main bas ye keh raha hu Neil ki death ek accident tha , accident hadsa kisi ki saajish nahi jo sab Akshu par blame lagaye jaa rahe hai. Khair main aapko kyun keh raha hu ye sab maine bhi to yahi kiya hai uske saath. Lekin aap mujhe bataiye ki agar Aarohi galat nahi hai blame karne me to Akshu kaha se galat hai. Shefali Bhabhi ne clear Kara hai na ki usko pain hua tha pet me tab Neil leke gaya tha usko hospital. Doctor se milne ke baad bachhiyon ka call aana , unki kidnapping ye sab kya Akshu ne plan kiya tha? Nahi na . Car bhi Akshu drive nahi kar rahi thi. To waha tak jaane ka faisla bhi Neil ne hi liya tha na. Phir Akshu in sab me jimmedaar kaise hai. Kyu ki wo Neil ke saath thi bas isiliye. Usko us concert me jaana tha. To sabne apne man me khud hi decide kar liya Akshu ne hi bola hoga to Neil gaya hoga. Kidnappers se fight karne ke liye bhi Akshu ne hi bola kya? Situation wrong thi. Kuch wrong decision Akshu ne liye to kuch wrong decision Neil ne bhi liye. Neil ki death ho gayi to wo Bach Gaya lekin Akshu jinda hai to usko punishment milegi ki usko ab jindagi bhar blame ke saath jeena hoga. Kyu ki aap aur Aarohi use chain se rehne to denge hi nahi. Main ab tak sochta tha ki Akshu aapke jaisi hai lekin sach kahu to sahi mayne me Aarohi hai aapke jaisi. Dono ko delusion me rehne ki aadat hai. Dono dusro par blame laga ke khud ko victim bana deti hai. Saalon tak ek violent rishte me rehna decision aapka. Lekin mere dimag me ye bhar diya ki aap majboor ho. Kaise? Sir ne kabhi rishta nibhane ke liye aapko majboor nahi kiya. Mujhe bachpan se aapko protect karna pada. Jabki uski jarurat nahi thi. Aap chahti to is rishte se nikal kar bahar jaa sakti thi. Theek usi tarah Aarohi ne bhi victim ban kar sabki sympathy le li. Sirat Maa ke jaane ke baad ghar chhod ke Akshu ko jaana pada. Kyun ? Maa to uski bhi thi na. Lekin Aarohi ne uspe ilzaam laga diya to bas decide ho gaya ki Akshara ko jaana hoga.
Goenka's who came there heard all this speech from Abhimanyu.
Kai: Ye jo itni badi badi baatein aaj kar rahe ho na. Ye samajhdari tab dikhayi hoti to aaj meri behan yaha se door nahi hoti. Aise gayab nahi huyi hoti.
Ab : For God sake Kairav. Main ye sab baatein khud ko sahi ya dusron ko galat saabit karne ke liye nahi kar raha hu. Aur tum mujhe blame kar bhi kaise sakte ho. Ye pehli baar to hai nahi ki Akshu ke saath galat hua hai. Haa lekin main kisi ko blame karke khud ko guiltless prove nahi kar sakta. Ye sab bol ke na to mera guilt kam hone wala hai na hi main kam gunehgar banunga. Main guilty hu aur rahunga. Akshu se forgiveness mujhe bhi chahiye. Aaj Akshu ke liye lad ke main sahi saabit nahi ho jaaunga. Aur rahi baat Akshu ke saath galat hone ki to bachpan se hota aaya hai uske saath galat. Tum sab bhi to wahi kar rahe ho. Jo bachpan se hota aaya hai uske liye muh nahi khula aaj main mil gaya to socha chalo Abhimanyu pe ilzaam laga ke khud ke guilt ko kam kar dete hai. Tum sab kam gunehgar ho kya Akshu ke. Aarohi ko itna jiddi banane ke peeche kaun jimmedaar hai. Humesha khud ko sahi saabit karne ki jo obsession hai uski aur baad me victim ban jaana in sab ko hawa kisne diya? Shuruaat kaha se huyi in sab ki?
(All the Goenka's bowed their heads in shame.)
Ab : Aaj ye aakhiri baar hai ki main aap sab ko jawaab de raha hu. Meri galti thi. Maine galat kiya hai. Lekin mujhe baar baar pin point kar dene se aap sab ka gunaah kam nahi ho jaayega. And Aarohi please kisi ki maut ko apne fayde ke liye use karna band kar do. Tumhare saath jo kuch hua galat hua hai. Maanta hu. Lekin Akshu ko blame kar lene se tumhara dard kam nahi hone wala hai. Tumhe is ghar me kisi baat ki koi takleef nahi hogi. Main assure karunga is baat ko. Neil se kiye apne waade ko pure dil se nibhaunga. Lekin Akshu bhi meri life ka part rahegi aur ye sach tum chah ke bhi nahi badal sakti. Adjust kar sakti ho to kar lo otherwise tumhe jo sahi lage karo. Bura lagega agar Neil ke bachhe ko kuch hoga to. Lekin Neil ke jaane ke baad is bachhe ko rakhna na rakhna completely tumhara decision hoga. Hum me se kisi ka koi say nahi hoga. Lekin agar tum ye chahogi ki is bachhe ka istemaal tum Akshu ke against karogi jaise tumne ab tak har ek baat ka use kiya hai Akshu ki life hell banane ke liye to yaad rakhna Akshu ke aage milunga main tumhe tumhare against. Tab main bhul jaaunga ki tum mere bhai ki wife ho. Sudhar jaao better hoga tumhare liye.
Just then Abhimanyu got a call from police commissioner.
Ab : Ji Commissioner Sir. Kuch pata chala kya?
CP : Abhimanyu kal humne Udaipur ke outskirts pe bhi fliers lagwaye the waha city hospital ki ek nurse rehti hai uska call aaya tha usne bataya ki Mrs. Birla is admitted their in ICU.
Ab : Whaaattttt ???????
CP : Abhimanyu control your emotions. Mujhe pata hai aisa sun ke tumpe kya beet rahi hai but hume jitna pata chala hai humne bata diya.
Ab : Thank you Commissioner Sir. Thank you so much.
He immediately left from there. Kairav who was also present there immediately left behind him with Bade Papa. Abhimanyu reached City Hospital in record time. And enquired in the reception about Akshara.
Recep: Sorry sir , yaha Akshara name ki koi patient nahi hai.
Ab: What do you mean? Hume information yahi ki mili hai. (Then thinking something ) listen koi unknown patient hai kya ICU me jiski family ka ab tak pata nahi chal paya hai?
Recep : Yes sir teen din pehle ek old couple aaye the apne driver ke saath wo log ek lady ko leke aaye the. Unki condition bahut critical thi, kisi ko nahi pata ki kya hua tha unhe. To doctor ne unhe ICU me admit karwaya hai. Dr. Batra abhi unke case ke incharge hai main aapko line up kar deti hu aap unse details le sakte hai.
Ab : Thank you so much.
Abhimanyu went to Dr. Batra cabin. And knocked the door.
DB : Come in.
Ab : Hello Doctor Batra , Doctor Abhimanyu Birla here.
DB : Doctor Birla kaise aana hua?
Ab : Actually three days pehle aapke under me ek critical patient aayi thi. Wo actually mujhe use dekhna hai. Mujhe police official se pata chala hai ki kisi ne uski pehchan meri wife Akshara se kari hai. Kya main unse mil sakta hu.
DB : Dekhiye doctor aise to main apne patients ki personal information kisi ko nahi deta. Aap bhi doctor hai samjhte honge is baat ko. Lekin since aap sayad unhe pehchante honge because ab tak unki family se koi nahi aaya hai. To main aapko unse milwa deta hu. Come with me.
Ab : Ok doctor thanks.
Abhimanyu along with doctor Batra left to ICU. There he saw the condition of his Akshu and was heartbroken and shattered.
Ab : Akshu ye kaisi halat kar li hai yaar. Peechle teen din se dhundh raha hu tumhe. (To doctor Batra) Doctor kya hua hai ise. Aapne tests run kiya. Kuch cause pata chala.
DB : Actually jab ye yaha laayi gayi thi tab behosh thi. Inki condition aisi kaise huyi kuch pata nahi tha. We ran multiple tests tab pata chala she is suffering from severe trauma. Aur isi wajah se unhone sab kuch ko block kar rakha hai. She is not responding to any of our treatments. Teen din se bas yahi condition hai. Aap filhal bahar chaliye hum baaki sab kuch wahi discuss karenge.
Abhimanyu came outside. There he saw Bade Papa as well as Kairav.
BP : Doctor kya meri bachhi yahi hai.
DB : Jee aap Kaun? Abhi abhi patient ki pehchan doctor Birla ne ki hai apni wife ke roop me. Aap log kaise related hai unse?
Kai : Main uska bhai hu. Aur ye uske Bade Papa. Kaisi hai meri Behan.
Ab : Doctor Batra. Aap please Akshu ke discharge papers ready kar dijiye. Main use Birla hospital me shift karwata hu. Medications ke saath agar family ka saath hoga to wo jyada jaldi recover karegi.
DB : Okk Doctor Birla. But still main aapko yahi recommend karunga ki unke hosh me aane ka wait kar lijiye. Ab tak to unhone react hi nahi kiya hai. Ab unki family aa gayi hai to sayad wo react kar jaaye. Hosh me aane ke baad wo kaise deal karengi iski basis pe hi bataya jaa sakta hai ki unka kaha rehna jyada better hoga.
Ab : Maine kaha na please Doctor aap uske discharge papers ready karwaiye.
DB: As you say Doctor. Aap khud bhi ek doctor hai and ye aapki wife hai to I guess aapne soch samajh ke hi decide kiya hoga. Main discharge papers ready karwata hu.
Doctor Batra left from there.
To be continued......
Kya Akshu ko hosh aayega?
Kya hoga uska reaction apne aapko wapas se Birla territory me dekh kar. Kaise deal karegi agar use hosh aata hai to. On top of that kya Kairav Abhimanyu ke decision se agree karega.
In this I am showing the Abhimanyu and Kairav that I want to see in the show. Har baar Abhimanyu ka redemption jaruri nahi hai. Galti uski nahi bhi hoti hai to bhi use hi redeem karwa diya jaata hai. I know max situation me galati uski hoti hai but second chance ke time pe uski koi mistake nahi thi. But still usi ka redemption karwaya gaya jabardasti ka second chance and then child track + leap ko introduce karwane ke liye.
Khair enough of my rant.
See ya in next chappy.