أنساب طاهرة

بارت ١٥

#أنساب_طاهرة ١٥
#بقلم_ام_مختار
#دنيا_غانم

:بعدت عنه وما جاوبته على كلامه انطيته الادويه وطلعت اريد اصعد النمارق احجيلها امي طلعت من باب المطبخ شكو ماما شبيج مستعجله

: ديحبني و اني ما طايقة هذا الشي ما اريد يحبني وهو ما يعرف شنو علاقتنه مااا اريدد يووم فدوه ودوا للدكتور خلي يرجعله ذاكرته سووله شي لا تخلوني انيي بهاي النار
گلتلي بكل برود : ليش ماما استغلي  الوضع وتقربيله هو ما راح ينسه هذا الديصير وحبج فعلاََ ومن راح يذكر ما راح يتغير شي

:لا يووم يتغير كلشي هيثم جان حاط بيني وبينه حدود انتِ ما تتصوريها وهو جان يگلي مستحيل علاقتنه تتحول من اخوه الزوجين

:على كيفج لا تبجين يوم انتِ مو زوجته خلي يحجي الي يريده اتقربيله وخلي يموت بيج و يضربه طوب هو واقواله عود من يذكر

:يووووم... قاطع  حديثنة نمارق وهيه جايه من الطرمة

:ايي حبي اسيا وعيشي حياتج قابل اكو شكال
ماما حنان تلگه حل للكل الا النمارق

حنان :شنو تردين  اسويلج ارجعه الج من الموت لو يصير جان سويتها لو يصير ياخذون روحي ويرجعوا الج اسويها بس امر الله ما منه مفرر
اني ما راح اهتم الحجيج لأن ادري انتِ يأستي وعجزتي و قنطتي من رحمة الله
و هذا الشي اذا ما سيطرتي عليه راح يدمرررج

اشيا :عافت امي وصعدت امي محتاره بيها وشلون تعاملها
گالت بحسره : بالمستشفى دعيت ربي ما افقد الولد ولگيت روحي فاقده بناتي وحده اتخبلت كلش و الثانية على خطى اختها تمشي

اسيا : واذا رجع اذكر و نكر كل علاقتنه شنوو اسووي

گالت :يذكر ويفرح ما ينكر لأن هو هذا كله ما راح ينسا

اسيا :يمتى تاخذوا طبيب اتأخرتوا

:احاجي ابوج باجر يحجزله

:بست راسها ورجعت يم هيثم دخلت لگيت نايم او يظاهر بالنوم ما تقربتله نمت ع القنفه ما اگدر احبه وهواي بس مو بهاي الطريقة اني رافضه ومقاومة ايي ومقاومة اسيا
انتبهت الروحي احجي همس و أشر بأيدي همزين ظلمة محد يشوفني

ثاني يوم ماما ما حاجت بابا اني حاجيته
طلع الرقم واتصل انطوه حجز الاسبوع الجاي
بسبب الزخم ع دكتور

هيثم :تتوقعين شنو يسويلي هذا الدكتور

:ما اعرف خلي نشوف شنو يگول واحنه نسويلك كلشي
گال : واذا ما رجعت تذكرت  شنو يصير

:الي يصير ساعتها اني اذكرك وخلي يضرب اخر فيوز عندك احسن ما يضرب عقلي سكتت ثواني وضحكت ضحكه هستيريه وهو وياي يضحك
والله جديات تره ما اضحك وياك

:ايي واضح  ما  اضحكين بس ليش هيج يا انانية.

:الخاطرك حتى لا باجر نوگع وگعه تنهي كل الحلو الي بينه
لزم راسه حيل وسد عيونه دقايق وهو يتلاوه وي راسه گتله انطيك مسكن اشرلي بمعنى ما يريد
انتبهتله ابتسم سألته شبيك ما جاوبني

ام ضياء اجتي من العمارة بعد ما ضياء عرف رايح خطيه جايبها وجاي مسكينه بجت على حالنه اكثر مما احنه بجينه على نفسنه وشلون حلو تنعي
وبكل قفلة تذكر اسم ابوي

ظل ابوي يسكت بيها ويتشكر منهم على جيتهم
بس ابوي الظاهر انتهز الفرصه  وسألها
ام ضياء فاتن ما گلتلج سيف وين راح؟

:لااا بس گالت راح يريد مساعده مكان يأويهم من ابوكم

: حسب الاشهر الي ظلت يمج هم حجت شي بخصوص  هذا الموضوع غير الي ذكرتي

:ايي انا العرفته اهل زوجها وعمامة عايشين بفدان كلهم وكل واحد وبيته
گالت واحد من عمامهم گال انبيع حصتهم ووين ما ايريد يروح خلي يروح وعود گايللها يساعدني نشتريلنه بيت بالشمال

:هاااا

اسيا : ابوي وصفناته وراهن شي مستحيل خاليات
فكرت يريد يعرف سيف وين راح بوقتها بس ما وصل الاي اجابه ممكن اساعده.....

رائد الحمد لله رجع اتحسن بس بلاتين رجله يمنعه يمشي ظل يزحف لأن مو طايق الكرسي وحتى ظل يصعد الدرج بس بحذر
و ايديه شالو منها اللفاف الاصابع مگطمة هذا الشي اثر بنفسيته بس
ابوي گله : اذا تحب نطلع خارج. العراق ونحطلك اصابع اصطناعية
رفض گله :مثل ما ربي راد اظل اني مؤمن هو راح يعوضني
كلامه جان گدام نمارق الي تحسرت
و گلتله رائد هم تذكرون علي؟

رائد : لا والله ما متصل عليه من يوم الحاد ث

اسيا :ابويه استغرب وگله ليش يابه

:والله يابه نفسيتي مو مال اتصل على واحد فاقد اخو لأن اني كلي هموم واسأل انوار اني التليفون ما ادري بي وين

:ميخالف يابه اتصلوا بي خطيه ظل وحده

اسيا :اني انسحبت منهم واتصلت بعلي وخجلانه صدگ احنه ناسي بس رن جاوبني
شلووونك. ابو حسين

:الحمد لله شلونج ام السان

اسيا : واني احجي دخلت للصاله هو جان گاعد منتجي  على المخده ويباوع تلفزيون
زينه اني الحمد لله انت شلونك

:الحمد لله

:شنو يگولون البلبل ما ظل يغرد

علي : شعجب تذكرتوني

اسيا : ضايجة وگلت اغث منو اغث منو عاد انت صاحب الحظ السعيد
ضحك ضحكه بسيطة  وگال : شلوونج وي هيثم

؛ اووو بنص العسل نسبح
گال : اني متشمت تره

اسيا : اني معلمتك يا عيني واني احجي هيثم لازم الريمونت و يفر بي ويباوعلي ويهز برجله
شوف علي اني صراحة  من الصار الحد هسا وي ابن عمك ملتهيه بس منا ورايح ما  اعوفك يوميا تلگاني متصله اغثك و اغيب
رحب بالفكره وسألني ع الولد طمنته وسديته

هيثم :هذا منو الدتخابري

:هذا اعز اصدقائك وابن عمك يصير ابن عمو امير
اخو اصيل
ظليت احجيله وهو ساكت من خلصت حجي گلي
وابن عمي تحجين هيج ويا؟؟

:هو يصير ابن خالي وابن عمي همم

:ما يهمني شنووو يصيرلج اسيا اني الاعرفه هذا رجال ليش دتلعبين بأعصابي

:ليش العب بأعصابك شنوو الصاير تره من  زمان اني علاقتي بيهم علاقته اخوها و انت ما عندك اعتراض

:ما يهمني هيثم هذاك انسييي عليج  بهذاا هيثم هسااا 
علي ابن عمنه ابن خالنه ابن ما اعرف منووو ما تحجين وياااا

:خوش خلاص ما احجي ويااا ما يحتاج هاي العصبيه

هيثم : انتِ ما تجوزين وميانتج وي الولد قويه
يعني مره وي رائد تبوسين ايده وحبيبي وهسااا وي علي مدري شنو اسمه يعني اني شنو گدامج

: رائد اخوك تره

:اني مالي دخل هو شنووو بالنسبه الييي  اني
مصيبتي وياااج انتِ الرايحة زايد بهاي الميانه
اتقررربي اسيا

اسيا : شتريد تسوي  بيه

:اريدد ادوس  ابطنج  تعاااااي

:ما اجي

:والله اگوووم حتى لو الحوض يرجع ينكسر تعاااي

:اتقربت منه وخليت بينه مسافة امان شنوو

:شوووفي اني ما ابلعهن هذني السوالف  الا الخاطرج اذا اتخبلت لاااا تلوميني سمعتيي وعلي مدري منوو اذا رجعتي اتصلت عليه لا حوضي ساعتها يلزمج عني ولااا حتى نفسج انتِ

اسيا : ابوي دگ الباب ودخل على صياحة ودخل
گال :شصاير  يابه صوتكم واصل للشارع

هيثم : بنت اختك ماخذه ميانه زايده وي الناس

اسيا :ابوي گلي شنو يقصد هيثم
:لأن خابرت علي ضاج
ثبت ايده  بالقنفه وگام وصاح من الوجع وگال ضااااج

اسيا :اگعد لا يصيرلك  شي خلاص ما راح اتصل بأحد بعد والله

هيثم : مرتي وگدامي تخابر فلان وعلان وتگولين ضاج طلعهااا يابه لا هسا اگلب الدنيا هناااا

عزيز : تعاي يابه وياي

اسيا : طلعت من يمه انقهرت وي اسيا اخته جان مو هيج بس وياي هسا دائماََ وعلى كل رد فعل عصبي صعدت يم نمارق باوعتلي  وابتسمت گالت : هااا صارت جوه حررب؟

:اخوج اتخبل مو بس فقد الذاكره

نمارق : همه هيج يعيطون بس اصيل
جان يهدد ويتوعد   بالضرب و كلشي ماكو بالاخير

: هيثم جاي يحبني نمارق

:ايي حبي استغلي الفرصه مثل ما امي گالت

:اذا باجر رجعتله الذاكره شنو يصير
گالت : الذاكره مالها دخل بالمشاعر يعني هو اذا اذكر اكيد ما راح ينسه العايشة هذا ولا الحب الي بگلبه ولا التفاصيل الي راح تعيشوها
اسياا حبيي و عيشي ويا مثل اي ثنين مزوجين لا تخلين هيثم يروح من ايدج مثل ما رائد راح الوحده ما تستاهله

:بوقتها گلبي جان طوع كلامهم بس عقلي ما قابل ويگلي تخيلي اذا نكرج من يصحى واتراجع

غيرت الكلام وگتلها شنو هاي الجنطه؟

:بيت عمي راح يطلعون للاربعينيه علي يگولون صاير زين ونگدر هسا كلنه نروح

: بس انتِ راح ترحين؟

:لا وبابا وياي نروح يومين ونرجع
جنت اروحله خطار وهسا هم خطار بس ما راح اشوف غير اسمه و تاريخ وفاته

:اتقربت منها وحضنتها خليج قوويه الخاطر اصيل لا تضعفين روحي و ابجي وسوي الي تردي
بس رجعي قويه روحي للامام علي واشكي وجع روحج والله ما يردج ضعيفه روح

:ونعم منه ابو الحسنين
فجر الاحد طلعنه اني وبابا بسيارته البيت عمي امير  اباوع بمراية ابوي بوشيه و العبايه و جفوف و جواريب و حجاب اييي من مات تحجبت و بهذا الشكل لزمت عده
عمي جان حاجزلنه كية بس احنه بيها بناءََ على طلب ام اصيل تريدني وياها بالسيارة صعدت للسياره وخواته كلهن دارن وجهن عني بس امهن تلگتني بالكلمة الطيب

طلعوا علي بالكرسي هو ومدنگ صعده عمي بالگوه بالكرسي الامامي و بابا وعمي امير يمنه
اتحركت السياره للنجف

دخلنه للنجف زرنا الامام وطلعنه للمقبرة
بصف عمه فاتن دفنوا اصيل امير ويكمل الاسم وتاريخ الوفاة
من شفت اسمه ذاكرتي استحضرت كل ايام الحب
و المواقف الي سعدتني بوقتها ودمت گلبي بهاي الساعة
نزلوني ما بجيت وولا ردت ابجي گعدت يمه اسولفله شنو صار وياي بهاي الشهرين  ونص بدونه
احجيله  مثل ما جنت احجيله وبسبابتي امسح على الطابوگ وكأنوا جاي اتحسس شخصه
اريد اقتلع البيني وبينه لو لا اكرام الميت
تركني بسرعة الدرجة  رافضه اصدگ الاني بيي
اريده يارب رجعه الي انت قادر على كل شي هسا قادر ترجعه الي
وشنو بيها لو رجه  اليي ورجعت الروح الجسدي
بس امر الله واضح اختبار ابتلاء مو مهم المهم ما نيأس من روح الله
بست  الطابوگ وودعته بكل هدوء الدرجة من صعدنه السيارة گليلي خواته : لعد عليمن ذابحة روحج َتردين تجين دمعه ما نزلت منج بالرغم اني ما نزلت البوشيه حتى هيه شافتني اذا بجيت او لا
ردفت الخ وگالت : حتى صوت ما طلع منج

:وفعلاََ اني كملت وصوت ما طلع مني وولا جاوبتهن شيريدن يحجن خلي يحجن
نزلوا علي للگبر هذا عوض عن الكل ما يصرخ لا يكطع بحباله الصوتيه وهو يگله عفتني وحيددد يا
خووويه هان عليك اخووك واني ما جان عندي صاحب غيررررك
هيج تتركني واني جارع البيت الخاطررك
وانت
وكسرت خاطررري يا خوووية

هنا بجيت وظليت انحب كلامه اعتاب ويعاتبه بحنيه
عمي وخره من الگبر بالگوه وهو لاف وجهه باليشماغ ومدنگ ابددد ما يباوع صعد للسياره وساكت طول الطريق هو ساكت
حتى عمي من يحاجي ما يجاوب غير بأي او لا
ومرات ما يجاوب نايم
بيومها ظليت بالامام علي الحد الليل
وثاني يوم رجعت للبيت ورجعت الوحدتي عبالهم اني بيه شي بس اني ما اريد انسا او اصواتهم ينسينيا اني اختاريت اعيش ويا بحياته
وبمماته قررت اعيش وي ذكراته وهاي الطريقة الوحيدة  ياله اگدر اعيشش
.......

اسيا : جبت كيكة ام الربع وحطيت بيها شمعه صغيرونه ومن دخلت يمه شغلتها
گلي :هاي شنوو هههه

:عيد ميلاد زواجنه هو فات بس انتظرت نمارق ترجع من النجف واسوي

:صارلنه هسا شگد مزوجين

:سنه وشهرين
لزم الكيكة بثنين ايدي وگال نطفي  الشمعه؟

:طفيتها ويا ترك الصحن ولزم اخدودي وكرصهن وگال شنو جنت اگول من اسويلج هيج؟

:تگول شگد حلوه
بحركة منه لزمني من راسي وباسني من شفايفي ما بعدته بس غمضت عيوني ما راضيه على نفسي بس بيه شي راضي وهو صاحب القرار
بعد عني يمسح اشفايفي باوع بعيوني وگال
يااابه  شگدددد حلوه

: تريد نگطع الكيكة جبت هم سجينه لحضه اطلعها من جيبي

:تظلين هيج مجاهلتني و الله مشتهيج يابه اعصابي مدمره بسبب هذا البعددد ذابح اهلج اني وما ادري

:ما بقه غير يومين وتروح للدكتور الله يخليك

:انتِ الي الله يخليج  حسي بيه اشوفج گدامي تخبلين و مهتمة بأدق تفاصيلي وما ترديني احبج مره لخخخ؟

:مو ما اريدك تحبني بس اريدك تذكر  حتى تعرف شنو جان يعجبك بيه وشنو ما يعجبك شلون جنه عايشين وشلون انت مجنب شغلات و راضي بشغلات جرني بقوه اكبر وگال عود من اذكر الله كريم اتقرب مني وظل يبوس بشفايفي ومنحري
ما قاومته وولا بعدته
بس طول الوقت عقلي ينكر الديصير
و اني راضيه اني شخصي رضه وهو يبوس بمنحري همسلي سدي الباب وتعايي فدوه

: ظليت احس برجفة ايده شتريد تسوي؟؟
فتح دگم بلوزتي وگال اريد حلالي انيي يابه
گمت من يمه وگتله لالا لاااا مو هسا من تذكر افضل

:شنوو من اذكر تحجين صدگ انتِ مو كافي صبرت هاي المده شنو انتِ ما ترديني احجيييي

:مو هيج والله بس احسن الك
ظل يصيح ومعصب وذب اللوم عليه طلعت من يمه مختنگه اتلمس شفايفي ما مصدگة  الصار والقبلت بي گعدت بالطرمة ضايعه
شنوو اسوي الكل يشجعني اعيش ويا حتى اني انقسمت نصفين نصف مؤيد ونصف ناكر الوضع الداحط روحي بي صعدت يم نمارق هيه صارت ملاذي لگيتها تبجي نمت بفراشي  وگتلهم لحد يگعدني ولحد يحجي وياي

بس امي بالليل اجتي و گالت هيثم يريدج
ما گدرت ما انزله  خاصه واغلب اموره الشخصية اني اخلصها دخلت للصاله هدوء لا اني ولا هو نحجي

هيثم : سؤال وجاوبيني  عليه حتى اعرف اتصرف بعدها ترديني لو لاا غاصبيج عليه لو لاا احجيلي كلشيي ولا تگولين ذاكرتك احجييييي بس احجيييي

:لا محد غاصبني

: اذن ترديني  لو لا

:اييي

: ليش رافضتني اني اريدج هم

:جريت تليفوني و فتحت كاميرا وگعدت يمه گول شنو تريد هيثم

: ليش تصورين؟؟

:هساا احجي   گول شنو تريد مني

:يابه هاي البنيه مخبله اني اريدها وهيه نافرتني ذليت روحي الها

اسيا : واذا بعدين تندمت؟

:ما اتندم اني متندم صبرت هاي الشهرين ونص
هسا اريدج

اسيا :سديت الفيديو وطفيت الضوا
التدفئه عاكستها بس اطلع ضوا بسيط بالصاله شفته من نزع البلوز مالته واني كلي ارجف
وشگد حاولت امنع نفسي بس ما منعتها
صرت انانيه حتى وي روحي بس حتى اعيش ويا الحب
باس كل بنس بجسمي وهو متفاعل  وياي
تأنيب الضمير دمرني وهو يگلي موو بوعيه لا تخسرين احلى شي عشتي وي هذا الانسان بهذا التصرف جاي تدمرين كلشي بس ما گدرت....

استغرب لمن طلع مني دم وسالني شنو السبب
ما جاوبته گتله انتظر تذكر وتعرف ليش
خلص الي يريده وخلاني بحضنه ما گدرت ابقه بمكاني احس ضميري هاجمني بقوه بعد ما خلصت الي اني جنت اريده مو بس هو
تسمحلي اليوم انام يم نمارق

:ليش؟

:تعبانه حباب

:روحييي 

:جريت ملابسي لبستهن وصعدت فتحت الباب لگيتها تبجي گعدت ابجي بالگاع هيه اجتي تگلي شبيج

:دمرررت  روحي بروحييي نمارق انييي حكمت على روحي بالدمار مثل ماما فاتن مثل ما هيه ضعفت گدام الي تحبه انييي هماتين
جنت الومها وهساا اني الوم نفسي
اييي مو غريب تصرفي احنه عائلة مو متزنه انيييي دمرت روحي ولج انييي صرت مثل امييي

نمارق :اسس اهدي شنو صار

:انطيته نفسي نماررق نام وياي
كلشي راح منييي واولهن كرامتي لوو طلع من هذا الوضع الي هو بي شلوون راح اباوع بعيونه

:اهدي حبيبتي يمعوده غير هو يريدج  بعد شنو گليله انت تريدني قابل شسويلك

:خليني يمج نوميني يمج ما اريد اشوووفه ما اريد ارجع يمه و ما اريد اعيش الي عشته قبل شووي بعدد ما اريددده والله ما اريده

:تعاي لا تبجين خلاص
حاولت تنام بس ما گدرت گامت اخذت ملابسها ودخلت للحمام ورجعت للغرفه گطعت شعرها تگطع حاولت اخذ منها المشط ما قبلت ودفعتني
بالاخير قرفصت نفسها وظلت تبجي مثل الطفل وتصيح اني مثل ماما فاتن رخيصه انييي رخيصه
هو ما يريدني رغم جان يكن الي مشاعر بس ما ضعف گدامها واني صعفت گدام مشاعري و سلمته نفسي.....

اسيا :يومين ما نزلت يمه وولا رحت ولا حتى وصلت الطرمة وهو هم ما دز احد عليه
بيوم موعد الدكتور بابا جبرني اروح وياهم هو وامي

گعد يمي لزم ايدي وگلي اشتاقيتلج ليش هيج دسوووين حيرتيني وياج

:ما بيه شي لا تهتم وصلنه للدكتور بعده بابا ما صف سيارته خابره رائد گله نمارق وانوار تمالخن وما ذاگدر  اكووم الهن ابوي تركنه ورجعلهم گال الحد ما تخلصون
دخلت اني ويا وماما للدكتور بعد ما حجتله ماما الوضع طلب منه تخطيط و ورنين و تحالليل ظلينه نركض من مكان المكان اني وماما وهو خطيه تعب بس ما يحجي
للساعه ١٢ بالليل بس اني ويا وماما نفتر
بابا ما اجه خابرته گال عمج لؤي يمنه هسا راح يطلع هو وانوار و اجي
سديت الخط منه صاحولي اني دخلت وحدي بناءََ على طلب الدكتور يريد بس شخص واحد من عائلته
گلي فقدان ذاكره رجعي
كتبله ادوية و بعد ١٥ يوم لازم نرجعله
وگال علاجة  الوحيد نذكره بالصار قبل 

يعني كل الي فقده لازم نرجع نذكره هاي اهم نقطه اذا نريده يرجع يذكر كلشي علينه بالماضي
گال:
حتى سيارته خلوها يشوفها
هو ما فاقد مهارته السياقة واي شي يحبه من مهاراته يگدر يرجع يمارسها بكل سهوله  بس ما يعرف ولا يذكر سياره
اذا ملابس يحبها هم انطوها اله وذكروا
جان العلاج قسمين   نفسي   المهم يرتاح

والقسم الثانب يعتمد ع الذاكرة القديمة والاحداث الصارت المهم  نذكره بكلشي صار بالماضي
طلعتلهم  لگيت بابا موجود   و ينتظرون مني  اجابات تشفي غليلهم

:طمنينه يوم

:گال ترجع الذاكره بمرور الوقت وهاي الادويه
و عنده تلف بالدماغ هو سبب هذا الفقدان
خليت الاوراق و الادوية بأيد امي وتجاهلت نظراتهم
وگتلهم ويگول الدكتور اهم شي ما نذكره بالماضي
وما يحتاج نراجع بي اطباء بعددد .....

يتبع......