مساء الحب قراءة ممتعة
لا تنسون التصويت و التعليق
#أنساب_طاهرة ٤
#بقلم_ام_مختار
#دنيا_غانم
اسيا _كلنه التفتنه الابوي من گال حامل هذا الموضوع اول مره نسمع بي
امي بجت گمنالها اني ونمارق لويش دتبجين يوم
عزيز _ حبلت عمتكم واتصلت عليه و هيه خايفه ما جانت خايفه على روحها بحجم خوفها على طفلها وهاي غريزه بالانسان من امكم گلتلي اني حامل بوقتها بهيثم احس اني كلي تغيرت كل تفكيري وكلشي بيه تغير اكو شي حدث و امر مهم وجلل بالنسبة للاب والام ظلينه كل قرار نتخذه نتخذة و هيثم اول اولوياتنة بالقرار
و من اجه رائد صار القرار يتخذ بأحكام اكثر و من اجت نمارق القرار صار يتخذ بأحكام وتروي و تفكير اكثر...
الاتصال بوقتها من عمتكم تأمني امانه على طفلها وگالت لو ابوي قتلني انت ربي طفلي هذه كلمتها
واني بعد ما ابوي طردني نقطعت علاقتي بالكل بخواتي و بأهلي كلهم خوفهم من ابوي خلاهم يقاطعوني حتى عماتكم المزوجات هم ازواجهن وابويه ضغط عليهن انتوا هذا كله تعرفوا ما فكرت بوقتها غير بشي واحد نعلن يم الكل والاهم يوصل الابوي انو حنان حامل
هم منها مشايفها هو ولا راح يشوفها ولا حتى خواني و هم الجيران ما عدهم تواصل قوي ويانه وكدام امي رتبنه الامر ظلت امكم تلبس عريض كل الي مر عليها بولادتها السابقة سوته
لأن جنت مفكره اخذ الطفل واسجله بأسمي واجيب يمي فاتن ونگول طلكناها من سيف الخاطر رضى ابوي و تعيش يمي و يم طفلها و ما يكتلها ابوي او ع الاقل ما اظل من مكان المكان
اسيا _ واحد يباوع بوجهه الخ وين هذا طفل شنو صار كمل يابه اريد نسمع اريد نعرف هذه الي توارد بأذهانه بوقتها بس هذاك غضب الله گاعد على الكرسي وشابك ايدي و مدنگ
عزيز _الحد يوم ولادة فاتن جانت بالعماره هيه خليتها عده مره هناك طيبه من معارفنه و طلعنه بيومها الدنيا ليل خذيت امكم تولد غير
رادت تجي وياي امي گتلها لا خليج يم جهال
بابا هيثم تذكر
هيثم _اذكر اكيد
اسيا _ مسح طرف خشمه بسبابته وحجة
عزيز _وخذيت امكم وطلعت للعماره
اسيا _ يا سنة يابه؟؟
تجاهلني ما جاوبني
عزيز _ووصلت العمتكم جانت والده
وجايبه بنيه مثل القمر
اسيا _ گلبي وجعني منو هاي البنيه؟؟
اني لو نمارق
گامتلي امي وحضنتني وتبجي
نمارق _يابه منو هاي الطفله
گام ابوي الاسيا ورفعها اله وحطاها بحضنه
عزيز _ اني راح اگلكم منو بس اريد من تعرف تگلي بيوم اني لو امها حنان قصرنه وياها
اسيا _ اني صحيح اني بنت عمه فاتن موو؟؟
هيثم _اييي انتِ
نمارق _كلنه كمنالها الا هيثم الگاعد بس يباوع
YOU ARE READING
أنساب طاهرة
Romanceقصة حقيقة لا احد يعرف لغز الحياة ولا اسرار البيوت هجرتها كما هجرت روحي تركتها للسنين لتداوي جروحي وجروحها ومنذ تلك الليلة لم اذق صبا النسيم ولا لين الهبوب متى وأين يكون اللقاء وماذا يحدث ساعتها مجرد تخيل تلك اللحضات ينتابني حزناََ عميق كجرو...
