#أنساب_طاهرة ٢٤
#بقلم_ام_مختار
#دنيا_غانم
اسيا _ابتسمتله وشحيت بنظري عنه هاا يابه صرت احسن؟
_اييي الحمد لله
هادي _تحسنه هواي دكتورنا
سيف _اني هم ملاحظ
اسيا _گله شوفت بنتك جابت نتيجة ولو الي يشوفها تردله العافيه
بابا گله ولك شو تتغزل ببنتي
هادي _ هههههههه لا والله جدي انتوا عائلة تنوكل من جمالكم
اسيا _رحم الله والديك ما تقصر جبرت بخاطرنا
باوعت بالمرايه المقابيلي وبالگوه لزمت روحي من ضحك صايره جنيه وخشمي تارس وجهي رجعت نمت يم بابا للصبح فزيت من نومتي نزلت وي ماما اشتغلت ونمارق وياي امي مستغربه وفرحانه
حنان _فدوه الهذا الطول عسا الله لا يحرمني من طولج يوم نمارق نور بيتي بنزلتج
نمارق _يوم عوفي هسا الكلام المعسول هذا رائد الفضاء صارله يومين يتوسل بأنوار علمود يشوف ابنه والظاهر الخاتون معنده شنو رئيج البس عبايتي ونرَوحلهم ادوس بمصارينها واجيب الولد
حنان _اگول ابن ملجم ما نازل الالله عنده مصيبة يريد يسويها
اسيا _هههههههههه ابن ملجم
نمارق _يوم يگلها اگدر ادخل واجره من حضنج بس ما اريد اكسر بخاطرج اني لو منه يوميا اكسر بخاطر انوار
حنان _لويش مو مرأه مثلج شنو السوا بيها اخوج قابل طلكها وهسا كام يتوسل على شنوو
اسيا _ مالج دخل بيها نمارق لا تستمعين اله عيب بطلي هاي العاده....
اهل هادي طلعوا للشقه وبابا ابد ما ينزل بس بالغرفه الحد ما احنه نزلنا للطرمة
بس من شاف امي خجل گلتلي ماما _ اخذ راحتك ابو اسيا لا تفكر بينه اني مرأه احب العائلة الجبيره و رجعتك البنتك والله سعدت گلبي
سيف _تسلمين ما تقصرين
اسيا _ايام وعرف جدي بأمر بابا سيف وطبعاََ انوار الي توصله الاخبار اجه للبيت وشافه وتخبل
كام يحجي عليه واكيد يحجي على بابا عزيز شلون مخلي بيته شنو ممكن تتخيلوا حجا واولهن الطعن بالشرف سكت جدو تعب
سيف _ما اكلك غير ربي يراويك جهنم الاخره مثل العيشتنياها بالدنيا
تصرخ وما من مجيب
تعطش وترتوي نار حميم
تصبر و ماكو رجاء
تهيم روحك بعالم البرزخ مثل ما ضيعتني بهاي الدنيا
تصلب روحك الظالمة مثل ما صلبت گلبي بفراگهااا
باجر النه وقفة امام الله تخررر الاجساد من شدة الانتظارر
يشهد علية ربي ما اغفرررلك
ردتها بحلاله ومنعتها بحرامكم
قاددر يصليك بناررررة
اسيا _جدو طلع وبابا سيف فتح بوري الطرمة وغسل وجهه ورگبته لزم ايدي و كام يردد ايات قرأنية
الحد ما هدء واني صعدته للغرفة
ما قبل بعد يحجي و ولا اكل بقه بفراشه ومفتح عيونه ويناظر الفضاء الغرفة وكل بين حين وحين تنزل دمعه منه ويمسحها بزنده
اني هم تمددت بفراشي واباوع للفضاء بس دموعي ما بطلن كلامه ونبره صوته ومعالم وجهه جانت تحجي اكثر من الكلمات الگالهن
بابا سيف صدگ حاضر ويانه بس ماكو فرحة بعيونه عيونه تحجي تنتظر تترقب هيج احسهن
بالليل بابا اجه واخذه بالسياره بقيت انتظرهم بالطرمة هنوب ثنينهم طلعوا حسيت بفرق ع سريع
نمارق _هااا عافوج وراحوا؟
_ايي
_عادي ما تعودتي هستوه الغالي علك وطار
اسيا _يعني تحبين تغثيني انتِ
_و بيج تنغثين گليلي اذا انا علك َطار انتِ طار وحط بالجنه بعد ماكو رجعه تشوفي تعالي ادربج على الصبرر
_ههههههههه والله مو طبيعيه انتِ
نمارق _ راسلت عمتي وجاوبني علي گلي امي ناسيه التليفون وطالعه
_ايي وشنو؟
_اجيت اكله شلونك وشلون ومشاعيرك بدوني ههههههههههه
اسيا _والله انتِ عديمة الاحساس
گامت وضربت ايديها وحده بالخ وگالت
كلشيي يتعوض و كلشي ممكن بي امل الا الموت
اني داحس بضيق الگبر احس الدنيا يوميا تكبس على انفاسييي اسيا اريده تفهميني شنو اريده
اني دالهي روحي وياكم احجيج بعلي وبيج وبهيثم وبالدنيا كلها وامثل القوة بسس اني منكسرة من داخلي اريددده تفهمين شنو
روحي دتريد ثغرة تطلع منها وتروحله انييي هيج ديصير بيه
اسيا _ تعاي گعدي يمي نونو دشوفين الدنمر بي ماكو واحد مرتاح
نبلش من بابا نبذه ابو ويوميا يجي يهينه ويسكت
امي دشوف اوجاعنا كلنه وتتوجع ضعف وساكته
هيثم الي نهزم وما نعرف وين
رائد طلك زوجته وابنه صار عليه شوفته بالتواسيل على گولتج
انتِ وما يحتاج احجي
واني تفضلي بطني گدامي والانسان الي حبيته عبالي هو هم يحبني بس بح فص ملح وذاب
يا اختي ماكو واحد مرتاح حتى انوار الي دتسوي هيج عبالج هيج بس تتونس لا انوار مقهوره شلون رائد طلكها وهو جان كل ليلة يصيح اريدها يمي
وبابا سيف حبسوا ٢٥ سنة بسلاسل هذا تهون مصايبنه يم مصايبه
ماكو انسان على وجهه الكره الارضيه مرتاح يجوز اكو مصيبه اقل من مصيبه
حتى الناس من تسمع بيها تهون مصايبهم
فـ الموت حق كلنه نموت شگد نريد نعيش هم نموت
آسيا _تحسرت وگلت
ميت واخير ذكرى بيناتكم حضنه ووداع
ولا عايش ونبذج واختفى
رجعت تحسرت وگالت وبعدج تحبي
نمارق _اذا رجع تسامحي؟
_لااا والف لااا احبه اييي بس مو معناها اذل روحي
خلي گلبي يحترگ وولا كرامتي تنهان.....
سديت موضوع هيثم بذاك اليوم وامي اردد كلام جدو سعدون احترگي بس حرگيهم وياج
بابا عزيز كام يوميا يطلع بابا سيف ويا يرحون للحضانه لأن جاي يكملونها والتهى بالشغل من يرجع بابا سيف ما يرتاح لأن يحس مضايق امي
فقرر ياخذ الاوراق الباقية عنده ويروح للنفوس يشوف شلون يگدر يطلع اوراقه حتى بعدها يمشي بمعاملتي ويحولني بأسمه بابا عزيز جان مقهور بس گال هو هذا الصح
اخذوا الاوراق وطلعوا المعاملات بالعراق من غير شي تتعب الروح مو هنوب انسان مفقود من سنين وسنين
الحد ساعة بالوحده ونص ياله رجعوا وتعبانين دخلوا سبحوا حتى ما اكلوا وما بيهم يحجون للعصر ياله سولفوا تصير المعامله بس يرادلها ركض لأن بابا سيف محتاج لو اوراق جدي لو شهادة الوفاة مالته حتى على اثره يطلعوله اوراق جديده زين كل هذا يم ضرغام ولو نموت ما ينطيهن
بابا كام يتصل بمعارفة عسى ولعل يساعدوا
بس واحد من ضباط گله رحوا للطب العدلي انطوا تواريخ ممكن يساعدكم
بابا سيف اصلاََ ما يعرف يمتى مات
بس يذكر السنة
واحد من ضباط اقترح بابا سيف يشتكي على بيت ضرغام حتى ياخذ الاوراق منهم
سيف _ الصبح من سبعة رايح اشتكي اريدهم يسحلونهم كلهم
اسيا _بابا عزيز اتصل بعمامي لأن عدهم واسطات اكثر منه بحكم شغلهم وهم راد الاخبار توصل ان بابا ديريد يرجعني بأسمة
طلعوا الصبح ما رجعوا الا للمغرب
بابا سيف ضحكته من الذان للذان وبابا عزيز ويا
طمنونه
عزيز _كلهم بالسجن حالياََ گلهم ابوج من تقررون تنطوني اوراقي عود نطلعكم
حنان _الحمد لله يعني فادت الشكوه؟
عزيز _ايي بس من طلعت ويانه مفرزه للقاء القبض و خاصه من شافوا اثار السلاسل بأيد سيف والضرب بسرعة طلعوا ويانه
بس من وصلنه هناك لگينه سيارة كاملة مالت ضباط تنتظرنة وسحلوا بيت ضرغام سألناهم منو گلكم گالو من طرف اخوتي خابرت اخوتي اشكرهم گالوا ما دازين احد
سيف _جنود من جنود رب العباد
عزيز _الف الحمد لله وشكر المهم وكفوا ويانه بس شي يوكف العقل منوو دزهم...
آسيا :وبقه بابا يتصل بمعارفة يريد يعرف منو دزهم الكل گال ما دزينه احد
بقه ضرغام يومين بالسجن الحد ما زوجته سلمت كل الاوراق الي تخص جدي وبابا گلهم بابا هاي ناقصة
جنة _شنو ناقصة
سيف _ملكية الارض سيادة الضابط والدي من شترى الارض توزعت بالتساوي واكو عقود تثبت هذا الارض جزء منها الوالدي
هادي _السلام عليكم نعم حضرت الضابط كلام عمي سيف صحيح الكل واحد من العمام والاولاد. مثل هاي الورقة تثبت ملكية بيته ووالدي شاهد وامي كذلك اذا تحب يحضرون
اسيا_جاي هادي وجايب كل اوراق بيتهم وابو شهد وي بابا سيف وعلى اثرها بقه ضرغام يوم لخ بالسجن الحد ما جابت جنة ملكية الارض البابا
طولت المعاملة وهاي الامور شهرين بس ماكو راحة من مكان المكان يدزون بابا سيف وبابا عزيز اكيد ويا
واني بطني صارت گدامي وصرت امشي مثل البطريق وصلت للشهر السادس بس كلش تعبانه وكلشي بيه يوجعني حجزتلي ماما يم الدكتور وگالت النمارق تعاي ويانه نشوف شنو بيها هيه هم ما رفضت واحنه دنصعد السيارة نزل ضياء من سيارته ودگ جرس البيت
حنان _هذا الولد والله خطية كل شهر يجي ويجيب اشكال والوان
اسيا _ هنوب صارت حتى ملابس والله الغراض الجايبيهن الي بعد سنه لخ ما احتاج اشتري
نمارق _الدشاديش تخبل وبارده
حنان _الشالات وكلشي والسمج تارس المجمده
اريد اكل الابوج يگله بعد لا تجيب شي خطيه مخلص راتبه علينه شنو قابل من شغلة ابوج من عليه
اسيا _يوم مجان يجي كل شهر هسا كل شهر يجي وشوفين المسواگ شگد
حنان _الله يحفظه الشبابه
اسيا _وصلنه للدكتور بقيت انتظر رقمي
گال نمارق شنو تتوقعين بيج؟
_ولد وبنيه
حنان _انتِ حامل بولد وهسا ادخلين وشوفين
نمارق _شلون عرفتي؟
_نساوتها و طبيعة جسمها وبطنها توحي هذا الشي المرأه من تحبل ببنيه تصير تخبل اسيا تسحولت من حبلت الحد هسا
اسيا _دخلنه للسونار وحجينه للدكتوره الحديث الدار بينه بالعيادة من خلت السونار على بطني و كامت ادوس بالازار اليمها ضحكت
ها دكتوره طمنيني
_امج الفازت حامل بتوم ولد
نمارق _ الف الحمد لله
حنان _ الف الحمد لله الف الحمد لله اللهم صل على محمد وال محمد
اسيا _ امي ضيعت السالفة لأن ويانه وحده تخاف تحسدني اني فرحت بيهم بس فرحتي مو كاملة
بالرغم بطلت ارسل هيثم وگلت قابل شيريد يصير اذا ما رجع
بابا عزيز گال نسجل الاولاد بأسم رائد ويعيشون ويدرسون شنو قابل يصير مو اني تسجلت بأسم بابا عزيز واني اليوم متخرجة ومارست حياتي بشكل طبيعي
رجعنة للبيت وماما اشترت جكليت وبالبيت تهلهل وطش وباباياتي من عرفوا واحد يگول تسمي عزيز واحد يگول تسمي سيف
عزيز _اليطلع اول اسمه عزيز
سيف _ليش بالله على راسك ريشه اليطلع اول اسمه سيف
اسيا _واحد اسمي سيف عزيز
وواحد اسمي عزيز سيف هااا شرايكم و اگول للسستر ما اريد اعرف منو الاول
قبلوا سكتوا عبالك جهال يتعاركون تقنعهم يسكتون
عزيز _ضياء جايبلكم ملابس فتحتهن يابه كله جديد
حنان _احجي ويا خطيه شنو ذنبه
_حجيت يگلي عندي وعدكم خير ما يقبل الولد هاي دشوفي كل شهر يجي ويجيب ويا كلشي
نمارق _الله يرزقه ويجيبلنه بعد دشاديشهم مو مثل العدنا بسيطة وبارده قماشهم احسه احلى من قماشنه
اسيا _حتى ضياء تردين تستغلينه ههههه.....
الايام تمشي وبابا سيف قرر يبيع البيت مالته ويشتري بيت النه اني ويا بس طبعاََ بابا عزيز رفض وگله اشتري بيت بس ما اطلعون من يمي اني اموت بدون اسيا وهيه حامل بولدنا
سيف _يجوز هيثم يريد يرجع وما يريدها اني ما اريد اخلي بنتي بهذا الموقف خلي يرجع البيته وبيتي الي اني وبنتي
_الي يريد يرجع يرجع براحته اني محد يهمني غير اسيا
اسيا _طال الجدال اختصرها بابا سيف بزوجتك ما مرتاحة بيتها شنو ذنبها
عزيز _ يابه اذا انت متحسس ابنيلك غرفه بالطرمة الك وحمام يمك و المطبخ تگدر تدخله كل لحضه وانت تحب تكعد بالطرمة هم الك كلها هيج هم ترتاح انت واني هم ارتاح لأن بنتي ما تطلع من بيتي
اسيا_ واتفقوا بابا يبيع بيته الي يم ضرغام و يشتري بالكراده داخل و يبني غرفه ببيت بابا عزيز
وبعد ما انطوا خبر الضرغام ما قبل احد يدخل بيته ويطب بحجة يشوف البيت قرر هو يشتري الولده بس ابوي انطه بي رقم عالي و اذا ما قبلت باجر يجي شراي هو انجبر يقبل ونطا من صالح بابا لأن بيوت الكراده نار المتر بذيج الحسبة....
بقيت اشوف بابا سيف و عزيز هواي يدخلون للمكتب واني هذا المكتب ما احبه كل الي يصير بداخله يأذيني
ونمارق انتبهت مو بس بابا سيف لا ورائد هماتين
الحد ما اني دخلت عليهم بدون ما ادگ الباب گلولي شدسوون لا تخلوني قلقه صاير شي؟
عزيز _تعادي گعدي يابه
اسيا
گلي _ احنه راح نبدي بمعاملة النسب وترجعين بأسم سيف
اسيا _وليش مسوينها سر؟
عزيز _ من والدج راح يمشي بالمعامله ع الاغلب اني انسجن لأن هاي انساب و اني مزور ما اعرف شگد انسجن بس هيج التوقع
وانتِ ما بقه شي على ولادتج واني ما خليت مكان ما دورت بي هيثم لا سليمانية لا عماره لا بصرة لا تركيا لا لببنان بس بيوم طلعته جانت اكو رحلة الماليزيا بس مالييزيا ما دورناها
اسيا _ بابا لا تفكر بهيثم خلي مدام هو هيج اختار هذا هو
عزيز _اني ما مفكر بي وولا يهمني اني افكر بولدج الوكت يمشي ويجي يوم يحتاجون يسجلون مدرسة ولازم يسجلون بأسم واحد والخيار الافضل رائد يرجع زوجته ويسجلون الاولاد بأسم رائد وانوار
اسيا _لااا يابه يعني حتى مو بأسمي اني؟؟
_ما يصير يابه لازم يسجلون بأسم اب
والافضل رائد لأن اني اريدهم من يكبرون يعرفَن ابوهم هيثم و عمهم سجلهم بأسمه لأن هو اختفى
واريدهم يعرفون انتِ امهم هذا كله مهم وضروري يابه هاي انساب مو لعبة
_امنة بالله بس اني خلوني بأسمك. لويش هسا تغيرون هنوب يسجنوك ويأذوك
عزيز _لا افصل بأسم ابوج تصيرين اي وقت يرجع هيثم غصباََ ما عليه يرجع كلشي بمكانه ويرجعون ولده بأسمه وبأسمج بدون تعب
اسيا _بيك تحمل سجن
عزيز _اييي عادي حملنه سجن النظام السابق ما نحمل سجن هذا الوكت كلش عادي لا تخافين
اسيا _وراح بابا يحاجي عمي لؤي علمود انوار
بس ما گلولها علمود الاطفال واني صار لا ليلي ليل ولا نهاري نهار حسيت بغيره ليش يسجلون ولدي بأسمها اريدهم بأسمي
ومن بعد انقطاع واصلاََ محيت ارقامه من يمي وحساباته رجعت دزيتله رسالة
راح يسجلون ولدي بأسم رائد وانوار لأن انت مختفي اررجع بس خليهم يصيرون بأسمك وروح وين ما تريد تروح ما اريد اشوف الجنسية مالتهم وهمه بأسم انوار كلبي ديتكطع ليش ضناي مو بأسمي اني شنو الذنب الذنبته والله حرام عليك هيج سويت بيه ليش حملتني اني كل المسؤولية انت مو شريك بالذنب اني ما اريد هسا اللومك وولا اريد منك شي بس ارجع وخليهم بأسمك وخلاص ينتهي كلشي بيناتنه....
بقيت يوميا اباوع للرسالة اصلاََ مستحيل الحساب ما نفتح من يوم الي طلع بي الصبح
شكيت الامي وجع گلبي كامت تبجي على حالي
لو ادري بيومها يريد يروح بدون رجعه ما اخلييي
هنوب هو طلع و اكثر من ربع ساعه ورجع صعد للغرفه هنوب طلع قابل تندم وبعدين تراجع بكلامه اوووف يا هيثم شسووويت بينه لويش هيج سويت وانت الجنت ما يطلع منك الغلط وانت سندنا
اسيا _ استسلمت للامر الواقع وگلت بأسم انوار ولا ما يسجلون بأسم احد ويبقون طول حياتهم يتعذبون
الساعة ٨ الصبح دگ التليفون رقم غريب ما جاوبت
رجع دگ هماتين ما جاوبت ومحد بالبيت غيري اني وماما ونمارق
بقه يتصل اكثر من ٨ مكالمات بالاخير شلت التليفون ورديت بصوت خشن الووو
سعدون _ انييي جدج وبطلي هاي سوالفج
اسيا _استغربت جدي سعدون ومتصل عليه نهاية العالم هاي
تفضل جدو اقصد شلونك شخبارك
_سمعي كلش زين بنت فاتن انتِ ردتي تعرفين اخبار هيثم تره هيثم بيوم الي سافر
طالع التركيا و بأيدي هسا نسخة من التكت مالته
وجانت رحلته الساعة ٨ الصبح
يتبع....
.....
....
....
YOU ARE READING
أنساب طاهرة
Romanceقصة حقيقة لا احد يعرف لغز الحياة ولا اسرار البيوت هجرتها كما هجرت روحي تركتها للسنين لتداوي جروحي وجروحها ومنذ تلك الليلة لم اذق صبا النسيم ولا لين الهبوب متى وأين يكون اللقاء وماذا يحدث ساعتها مجرد تخيل تلك اللحضات ينتابني حزناََ عميق كجرو...
