أنساب طاهرة

بارت ٣٥

رمضان كريم على احلى قراء
قراءة ممتعة ولا تنسون تعليقاتكم ع الفقرات وكلامكم العسل والتصويت

أنساب طاهرة ٣٥
#بقلم_ام_مختار
#دنيا_غانم
اسيا: خاله قمراليوم عاجبني اسوي كبة مشويه على طريقتكم اني اسوي كلشي بس خليج يمي

قمر :لااا بيرين بتعملها لا أتعبي حالك

اسيا :بيرين نسويها اني وياج شنو رئيج  اني اسوي كلشي بس تابعي خطواتي

بيرين :تكرمي بعملها معك بس لنحضر كل اشي اول وبعده بنعملها

اسيا : نزلت للسوگ جابت كل الغراض
وگعدت تحضر وياي و حضرت بالبلكون الفحم و المنقله واساعدها وهيه دتشوي بجت
گتلها شبيج
:ما فيني شي الدخان عمالي عيوني

:لا لا بيج. شي احجيلي و الله ما احجي الاحد
بيرين :ماما ما كانت هيك ما كانت تأذيني ولا حتى بكلمة ما بعرف اتعود مع قساوتها

:زين ليش تغيرت
تحسرت وسكتت اني هم ما ضغطت عليها گلت مدام ما تحجي تخجل او موضوع يأذيها
واحنه دنشوي ندگ الباب اجتي نمارق ورائد گلي
شنو هاي الريحة الطيبه

:دنسوي كبه مشويه سوريه تريد
هسا اجيبلكم

بيرين : اسيا تعي انا طفيت الفحم وهي الكبة

اسيا :تعال رائد خلي اخليلك َاخذه الاهلي

رائد :السلام عليكم

خاله قمر :اهلا وسهلا اسيا هيدا اخوكي

:ايي هذا رائد

رائد  :خاله بلا زعل انتوا شدعوه هلگد حلوين

:ههههههه هي عيونك الحلوه تقبر قلبي

و:الله انتِ الي تقبرن قلبي هههههههههه

اسيا :يجي بابا سيف لو لا الا اگله تتغزل بزوجته هههههه

قمر :هههههه متل ولادي ربي يحرسكون

رائد :ويحرسج،،، هذا الصحن انطي الامي؟

اسيا :اي حبيبي

رائد :اخذت الصحن سلمته الامي

حنان :شفت بنت قمر شگد حلوه

رائد :اي الله يحفظهن
:شنو رئيك لو اخطبلك هيج وحدة
:هههههههههههه مواصفاتها حلوه واخلاقها زفت
هذا شعار الزواج
:ليش شفت على البنيه شي؟
رائد :لااا بس انوار قبلها  حلوة واخلاقها عكس جمالها تماماََ كلها هيج يوم خليني مثل ما انا
:وعلمود انوار انت هيج تبقه وانوار تقهر بيه تتصل فرحانه فلان خطبها وعلان اجاهااا
صارت بالعكس النسوان تغور الزلم
:يووم انوار عقلها برجلها من گد ما ادوسه ما بقه يعرف يصرف
اني عقلي براسي بأعلى منطقة بجسمي
الحمد لله اعرف افكر والتفكير الصح ما ازوج طول العمر
:والله انت مسربت
:ايي بالضبط اني مسربت
حنان :هااك اجتي اختك الخ تريدك
نمارق :شبيج وياي
:والله انتوا ما عاجبيني شنو دسون
رائد :ما دنسوي شي اخت تسأل عن اخوها ومهتمتله شكو بيها يلا يابه خلينه نتمشى ونسولف عوفج من امج الحلوة
:الله يحفظكم الي ويحنن گلوبكم على بعض
........
اسيا  :بشرر شنو كالوا بالسفارة
:الحمد لله كلشي تمام بس لازم ارَوح البغداد للنفوس ووياي رائد نسوي نقل وغرامة لأن بيت عزيز يوميا لاعبين بالانساب لعب
و لازم اكمل اوراقهم َارجع
:وهمه هم لازم يرحون؟
:حالياََ ما طالبينهم بس اذا اني هناك ورادوهم احجزلكم وتعالوا
:اني ما اريد ارجع للعراق ما اتحمل حجي الناس
هيثم : الله كريم نشوف هسا شنو يردون مني اني رايح والله كريم
اسيا : خلصها هيثم اريد ولدي بأسمي طكت روحي من هذا الوضع
:يصيرون بأسمج لا تخافين دشوفين اني شداسوي
والله اليوم بالسفارة دمروني وگلت ميخالف المهم ولدي يرتاحون ويعرفون ابوهم ما تنازل عنهم
اسيا :ابوهم ما تنازل عنهم بس تنازل عن امهم
هيثم : تعبان اسيااا ما بيه تحرگيلي هساا صدري
خلي يكون بعلمج الصار اتحدى رجالللل يتحملة واني داحارب ذاتي بس في سبيل نطلع بأقل الخسائر
: واني مالي ذنب بشكوكك
:واني رجال وشاف رقم زوجته عند واحد ساقطططط تطمن عليه وهو الخاطرها بأحضان السجووون وبسبب الصار هسا عليه الف علامة سؤال من اقدم الاي وظيفة وبسببها اعيش حالة صراع بحياتي ما عشتها حتى من تزوجتج ماا عشتها
ومع هذااا اني لازم روحي بكل ما  احمل من صبر حتى لا انتِ تتأذين
:روح هيثم روح ارتاح يجي يوم وتطلع الحقيقة
:يمتى من اني اموووت
:طلكني وارتاح
گلي الموت اهون وعافني وراح
بيرين :يا  حرام اخطي
ههههه بتعذر ما كنت عم اسمع بس انتِ فتحتي الباب وانا تخبيت تحت الطربيزه ما كنت لابسه حرام
:هههههههههه مو شكال اعرفج على الراح قبل شوي
جان اخوي وصار زوجي وبعدها ابو اطفالي وهسا مصيبتي
:ههههههه خطي والله صوتوا كتير موجوع
:الله يظهر الحقيقة وارتاح اني هم تعبت واريد بس ارتاح ارتااااح تعبت رغم هذا الحنان الي يحوطني بس من يتخبل ويباوعلي بهاي نظرات الشك امووت من القهر
من غير نفسيتي الي تدمرت بسبب الصار
:بس بشرفك قوووية كتيررر
:من عند الله والا انا جبانة وبسرعة اخاف واخرب
:الله يسعدك و يوفقك
اسيا :يووو فدوه بيرين اخذي هاي الخضرا الامي خطيه اليوم مشتهين ياكلون خضره ونسيت  ادزها
بيرين :بس لأشوف امي اذا بتقبل بروح دغري
اشيا :دگت الباب على امها استاذنت منها عدلت حجابها وخذت الخضرا وراحت.....
رائد : يا اهلاََ وسهلاََ يوم جايبيلج الخضره فوتي خويه
بيرين :لا تسلم تفضل خده
حنان :تعاي يوم فوتي شويه
رائد لا تخليها ترَوح عيب البنيه اجتي وجايبتلي الخضرا الصارلي ساعة اگلك روح جيبها شكرا حبيبتي
بيرين :لا شو تكرمي ما عملت شي
يي شقتكون متل شقة عمو سيف
رائد :هيه كلها نفس البناء
حنان :الكبة كثير طيبه عاشت ايديج
بيرين :انا واسيا اعملناها خالتو شو عم تطبخي الريحة كتير طيبه هههههههه
حنان :داسوي كباب طاوه تعاي شوفي شلون نسوب واخذي صحن وياج الكم
وگفت يمي تباوع وتسأل وابتسامتها ما فارگت وجهه و ساعدتني الحد ما گالت ولييي اتأخرت امي هلق تعلق مشانقي
ع سريع انطيتها الصحن وطلعت
اسيا :رجعت بيرين خلت الصحن وشافت امها تهز برجلها گلتلها اسف والله ام اسيا كان بدها تعطيني من هاد الكباب للبنات وانا ساعدته ونسيت حالي
قمر :يا ويلك لوو عدتيها شهر بحرمك من هل المبايل الزفت
بيرين :حاضر
اسيا : اني لو بمكانها انفجر وابجي وانقهر هيه غلست واجتي يمي تساعدني وسوتلها لفه من الكباب طاوه هواي عجبها.....
خلصنه العشا وهيه گلتلي انا بضب السفرة بلهجتهم
ايي ضبيها شكو بيها واني اغسل المواعين ما قبلت هيه غسلت ودخلت تحممت اني فتت على نمارق لأن كلش اعتكفت هاي الفتره
لكيتها دطلع ملابسها و تسفطهن ها شكوو
:لا دارتب الغرفة واشوف شنو اريد ما اريد
:هاا شو كلش عازلة نفسج؟
:ايي شوي اسولف وي علي متونسه
:الله يونسج تمام اني رايحة انام.
نمارق  :اييي حبيبتي روحي نامي قمر و ابوج هم ناموا مو؟
:اي يمكن ما داسمع صوتهم
:وبيرين
اسيا :دتسبح هسا تخلص ليش تردين شي
گلتلي :لا هيج بس ردت اعرف
اسيا :تركتها و دخلت غرفتي لگيت زين وزيد نايمين تعبانين من الطلعة اجتي يمي بيرين شوي سولفنه  ونمنه من التعب....
گعدت حضرت الريوگ بيرين طلعت للمدرسة واني طلعت وياها بعد ما طلعوا اولادي
انتظري بيرين بس خلي اطلع السمجة حتى من نرجع رأساََ اشوي ع سريع دخلت للبيت طلعتها
فتحت باب غرفة نمارق فدوه نمااتا...... الغرفة فارغة
ع سريع فتحت الكنتور بي ملابس بس شي كلش قليل ع سريع طلعت التليفون واتصلت عليها ماكو
گلبي وجعني ع سريع دگيت الباب على اهلي
فتحه رائد
نمارق  ماكووو گتله
عزيز :هلا باباتي تعاي شبيج ليش هيج وجهج
:يابه گعدت من نوم نمارق ماكو لا هيه ولا ابنها ولا ملابسها
هيثم :نمارق سافرت
اسيا: التفتت اله
گله بابا :وووين سافرت شدتحجي انت؟
هيثم :اني مالي دخل اسأل هذا اليمك گله وين سافرت
رائد :سافرت الزوجها
اسيا :شلون سافرت وابنها ما عنده جواز
هيثم :رائد جان ياخذها للسفاره َاكيد سوالها جواز فوري مووو هيه قدمت عل عوده طوعيه مو يابه؟
:اييي اختي تريد زوجها بأي حق تمنعوها منه
عزيز :ومنو كلك اني مانعها بالعكس اني جان خليتها تروح بس انت تدري بنات عمك متخبلات وما يردنها الدرجة. امهن الجانت تموووت على نمارق هسا ما تريدها تشوف دم سنونها وما تشوووفها
رائد :الولد من اسبوع  جاب طابوك و الرمل وراح يبنيلها مشتمل بطرمة بيت عمي
:مدام هيه مرتاحة هذا هو
هيه تتحمل اي شي يصيرلها
رائد :هيه هواي مرتاحة ودليل سوت كلشي بسرعة اني بس رحت وياها
هيثم : الله يسعدها علي مو بس ابن عم علي صديق وما يوم قلل من قيمة زوجته يالرغم من الصار
خلي تروح والمشاكل لابد منها بكل حياة
اسيا :باوعلي وهو يحجي
الله يسعدها اني خفت عبالي بيها شي مدام هيج خليني اروح ارسلها من توصل تجاوبني
باوع رائد للساعة وگال هسا راح تقلع طيارة تركيا البغداد ان شاء الله توصل بالسلامة
اسيا :ان شاء الله يلا اني طالعه اي شي تعرفوا اتصلوا عليه بالي يمها
حنان : حتى ما ودعتني
آسيا :حضنتها يوووم احنه من الاخير مو خوش بنات ههههههه لا مسكينة هيه تريد زوجها وتدري تعارضوها راحت من سكات
عزيز :لا تضوجين خلي بس نطمن على هذااا واني احجزلج واخذج للعراق
هيثم : اني هسا وراي سفرة للعراق اسوي الاوراق ياله بتكم تقبل ترجعلي
اسيا : الكركبة السويتها وراك لازم ترجع ترتبها والا اولادك السنة الجاية اذا داوموا يداومون بأسم رائد وانوار  واني هذا الشي ما اقبلة ولااا اريده
هيثم :تدللين يابه حق اولادي علية هذا
عزيز :مدام دنحجي بالحقوق وحق هاي المسكينة الضيعت شبابها و دمرتها
هيثم :علية وعليك
عزيز :اي والله اني احمل المسؤولية النفسي كلهااا لأن هاي المسكينة اني بنفسي دمرتها عبالي خوش ولد انت
: كلشي حلو سوا هيثم نسيتوا
ما تذكرون بس زلاته وغلطاته ليگلك هو معصوم عن الخطأ
حنان :بس انت تركتها بأكثر وقت تحتاجة
هيثم :يعني قابل اني اعلم الغيب  يوووم اني وين ادري  وبس عرفت اني رجعتلها اني مو عديم المسؤولية حتى انتوا هسا توجهوني
بالعكس اني مسؤول منها ومن اولادي بس هيه رغم الديصير كله حارمتني منهم
اسيا :اني طالعة
هيثم :هاك شووف انهزمت
اسيا :انت مو ما اثق بيه ليش تريدني
رائد :ههههههه يلا جاوب
اسيا : باوعلي وگال بصوت ناصي
گليلي گولي شلون دتخلص هاي الايام بدوني
اني من الخجل اريد بس الزم يدة الباب واطلع انهزم من الشقة
وسويتها......
رائد :ههههههه ما عرفتك
هيثم :بالعباس بكتها من فلم امس شفته هيج سوالها
عزيز : كمت تتعلم من الافلام
هيثم :بتك تريد واحد رومانسي و اني طكة ونص كلشي ما اعرف غير الاحبج عبالي النسوان يگلولهن احبج وشكرا بس
حنان :ما طلعتوا على ابوكم.
رائد :هذاا بس،،،، اني ما اشبهه نهائي
هيثم :لا هذا ابو الرومانسيات بحيث من يريد يحضن البنيه يصلخ جتفها صلخ
رائد :هههههههههه مو صوجك صوج اليحجيلك
.........
نمارق :وصلت بغداد خلصت الاجراءات وطلعت بس شافني ركضلنه شال ابنه والحد ما شبع بوس ياله باوعلي ابتسمتله
لزمني من راسي وباسني
علي :ليشش هيج يابه استاهل اني كل هذا
:اني شنو ذنبي والله مجنت اعرف
علي : ظلمة جانت دروبي ونورتوها بالله الكريم
: احبك هوااي احبك
علي :واني اعشقج يلا يابه للسيارة اريد اشبع منكم
:شتشبع
جرني اله وباسني من خذي
گلي بوووس يابه بووووس
دخلت للبيت الطابوگ والرمل تارس الطرمة لگيت عمي ينتظرنة  من شافني رحب بينه
بس البقية لا
علي :صعدي للغرفة ومالج دخل بأي شي تمام
نمارق :لا مالي دخل بيهم
امير :هلا يابه انطيني هذا الحلو خليني اشوفه
نمارق :انطيته اله دخلت ما سلمت لا عمتي ولا حماتي صعدت للغرفه شدخلني بيهم المهم هو
ما گدر يصعد النه وي العمال اسمعهم من شباك الغرفة بقيت للمغرب ونزلت
حماتي گالت :شوفي عيني الشغل بالتقسيم سمعتي؟؟
نمارق : ماكو مشكلة الي تريده عمتي نسوي
:لا عبالج ادگين ناعم العمتج مثل قبل لاا يابه انسيها ايام الخير
نمارق : اني ما ادگ ناعم اني احب عمتي لأن هيه طيبه وحنينه لو هم تتهمين عمتي ادگ ناعم وياي عفتها وسويت ممية لحسين وحضرت العشا ورتبت المطبخ اتعشينه وصعدت دخل يفرك بشعره
بالخاولي باوع لحسين نايم ابتسم وگلي واخيراََ وحدنه
:لويش ما صعدت انتظرتك
:مو العمال اذا مو فوگ راسهم ما يسون شي بي حظ وهم اهلي يباوعون مو مال مغثه
واني مشتاقلج كل حيلي
در النجف والله فراگج ايام عجاف
والسنابل السبعة اليوم خضرن
:حضنته باسني من منحري و فتح دگم  ثوبي
لامس اطراف ثوبي القصير وبأصابيعة يرفعه وبأحد اصابيعه يطخ بجسمي قشعريرة سرت بكامل جسمي شالني وباسني من شفايفي وخلاني ع الجرباية
علي :وعديني مره لخ شما يصير ما نخلي المجهول يدمر هذا الحب
نمارق :وعددد
:وعديني وعد لخ
:المن؟
طبع بوسه على شفايفي وگال تتحملين جنوني اليوم.......
جنتك وجنونك
هم مسكني.....
"" التسقي بأحضاني
وما علينة من سواد  الامس ""
............
اسيا : حجز للعراق هو ورائد الفجر اني ما كدرت انام موضوع الاطفال ياكل ويشرب وياي
اريدهم بس يصيرون بأسمي حلم حياتي صار
راسلني گلي راح نطلع احنه ديري بالج ع الاولاد
لبست حجابي وطلعت لگيتهم   يطلعون بجنطهم
الله يوفقكم لا ترجعون الحد ما تخلصون الاوراق
رائد :مثل ما حلينة مشكله نونو هسا اجه دورج نخلص هاي السالفة وترتاحين
:رائد والله اني مو ما اريدهم أسمك اتشرف ولدي بأسمك بس اني اني امهم واريد ولدي بأسمي
:يابه حقج اني ما ضايج بالعكس هذا حق الام َالاب واحنه خليناهم بأسمي الامور ولت وابوهم وامهم موجودين هسا
هيثم : نايمين موو؟
:ايي
رائد :اني نازل انتظرك جوه
هيثم :اييي بس خليني اشوفهم وابوسهم واجيك
اسيا :تفضل
:اكو واحد بالغرفة غيرهم؟
:لا لا بيرين كامت تنام بغرفة نمارق
دخل للغرفه يمشي على اطراف اصابيعه باوعلهم وباسهم غطاهم وتقرب الي
اني رايح اغير اوراق اولادنة وارجع
:ايي الله يوفقك
:بسس؟
:لعد شنو تريد؟
تقرب حط راسه على صدري
وگال :من ارجع اريد انام هناااا
دموعي من وحدهن نزلن مسحتهن وسكتت
:ليشش هاي الدموع اني شحجيت
:ماكو شي ان شاء الله خير ارجع والله كريم
:اسيا اني ما شاك بيج والله لا تخلين هذا الموضوع يأذيج واذا بدرت مني تصرفات تزعجج لا تعيريهن اهتمام لأن ما بيدي شي نار تحرگ بصدري وافرغها بيج
اسيا : انييي تعبت هيثم والله ما بقه بيه حيل الاي شي
اعتقني الوجه الله
هيثم : انتِ خليج يمي قربة الى الله
:اووووووف دمرتني
: ودمرت روحي وياج اني بلاء ع المراة الي تشاركني حياتها
:كرص وجنتي بخفة وگلي نرجع الخاطر اولادنة
:ان شاء الله
رفع قمصلته وگلي تعاي حضنيني مثل ما جنتي تنامين على صدري نوووم
سويها هسا وريحي روحييي
رفضت وبعدت ما اگدرررر
:ليششش ما ترديني مثل ما اني رايدج
:ما اكدررر هيثم اني واعدة روحي ما اخذلها  الله يخليك هسااا روح
:تعاي طلعيني من الغرفة خاف واحد بره عيب
:تعديت من يمه حاوطني بأيده وباسني من راسي وگلي اذا انتِ گد وعودج اني مووو گدها
:عافني وطلع لزمت حجابي اشتميت عطره احسه تغلغل بروحي مووو عطر مصيبة
من راد يطلع ابويه شافه اني رأساََ گتله اجه يشوف الاولاد لأن مسافر
سيف :اي حقه اولادة شوف يابه هذا رقم هادي
دكتور يصير ابنه الابن عمي
عنده عرف هناك يگدر يساعدك اني انطيته خبر
علمودك تواصل وياه
هيثم :ان شاء الله تسلم عمي ما تقصر
ديروا بالكم على اولادي وامهم
في امان الله
اسيا :في امان الله
من طلع سألت ابوي صدگ شلونه هادي تتواصل ويا
سيف :دائماََ نتخابر ونتراسل ويسأل عن اليمامة
اسيا :ههههههههه سلملي علية هواي خطية اني ناسيته والله
سيف :لا تخافين راح يصير ذكرى حلوة بحياتج
اسيا :ما فهمت كلام بابا گتله شنو تقصد گلي يعني هو ما يهمج هو الطلع ابوج من الموت
گتله لا شلون هواي ممنونه اني اله لأن جمعني بباباتي الحلو......
......
هيثم وصلت البغداد رحنة البيتنه بس ارتاحينة ثاني يوم اجه هادي بس شافني سلم عليه وگلي اليمامة شلونها
منو اليمامة؟
:افااا بنت جدي سيف اسيا
رائد : تخبل هذا كام يجدح  اني بعدته وجاوبت هادي بخير زينين
هادي :والله مشتاقلهم ومشتاق الاسو اكثر شي
هيثم : خلووونه نمشي احسن ما نمشي بجنازة واحد هسااا
رائد : يلا يلا ايي احسن
كمنه ننتقل من مكان المكان وكليلتلي يوم بالسجن ووياها كتله مرتبه لأن هاي مو اول مره هذا السجل يسوي هاي الحركة الناقصة
ووياها صرف فلوس كرف
بالسجن ما خفت على روحي لأن جان خوفي من هيثم اضعاف لأن كل شوي هو وهادي يتعاركون هذاك
خاصه من يگله ما متزوج
يگله لا والله اريد مره مثل يمامه خلقه واخلاق
جره هيثم من تشيرته وگله اذا ما تحترم ذاتك
امزقك والله
هادي :شبيكككك يا خويه شنووو وضعك
هيثم :لا تجيببب طاري ام زين
:ليش شنو تعنيلك فوگاها فوگ ما داساعدك والله اني لو ما اليمامة فلا اجي
انقض عليه هيثم مثل الاسد الجريح وضربه
رائد :دگولوا يا الله
هيثم: اذاااا بعد تگول يمامة مااا تلوم الا نفسك اغطك بمجاررري بغداد
هادي :انت مو مطلكها شنووو بعد تعنيلك اذا هيج تهمك ليش طلكتها
هيثم :منوو ضاحك عليك وگلك اني مطلكها شووو انت اعوووج الحال بعدهااا مرتي وعلى ذمتي
رائد : كمز من ايدي ع سيارة ولزمه اجر بأخوي جلب بذاك وهذاك يگله انت اصلاََ ما رايدها واني اريد احاجي جدي  سيف عليهااا
هيثم :اذا انت زلمة سويهااا وخلي ارويك زفت عرسك وين تمشي القاعة العرس لو للنجف
رائد : ما وخرت هيثم الا وهذاك عينه مطفيه
هيثم :هاي المره ما طفيتها مره لخ اشلعها واخليها بأيدك تذكاررر يلاا امشي
......
هادي : شوو هنا امشي يابه باجر يطلع
هيثم :كفني شرك اني گاعد انتظر اخوووي
هادي : خلي نروح البيت اهلك هناك نسولف
هيثم :اسولف وي جلاب الشارع  وما اسولف  وياك
هادي :هههههههه اريد اعرف بس اليمامة شحبت بيك ما ادري
هيثم : الله يسامحك يا عمي سيف
جبتلي عله فوگ علل گلبي بويه انت شتريد مو خلصنه دفكني شرك لا اجي افررك شَارع بغداد سحل
گعد يمي صافن بسما بغداد
گلي حلو الحب مووو
هيثم : اني كمت اشك نار الحب الهيه حلوه مو الحب
هادي : اتفق وياك
:ليش انت تحب؟
هادي :واموت عليهاااا
هيثم :بالله شسمها حتى هسا اكتلك واسلم روحي الهذا المركز
هادي :ما اكلك حتى اكتلك قهررر
هيثم : انا صابر عليك السببين الاول لأن راجع اريد اطلب ايدها واخاف اكسر بيك ضلع وعمي سيف يرفضني
والسبب الثاني
احس انت ذنوبي ولازم اصبر عليهن
واطلب من الله الغفران
هادي : هههههههههههههههه
...........
نمارق : من اجوي اخوتي كمت اطبخلهم و علي يودي الاكل بعد ما يطلعون العمال
علي :انطيني الفلوس راح يذبون رمل
و اليوم ما اريدج تنزلين الحد ما ارجع  خواتي راح يجن ما اريد مشاكل
:لا تخاف ما اطلع اصلاََ
علي :ايي الله يبارك بيج
نمارق :اجه ابو الرمل ذب الرمل بالطرمة
وعلي اخذ الاكل وراحلهم
بس طلع سمعت صوتهن اجوي ويصيحن شلون الطرمة هيج وصخة بسبب البناء
وحده منهن تگلها ايي ليش ما يوصخ ويبني اسحورتهن الخلت الاخ يزوج الاخت ما تخلي الحمة يزوج زوجة اخو ويتخبل عليها
:عرفتهن گاعدات ع درج ويحجن يردني اسمع وارد اني هم ما رديت ولا هتميت الهن علي زين وياي يكفي
نص ساعة وسمعت صوت انوار تسلم و تحجي
خليت ابني ع جربايه وقربت للباب اريد اسمعهن باب غرفتي اندفع
انوار واگفه وهنه وراها
:رادت تضربني اني دفعتها بكل قوه عندي اجيت اسد الباب ما گدرت هنه هواي جرني سحل وبالكليدور ما كمت احس الضرب منين يجيني
وخاصه انوار تگلي احنه جنه ننتظرج بس ترجعين
حتى نردج الابوج مكسرة
عمتي حاولت تفكهن مني بس هنه ابددد
اني بقيت اضرب بس ايد يم ايدين ما تسوي شي
جرني من شعري فتحن غرفة اصيل وفتحن الشباك
الشباك على الطرمة جرني من الشباك وشمرني
يتبع........

لنا لقاء قريب بأذن الله