أنساب طاهرة

بارت ١٣

#أنساب_طاهرة ١٣
#بقلم_ام_مختار
#دنيا_غانم

اسيا : نمارق طلعت للشارع حافية وتلطم على راسها وامي سوده عليه وصلت الباب البيت وطاحت وابوي الواكف مكانه ويصيح انا لله وانا اليه راجعون
انا لله وانا اليه راجعون
ظليت  اوصل للباب وارجع الابوي اطلع النمارق الي لمت الجوارين وارجع الابوي احس ذاكرتي نست كلشي نست شنو صاير بس المصاب قبع بگلبي بس شنو اتصرف ما اعرف
الناس دخلت للبيت تريد تعرف شصاير محد من عدنه يحجي الحد ما گعدوا امي وگلتلهم لحگوا ولدي  ولدي راحو مني هذا الصريخ كله ياله فزت انوار من شفتها وهيه فاتحه ايديها الي تگلي شبي رائد خطفوووا ذبحووا هنا ردلي عقلي
جريت تليفوني واتصلت بعمي لؤي ما يجاوبني اتصلت بعمي امير فتح الخط وگلي رايحيلهم خالي رايحين

سديت الخط منهم صعدنا ابوي بالسياره وجيرانه الساق اني ونمارق وانوار وامي وابوي بالسياره
الطفل بحضني نايم مثل الملاك ما اعرف الزمة وصح لو غلط لازمته  خاف يموت بحضني
نزل ابوي من السيارة وگال خليجن بالسياره لحددد تنزل حنان الطفل اووووعي وياي الطفللل بأيد اسيا

اسيا :تذكرت الگال هذولي الثنين ميتين خفت امي فقدت ولدها ثنينهم اذا تاخذ الطفل خاف من تسمع بالخبر تتخبل والطفل بأيدها عووفي يوم عوفي بحضني وروحييي ركضت امي
مستشفى الشيخ گدامها شارعين اني من بريك السياره التفتت امي عن السياره قيد شعره نزلت من الخوف ابوي سوده عليه جراها و يصرخ بنص الشارع يگلها تردوون تهدمون بيتي امي وخرت منه وركض للمستشفى والرجال وياهم اني واگفه مقابيل السياره اباوع للمستشفى بس كل الي ببالي اگول لا مو صحيح
هيثم ميت لا مو صحيح
علي اصيل رائد منو منهم
نمارق رادت تنزل جريتها گعدييي ابوي گال محد تنزل كعدييي ولا تكسرين كلمة ابوي
والله بوقتها ما خطرت ببالي كلمة ابوي بس خفت تشوف اصيل ميت و تسودن اختي
و انوار الكطعت  روحها تكطع وهيه تصيح اخاف انزل اخاف ابو ابني راح مني تيتتمت اني وابني
لرمت ايديهن وبأيدي الخ لازمة  الولد وجسمي يرجف يرجف مثل بيوم الباسني هيثم ينكث جسمي من الخوف بس رحمة من الله اني الوحيده الي بوعيي ساعة احنه بالسياره وكلشي ما نعرف ولا تجرأت اتصل اخاف
والولد بحضني ظل يصرخ من الجوع
وانوار تلطم على وجهه و نمارق تگول اني متأكدة اصيل راح هو گلي في أمان الله ودعنيييييي
اني اكلجن ودعنييييي ربيييي اخذني ويااا لو خذيته منييييي

اني اصبر بيهن و حيل ما ظل بيه هيثم وتفكير دمررني  الحد ما طلعوا عمامي من المستشفى يتراكضون جروا التابوت من سيارة وگفت ودخلوا فتحت الباب والبنات زاد صريخهن  بس رجعت سديت الباب والرجيف صار حتى بالصوت نص ساعة وطلعوا عمامي وابوي حطوا التابوت و الاسعاف وگفت سدت الرؤية عنه نمارق ما تحملت فتحت الباب وركضت
فتحت الباب وبأيدي الطفل يصرخ اباوع من بعيد
زوجة عمي امير لطمت على وجهه وگلتلها راح حبيبج لزمت السيارة وتگله لاااا يابه نزله الييييي
زوجة. عمي لؤي عبرت الشارع الي وخذت الطفل مني عمة بس گليلي نعزي  گلبنه بيهم اربعتهم لو شنوووو صار

گلتلي : اصيل سلمها والبقية اذا صبحوا الصبح الله يحبنه

گعدت بالگاع وايدي على راسي واختي صوت صرخاتها خرق سمعي اباوعلها امي تجر بيها وهيه تجر بالسيارة تريدهم يوكفوها الها تريده ما تريد يبعدوا

الحد ما  حركت السيارة و الاسعاف دقايق ووگفت اسعاف لخ وطلعت هم
اجه ابوي الي شالني  وخلاني بالسيارة ونمارق خلوها بسياره عمي وامي يمها

انوار _عمييي وزوجيييي وزوجييي گلولي ابو ابني هممم راح

عزيز : الولد تلاثتهم  بالعمليات ادعولهم اسيا لا اطلعن من السيارة خليكم بالسيارة

اسيا : هيثم شنو بي رفع ابوي السوارة مالته الي وانطانيا  وگلي ميزت ابني من سوارته اسيااااا من يا علييي مدد عرفت هذاااااا ابني والثاني ما لحگت اشوووفه ما اعرف اني شنووو مسوي بدنيتي وهيج جاي يصير وياي 

احنه ساكتين نستمع الابوي اللازم بباب السيارة. بالگوه خله الباب مفتوح النه ورجع للمستشفى
اجتي زوجة عمي وخذت انوار ظليت وحيدتي بالسيارة فتحت ضوا التليفون  خفت ظلمه واني وحدي ودموعي ما بطلن على اصيل
وبالي يم هيثم ورائد وعلي اتصل تليفوني امي الووو

:وين انتِ؟

:اني بالسياره طمنيني يوووم
گلتلي اني يم رائد وذكرتلي وحده من المستشفيات ما خلوا بمستشفى الشيخ زايد خافوا عليه

اسيا :وبابا؟؟

:يمج بالمستشفى وعلي واصيل ونمارق يووووم راح اتخبل

حنان : اختج وي عمتها بالطب العدلي
و علي بالعمليه يم رائد بس هيثم يمكم

:ليششش ما نقلتوا يمه ليشش خليتوا هنا خاف ما يهتمون بييي

: ما گدروا ينقلوا...
گالتها امي وبجت سديت الخط منها متخبله بعد ما اگدر اظل بالسياره نزلت بس ملابسي مو مال مستشفى تراك بس اتراك ظليت واگفه بمكاني والطم اجتي عليه مره عجوز لابسه عباية راس  هاي الشيلة مالتهن اهلنه بمدينة الصدر هيج يلبسون خطيه گلتلي يمه شبيج

: زوجي بالمستشفى واني ما ادري بدنيتي و اجيت بتراكي اريد بس شي اذبه على اجتافي  حتى ادخل للمستشفى
واحد من الولد  الوياها گلها يمه انطيها عباتج وصعدي السيارة احنه رادين البيتنه  انطتني العباية و اني طكيتها ركض للمستشفى  عبرت الشارعين ودخلت
لگيت ابوي گاعد بالگاع وايدي على راسه تقربت منه گاملي

:السيارة سديتي بيبانها؟

:ايي لا يظل بالك هيثم شلونه؟

:ما اعرف كلشي ما اعرف وولا واحد طلع وماكو واحد طمني  كلشي ما نعرف

:وين اصابته؟

: ما ادري جسمه كله جان يصب دم حتى راسه و عنده نزيف داخلي وعنده كسر بالخشم وعنده كسوررر يا يابه كسوورررر

اسيا : لزمت ايد ابوي وگعدت يمه موقف ما ينحجي بي بس تبجي بس كون بمكان وحدك وتلطم على وجهك الحد ما گلبك يبرد ساعات صعب خلصت روحنه اتصل تليفون ابوي جاوب
حجه وي عمي لؤي وگله الحد هسا ما نعرف
ظل يحجي ويا سد التليفون ودخل جدو سعدون اني گمتله

سعدون :شنو الصاررر

:ما نعرف بس اتصلوا علينه واجينه ركض

:منو الي مسوي الحادث

:علي واصيل و هيثم ورائد

:ولد امير شلونهم

:ما نعرف خفت اگله اصيل مات و خاف يطيح علينه

سعدون :وزوجج ورائد؟؟

:هيثم بغرفة العمليات و رائد هماتين يعني ما نعرف كلهم تحت رحمة  الله باوع الابوي وگله
هاي حوبتي وطلع ابوي ما حجه ويا وولا باوعله اصلاََ

عزيز :اني لازم ارجع للبيت اجيب فلوس واقفله واجي اخوج رائد وعلي  بالعمليه ولازم ندفع للمستشفى انتِ خليج هنا هو مطول گالوا العمليه تطول ساعات اني ما اطول بس اروح  وارجع هزيتله براسي وگعدت انتظر كل ساعة اتصل بأمي وماكو خبر اريد نفهم شي ماكو سألتها شلون صاير الحادث شهگت سوده عليه وگالت : اصيل الله يغفرله مجاوز السايد وضاربه لوري راده بسيارة لخ وطاكته السيارة يگولون ما ظال منها شي وابوي السياره الخ هماتين ميت الناس تگلنه انتوا محظوظين هذولي التلاثه عايشين الحد هسا
محد مصدگ عايشين الدرجة اني شاكه همه ميتين وما يحجولنه

اسيا : ونمارق يوووم

حنان :بيد الله كلنه هسا بيد الله وتحت رحمته
ولج يووم اسيا خايفه
خاف يطلع ويگلي ما گدرنه خاف يعزيني برائد و روحي يمج  روحي تمزقت هنا ويمججج

:لا يظل بالج هنا كلشي تمام خليج قويه

:ابوج اجه شوي واخابرج
سديت الخط منها وعليت التليفون اخاف اسد الخط اريدها تحجي وياي الحد ما اجتي عمتي كوثر وولدها ياله ردتلي روحي خطيه كلشي ما تعرف راجعه للبيت نايمه وخايفين يگعدوها الحد ما عارفين اصيل متوفي ياله مكعديها اجتي حتى وجهه ما غاسلته والخدود يصبن دم
وتگلي احتاريت اروح للطب العدلي لو اجي يمج
بس اجيت يمج كلولي وحدها بالمستشفى وخفت عليج

:همزين اجيتي يمي راح اتخبل
حضنتني وظلينه نبجي و بطرف حجابها تمسح دموعها وتصيح يا خويه يا ابو اصيل
ولدها ثنين منهم دزتهم للطب العدلي گلتلهم
روحوا الخالكم   والفلوس يمكم خاف يحتاج شي لا تركووا سمعتوني
همه هم خطيه استجابولها و راحوا
رجع ابوي من شافته كامتله وحضنته شلونه امير

: وصلت للطب وما كدرت ادخل بنتي واخوي هناك شلوون اشوفهم ما كدررت اجيت  الهنا

كوثر :لعد خليني اني  اروح

:روحي بس خاف ما يدخلوج روحي وشوفي  ومن توصلين خابريني

اسيا : باسته من جتفه وراحت وي ابنها وانا وابوي ظلينه واحد صافن بوجه الخ واي خبر ماكوو
الحد صلاة الفجر ياله طلعت ممرضه من العمليه من سألها ابوي گلتله بعدهم بالعمليه

:وشلون وضعه؟

:الحد هسا مقاوم وان شاء الله نخلص العمليه على خير

:شنو عنده

: نزيف داخلي و كسر بالخشم و كسر بالحوض وكسر بالايد اليمنى

اسيا :ظلت تعددهن من غير الجروح البالغه بالجسم الحد ما طلعوا احنه تهالكنه ابوي گلهم اريد انقله ما قبلوا خافوا عليه بس همه للامانه ما قصروا الكادر كله اجاله دكتور الخفر ظل يتصل بالاطباء والكل استجاب
خابرت ماما گالت رائد طلعوا من العمليه بس علي بعده

اسيا : الله يهون عمليته

حنان :اخاف يموت بالعمليه طول حيل

:الله الستار رائد شلونه

:فاقد ماكو لا يحرك ايد ولا رجل

:بس يعني ما عرفتي الاصابات؟

: اصابيع ايدي اليمنه تلاثه منهن راحن وعنده فطر بالجمجمة و كسر حطوله بلاتين برجلة اليمنى و من غير الباقي عمي   راضيه والله راضيه اني اصيرله رجل وعيون واصابع وشنو يريد بس المهم يطلعون سالمين

:ان شاء الله سديت الخط ابوي ما ظل يقاوم بعد وهو  بعده تعبان يابه روح للبيت ارتاح وارجع

لا يابه اني هسا لازم اروح للطب العدلي اختج يگولون مخبله هناك اروح اشوف شنو اسوي تكدرين تظلين  ابحدج هنا

:ايي اگدر لا يظل  بالك روح
تركني ابوي گعدت على الكرسي ما ادري بروحي انام لحضات وافز اكو ولد يطلع عمره بال ١٦ سنة اجه يمي وانطاني علاگه ابتسمت بوجهه وگتله شنو هاي
گلي : هذا اكل الج اكلي والله يشافي اهلج

:تسلم حبيبي انت اكلها اني مو جوعانه

:لا اكلي فدوه احنه هم من امس هنا اني وابويه امي بالعمليه وشفناج ما اكلتي شي اكلي عليج الله

:شلون حلو يتوسلني خذيت اللفة  وتشكرته ما اگدر اكل احس جوفي مر بالي يم نمارق و هيثم النايم وما يتحرك و رائد و عليي
الحد العصر بابا رجع گال طلعوا بأصيل للنجف وواختج ببيت عمج روحيلها وانا يم هيثم

: وعلي شلونه ما طلع من غرفة العمليات

:طلع الحمد لله ووضعه كلش زين

:اجه عليه واحد من ولد عمتي ورحت البيت  عمي دخلت  الصريخ واللطم  من باب الطرمة سمعته
دخلت ما عرفت نمارق لو ما تصيح رجعولي حبيبي
الوجهه كله ازرگ رحتلها ما تشوفني گد ما ضاربه على وجهه حضنتها وبجيت وياها وبصوت مبحوح گلتلي : راح اصيللل راح اسيااا

اسيا : اني ما اعرف اتصرف بهاي المواقف ظليت حاضنتها وابجي عماتي يصبروها ويواسوها

اول يوم عده علينه بالشافعات
امي يم الولد الحد الليل ياله ترجع ويناوبون ولد عماتي عنها ترجع نمارق ما تنام وامي وياها
اذا تناملها ساعتين زين تفز من نومها تصلي وتروح الهيثم تطمن عليه الحد  ما ابوي يگعد ويروحلها ترجع تروح  هنوب للمستشفى للولد نصبوا الفاتحة ولد عماتي و جدي تخربط من عرف
ولد عمه ايناس راحوا ويا بالليل جابوا عمي امير للبيت  لان تخربطت بالطريق وخذوا للمستشفى استغربت شكله لأن بيوم الحادث جان عدنه
شكله يختلف عن هذا الواگف كدامي محني الظهر و الشيب تارس راسه والوجهه الي يشوفه يگول هذا الانسان السعادة ما يعرفها والضحكة  كلمة مالها معنى بحياته
دخل للبيت وبالگوه صعد الغرفة اصيل
وبالغرفه ظل يلطم وي زوجته وخواته ونمارق  مثل النسوان على ابنه راد عمي  لؤي يدخل بس زوجته منعه گلتله :خلييي يرتاح هشكل خلي يسوي الي يريده ابو ونحرم من ابنه معذور

خلوا يلطم وينعي على ابنه الحد ما زوجته طلعته من الغرفه وقفلتها رادت نمارق  تظل بيها بس المرأه ما قبلت خافت على نمارق تتخبل نزلتها  جوه  وخوات اصيل ظلن يحجن فوگ مصابنه تهتم بيها احنه سكتنه عنهن مو مال هسا مشكله وخلاف
گعدت يم امي اطمن على الجانت  يمهم
سألتها زوجته عمي علي شلونه

:لا تخافين كلش زين و گعد واكل اليوم
بس ما طلعنا خفنه عليه يشوف الفاتحة وتعرفين شنو يصير

: اذا باجر طلع اخذوا البيتكم لا تجيبوا هنا

حنان :بس هو حس  گال اصيل بي شي گتله لا
بس هو ما صدگني

:يحس اخيه راح اخخخ يا يمه يا اصيل طفيت شمعه بيتي

اسيا:رجعت ام اصيل تبجي و نمارق وياها

انوار :عمه ورائد

:الحد هسا رائد ما گاعد طولت نومته وخايفه عليه

انوار :الاطباء شيگولون

:متوقعين اليوم باجر يگعد من هاي الغيبوبه وعلى الله

:و هيثم؟؟

: تذكرون بالتليفون من گالوا ثنين ميتين الثاني عبالهم هيثم بحيث من دخلنه للمستشفى ما شفنه هيثم عباره عن بحر دم من السوار والملابس  ابوج عرفه
هيثم اصابته كلش قويه وما نگدر انقله بس هو امس ابوج يگول گعد ما حجالكم

:لاا؟

:گاعد وظال يصرخ من الوجع ومنطي ابر والحد هسا ماكو رد فعل

اسيا : امي تحجي وتلطم واحنه مجبورات نسأل لأن محد يخلينه نروح ونشوفهم
سبوع كامل واحنه ببيت عمي امير والبجي ونويح  يوميا فاتحة ساعة نمارق وساعة امة وساعة خواته و عمي امير بصفحة الحزن ذوب گلوبنه رائد و علي اليوم راح   يطلعوهم و هيثم نقلوا  المستشفى اهلية

حنان :حضرن روحجن يوم
اليوم نرجع للبيت بعد

نمارق : اريد اظل هنا يم زوجي بغرفته ما اريد اطلع

اسيا :امي ما جاوبتها وخلتها براحتها تصرف دخل علي
خالينه على الكرسي  المتحرك ورجله اليسره كلها بلاتين وكسر بالايد و الوجهه بي جروح و الراس ملفوف

ورائد هماتين واضافة  الهن الاصابع ماكوو اصابع ايده تلاثه فقدهن بهذا الحادث المشؤوم

  علي ما قبل يدخل للبيت گلهم قبل لا ادخل گلولي اخوي وينه ابوي ليش لابس دشداشة سوده احجووولي اخوووي وين بالبيت مووو

امير : اريدك تصيرلي عون يابه علييي

علي:يابه ريح گلبي وگلي اخوووي وين والله علعلتوها الروحي جاوبوني

لؤي : اصيل بحين الحادث انطاك عمره

اسيا : همه گلوله وهذولي الثنين تخبلوا
علي تخربط عمي امير لحگه وذب على وجهه ماي رادوا يدخلو گلهم ما ادخلوني البيت هذا ما اريد ادخله حاولوا ما قبل گلهم خلوني هنا بالطرمة. لا ادخلوني ما ادخل الهذا البيت واخوي رائد رفض يدخل وظل يمه ولد عمتي گعدوا يمهم
من شباك المطبخ امه تباوعله وتبجي على حاله وهو دموعة ما وگفن يدور ظهره الهم و يمسح دموعه 
انوار رادت تشوف رائد امها گلتلها خليج بمكانج عود ببيتكم شوفي وسوي التردي

اسيا :ظلت تنتظر بباب الطرمة امها تخزرها وهيه تريد تشوف زوجها وگفت بباب الصاله وصاحت  الواحد من ولد عمتي دخل رائد وشاف حرمته وطفله رفعلها ايده هيه رضكتله وحضنته تبوسه من راسه وتگله اكص اصابيعي واخذهن فدوه الك المهم انت بخير لا تنقهر المهم طلعت من هذا الحادث لا تهم يا ابو ليث كلشي يهون مدام انت رجعتلنه

اسيا  : بعد ما گدرت اصبر ولا ادعي القوة  دخلت للحمام وكتمت انفاسي ما اعرف عنه شي ولا يخلوني اشوفه  و ظاله ببيت عمي بس اصبر بهذا واسكت بهذا واني محد واساني بكلمة محد طيب خاطري على زوجي وما اعرف راح يگعد من هاي نومته لو لا
الحد ما ارتاحيت ياله طلعت  من الحمام بس شافتني امي اتقربت الي وگلتلي يگولون اليوم هم گاعد من نومته بس منطي مسكنات الوجع دياكل روحة خاصه عنده اصابه بالجمجمة ومديتحمل هذا الالم

اسيا : خليني اروح اليوم اشوفه راح اطك روحييي والله صبر بعد ما عندي
گلتلي :لازم تظلين يم اختج شوفي حالها اني ما من حقي امنعج من زوجج ولو بمكانج اتألم بس اختج تتحسس

:سكتت شسوي   قابل....
الحد الليل وهمه يتوسلون بعلي يدخل وما قبل يدخل و من اجه ابوي حتى ياخذنه من طلعنه فر الكرسي وانطانه ظهرا

ودعه رائد وراد ابوي يحجي ويا الخاطر ابوي  دار اله بس مدنگ حتى ما باوعلنه
وصا ابوي بأهله وگله اني يوميا اجيلك خليك قوي

يهز براسه بس
طلعنه البيتنه من وصلنه انوار دخلت ركض بأبنها تركته ورجعت  الرائد تساعد بابا بي حطته على الكرسي ودخلته

حنان :يرادله هاي الفتره واحد يشيله ويرجع للكرسي بيج حيل انوار لو انام يمكم

انوار :تعاي نامي يمنه بس اني اشيله واحطه منا الاخر يوم بعمري

رائد : ما تقصرين ام ليث

اسيا : بس شلون بصعد الغرفته صعب

انوار :فكرت ناخذ المكتب بس هاي الفتره شتگولون؟

عزيز :اكيد اكيد اني انزللكم الفراش واستقروا هسا بالمكتب

اسيا هو وامي نزلوا الفراش الهم نمارق صعدت قبلي دخلت للغرفة لگيتها ماخذه مكاني وگاعده تبجي گابلتها وابجي ما اعرف اوسييي

نمارق :بعد ماكو اصيل بعد ماكو واحد يتحملني بعد ما الگه شخص يحبني بعد محد يراسلني ويگلي شنوووو تردين الله يرحمني وي كل رحمة. تنزل على روحة

:اني يمج شنو تردين اسويلج بس كاافي والله عيونج ورمن

نمارق :گلي في امان الله ودعنييي گلبه حسس
الف مره گتله لااا تسوق  سريع لا تسررررع خذته السرعه منييي

:امر الله هذا بعد
سكتت لحضات وگالت : ليش بس اني الله يظلم بيه مو هاي انوار كلشي عدها

:خلااااص نمارق يعني  شنو تردين
تردين رائد يموووت حتى ترتاحين

:مووو هيج اقصد لا لا والله بسر ليش هيه كلشي عدها واني كلشي ما عندييي

:طلعييي انوار من بالج شفتي شنو ديصير گولي الحمد لله على  كل حال
گولي انا لله وانا اليه راجعون  لا تحطين عينج على البنيه مووو كافي الصار بأخونه ولج رائد الله لطف بييي الخاطر طفله البعده ما طلع الاربعين جوزي منهمممم بعدت منها تخبلت فد نوب وهيه هم بعد ما حجت اصلاََ اي شي ما تحجي بس تبجي و الاكل صار بالشافعات  يتوسل بيها ابوي ياله تاكل لگمة

يومين من رجعتنه وگعد هيثم بس هاي المره تحمل الوجع وخذوله اشعى  وسووله تحالليل الوضع الحمد لله وطبعاََ الاخبار توصلنه من بابا عزيز اني ما گدرت اروح الحد ما گلت البابا بعد ما اگدر اخذوني لا والله اني اخذلي تكسي واروح بس خلوني اذمن عليه
يباوع الامي وامي تباوعله شبي اذا  بي شي مو شكال وي كل هاي الصدمات بعد ما ننصدم

عزيز :لا ما بي شي يلا بدلي وتعاي بدلت شلون ما جان وطلعت للمستشفى   ماما وبابا وياي
دخلنه للمستشفى گبل الغرفته دخل ابويه اول واحنه ورا جان نايم ما يگدر حتى يرفع راسة  يتوجع ومطفين الاضويه لأن الضوا يأذي و الوجهه كله عباره عن قطعة بنفسجيه ولافينه و الراس كذالك و الشعر جزء مزيني بسبب العمليه مدمر ما باقي من هيثم ايي شييي  باوع الاتجاهي ابتسمت الحمد لله على سلامتك

:الله يسلمج هاي اسيا مو يابه؟

:استغربت من كلامة شنو صاير يوم
همستلي امي  : هيثم ما جاي يذكر اي شي

:شنووووووو

يتبع......