أنساب طاهرة

الثاني عشر

مساء العسل
قراءة ممتعة لا تنسون التصويت والتعليقات

#أنساب_طاهرة ١٢
#بقلم_ام_مختار
#دنيا_غانم

:اني ما مستعجله بس داسألك حتى اعرف
جاوبني : بعصبيه فهمتتت هسا خليج وي انوار و نمارق

:اني تعبت من انوار وياي تنتر و ما تحجي عدل واني والله ساكته الخاطر رائد بس هيه مو مؤدبة
بس شفتها وي نمارق صارت فار تتوسل بس حتى تظل

هيثم : من تعاركج هدديها تشكين الرائد وهسا اتركج بحال سبيلج

:ولويش اشكي الرائد يعني اني اشكيلك  وما تسويلي حل وتگلي روحي الرائد
گال:يعني انزل احجي وي رائد علمود شي بسيط بس انتِ زاعجج استصعبها  اسيا

:خوش سند بحيث انوار تلعب بيه و انت اي حل ما تنطي
هز رجله والنظره الي واضحة تقرب مني و گال :
اني نولدت و مكتوب على جبيني اعيش وي اختي هذاا كله لووو شنو ما جانت الحقيقة
اني ما اگدر اجاوز العشته خلينه هيج احسن الج والي ما اگدر افضل اخ على اخخخ

اسيا :تشجعت و باوعتله وگتله ليش؟؟
ما جاوبني وطلع من الغرفه يمتى تجي امي واشكيلهاااا تعبت واني بوحده واني بهذا الصراع...

تعبت من  گعدتي بالغرفه نزلت لگيت انوار بالمطبخ تحضر العشا ونمارق حاطه رجل على رجل و تگلب بالتلفزيون وهيثم ورائد يلعبون دومنه
دخلت للغرفة اساعد انوار
گلتلي:اييي تعاي تعاي اني تعبت اشتغلي وخلصيني

:ما جاوبتها وبلشت اشتغل جانت دتسوي بتيته وطماطه و بيض
حضرنه وفرشنه السفره گالت نمارق بس هذاا؟؟

اسيا : والما عاجبه يگدر يدخل للمطبخ و يسويله تشريب مو گاعد ويتشرط

نمارق :لأن زعلانه واهلي مو هنا هيج تسوووين

اسيا : بعد بعد گولي ضربتج و كسرت راسج
اني من انقهر لازم احجي ومن احجي ابجي نزلت دموعي بكل سهوله و گتلها تعبتيني نماررق
تردين كلشي مني و اني مداعرف اتصرف و اذا تحجين هالشكل سهله راح يجون امي وابوي واشكيلهم على كل سوالفج وسوالف انوار عفتهم َصعدت الغرفتي مالت العزوبية قفلت الباب و سديت الضوا گعدت بفراشي وبجيت الحد ما هلكت مقهوره منه وداطلع قهري بالبقية
اريده يحن على گلبي الي تعلق بي بشكل مو طبيعي
اكررررهني تعبت مني و اني احجي وي روحي واگلها  شدسوووين بس روحي ابت ترد و مستمره تتصرف عكسي

ندگ الباب ما جاوبت
مر  اكثر من نص ساعة ندگ  مره لخ هماتين ما جاوبت غطيت  راسي و بعد ما اذكر شنو صار نمت الحد ثاني يوم فزيت على هوسه بالبيت و اصوات عاليه فتحت الضوا و طلعت للحمام غسلت و بدلت ونزلت سمعت صوت اصيل يحاجي نمارق يگلها

:يعني هسا انتِ تاركتني الخاطر طفل
يعني شي ما يشبه شي

:اني مو الخاطر هذا السبب بس
يعني انت صاير عصبي ومدتتحملني

اصيل : اذا بشررر يحملج مثل ما داحملج اني انطي الج هديه لجج صايره ما تنجرعين و اگول ميخالف بنت عمك و حبيبتك خليها تدلع عليك بس داطلعيها من ماعونهاااا نمارق

اسيا : اني نزلت وبعد السلام  گعدت على اول بايه من الدرج باوعلي لا لا صفن بيه و يهز برجله اليمنى استغفر ربه بصوت عالي وگال يا علي مدد
وحاجة نمارق  :خويه بالضبط شنو تردين حتى نعرف نحل  هاي المشكله الصارلها اشهررر تتكرر

نمارق : اريده يهتم بيه اكثر اريده يفتهم اني داتوجع بسبب عصبيته واني بروحي تعبانه

اسيا : اصيل حاجة هيثم  وهو يفوررر
تدررري اختك وصل بيها الحد تگلي ضحكتوا عليه انت ما يصير عندك اطفال و الهذا السبب جلبت بيه حتى اسكت

نمارق :واعتذرت على كلامي صح لو لا

اسيا :قاطع حديثهم دخول علي سلم و گعد

هيثم :مقتنعه بالحاجيته للزلمة. طيح الله حظج واني اگووول هاي التربوية الدتربي وتعلم جيل
اسفي على  هل جيل شوفييي نمارق اني ساكت والله ثم والله الخاطر خاطرج اگول امي وابوي  مو هنا ما اريد اكسررهن بس انتِ ما محترمة هذا الشيييي

نمارق : والله اعتذرتله

اسيا :باللحضه وحده صارر يمها وهو لازمها من زندها ويحاجيها بعصبيه بحيث علي ادخل وجره

علي :يابه الحجي مو هيج الامر حله سهل

هيثم :شلوووون

علي : خويه نمارق اولاََ الامر الي انتوا متعاركين عليه هذا لا بأيدكم ولا المشاكل تحله هذا شي من رب الكون هو يقرره كن فيكون

وانت خويه اصيل بهدوء كلشي ينحل هاي الف مره داكلك عصبيتك عامة عليك

اسيا  :جاوبه اصيل  بعصبيه دانطيها روووحي و اتعب بس الخاطرها والخاطر تعيش افضل عيشه بس هيه ادوس بالمصارين وتريدني اسكتتت

. گله علي  : شوي  الك وشوي الها خويه نمارق الوالده دزتني تگلي لا ترجع بدونها وابوي گلي صالحهم وجيبهم عيب من عمك جاي لا تخلوني بينكم يابه الخاطر صاحب هذا الكون
رجعي البيتج وانتِ ويا حلو هاي  الامور

نمارق :اني اريد حل العصبيته

اسيا : جاوبها علي بكل هدوء تنجبرر تستمع الهاي النبره : اصحاب الشأن مديحلوها احنه نحلها شلووون

نمارق :هو على كلشي ديصيح ويعصب واني تعبت من اسلوبه

رائد :خويه اصيل بهذا اسلوبك وين تريد توصل البنيه دتشكي من عصبيتك واسلوبك وياها

اصيل : يعني اني من عبث اعصب اختتتتك ادوس بالبطن وتلحححح

هيثم : كلامه صحيح اني داشوفها هنا ما تسكت الحدد ما تحرز الشي الي تريده

علي : اعتبر تصرفها تدلل عليك واسكت
تره عمي عزيز حجز وجاي عيب يلگه الوضع هيج

اصيل :اني اجيتلها اكثر من خمس مرات وهاي اخير مره اذا هسا ما تجي وياي بعد  تحلممم اجي

اسيا  :وگفتله وتخصرتله وگلتله لووو تموت ما اجي
جر تليفونه  وسويج وگلها لوو فراگج يصير موتي ما اجيلج والله ركع الباب و طلع

هيثم : اسلوووب ما عندج طيح الله حظج

رائد : على كيفك يا خوي

علي :هسا شنو ارجع والوضع هيج يظل

هيثم :افضل يا خويه لأن اختنه الغبيره
ما تعرف تحترم خلي نأدبها ونرجعها الزوجهااا 

نمارق : ما تشوفه شلون عصبي وياي

هيثم : صعدييي نمارق صعدي لا اطلع اخبالي عليجججج

اسيا : هو هادئ ويحجي بهدوء بس اكو شي بي يخوف حركاته و ايدي الي يشنجهن من يحجي جريتها ع سريع خفت يضربها خاصه وعلي طلع صعدتها للغرفة گعدت على القنفه ترجف

نمارق : صاير عليه رجال وهو امس طول الليل يسولف وي كحا.... ه

اسيا : شدتحجين انتِ

نمارق : اييي انتِ نايمه هنا وين تدرين شنو يصير
وهو طول الليل يخابر بهاي البنات ويرد ليورا طول الليل اني اسمعله وهو يحجي وي البنات وهسا صاير عليه رجال

اسيا : تخبلتي فد نووووب انتِ
شدخلج بي انتِ ضرب عندج فيوز نماررق

نمارق : اشتاقيتله وما خذاني وراح

اسيا : رفعت حاجبي شدتحجين لعد موو گلج تعاييي وياي وانتِ رفضتي

نمارق : كرامتي ما تسمحلي

اسيا : لعد استمعي الكرامتج يا ام كرامة عفتها و طلعت ما رحت الغرفته نزلت صاحلي ما جاوبته  طلعت للطرمة افتر اريد اشم هوى
نفتح باب الكليدور باوعلي و گال صايره مثل اختج ما تحترمين

اسيا : شنو تريد هيثم

:مو صحتلج ليش ما تردين؟

:مخنوگه وما اريد هسا اتناقش وي احدد

هيثم : صبري بس هاي اليومين بس يوصل ابوج احاجي وحررج  مني

:حجاها ودخل للبيت بعد احسن حتى اني هم اخلص حررني منك و ريح روحييي خفت ردت ادخل بس طلعت انوار تتمشى بالطرمة لازمه بطنها وگالت امس شفت نمارق واگفه يم باب غرفتكم وتسمع الهيثم 

:وانتِ شدخلج خلي تسوي الي تريده

:خليتها بس هيه ما خلتني و اجتي  تنام يمنه غير انتِ قفلتي الباب و ما جاوبتيها وخليتيها تجي على گلبي  من احتي يمنه
اني ما تحملت الغرفه وطلعت و سمعت هيثم يضحك ويسولف بالغرفه

اسيا : زوجي  مصاحب  بنات وبحجي وياهن عندج اعتراض؟؟ عفتها ودخلت للبيت دانعل ابو العيشه الصارت وياكم من راحوا اهلي هواي تغربت بالرغم اني بنص اغلى ناسي بس كلشي تغير هيثم وتصرفاته و رائد الواكع بين نارين وانوار الما اعرف شلون  افسرها واخيرهم اختي المصدومة بيها
صعدت للغرفه فتحت الباب هو ع سريع سد الخط ابتسمت بأستهزاء تره ما يحتاج تكطعه كلها عرفت انت تحجي وي بنات و يگلولي ويعيروني بحجة شفقانين على حالي

هيثم : محد اله دخل بيه

:محد اله دخل بيك وسوي الي تريده و اذا ناقصك بنات اني اشوفلك هم  بسسسسس مو گدام الناس وخاصه انوار لأن دمرت نفسيتي بسبب اسلوبهاااا

: مالج دخل لا انتِ وولا هيه سمعتييييي

:سمعت و مالي دخل لا تخاف گعدت على الكرسي بعد ما بعدت المصلايه حطيتها يم راسه اريد ادقه لأن هو  يصلي بألتزام و الفرض بوقته ابدد ما يأخر صلاته بس شنو الفايده وهو يصاحب بنات و كاسر گلبي وگفت كبال المرايه صارلي فتره ما حاطه مكياج ووجهي تعبان و شعري بس لافته هامله روحي كلش قبل جنت هواي اهتم بروحي لأن هو جان يتغزل بيه وبجمالي  هسا نادراََ ما اسمع كلمة منه فتحت شعري مشطته بس گطعته باوعلي وگال : على كيفج

:مالك دخل شي ما يخصك لا تدخل بي

:ههههههههه ما ادخل تدللين

اسيا : ظلينه ايام ما نحجي بس يطلب مني اصبله اكل او احضرله ملابس
اجوي اهلي وبابا مارقبل  غير هيثم يجيبه من المطار
وانوار گالت تره عمي جاي يريد ياخذنه البيت عمي امير تحضرن

نمارق : اني ما اروح

انوار :بعد من يجي گليله

اشيا : گعدت انتظرهم اريد اشوفهم يا طلعه  يا ملابس مشتاقتلهم هوااااي صار اكثر من ٨ اشهر  ما شايفينهم نفتح باب البيت كلنه ركضنه ملتهفين
بابا گاعد بالمقدمة باوعتله ومن وحدهن الدموع نزلن بابا ماكو لا حواجب  ولا رموش والوجهه باهت نزل من السيارة  استغربنه شكله اول مره بس ما قاومنه ايدينه  الي نفتحت النه حشكت روحي بحضنه اشتاقيتلك بابا هواااي اشتاقيتلك الحمد لله على سلامتك يا  غالي

عزيز :واني اكثر الله يشهد وبعدي عنكم جان السبب 

نمارق :لويش هيج صاير بابا

حنان : وانييي نسيتني

اسيا :لا اكيددد ما ننسنه الحنيه كلها حضناها وهيه تبوش وتشم بينه

نمارق : بابا شنوو صاير وياك لويش هيج وجهك

رائد: طمنه يااابه بيك شي تشكي من شي

حنان :جان يشكي  و الحمد لله هسا نگدر نگول كلشي تمام

عزيز : حضروا روحكم نروح البيت عمكم امير وهناك احجيلكم

نمارق :اني ما اروح

عزيز :لاااا انتِ اولنه ترحين يلا يابه ع سررريع انتظركم  بالسياره

اسيا :عفتها تحجي وي بابا وصعدت لبست شلون ما جان ونزلت لگيت نمارق لابسه قبلنه وصاعده

عزيز : خليني اني اسوق و انت ِ يابه اسيا صعدي وي زوجج

اسيا :ما اصعد بس وياك واذا ما تريد اني ما اروح

عزيز :اخخخخ من بنات عزيز وعنادهن يلااا تعاي

اسيا :وصلنه البيت عمي امير اصيل فتح الباب من شافها ضحك ومن شاف شكل  ابوي تلاشت ضحكته
طبطب ابوي عليه دخلنه للبيت احلى شي سعدون ما جاي ظال ببيت عمي لؤي
الكل يسأل ابوي شبيه حتى السلام جان ناقص الكل قلق

عزيز :گعدوا واني احجيلكم

اسيا  :ظل يحجي شلون من شك بي سرطان ومن سوه الفحص  و ما راد احد يعرف حتى لا كلنه نظل بقلق

امير :سبب زواج هيثم واسيا مرضك؟

:ايي خفت اموت هو الموت بكل لحضه ممكن يدركنه بس خفت بهذيج الساعة عليها
  بس الحمد لله زواج اسيا وهيثم جان قرار صائب و هسا احس نفسيتي مرتاحة وهمه هم احسهم متفقين سوه

كوثر :سوده عليه هناك وحدك مريت بكل هذا واحنه ما نعرف

عزيز : بس واحد منكم يعرف

اسيا :الكل گال منو؟

عزيز :هيثم

هيثم : واسيا هم جانت تعرف

اسيا :؛گله ابوي انت گتلها
جاوبه هيثم  : لا يعني... اييي انا گتلها المهم هسا انت بخير هذا اهم شيي

عزيز :الحمد لله وتجاوزت المحنه وان شاء الله اني رجعت بعد ويرجع كلشي بمكانه
واولهن نمارق

اسيا: اصيل گله اني رحتلها وهيه ما احترمتني ولا گالت هذا زوجي ورفضت تجي وياي

نمارق : ......

عزيز : لأن رحتلها هيج صايره  رحتلها مره شفتها ما اجت وياك خلاص بعد لا تروحلهااا بنتي اييي بس بالصح
تصرفج غلطط و اخوج شايط نارر منج

و هاي ما توقعتها هيج فقيره الدرجة انوار تجيبهااا و نمارق تردهااا

اسيا  : والله من كثر المشاكل اني تعبت اخاف احجي وي انوار رائد ينقهر وهو البي كافي
و نمارق اختي اخاف ازعلها وعبالها ما نريدها يمنه َ واني محتاره گلي بابا  بعصبيه  :الساكت عن الحق شنووو اسيا؟؟

:شيطان اخرس
گلي  : وانتِ شيطان اخرس بسبب اختج همزين ما هدمتي بيت اخووج وبسبب سكوتج همزين  ما هدمتي بيت اختج لأن اختج يرادلها صفعة توعيهااا

نمارق :بابااااا

عزيز :اسسس ولا كلمة

اسيا: سكتت ما جاوبته طاحت كلها براسي  بس بابا عزيز ما يهون عليه يشوفني مقهوره دار  العمي لؤي وگله :بنتك دتأذي صغيرونتي واذا استمر الوضع هيج خويه ارجعها الك واضح الحجيييي

لؤي : والتأذي بت اختيي وتربات اخوووي  مالها مكان يمي ذبها بالشارع

انوار : هيه تتحسس مني بسرعة

اسيا  :لا ما اتحسسس انتِ نحسه مستغله سكوتي واني ساكته بس الخاطر اخوووي خليها ببالج والا والله اني مو قليله شرر وانتِ تعرفين

عزيز : هسا الكلام واضح الكل عرف شنوو يصرف موووووو نمارق و  انواررر

اسيا  :جاوبنه اييي
گال بابا عزيز  :هسا سدوا الموضوع و صبولنه غدا

:گامت ماما وي نسوان عمي بعد ما ام اصيل هلهلت برجعت جنتها وگامت تشتغل وياها ولا قبلت گلتلها ارتاحي اني اشتغل عنج بحيث امي هزت ايدي وگلتلها خراب بنتي منج
گالت ام اصيل : هاي بنيتي ما تهون عليه ولو اني زعلانه عليها  تركت ابني لا ليله ليل ولا نهاره  نهار
نمارق اللوگيه تقربتلها و باستها من راسها واعتذرت و صعدت طياره الغرفتها تتحضر الاصيل.....
صبينه الغدا و گعدنه ناكل بابا ياكل ويصيح حتى خضرتنا اطيب من خضرتهم

امير :هو غير كله يجي من يمهم يا خويه

عزيز : بس والله هنا كلشي اطيب لمتكم  هاي تردلي روحيي

حنان :ان شاء الله بعد خلصنه وظل يوميا اعزمهم واني عيوني  الهم   المهم انت فرحان

هيثم :رجعوا يغردون البلابل  هههههههه

اسيا : باوعتله و دنگت باوعت تليفوني  وصلني مسج من علي يضحك استغربت المسج دزيتله سمايل مستغرب
رجع دزلي مسج كاتب بي : اييي ربج جابج وحطج بأيدي شلونه الحب يا بت عمي
ضحكت وهمه كلهم باوعولي گتلهم : هاي صديقتي دتراسلني خطيه داخله صدمة من اشهر  الله يشافيها هو ضحك

علي : ديري بالج تره اشوف الصدمة تحولت الج

اسيا : باوعتله وضحكت بصوت عالي
گام هيثم غسل واجه گعد بالقنفه الوراي لحضات وجر تليفوني درت وجهي نص دوره ردت اگله اني انتبهت بس ما يهمني دقني بالتليفون  بخفه وگلي شگد الرمز؟؟
درتله وهو بأيديه وحطيت الرمز گدامه جان صفاره بس رجعت  اكل وشلت السفره و غسلت وياهن المواعين وهو بعده يگلب الحد ما طلعنه من بيت عمي امير خله التليفون بأيدي وطلع وي الولد يتونسون
رجعت للبيت وما ويانه نمارق يا يابه شگد صار البيت هدوء و انوار بعد رزاله بابا هم صارت مؤدبة شوي

العرفنا بابا ماا مشتري شقه بتركيا  ولا اي شي هاي جانت خطه حتى لا نسأله شسوي رايح هناك

وقرر هو وماما يبيعون العدهم والما عدهم ويشترون عماره و يسون الطابق الارضي حضانه وروضه بس السالفة مو سهله يرادلها خلگ وطول بال

سبوعين اني وهيثم محد يحجي وي الخ

دزلي مسج  وهو گاعد گدامي مشتاق الصوتج
اني من غير شي مشتاقتله وهو يلعب  بعصابي باوعت للرسالة بس ما جاوبته
گال :ليش مدجاوبيني

اسيا :انتظرك تحجي لأن انت حتى من هاي تخاف تواجهني وتريد تصالحني برساله مع ان انا گدامك

گال : ادري بيج تحبين هاي السوالف وردت ابادر بهاي الطريقة

:لا تبادر هيثم اني وانت ما بينه شي نتخاصم عليه عادي عايشين حياتنه الحد ما نشوف شراح يصيرر

:اني ما اگدر هسا افاتح ابوي بالموضوع اخاف عليه

:براحتك وقت ما تحب احجي

:زعلانه ادري بيج اني گلت الابوي ما اريد هذا الزواج لأن راح يخرب علاقتنه الحلوه وهسا صارت عباره عن مشاكل

اسيا : انت شنو بالنسبة الي

:اني هيثم الاخ اكثر من هيج ماا  اگدر اصير

:لعد لويش تفتش بتليفوني ليش تراقب منو يراسلني ليششش قبل اسبوعين فصخته للتليفون

: ما خليتيني اكمل كلامي اني الاخ لأن ما اگدر اجاوز نظرات الناس و اصير اكثر من هيج

:لعد اتصرف هم على اساس نظرات  الناس لأن بسبب تصرفك و اسلوبك راح تخسر حتى الخوه الحلوه البينه و تليفوني يمك والرمز تعرفه وقت ما تحب گلي وانطي الك يااا خوويه
گام من الكرسي عدل بلوزه وطفه الضوا وشغل ضوا النوم وگعد على طرف الجربايه باوعلي
وتقرب الي لزم ايدي وقرب راسي الراسه
انتبهتله يحاول يوصل لشفايفي بس هو مستصعب الامر

:ما اگدررررر صدگي وثقي بالله ما اگدررر

:لا تسوي شي ما تگدرله انت.
و انا ما اريده هم

: خلي ننفصل اسيا قبل ما اتخبل

:حاجي بابا و اني مستعده عفته وطلعت
ظليت اني و هيثم مد وجزر والعلاقه بيناتنه كلش
ملتهبه وكل ما يحاول نتصالح لازم يحجيله كلمه يقهرني و نرجع  للصفر....
ندگ باب الغرفه بفزع گام هيثم شصايررر

دخل رائد يگلي انوار طلع منها مي   هواي واخجل اروح الامي تعااااي وياي

اسيا  : صفصفت ما اعرف شسوي وشنو هذا المي

هيثم : ع سريع نزلت الامي دگيت الباب خطيه طلعتلي بقميص النوم وهاي اول مره نشوفها هيج
يوووم انوار دتولد والظاهر ما اعرف شبيها تعاي تعاااي

اسيا :صعدت امي الها گالت طك مي الراس شغلوا السياره اباوع الانوار تصرخ من كل گلبها وتبجي تريد امها حطوها بالسياره وامي بدلت وطلعت  وياهم
ظليت بس اني وبابا بالبيت حضني و گلي لا تخافين هذا امر طبيعي شبيج ترجفين

:ما اعرف اخاف على انوار خاف تموت و يظل طفلها بدون ام
حضني اقوه و كأنوا حس كلامي ورا غايه

عزيز : لا تخافين هسا تجي هيه وابنها وينورون بيتنه  و انتِ صح خسرتي امج بس اتوقع ربي عوضج بينه موو لو اكو شي مضوجج 

:لا لا بس ما اريد احد يصير بيه مثلي

:ما يصير شي لا تخافين

اسيا : ظليت گاعده على اعصابي الحد العصر ياله ولدت انوار وبالليل رجعتلنه شايلها رائد ما يخليها تمشي وهيه تگله اريد امشي

هههههههه الف الف مبروك يتربى بعزكم

:تسلمين اثير

حنان :هههه وين موديها

رائد :الغرفتها اريدها ترتاح وابني خلو يمكم اليوم

حنان :الله يدوم  هاي الفرحة. علينه

ام انوار :امين

اسيا : خلو ليث على القنفه اباوعله من بعيد صغيروني يخبل ولافينه لف

عزيز : تقربي

اسيا :اخاااف
گلتلي ام  انوار :تعاي لا تخافين تعاي حطي بحضنج وربي يترس هذا الحضن
تقربت منه حطته بحضني صغيرون كلش وناعم وزنه كيلو ونص هههههه هاي شنوو

ضحكت امي َگلتلي : كلش صغيرون هيه اذا امه ناعمه شنو يطلع قابل

ام انوار گلتلها  :يراد واحد يداري ويهتم بي الحد ما يكبر شوي

گلتلها ماما : اني اداريهم لا تخافين بعيوني هو وامه

هيثم  :السلام عليكم هههههههه هاي شنوو

عزيز : وعليكم السلام صرت عم

هيثم :اللهم صل على محمد وال محمد ربي يحفظه ولك رائد يتربى بعزك

رائد :تسلم يوم الالك

هيثم : صغيرون كلش

اسيا : كلش اخاف اشيله خاف ينفصم بأيدي هههههه

عزيز :الله يرزقكم مثله وتعم الفرحة ببيت عزيز

اسيا:باوعلي وتحسر
الله يرزق نمارق و صدگ ساعتها الفرحة تعم بيتنه

و على طاري نمارق بالگوه اجت تبارك الانوار
رائد حضنها وگلها يروحلج ابني فدوه لا تنقهرين يا بعد اخووج يرزقج الرزقني يرزقج

اسيا : احب حنيته الرائد ما ممكن واحد  يوصفها ولا بألف كتاب
وبولادة انوار الكل اجه والكل جايب هدايه الهم وهداية كلش ثمينه اني وهيثم جبنالهم ملابس للطفل و هيثم انطه مبلغ الرائد لأن شغل ماكو ووضعه بالنازل وبابا ما يقبل يساعدهم يخاف يعتمدون عليه بس الاكل والشرب لا على بابا كله

واجت ام ضياء وضياء من العماره و المرأه جايبه فوگ راسها كركوت من الخوص بحياتي ما شفت بجماله حتى انوار تعجبت عليه
وگالت :انا من عرفت ابو هيثم صار عنده حفيد تعنيت وجيت ليه حضنتها وبست راسها شحلات حجاياتها

عزيز :كل الهلا بيج يا غاليه تفضلوا تفضلوا

اسيا :گعدنه يمها وهيه تسولف
بيومها باتت يمنه والولد ظلوا بالصاله يم ضياء
وره العشا گعدت تشرب جاي َتذكرت عمتي فاتن ظلت تسولف  عنها وابوي تجاوب وياها يحب سيرة عمتتي فاتن ابوي ينسعد گلبه من يجي طاريها

گالت  : هيه جانت تگول  انا ما الي غير اخوي عزيز بس هو يساعدني وصدگ انت صرت اب البنتها

عزيز :ياريت الموت ما خذاها مني جان شلتها ببطن عيني بس اخخ الموت جان اسرع
الله يسامح سيف الضيعها وما عرف يصيرلها سند وعافها وانهزم

ام ضياء : الله برحمها ما جانت تقبل اگلها هيج تگلي هو ما تركني وانهزم هو جان يريد واحد يساعده بمكان ما يلگانه بي سعدون

اسيا :باوعلها ابوي وضحك بأستهزاء  و وين هذا المكان سيف فص ملح وذاب الدرجة گلنه سيف مات والكل صدگ لأن بعد محد شافهههه وهيه بنفسها گلتلي انهزم وعافني

ام ضياء : اي گلتلي هم
گالت انا گلت الاخوي عزيز هيج لأن تخجل تگلك هو راح وگلها راح اشوفلنه مكان بعيد عن ابوج
تگول ادري بي ما يصدگني خاصه وهو غاب اشهر ياله خابرتك

اسيا : صفن ابوي بأم ضياء وتحسر
ما احب اشوفه هيج

اني گتله هو يجوز گلها مثل ما گالت بس يكذب عليها والا لو كلامة  صدگ وينه مو واحد من اصدقاءك گال هو بالاردن
گلي : الله اعلم  وين ما يكون ما يهمني   مات بموتت فاتن بالنسبة الي

اسيا  : سكت و  صفن ابوي وكل شوي الحسرة تحرگ صدره وامي تباوعله وتتحسر ويا

فرشت امي الام ضياء بمكتب ابوي واحنه كلنه نمنه يمها

ام ضياء : جانت امج تسولف وياج وتگلج اني احبج مثل ما حبيت ابوج
ويوم الولدتج وحست بروحها راح تسلمها گالت حطيها على صدويري  حطيتج على صدرها وگالت   انا حياتي نصفين نصف الابوها ونصف الها و سلمت

اسيا : من اجت يمج سيف اتواصل وياها لو لا

:لا ابد اصلاََ ابوج جنه ناخذها مسافه شبعدها بس حتى تحجي ويا ما عدنه تليفون تحجي بي يعني لو جانت تتواصل ويا مستحيل احنه ما نعرف

: هم حاجبتلج  عن سيف

ام ضياء :اووو خلصت اشهرها بس تحجي بي

:جان حنين وياها؟؟

ام ضياء : تگول بوحده من الاماكن الي انهزمو الها
مزارع  خارج بغداد  وما جان اكو فراش عدهم بس مزرعه هيه كلشي ما بيها جان يفرشلها قميصه ويلفها بسترته الحد ما رتب وضعه
و جان ينتظر الطفل الشايلته

حنان : هذا الكلام ابد ما سامعي

ام ضياء : هيه جانت ما تحجي العزيز تستحي بس الي حجت

اسيا: ليش ما راح سيف يحتمي بأهله يعني ليش ما طلب العون منهم ما حاجيتلج
گالت : تگول رحنالهم  بس الاب يشرب  وما يعرف شي عن دنيته و عمامه طردوا وگلوله اذا تجي ووياك هاي ما نريدك ما اجت من وراكم بس المشاكل ماخذها ابوج وطالع وحتى ما مساعدي همه وضعهم هم جان زين بس محد راضي يساعدهم حتى سيارته ما قابلين ياخذها

  : الله يرحمها اختيارها غلط لا هو ولا اهله كفو

ام ضياء الله يرحمها

اسيا :ثاني يوم المرأه ودعتنه وراحت
وابوي گلهم جايلكم عن قريب ان شاء الله
گلتله هلا بيك وجثير الهلا
بحيث رجعت للبيت بعد ما طلعت واني اگلهم وجثير الهلا.

عزيز : هههههه عجبتج

اسيا :ام ضياء تنوكل غير موش مرأه

اجوي عماتي وعمامي و الكل شايل بأيده هذا الطفل ويفتر بي عبالك بحياتهم ما شايفين طفل

اصيل : شرايكم نطلع

هيثم : والله تسون فضل بس  خلوني ابدل ونطلع

رائد : اييي انطوني اجازه خلوووني اطلع طكت روحي من المسؤولية

عزيز :بعدك وينك ووين  المسؤولية  ههههههه

اسيا : صاحلي حتى اطلعله ملابس صعدتله انطيته الملابس بدل اجيت انزل ما قبل
گال صبريلي

:شنوو؟
لفني بحضنه و حط شفايفه بمنحري
وگال

:خلاااص اسيا بشرفج خلاص والله ما داطيق هاي المشاكل البيناتنة خلي ع الاقل نرجع مثل قبل

:اني ما عندي مشاكل  وياك

هيثم : يعني من ارجع اليوم ارجع  الگه اسيا القديمة

:ابتسمتله ايي
حضني حيلل وگال كلشي بيج
يثيرني  بس ما گادر اتجاوز اول مره شلتج وگلولي هاي اختكككك هاااي الحظه ما اگدررر اجاوزهاا نصب عيوني والله
حجالي هيج وطلع

نزلت ورا كلهم گاموا وطلعوا رجع رائد يدور سويج سيارته  سأله ابوي شصاير

رائد :هيثم ما اشتغلت سيارته  يوم ما شايفه سويجي

:لا يوم

:دور على السويج ما لگا
اصيل :  انطيني سويجي نمارق خلي  نطلع بسيارتي انطته    اله نمارق ابتعد خطوه ورجعلها رفع ايده وگلها في أمان الله نمارق

نمارق : في إمان الله

اسيا : انوار صعدت الغرفتها و ليث بحضن امي تناغي و تلاعبه وام انوار تريد تاخذه منها وامي ما تقبل الحد ساعه ١٢ بالليل عمامي وعماتي طلعوا
امي من گامت رجعت گعدت اني ما انتبهت  نمارق نبهتني گلتلها شبيج
گالت ماما  :عزيز  اتصل بالولد هواي اتأخروا ظل بالي يمهم

ضحك وگلها  :  شوفي هيثم اتصل فتحلها سبيكر وگال اي يابه وين صرتوا

اسيا :هوسه والصوت مو واضح والجاوب مو هيثم بس گله عمي نقلوا ولدكم المستشفى الشيخ زايد  اسمع واحد يگول هذولي ميتين هذولي الثنين ميتين......

يتبع......