فوط + كومنتار
قدمت ليه بدون شعور ولا احساس عقلها مابقاش يستوعب وش تدير ولا الوضع اللي راهي فيه واخيرا بعد 6 سنين من الحب والعشق غار من التصاور ومراقبتو واخيرا لقات اللي تسميها مرضها وعلاجها ونفسها وأملها قبل.... واخيرا عرفها و ماستوعبش وكتا حضناتو رجع خطوتين للاور مافاقش بروحو غار كي لمح صاحبو اللي خرج من المطار وحاط يدو على فمو بشكل درامي من منظر ادم صوروهم الناس باش ينشرو الاشاعة اي حاجة تخصو حتى لو كانت صغيرة مهتمين بيها وتدير ضجة كبيرة على وسائل الاعلام خاطر كامل يعرفوه هو ادم لوينو
بعدها عليه بالقوة وجرها من يدها ودورلها يديها ورا ظهرها ودزها طاحت في الارض تتوجع خرج مسدسو ووجهو ليها ببرود
ادم : استعجلتي بموتك يا وحد ال***
حل زر الامان رايح يطلق عليها وهي كانت في صدمة تراجع اخر دقيقة بعد ما تفكر بلي اخت لميس ميرا كانغراس
ادم : شكون بعثك؟؟؟
ميرا وهي تقرب منو مرة اخرى : وش تقصد ؟؟؟
حكمها من شعرها وعطاها بكف خلى وجها يدور للجهة لخرا
ادم : مااتلعبيهاش عليا حركات العاهرات هاذي ماتناسبنيش تحركي من قدامي قبل مانكسر منك حاجة
شافت فيه حاكمة دموعها على شعرة ويدها على خدها اللي توجع من حر الصفعة هزت صاكها ومشات قبل مايقتلها علابالها بعقليتو بلي مايرحمش اللي يغلط معاه
مشا لصاحبو اللي كان حال فمو من الصدمة مارمشش دقيقة
ادم : سكر فمك لا تدخلو رصاصة ماشي ذبانة عندي غار جوهرتي نضربهم اكل غار هي
دزو قدامو مشاو دخلو للطومبيل وسراج ماحكا والو مزالو يحلل في هدرة صاحبو وافعالو اول مرة يتراجع على قتل واحد
_______________________________
لميس : كيفاه هاذا ؟؟ ماتحشمووش تسميو رواحكم اطباء يخي قتلكم ندفع التكاليف تاع علاجها كاامل غار عالجوها برك
الطبيب: اسمعي ا مخلوقة باش نقلك حنا مانيش ملزومين نعالجو هاذي الطفلة وحنا معندناش ضمانة مالية عليها
حط ملفها الطبي على البيرو : انا نتنازل على هاذي المريضة
بقات تشوف فيه مصدومة من وكتا حياة الانسان رخيصة مقرونة بالمال وبأي حق يخلي صحبتها في هاذ الحالة غار علاجال المال خبطت بيرو الطبيب بقوة ومشات ليه
لميس : يا وحد الحيوان الرخيس ال******** عديم الانسانية ارواح لهنا نعتلك التنازل كيفاش يكون
جا نايض من كرسيه بعد مااشافها تحولت هكذاك سبقاتو هي عطاتو بكوتبي لكرشو خلاتو يطيح في الارض حكماتو من الكرافات تاعو وجبداتو ليها قريب تخنقو
لميس: لهاذ الدرجة ماعندكش في قلبك الرحمة ياوحد القرد الفرطاس ؟ظ
حاول يدافع على روحو ماقدرش ضغط على زر بمكتبو يستدعي الامن باش يديوها ماحبش يقاوم علاجال باش تكون المحاكمة ضدها كي ينعتلهم تسجيلات الكاميرا
لميس: شوف ليا ياوحد الكلب يا حثالة المجتمع تعالج صحبتي ونتا تضحك فهمت ؟؟ صينو قسما بالله نحرمك من كلمة بابا للابد وراح نحرص ماتكونش ضمن قاموسك وسقسي اللي جربتها عليهم قبلك
كانت يارا خارج المكتب متوال الباب تستنا في لميس سمعت عياطها دخلت ديراكت لقات لميس رايحة تضرب الطبيب اللي كان مزال يستفز فيها بالهدرة ويارا شاهدة على هدراتو
يارا : لميييس
عيطت عليها تزامنا مع دخول الامن وقفت لميس بعد ماسمعتها طلقاتو بعد ماخلات وجهو لوحة فنية حكموها رجال الامن بقوة من يديها لواوهم ورا ظهرها كل واحد حاكم ذراع مقيدينها بقوة يستناو في لابوليس يجيو حست بضعف كبيير شادة دموعها يطيحو على شعرة دموعها ميش ساهلين بصح يخونوها كي يكون الامر يتعلق باللي تحبو لاحظت يارا صمت لميس اللي ميش من عادتها اما هي مابقاتش تحس بذرعيها تخدرو من قبضتهم لدرجة ولاو باردين فاقت من شرودها وجهت كلامها ليارا
لميس: يارا نظن رايحة نضرب طلة على لابوليس نفوت معاهم شوية وقت كيما راكي تشوفي توحشوني بزاف وبلييز في فترة غيابي اذا ناضت مايا اهدري معاها وماتحيريهاش عليا قلها في الخدمة واذا جا زاكي خبريه نفس الشي وكالميه قبل مايدخل خاطر ماقتلوش وش صرالها بليييز
هزتلها يارا راسها بايه دخلو لابوليس مع شافوها تنهدو بيأس وهي تبسمتلهم بتبهليل
الطبيب : نقدم عليها شكوى بتهمة الاعتداء على طبيب كيما راكم تشوفو في حالتي تهجمت عليا من دون سبب غار كي رفضت اني مانعالجش صحبتها قبل ماتقدم ضمانة مالية
قلبت لميس عينيها منو ومدت يديها للشرطي دارلها الاصداف وتبسمتلو تبسيمة صفرة وجعها كي حطهم
لميس: اففففف ماحبيتش تتربا نتا شحال من مرة نقلك اتعامل بلطف مع الانسات تششه
الشرطي : لميس ماتقلقيش جدي اني نخلطك اني كرهت من عزرين جدك نتي
لميس : ساهلة ماهلة حط الاستقالة تاعك اخو ماقالولكش اخدم بالسيف حتى انا مانيش فرحانة نشوف وجهك هاذا ولا وش قال تشارلي
تشارلي : يا ااا طفلة يهديك ربي بركاي من المشاكل
لميس : امشي امشي واحد فيكم مايصلح اففففففففف
شافت فيها كيفاه جاو لابوليس خرجوها وهي ولا على بالها تشايخ معاهم تضحك عادي كلي ماصرا والو ضحكت عليها في حياتها شافت طفلة مهبولة ومتهورة كيفها في يوم واحد خلاتها تعيش مغامرات معاها طفلة تاع مشاكل من الدرجة الاولى في نص نهار ضربت زوج ومن معاملة لابوليس فهمت بلي تضال ساكنة عندهم وماتنكرش انو عجبتها شخصيتها المرحة تمنات كون جات كيفها
__________________________________
بقا يشوف فيها من ورا الزجاج اللي يفصل بيناتهم حاط راسو عليه يخزرلها يدقق في الاجهزة اللي دايرة بيها
سراج : شكون ال**** اللي دار فيها هكذا؟
كانو الممرضات حاطين راسهم واقفين متوالو بصمت مشا ليهم حكم وحدة فيهم بقوة
سراج : وش صرالها ؟؟ وش العلاج اللي راهي تتلقا فيه ؟
الممرضة : تصابت بشلل كلي من رصاصة جاتها في عمودها الفقري
تفزعو كي شافو حالتو هكذاك خبط الحيط بيدو بكل قوة يحلفو تكون تكسرت مشا لادم وهو قريب يكلاطي
سراج : ادم اقسم بالله نقتل اللي دار هاذا الشي .... كشما لقيت خيط ؟؟
ادم بهدوء : كالمي روحك راهم يحققو في هاذ الامر
يارا : وش راكم تديرو هنا قدام هاذي الغرفة ؟ ....اا...اااادم وكتا جيت ؟؟ لاه جيتو هنا خير؟؟
سراج بفرحة : يااارااا
هبط لمستواها وعنقها بقووة وهي تضحك اما ادم بقا يحوس عليها بعينيه
ادم : وي راهي ؟؟
يارا بابتسامة : هاذيك المهبولة ههههه ؟؟
ادم : المهبولة اللي راكي تهدري عليها عندها اسم انسة لوينو
يارا : بعقلك برك ديما تكون سيريو .... ماخلاتليش حتى فرصة باش نسقسيها باش نسقسيها على اسمها من كثرة هدرتها
ادم : هي هكذاك .... وين راهي اي تتضارب في بلاصة مرة اخرى ؟؟
يارا : كيفاه عرفت ؟
ادم : مالا تضاربت صح ؟؟ وش صرا ؟
يارا : مهأ حتان تقولي كيفاه عرفت قبل ؟
شاف فيها بحدة بلعت ريقها
سراج بطريقة درامية : هاذيك لميس ريجينا المستقبلية الانسانة اللي خطفت قلب الزعيم كيما راه
يارا : اععع وقعت في الحب!!!!! اععع مانيش مأمنة
عقدت حواجبها بعد ماتفكرت حاجة
يارا : مالا لاه وافقت على الزواج بهاذيك
ادم بابتسامة جانبية : خاطر هي نفسسسها
شافت فيه بنظرات متفهمة تحاول تستوعب وش سمعت هاذا وين حلت عينيها على وسعهم وعيطت بقوة ميش مأمنة
يارا : اععععععععععع شنهههههي؟؟؟ هاذي اللميس هي نفسها هاذي الطفلة
رفع ادم حاجبو الايمن يخزرلها : وش تعرفتي عليها نص نهار اثرت عليك وليتي تتصرفي كيفها!!!
..........يتبع♥♥♥
ارااائكم